前 文 再續 啊 書 接上 一回 啊 。
話説 韋小寶 一彪人馬 ，再 追咗 幾里 路 ，北便 一隊 驍騎 營 啊 大聲 歡呼 話 ：捉住 吳應熊 喇 ，捉住 吳應熊 喇 ！
韋小寶 等人 啊 歡喜 到 極 ，噉 跟住 聲 趕過去 ，遠遠 望見 大路 旁邊 嘅 麥田 裏 便 ，幾百 名 驍騎 營 軍士 圍成 一個 圈 。
呢 一帶 啊 ， 尋日 啱 啱 落 咗 場雨 ， 麥田 裏 便 啊 好 泥濘 嘅 。
韋小寶 佢哋 跑馬 埋去 ，噉 眾 軍士 呢 已經 押住 滿身 泥污 幾個 人 行過嚟 。
行先嘅 ，係 吳應熊 啊 ，不過 係 換咗 服裝 ，着到 好似 個 街市仔 噉 ，一啲 都 唔 似 係 個 雍容華貴 嘅 金馬玉堂 人物 。
韋小寶 跳落馬 向 佢 請咗 個 安 ，笑住 話 ：額駙爺 ，你 做戲 啊 ？
吖啱喇 ，皇上 忽然間 心血來潮 ，要 想 睇戲 喎 ，噉 吩咐 小人 嚟 請 你 。
你 而家 就 去 演 畀 皇上 睇 啦 ，嗨 真係 啱晒 款 喇 ，哈哈哈哈 。
你 扮 嘅 係 乞衣 吖 ，噉 唔係 金玉 奴棒 打 薄 情郎 裏 便 嗰個 莫稽 ？哈哈 。
吳應熊 早就 驚到 全身 發抖 ，聽住 韋小寶 取笑 佢 一句 説話 都 答唔出 嘞 。
韋小寶 興高采烈 ，押住 吳應熊 返 北京 ，噉 嚟到 皇宮 嘅 時候 呢 ，已經 係 第二日 中午 嘞 。
康熙 已經 得到 御前侍衞 飛馬 報知 ，噉 立即 傳見 。
韋小寶 泥塵 滿面 ，故意 唔抹 佢 啊 。
康熙 一見 ，自不然 覺得 此人 忠心 辦事 啊 勞苦 功高 到 極 啦 ，就 伸手 拍下 佢 膊頭 笑住 問 ：
叉叉叉你 ，小桂子 ，你 到底 有 咩嘢 本事 ，居然 將 吳應熊 捉咗 返嚟 㗎 ？
韋小寶 唔 隱瞞 嘞 ，就 將 毒馬 嘅 詭計 講出嚟 佢 話 ：
奴才 本來 只係 想 贏 佢 一萬 兩 銀 ，等 佢 唔敢 誇口 ，噉 同時 呢 ，奴才 有 錢 使 咯 ，同 皇上 出差 去 辦事 嘅 時候 呢 亦 唔使 貪污 啦 噉 。
點知 皇上 洪福齊天 ，噉 奴才 胡鬧 一番 ，居然 都 令到 吳三桂 嘅 奸計 唔 能夠 得逞 喎 。
可見 呢個 老嘢 啊 如果 要 造反 ，佢 實 輸 無疑 嘅 。
康熙 哈哈大笑 ，覺得 呢件事 呢 ，真係 冥冥中 似乎 有 天意 噉 ，自己 嘅 福氣 確實 好大 啊 ，就 笑住 話 ：
我係 有福 嘅 天子 ，你 呢 係 福將 ，好喇 ，返去 休息 啦 。
吳應熊 呢個 嘢 啊 ，已經 交咗 畀 御前侍衞 看管 ，聽由 聖意 處分 嘞 。
嗯 ，我哋 暫時 不動聲色 ，仍然 放佢 返去 額駙府 ，睇下 吳三桂 有 咩 動靜 。
最好佢知道 個仔 畀 我 捉咗 翻嚟 嘞 ，我 又 唔 殺 佢 ，從此 就 感恩 起嚟 ，就 唔再 造反 啦 。
係 ，皇上 寬宏大量 ，腰腎 魚湯 啊 。
你 派 一隊 驍騎營 ，前後 把守 額駙府 門 ，有人 出入 ，要 仔細啲 盤查 。
佢 府裏 便 嘅 騾馬 ，都 拉晒 出嚟 ，一匹 不留 。
康熙 講 一句 ，韋小寶 就 應 一句 。
康熙話 ：呢次 嘅 有功人員 你 開張單嚟 ，各 有 升賞 ，連 嗰個 放 巴豆 嘅 馬夫 頭頭 ，亦 賞 個 官仔 佢 做下 ，哈哈哈哈哈哈 。
韋小寶 跪低 謝恩 ，將 張勇 、趙良棟 、王進寶 、孫思克 四個人 嘅 名 講咗 ，又 話 ：
張勇 等 三 將 係 雲南 嘅 將領 ，但係 亦都 明白 效忠 皇上 ，出力 去 捉 吳應熊 ，可見 吳三桂 如果 想 造反 啊 ，佢 部下 嘅 將官 ，必定 紛紛 投降 啫 。
張勇 同 嗰 兩 員 副將 唔 肯 附逆 ，噉 啊 好極 嘞 。
張勇 本來 係 甘肅 嘅 提督 ，另外 嗰 兩 員 副將 ，多數 都 唔係 吳三桂 嘅 舊部 嘅 。
皇上 聖明 啊 。
韋小寶 出咗 皇宮 ，親自 將 吳應熊 押翻 去 額駙府 ，佢 話 ：
駙馬爺 ， 我 喺 皇上 面前 同 你講 咗 唔 少 好話 ， 噉 先至 保住 你 嘅 人頭 。
你 下次 再 逃走 啊 就 連 我 個人頭 都 保唔住 㗎 喇 。
吳應熊啊 一味 多謝 ，之個 心 呢 就 不停 咁 鬧 。
只係 幾十 匹 好馬 點解 半路 連氣 倒斃 ，搞到 功敗垂成 呢 ？
呢條道理 就 始終 唔明 嘞 。
幾日之後 ，聖旨 落嚟 嘞 ，對 韋小寶 、張勇 等 ，獎勉 一番 ，噉啊 各 升咗 一級 。
康熙 又 唔 想 咁 張揚 ，以致 激到 吳三桂 叛變 ，因此 喺 聖旨 裏 便 呢 只係 含含糊糊 ，只係 話 各人 辦事 得力 噉 唧 。
吳應熊 呢次 一逃走 啊 ，康熙 估計 吳三桂 造反 呢 已經 迫在眉睫 ，噉 啊 總算 將 吳應熊 捉咗 翻嚟 ，使到 佢 心有所忌 ，或者 能夠 將 造反 嘅 事 慢一慢 。
康熙 呢 一排 調兵遣將 ，做 炮 買 馬 十分 忙碌 ，只係 庫房 嘅 銀兩 呢 有 啲 唔夠 嘞 。
如果 三藩 一齊 造反 ，再 加埋 台灣 、蒙古 、西藏 三 笪 地方 ，噉 啊 同時 要 對付 六處 兵馬 ；
嗰陣時 軍費 使用 啊 就 好似 流水 一樣 ，支付 實在 唔 容易 啊 ，所以 只要 慢得 一日 ，就 多 一日 嚟到 籌備 糧餉 。
康熙 嘅 心諗 ：好彩 韋小寶 破咗 神龍島 ，又 籠絡咗 羅剎國 唧 ，神龍島 都 話 唔緊要 啊 ，羅剎國 呢 確實 係 個 大 敵人 。
韋小寶 此人 不學無術 ，不過 呢 係 一員 福將 。
噉於是 ，落咗 一道 上諭 ，派 佢 前赴 揚州 ，建造 忠烈祠 。
暗中 囑咐 佢 ，南下 嘅 時候 繞道 河南 ，剿滅 王屋山 司徒伯雷 嘅 匪幫 ，剷除 身邊 嘅 心腹 之 患 。
韋小寶啊 奏請 張勇 等 四 將 撥 歸 麾下 ，康熙 當然 准奏 嘞 。
噉呢一日 ，韋小寶 帶埋 張勇 等 四將 正話 要起行 ，忽然間 施瑯 、黃甫 ，以及 天地會 嘅 徐天川 、風際中 等人 一齊 嚟到 喎 。
一見面 ，大家 都 歡喜 到 不得了 。
原來 韋小寶 中咗 洪教主 嘅 美人計 被 擒 ，施瑯 佢哋 呢 ，就 唔係 唔敢 返嚟 噃 ，而係 每日 都 坐住 戰艦 ，喺 各處 海島 尋找 ，希望 能夠 救翻 韋小寶 。
徐天川 等人 啊 仲 分頭 去 遼東 、直隸 、山東 三省 嘅 沿海 同 陸上 尋訪 。
噉 直到 接到 韋小寶 喺 北京 發出嚟 嘅 消息 ，噉 先至 返嚟 北京 相會 。
韋小寶啊 當然 唔 講 被擒 嘅 醜事 啦 ，胡言亂語 噉 掩飾 一番 。
施瑯 等人 雖然 唔係 好信 啊 ，不過 亦 唔敢 多問 。
韋小寶 又 去 奏明 皇帝 ，講咗 施瑯 等 人 嘅 功績 ，噉 各人 都有 封賞 。
徐天川 等 天地會 嘅 兄弟 就 唔 受 清廷 官 祿 嘅 ，韋小寶 梗係 唔 提 嘞 。
噉 眾人 喺 北京 大飲大食 一輪 ，第日 ，就 一齊 起程 。
噉話説 呢一日 就 嚟到 王屋山下 ，韋小寶 靜靜 講畀 天地會 啲 兄弟 聽 ，話 要 去 剿滅 司徒伯雷 。
眾人 都 吃咗 一驚噃 ，李力世 話 ：
韋香主 ，呢件事 唔做得㗎 。
司徒伯雷 志在 興復 明室 ，係 一位 英雄好漢 。
我哋 如果 去 將 王屋山 冚咗 ，噉 就係 為 清廷 出力 咯噃 。
韋小寶 話 ： 原來 噉 嘅 ， 唔 怪 得知 我 睇 司徒 老 坑 嗰 啲 徒弟 啊 ， 果然 極有 英雄氣概 啦 。
不過 我 奉咗 聖旨 嚟 剿 王屋山 ，噉 呢件事 都 幾 為難 嘅 噃 。
玄貞 道人 話 ：韋香 主 喺 朝廷 嘅 官職 越 做 越 大 ，都 怕 有 啲 唔妥 。
計 我 話 呢 ，我哋 同 司徒伯雷 聯手 ，一齊 造反 就算 喇 。
祁彪清 擰 下 頭 話 ：
我哋 第一步 係 借 清廷 之 手 ，嚟 對付 吳三桂 呢個 大 漢奸 。
韋香主 如果 喺 呢個 時候 造反 ，講唔定 小皇帝 又 去 同 吳三桂 聯合 起嚟 噉 就 功虧一簣 喇 。
韋小寶 本來 就 唔想 對 康熙 造反 嘅 ，一聽 呢句 説話 就 連忙 話 ：冇錯喇 冇錯喇 。
我哋 至緊要 呢 就係 殺咗 吳三桂 先至 再講 ，呢個 係 第一等 嘅 大事 。
司徒伯雷 不過 幾百人 踎埋 喺 王屋山 之 嘛 ，小事 一件 啦 ，唔好 因 小 失 大 啊 。
徐天川 話 ：而家 至 緊要 嘅 呢 ，就係 點樣 向 嗰個 小皇帝 搪塞 交代 唧 。
仲有 ，小皇帝 有心 喺 揚州 專門 為 史閣部 起 忠烈祠 ，呢件事 ，我哋 亦 唔能夠 將 佢 搞軭 㗎 。
史可法 赤膽忠心 ，為國 殉難 ，天下 英雄 豪傑 人人 都 佩服 嘅 。
天地會 群龍 聽 徐天川 一 講 ，都 好 同意 嘞 。
噉至於 點樣 向 皇帝 交代 敷衍 ，噉 就 邊個 都 唔 及 韋小寶 嘅 本事 咯 ，人人 都 望住 佢 ，聽 佢 自己 揸 主意 。
韋小寶 笑住 話 ：既然 王屋山 唔打得 咯 ，我哋 就 送 個 信 畀 司徒老兄 ，請 佢 老哥 避開 下 啦 。
眾人 沉吟咗 一陣 ，都 覺得 仲係 呢個 計策 可行 。
韋小寶 想起 嗰日 擲骰仔 賭命 ，王屋派 嗰個 小姑娘 ，曾柔 瓜子口 面 ，雙眼 大大 非常 秀美 可愛 。
佢 諗 ：我 同 嗰個 司徒 老坑 又 冇 交情 ，要 送 人情 啊 不如 送 畀 曾 姑娘 咯 。
正 喺 呢 個 時候 ， 張勇同 趙良棟 啊 分別 派 人 嚟 報告 ， 話 已經 將 王屋山 四面 圍住 ， 所有 通路 都 已經 截死 嘞 。
原來 韋小寶 啊 一 入 河南省 境 呢 ，就 將 圍剿 王屋山 嘅 上諭 ，靜靜 同 張勇 、趙良棟 等 四 將 講咗 。
四將 啊 不動聲色 ，分別 帶領 人馬 ，守住 王屋山 下 各處 通路 要地 ，只係 等待 命令 攻山 唧 。
四將 跟隨 韋小寶 之後 啊 ，只係 憑 擒拿 吳應熊 咁 輕而易舉 嘅 一件 差事 ，就 人人 升 咗 官 嘞 ，都 好 感激 。
只係盼望 呢次 出力 立功 ，噉 喺 各處 通路 上 掘 好 陷坑 ，佈滿 絆馬索 ，弓箭手 鉤 鐮 槍手 啊 守住 四面八方 。
要 將 山上 所有 嘅 人 啊 ，個個 擒拿 活捉 ，唔 畀 走甩 一個 。
四將 都 諗 ：五千幾 名 官兵 ，攻打 山上 千幾 名 土匪 ，贏咗 有 乜 稀奇 吖 ？
只有 唔畀 一個人 漏網 ，先至 算係 有啲 小小 功勞 啊 。
不過 韋小寶 又 噉 諗 嘞 ：
將 司徒伯雷 佢哋 冚𠾴 唥 捉咗 ，亦 唔係 咩 大功 ，天地會 眾 兄弟 又 極之 唔 讚成 。
江湖上 嘅 好漢 ，義氣 為重 ，千祈 唔能夠 得罪 咗 朋友 啊 。
正喺度考慮緊 點樣 向 曾柔 送信 ，放走 王屋 派 眾 師徒 嘅 時候 ，忽然間 聽見 沊沊沊沊 ，東面 打起 戰鼓 ，眾軍士 吶喊 連天 。
跟住 哨探 嚟 報告 話 ，山上 有人 衝殺 落 嚟 啊噉 。
韋小寶 個 心 諗 ：喺 三軍 之前 ，唔能夠 下令 放人 嘅 ，只有 捉住 再 講 啦 ，慢慢 想法子 釋放 就係 喇 。
就 傳令 話 ：個個 要 活捉 ，一個 都 唔准 殺傷 。
噉親兵 就 傳令 出去 嘞 噃 。
韋小寶 又 加 一句 ：尤其是 係 女仔 啊 更加 唔准 殺傷 啊 。
一擸眼 ，見到 徐天川 、錢老本 等人 嘅 神情 ，不禁 塊面 微微 一紅 個心 諗 ：
哎 你哋 放心 啦 ，呢次 唔會 再 學 似 神龍島 噉樣 中美人計 被擒 㗎 喇 。
佢 帶埋 天地會 群雄 ，行 去 東便山 路 旁邊 觀戰 ，只見 半山 上 ，百幾個人 猛衝 落山 。
官兵 啊 得咗 主帥 將令 啊 唔 敢 放箭 啊 ，只係 湧上去 攔阻 。
只聽見 吆喝 嘅 聲音 啊 此伏彼起 ，衝 落山 嘅 人 啊 一個個 跌落 陷坑 ，畀 鉤 鐮 槍手 啊 勾起嚟 捉咗 。
韋小寶 想 睇下 有冇 捉到 個 曾柔 啦 噉 ，但係 隔得 遠 喇 ，睇唔 清楚 。
忽然間 見到 有 個人 ，跳躍 如 飛 ，由 一樖 大樹 跳去 另外 一樖 大樹 ，飛跳 落 山 。
官兵 上去 攔 佢 ，不過 嗰個人 啊 快捷 到 極 ，竟然 阻 佢 唔住 噃 。
玄貞道人 啊 讚佢 話 ：好身手 啊 。
呢個人 越跑越近 ，眼見 再 衝 幾十丈 呢 就 到 山腳 嘞 。
錢老本 話 ：呢個 人 武功 咁 使得 ，唔通 佢 就係 司徒伯雷 ？
徐天川 話 ：除咗 司徒 老英雄 ，只怕 其他人 亦 冇 噉樣 嘅 。
一句 説話 都 未 講完 啊 ，孫思克 突然間 話 ：呢個 人 好似 吳三桂 個 衛士 噃 。
正係 講緊 嘅 時候 ，嗰個 人 ，又 已經 衝近 咗 幾丈 嘞 。
韋小寶 話 ：捉起佢 先至 講啦 。
噉 天地會 群雄 啊 紛紛 向 嗰個 人 圍上去 。
只見 嗰個人 手舞鋼刀 ，斬倒咗 幾名 軍士 。
孫思克 挺起 長槍 迎上去 ，睇清楚 佢 個樣 呢 就 叫 佢 話 ：巴朗星 ，你 走嚟 呢處 做 乜嘢 啊 ？
呢個人啊 ，正係 吳三桂 身邊 嘅 親信 衛士 巴朗星 。
佢 大聲 話 ：我 奉 平西 親王 將 令 ，為 朝廷 除害 ，殺咗 反賊 司徒 伯雷 喇 。
你哋 為咩事 要 攔阻 我 啊 ？
徐天川 等人 一聽 ，都 大吃一驚 啊 ，只見 佢 腰間 掛住 一個 血肉模糊 嘅 人頭 ，都 唔知 係唔係 司徒伯雷 嘅 。
噉 眾人 一擁而上 ，將 佢 圍實 。
孫思克 話 ：韋都統 喺 處 ，放低 兵器 上去 參見 ，聽由 都統大人 發落 啦 。
巴朗星 話 ：好 ！
將刀插入刀鞘 ，快步 向 韋小寶 行過嚟 ，大聲 話 ：參見 都統 大人 。
你 喺 呢處 。
巴朗星 突然間 一跳而起 ，雙手 一上一下 ，分別 揦 韋小寶 嘅 面門 同 心口 噃 。
韋小寶 大叫 話 ：哎呀 乜 你 噉 㗎 ？轉身 就 走 。
巴朗星 武功 精強 啊 ，唓 一聲 ，左手 已經 扯咗 佢 背脊 一片 衣衫 嘞 ，右手 呢 ，就 向 佢 頭頂 揦落去 。
突然間 覺得 右側 一腳 踢到 嚟 ，來勢 極快 啊 。
巴朗星 側身 避開 ，嗰個人 跟住 迎面 一掌 ，係 風際中 。
巴朗星 舉 掌 擋格 個 身 一 晃 ，突然間 覺得 後腰 一緊 ，就 已經 畀 徐天川 抱實 嘞 。
錢老本 用 手指 督 喺 佢 心口 ，巴朗星 啊 嗯 咗 一 聲 。
風際中 左腿 橫掃 ，巴朗星 企唔穩 嘞 ，噼啪 一聲 跌低 。
錢老本啊 將 佢 撳到 實一實 ，親兵 衝過嚟 將 佢 綁住 ，推 到 韋小寶 面前 。
巴朗星 大聲 話 ：
平西王 嘅 大軍 日內 就 到 喇 ，到 其時 啊 ，叫 你哋 一個個 死 無 葬身之地 ，識時務 嘅 ，快啲 投降 啦 。
韋小寶 笑住 話 ：乜 平西王 起兵 嘞咩 ？我 唔 知道 噃 。佢 老人家 身體 好 吖 嘛 ？
巴朗星 見 佢 神態 和善 ，一時 都 唔明 佢 用意 就 話 ：
欽差大臣 ，你 到過 昆明 嘅 ，平西王 亦 好 睇重 你 。
你係聰明人啦 ，為咩事 做 清廷 嘅 奴才 呢 ？仲係 早啲 歸順 平西王 罷 啦 。
徐天川 啊 踢咗 佢 𦣇柚 一 腳 ，喝 佢 話 ：
吳三桂 呢 個 大 漢奸 卑鄙無恥 ， 你 做 佢 嘅 奴才 啊 更加 無恥 啊 。
巴朗星 發起 惡嚟 ，擰轉頭 一㞘口水 ，吐噉 向 徐天川 吐過去 。
徐天川 啊 側身 避開 ，呢㞘口水 呢 ，吐中 一名 親兵 塊 面 。
韋小寶 話 ：巴老兄 ，有 說話 慢慢 講 ，唔使 咁 嬲 嘅 。
你 要 我 歸降 平西王 ，亦 唔係 冇 商量 嘅 。
係嘞 ，你 嚟 王屋山 有 咩 貴幹 啊 ？
同 你 講咗 都 唔緊要 ，橫掂 司徒伯雷 我 已經 殺咗 嘞 。
講完 ，向 掛 腰間 嘅 人頭 睇咗 一眼 。
韋小寶 話 ：平西王 為咩事 要 殺 佢 呢 ？
你 跟 我 去 見 平西王 啦 ，佢 老人家 自不然 會 同 你 講 嘅 。
徐天川 等人 好嬲啊 ，舉起 拳頭 要 打佢 。
韋小寶 使 下 眼色 叫 大家 唔好 打 ，就 叫 親兵 將 巴朗星 推 入 去 中軍 帳盤 問 。
點知 此人 十分 倔強 噃 ，對 吳三桂 就 極之 忠心 ，噉 只係 勸 韋小寶 投降 ，其他 嘅 嘢 呢 半句 都 唔肯 講 。
一搜佢個身 ，搜出咗 一封 扱咗 朱紅 大印 嘅 文書 出嚟 。
韋小寶 叫人 讀畀佢 聽 啦 ，原來 係 吳三桂 寫 嘅 偽詔 ，封 司徒伯雷 為 開國 將軍 。
噉啊 問 佢 呢 封 文書 嘅 來歷 啦 ，巴朗星 啊 睩 大 雙眼 唔 回答 。
韋小寶 眼見 問唔出 咩嘢 嘞 ，就 吩咐 押佢 走 。
然後 將 其他 捉翻嚟 嘅 人 拷打 審問 ，噉 終於 有人 捱唔住 打 就 講咗出嚟 。
原來 吳三桂 部署 日內 起兵 造反 ，派 咗 親信 巴朗星 帶 咗 一 小隊 手下 ，去 見 舊部 司徒伯雷 ，要 佢 響應 。
吳三桂 啊 囑咐 巴朗星 ，司徒伯雷 如果 奉令 呢 ，噉 就 最好 啦 ，否則 就 殺咗 佢 ，以防 走漏 密謀 。
初時 司徒伯雷 聽 講話 要 起兵 反清 唄 ，十分 歡喜 ，即刻 應承 共襄 義舉 。
但係 一 問 詳情 ，先至 知道 吳三桂 唔係 要 興復 明室 ，而係 自己 要 做 皇帝 ，呢個 開國 將軍 嘅 封號 ，更加 講得 明明白白 嘞 。
噉司徒伯雷 梗係 唔肯 接 奉 偽詔 啦 ，噉啊 要 巴朗星 返去 講畀 吳三桂 知 ，如果 擁戴 明朝 皇帝 后代 ，佢 堅決 打 前鋒 ，萬死不辭 。
噉但係 吳三桂 當年 殺害 桂王 ，而家 自己 再 想 做 皇帝 ，天下 忠於 明朝 嘅 人 呢 決 唔會 歸附 嘅 。
巴朗星 又 勸咗 幾句 ，司徒伯雷 拍枱 大鬧 ，話 吳三桂 斷送 漢家 江山 萬惡 不赦 ；
如果 改過自新 呢 ，仲 可以 將 功 贖罪 啊 ，否則 ，就 要 食 其 肉 寢 其 皮 噉 。
巴朗星 就唔再講嘞 ，當晚 ，趁住 司徒伯雷 冇防備 啊 ，突然 將 佢 刺死 ，割咗 佢 個人頭 ，率領 同黨 啊 逃跑 下山 。
王屋 派 眾 弟子 啊 追 佢 唔到 。
誰知 官兵 正 喺 呢個 時候 圍山 ，吳三桂 嘅 部屬 一網 被擒 。
噉巴朗星啊 突然間 向 韋小寶 襲擊 ，用意 呢 ，係 要 捉住 主帥 作為 要挾 ，以便 佢哋 逃跑 唧噉 。
韋小寶 問 清楚 喇 ，即刻 召集 天地會 群龍 商量 。
李力世 話 ：韋香主 ，司徒 老英雄 忠肝義膽 ，不幸 畀 奸人 殺死 ，我哋 要 好好地 同 佢 收斂 安葬 至係 啊 。
韋小寶 話 ：我 啊 有 個 諗法 ，嗱 ，噉噉噉噉噉 。
眾人 聽完 一齊 話 好嘢 ，就 分頭 預備 嘞 。
噉呢一日 ，官兵 並冇 攻山 。
王屋 派 班人 呢 ，亦 因為 首領 被 殺 就 亂糟糟 ，只係 嚴守 山口 唧 。
嗱 各位 ，欲知 後事 如何 ，且 聽 下回 分解 。
