前 文 再續 啊 書 接上 一回 啊 。
話說韋小寶 一擸眼 ，見到 阿琪 雙眼 啊 含情脈脈 噉 望住 葛爾丹 。
韋小寶 心念 一動 嘞 ，佢 諗 ：呢個 惡鬼 姑娘 想 做 蒙古 王妃 啊 。
就話 ：皇上 講 ，葛爾丹 王子 武功 又 高 ，相貌 又 漂亮 ，佢 要 娶 王妃 啊 應該 娶 一個 年輕 美貌 ，亦 有 武功 嘅 姑娘 先 得 嘅 。
佢 擸 一擸 阿琪 ，果然 見到 佢 塊面 一紅 ，神情 啊 十分 關注 ，就 接住 話 喇 ：
皇上 又 講 啊 ，嗰個 陳圓圓 呢 雖然 號稱 天下 第一 美人 唧 ，不過 而家 年紀 大 咯 ，葛爾丹 又 何必 一定 要 娶 佢 呢 噉 。
阿琪 忍唔住 話 ：邊個 話 佢 要 娶 陳圓圓 唧 ？又 試 亂噏 嘞 。
葛爾丹 擰頭 話 ：邊 有 噉嘅 事 呢 ？
韋小寶 話 ：係啊 ，我 話 ，啟稟 皇上 ，葛爾丹 王子 殿下 有 個 相好 個 姑娘 ，叫做 阿琪 姑娘 。
阿琪啋咗佢一聲 ，但係 神情 呢 ，卻係 十分 歡喜 。
葛爾丹 向 佢 笑吟吟 噉 望咗 一眼 。
韋小寶 繼續 話 ：呢位 阿琪 姑娘 武功 天下 第三 ，只係 唔及 桑結 大 喇嘛 、葛爾丹 王子 殿下 唧 ，比起 皇上 啊 ，嘿嘿 ，似乎 啊 ，仲 叻過 啲啲 啊 。
啊奴才 講嘅 係 老實 説話 啊 ，皇上 你 唔好 見怪 啊 。
桑結 本來 聽得 有啲 氣悶 嘅 ，但係 聽 佢 居然 對 皇上 話 自己 係 武功 天下 第一 ，明知 呢個 小鬼 嘅 説話 十成 當中 信 半成 都 多 ，但係 不禁 怡然自得 ，個 鼻 就 哼咗 一聲 表示 唔信 嘞 。
韋小寶 繼續 話 ：
皇上 話 我 唔信 ，呢個 姑娘仔 嘅 武功 更好 ，唔通 仲 叻過 佢 師父 咩 噉 ？
我話 ：皇上 有所不知 喇 ，呢個 姑娘仔 嘅 師父 啊 ，係 一位 身穿 白衣 嘅 尼姑 。
武功 啊 本來 好 高 嘅 ，算得 係 天下 武功 第三 。
不過 有 一次 ， 佢 同 桑 結 大喇嘛 比武 噃， 畀 桑結 大喇嘛 一掌 劈 過去 ， 嗰 個 師 太 抵擋 唔 住 喇 ， 全身 內功 都 散 得 無影無蹤 。
因此 武功 天下 第三 嘅 名號 呢 ，就 畀 佢 嘅 徒弟 搶 咗 去 喇 。
阿琪 聽 佢 講 穿 自己 嘅 師承 來歷 ， 個心 有 啲 驚 喇 佢 諗 ： 佢 點 會 知道 我 師父 嘅 呢 ？
桑結啊 雖然 未 同 九難 打過 啊 ，但係 十二 名 師弟 冚𠾴 唥 喺 佢 師徒 手下 死於 非命 ，實在 係 生平 嘅 奇恥大辱 。
而家 聽 韋小寶 講 九難 畀 自己 一掌 劈到 內功 消散 ，噉 真係 喺 自己 面上 貼金 嘞 。
佢 同 葛爾丹 以前 最 擔心 嘅 呢 ，都 係 怕 韋小寶 揭露 自己 嘅 醜史 ，因此 都 想 盡快 殺咗 佢 滅口 。
等到 聽 佢 將 自己 嘅 大敗 講成 係 大勝 ，啊噉 就 唔 急於 殺佢 咯噃 。
桑結 睇咗 阿琪 一陣 佢 諗 ：
我 而家 先至 知 ，原來 你 係 嗰個 白衣 尼姑 嘅 徒弟 ，哼 ，都 怕 有 啲 古怪 喇 。
阿琪 又 問 ：你 話 嗰個 陳圓圓 呢 佢 又 點 啊 ？
嗰個 陳圓圓 呢 ，我 喺 昆明 係 親眼 見過 嘅 。
唔怕 同 姑娘 老實 講 吖 ，佢 就 大過 我 好多 歲 ，不過 天下 第一 美人 呢 六 個 字 啊 的確 係 名不虛傳 㗎 。
我 一見 佢 啊 ，當堂 就 靈魂出竅 手腳 冰冷 全身 發抖 。
個心 啊 一味 話 ： 哎呀 ， 世間 上邊 有 咁 美貌 個人 㗎 ？ 啊 邊度 有 咁 美貌 個人 㗎 ？
阿琪姑娘啊 ，你嘅 師妹 阿珂 呢 算得係 好靚好靚 嘅 人 嘞 ，但係 比起 呢個 陳圓圓 啊 ，容貌 體態 ，仲係 爭得 好遠好遠 㗎 。
阿琪 當然 知道 阿珂 容顏 絕美 ， 仲靚過 自己 嘅 ， 又 知道 韋小寶 對 阿 珂 神魂顛倒 ， 噉 連 佢 都 噉 樣 講 咯 ， 怕 呢 個 説 話 ， 都 係 真 㗎 噃。
但係 佢 個 嘴 呢 ，仲係 唔肯 服 燒賣 啊 ，佢 話 ：
你呢個 細路 係 個 小色迷 ，見到 人哋 三分 姿色 就 講 成係 十分 嘞 。
陳圓圓 今年 至少 都有 四十幾歲 啦 ，就算 以前 靚啫 ，而家 都 唔係 點 靚 㗎 喇 。
唔係啊唔係啊 。
好似 你 阿琪 姑娘 吖 ，今年 不過 係 十八九歲 ，當然 係 靚 到 不得了 啦 ，再 過 三十 年 ，一定 仲 係 好 靚 嘅 。
嗱 ，你 如果 唔信 ，我 同 你 輸 賭 吖嗱 。
如果 三十年 後 你 嘅 樣 唔 靚 呢 ，我 割 個 人頭 畀 你 。
阿琪 笑嘞 ，任何 女人 聽 人 讚 自己 美貌 ，自不然 開心 定 啦 。
而 當 住 自己 嘅 情郎 面前 嚟到 稱讚 ，更加 係 心花怒放 。
何況 佢 對 自己 嘅 樣本來 就 頗 有 自信 嘅 ，諗住 三十年 後 ，自己 亦 唔會 難睇 幾多 嘅 。
韋小寶 只係 希望 佢 應承 輸賭 ，噉 葛爾丹 講 唔定 會 睇在 意中人 份上 啊 ，就 畀 自己 再 過 三十年 ，到 嗰陣時 再 定 輸贏 都 未 遲 吖 。
誰知 桑 結 哼咗 一 聲 冷冰冰 噉 話 ：哼 ，就 可惜 你 過唔到 今晚 啊 。
阿琪 姑娘 三十 年 後 嘅 芳容 ，你 冇 福氣 見到 喇 。
韋小寶 笑咗 一 笑話 ：噉 亦 唔 緊要 啊 ，希望 大喇嘛 同 王子 殿下 記得 我 呢句 説話 ，到 三十 年 後 個 今日 ，就 知道 韋小寶 係 有 先見之明 喇 。
桑結 、葛爾丹 、阿琪 三個人 忍唔住 都 笑起上嚟 。
我 去 昆明 ，係 幾個月 之前 嘅 事 啫 嘛 ，我 係 送 建寧 公主 去 嫁 畀 吳三桂 嘅 仔 嘅 ，你哋 三位 都 知道 㗎 啦 ？
本來 呢件 係 天大 嘅 喜事 ，哈 ，不過 我 一 入到 昆明城 ，只見 每條 街上 ，都 有人 喺度 嚎啕大哭 。
隔幾家 就 有 一副 棺材 ，好多 女人 同 細佬 哥 啊 披麻戴孝 ，喊到 昏天黑地 。
葛爾丹 同 阿琪 一齊 問 ：為咩事 啊 ？
我 亦 好奇怪 啦 ，一問 雲南 啲 官 ，噉 大家 支支吾吾 都 唔肯 講 噃 。
收尾 我 派 親兵 出去 探聽 下 ，噉 先至 知道 啊 。
原來 呢一日 朝頭早 ，陳圓圓 聽 講話 公主 駕到 ，噉 啊 親自 出嚟 迎接 啦 。
誰知 佢 喺 頂轎 一 出嚟 ，嘩 昆明 啊 十幾萬 男人 ，都 好似 發咗癲 噉 ，個個 湧過去 睇 佢 ，都 話 天上 仙女 下凡 ，噉 你 推 我 擁 ，踩死 啊 好幾千 人 喇 。
平西王 帳 下 嘅 武官 兵丁 ， 初時 都 搏命 噉 彈壓 ， 收尾 啊 ， 見到 陳圓圓 噃， 大家 嘅 刀槍 都 跌 咗 落地 ， 個個 擘 大個 口 ， 口水 又 掂流 ， 一味 睇 住 陳圓圓 啊 。
桑結 、 葛爾丹 、 阿琪 三個 人 ， 你 睇 下 我 我 睇 下 你 ， 都 諗 ：
呢個 細路 嘅 説話 實係 加油 添醬 ，不過 陳圓圓 恐怕 真係 美貌 非凡 ，能夠 見下 佢 就 好喇 。
韋小寶 見 三個人 漸漸 相信 嘞 佢 就 話 ：
王子殿下 ，平西王 麾下 有 個 總兵 叫做 馬寶 ，你 有冇 聽過 佢 個 名 啊 ？
葛爾丹 同 阿琪 都 點點頭 。
佢 兩個人 同 馬寶 一齊 去過 少林寺 ，點會 唔識 呢 ？
葛爾丹話 ：嗰日 喺 少林寺 ，你 都 見過 佢 㗎 。
係佢啊 ？吖 我 都 唔記得咗 添 。
噉 當日 我 只係 留心 王子 殿下 大顯神功 ，打倒 少林寺 嘅 高僧 ，冇 時間 睇 第二個 人 咯 。
就算 稍為 有 一啲啲 時間 ，亦 只係 向 阿琪 姑娘 嘅 花容月貌 ，偷偷 睇 多 幾 眼 啫 。
阿琪 啋咗 佢 一聲 ，不過 個心 呢 就 十分 歡喜 嘞 。
葛爾丹 問 ：馬總兵 又 點啊 ？
韋小寶 歎 一口氣 ，佢 話 ：唉 ，馬 總兵 啊 ，就係 喺 呢 一日 出事 嘅 。
佢 係 奉咗 平西王 將令 啊 保護 陳圓圓 啦 ，點知 佢 睇咗 陳圓圓 幾 眼 ，哈 ，佢 都 糊塗 起上嚟 噃 ，居然 過去 摸咗 下 佢 嗰 隻 又 白 又 嫩 嘅 手 。
收尾平西王 知道咗 ，打咗 佢 四十 軍棍 。
馬總兵 啊 靜靜 同 人哋 話 ：我 摸 嘅 係 陳圓圓 嘅 左手 ，本來 以為 王爺 呢 要 斬咗 我 一隻 手 嘅 。
早知道 只係 打 我 四十 軍棍 啊 ，噉 我 連 佢 右手 都 摸埋 咯 ，八十 下 軍棍 ，未必 打得死 我 。
平西王 駕下 總共有 十大 總兵 ，噉 其餘 嗰 九名 總兵 啊 都 羨慕 到 佢 不得了 。
收尾 ，呢句 説話 傳到 平西王 嗰處 ，佢 就 傳下 將令 ，今後 邊個 摸 陳圓圓 隻 手 呢 ，非 斬 咗 佢 雙手 不可 噉 。
平西王 嘅 女婿 夏國相 ，亦都 係 十大 總兵 之一 ，你哋 估 佢 點 啊 ？
佢 係 叫 高手 匠人 ， 做定 一對 假手 ， 佢 話 自己 有時 啊 ， 會 見到 呢 個 天仙 一樣 噉 嘅 岳母 。
萬一 忍唔住 去 摸 佢 隻 手 咯 ，不如 自己 做 定 隻 假手 先 ，以免 臨時 嚟唔切 訂做 ，呢啲 叫做 有備無患 喎 。
葛爾丹 就 聽到 擘大個口 傻咗 噉 出神 。
桑結啊 一味 噉 擰頭 佢 話 ：荒唐 ，荒唐 。
都唔知 係 話 十大 總兵 荒唐 呢 ，定係 話 韋小寶 荒唐 喇 。
阿琪 話 ： 你 係 見過 陳圓圓 ， 點解 唔 去 摸 佢 嘅 手 啊 ？
唉 ，噉 係 有緣故 㗎 嘛 。
我 去 見 陳圓圓 之前 ，吳應熊 先 嚟 見 我 ，話 我 千里迢迢 噉 送 公主 嚟 畀 佢 做 老婆 ，佢 非常之 感激 。
噉佢攞咗 一副嘢 出嚟 ，金光閃閃 ，鑲滿晒 翡翠 、美玉 、紅寶石 、貓兒眼 ，原來 ，係 一副 黃金 手銬 。
咩嘢 手銬 咁 珍貴 㗎 ？
噉唔係 ，當時 我 就 問 佢 係 咩 嘢 東東 嚟㗎 噉 ，以為 佢 係 送畀 我 嘅 禮物 噃 。
誰知 佢 咔 一 聲 ，將 我 雙手 鎖住 ，我 大吃一驚 啦 就 問 ：
額 駙 ， 你 做 咩 事 捉 我 啊 ？ 我犯 咗 咩 罪 啊 ？
吳應熊 就 話 喇 ：欽差大人 ，你 唔好 會錯意 啊 ，兄弟 一番 好意 咋 。
你要去見我嘅陳姨娘 ，呢副手銬啊 係非戴不可㗎 ，免得 你 忍耐唔住 伸手去摸佢 。
如果 淨係 摸下 佢 隻 手 ，父王 畀 面 你 係 個 欽差大臣 ，就 唔會 點樣 。
我 怕 就怕 你 摸下摸下 ，摸到 唔停手 ，噉 父王 啊 不免 會 犯 殺害 欽差 大臣 嘅 大罪 。
大人 固之然 係 唔妥 啦 ，我 吳家 亦 弊弊 冇 咁 弊 嘞 。
我 嚇咗 一跳 啦 ，就 戴住 手銬 去 見 陳圓圓 喇 。
阿琪 越聽越好笑 就話 ：我真係唔信啊 。
好吖 ，下次 你 去 北京 ，問 吳應熊 攞 呢副 金手銬 嚟 睇下 就 唔 到 你 唔信 嘞 。
佢 係 隨身攜帶嘅 ，一見到 陳圓圓 啊 ，即刻 攞出嚟 戴起佢 ，只要 戴慢 一步 啊 ，哼 ，就 唔得了 喇 。
桑結 話 ：哼 ，陳圓圓 係 佢 庶母 ，唔通 佢 都 敢 有 非禮 嘅 舉動 咩 ？
佢啊 當然 唔敢 啦 ，所以 就 隨身 帶住 呢副 金手銬 啫 。
阿琪 話 ：佢 去咗 北京 ，又 何必 再 隨身 帶住 唧 ？
韋小寶 打個 特 ，個 心話 ：弊 ，牛皮 吹破咗 嘞 。
但係 佢 腦筋 轉得 極之 快 ，佢 即刻 就 話 ：
吳應熊 本來 想 立即 返 昆明 嘅 ，佢 又 冇 想到 喺 北京 長住 ，噉 留 喺 北京 係 不得已 嘅 啫 嘛 。
桑 結睩咗 佢 一眼 話 ：
噉就係 你 恩將仇報 咯噃 ，人哋 借 手銬 畀 你 ，咁夠 交情 ，但係 你 呢 就 攔住 佢 唔 畀 佢 返 雲南 。
吳應熊 對 我 有 咩嘢 恩 啊 ？佢 同 我 啊 有 不共戴天 之 仇 啊 真 呢 。
桑結奇怪嘞 ：佢 有 咩嘢 得罪 你 啊 ？
仲唔得罪啊 ？借手銬畀我 ，仲惡毒過 殺我老豆啊 。
當時 我 如果 唔係 戴住 呢副 手銬 ，陳圓圓 嘅 面珠 我 都 摸過 啦 。
唉 ，大喇嘛 、王子殿下 ，只要 我 摸過 陳圓圓 嘅 面珠 啊 ，就算 吳三桂 斬咗 我 呢 雙手 又 有 咩 緊要 喎 ？
就算 佢 再 斬埋 我 呢 雙腳 ，做成 雲南 宣威 火腿 啊 又 算得 乜嘢 吖 ？
三個人 聽到 出晒神 ，想象 陳圓圓 嗰種 絕世 容光 ，聽咗 佢 呢句 説話 竟然 間唔笑噃 。
韋小寶 壓低 把聲 整成 好 神秘 嘅 模樣 ，佢 話 ：
有個 天大 嘅 秘密 ，三位 聽咗 啊 千祈 唔能夠 洩漏 啊 。
本來 係 唔能夠 講嘅 ，不過 難得 同 三位 談得 咁 投機 ，噉 不妨 同 知己 講下 唧 。
葛爾丹 連忙 問 ：咩 機密 啊 ？
皇上 調兵 譴 將 ，要 打 吳三桂 啊 。
桑結 等 三個人 互相 睇下 ，笑一笑 嘞 ，都 諗 ：
邊度 係 咩 機密 唧 ？ 皇帝 唔 打 吳三桂 ， 吳三桂 都 要 起兵 打 皇帝 嘞 。
你哋 知唔知道 皇上 為咩 要 對 雲南 用兵 啊 ？噉 又 難 估 啲 呢 。
阿琪 話 ：唔通 亦係 為咗 陳圓圓 ？
韋小寶 一拍 張 枱 ，顯得 驚異 萬分 佢 話 ：咦 ，你 點 知道 㗎 ？
我係 隨便 估下 㗎 咋 。
韋小寶 大為 讚歎 啊 佢 話 ：姑娘 真係 女諸葛 喇 ，料事 如 神 。
皇上 做咗 皇帝 ，乜嘢 都有 嘞 ，就係 少咗 呢個 天下 第一 美人 。
上次 皇上 為 咩 事要 派 我 呢 個 細路 仔去 雲南 ， 而 唔 派 啲 德高望重 ， 勞苦功高 嘅 大臣 呢 ？
就係要我去親眼睇下 ，到底 呢個女子啊 係唔係 真係 靚得咁攞命 ，再要我探下 吳三桂 嘅 口風 ，肯唔肯 將 吳三桂 獻 入 宮 。
派啲 白鬍鬚 大臣 去 辦 呢件事 ，總有 啲 唔係 點 好意思 㗎 嘛 係咪 呢 ？
點知 我 只係 提得 一句 唧 ，吳三桂 就 發火 嘞 嘭嘭聲 噉 拍 枱 話 ：
你 送 一個 公主 嚟 ，就 想 換 我 嘅 生觀音 啊 ，哼哼 ，就算 一百個 公主 啊 我 都 唔肯 換 啊 。
桑結 同 葛爾丹 對望 一眼 ，隱隱約約 覺得 上咗 吳三桂 嘅 大當 嘞 。
原來 其中 ，仲有 呢啲 女人 嘅 糾葛 。
吳三桂 當年 衝冠 一怒為紅顏 就係 為咗 陳圓圓 ，斷送 咗 大明 三百年 嘅 江山 ，呢件事 係 天下 皆知 嘅 。
小皇帝 年少 風流 ，噉 呢種 事情 都 係 在 情 在理 嘅 。
韋小寶 見 桑結 同 葛爾丹 都 神色 嚴重 ，佢 又 話 ：
我 見 吳三桂 一 發火 ，就 唔敢 再 講 嘞 。
嗰陣時 我 喺 雲南 ，雖然 帶住 幾千 兵馬 ，又 點 打得過 吳三桂 手下 嘅 千軍萬馬 呢 ？只有 粒 聲 唔出 啦 嘛 係 唔係 吖 ？
葛爾丹岌一岌頭 。
有 一 晚 ，嗰個 鬍鬚佬 罕帖摩 嚟 見 我 ，佢 話 係 王子 殿下 派 佢 去 昆明 同 吳三桂 聯絡 嘅 。
佢 喺 昆明 就 發覺 情勢 唔對路 喇 ，話 蒙古人 呢 係 咩 汗 嘅 子孫 ，都 係 英雄 好漢 ，噉 點解 為咗 吳三桂 一個 美貌 女子 去 打仗 送死 吖 噉 。
噉佢 又 𠼮求 我 ，偷偷 帶 佢 去 北京 見 皇帝 ，要 親自 對 皇帝 講 ，話 陳圓圓 ，同 蒙古 王子 、西藏 喇嘛 都 冇 關係 嘅 。
蒙古 葛爾丹 王子 早就 有咗 一位 阿琪 姑娘 ，唔會 再 要 陳圓圓 㗎 喇 。
西藏 大喇嘛 呢 亦 有咗 ，誒 有咗 好多 好靚 嘅 西藏 姑娘 。
桑結 大喝話 ：亂講 ！我哋 黃教 喇嘛 嚴守 清規戒律 ，決唔會 貪 花 好色 嘅 。
韋小寶 連忙 話 ：哦 ，嗰啲 係 罕帖摩 講 㗎 咋 ，唔關 我 事 啊 。
大喇嘛 ，罕帖摩 噉樣 講 呢 ，係 為咗 討好 皇帝 叫 佢 放心 ，唔使 擔心 你 會 搶 陳圓圓 啫 嘛 。
桑結 哼咗 一 聲 話 ：下次 見到 罕帖摩 ，要 好好 問問 佢 ，到底 係 佢 車 大炮 呢 ，定係 你 車 大炮 ？
噉樣嚟 敗壞 我 個 名譽 都有 嘅 。
韋小寶 個 心 ，偷偷 歡喜 嘞 ，佢 諗 ：
佢 要 去 質問 罕帖摩 ，睇嚟 一時 就 唔會 殺 我 嘞 。
就 連忙 話 ： 係 ， 係 ， 下次 你 叫 我 同罕帖 摩 當面 對證 吖 。
你哋 幫 吳三桂 造反 ，實在 係 冇 咩 好處 嘅 。
就算係造反成功咯 ，你哋 兩位 身邊 如果 唔 帶備 一副 手銬 啊 ，都 仲係 心驚肉跳 㗎 。
講到 呢處 ，忽然 見到 桑結 好 嬲 噉樣 就 連忙 話 ：
大喇嘛 色即是空空即是色 ，見到 陳圓圓 啊 ，當然 係 唔會 動心 嘅 。
不過 ，不過誒 ，唉 。
不過 咩嘢 啊 ？
上次 我 去 昆明 ，陳圓圓 啊 出嚟 迎接 公主 ，唔係 逼死 好幾千人 嘅 咩 ？
呢啲 死者 嘅 家屬 要 打齋 啊 ，哈 ，和尚 道士 忽然間 請唔到 噃 。
阿琪 問嘞 ：噉 點解 啊 ？
好多好多和尚 見到 陳圓圓 啊 凡心 大動 ，一日 咁耐 唧 ，昆明 有 幾千 名 和尚 還俗 ，唔出家 嘞 。
你 諗下 吖 ，突然間 少咗 幾千 和尚 ，咁多 家 要 打齋 梗係 唔夠 人手 啦 嘛 。
葛爾丹 等 三個人 都 將 信 將疑 啊 ，覺得 佢 講得 未免 太過 神 嘞 。
但係 對於 陳圓圓 嘅 美豔 ，就 決 冇 懷疑 喇 。
阿琪 向 葛爾丹 瞄咗 一眼 ，細細聲 話 ：
昆明 呢啲 地方 咁 古怪 嘅 ，我 真係 唔 去 啊 。
你 要 幫 吳三桂 你 自己 去 啦 。
葛爾丹 連忙 話 ：邊個 話 要 去 昆明 唧 ？我 又 唔 想 見 陳圓圓 。
我睇啊 ，我哋 嘅 阿琪 姑娘 ，亦 唔見得 會 輸蝕 畀 陳圓圓 。
阿琪 即刻 黑起塊面 話 ：你 話 我 唔見得 會 輸蝕 畀 陳圓圓 ，明明 係 話 我 唔及 佢 啫 。
你就係 想 去 見 佢 ，我 走喇 。
阿琪 講完 就 企起身 嘞 。
葛爾丹 搞到 唔知 點好 ，連忙 話 ：唔好 走 啦 唔好 走 啦 。
我 對 天 發誓 嘞 ，我 呢 一生一世 決 唔 睇 陳圓圓 一眼 。
阿琪 即刻 就 歡喜 翻 ，又 坐 翻 低 嘞 。
韋小寶 話 ：你 話 決唔睇 陳圓圓 一眼 啊 ，你 噉 講 又 啱噃 。
無論 係 邊個 ，一見到 佢 ，淨係 睇 一眼 又 點夠 呢 ？一百 眼 、一千 眼 都 睇唔夠 啊 。
葛爾丹 鬧 佢 話 ：你 呢個 小鬼 就會 亂咁噏 。
我 發誓 永遠 唔見 陳圓圓 嘅 面 就係 喇 。
如果 係 見到 佢 ，叫 我 兩隻眼 即刻 盲咗 佢 。
阿琪 好 歡喜 啊 ，含情脈脈 噉 望 實 佢 。
韋小寶話 ：我 聽 小皇帝 講 ，真係 唔明白 你哋 兩位 幫 吳三桂 係 為咗 乜嘢 。
如果 係 要 得到 陳圓圓 噉 就 冇 法子 啦 ，天下 只有 一個 陳圓圓 啫 嘛 ，連 小皇帝 都 冇 。
噉啊 除咗 呢個 美女 之外 ，吳三桂 有 乜嘢 ，小皇帝 比 佢 多 十倍 都 唔止 。
你哋 兩位 只要 幫 皇帝 ，金銀財寶 ，要 幾多 有 幾多 。
桑結 冷冰冰噉 話 ：西藏 同 蒙古 雖然 係 窮 ，不過 唔 貪圖 金銀財寶 嘅 。
韋小寶 諗嘞 ：佢 兩個人 唔要 金銀財寶 亦 唔要 美女 ，噉 最 想要嘅 係 咩嘢 呢 ？
啊冇錯喇 ，小丈夫 一日 不可 無錢 ，大丈夫 啊 一日 不可 無權 。
我 韋小寶 係 小丈夫 ，佢 兩個 係 大丈夫 嚟 噃 。
佢 就 話 ：小皇帝 講 ，葛爾丹 只係 個 王子 仲 唔夠 大 ，如果 幫 我 打 吳三桂 ，我 就 封 佢 做 蒙古國王 。
葛爾丹 歡喜 到 啊 聲 都 震埋 噉 問 ：
皇 ， 皇 ， 皇帝 真 係 噉 講過 啊 ？
當然咯 ，我 點解 要 呃 你 唧 ？
桑結話 ：天下 亦 冇 蒙古國王 呢個 銜頭 嘅 ，皇帝 如果 能夠 幫 殿下 做咗 准葛爾汗 ，殿下 就 心滿意足 嘞 。
韋小寶 話 ： 可以 ， 可以 ， 呢 個 捽 腳 汗 啊 皇帝 一定 肯 封 嘅 。
佢 嘅 心諗 ：捽腳汗 係 咩 傢伙 嚟 㗎 仲 使 皇帝 封 嘅 ？
嗱 各位 ，欲知 後事 如何 ，且 聽 下回 分解 。
