前文 再續 啊 書 接 上 一回 啊 。
話説 韋小寶 話 要 同 吳應熊 輸 賭 ，睇下 邊個 啲 馬 跑得 快 噉 。
吳應熊 話 ：韋都統 嘅 大宛 良馬 我哋 雲南 啲 馬仔 邊度 比得上 吖 ？
唔使 比賽 喇 ，當然 係 我哋 輸 啦 。
韋小寶 見到 王進寶 氣鼓鼓 ，一啲 都 唔服氣 嘅 樣 ，佢 就 話 ：
額駙爺 肯認 輸啫 ，王副將 就 唔認輸噃 。
噉呢 ，我 攞 一萬兩 銀 出嚟 ，額駙爺 亦 攞 一萬兩 銀 出嚟 。
噉等陣呢 ，我哋 就 去 城外 比賽 ，邊一個 贏咗 六場 喇 ，以後 佢 就 唔使 比 喇 你 話 好唔好 吖 ？
吳應熊 想 話 再 推 嘅 ，突然間 心念 一動 佢 諗 ：
呢個 僆仔 年少 好勝 ，我 就 故意 輸 一萬兩銀 畀 佢 ，等 佢 高興 下 至 得 。
就 笑住 話 ：好 ，一於 噉 話 啦 。
嗱韋大人 ，你 如果 輸咗 ，唔准 嬲㗎 。
韋小寶 笑住 話 ：贏 要 夠 威 ，輸 要 光彩 ，邊度 有 輸咗 會 嬲 嘅 呢 ？
一擸眼 ，見到 王進寶 雙眼 裏 便 ，流露出 歡喜 嘅 神情 ，佢 諗 ：
哎呀 ，睇 呢個 王副將 嘅 神情 ，似乎 好 有 把握 噃 ，唔通 佢 呢啲 乞衣馬 真係 好 有 長力 嘅 ？
唔得唔得 ，非 作弊 搞鬼 不可 。
佢 生平 賭錢 啊 ，最鐘意 作弊 ，眼見 呢場 賽馬 未必 實贏 ，當堂 就 諗住 要 搞鬼 嘞 ，個 心 諗 ：
今日 賽馬 已經 嚟唔切 做手腳 㗎喇 。
佢 就 話 ：既然 要 賭咯 ，我 要 去 好好 挑選 十匹 馬 至 得 ，聽日 先至 比賽 呢 好 唔好 啊 ？
吳應熊啊 決心 要 輸 嘅 ，幾時 比賽 都 冇 問題 ，就 應承 咗 佢 。
韋小寶 喺 額駙府 飲酒 睇戲 ，唔再 提 賽馬 嘅 事 。
到咗 傍晚 ，佢 請 吳應熊 ，帶埋 張勇 、王進寶 、孫思克 三個人 去 自己 屋企 飲酒 。
吳應熊 好 歡喜 噉 應承咗 佢 ，噉 一行人 ，就 去 韋小寶 嘅 伯爵府 嘞 。
坐定之後 獻咗 茶 ，韋小寶 話 ：少陪喇 ，兄弟 去 安排 下 先 。
吳應熊 笑住 話 ：大家 自己人 ，唔使 客氣 喇 。
韋小寶 話 ：貴客 駕臨 ，唔能夠 太 寒酸 㗎嘛 ，各位 隨便 坐吓 。
佢 嚟到 後堂 ，吩咐 總管 準備 酒席 戲班 ，跟住 叫咗 府內 嘅 馬夫 頭頭 嚟 。
交咗 三百 兩 銀 畀 佢 就 話 ：
我隻玉花驄 同埋 第啲 馬 呢 ，仲 喺 額駙府 裏頭 嚟 ，你 而家 去 牽翻 返嚟 啦 。
噉啊 順便 請 額駙 府 裏頭 嗰 班 馬夫 飲酒 ，飲到 佢哋 個個 都 一嚿雲 噉 就 啱喇 。
嗰個 馬夫 頭頭 應咗 。
韋小寶 又 話 ：啊 係喇 ，你 話畀 啲 咩嘢 過 啲 馬 食 ，食咗 呢 ，啲 馬 就 身 疲 腳 軟 ，冇 力 跑路 嘅 呢 ？
誒不過就唔能夠毒死啲馬㗎噃 。
馬夫 頭頭 話 ：唔知 爵爺 要 點樣 呢 小人 盡力 去 做 就係 嘞 。
同你 講明 都 唔怕 喇 ，額駙 有 一 批 馬 ，啱啱 喺 雲南 運 嚟 嘅 ，佢 又 誇口 話 啲 馬 長力 極之 好 ，聽日 要 同 我哋 嘅 馬 嚟 比賽 。
我哋 唔能夠 輸 咗 丟架 㗎 嘛 係咪 呢 ？
嗰個 馬夫 頭頭 明白 喇 佢 笑住 話 ：
爵爺 係 要 小人 搞 啲 咩嘢 畀 額駙 啲 馬 食咗 ，噉 聽日 比賽 呢 ，我哋 就 能夠 實贏 嘅 係 唔係 噉 啊 ？
冇錯喇 ，你 認真 聰明 啊 。
嗱， 聽日 賽馬 呢 係 賭錢 嘅 ， 贏 咗 再 分 賞金 畀 你 。
你 靜靜 去 辦妥 呢 件 事 ，不過 千祈 唔好 畀 額駙 府 啲 馬夫 知道 噃 。
嗱， 呢 度 三百兩 銀 你 攞 去 請客 啦 ， 飲酒 、 賭錢 、 嫖老舉 ， 乜 鬼 嘢 有癮 都 做 晒 ， 乜 搞 ， 搞 到 佢 哋 昏天黑地 噉 先至 落藥 。
爵爺 望安 ，實掂嘅 。
小人 去 買 幾十 斤 巴豆 ，撈埋 喺 啲 豆料 裏 便 ，喂畀 吳府 啲 馬 食 。
等佢哋 一 匹 匹馬 ，屙 一晚 爛屎 ，噉 聽日 比賽 起上嚟 ，烏龜 都 跑 贏 佢哋 啦 。
噉 韋小寶 跟住 又 出去 陪 吳應熊 佢哋 飲酒 嘞 。
佢 係 怕 吳應熊 佢哋 返去 之後 ，王進寶 又 去 睇 下 啲 馬 ，睇出 破綻 ，所以 就 殷勤 接待 猛咁 勸酒 。
趙良棟啊 酒量 極大 嘅 ，一直 同 王進寶 鬥酒 ，飲到 深夜 ，除咗 韋小寶 同 吳應熊 之外 呢 ，四員 武將 都 醉晒 嘞 。
第日 早朝 之後 ，韋小寶 入宮 去 侍候 皇帝 。
康熙 笑容滿面 心情 極之 好 啊 佢 話 ：
小桂子 ，有 個 好 消息 講 你 聽 ，尚可喜 同 耿精忠 都 奉 詔 撤 藩 ，日內 就 起程 嚟 北京 嘞 。
韋小寶 話 ：恭喜 皇上 ，尚耿 二藩 奉詔 ，吳三桂 個 老嘢 呢 ，一隻 手掌 就 拍 唔到 手喇 。
孤掌 難 鳴 。
係 ， 係 ， 孤掌難鳴 ， 噉 我 哋 呢 就 打 到 佢 落花流水 。
如果 佢 亦 奉詔 撤藩 呢 ？
噉 啊 ， 噉 亦 好 到極 啊 ， 佢 嚟 到 北京 ， 皇上 要 搓 圓 佢 ， 佢 就 唔 敢 扁 ， 皇上 要 搓 扁 佢 呢 ， 佢 就 點 都 圓 唔 起 嚟 喇 。
你 倒是 都 明白 呢個 道理 。
到嗰個時候啊 ，佢 就 好似 蛟龍 困 喺 沙灘 嚟 ，呢啲 叫做 虎落平陽 。
韋小寶 啱啱 講到 呢處 ，伸 一伸 條 脷 ，喺 自己 額頭 㩧噉 打咗 一下 。
康熙 哈哈大笑 佢 話 ：嘿嘿 ，呢啲 叫做 虎落平陽 ，畀 你 蝦 。
嗰個 時候 啊 ，莫 講話 佢 唔 敢 得罪 我 ，連 你 都 唔 敢 得罪 啊 。
噉唔係 ，噉就夠過癮啦 。
康熙話 ：敕建 揚州 忠烈祠 嘅 文章 ，我 已經 做好 嘞 ，叫 翰林學士 寫咗 ，你 就 帶 去 揚州 刻 喺 碑 上 便 。
噉啊揀個好日 ，你 就 起程 啦 。
係 ， 如果 三藩 都 奉詔 撤藩 ， 噉 呢 座 忠烈祠 仲起 唔 起 啊 ？
都唔知 吳三桂 奉 唔 奉詔 啫 。
仲有 ，褒揚 忠烈 係 件 好事 ，就算 吳三桂 唔 造反 ，忠烈祠 都 要 起 嘅 。
係 。
噉韋小寶同皇帝傾偈嘅時候 ，講起 建寧公主 請求 覲見 。
噉 康熙 岌 一岌頭 ，吩咐 太監 即刻 宣 建寧 公主 入嚟 見面 。
康熙 啊 興致 極之 好啊 ，噉 詳細 噉 問下 韋小寶 羅剎國 嘅 風土人物 。
當時 火槍手 啊 點樣 造反 ，蘇菲亞公主 係 點樣 平亂 ，大小 沙皇 ，點樣 並立 ，噉 傾咗 一輪 ，公主 嚟到 上書房 嘞 。
一見面 ，公主 就 伏 喺 康熙 腳邊 ，攬住 佢 雙腳 放聲 大哭 ，佢 話 ：
皇帝哥哥 ，我 以後 喺 皇宮 陪住 你 ，我 唔 返去 喇 。
康熙 摸 下 佢 嘅 頭髮 ，問 公主 話 ：做咩嘢 啊 ？額駙 蝦 你 啊 ？
畀 個 天 佢 做 膽 佢 都 唔 敢 啊 ，佢 ，佢 。
講講下 又 喊起上嚟 嘞 。
康熙 個 心 諗 ：你 閹 咗 佢 ，使到 佢 做唔成 你 丈夫 係 你 自作自受 啫 。
就 安慰 公主 幾句 ，佢 話 ：好喇好喇 ，唔好 喊 喇 ，你 陪 我 食飯 啦 。
皇帝 食飯 啊 並冇 定時 嘅 ，完全 係 睇 佢 鐘意 嘅 啫 ，隨時隨刻 就 開飯 。
噉 御膳房 太監 啊 開咗 御膳 ，韋小寶 啊 喺 一便 侍候 。
佢 雖然 極得 皇帝 寵愛 啊 ，不過 亦 唔能夠 陪 皇帝 飲食 嘅 。
康熙 賞咗 佢 十幾 碟 餸菜 ，噉 吩咐 太監 送去 佢 府中 ，返去 再 食 。
公主 飲咗 幾杯 酒 ，面 紅紅 ，雙眼 啊 水汪汪 噉 ，向住 韋小寶 瞄下瞄下 。
喺 皇帝 面前 啊 韋小寶 一啲 都 唔 敢 無禮 啊 ，眼光 啊 始終 唔同 公主 接觸 ，個 心 呢 就 乒乒嘭嘭 猛 咁 跳 。
公主 忽然間 話 ：小桂子 ，同 我 裝飯 啦 。
講完 ，將 隻 空 飯碗 啊 遞 到 佢 面前 。
康熙 笑住 話 ：你 嘅 飯量 幾 好 噃 。
公主 話 ：見到 皇帝 哥哥 ，我 飯 都 食多咗 啊 。
韋小寶 裝完 飯 ，雙手 恭恭敬敬噉 捧住 ，放 喺 公主 面前 。
公主 左手 垂低 ，出 衡力 喺 韋小寶 大髀 搣 咗 一下 。
韋小寶 痛嘞 ，不過 又 唔敢 出聲 ，連 面上 嘅 笑容 一啲 都 唔敢 少 。
只係 未免 笑得 尷尬 ，不過 係 無可如何 啊 。
喺 個 心處 鬧 佢 話 ：你 嘅 死女 吖 ，睇 我 幾時 唔 出力 搣翻 你 吖嗱 。
個心 都 未 鬧完 ，個頭 忽然間 向後 一昂 。
原來 公主 伸手 喺 佢 背後 拉住 佢 條 辮 出力 一擢 ，呢一下 呢 ，畀 康熙 睇到 嘞 。
康熙 微笑 話 ：公主 嫁咗 人 仲係 咁 頑皮 嘅 。
公主 指住 韋小寶 笑住 話 ：係 佢 啫嘛 ，係 佢 。
嘩 ， 韋小寶 個心 啊 ， 都 唔 知幾慌 啊 ， 唔 知 公主 會 講出 咩 嘢 說話 嚟 。
好彩 公主 只係 咭咭咭 噉 笑咗 幾 聲 ，佢 就 話 ：
皇帝哥哥 ，你 嘅 名聲 呢 越嚟越 好 喇 。
我 喺 宮內 本來 係 唔 知道 嘅 ，呢次 去 雲南 一路 來回 ，聽見 啲 百姓 都 話 你 做 皇帝 啊 ，普天下 老 百姓 嘅 日子 過得 真係 好 嘞 。
就係 連 呢個 嘢 啊 。
一便 講 ，一便 向 韋小寶 白咗 一眼 。
官 亦 越 做 越 大 嘞 ，只有 你 個 妹妹 ，就 越嚟 越 運滯 。
康熙 本來 心情 極之 好嘅 ，建寧 公主 呢 幾句 恭維 又 恰到好處 ，就 笑住 話 ：
你係 妻憑 夫貴 ，吳 應 熊 佢 父子 兩個 如果 係 好好地 聽話 撤藩 ，天下 太平 ，我 應承 升 佢 嘅 官 就係 啦 。
公主 扁 一扁 個 嘴 話 ：你 升唔升 吳應熊 嗰 個 嘢 嘅 官 唔 關 我 事 ，我 要 你 升 我 嘅 官 。
你 做咩嘢 官 呢 ？
小桂子 話啊 ，羅剎國 嘅 公主 做 咩 攝政女王 ，你 就 封 我 做 大元帥 ，派 我 去 打 番邦 啦 。
哈哈哈 哈哈哈 ， 女仔點 做 大元帥 啊 ？
從前 樊梨花 、佘太君 、穆桂英 ，邊個 唔係 揸住 印 ，到 大元帥 嘅 啫 ？
點解 佢哋 就 得 ，我 就 唔得 啊 ？
你話 我 武藝 唔得 啊 ？嗱 ，我哋 就嚟 比賽 下 吖 。
講完 ，笑嘻嘻 噉 企起身 。
康熙 笑住 話 ：你 唔肯 讀書 ，同 小桂子 一樣 咁 冇 學問 ，就 淨係 識得 做 大戲 嘅 戲文 。
前朝 女仔 做 元帥 係 有 嘅 。
唐太宗 李世民 嘅 妹妹 平陽公主 ， 幫助 唐太宗 打平 天下 。
佢 做 元帥 ，統率 嘅 一 支 軍隊 就 叫做 娘子軍 ，佢 駐兵 嘅 關口 就 叫做 娘子關 ，真係 好 厲害 㗎 。
噉咪就係囉 。
皇帝 哥哥 啊 ， 你 做 皇帝 叻 過 李世民 。
我 呢 就 學 下 平陽 公主 。
小桂子 ，你 學 邊個 啊 ？學 高力士 呢 定係 魏忠賢 啊 ？
康熙 哈哈大笑 一味 咁 擰頭 佢 話 ：
又嚟 亂講 嘞 ，小桂子 呢個 太監 係 假 㗎 嘛 。
仲有 ，高力士 、魏忠賢 都係 昏君 手下 嘅 太監 ，你 噉 講 咪 即係 鬧 我 ？
公主 笑住 話 ：哎呀 對唔住 啊 皇帝 哥哥 ，你 唔好 怪 我 啊 ，我 唔識 吖嘛 。
佢 諗住 小桂子 呢個 太監 係 假 嘅 呢句 説話 ，瞄咗 韋小寶 一 眼 ，個 心 不由得 春意 盪漾 嘞 。
佢 話 ：好喇 ，我 去 叩見 太后 喇 。
康熙 窒咗 一窒 ，佢 諗 ：假太后 已經 換翻 真太后 ，你 嘅 母親 已經 逃跑咗 喇 。
不過 佢 係 一直 好 痛愛 呢個 妹妹 嘅 ，唔忍心 令 佢 難堪 ，就 話 ：
太后 呢 幾日 身子 好唔舒服 ，你 唔好 去 煩 佢 老人家 喇 ，去 慈寧宮 外 便 叩頭 請安 就係 啦 。
公主 應咗 佢 就 話 ：皇帝 哥哥 ，我 而家 去 慈寧宮 ，等陣 再嚟 同 你 傾偈 吓 。
小桂子 你 陪 我 去 啦 。
韋小寶 啊 唔敢 應 佢 。
康熙 向 佢 打個 眼色 ，意思 呢 叫佢 設法子 攔住 公主 ，唔好 畀 佢 見到 太后 噉 。
韋小寶 會意 嘞 ，岌 下頭 領咗 旨 ，就 陪埋 公主 去 慈寧宮 。
韋小寶 啊 囑咐 小太監 趕去 慈寧宮 通報 。
果然 太后 吩咐 落嚟 ，身子 唔 舒服 ，唔使 叩見 喇噉 。
公主 啊 唔見到 母親 好耐 ，個心 好 掛住 佢 就 話 ：
太后 身子 唔 舒服 ，我 更加 要 睇 下 佢 啦 。
講完 ，就 直入 太后 間 寢殿 。
嗰班 太監 宮女 啊 邊度 敢 攔 佢 呢 ？
韋小寶 着急 喇 佢 話 ： 殿下 ， 殿下 ， 太后 佢 老人家 冷親 啊 ， 唔 吹 得 風 㗎 。
公主 話 ：我 慢慢 入門 ，一啲 風 都 唔 帶 入去 嘅 。
推開 寢殿 道門 ，掀起 門簾 ，只見 羅帳 低垂 ，太后 瞓 喺 床上 便 ，四名 宮女 就 企 喺 床前 。
公主 低聲 話 ：太后 ，女兒 叩頭 啊 。
講完 跪低 ，輕輕 叩咗 幾個 頭 。
只聽見 太后 喺 羅帳 裏 便 嗯咗 幾 聲 。
噉 公主 行到 床邊 ，正話 想 伸手 掀起 羅帳 ，一名 宮女 話 ：
殿下 ，太后 吩咐 邊個 都 唔好 驚動 太后 啊 。
公主 岌一岌頭 ，喺 羅帳 處 掀開 一條 罅 望 入去 ，只見 太后 面向 裏 便 ，似乎 瞓 到 好 淰 。
公主 細聲 叫 ：太后 ，太后 。
太后 冇 應 佢 。
公主 冇 法子 啦 ，唯有 放低 羅帳 啊 靜靜 退出 嚟 ，個 心 一酸 ，忍唔住 喊 嘞 。
韋小寶 見 佢 冇 睇穿 真相 ，安心 嘞 ，就 勸 佢 話 ：
公主 住 喺 北京 嚟 ，時時 進 宮 嚟 請安 都 得 啦 。
太后 好 翻 之後 ，再 嚟 慈寧宮 啦 。
公主 覺得 有道理 ，就 抹乾咗 眼淚 佢 話 ：
我 以前 住 嗰度 唔知 點 呢 ？去 睇 下 咯 。
講完 ，就 行去 自己 嘅 寢宮 。
韋小寶 喺 後便 跟住 佢 行 。
公主 以前 住嘅 建寧宮 就 喺 慈寧宮 側 跟 ，噉 一陣間 就 到 嘞 。
公主 嫁咗 之後 ，建寧宮 啊 由 太監 、宮女 灑掃 看守 ，一切 都 好似 舊時 一樣 。
公主 嚟到 寢殿 門口 ，見到 韋小寶 笑嘻嘻 噉 企 喺 門外 唔肯 入嚟 ，就 紅住 塊面 話 ：
死太監 ，你 點解 唔 入嚟 唧 ？
韋小寶 笑住 話 ：我 呢個 太監 係 假 㗎 ，公主 嘅 寢殿 唔 入得 㗎 。
公主 一手 扭住 佢 耳仔 喝 佢 話 ：你 唔 入嚟 我 扭甩 你 隻 狗 耳仔 。
出力 一掹 ，就 將 佢 拉咗 入 寢殿 。
隨手 關 埋 殿門 ，上咗 門戌 。
韋小寶 嚇到 成個 心 啊卜卜卜 亂咁 跳 佢 低聲 話 ：
公主啊 ，喺 皇宮 裏 便 唔能夠 亂嚟 㗎 ，我 ，我 ，我 要 殺頭 啊噉就 。
公主 嗰 雙眼 啊 水汪汪 噉 ，好似 要 滴水 出嚟 噉 啊 ，佢 話 ：
韋爵爺 ，我 係 你 嘅 奴才 ，我嚟 服侍 你 。
雙手 一伸 ，緊緊噉 將 韋小寶 抱到 實一實 。
韋小寶 笑住 話 ：唔好啊 ，唔好呢 。
好 ，我 去 同 皇帝 哥哥 講 ，你 喺 路上 引誘 我 ，叫 我 閹 咗 吳應熊 嗰個 僆仔 ，而家 又 唔 睬 我 喇 。
一手 喺 佢 大髀 上面 出力 噉 搣 咗 一下 。
噉啊 過咗 好耐 好耐 ，兩個人 先至 喺 寢宮 裏 便 出嚟 。
公主 滿面 眉開眼笑 佢 話 ：
皇上 吩咐 你 講 羅剎國 公主 嘅 事 我 聽 ，點解 仲未 講完 就 要 走 唧 ？
韋小寶 話 ：奴才 ，奴才 下次 至 講 你 聽 啦 。
公主 啊 咭咭聲 咁 笑 ，一反手 ，啪 一聲 ，打咗 佢 一巴 。
建寧宮 嘅 太監 宮女 都 係 舊時 嗰班 人 ，一向 都 知道 公主 又 嬌 又 蠻 嘅 脾氣 ，見 佢 出手 打人 個 心 諗 嘞 ：
公主 嫁咗 人 ，啲 脾氣 啊 一啲 都 冇 改到 。
韋伯爵 係 皇上 最 寵愛 嘅 大臣 ，佢 居然 一 伸手 就 打 喎 。
噉 兩個人 返去 上書房 向 康熙 告辭 。
當時 ，個 天 已經 係 傍晚 嘞 ，見到 康熙 對住 枱 上 一 張 大 地圖 ，正在 凝神 思索 。
公主 話 ：皇帝 哥哥 ，太后 身子 唔 舒服 ，見 佢 唔到 啊 ，過 幾日 我 再 嚟 叩頭 請安 啦 。
康熙 岌一岌頭 話 ：下次 等 佢 傳見 你 再 嚟 啦 。
講完 ，右手 指住 地圖 問 韋小寶 話 ：
你哋 喺 貴州 入 雲南 ，不過 喺 廣西 出嚟 ，噉 邊 條 路 容易 行 啲 啊 ？
原來 佢 喺度 參詳 雲南 嘅 地形 啊 。
韋小寶 話 ： 雲南 嘅 山 啊 ， 好 高 㗎 ， 無論 喺 貴州 去 又 好 ， 還是 喺 廣西 去 又 好 ， 都 好 難行 嘅 。
多數 個 山路 呢 唔 能夠 行車 ，公主 啊 坐 轎 ，奴才 就 騎 馬 咯 。
康熙 岌一岌頭 ，忽然間 ，想起 一件事 佢 就 吩咐 太監 話 ：傳 兵部 車駕 司郎中 嚟 。
佢 擰 轉頭 對 公主 話 ： 你 返 屋企 啦 ， 出 嚟 咗 成日 嘞 ， 額 駙 喺 度 等 你 啊 。
公主 扁 一扁 個 嘴 話 ：佢 先至 唔 等 我 啊 。
佢 其實 有心 等 埋 韋小寶 一齊 出宮 ， 噉 一路 講多 幾句 説 話 呢 都 係 好 嘅 噉 ， 而家 聽見 皇帝 傳見 大臣 ， 有 國事 諮詢 ， 佢 就 話 ：
皇帝哥哥 ，都 咁 夜 喇 ，你 仲要 操心 國家 大事 ，從前 父皇 就 冇 你 咁 勤勞 政務 嘅 。
康熙 嘅 心 一酸 ，諗起 父皇 孤零零 喺 五台山 出家 佢 就 話 ：
父皇 聰明 睿智 ，佢 辦 一個 時辰 嘅 事 ，我 三 個 時辰 都 辦唔完 啊 。
我 聽 大家 都 話 ，皇帝 哥哥 係 天縱 英明 ，曠古 少有 。
大家 唔敢 話 你 叻過 父皇 ，就 話 係 中國 幾千年 來 少有 嘅 好皇帝 啊 。
中國 歷來 嘅 好 皇帝 就 多 咯 。
莫 講話 堯舜禹湯 文武 ，三代 以下 ，漢文帝 、漢光武 、唐太宗 呢啲 明主 ，真係 令人 羨慕 啊 。
公主 見到 康熙 講説話 嘅 時候 ，仍然 係 目不轉睛 噉 睇住 地圖 ，就 唔敢 多 講 嘞 。
佢 向 韋小寶 飛 咗 一眼 ， 用 手指 向 韋小寶 指一指 ， 又 指一指 自己 ， 意思 係 話 要 佢 時時 嚟 睇 下 自己 。
韋小寶 會意 嘞 ，噉 輕輕 岌 一下 頭 ，噉 公主 向 康熙 行禮 ，告辭 咗 就 出去 嘞 。
過咗 一陣 ，康熙 擔 高頭 佢 話 ：
我哋 做 嗰啲 大炮 怕 重過頭 ，大過頭 ，喺 山路 唔 容易 拖拉 。
韋小寶噉先至明白 康熙 係 要 運 大炮 去 雲南 打 吳三桂 。
佢 就 話 ：係啊 ，奴才 真係 糊塗 嘞 ，冇 諗到 呢一層 添 。
最好呢 ，係 做多啲 小炮 ，兩匹馬 都 拉得逳嘅 ，入 雲南 就 方便得多嘞 。
康熙話 ：山地 會戰 ，唔能夠 千軍萬馬 噉 一齊 衝殺 ，步兵 比 馬兵 更加 緊要 啊 。
過 咗 冇 幾耐 ， 兵部 車駕 司 三名 滿族 郎中 、 一名 漢族 郎中 啊 一齊 嚟 到 ， 噉 叩見 完喇 ， 康熙 問 佢 哋 啲 馬匹 準備 得點 啊 噉 。
兵部 車駕 司 係 主管 驛 遞同 馬匹 嘅 事 嘅 ， 噉 啊 即刻 詳細 報告 ， 話 已經 喺 西域 同 蒙古 ， 買 咗 幾多 馬匹 ， 喺 關外 又 運到 幾多 馬匹 。
目前 ，總共有 八萬五千幾匹 良馬 ，正在 繼續 購置 飼養 噉 。
康熙 聽咗 好 歡喜 ，嘉獎咗 幾句 。
噉 四 名 郎中 啊 叩頭 謝恩 嘞 。
嗱 各位 ，欲知 後事 如何 ，且 聽 下回 分解 。
