前 文 再續 啊 書 接上 一回 啊 。
話説 羅剎國 女子 呢 ，係 唔 能夠 做 女沙皇 嘅 。
韋小寶 諗 ：清朝 開國 嘅 初期 ，順治 皇爺 仲 係 個 小 皇帝 ，大權 ，都 喺 攝政王 多爾袞 手上 。
佢 就 話 ：你 唔能夠 做 女沙皇 ，就 先 做 攝政王 吖 。
蘇菲亞 問 ：咩嘢 叫做 攝政王 啊 ？
攝政王 就 唔係 沙皇 ，但係 可以 下 命令 殺人 、打人 𦣇柚 ，可以 賞 錢 ，升 佢哋 嘅 官 。
沙皇 ，假嘅 ，冇力嘅 。
攝政王 呢 ，真嘅 ，有力嘅 ，能夠 殺人 ，打人 𦣇柚 ，能夠 升 人哋 官 ，能夠 賞 錢 ，人人 都 怕 ，都 聽 攝政王 嘅 説話 ，唔 聽 沙皇 嘅 説話 。
蘇菲亞 歡喜 喇 ，大叫 ：哈啦嗦 ，哈啦嗦 ！
擁戴 蘇菲亞 嘅 王公 將軍 啊 人數 比較 少 ， 蘇菲亞 將 其中 為 首 嘅 ， 召入 嚟 皇宮 ， 將 韋小寶 講 嘅 計策 同眾 人 商量 。
蘇菲亞 掌握咗 莫斯科 個 兵權 ，但係 又 唔能夠 登基 做 女沙皇 ，主要 原因 呢 ，就 在於 冇 呢個 先例 。
眾大臣 聽到 設立 攝政王 嘅 計謀 ，都 覺得 極之 妙 啊 。
只需要 大權 在手 ，做唔做 沙皇 都 冇 幾 大 分別 嘅 啫 。
噉 眾人 商量咗 好耐 ，吖 又 想咗 個 法子 出嚟 添 ：
就係 立蘇菲亞 嘅 同胞 細佬 伊凡 做 大沙皇 ，等 彼得 呢 ，仍然 做 沙皇 ，乃係 小沙皇 。
大小 沙皇 並立 ，免得 擁 彼得 一派 嘅 人 反對 。
蘇菲亞公主 呢 就係 攝政女王 喇 ，處理 一切 朝政 。
眾人 商量 妥當 喇 ，蘇菲亞 立即 聚集 火槍營 ，再 召集 全體 王公大臣 ，將 呢個 新 安排 宣示 出嚟 。
佢 又 向 眾 大臣 擔保 ，決 唔會 任意 罷免 各人 嘅 職司 ，凡係 擁護 呢個 安排 嘅 一律 升賞 。
眾王公大臣 見到 自己 權位 利益 ，就 並冇 損害 ，又冇 破壞 咗 前朝 嘅 規矩 ，都 毫無 異議 嘞 。
噉擁蘇派當中 ，有人 帶頭 向 蘇菲亞 女攝政王 躬身行禮 ，其餘 嗰啲人 啊哎呀 咪 執輸 喇 冚𠾴唥 跟住 躬身行禮 。
蘇菲亞 就 歡喜 到 不得了 ，叫 人 去 請 細佬 伊凡 嚟 ，又 將 小沙皇 彼得 ，喺 酒窖 裏 便 放翻 出嚟 。
噉 兩個 人 做 大小 沙皇 ，佢 自己 呢 ，坐 喺 兩個 細佬 嘅 下首 便 。
百官 稟奏 事情 ，升賞 黜免 ，都 由 女 攝政王 裁決 。
當其時 ，伊凡 十六歲 ，彼得 十歲 ，年幼 識淺 ，一切 都 聽晒 佢 家姐 嘅 主張 。
蘇菲亞 大權在握 ，噉 佢 諗 ：呢件事 嗰個 中國 細佬 哥 大官 嘅 功勞 極大 。
噉就 請咗 韋小寶 嚟 ，大大 稱讚 佢 一番 。
韋小寶 話 ：女攝政王 娘娘 啊 ，你 做咗 攝政王 呢 ，將來 再 做 女沙皇 噉 就 容易 到 極 喇 。
你 只要 遵守 一件事 ，人人 都會 服晒 你嘅 。
蘇菲亞 問 ：咩嘢事 啊 ？快啲 講畀我聽 啦 。
呢 件 事 就 係 一言既出 ， 三頭 馬車 難 追 啊 。
原來 羅剎人 嘅 馬車 ，用 三匹 馬 嚟 拉 嘅 ，唔同 中國人 用 四匹 馬 拉 。
因此 中國 嘅 駟馬 難追 呢 ，喺 羅剎國 ，就 變成 三頭馬車 難追 喇 。
蘇菲亞 仲 唔 懂 就 問 ：咩嘢 三頭馬車 難 追 啊 ？
韋小寶 話 ：講過咗 個 説話 ，一定 要 算數 。
我哋 中國 皇帝 講 嘅 説話 呢 ，叫做 皇帝 嘅 金口 ，係 決 唔 能夠 反悔 㗎 。
啊 ， 我 應承 過 你 嘅 事 ， 你 怕 我 反悔 係 唔 係 呢 ？
親愛嘅 中國 細佬哥 ，羅剎女 攝政王 嘅 説話 ，係 寶石 口 ，比 你哋 中國 皇帝 嘅 金口 仲要 貴重 。
於是 佢 以 大小沙皇 嘅 名義 ，頒下 御旨 ，封 韋小寶 為 管理 東方 韃靼 地方 嘅 伯爵 ；
又 命令 大臣 寫咗 一道 國書 ，致送 中國 皇帝 ，由 韋小寶 送去 。
再派 一名 俄國 使臣 ，帶領 兩隊 哥薩克 騎兵 護送 ，金銀財物 就 賞賜 咗 唔少 。
韋小寶 賄賂 佢 嗰 十幾萬 兩 銀票 啊 ，亦都 攞 出嚟 還翻 畀 佢 。
此外 仲有 好多 送畀 中國 皇帝 嘅 禮物 ，都係 貂皮 啊 寶石 等等 羅剎國 嘅 貴重 特產 啊 。
呢陣時 ，蘇菲亞 已經 選咗 好幾 名 羅剎國 嘅 俊男 陪伴 佢 ，再 唔嚟 同 韋小寶 親熱 嘞 。
但係 韋小寶 辭別 嗰日 ，蘇菲亞 想起 呢 幾個月嚟 嘅 恩情 ，又 感激 佢 獻計 嘅 大功 ，所以 戀戀不捨 。
根據 俄羅斯 正史 嘅 記載 ，火槍手 作亂 呢 ，係 喺 五月 十五 至 十七 嗰 三日 。
五月二十九日 ，火槍營 喺 蘇菲亞 指使 之下 ，上書 請 伊凡 同 彼得 並 為 沙皇 ，請 蘇菲亞公主 攝政 ，裁決 軍國 大事 。
噉啊 騷亂 平定 翻 呢 ，已經 喺 六月 中旬 喇 。
當其時 天氣 和暖 ，韋小寶 騎住 駿馬 ，喺 兩隊 哥薩克 騎兵 擁衞 之下 ，喺 西伯利亞 大草原 向 東 疾馳 。
和風拂面 ，蹄聲盈耳 ，左 有 俏丫鬟 雙兒 ，右 有 羅剎國 使臣 ，貂皮 財物 就 滿載 相隨 ，啊 ，真係 意氣風發 之至 啊 ，佢 諗 ：
呢次 死裏逃生 ，不但 保住咗 條命仔 ，仲 幫 羅剎 公主 立咗 一場 大功 ，哈 全靠 老子 平日 聽得 古仔 多 ，睇得 戲 多啊 ，哈哈哈哈哈哈哈哈 。
話説 韋小寶 帶埋 羅剎國 使臣 ，呢一日 嚟到 北京 。
康親王 、索額圖 等 王公 大臣 見 佢 返嚟 ，真係 又 驚 又 喜 。
嗰日 佢 帶埋 水師 出海 ，從此 就 不知所蹤 嘞 。
朝廷 幾次 派人 去 查 ，都 話 大海 茫茫 唔見 蹤跡 ，竟然 冇 一隻 兵船 、冇 一名 士兵 返嚟 。
康熙 估話 佢 呢隊人 呢 喺 大海 裏 便 遇到 颶風 ，已經 全軍覆沒 嘞 ，一 想起 上嚟 ，都 好 鬱鬱不樂 。
當 有 消息 報到 入宮 ，康熙 就 即時 傳見 嘞 。
韋小寶 見 康熙 滿面 笑容 ，叩拜 之後 ，大略 講下 分別 之後 嘅 情形 。
康熙 呢次 派 佢 出海 ，主要 係 剿滅 神龍教 ，擒拿 假太后 吖 ；
而家 聽講 神龍島 已經 攻破 嘞 ，假太后 雖然 未 捉到 啊 ，但係 同 羅剎國 結成 咗 朋友 。
康熙 自從 盤問 咗 蒙古 派 去 昆明 嘅 使臣 罕帖摩 之後 ，知道 吳三桂 勾結 羅剎國 、蒙古 同埋 西藏 ，非常 之 憂慮 。
噉啊至於 尚耿 二藩 ，以及 台灣 鄭氏 呢 就 反為 次要 。
而家 見到 韋小寶 冇事 返嚟 ，真係 不勝 歡喜 啊 。
仲 知道 有 羅剎國 使臣 嚟到 修好 添 ，更加 喜上加喜 嘞 。
連忙 叫 韋小寶 詳細 講 佢 聽 ，韋小寶 從頭至尾 噉 講咗 嘞 。
講到 點樣 教 蘇菲亞 慫恿 火槍營 作亂 ，點樣 教 佢 立 兩個 小 沙皇 而 自己 做 攝政王 嘅 時候 ，康熙 哈哈大笑 話 ：
哈哈哈哈 你 阿爺 吖 ，你 學咗 我 大清 嘅 嘢 ，走去 教會咗 羅剎 嘅 鬼婆 。
第日 ，康熙 上朝 ，傳見 羅剎 使臣 。
噉 朝廷 上 便 識 羅剎 話 嘅 ，只有 韋小寶 一 個 人 。
其實 羅剎話 十分 難學 ，佢 喺 短短 幾個 月 裏 便 呢 ，學會 嘅 認真 有限 。
噉 羅剎 使臣 嗰 一番 頌詞 呢 ，十句 當中 有 九句半 唔明白 嘅 。
佢 蝦 大家 唔識 ，就 一於 臨時 編造 一番 ，將 當日 陸高軒 作 嘅 嗰段 碑文 背出嚟 。
咩 千載之下 ，爰 有 大清 ，咩 威靈 下濟 ，丕赫 威能 講咗 幾句 。
佢 又 精噃 ，一面 講 ，一便 偷偷 睇下 康熙 面色 ，見到 佢 笑眯眯噉 ，嗯 ，估計 呢篇 碑文 ，都 用得上 ，就 大聲 噉 念 ：
降妖伏魔 ，如 日 之 升 。羽翼 輔佐 ，吐故納新 。
萬壽百祥 ，罔不豐登 。仙福永享 ，並世崇敬 。
壽 與 天 齊 ，文武 仁 聖 。須臾 ，天 現 。
一 背到 天 現 兩個 字 ，即刻 收口 ，事關 再 背落去 啊 ，就 會 露出 狐狸 尾巴 嘞 ，佢 就 話 ：
羅剎國 小 沙皇 、攝政 女王 ，敬問 中國 大 皇帝 萬歲 爺 聖躬 安康 。
呢啲説話 ，本來 係 陸高軒 作嚟 頌揚 洪教主 嘅 。
而家 韋小寶 念出嚟 ，雖然 有 多少 不倫不類 啊 ，但係 並世 崇敬 ，文武 仁 聖 等等 ，都 係 善禱善頌 嘅 。
眾大臣 都 聽到 不停 咁 岌頭 。
康熙 知道 韋小寶 個 肚 裏 便 倒吊 都 冇 滴 墨水 ，呢啲 文辭 古雅 嘅 句子 ，決 唔 能夠 隨口 翻譯 出嚟 ；
必定 係 預先 請 咗 槍手 做好 ， 然後 喺 金殿 上面 背誦 出 嚟 嘅 。
佢 又 點 都 想唔到 ，竟然 係 稱頌 邪教 教主 嘅 文辭 ，畀 佢 移花接木 順手牽羊 噉 用上咗 嘅 。
讀完頌詞 ，嗰個 羅剎 使臣 跟住 獻上 禮物 嘞 。
羅剎國 比 遼東 氣候 更 冷 ，嗰度 嘅 玄狐 水貂 之類 ，毛皮 就 比 遼東 嘅 更為 華美 丰厚 。
清廷 大臣 都 係 識貨 嘅 人 啊 ， 一 見到 啊 ， 冇 個 唔 稱讚 嘅 。
康熙 就 吩咐 韋小寶 妥為 接待 使臣 ，回賜 中華 禮品 。
退咗朝之後 ，康熙 召咗 湯若望 同 南懷仁 兩個人 嚟 ，叫 佢哋 去 見 羅剎 使臣 。
南懷仁 係 比利時 國人 ，言語 呢 ，同 法蘭西 相同 嘅 。
嗰個 羅剎 使臣 啊 會 講 法蘭西話 ，兩個 人 言語 相通 。
南懷仁 啊 稱頌 康熙 英明 仁惠 ， 古往今來 嘅 帝王 啊 ， 好少 及 得 佢 嘅 ， 講到 嗰 個 羅剎 使臣 大為 折服 。
第日 ，康熙 命令 湯若望 、南懷仁 兩個人 喺 南苑 操炮 ，由 韋小寶 陪同 羅剎 使臣 啊 觀看 操練 。
嗰個 使臣 見到 炮火 犀利 ，射擊 準確 ，個 心 好 佩服 。
就 請 南懷仁 轉告 皇帝 ：羅剎國 女 攝政王 ，決意 同 中國 修好 永為 兄弟 之 邦 。
羅剎國 使臣 辭別 回國 之後 ，康熙 啊 想起 韋小寶 呢次 出征 ，一舉 而 翦除 咗 吳三桂 兩個 強大 幫手 ，功勞 實在 唔 細 啊 ，於是 落 一道 聖旨 ，封 佢 為 一等 忠勇伯 。
王公大臣 啊 當然 有 一番 慶賀 喇 。
韋小寶啊 想起 施瑯 、黃總兵 佢哋 ，何以 一個人 都 冇 返嚟 報告 呢 ？
估計 必定 係 因為 主帥 喺 海上 失蹤 ，噉 佢 係 皇上 面前 嘅 第一 大 紅人 ，皇上 啊 震怒 ，必定 會 以 延誤 軍機 、臨陣 退縮 、陷 主帥 於 死地 等等 嘅 罪名 加 喺 佢哋 嘅 頭 上 嘅 。
噉 大家 怕 殺頭 啊 ，就 流落 喺 通食島 附近 海島 ，再 唔 敢 返嚟 嘞 。
滿洲 興兵 嘅 初期 ，軍法 就 極 嚴 ，接戰 嘅 時候 ，如果 一隊 嘅 長官 陣亡 ，而 部下 退卻 奔逃 呢 ，往往 全隊 處死 。
直至 康熙 、雍正 年間 ，軍法 仲 係 噉樣 嘅 ，所以 旗兵 啊 好 精良 ，所向 無敵 。
韋小寶 於是 派咗 兩名 使者 ，指點咗 通食島 同 神龍島 喺 邊度 ，叫 佢哋 去 召 施瑯 等人 返嚟 。
呢一日 ，康熙 召 韋小寶 嚟 上書房 ，指住 枱面 三道 奏章 話 ：
小桂子 ，呢 三道 奏章 ，係 分別 喺 三笪 地方 嚟 嘅 ，你 估下 係 邊個 嘅 奏章 呢 ？
韋小寶 伸長 條 頸 ，向 三道 奏章 睇咗 幾 眼 ，一啲 頭緒 都 冇 就 話 ：
皇上 要 畀 啲 提示 ，奴才 噉 先至 容易 估 㗎 。
康熙 微微 一笑 ，舉起 右掌 虛劈 ，連氣 做咗 三下 殺頭 嘅 姿勢 。
韋小寶 笑住 話 ：吖哈 係 喇 ，係 大 ，大奸臣 吳三桂 、尚可喜 、耿精忠 三個 傢伙 嘅 奏章 。
康熙話 ：你 真係 聰明 。
你 再 估 下 ，呢 三道 奏章 裏 便 講 啲 咩 嘢 呢 ？
吖 ，噉 就 難估 喇 。
誒 ，三道奏章 係咪 一齊 嚟 㗎 ？
有 先 有 後 ，日子 相差 都 唔係 好 遠 嘅 啫 。
三個 大奸臣 都 不懷 好意 ，諗嘅 都係 一樣 嘢 。
奴才 估 佢哋 講 嘅 説話 都係 差唔多 嘅 啫 。
康熙 用 手 喺 枱面 輕輕 一拍 佢 話 ：冇錯 嘞 。
第一道 奏章 係 尚可喜 呢個 老嘢 呈上 嘅 ，佢 話 佢 年紀 大 喇 ，想 歸 老 遼東 ，留 個 仔 尚之信 鎮守 廣東 。
我 就 批示 話 ：尚可喜 要 返去 遼東 ，亦 不必 留 翻 個 仔 喺 廣東 喇 。
吳三桂 同 耿精忠 聽到 消息 呢 ，就 先後 上咗 奏章 。
康熙 攞起 道 奏章 佢 話 ：嗱 ，呢道 係 吳三桂 嘅 。
佢 話 ：念臣 世 受 天恩 ，捐糜 難 報 ，惟 期 盡瘁 藩籬 ，安敢 遽 請 息 肩 ？
今 聞 平南王 尚可喜 有 陳情 之 疏 ，已 蒙 恩 覽 ，准 撤 全 藩 。
仰持鴻慈 ，冒干天聽 ，請撤安插 。
哼 ，佢 係 想 試下 我 ，睇 我 敢唔敢 撤 佢 嘅 藩 。
佢 唔係 一個人 做 㗎噃 ，而係 聯絡 埋 尚可喜 、耿精忠 三個人 一齊 嚟 嚇 我 。
康熙 又 攞起 另外 一道 奏章 話 ：呢道 係 耿精忠 嘅 。
佢 話 ：臣 襲爵 二載 ，心 戀 帝闕 ，只 以 海氛 叵測 ，未 敢 遽 議 罷兵 。
近見 平南王 尚可喜 乞歸 一疏 ，已 奉 前 旨 。
伏念臣部下官兵 ，南征 二十餘載 ，仰懇 皇仁 ，撤回 安插 。
哼 ，一個 喺 雲南 ，一個 喺 福建 ，相隔 萬里 ，點解 兩道 奏折 上面 所 講 嘅 説話 都 差唔多 一樣 嘅 呢 ？
一便 講 唔能夠 罷兵 ，一面 又 話 懇求 撤回 。
呢幾個嘢 ，仲 將 我 放 喺 眼內 咩 ？
講完 ，氣憤憤 噉 將 奏章 掉翻 喺 枱面 。
韋小寶話 ：噉唔係 ，呢 三道 奏章 啊 真係 大逆不道 啊 ，其實 就係 造反 嘅 戰書 。
皇上 ，不如 我哋 就 發兵 ，將 三個 反賊 ，都 捉到 嚟 京師 ，滿門 ，哼 ，全家 男 嘅 殺頭 ，女 嘅 呢 ，就 賞畀 功臣 為 奴 。
佢 又 本來 想 講 滿門抄斬 嘅 ，忽然間 想起 阿珂 同 陳圓圓 ，於是 就 中途 改口 嘞 。
康熙話 ：我哋 如果 先 發兵 呢 ，天下 百姓 ，就 會 話 我 殺戮 功臣 ，講 咩 鳥盡 弓藏 啊 ，兔 死 狗 烹 啊噉 。
不如 先行 撤藩 ，睇下 三個人 嘅 動靜 。
如果 係 遵旨 撤藩 ，恭順 聽命 咯 ，噉 就算 嘞 ；
否則 ，再 發兵 討伐 ，就 出師 有名 嘞 。
韋小寶 話 ：皇上 料事如神 ，奴才 拜服 之至 啊 。
誒好比做戲噉 ，皇上 問 ：下跪 何人 ？
吳三桂 就 話 ： 臣 吳三桂 見 駕 。
皇上 喝 佢 啦 ：大膽 吳三桂 ，抬起 頭 來 。
吳三桂 就 話 ：臣 有罪 唔敢 抬頭 。
皇上 喝 佢 喇 ：你 犯了 何 罪 ？
吳三桂 話 ：奴才 唔肯 撤藩 ，想要 造反 。
皇上 話 ：呔 ，大膽 吳三桂 ！韋小寶 。
我 就 一個 箭步 ，上前 跪倒 話 ：小將 在 ！
皇上 話 ：令箭 在 此 ！派 你 帶領 十萬 大兵 ，討伐 反賊 吳三桂 。
奴才 接過 令箭 ，叫 一 聲 ：得吖 令 ！
飛起一腳 ，踢落 吳三桂 嘅 𦣇柚 ，當堂 啊 ，將佢 踢到 屁滾尿流 嗚呼哀哉 喇 。
哈哈哈哈哈哈哈哈哈哈 ，康熙 哈哈大笑 啊 ：你 想 帶兵 去 打 吳三桂 啊 ？
韋小寶 見 佢 眼神 裏 便 有 啲 嘲弄 嘅 表情 ，知道 小皇帝 係 同 自己 開玩笑 唧 ，就 話 ：
奴才 年紀 得啲 咁 大 ，又 冇 咩 本事 ，點 能夠 統帶 大軍 啦 ？
最好呢就係 皇上 親自 做 大元帥 ，我 同 你 做 先鋒官 ，逢山開路 ，遇水搭橋 ，浩浩蕩蕩 ，殺奔 雲南 而去 喇 。
康熙 畀 佢 講到 心逳逳 ，覺得 御駕 親征 吳三桂 ，呢件事 確係 好玩 ，就 話 ：
等 我 仔細 想 下 先 。
第日一早 ，康熙 召集 眾 王公 大臣 ，喺 太和殿 上 商議 軍國 大事 。
韋小寶 啊 雖然 連升 幾級 ，喺 朝廷 之中 啊 ，仲 係 官 小 職微 ，本來 冇 資格 上 太和殿 參加 議政 嘅 。
康熙 下咗 特旨 ，話 佢 曾經 出使 雲南 ，知道 吳藩 內情 ，欽命 陪駕 議政 。
當時 小皇帝 居中 坐 喺 龍椅 ，親王 、郡王 、貝勒 、貝子 、大學士 、尚書 等 大臣 呢 分班 站立 ，韋小寶 啊 企 到 最 尾尾 。
康熙 將 尚可喜 、吳三桂 、耿精忠 三道 奏章 ，交畀 中和殿 大學士 兼 禮部 尚書 巴泰 ，佢 話 ：
三藩 上 奏 ， 懇請 撤藩 ， 應該 點樣 做 至 好 呢 ？ 大家 分別 稟奏 啦 。
各 王公 大臣 傳閱 咗 奏章 之後 ，康親王 傑書 就 話 ：
回 皇上 ，依 奴才 愚見 ，三藩 懇求 撤藩 ，都 唔係 出於 本心 ，似乎 係 喺度 試探 朝廷 啊 。
康熙話 ：何以 見得 呢 ？你 講 嚟 聽下 。
傑書話 ：三道 奏章 之中 ，都 話 當地 軍務 繁重 不敢 擅離 。
既然 話 軍務 繁忙 咯 ，又 請求 撤藩 ，顯然 係 自相矛盾 。
康熙 岌一岌 頭 。
跟住落嚟 ，文華殿 大學士 對 喀納 、保和殿 大學士 衛 周祚 、户部尚書 米思翰 、大學士 杜立德 、索額圖 、大學士 圖海 、兵部尚書 明珠 等人 ，都 講咗 意見 嘞 。
噉雖然佢哋係大拋書包 ，韋小寶唔係點聽得懂啊 ，但係有一點係清楚嘅 ，就係佢哋都主張唔撤藩 。
韋小寶 越 聽 越 心急 ，佢 知道 小皇帝 決心 撤藩 嘅 ，王公大臣 呢 都 係 個個 膽小 怕事 。
自己 係 官小職卑 ，年紀 又 細 ，喺 朝廷 之上 又 唔 能夠 亂咁 講 啊 真係 急到 佢 唔 知 點 好 。
正喺 呢個 時候 ，只 聽見 康熙 話 ：
韋小寶 ，你 去過 雲南 ，你 講嚟 聽下 呢件事 應該 點 做好 呢 ？
嗱 各位 ，欲知 後事 如何 ，且 聽 下回 分解 。
