前 文 再續 啊 書 接上 一回 啊 。
話說 韋小寶 去到 甘露廳 外 便 ，噉啊 企 喺 嚿 圓石墩 上面 裝入去 。
只見 廳內 紅燭 高燒 ，母親 搽脂 蕩粉 ，着住 一件 粉紅色 嘅 綢衫 ，噉 頭上 戴住 一朵 紅花 ，正在 陪笑 幫 兩個 客人 斟酒 。
韋小寶 仔細 噉 睇 下 佢 母親 ，佢 諗 ：
原來 阿媽 咁 老 喇 ，呢門 生意 啊 做 唔 長 嘞 ，亦 只有 呢 兩 個 盲 咗 眼 嘅 傻仔 先 會 叫 佢 嚟 陪酒 㗎 啫 。
阿媽 嘅 小調 唱得 又 唔好聽 ，如果 係 我 嚟 老舉寨 玩 啊 ，如果 佢 唔係 我 母親 ，倒貼 我 一千 兩 銀 我 都 唔會 叫 佢 啊 。
只聽佢母親笑住話 ：兩位公子 飲咗 呢杯酒 ，我嚟 唱 支 相思 五更調 ，同 兩位 送酒 啦 。
韋小寶 暗暗 歎咗 口氣 ，佢 諗 ：
阿媽 嘅 小調 唱嚟唱去 就係 得 呢 幾 支 ，總 唔 肯 學 多 幾 支 嘅 。
唉 ，佢 連 做 老舉 都 唔 畀 心機 嘅 。
轉念 一 諗 ， 爭 啲 笑 出聲 啊 。
唔怪得 我 學武功 亦 唔肯 畀 心機 啦 ，原來 我 嗰條 懶筋 啊 ，係 我 阿媽 傳畀 我 嘅 。
韋春芳 呢 頭 一 話 斟酒 唧 ，忽然間 聽見 一把 嬌嫩 嘅 聲音 話 ：唔使 喇 。
呢 三個 字 一 入耳 ，韋小寶 全身 當堂 一震 啊 ，爭啲 喺 石墩 上面 滑咗落嚟 。
佢 企 翻 穩 ， 打斜 隻 眼望 入 去 ， 只見 一隻 纖纖玉手 擋住 隻 酒杯 ， 由 嗰 隻 纖纖玉手 順住 衫袖 望 上去 ， 哎呀 原來 嗰 個 係 阿 珂 啊 。
韋小寶 個 心 啊 乒乒嘭嘭 猛 咁 跳 真係 又 驚 又 喜 ，佢 諗 ：
阿珂 點解 嚟咗 揚州 呢 ？又 點解 嚟 麗春院 叫 我 媽 陪酒 呢 ？
佢 女扮男裝 嚟到 呢處 ，唔 叫 第個 就 叫 我 阿媽 ，實係 衝住 我 嚟 嘅 。
原來 佢 終歸 仲有 良心 ， 記得 我 係 同 佢 拜 過 天地 嘅 老公 啊 。
哎呀 妙極咯 ，妙到極點咯 ，你我 夫妻 團圓 ，今日 洞房 花燭 ，我 將 你 啊 抱到 實實 。
突然間 聽見 一個 男子 聲音 話 ：吳賢弟 暫時 唔 飲 ，等到 嗰 幾位 蒙古 朋友 嚟 先 。
嘩 ，韋小寶 雙耳 啊 轟噉 一 聲 ，知道 大事 不妙 嘞 ，眼前 天旋地轉 啊 ，一時 連 嘢 都 睇唔見 。
噉啊即刻眯埋雙眼定一定神 ，然後擘大雙眼一望 ，坐喺阿珂身邊嗰個少年公子 ，竟然就係 台灣嘅 二公子 鄭克塽 啊 。
呢個 時候 ，韋小寶 嘅 母親 韋春芳 笑住 話 ：小相公 既然 唔 飲 咯 ，大相公 就 飲多 一 杯 啦 。
講完 ，同 鄭克塽 斟 咗 一杯 酒 ，一下 就 坐 喺 鄭克塽 懷 內 。
阿珂 話 ：喂 ，你 要 尊重 啲 噃 。
哎呀 小相公 面皮薄 ，睇唔慣 呢啲 嘢 啊 ？
嗱 你 以後 日日 嚟 呢處 玩 ，至 怕 嫌 人哋 唔夠 風情 添 噃 。
小相公 啊 ， 我 叫 個 姑娘 仔 嚟 陪 你好 唔 好 啊 ？
唔好啊 ，唔好啊我唔要啊 ，你正正經經坐埋一便啦。
啊 ，你 呷醋 喇 ，怪 我 陪 大相公 唔 陪 你 。
韋春芳 企 起身 ，向 阿珂 懷內 坐落 去 。
韋小寶 睇到 又 嬲 又 好笑 佢 諗 ：
天下 竟然 有 噉 嘅 怪事 嘅 ， 我 嘅 老婆 嚟 嫖 我 阿媽 ， 哼 。
只見 阿珂 用 手 一推 ，韋春芳 企唔穩 嘞 ，一跤 坐 喺 地 。
韋小寶 好嬲啊 佢 諗 ：死女 你嘩 ，你推 你家婆 ，真係 咁冇上冇下嘅 。
不過 韋春芳 就 唔嬲 噃 ，佢 笑嘻嘻 噉 企翻起身 話 ：
小相公 就係 怕醜 ，噉呢 ，你 嚟 坐 喺 我 個 懷處 好唔好 啊 ？
阿珂 嬲 嘞 ：唔好 ！
對 鄭克塽 話 ：我要 走 喇 ！咩嘢 地方 唔好 同人哋 會面 唧 ，點解 一定 要 喺 呢處 吖 ？
鄭克塽話 ：大家 約好咗 喺 呢處 見面 ，不見不散 㗎嘛 。
我 亦 唔 知道 原來 呢處 咁 污糟 邋遢 嘅 。
喂 ，你 同 我 規規矩矩 坐 喺 處 。
最收尾 呢句 説話 呢 ，係 對 韋春芳 講 嘅 。
韋小寶 越 想 越 嬲 嘞 ，佢 諗 ：
嗰日 喺 廣西 柳江 邊 ，你 哀求 老子 放生 你 條 狗命 ，發過 重誓 ，決 唔再 同 我 老婆 講 一句 説話 嘅 ，今日 竟然 一齊 嚟 嫖 我 阿媽 。
嫖 我 阿媽 噉 都 唔 緊要 啊 ，你 同 我 老婆 都 唔 知 講 咗 幾 千 句 、幾 萬 句 説話 喇 。
豈有此理 ，嗰日 冇 割咗 你 條 脷 呢 老子 真係 大大 失策 喇 。
韋春芳 打起 精神 ，噉啊 伸手 去 攬 鄭克塽 條 頸 。
鄭克塽 將 佢 隻 手 一下 推開 ，佢 話 ：
你 去 外便 啦 ，我哋 兩 兄弟 有 幾句 説話 講 。
等 我 叫 你 你 再入 嚟 啦 。
韋春芳 冇 法子 嘞 ，只有 行 出去 啦 。
鄭克塽 低聲 話 ：珂妹 ，小不忍則亂大謀 啊 ，要 做成 大事 ，我哋 只有 忍耐 下 啦 。
阿珂 話 ：嗰個 葛爾丹 王子 唔係 好人 嚟 嘅 ，佢 點解 約 你 嚟 呢處 地方 會面 唧 ？
韋小寶 聽到 葛爾丹王子 五個字 就 諗 ：
呢個 蒙古佬 亦都 嚟咗 啊嘿好啊 ，佢哋 多數 喺度 商量 造反 嘅 。
老子 調兵遣將 ，將 佢哋 一網打盡 。
只聽見 鄭克塽 話 ：
呢幾日 ，揚州 城 裏 便 盤查 得 好 嚴 ，旅店 客棧 嘅 住客 ，只要 唔係 熟客 ，衙役 捕快 就 嚟 問到 冇 停 嘞 。
如果 畀 人哋 睇穿 咗 噉 就 唔 妥 啦 。
妓院 裏 便 ，又 冇 公差 嚟 啰嗦 ，我哋 住 喺 呢處 啊 極之 穩陣 嘅 。
我 同 你 就 唔緊要 啊 ，葛爾丹 王子 一行人 嗰 副 蒙古 樣 啊 ，好 惹眼 㗎 嘛 。
仲有 啊 ， 你 嘅 相貌 天仙 咁 靚 ， 如果 住 客店 啊 ， 成個 揚州 嗰 啲 人 都 嚟 睇 你 ， 遲早 實會 出事 嘅 。
唔使 你 油嘴滑舌 嚟 討好 我 。
鄭克塽 用 手 攬住 佢 膊頭 ，喺 佢 嘴角 邊 輕輕 吻 一吻 ，笑住 話 ：
我 點 油嘴滑舌 唧 ？
如果 天仙 有 你 咁 美貌 啊 ，咩 呂 純陽 啊 、鐵拐李 啊 都 唔 肯 下凡 喇 ，每個 神仙 都 留 喺 天上 ，目不轉睛 噉 睇住 我 個 小寶貝 。
阿珂 咭噉 笑出嚟 ，耷低 個 頭 。
韋小寶 睇到 怒火沖天 喇 ，伸手 一摸 匕首 ，就 要 衝入去 火拼 一場 ，但係 跟住 轉念 一諗 ：
呢個 衰公 嘅 武藝 叻過 我 嘅 ，阿珂 又 幫住 佢 ，噉 我 一 衝入去 ，姦夫 淫婦 實 會 謀殺 親夫 嘅 。
哼 ，天下 咩 人 都 好做 ，就係 武大郎 唔 做得 。
於是 強忍 怒火 ，對 佢 兩個人 嘅 親熱法 呢 ，只有 眯埋 雙眼 唔 睇 嘞 。
只聽見 阿珂 話 ：阿哥 ，到底 。
呢個 阿哥 兩個 字 一 叫 啊 ，韋小寶 直情 好似 飲咗 成埕 醋 噉 ，成個 肚 都 酸晒 ，佢 諗 ：
哎呀 ， 唔 要面 啊 唔 要面 啊 ， 阿哥 都 叫 出 嚟 喇 。
噉 阿珂 下便 幾句 説話 呢 佢 又 冇 聽 入耳 。
只聽見 鄭克塽 話 ：佢 在 明 我哋 在 暗 。
葛爾丹 手下 嘅 武士 非常 厲害 嘅 ， 總之 我 擔保 係 啦 ， 呢 一次 非 喺 佢 身上 㓤 幾個 大窿 不可 。
阿珂 話 ：呢個 嘢 啊 實在 欺人 太甚 喇 ，此仇 不報 ，我 呢 一世人 啊 總係 唔會 快活 㗎 嘞 。
你知道啦 ，我 本來 係 唔肯認 阿爹 嘅 ，皆因 佢 答應 為 我 報仇 ，派 咗 八 名 武功 好手 陪 我 嚟 一齊 行事 ，我 先至 認 佢 嘅 啫嘛 。
韋小寶 個 心 諗 ：係 邊個 得罪 咗 你 啊 ？
你 要 報仇 ，同 你老公 講 咪 得囉 有 咩 做唔到 嘅 啫 ？又 何必 認 吳三桂 呢個 大 漢奸 做 阿爹 啊 ？
鄭克塽話 ：要 殺死 佢 呢 亦 唔係 好難 嘅 啫 ，只不過 各處 官兵 戒備 嚴密 ，得手 之後 又 要 安全 撤退 嘞 噃 噉 就 唔係 點 容易 嘞 。
我哋啊 要 想 個 萬全之策 先至 好 下手 。
阿珂 話 ：阿爹 應承 我 派 人 嚟 殺咗 佢 ，亦 唔 完全 係 為咗 我 嘅 。
佢 要 起兵 攻打 清廷 ，佢啊 係 個 極大 嘅 障礙 。
佢 吩咐 我 千祈 唔好 同 阿媽 講 啊 ，噉 我 就 估到 佢 係 有 私心 㗎 喇 。
噉 你 有冇 同 你 阿媽 講 吖 ？
冇 ，呢種 事 啊 越 秘密 越 好 。
講唔定 阿媽 會 阻止 我 嘅 ，噉 我 如果 唔聽 阿媽 嘅 説話 ，噉 就 唔好啦 ，不如 唔講 嘞 。
韋小寶 個 心 諗 ：佢 要 行刺 咩 嘢 人 呢 ？
呢個人 為咩 係 吳三桂 起兵 嘅 障礙 啊 又 ？
只聽見 鄭克塽 話 ：
呢幾日 我 觀察 佢 出入 嘅 情形 ，防護 啊 認真 周密 ，要 行近 佢 身邊 都 好 難 嘅 。
我 想嚟想去 ，呢個 傢伙 係 好色之徒 ，如果 有人 扮成 歌姬 啊咩噉 ，就 可以 挨近 佢 身邊 嘞 。
韋小寶 又 諗嘞 ：好色之徒 ？佢 講 嘅 係 撫台 吖 ，定係 藩台 呢 ？
阿珂 話 ：除非 係 我 同 師姐 兩個 假扮 啦 ，不過 呢種 女子 嗰種 賤格法 ，我 扮唔嚟 嘅 。
不如噉啦 ，設法子 買通 廚房佬 ，喺 佢 酒 裏 便 放 毒藥 啦 。
毒死 佢 啊 ， 我仲出 唔 到 呢 啖 氣 啊 。
我要斬斷佢一雙手 ，割咗佢條脷 ，佢一味對我亂噏無為嘅 。
嗰個 衰仔 ，我 ，我 真係 嬲死 佢 啊 ！
嗰個 衰仔 呢 幾個 字 一 入耳 ，真係 晴天霹靂 啊 ，原來 要 謀殺 親夫 。
佢 雖然 知道 阿珂 一心一意 向住 鄭克塽 ，不過 點 都 想唔到 對 自己 竟然 會 咁 痛恨 㗎 。
只聽見 鄭克塽 話 ：珂妹 ，呢個 衰仔 啊 係 迷 咗 你 啊 ，對 你 係 從來 一啲 都 唔 敢 得罪 嘅 。
我 知道 你 要 殺佢 ，其實 係 為咗 同我 出氣 啫 。
你 呢 番 情意 我 ， 我 真 係 唔 知 點樣 報答 你好 嘞 。
佢 欺負 你 一分 ，仲 緊要過 欺負 我 十分 啊 。
佢 如果 打 我 、 鬧 我 ， 我 睇 在 師父 份 上 ， 呢 啖 氣都仲吞得 落 嘅 。
不過 佢 對 你 ， 對 你 一次 又 一次 咁 無禮 ， 一諗起 嚟 啊 ， 我 真 係 宜得 即刻 殺 咗 佢 啊 。
珂妹 ，我 而家 就 報答 你好唔好 啊 ？
講完 ，鄭克塽 連 右手 都 伸埋 過去 成個人 抱住 阿珂 。
阿珂 滿面 嬌羞 ，將 個頭 蜎入 佢 懷裏 。
韋小寶 個 心 啊 真係 又 酸 又 嬲 又 苦 ，突然間 頭頂 一緊 ，條 辮 已經 畀 人哋 掹住 嘞 。
佢 大吃一驚 ，跟住 耳仔 又 畀 人 扭實 。
噉 想話 要 嗌 嘅 時候 ，聽見 一個 熟悉 嘅 聲音 喝 佢 ：你 隻 龜蛋 啦 ，跟 我 嚟 。
呢句 你 隻 龜蛋 啦 ，平生 啊 唔知 已經 畀 呢個 人 鬧過 幾千幾百次 㗎 嘞 ，都 唔使 諗 啊 就 乖乖地 跟住 佢 就 行 嘞 。
掹 住 佢 條 辮 扭 佢 耳 仔 嘅 人 ， 手法 熟練 到極 啊 ， 噉 亦 係 平生 唔 知 已經 掹 過 佢 扭過 佢 幾千幾百 次 㗎 嘞 ， 乃 係 佢 嘅 母親 韋春芳 啊 。
兩個人 返到 入 房 ，韋春芳 反腳 踢上 房門 ，鬆手 放開 佢 條 辮 同埋 耳仔 。
韋小寶 話 ：媽 ，我 返嚟 喇 。
韋春芳 向 佢 睇咗 好耐 好耐 ，突然間 一下 將 佢 抱實 ，嗚嗚噎噎 就 喊起嚟 。
韋小寶 笑住 話 ：我 唔係 返嚟 見 你 嘞 咩 ？你 點解 又 喊唧 ？
韋春芳 抽抽噎噎 噉 話 ：
你 死咗 去 邊處 啊 ？
我 搵 勻 揚州 城 ， 城裏 城外 都 搵 晒 都 搵 你 唔 到 ， 求神拜佛 ， 都 唔 知許 咗 幾多 願 叩 咗 幾多 頭啊 。
小寶 ，乖小寶 ，你 終於 返嚟 阿媽 身邊 喇 。
我 又 唔係 細佬哥 ，去 外便 行 下 啫 嘛 你 唔使 擔心 嘅 。
韋春芳 淚眼模糊 ，見 個仔 長高咗 ，亦 粗壯咗 ，個心 一 歡喜 又 喊起上嚟 嘞 ，佢 話 ：
你 隻 龜蛋 啦 ，去 外便 玩 亦 唔 同 阿媽 講 一 聲 ，一去就去 咁 耐 。
呢 一次 啊 ， 唔 畀 餐藤鱔 燜 豬肉 你 食 ， 食到 你 飽飽 ， 你 隻 龜 蛋 呢 亦 唔 知道 老娘 嘅 厲害 。
所謂 藤鱔 燜 豬肉 呢 ，乃係 用 雞毛掃 打 𦣇 柚 。
韋小寶 都 冇 食咗 好耐 喇 ，聽咗 忍唔住 好笑 。
韋春芳 亦 笑嘞 ，攞出 條 手巾仔 ，幫 佢 抹 下面 上 嘅 泥污 ；
抹得幾抹 ，一耷低頭 ，見到 自己 嗰件 綢緞 新衫 嘅 前襟 上 便 ，又係 眼淚 又係 鼻涕 ，仲 黐咗 個 仔 塊 面 好多 炭灰 添 。
不由得 肉赤 起上嚟 ，啪一聲 ，出力 打咗 佢 一巴 ，鬧佢 話 ：
我就係 呢件 新衫 嘞 ，大前年 過年 嘅 時候 做嘅 ，着過 幾次 咁多個 唧 。
你隻龜蛋 你嘩 ，你一返嚟 就冇好嘢 ，整污糟 老母娘 件 新衫 ，叫我 點 去 陪客 呢 ？
阿媽 ，你 唔使 可惜 件 新 衫 嘅 。
聽日 ，我 同 你 做 一百套 新衫 ，好過 呢件 十倍 嘅 。
你 隻 龜蛋 就係 會 吹牛 ，你 有 個 屁 本事 啊 你 ？
睇下 你 個 衰樣 吖 ，唔通 仲 會 發咗 財 返嚟 咩 ？
財 就 冇 發 ，不過 賭錢 手氣 好 贏 咗 啲 銀唧 。
韋春芳 對 個仔 賭錢 作弊 嘅 本事 ，倒是 有 三分 信心 ，就 攤開 手板 話 ：
攞嚟啦 ，你 身邊 唔擠得 錢 嘅 ，唔到 半個時辰 ，就 搦去 使 乾使淨 㗎 喇 。
呢 一次 啊 ，我 贏得 多過 頭 啊 ，點 都 使唔晒 㗎 喇 。
韋春芳 舉起 隻手 ，又 試 一巴 升過去 。
韋小寶 一 低頭 ，避開咗 ，佢 諗 ：
一見到我伸手就打嘅呢 ，北 有 公主 就 南 有 老母 啊 。
佢 正 話 想 扲 啲 銀 出嚟 嘅 時候 ，外便 龜仔 叫 嘞 ：
韋春芳 ，人客 叫 你 啊 ，快啲 去 啦 。
哦 ，嚟喇 。
韋春芳 喺 面鏡 處 照 一照 ，匆匆忙忙 補咗 啲 脂粉 就 話 ：
嗱， 你 同 我 瞓 喺 處 ， 老娘 返 嚟 啊 要 好好 審下 你 ， 你 ， 你 唔 好 走 啊 。
韋小寶 見到 母親 眼裏 便 充滿 擔憂 嘅 神情 ，怕 自己 又 走到 不知去向 ，就 笑住 話 ：
我 唔 走 呢 你 放心 啦 。
韋春芳 鬧咗 聲 龜蛋仔 ，歡喜 翻嘞 ，掃下 件 衫 行咗 出去 。
韋小寶 喺 床上 瞓低 ，拉過 張 被 嚟 冚住 。
噉啊只係瞓咗一陣間唧 ，韋春芳 又 行入嚟 嘞 ，隻手 揸住 個酒壼 。
佢 見 個仔 瞓 喺 床處 ，就 放心 嘞 ，轉身 想 行 出去 咯 喎 。
韋小寶 知道 係 鄭克塽 要 佢 去 添酒 ，突然間 心念 一動 ，就 話 ：
媽 ，你 同 客人 添酒 啊 ？
係 ，嗱 你 同 我 乖乖地 瞓下 ，阿媽 等陣 返嚟 呢 整啲 好嘢 畀 你 食吓 。
你 添咗 酒 返嚟 ，畀 我 飲翻 幾啖 吖 。
為食 鬼 ， 細佬哥 學人 飲 咩 酒 呢 ？攞 住 酒壺 走 咗 嘞 。
韋小寶 連忙 向 板壁 條 罅處 裝下 ，見到 隔籬 房 仍然 係 冇 人 。
即刻 一個 箭步 衝出 間房 ，走入 隔籬房 ，打開 個 櫃 ，攞咗 龜婆 嗰 樽 迷春酒 ，就 返嚟 自己 間房 ，收埋 喺 被竇 裏 便 ，掹開 個 樽 枳 ，佢 諗 ：
鄭克塽 你 個 小雜種 吖 ，要 喺 我 酒 裏 便 放 毒藥 ？老子 今日 啊 ，嚟 個 先 下手 為強 。
過咗冇幾耐 ，韋春芳 攞住 個 裝到滿滿 嘅 酒壺 行入嚟 房 ，佢 話 ：
嗱 ，快啲 飲 兩啖 啦 。
韋小寶 瞓 喺 床上 接過 酒壺 ，坐起身 ，飲咗 一啖 。
韋春芳 睇住 個仔 偷 嫖客 嘅 酒飲 ，塊面 不由得 流露出 愛憐 橫溢 嘅 表情 。
韋小寶 話 ：阿媽 ，你 塊面 有 笪 好大 嘅 煤灰 唧 。
韋春芳 連忙 行去 梳妝鏡 前面 照下 。
韋小寶 攞起 酒壺 喺 張 被 處 猛咁 倒 ，跟住 將 迷春酒 啊 倒咗 大半 樽 入 酒壺 。
韋春芳 見 塊 面 乾乾淨淨 ，邊處 有 咩 煤灰 呢 ，即時 醒起 個 仔 又 喺度 搞鬼 。
要 指開 自己 ，以便 大啖噉 偷酒 飲 ，於是 嗱嗱聲 行 翻轉頭 ，搶翻 個 酒壺 ，佢 話 ：
你隻龜蛋啦 ，係 喺 老娘 嘅 肚 裏 便 蜎出嚟 嘅 ，我 仲 唔知 你 詭計 咩 ？
哼 ，以前 就 唔識 飲酒 嘅 ，出去 外 便 胡混 咗 咁 耐 ，咩嘢 壞事 都 學會 晒 。
媽 ，嗰個 小相公 脾氣 唔好 ，你 點 都 要 灌佢 飲 多 幾杯 。
佢 飲醉咗 唔出得 聲 咯 ，噉 再 去 呃 嗰個 大相公 嘅 銀 就 容易 啦 嘛 。
老娘 做咗 一世 人生意 喇 ，呢啲 嘢 仲 使 你 教 咩 ？
韋春芳 個 心 啊 覺得 個仔 講得 幾 啱 噃 ，佢 又 諗 ：
隻 龜 蛋 仔返 屋企 咁 高興 ， 今晚 嗰 個 四方 邊頂 唔 叫 我 陪 過夜 就 好 嘞 ， 老娘 要 陪個 仔 啊 。
噉攞住 個 酒壺 匆匆忙忙 就 走咗 喇 。
韋小寶 瞓 喺 床上 ，一陣 氣憤 啊 一陣 得意 ，佢 諗 ：
老子啊真係福將 ，鄭克塽 呢個 死人頭 咩人 唔好嫖唧 ，偏偏 嚟 攞 我 便宜 ，想 做 老子 嘅 契爺 。
今日啊 ，我 仲 唔𠻘噉 一劍 ，再 糝啲 化屍粉 落去 。
諗 到 喺 鄭克 塽 個 傷口 上面 糝 啲 化 屍粉 之後 ， 過 咗 冇 幾耐 ， 佢 就 化成 一灘 黃水 ， 阿珂醒 翻 嘅 時候 ， 佢 嘅 阿哥 呢 從此 啊 無影無蹤 不知去向 嘞 。
佢 就算 諗爛咗 心肝 喇 ，亦 估唔到 係 點樣 一回事 。
叉叉叉 ，你 叫 阿哥 啦 ，叫啦叫啦 ，叫 多 幾 聲 啦 ，就 快 冇得 叫 喇 你 。
佢 越 想 越 高興 ，爬起身 ，又 到 甘露廳 外 便 裝入去 ，只見 鄭克塽 啱啱 飲 勝咗 一 杯 酒 ，阿珂 呢 ，就 輕輕 飲 咗 一啖 唧 。
韋小寶 好 歡喜 啊 ，只見 母親 又 同 鄭克塽 斟酒 。
鄭克塽 揮手 話 ：出去 出去 ，唔使 你 侍候 。
韋春芳 應咗 一聲 ，放低 酒壺 嘅 時候 呢 ，衫袖 遮住 一碟 火腿片 。
韋小寶 微微 一笑 個 心 諗 ：我 就 有 火腿 食 喇 。
噉啊 連忙 嗱嗱聲 走翻 入 房 。
過咗冇幾耐 ，韋春芳 攞住 嗰碟 火腿片 入嚟 笑住 話 ：
嗱 ，龜蛋仔 ，你 死 喺 外便 ，有 咁 好 嘢 食 冇 啊 ？
笑眯眯噉 坐喺 床邊 ，睇住 個仔 食得 津津有味 ，唉 ，比 自己 食啊 仲要 甜啊 。
韋小寶 話 ：媽 ，你 有冇 飲酒 啊 ？
我 飲咗 好幾杯 㗎喇 ，再 飲 就 醉 喇 ，你 又 偷走 嘞 。
韋小寶 諗 ：唔 將 媽媽 迷倒 呢 ，做唔到 事 嘅 。
就話 ：我 唔 走 就係 啦 。
媽 ， 我 好 耐 好 耐 冇 陪 你 瞓 嘞 ， 你 今晚 唔 好 陪 嗰 兩個 嘢 咯 ， 喺 呢 處 陪 我 啦 。
韋春芳 歡喜 到 癲 喇 ， 個 仔對 自己 咁 依戀 ， 仲 係 佢 七八歲 以前 嘅 事 ， 想 唔 到 出去 外便 捱 咗 輪苦 之後 ， 終歸 想起 阿媽 嘅 好處 。
不由得 眉開眼笑 話 ：好 ，今晚 阿媽 陪 乖 小寶 瞓 。
媽 ，我 雖然 喺 外邊 咋 ，不過 日日 啊 都 掛住 你 㗎 。
嚟啦 ，我 同 你 除 衫 啦 。
韋小寶 托 大腳 嘅 功夫 用 之 於 皇帝 、教主 、公主 、師父 ，人人 都 靈到 極 ，而家 用 喺 阿媽 身上 ，居然 亦 立 收 其 效 啊 。
韋春芳 應酬 得 嫖客 多 嘞 ，男人 嘅 手 摸 上身 ，就 當 佢 係 木頭 。
但係 個仔 隻手 伸過嚟 同 自己 解 衫 紐 ，不由得 全身 痠軟 ，咭咭聲 咁 笑起嚟 。
韋小寶 同 母親 解咗 外衣 ，就 同 佢 解 褲頭帶 嘞噃 。
韋春芳 呸 一聲 喺 佢 嘅 手 處 輕輕 拍咗 一拍 笑住 話 ：我 自己 解 。
忽然 有 啲 怕醜 嘞 ，蜎 入 張 被 處 ，除咗 褲 ，喺 被竇 裏 便 攞出嚟 放 喺 被 上 便 。
韋小寶 攞出 兩 錠 白銀 ，總共有 三十幾 兩 嘅 ，噉 塞 喺 母親 隻 手裏 便 話 ：媽 ，係 我 畀 你 㗎 。
韋春芳 一陣 歡喜 ，忽然間 流起 眼淚 佢 話 ：好 。
我 同 你 收起 佢 ，吓 ，過得 ，過得 幾年 同 你 娶 新抱 。
嗱 各位 ，欲知 後事 如何 ，且 聽 下回 分解 。
