前文 再續 啊 書 接 上 一回 啊 。
話 説 慕天顏 啊 托 韋小寶 大腳 ， 話 佢 係 唐朝 忠武王 韋 皋 嘅 後代 噉 。
吳之榮 啊 畀 慕天顏 噉樣 一駁 個 心 就 好 唔忿氣 ，但係 又 唔敢 公然 同 上司 頂撞 啊 ，佢 話 ：
聽講 韋大人 係 正黃旗 人 噃 。
言下之意 當然 係 話 ：佢 係 滿洲人 ，又 點能夠 同 唐朝 嘅 韋皋 拉得上 關係 呢 ？
慕天顏 笑住 話 ：吳府 尊 只 知 其一 ，不知 其二 啊 。
而家 聖天子 在位 ，對 天下 萬民 都 一視同仁 ，滿漢 一家 ，又何必 分 彼此 呢 ？
呢幾句 説話 實在 有啲 強詞奪理 嘞 ，吳之榮 就 唔敢 再 辯 嘞 佢 諗 ：
再講多幾句 ，話唔定 會 得罪 欽差 添 。
於是就 一味 話 ，係係係 噉 。
慕天顏話 ：平西王 係 我哋 揚州府 高郵人 ，吳府 尊 同 平西王 係 唔係 同宗 啊 ？
吳之榮 就 唔係 揚州 高郵 人 嘅 ，本來 同 吳三桂 冇 咩 關係 。
但係 當時 吳三桂 權勢 熏天 啊 ，佢 趨炎附勢 ，認為 姓 吳 都 叻咗 三分 ，佢 就 話 ：
照 族譜 嘅 排行 ， 卑職 比 平西王 低 一輩 ， 應該 稱王 爺做族 叔 啊 。
慕天顏岌一岌頭 ，唔再理佢喇 。
佢 對 韋小寶 話 ：韋大人 ，呢啲 金帶圍 芍藥 雖然 唔係 好似 宋朝 嗰陣 咁 少見 ，不過 開到 咁 茂盛 ，真係 異常 難得 啊 。
今日 咁啱 喺 韋大人 嚟到 賞花 嘅 時候 開放 ，呢個 就 唔係 巧合 哦 ，係 有 天意 㗎 。
卑職 有 一點 小小 意見 ，請 大人 定奪 。
韋小寶 話 ：請 老兄 指教 。
指教 兩個 字 點 敢當 吖 ？
誒嗰啲 芍藥花根 ，藥材鋪 裏 便 係 有得 賣 嘅 ，大人 要 嚟 餵 馬 ，睇嚟 藥材鋪 裏 便 制煉過 嘅 呢 就 更 有效力 。
卑職 吩咐 大量 採購 ，運 去 京師 備用 。
至於 呢度 嘅 芍藥花 ，念 佢哋 對 大人 報喜 有功 ，是否 可以 暫時 留低 呢 ？
他 日 韋大人 掛帥 破賊 ， 拜 相封王 ， 就 好似 韓魏公 啊 、 韋忠武 王 一樣 。
噉再嚟呢處賞花 ，嗰陣時 金帶圍 必定 又 試盛開 迎接 貴人 嘞 ，豈不是 一件 美事 ？
據卑職睇嚟 ，將來 一定 係 大戲 都有得做 嘅 。
韋小寶 興高采烈 喇 ，佢 話 ：你 話 戲子 扮咗 我 嚟 做戲 啊 ？
係定啦 ，噉梗係 要 一個 俊雅 漂亮 嘅 文武生 嚟 扮 韋大人 咯 。
噉 仲有 啲 鬚生 啊 、 公腳 啊 、 大花面 啊 、 白鼻哥 啊 噉 ， 就 嚟 扮 我 哋 呢 啲 官 囉 。
嗰班 官 都 哈哈大笑 。
韋小寶 笑住 話 ：噉 呢齣戲 叫做 咩名 啊 ？
慕天顏 向 巡撫 馬佑 話 ：噉就 要 請 府台 大人 題 個 戲名 喇 。
因為 佢 見 巡撫 一直 都 冇 講説話 ，佢 諗 ：唔能夠 冷落 咗 佢 啊 。
馬佑 笑住 話 ：
韋大人 將來 要 封王 ，噉 呢齣戲 ，就 叫做 韋王 簪花 呢 好唔好 啊 ？
班 官員 一齊 話 好啊 。
韋小寶 個 心 一 歡喜 ，就 唔 計較 當年 嘅 舊怨 ，亦都 唔再 提 芍藥 嘅 事 喇 ，佢 話 ：
將來 ，就算 真係 有 噉樣 一齣戲 我哋 都 怕 睇唔到 咯 ，而家 不如 聽下 小曲 呢 ，好唔好 啊 ？
班 官員 都 話 ，好啊好啊 ，聽 小曲 啦 噉 。
吳之榮啊 早有準備 ，即刻 吩咐 落去 。
只聽見 花棚 外 便 ，環佩 叮噹 ，跟住 傳嚟 一浸 香風 。
韋小寶 精神 咯 佢 心諗 ：嗯 ，有 靚女 睇 喇 。
果然 見到 個 女子 娉娉婷婷 噉 行 入嚟 花棚 ，向 韋小寶 行咗 個 禮 ，嬌滴滴 噉 話 ：
欽差大人 同 眾位 大人 萬福金安 ，小女子 侍候 唱曲 。
只見 呢個 女子 三十 零歲 啦 ，打扮 華麗 ，姿色 呢卻 係 平平唧 。
笛師啊 吹起 支 笛 ，噉 佢 就 唱喇 ，唱嘅 係 杜牧 嘅 兩首 揚州 詩 。
青山 隱隱 水 迢迢 ，秋盡 江南 草木 凋 。
二十四 橋 明月 夜 ，玉人 何處 教 吹簫 ？
落拓 江湖 載 酒 行 ，楚 腰 纖細 掌中 輕 。
十年 一覺 揚州 夢 ，贏得 青樓 薄幸 名 。
笛韻 悠揚 歌聲 婉轉 極之 好聽 。
不過 韋小寶 睇見 呢個 歌妓 ，個 心 有 啲 唔耐煩 嘞 。
嗰個 女子 唱完 之後 呢 ，又 入嚟 一名 歌妓 。
呢個 女子 三十四五歲 啦 ，舉止 嫻雅 ，歌喉 就 更加 熟練 ，就算 係 最 細微 曲折 嘅 地方 ，亦 唱得 抑揚頓挫 變化多端 嘅 。
唱嘅係 秦觀 一首 望海潮 詞 ：
星分 牛斗 ，疆 連 淮海 ，揚州 萬井 提 封 。
花 發 路 香 ，鶯 啼 人 起 ，珠簾 十里 春風 。
豪傑 氣 如 虹 ，曳 照 春 金 紫 ，飛 蓋 相 從 。
巷入 垂楊 ，畫橋 南北 翠煙 中 。
呢首詞啊 的確 係 唱得 極盡 佳妙 ，但係 韋小寶 聽得 十分 氣悶 ，忍唔住 大聲 打咗 個 喊路 。
呢首 望海潮 ，呢個 時候 只係 唱咗 半闕 ，吳之榮 係 極之 乖覺 嘅 ，見 欽差 大人 冇乜 興致 ，就 揮 一揮手 ，嗰個 歌妓 呢 就 停口 唔 唱 嘞 就 行 個 禮 出 翻去 。
吳之榮 陪笑話 ：呵呵呵呵 ，韋大人 啊 ，呢 兩個 歌妓 都 係 揚州 最 出名 嘅 ，唱 嘅 係 揚州 繁華 嘅 事 ，唔知 大人 以為 如何 呢 ？
佢 又 點 知道 韋小寶 聽曲 啊 ， 第一 ， 要 唱曲 嘅 人 年青 貌美 ， 第二 ， 要 唱 啲 風流 小調 ， 第三 呢 ， 要 唱 得 浪蕩 風騷 。
當日 ，陳圓圓 一個 傾國傾城 咁靚嘅 人 ，再加埋 連 講 帶 唱 一路 噉 解釋 ，先至 令 佢 聽完 一曲 圓圓曲 。
眼前 呢 兩個 歌妓 姿色 平庸 神情 呆板 ，所唱 嘅 又 唔知 係 咩 嘢 東東 ，佢 打 個 喊路 呀 ，已經 係 客氣 到 極 嘞 。
聽見 吳之榮 問起 佢 就 話 ：都 仲 幾好 ，就係 老得啲 啦 ，呢啲 陳年 宿貨 ，兄弟 係 冇 咩 胃口 嘅 。
吳之榮 話 ：係啊 ，係啊 。
杜牧之 係 唐人 ，秦少游 係 宋人 ，的確 係 太 陳舊 咯 。
誒 有 一首 新 詩 ，係 而家 一個 新晉 詩人 所作 。
呢個人 叫做 查慎行 ，成名 冇 幾耐 嘅 啫 ，寫 嘅 係 揚州 田家女 嘅 風韻 ，好 新鮮 㗎 。
講完 ，做個 手勢 ，侍役 一 叫 ，又 入嚟 一名 歌妓 。
韋小寶 話 陳年 宿貨 指 嘅 係 歌妓 ，吳之榮 呢 ，就 以為 話 啲 詩詞 太過 陳舊 。
韋小寶 對 佢 所講 嘅 咩 杜牧之 啊 、 秦少游 啊 當然 係 不知所云 啦 ， 只 係 懂得 揚州 田家 女 嘅 風韻 好 新鮮 嘅 呢 句 説 話 。
佢 個 心 諗 ：既然 係 好 新鮮 嘅 揚州 田家女 ，亦 不妨 睇 下 吖 。
嗰個 歌妓 行 入 花棚 ，韋小寶 唔 睇 由 自 可 啊 ，一 睇 ，不由得 怒 從 心 上 起 啊 惡 向 膽 邊 生 ，當堂 就 要 發作 。
原來 呢個 歌妓 啊 ，五十 仲 未到 ，四十 就 有 多 㗎 嘞 ，鬢邊 已經 見到 白頭髮 ，額頭 好多 皺紋 ，蒙 豬眼 大口 扒 。
見到 呢個 歌妓 抱住 個 琵琶 ，韋小寶 就 更 嬲 嘞 佢 諗 ：你 噉 嘅 衰樣 都 學 陳圓圓 ？
點知道 弦索 一逳 ，十足 玉響 珠躍 ，鸝鳴 燕語 ，都 幾 好聽 㗎 。
佢 唱 嘅 詞 係 噉 嘅 ：
淮山 浮 遠 翠 ，淮水 漾 深 綠 。
倒影 入 樓台 ，滿 欄 花 撲撲 。
誰知 阛闠 外 ，依舊 有 盧屋 。
時 見 淡妝 人 ，青裙 曳 長幅 。
歌聲 清雅 ，每 一句 都 配合 琵琶 嘅 韻節 ，一時 好似 流水 淙淙 ，一時 呢 又 好似 銀鈴 叮叮 。
最後 青裙 曳 長幅 嗰 一句 啊 ，琵琶 聲 啊 若有若無 ，慢慢 流動 。
嗰班 官員 啊 個個 都 聽到 心曠神怡 ，有啲 係 凝神閉目 ，有啲 係 搖頭晃腦 。
琵琶 聲 一 停 ，眾 官 齊 聲 喝彩 啊 。
慕天顏話 ：詩 好 ，曲 又 好 ，琵琶 亦都 好啊 。
真係 荊釵佈裙 不掩 天香國色 。
無論 做詩 唱曲 ，從 淡雅 中 見 天然 ，呢啲 真係 第一等 嘅 功夫 喇 。
韋小寶 哼咗 一 聲 ，就 問 嗰個 歌妓 話 ：你 會唔會 唱 十八摸 啊 ？唱 一曲 嚟 聽 下 啦 。
班 官員 一 聽 啊 ，面色 都 變晒 。
嗰個 歌妓 啊 更加 驚到 傻咗 噉 ，突然間 ，叭叭聲 流眼淚 一 轉身 就 走出去 ，噼啪 一 聲 ，琵琶 跌咗 落 地下 。
嗰個 歌妓 亦 唔 執翻起 佢 啊 ，直情 走 出去 啊 。
韋小寶 哈哈大笑 佢 話 ： 哈哈哈哈 ， 你 唔 會 唱 ， 我 又 唔 會 罰 你 嘅 ， 使 乜 嚇成 噉 嘅 樣 唧 ？
嗰支 十八摸 呢 ，係 極之 淫穢 嘅 小調 。
班 官員 雖然 人人 都 聽過 啊 ，但係 喺 呢個 盛宴 雅集 嘅 地方 ，又 點 能夠 公然 提出嚟 嘅 呢 ？
噉豈不是玷污咗官聲 ？
嗰個 歌妓 嘅 琵琶 同 歌喉 ，喺 揚州 啊 久 享 盛名 嘅 ，不但 善於 唱 詩 啊 ，而且 佢 自己 亦 會 做 詩 ，名動 公卿 。
揚州 嘅 富商 巨賈 ，依 撈七 想見 佢 一面 都 唔得 㗎 。
韋小寶 問 呢 一句 ，對於 佢 ，自不然 係 極大 嘅 羞辱 啦 。
慕天顏 就 低聲 話 ：韋大人 鐘意 聽 小曲 啫嘛 ，幾時 ，我哋 搵 個 會 唱 嘅 嚟 ，好好地 聽 佢 一 聽 。
韋小寶 話 ：連 十八摸 都 唔會 唱 啊 ，呢個 老 舉乸 亦 太過 水皮 喇 。
呢 ，幾時 我 請 你 去 鳴玉坊 麗春院 啦 ，嗰度 嘅 老舉 啊 會 唱 嘅 小調 好多 㗎 。
呢句 説話 一 講 出口 ，即刻 覺得 唔妥 喇 ，個 心 諗 ：
麗春院 係 無論如何 唔能夠 請佢 去 㗎 。
好在 揚州 妓院 好多 ，九 大 名院 、九 小 名院 ，隨便 邊間 都 好玩 嘅 。
噉啊舉起酒杯就笑住話 ：嚟嚟嚟 ，飲酒 ，飲酒 。
嗰班 文官 聽 佢 講 啲 説話 咁 粗俗 ，都 有 啲 尷尷尬尬 呢 ，噉 啊 借住 飲酒 人人 都 詐諦 冇 聽見 。
不過 嗰班 武將 呢 就 唔同 喇 ，蓮子 蓉 噉 口面 ，都 覺得 同 欽差 大人 ，頗為 志同道合 啊 。
就喺呢個時候 ，只見 一名 差役 耷低 個 頭 行出 花棚 ，韋小寶 睇見 佢 嘅 背影 ，心中 一動 ，佢 諗 ：
呢個人 嘅 背影 咁 熟面口 係 邊個 啊 ？
但係 收尾 呢個 差役 啊 冇 再 入嚟 ，過咗 一陣 ，韋小寶 就 唔 記得 咗 呢件事 嘞 。
又 飲咗 幾杯 酒 ，韋小寶 只係 覺得 同 呢啲 文官 應酬 索然無味 ，既 唔 做戲 又 唔 開 賭 ，實在 係 無聊 到 極 喇 。
佢 左擰 右擰 ，坐得 兩 坐 點 都 忍耐唔住 喇 ，企 起身 嚟 話 ：
兄弟 酒 已經 夠 喇 ，告辭 。
講完 ，向 巡撫 、佈政使 、按察使 等 幾位 大員 拱一拱手 ，就 行咗 出去 。
班 官員 就 嗱嗱聲 一齊 行 出 花棚 ，送 佢 上咗 大轎 。
韋小寶 返到 行轅 ，話畀 親兵 聽話 要 休息 ，無論 咩嘢 客 嚟 一概 擋駕 唔見 ，就 入 房 換翻 一套 破爛 衣服 。
呢套衫褲 呢 ，係 幾日 之前 叫 雙兒 去 市頭 買 返嚟 嘅 。
買返嚟之後 ，再扯爛幾處 ，喺地下啊踩一輪 ，噉又倒咗好多燈油落去 ，搞到污穢油膩不堪 。
噉啲 帽 啊 、鞋襪 啊 、鬢辮 嘅 頭繩 啊 ，都 換咗 啲 破舊 嘅 次貨 。
又 喺 炭爐 裏 便 揦咗 一紮 爐灰 ，用 水 開咗 佢 ，喺 塊面 處 啊 、手上 便 啊 ，亂咁 搽 。
然後 喺 面鏡 處 一 照 ，哈 ，果然 回復 當年 喺 麗春院 裏 便 做 夥記仔 嘅 樣 嘞 。
雙兒 服侍 佢 換衫 ，笑住 話 ：
相公啊 ，做戲裏 便 欽差大臣 包龍圖 喬裝 私訪 ，係唔係 就係 噉嘅樣㗎 ？
差唔多啦 ，不過 包龍圖 生出嚟 呢 塊 面 就 烏卒卒 好似 嚿 炭 噉 ，唔使 再 搽 黑灰 㗎 嘞 。
我 同埋 你 去 好唔好 啊 ？
你 一個人 去 ，如果 遇到 啲 咩 嘢 事 就 冇人 幫手 。
我要 去 嗰啲 地方 啊 ，靚女 係 唔 去得 嘅 。
講完 ，想 摸下 佢 塊面 咯噃 ，雙兒 啊 笑一笑 避開咗 佢 。
韋小寶 將 一大沓 銀票 塞 喺 身邊 ，又 攞咗 一包 碎銀 ，然後 捉住 雙兒 ，喺 佢 嘅 面處 輕輕 吻咗 一吻 ，就 喺 後門 行 出去 嘞 。
守衞 後門 嘅 親兵 喝 佢 ：做咩 㗎 ？
韋小寶 話 ：我 係 何家 奶媽 個 仔 嘅 表哥 嘅 妹夫 你 理得 我 咁多 咩 ？
嗰個 親兵 打 個 特 ，個心 都 未 計 清 呢啲 親戚 關係 啊 ，韋小寶 早 就 出咗 門口 嘞 。
揚州 嘅 大街 小巷 佢 冇 條 路 唔熟 嘅 ，幾乎 眯埋眼 都 唔會 蕩失 路 。
冇 幾耐 ， 就 嚟 到 瘦西湖 邊 嘅 鳴 玉 坊 ， 隱隱約約 聽見 各處 門户 裏 便 ， 傳出 簫鼓 絲竹 ， 夾住 猜拳 唱曲 呼幺喝六 嘅 聲音 。
呢啲 聲音 一 入耳 啊 ，真係 比 仙樂 飄飄 仲 好聽 十倍 啊 ，個 心 講唔出 咁 舒服
好喇 ，行到 麗春院 外 便 ，只見 門庭 依舊 ，同 當年 離開 嘅 時候 呢 並 冇 兩樣 。
噉佢 靜靜 行到 旁邊 ，推開 邊門 就 行咗 入去 。
佢 拈手拈腳 行到 母親 間 房 外 便 ，裝入 去 睇下 ，房間 裏 便 冇 人 啊 ，噉 知道 母親 係 喺度 陪 客 喇 ，佢 諗 ：
衰鬼 鬥吖 唔知 係 邊個 四方邊 頂 而家 嫖緊 我 阿媽 ，做 我 阿契爺 呢 ？
就行入間房 ，見 床上 嘅 被褥 仲係 以前 嗰 一 套 ，只係 已經 破舊 得多 嘞 。
佢 諗 ： 阿媽 嘅 生意 啊 唔 係 點好 嘞 ， 我 契爺 唔 多 啊 。
打側 個 頭 一 睇 ，見 自己 嗰 張 床仔 仲 係 擺 喺 一便 ，床前 擺住 自己 一對 舊 鞋 ，床上 嘅 被褥 ，倒是 漿 洗得 乾乾淨淨 。
行過去 坐喺 床上 ，見到 自己 一件 青竹布 長衫 就 摺好咗 放喺 床尾 ，個心 有啲 唔好意思 嘞 ：
阿媽 喺度 等 我 返嚟 啊 。
老子 喺 北京 快活 ，又 冇 派 人 送 錢 嚟 畀 阿媽 ，嘿 我 個 記性 啊 真係 唔好 㗎 嘞 。
就 打橫 瞓 喺 張 床 處 ，等 母親 返嚟 。
按照 妓院 裏 便 嘅 規矩 啊 ， 嫖客 留宿 ， 噉 啊 另外 有 間 陳設 精緻 乾淨 嘅 大 房 嘅 。
班妓女 自己 住 嘅 房仔 就 頗為 簡陋 。
年青 貌美 嘅 紅牌 阿姑 嘅 住房 當然 係 比較 好 喇 ；
好似 韋小寶 嘅 母親 韋春芳 ，年紀 啊 已經 唔 細 ，生意 冷落 ，龜婆 待 佢 自不然 亦 好 馬虎 ，所住 嘅 呢 ，係 一 間 薄板房 唧 。
韋小寶 瞓咗 一陣 ，聽見 隔籬房 有人 大聲 喝罵 ，係 龜婆 把聲 啊 。
佢 話 ： 老娘 用 白雪 雪 嘅 銀 買 咗 你 返 嚟 ， 你 推三阻四 ， 總 係 唔 肯 接客 ， 哼 ， 買 咗 你 返 嚟 做 觀世音 菩薩 ， 喺 老 舉 寨 供 起 你 嚟 貪好 睇 咩 ？
嚟 ，同 我 出力 打佢 ！
跟住 皮鞭 打人 嘅 聲 、嗌 痛 聲 、哭叫 聲 、喝罵 聲 ，嘈 到 乜嘢 噉 。
呢種 聲音 ，韋小寶 從 小 就 聽慣 ，知道 係 龜婆 買 咗 年輕 嘅 姑娘 返嚟 ，逼 佢 接客 ，鞭 佢 一餐 實在 係 平常 到 極 啦 。
姑娘 仔 如果 一定 唔 肯 呢 ， 咩 用針 嚟 㓤 指甲 啊 ， 燒 紅 嚿 鐵 嚟 焫 啲 皮肉 啊 噉 啊 種種 酷刑 啊 ， 都 會 逐樣 使出 嚟 嘅 。
呢種 聲音 喺 妓院 裏 便 係 必不可免 ，佢 唔 聽 咗 好耐 嘞 ，而家 又 再 聽到 ，真係 有啲 重温 舊夢 之 感 啊 ，亦 唔 覺得 嗰個 姑娘 有 咩 可憐 。
只 聽見 嗰 個 姑娘 仔 喊住 話 ： 你 打死 我 啦 ， 你 打死 我 啦 ， 嗯 ， 我 死 都 唔 接客 㗎 喇 ， 至多 唔 係 一頭 撞死 佢 。
龜婆 吩咐 個 龜 仔 再 打 ， 噉 又 打 咗 二三十 鞭 ， 姑娘 仔 仍然 係 哭叫 不屈 啊 。
個龜仔 話 ：今日 唔能夠 再 打 喇 ，聽日 再 講 啦 。
龜婆 話 ：拉 呢個 賤貨 出去 。
個龜仔啊 將 姑娘仔 扶咗 出去 ，噉 過咗 一陣 又 返入嚟 房 。
龜婆 話 ：呢個 賤貨 用 硬 嘅 唔得 ，我哋 用 軟 嘅 ，畀 啲 迷春酒 佢 飲 。
嗰個 龜仔 話 ：佢 就係 唔肯 飲酒 至 衰 啫 嘛 。
蠢材 ！將 迷春酒 撈埋 喺 啲 肉處 畀 佢 食 咪得囉 。
吖係啊係啊 ，七姐 ，真係 叻㗎喇你 。
韋小寶 哄 隻 眼 喺 板壁 罅處 裝 過去 ，見到 龜婆 打開 個 櫃 ，攞 咗 一 樽 酒 出嚟 ，斟 咗 一 杯 遞 畀 龜仔 。
龜婆 話 ：叫咗 春芳 陪酒 嗰 兩位 公子 身邊 嘅 錢 係 認真 唔少 嘅 。
佢哋 話 喺 處 借宿 等 朋友 喎 。
呢種 後生哥 ，唔會 睇中 春芳 嘅 ，等陣 ，我 去 同 佢哋 講下 ，要 佢哋 梳 籠 呢個 賤貨 ，如果 好彩 嘅話 ，賺 佢 三四百 兩 銀 亦 唔 稀奇 嘅 。
龜仔 就 笑住 話 ：嘿嘿嘿嘿 ，恭喜 七姐 招財進寶 ，我 亦 託 你 嘅 福 ，還 一筆 賭債 啊 。
死得你吖 ，辛辛苦苦 賺翻嚟 嗰 幾 兩 銀 ，都 送晒 去 三十二 張 天九 牌 處 咯 。
嗱 ，話 你 聽 啊 ，呢 件 事 如果 做得 唔好 呢 ，因住 我 割咗 你 條 烏龜 尾 啊 。
韋小寶 知道 迷春酒 係 一種 藥酒 ，飲咗 之後 就 人事不知 嘞 ，所以 各間 老舉寨 呢 ，都 用嚟 迷魂 唔肯 接客 嘅 雛妓 。
呢 啲 事 ， 以前 聽起 上 嚟 ， 只 係 覺得 十分 神奇 ， 而家 呢 ， 知道 不過 係 喺 酒 裏 便 放 咗 啲 蒙汗藥 啫 ， 好 平常 啦 佢 諗 ：
今日 我 個 契爺 係 兩個 少年 公子 啊 ？係 咩 傢伙 呢 ？倒是 要 去 睇 下 至 得 。
噉 佢 靜靜 去 到 接待 富商 豪客 嘅 甘露 廳外 便 ， 企 喺 向來 企慣 企 熟 嗰 嚿 圓石 墩 上 便 ， 哄 隻 眼 裝入 去 。
以往 每逢 有 豪客 嚟 呢 ，佢 就 必定 企 喺 嚿 圓石墩 上面 窺探 嘅 。
呢處 嘅 窗罅 特別 大 ，裝入去 啊 一目了然 ，而 客人 呢 打側 坐 ，就 睇唔到 窗外 嘅 人影 。
佢 過去 已經 窺探 咗 唔知 幾多 百 次 嘞 ，從來 未 撞過 板 嘅 。
嗱 各位 ，欲知 後事 如何 ，且 聽 下回 分解 。
