前 文 再續 啊 書 接上 一回 啊 。
話說 蘇菲亞 鼓動 班 火槍手 去 造反 ，問 佢哋 想唔想 升官 發財 ，想唔想 做 將軍 ，想唔想 要 美麗 嘅 女人 。
班 火槍手 啊 㷫 晒 啊 都 話 要 要 要 噉 。
蘇菲亞 話 ：好 。
你哋 大家 去 莫斯科 城 裏 便 ，同 其他 十九營 嘅 火槍手 話 ，係 我 蘇菲亞 公主 下 嘅 命令 ，我 係 女 沙皇 ，全 羅剎國 都 聽 我 嘅 話 。
我 准許 你哋 ，每一個 火槍手 ，可以 揀 一户 有錢人家 ，同 嗰個 肥豬 大富翁 比武 。
邊個 殺 咗 佢 ， 嗰 個 富翁 嘅 大屋 、 佢 嘅 金銀財寶 、 佢 嘅 美麗 女人 、 馬車 、 駿馬 、 衣服 、 僕人 、 婢女 、 美酒 ， 乜嘢 都 係 嗰 個 勇敢 火槍手 嘅 。
你哋 有冇 勇氣 啊 ？
係唔係 男子漢 、大丈夫 啊 ？
敢唔敢 去 殺人 、搶錢 、搶 女人 啊 ？
眾火槍手 齊聲 大叫 ：敢敢敢 ！殺人 、搶錢 、搶女人 ，有 咩嘢 唔敢 啊 ？
蘇菲亞 歡喜 到 極 啊 就 大叫 ：噉 好極 喇 ，我 仲 怕 你哋 係 膽小鬼 ，唔敢 去 做 大事 呢 。
快啲 攞 伏特加酒 嚟 。
喂 ，你哋 去 地窖 嗰度 ，將 最好 嘅 伏特加酒 都 攞嚟 ！
喺 呢間 沙皇 獵宮 嘅 地窖 裏 便 ，藏住 幾十年 嘅 陳酒 ，名貴 到 極 ，係 專供 沙皇 、皇后 、公主 、皇子 ，以及 王公大臣 享用 ，呢啲 火槍手 本來 呢 一啖 都 飲唔到 嘅 。
蘇菲亞 呢個 命令 一下 呢 ，眾 兵士 啊 歡喜 到 癲 喇 ，即刻 就 有 幾十 人 走去 攞 酒 嘞 。
一陣間 咁耐 ，眾兵士 喺 廣場 嗰度 ，將 一樽樽 伏特加酒 敲咗 樽頸 ，搶住 痛飲 ，歡聲 大叫 ：
蘇菲亞 ， 女 沙皇 ， 烏啦 ， 烏啦 ， 烏啦 ！ 蘇菲亞 ， 女 沙皇 ， 烏啦 ， 烏啦 ， 烏啦 ！
喺 羅剎話 裏 便 呢 ，烏啦 即係 萬歲 嘅 意思 。
韋小寶 雖然 唔識啊 ，不過 見到 眾兵士 歡呼暢飲 ，不歇噉 大叫 蘇菲亞 ，女沙皇 ，烏啦噉 ，估計 呢 ，係 熱誠 擁護 嘞 。
佢 拉 一拉 蘇菲亞 嘅 衫袖 話 ：叫 佢哋 ，十二 個 小隊長 ，殺 喇 ，唔會 退翻嚟 。
蘇菲亞 猛咁 岌頭 ，高聲 話 ：
羅剎國 英俊 強壯 嘅 勇士們 ，大家 聽住 。
我 吩咐 你哋 去 殺 富翁 、搶 錢 、搶 女人 ，不過 沙里扎 唔准 ，派 咗 呢啲 壞蛋 嚟 ，要 治 你哋 嘅 罪 。
講完 ，向 六名 正副 小隊長 一指 。
即刻 有 十幾名 火槍手 拔出 佩刀 大叫 話 ：殺咗 壞蛋 ！
十幾 把 長刀 斬 落去 ，將 六名 正 副 小隊長 斬死 嘞 。
羅剎人 嘅 性情 呢 本來 就 暴烈 粗野 ，飲咗 伏特加酒 之後 呢 全身 發燒 啊 。
見到 六名 正副 小隊長 血肉橫飛 ，更加 不可遏制 嘞 大叫 話 ：去 殺 壞蛋 喇 ，去 搶 錢 喇 ，搶 女人 喇 ！
蘇菲亞話 ：你哋 去 同 莫斯科 城內 嗰 十九 營 火槍手 話 ，大家 一齊 做 ，邊 一個 隊長 唔准 ，就 殺咗 佢 。
邊 一個 貴族 、將軍 、大臣 唔准 ，就 殺咗 佢 ，將 佢 屋企 嘅 金 啊 、銀 啊 、美麗 嘅 妻子 、女兒 ，通通 攞嚟 分喇 。
嗰啲 壞蛋 嘅 房屋 ，放火 燒咗 佢 ！
班 火槍手 大聲 歡呼 ，紛紛 拔出 長刀 ，孭住 火槍 ，翻身 上馬 。
過咗一陣 ，就 聽見 蹄聲 急促 ，成群結隊 噉 跑去 莫斯科 嘞 。
蘇菲亞 對 副隊長 話 ： 你 都 去 搶 啦 ， 使 乜 客氣 啊 ？
最 緊要 嘅 就 係 唔 好 同 其他 嘅 火槍 營 衝突 ， 要 大家 一齊 搶 。
你 帶 人 衝入 克里姆林宮 ，將 沙里扎 同 彼得 捉起 上嚟 。
皇宮 裏 便嘅 金銀珠寶 、美麗 宮女 ，叫 大家 即管 搶啦 ，係 我 賜畀 你哋 嘅 。
嘩 ，副隊長 歡喜 咯 ，即刻 騎馬 就 去 嘞 。
蘇菲亞 歎 一口氣 ，只覺得 全身 冇力 ，坐喺 石級 上 便 ，佢 話 ：唉 ，好攰 啊 。
韋小寶 話 ：我 扶 你 入去 唞下 啦 。
蘇菲亞 擰擰 頭 ，過咗 一陣 就 話 ：我哋 上 碉樓 上面 睇 下 啦 。
呢 座 獵宮 啊 ， 用 粗麻 石砌 成 嘅 ， 碉樓 有 八九丈 高 ， 係 要 嚟 瞭望 敵情 嘅 。
羅剎 國立 國 之前 ，係 莫斯科 嘅 一個 公國 ，莫斯科 大公爵 掃平 晒 群雄 ，自立 為 沙皇 。
前朝 沙皇 就 恐怕 出去 打獵 嘅 時候 ，仇敵 啊 乘機 偷襲 ，所以 喺 莫斯科 城外 就 起咗 呢座 獵宮 。
如果 突然間 遇到 敵人 嘅 時候 呢 ，就 喺度 守住 ，等待 援兵 嘅 。
蘇菲亞 帶埋 韋小寶 同 雙兒 登上 碉樓 ，向住 西便 望過去 ，隱隱約約 見到 莫斯科 城內 燈火 點點 ，黑夜 之中 十分 寧靜 。
蘇菲亞 擔憂 起上嚟 佢 話 ：點解 唔 打 呢 ？佢哋 ，怕 啦 ？
韋小寶 唔了解 羅剎兵 嘅 性格 ，唔知 佢哋 會 唔會 臨陣 退縮 啊 就 安慰 佢 話 ：唔怕 ，唔怕嘅 。
蘇菲亞 又 問 ：你 點 知道 叫 兵士 殺人 、搶錢 、搶女人 ，就 可以 ，殺 沙里扎 ，殺 彼得 嘅 ？
韋小寶 微笑 話 ：中國人 向嚟 都係 噉樣 做 㗎啦 。
佢 諗起 當年 喺 揚州城 啊 ，聽見 老年人 講 清兵 攻城 嘅 情形 。
清兵 入關 之前 ，喺 江蘇 等 地 遇到 漢人 猛烈 抵抗 ，尤其 是 揚州 堅守 不下 。
清軍 將帥 就 准許 兵士 破城 之後 ，可以 姦淫 擄掠 ，總共 十日 。
揚州 十日 啊 確實 係 慘酷 無比 。
韋小寶 自細 喺 揚州 長大 ，清兵 點樣 攻城 不克 ，主帥 點樣 准許 兵卒 搶錢 、搶女人 ，清兵 啊 點樣 奮勇 進攻 ，呢啲 古仔 自細 聽得 多 喇 。
收尾喺北京 ，又 聽 人 講起 當年 李自成 嘅 部下 點樣 喺 北京城內 搶 錢 搶 女人 ；
張獻忠 又 點樣 總係 先 答應 部下 ，城破 之後 大搶 三日 。
睇嚟 要 造反 成功 ，就 要 搞到 天下 大亂 ，噉 要 天下 大亂 呢 ，就 要 等 兵士 搶 錢 搶 女人 嘞 。
因此 見到 火槍營 士兵 唔敢 造反 ，佢 自然而然 噉 啊 將 搶錢 搶女人 五字真言 講咗出嚟 。
哈果然 羅剎兵 同 中國兵 係 完全 一樣 ，呢 五字 秘訣 係 應驗 如 神 喇 。
等咗 好耐 ，黑暗之中 ，忽然 見到 莫斯科 城內 升起 一團 火焰 。
蘇菲亞 歡喜 喇 ：逳 手 喇 ，逳 手 喇 ！
攬住 韋小寶 又 吻 又 跳 。
韋小寶 亦都 好 歡喜 噉 話 ：佢哋 放火 喇 ，噉就 得 米 喇 ，殺人 放火 ，一定 要 連埋 一齊 做 嘅 。
過咗冇幾耐 ，只見 莫斯科 城內 火頭 四起 ，東便 一股 黑煙 西便 一片 火光 。
蘇菲亞 拍手 大叫 話 ：
大家 喺度 殺人 放火 喇 ，小寶 ，你 真係 聰明 ，想嘅 計策 真係 好 喇 。
韋小寶 微微 一 笑 個 心 諗 ：
講到 殺人 放火 造反 作亂 ，我哋 中國人 嘅 本事 呀 ，比 你 羅剎鬼 叻 成百倍 都 唔止 。
呢啲 計策 有 咩 稀奇 唧 ？我哋 一向 就係 噉樣 嘅 。
蘇菲亞 話 ： 你 叫 大家 殺 咗 正 隊長 ， 殺 咗 小隊長 ， 大家 只有 一直 做落 去 喇 ， 再 想 翻 轉頭 都 唔 得 嘞 。
細佬哥 真係 聰明 ，中國 大官 真係 叻 。
韋小寶 話 ：呢啲 叫做 投名狀 吖嘛 。
蘇菲亞 唔識 咩 叫做 投名狀 嘞 ，噉 韋小寶 又 解釋 佢 聽 。
中國人 綠林 為 盜入 夥 嘅 時候 ，賊頭 啊 必定 叫 新兄弟 去 做 件案 ，殺 一個人 。
噉 呢個 人 犯咗 殺人 大罪 之後 ，從此 就 唔會 去 自首 告密 。
水滸傳 裏 便 林沖 上 梁山泊 入夥 ，王倫 叫 佢 殺人 做案 ，繳 一個 投名狀 。
韋小寶 聽 古仔 聽得 多 喇 ，熟悉 呢門 規矩 ，佢 諗 ：
我 哋 中國 人 嘅 法子 啊 ， 羅剎 鬼 啊 一竅不通 ， 睇 嚟 呢 啲 羅剎 人 雖然 兇狠 蠻橫 ， 都 係 不難 對付 嘅 啫 。
蘇菲亞 見到 莫斯科 城內 火頭 越 嚟 越旺 ， 四處 蔓延 ， 噉 又 擔心 起 嚟 。
唔知 火槍營 官兵 亂搶亂殺 之後 ，會 變成 點樣 。
就問韋小寶話 ：殺人放火 ，搶錢搶女人 之後 ，點樣啊 ？
韋小寶 窒咗 一窒 ，佢 只係 知道 要 造反 呢 就 要 縱容 士兵 殺人 放火 ，搶錢 搶女人 ，噉 至於 以後 點樣 就 唔識 嘞 ，噉 只有 話 ：
噉啊 ，搶夠咗 就 唔 搶嘞 ，殺夠咗 就唔 殺嘞 。
蘇菲亞 皺起眉頭 ，佢 諗噉 都 唔係 辦法 㗎 ，但 一時之間 又 無計可施 啊 。
三個人 睇咗 一陣 ，就 返去 寢宮 靜候 消息 嘞 。
第日一早 ，嗰個 火槍營 副隊長 帶咗 一小隊 人馬 嚟到 獵宮 向 蘇菲亞 報告 。
話 二十 營火 槍隊 ，尋晚 遵奉 女沙皇 嘅 命令 ，搶咗 一晚 ，金銀 美女 搶咗 不計其數 ，已經 將 沙里扎娜達麗亞 殺咗 喇 噉 。
蘇菲亞 好 歡喜 噗聲 跳起身 佢 話 ：
娜達麗亞 殺死咗 喇 ？彼得 呢 ？
副隊長 話 ：小彼得 已經 捉起嚟 嘞 ，韞 喺 克里姆林宮 嘅 酒窖 裏 便 。
蘇菲亞 大叫 ： 哈啦嗦 ， 哈啦嗦 ！ 即 係 好 嘢 啊 好 嘢 啊 噉 。
又聽見 馬蹄聲 響 ，又 有 大隊 人馬 飛奔 而 嚟 嘞 。
蘇菲亞 有 啲 驚 啊 ，佢 問 ：咩 嘢 人 啊 ？
副隊長 話 ：莫斯科 城內 嘅 王公 、大臣 、將軍 們 ，一齊 嚟 請 陛下 登位 ，做 羅剎國 嘅 女沙皇 啊 。
蘇菲亞 心花怒放 一下 攬住 韋小寶 ，喺 佢 兩便 面 珠 連 吻 幾下 佢 話 ：中國 細佬 哥 好 計策 啊 。
過咗 冇 幾耐 ，一群 人 行 入嚟 獵宮 嘞 。
當先 一人 ，係 大臣 波多尼茲 親王 。
佢 行到 蘇菲亞 面前 躬身 話 ：
王公貴族 、大臣 將軍 一致 議決 ，請 蘇菲亞 公主 回宮 主持 大局 ，平復 動亂 ，恢復 和平 。
蘇菲亞 滿面笑容 岌岌頭 ，接納咗 佢哋 嘅 請求 ，又 問 ：
叛黨 首領 娜達麗亞 係咪 已經 殺咗 喇 ？
波多尼茲 親王 回答 話 ：娜達麗亞 擾亂 國家 ，殺害 忠良 ，自私 擅權 ，包藏 禍心 ，已經 遵奉 上帝 旨意 ，正法 處決 ，大快人心 。
蘇菲亞話 ：好極喇 ，我哋 去 克里姆林宮 啦 。
眾大臣 同埋 火槍營 ，蜂擁住 蘇菲亞 ，向 莫斯科城 而去 嘞 。
眨下眼咁快 ，獵宮 裏 便 冷冷清清 ，只係 剩低 韋小寶 同 雙兒 兩個人 。
韋小寶 個 心 好 氣憤 喇 佢 話 ：
佢 阿爺 吖 ，呢個 羅剎 公主 過 橋 抽板 ，打完 齋 就 唔 要 和尚 。
佢 做咗 女沙皇 ，就 唔要 我哋 嘞 。
雙兒 微笑話 ：你 想 女沙皇 封 你 做 男皇后 呢 係唔係 呢 ？
吖 ，你 笑 我 ，睇 我 捉 唔 捉住 你 吖嗱 ？
講完 ，韋小寶 就 向 雙兒 撲過去 嘞 。
雙兒 咭噉 笑 一笑 閃身 避開 佢 。
當其時 正係 初夏 ，天氣 和暖 。
獵宮 裏 便 繁花如錦 ，百鳥 爭鳴 ，不過 呢 ，羅剎國 嘅 花卉 蟲 鳥 同 中土 啊 完全 唔同 嘅 。
花嘅顏色 ，好靚 ，不過 就唔香嘅 ；雀鳥嘅叫聲 呢 ，又 好怪 又唔好聽 。
韋小寶 係 街市仔 ，對 呢啲 分別 就 毫不 理會 啊 。
同雙兒 喺 獵宮 裏 便 到處 遊蕩 ，又 冇 人 嚟 打擾 ，都 幾 自得其樂 嘅 。
就係噉樣 過咗 七八日 ，蘇菲亞 忽然間 派咗 一小隊 兵 嚟 ，接 兩個人 入 宮 。
韋小寶 行入 蘇菲亞 嘅 寢宮 ，只見 佢 披頭散髮 ，用 腳 啊 猛 咁 踢 啲 家具 踢到 嘭嘭聲 ，正在 大發脾氣 。
佢 見 韋小寶 嚟到 嘞 ，當堂 面口 鬆翻 ，佢 話 ：
中國 細佬 哥 快啲 嚟 ，出 主意 ，想 法子 。
韋小寶 諗 ：你 如果 唔係 遇到 難題 呢 ，都 唔會 想到 我 㗎喇 。
呢 一次 呢要 敲筆竹槓 先 ，唔能夠 咁 容易 就 幫 你 想 計仔 嘅 。
就問佢 ：女沙皇陛下 ，你 有 咩 難題 啊 ？
蘇菲亞 猛咁 擰頭 話 ：我 ，女沙皇 ，唔係 ，佢哋 ，唔肯 ，我 ，女沙皇 ，做 嘅 。
講咗 好耐 好耐 ，韋小寶 噉 先至 明白 ，原來 羅剎國 向來 嘅 規矩 女子 係 唔能夠 做 沙皇 嘅 。
皇太后 娜達麗亞 雖然 已經 死咗 ，仍然 有 大批 將軍 擁戴 小沙皇 彼得 ，堅決 唔肯 廢黜 佢 。
呢陣時 ，城裏 便嘅 騷亂 已經 平定 嘞 ，蘇菲亞 雖然 得到 火槍營 擁戴 ，但係 眾 大臣 已經 有 咗 準備 喇 ，調 咗 大隊 哥薩克 騎兵 ，駐扎 喺 莫斯科 城 外 ，隨時 都 可以 應召 入 城 。
蘇菲亞 再 要 號召 火槍營 作亂 呢 ，已經 極之 唔容易 嘞 。
連日來 克里姆林宮 舉行 會議 ，王公大臣 啊 分為 兩派 ，一派呢 ，擁戴 蘇菲亞 ，一派 係 擁戴 彼得 ，爭持不決 。
擁戴 沙皇 彼得 嘅 呢 ，都 係 手握 實權 嘅 將軍 大臣 ，佢哋 恐怕 女 沙皇 登位 ，另行 任用 新人 當權 噃 ；
而 擁戴 蘇菲亞 嘅 呢 ，係 一 批 不得意 嘅 貴族 同埋 軍人 ，佢哋 希望 新 嘅 主子 上台 ，自己 有 油水 好 撈 啊 。
蘇菲亞 就 好彩 得 火槍營 擁戴 有 兵權 在手 ，保皇派 仲 唔 敢 點樣 。
但係 保皇派 能夠 指揮 哥薩克 騎兵 ，實力 確係 唔係 講 玩 嘅 。
兩派 如果 開火 ， 勝敗 都 幾難講 啊 。
韋小寶 諗 ：呢啲 噉嘅 國家 大事 我 啊 乜鬼嘢 都 唔 識 嘅 ，有 屁 計仔 諗得出 咩 ？
不如 鬆人 罷喇 ，免得 佢哋 兩派 混戰 起嚟 ，將 韋小寶 整成 羅剎 魚子醬 。
佢 眼珠 一轉 ，佢 就 話 ：噉 好 容易 啫 ，法子 當然 有 嘅 。
不過 我 有 ，誒 我要 敲竹槓 啊 。
佢 本來 想話 我 有條件 噉嘅 ，但係 羅剎 話 唔識 講 啊 ，咪 索性 講 中國話 敲竹槓 嘞 。
呢次 係到 蘇菲亞 唔識 嘞 ：咩嘢 敲 豬缸 啊 ？
韋小寶 話 ： 敲竹槓 就 係 ， 誒 ， 我個 法子 啊 ， 唔 能夠 ， 送 畀 你 。
你 畀 我 個 嘢 ， 好多 ， 好多 ， 我 再 畀 你 ， 法子 。
好啊 ，好啊 ，敲 豬缸 ，我哋 大家 都 敲 豬缸 。
你 要 咩嘢 我 都 應承 ，你 係唔係 想 做 我 嘅 男皇后 啊 ？
做 你嘅 男皇后 ，噉啊 當然 好啦 ，不過 噉樣 一嚟 ，你 就 做唔成 女沙皇 喇 。
係咪 中國人 做咗 男皇后 ，羅剎人 ，會 唔 高興 啊 ？
冇 錯 喇 冇 錯 喇 。
羅剎 男人 呢 自己 ， 話 ， 自己 好 美貌 ， 做 唔 成 男 皇后 ， 嬲 你 ， 打 你 。
蘇菲亞 個 心 諗 ：係嘅 ，羅剎 男人 會 呷醋 。
佢 就 話 ：你 唔 做 我 男皇后 ，第啲 要 咩嘢 ，我 都 應承 。
第一 ，我 要 做 羅剎 大官 。
噉 容易啫 ，我 做成咗 女沙皇 之後 ，就 封 你 做 伯爵 ，去 管 東方 嘅 韃靼人 。
你 黃面孔 、矮鼻哥 ，韃靼人 ，亦 係 黃面孔 、矮鼻哥 ，佢哋 服 你 嘅 。
第二件 ，你 同 中國 皇帝 ，唔好 打仗 。
你 寫信 ，我 送去 北京 ，羅剎女 沙皇 同 中國 皇帝 ，做好 朋友 ，接接吻 ，抱抱 。
中國兵 好 厲害 ，個個 會 魔法 ，手指 一 點 ，羅剎兵 唔 會 逳 喇 。
打仗 ，羅剎人 死喇 。
我愛你 ， 你 死 喇 ， 我 喊 喇 。
蘇菲亞 一 聽 ，好感動啊 。
雙兒 出手 點穴 ，火槍營 嘅 副隊長 同 六 名 正 副 小隊長 當堂 唔會 逳 ，蘇菲亞 係 親眼 見到 嘅 。
佢 唔 知道 呢啲 係 中國 嘅 上乘 武功 ，極之 難學 ，就算 係 韋小寶 亦都 唔會 嘅 。
佢 仲 以為 中國人 個個 都 會 呢種 魔法 ，佢 諗 ：
如果 同 中國 皇帝 打仗 啊 ，實係 有 輸 冇 贏 ，難得 呢個 中國 細佬哥 對 自己 一片 真情 。
就 伸手 攬住 佢 ，喺 佢 嘅 嘴 上 深深 一 吻 。
蘇菲亞話 ：中國 細佬哥 ，我 都 好愛 你 。
羅剎兵 打唔過 中國兵 ，大家 唔打 ，做好朋友 。
啜噉 一聲 又 吻咗 佢 一下 。
仲有 咩 敲豬缸 啊 ？再 敲 啦 ，再 敲 啦 。
韋小寶 諗咗 一陣 就 話 ：誒 冇喇 。
好 ，你 快啲 教 我 點樣 做 女沙皇 。
韋小寶 諗 呢件事 好難 㗎噃 ，只有 東拉西扯 ，噉 問 佢 朝廷 嘅 事情 ，諗唔出 計 嘞 ，就 詐 假意 聽唔懂 佢 嘅 説話 。
蘇菲亞 漸漸 漸漸 覺察 佢 唔 係 路 喇 ， 面色 就 難 睇 嘞 佢 話 ：
你 如果 呃 我 我 就 殺咗 你 。
韋小寶 連忙 話 ：冇呃 ，冇呃 。
噉 我要 做 女沙皇 有 咩 法子 吖 ？
誒 ，噉 誒 。
咩 誒誒誒唧 ？
朝裏 便 一派 擁護 我 ，一派 反對 我 ，兩派 要 打仗 。
我 呢一派 如果 輸咗 噉 點算 啊 ？
韋小寶 忽然間 想起 ，佢 曾經 聽 小皇帝 講過 ，滿洲 太祖 皇帝 當年 立咗 四個 貝勒 。
大貝勒代善 、二貝勒阿敏 、三貝勒莽古爾泰 、四貝勒皇太極 。
噉 韋小寶 當然 記唔清 四個 貝勒 嘅 名 嘞 。
四個 貝勒 當時 都有 大權 嘅 ，成日 咁 明爭暗鬥 。
收尾 四貝勒 皇太極 得到 大貝勒 代善 支持 ，先至 壓倒 咗 對方 ，接承 大位 。
因此 代善 一系 啊 ，頗 有 權勢 ，康親王 傑書 ，就係 代善 嘅 後人 嘞 。
韋小寶 諗到 呢件事 就 話 ：唔好 打 ，慢慢嚟 。
你 同 彼得 ，都 做 沙皇 。
將來 ，反對 你 嘅 大臣 、將軍 ，一個 一個 ，慢慢 殺咗 。
你 再 殺 彼得 ，再 做 女沙皇 。
蘇菲亞 覺得 呢條 計 都 好 妙 啊 ，不過 眾 大臣 一直 話 女子 唔能夠 做 沙皇 真係 激氣 嘞 ，於是 將 呢個 情形 講畀 韋小寶 知 。
嗱 各位 ，欲知 後事 如何 ，且 聽 下回 分解 。
