前 文 再續 啊 書 接上 一回 啊 。
話說 蘇菲亞公主 見 韋小寶 讚佢 美麗 ，好高興 ，就 攞咗 十幾個 金幣 打賞 佢 。
韋小寶 吻咗 一吻 蘇菲亞 公主 隻 手 。
蘇菲亞 呢 亦 唔 縮翻 隻 手 ，只係 一味 噉 嬌笑 ，佢 問 ：
細佬哥 ，做乜嘢㗎 ？
韋小寶 話 ：細佬哥 ，打獵 嘅 。
突然間 門外 便 有 個人 大聲 話 ：
呢個 細佬哥 係 中國 皇帝 手下 嘅 大臣 ，唔好 畀 佢 呃咗 啊 。
係 洪教主 嘅 聲音 。
韋小寶 嚇 到 魂飛天外 啊 一扯 雙兒 嘅 衫袖 ， 即刻 就 向 門外 衝過去 。
一推開道門 ，只見 洪教主 擘開 雙手 ，喺 門口 攔實 。
雙兒 跳起身 迎面 一拳 。
洪教主 左手 格開 ，右手 一指 ，就 點中 佢 條 腰 嘞 。
雙兒 嗯噉 一聲 ，𢴈咗 喺 地 。
韋小寶 笑住 話 ：嘿嘿嘿嘿 ，洪教主 ，你 老人家 仙福 永享 ，壽 與 天 齊 啊 。
夫人 呢 ，佢 有冇 嚟 啊 ？
洪教主 唔 回答 ，左手 揦住 佢 拉 佢 入 房 ，洪教主 話 ：
啟 稟 公主 殿下 、 總督 大人 ， 呢 個人 叫做 韋小寶 ， 係 中國 皇帝 最 親信 嘅 大臣 ， 係 皇帝 嘅 侍 衞 副 總管 、 親兵 都統 、 欽差大臣 ， 封 嘅 係 一等 子爵 。
嗰個 傳譯 將 呢 幾句 説話 譯 咗 嘞 ，蘇菲亞 公主 同埋 總督 都 唔 信 噃 。
蘇菲亞 笑住 話 ：細佬哥 ，唔係 大臣 ，大臣 ，假 嘅 。
洪教主 話 ：敝人 有 證據 。
捩轉頭吩咐話 ：將 嗰個 細佬哥 嘅 衣服 攞嚟 。
只見 陸高軒 攞咗 一個 包袱 入嚟 ，一 打開 ，赫然 係 韋小寶 原來 嘅 衣帽服飾 。
韋小寶 大為 驚奇 嘞 佢 諗 ：呢啲 衣服 ，點 會 到 咗 佢 嘅 手裏 便 嘅 呢 ？
吖洪 教主 真係 神通廣大 喇 。
洪教主 又 吩咐 陸高軒 話 ：同 佢 着 翻 啲 衣服 。
陸高軒 應咗 ，就 將 啲 衣服 ，同 韋小寶 逐件 着好 。
呢啲 衣服 連埋 黃馬褂 ，都 喺 樹林 裏 便係 畀 荊棘 勾 爛咗 嘅 ，但係 着起嚟 呢 ，顯然 十分 合身 ，戴翻 頂 帽 同 花翎 ，果然 係 個 清廷 大官 。
呢啲 衣帽 如果 唔係 韋小寶 自己 嘅 ，哈 ，世間上 ，都 怕 好難 搵 呢啲 咁 小號 嘅 大官 服飾 嘞 。
韋小寶 笑吟吟噉 話 ：洪教主 ，你 嘅 本事 真係 大喇 ，我 一路 噉 掉 啲 衣服 ，你 又 一路 咁 執 噃 。
洪教主 吩咐 陸高軒 話 ：搜下 佢 身 ，睇下 有 乜嘢 。
韋小寶 話 ：嘿 ，唔使 你 搜 ，我 攞出嚟 。
講完 ，喺 懷內 扲出 一 大沓 銀票 ，數額 啊 極之 大 嘅 。
嗰個 總督 喺 遼東 已經 好耐 嘞 ，認得 銀票 ，噉 啊 隨手 翻 咗 幾下 ，大為 驚奇 啊 對 公主 啊 嘰哩咕嚕 ，似乎 係 話 ：
呢個 細路 啊 果然 係 好 有 來歷 㗎 ，身邊 帶咗 咁多 銀 喎 噉 。
洪教主 話 ：呢個 嘢 好 狡猾 嘅 ，搜 下 佢 身 。
陸高軒 將 韋小寶 身邊 所有 嘅 嘢 冚𠾴唥 搜 晒 出 嚟 ， 其中 ， 有 一道 康熙 親筆寫 嘅 密 諭 ， 寫住 ：
欽差大臣 、領內侍衛副大臣 、兼驍騎營正黃旗滿洲都統 、欽賜巴圖魯勇號 、賜穿黃馬褂 、一等子爵 韋小寶 前赴 遼東 一帶 公幹 ，沿途 文武百官 ，聽候調遣 。
呢道 御旨 上面 就 蓋咗 御寶 ，即係 扱住 皇帝 嘅 大印 啊 。
嗰個 傳譯 用 羅剎話 讀 咗 出嚟 ，蘇菲亞 公主 同埋 高里津 總督 聽 咗 都 覺得 好 驚奇 啊 。
洪 教主 話 ： 啟 稟 公主 ， 中國 皇帝 係 個 細佬哥 ， 鐘意 用 細佬哥 做 大官 。
呢個 細佬哥 ，同 中國 小皇帝 遊戲 玩耍 ，會 拍馬屁 會 吹牛皮 ，小皇帝 鐘意 佢 。
蘇菲亞 唔 明白 ，拍馬屁 吹牛皮 係 咩 意思 ，問咗 傳譯 之後 就 笑住 話 ：
我 亦 鐘意 人哋 拍馬屁 吹牛皮 嘅 。
韋小寶 當堂 歡喜 晒 。
洪教主 嘅 面色 就 十分 難睇 嘞 。
蘇菲亞 又 問 ：中國 小皇帝 ，幾歲 ？
韋小寶話 ：中國 大皇帝 ，十七歲 。
羅剎大沙皇 ，係 我 細佬 ，亦 係 細佬哥 ，二十歲 ，唔係 公伯爺 。
韋小寶 諗 ：咩嘢 公伯爺 啊 ？
哦 ，佢 講錯咗 喇 ，將 伯爺公 講成 係 公伯爺 嘞 。
就指下公主話 ：羅剎 美麗 公主 ，唔係 公伯爺 ，好好 。
又指下自己話 ：中國大官 ，唔係 公伯爺 ，好好 。
又 指 下 洪教主 話 ：中國 壞蛋 ，係 公伯爺 ，唔好 ，唔好 。
蘇菲亞 笑到 肚 都 赤 啊 。
嗰個 羅剎國 總督 係 個 三十歲 左右 嘅 年青人 ，亦 大聲 咁 笑 。
洪教主 啊 黑起塊面 ，恨不得 一掌 就 殺咗 韋小寶 。
蘇菲亞 問 ：中國 細佬 哥 大官 ，到 呢度 嚟 ，乜嘢 做 嘅 ？
韋小寶話 ：中國 皇帝 聽講 羅剎國 嘅 大人 嚟到 遼東 ，噉 派 我 嚟 睇下 。
皇上 知道 羅剎國 皇帝 呢 亦 唔係 公伯爺 。
知道 羅剎 公主 呢 ，係 仙女 下凡 ，就 派 小人 前 嚟 送 禮 ，送畀 公主 同 總督 大人 ，大東珠 兩百 粒 、人參 兩百 斤 。
誰知 半路 遇到 呢個 大賊 ，將 禮物 搶咗去 喎 。
韋小寶 説 話 都 未 講完 啊 ， 洪 教主 啊 已經 怒不可遏 ， 舉起 右掌 ， 就 向 住 韋小寶 頭頂 劈落 去 。
韋小寶 先頭 喺 木箱 裏 便 ，聽見 洪教主 啊 送 咗 唔少 珍貴 禮物 畀 總督 ，於是 呢 攞嚟 加多 一倍 ，話 係 皇帝 送 嘅 。
佢 口 一便 講 ，但係 全神貫注 啊 睇 實 洪教主 噃 ，一 見 佢 舉起 手掌 ，即刻 使出 九難教 佢 嘅 神行百變 輕功 ，瀡 一聲 ，走到 去 蘇菲亞 公主 身後 。
只聽見 誇喇 一聲 ，一張 木椅 ，畀 洪教主 用 手掌 劈 到 冧咗 。
高里津 啊 吃 咗 一驚 啊 ， 拔出 短槍 ， 將 槍口 指住 洪 教主 ， 喝 佢 唔 准 亂 逳。
先頭 韋小寶 嗰 番 説話 呢 講得 太 長 嘞 ，公主 聽 唔懂 ，就 叫 傳譯 傳話 。
聽完之後 對 洪教主 笑住 話 ：
你嘅 禮物 ，搶 佢嘅 ，自己 要 一半 ，唔好 ！
洪教主 好 急 啊 佢 話 ：唔係 啊 ，唔係 啊 。
呢個嘢 最會 亂講 㗎喇 ，公主 千祈 唔好 信佢 㗎 。
佢 見 羅剎 總督 ， 用 短槍 指住 自己 ， 雖然 西洋 火器 厲害 啊 ， 但 係 以 佢 嘅 武功 呢 ， 亦 唔 驚 佢 。
只係 正當 圖謀 大事 嘅 時候 ，要 倚仗 羅剎國 大力 支持 ，唔能夠 因為 一時之憤 而 得罪 咗 總督 ，所以 就 慢慢 退到 門邊 ，並 冇 反抗 。
高里津 收起 短槍 ，講咗 幾句 説話 。
個 傳譯 話 ：總督 大人 請 洪 教主 唔使 嬲 ，佢 知道 呢個 細佬哥 亂咁 講 。
蘇菲亞公主 秘密 嚟到 東方 ，中國 皇帝 決 唔會 知道 。
中國 皇帝 亦 唔會 送禮 畀 羅剎國 總督 。
洪教主 即時 條氣 順晒 ，佢 微笑 話 ：
總督大人 英明 ，見事 明白 ，果然 唔會 受 呢個 嘢 矇騙 。
噉 高里津 就 問起 韋小寶 嘅 來歷 。
洪教 主將 佢 點樣 殺 咗 大臣 鰲拜 ， 點樣 送御妹 去 雲南 完婚 ， 點樣 吹牛拍馬 作惡多端 ；
以致 深得 康熙 寵幸 等等 嘅 情形 ，加油 添醬 噉 講咗 。
收尾佢話 ：呢個嘢 係 小皇帝 嘅 左右手 ，我哋 殺咗 佢 ，小皇帝 一定 非常 唔高興 。
我哋 起兵 做事 ，成功 起嚟 亦 快得多 。
佢 一面 講 ，傳譯 不停 噉 譯成 羅剎話 。
蘇菲亞公主 啊 笑吟吟 噉 睇住 韋小寶 好 感興趣 ，似乎 洪教主 講得 韋小寶 越係 十惡不赦 ，佢 聽起上嚟 呢 就 越 開心 。
高里津 沉吟咗 一陣 就 問 ：中國 皇帝 好 歡喜 呢個 細佬哥 啊 ？
洪 教主 話 ： 冇 錯 ， 否則 佢 小小年紀 ， 點會 做 咁 大 嘅 官 呢 ？
高里津話 ：呢個 細佬哥 唔能夠 殺 ，送信 畀 中國 皇帝 ，叫 佢 攞 大批 金銀珠寶 嚟 換 佢 返去 啦 。
蘇菲亞 好 歡喜 啊 ，喺 高里津 嘅 面珠 輕輕 吻 咗 一 吻 ，講 咗 幾 句 説話 。
呢幾句 説話 嗰個 傳譯 冇 譯出嚟 喇 ，睇嚟 係 讚 佢 聰明 啦 。
韋小寶 個 心 歡喜 喇 佢 諗 ：
只要 唔 殺 我 就 好喇 ，要 小皇帝 攞 啲 金銀珠寶 嚟 贖 我 啫 嘛 好容易 啫 。
洪教主 神情 就 唔係 點 愉快 咯 ，不過 亦 無可奈何 啊 。
韋小寶 將 嗰 沓 銀票 分成 三 沓 ，一 沓 送畀 蘇菲亞 公主 ，另外 一 沓 送畀 高里津 ；
喺 第三 沓 裏 便 抽咗 兩張 一百兩 嘅 出嚟 ，送 畀 嗰個 傳譯 ；
噉 其餘 嘅 呢 ，就 袋咗 入 自己 嘅 袋 嘞 。
蘇菲亞 、高里津 同 嗰個 傳譯 都 好 歡喜 。
蘇菲亞 要 嗰個 傳譯 數 過 總共 係 幾多 錢 ，噉 啊 命令 佢 設法子 派 人 去 關內 兑換 銀兩 噉 。
一數 ，嘩 ，竟然 係 十萬 兩 有多 ，無意之間 就 發咗 一筆 大財 ，不由得 心花怒放 ，抱住 韋小寶 喺 佢 兩邊 面珠 呢 就 猛咁 親吻 ，佢 話 ：
銀兩 夠 多 喇 ，放咗 呢個 細佬哥 返去 啦 。
韋小寶 個 心 諗 ：而家 放 自己 喎 ，一定 畀 洪教主 捉住 抽筋剝皮 定 啦 。
就 連忙 話 ： 哎呀 ， 咁 美麗 嘅 公主 ， 我 從來 都 未 見 過 嘅 ， 想 睇 多 幾日 添 啊 。
蘇菲亞 咭咭聲 咁 嬌笑 佢 話 ：我哋 ，聽日 ，返 莫斯科 去 喇 。
韋小寶 啊 邊度 知道 莫斯科 喺 邊處 嚟 呢 ，就 話 ：
美麗嘅 公主 ，去 莫斯科 ，細佬 哥大 官 ，亦 去 莫斯科 。
美麗 公主 去 天上 月亮 ，細佬 哥 大官 ，亦 去 天上 月亮 。
蘇菲亞 見 佢 説話 伶俐 ，得人 歡喜 ，就 岌頭 話 ：好 ，我 帶 你 去 莫斯科 。
高里津 就 皺下 眉頭 ，想話 阻止 㗎喇 ，跟住 就 微笑 點頭 話 ：
好啊 ，我哋 帶 你 去 莫斯科 。
就 向 洪教主 啊 揮一揮手 。
洪教主 啊 只有 告辭 啦 ，出門口 嘅 時候 矋 咗 韋小寶 一眼 。
韋小寶 向 佢 伸 下 條 脷 扮 個 鬼臉 佢 話 ：洪教主 仙福 永享 ，壽 與 天 齊 。
洪教主 嬲 到 不得了 ，帶住 陸高軒 等人 就 扯咗 咯 。
羅剎國 皇帝 啊 稱為 沙皇 ，今年 二十歲 ，叫做 西奧圖三世 ，蘇菲亞 係 佢 家姐 。
呢位 西奧圖 三世 ，一出世 就 殘廢 嘅 ，行動 不便 ，國家 嘅 大事 經常 喺 床 上面 處理 裁決 。
羅剎 嘅 風俗 同 中華 禮義 之 邦 完全 唔 同 嘅 ，男女 之間 嘅 關係 ，向來 隨便 。
蘇菲亞 性情 又 放縱 ，又 生得 美貌 ，朝中 王公 將軍 佢 嘅 情人 係 頗 多 㗎 。
高里津總督 ，英俊 倜儻 ，好得 公主 歡心 。
佢 奉派 嚟到 東方 ，喺 尼佈楚 、雅克薩 兩地 築城 ，係 企圖 佔據 中國 嘅 蒙古 遼東 等 地 。
雅克薩城 所在 嘅 地方 呢 ，就係 滿洲 八旗 嘅 藏寶地 嘞 。
呢處地 當 兩條 大江 合流 嘅 要沖 ，滿洲人 同 羅剎人 ，竟然 不約而同 都 選中 佢 。
公主 性情 好動 貪玩 ，聽講 東方 又 神秘 又 古怪 ，加之 思念 情人 啊 ，竟然 萬里迢迢 噉 喺 莫斯科 追到嚟 呢處 。
蘇菲亞 雖然 係 喜歡 高里津 ，不過 從來 都 冇 諗過 咩 堅貞 專一 嘅 。
呢一日 ，佢 喺 高里津 臥房 裏 便 發現 一個 地道 ，好奇心 起 就 落去 睇下 啦 。
原來 呢條 地道 係 通到去 雅克薩 城外 ，同 崗哨 聯絡 。
本來 係 總督 怕 城內 有 變亂 ，準備 嚟 逃跑 用 嘅 。
蘇菲亞 見到 嗰 個 守兵 ， 就講 啲 説 話 嚟 挑逗 佢 ， 就 同個 守兵 胡天胡帝 嘞 。
而家 佢 聽 韋小寶 講話 要 跟 佢 去 莫斯科 ，都 覺得 幾 有趣 吖 ，就 帶埋 佢 同 雙兒 一齊 去 嘞 。
蘇菲亞 有 一隊 二百名 哥薩克 兵 護 衞 ， 有時 係 騎馬 ， 有時 係 坐 雪橇 ， 喺 無邊無際 嘅 大雪 原上 日日 咁 向西行 啊 。
行咗 二十幾日 ，離 雅克薩城 已經 極遠 嘞 ，洪教主 點都 唔會 追嚟 。
韋小寶 一問 ，原來 去 莫斯科 ，竟然 仲 有 四個多月 ，不由得 佢 大吃一驚 啊 佢話 ：
哎呀 ，噉唔係 去 天邊 ？再行 四個 幾月 喎 ，中國 細佬 哥 變成 外國 公伯爺 咯 。
蘇菲亞話 ：你 想 返去 北京 啊 ？你 睇厭 咗 我 喇 ，係唔係 ？
美麗 公主 就 睇 多 一千年 、一萬年 都 睇唔厭 ，不過 去 得 咁 遠 ，我 怕 起上嚟 㗎 嘛 。
蘇菲亞 呢 二十幾日 裏 便 ，同 韋小寶 傾偈 解悶 ，學多咗 好多 中國話 。
韋小寶 聰明伶俐 ，亦 學咗 唔少 羅剎話 。
噉 兩個人 旅途 寂寞 ，不免 就 結落 啲 霧水 姻緣 嘞 。
呢陣時 蘇菲亞 聽 佢 講話 要 返去 北京 ，不由得 有啲 戀戀不捨 ，就 話 ：
我 唔准 你 走 ，你 送 我 去到 莫斯科 ，陪 我 一年 ，然後 畀 你 返 去 。
韋小寶 暗暗 叫苦 嘞 ，同 公主 相處 咗 二十 幾 日 ，已經 知道 公主 性格 剛毅 。
如果 唔聽 佢 話 ，夾硬 要 走 ，佢 多數 會 叫 哥薩克兵 殺 咗 自己 嘅 ，嘿咪嘞 。
即刻 堆滿 笑容 ，猛話 好啊好啊噉 。
到咗 挨晚 ，靜靜 去 同 雙兒 商量 ，睇下 有冇 逃走 嘅 機會 啦 。
雙兒話 ：相公 要點樣做 ，我 聽 你 吩咐 就係喇 。
韋小寶 眼見 茫茫 雪原 ，長歎 一聲 擰擰頭 。
佢 知道 兩個人 如果 逃走 ，唔 帶夠 糧食 ，就算 蘇菲亞 唔派 人 嚟 追 啊 ，喺 呢個 大雪原 之中 ，亦 非 凍死 餓死 不可 嘅 。
以前 喺 遼東 森林 雪原 ，雖然 荒僻 寒冷 ，仲 可以 打獵 搵食物 啦 ，而家 ，就連 雀鳥 都 極少 。
有時 整整 行 足 一日 ，雪地 上 亦 見唔到 一隻 野獸 嘅 足跡 ，更 唔使 講話 梅花鹿 嘞 。
佢 無可奈何 ，就 只有 跟住 蘇菲亞 去 莫斯科 嘞 。
韋小寶 初時 仲 掛住 小皇帝 唔知 點樣 ，吳三桂 有冇 造反 ，阿珂 嗰個 靚女 呢 唔知 係咪 喺 昆明 ，洪教主 同 方怡 又 唔知 喺 邊處 啊 等等 等等 。
喺 大雪原 上 又 行咗 個 幾 月 ，噉 就 連 呢啲 嘢 呢 都 唔 諗 咯 ，喺 呢啲 冰天雪地 之中 ，似乎 頭腦 都 結成 咗 冰 嘞 。
好在 佢 生性 快活 ，無憂無慮 ，有時 同 蘇菲亞 講 啲 唔三唔四 嘅 羅剎 笑話 ，有時呢 ，對 雙兒 講 啲 信口開河 嘅 故事 ，噉 都 唔算 寂寞 。
呢一日 ，終於 到咗 莫斯科 城外 嘞 。
呢陣時 ，已經 係 四月天時 ，氣候 漸漸 暖 ，冰雪 亦 消融 嘞 。
只見 嗰個 莫斯科城 嘅 城牆 雖然 係 堅厚 巨大 啊 ，但係 起得 十分 粗糙 ，遠望 城裏頭 個 房屋 ，亦 係 污穢 簡陋 。
莫 講話 唔 能夠 同 北京 啊 、 揚州 啊 呢 啲 大城 相比 ， 就 係 連同 中土 嘅 中小城市 啊 ， 亦爭 好 遠 啊 。
只係 幾座 圓頂 尖塔 個 大教堂 都 仲 幾 宏偉 。
韋小寶 一見到 噉樣 ，當堂 睇唔起 羅剎國 ，佢 諗 ：
狗屁 羅剎國 吖 有 咩 嘢 咁 叻 啊 ？
攞到 我哋 中國 嚟 啊 ，呢種 地方 係 養 牛 養 豬 嘅 。
難為 公主 一路 仲 大 吹 莫斯科 幾 咁 繁華 添 。
當 離開 莫斯科 幾十里 嘅 時候 ，公主 嘅 衞隊 就 已經 飛馬 入城 稟報 嘞 。
而家 只 聽見 號角 聲響 ，城內 一隊 火槍兵 騎馬 出嚟 。
羅剎人 鐘意 侵佔兼併 ，所以 國土 廣大 ，由 東 到 西 啊 有 幾萬里 咁 遠 嘅 ，人種 又 複雜 。
國中 精鋭 嘅 軍隊 ，其一 ，係 哥薩克 騎兵 ，東征 西戰 ，攻城 掠地 ，壓服 各族 人民 ；
其二係火槍營 ，火器犀利 ，係保衞京師嘅沙皇親兵 。
火槍手 跑到 近 嘅 時候 ，蘇菲亞 吃咗 一驚 啊 。
只見 眾 官兵 頭上 都 插咗 黑色 嘅 羽毛 ，火槍 上 便 ，綁住 一條 黑布 ，呢啲 啊 國家 有 重要 人物 死咗 個 標記 。
佢 連忙 縱馬 上前 高聲 噉 問 ：發生 咗 咩 嘢事 啊 ？
火槍 營隊長 翻身 下馬 ，上前 躬身 話 ：
啟稟公主 ，皇上 蒙 上帝 召喚 ，已經 離開咗 國家 人民 上咗 天堂 喇 。
蘇菲亞 好 悲痛 啊 佢 流住 眼淚 問 ：係 咩嘢 時候 嘅 事 啊 ？
公主 如果 早到 四日 ，就 可以 同 皇上 訣別 嘞 。
蘇菲亞 雖然 早就 知道 沙皇 細佬 身體 衰弱 ，條命 唔長 㗎喇 ，但係 一 聽見 佢 死 嘅 消息 ，仲係 非常 傷感 ，伏 喺 馬鞍 上 便就 放聲 痛哭 。
韋小寶 見 公主 忽然間 喊起上嚟 ，一問 傳譯 ，先至 知道 係 羅剎國 皇帝 死咗 ，嘿 個 心 歡喜 喇 佢 諗 ：
羅剎國 皇帝 仙福 不享 ，國裏 頭 總 係 要 亂 一陣 嘅 ，想 派兵 去 打 中國 啊 就 冇 咁 容易 喇 。
蘇菲亞 佢哋 一行 跟住 嗰個 隊長 入城 ，噉 就 想 入去 皇宮 嘞 。
嗰個 隊長 話 ：皇太后 吩咐 ，請 公主 去 城外 獵 宮 休息 。
蘇菲亞 又 驚 又 嬲 佢 問 ： 咩 嘢 皇太后 啊 ？ 邊個 皇太后 管得 住 我 啊 ？
點知 嗰個 隊長 左手 一揮 ，火槍手 舉起 火槍 ，對住 隨從 公主 嘅 衞隊 ，繳咗 佢哋 嘅 刀槍 ，吩咐 眾 衞士 落馬 。
公主 發惡 喇 佢 話 ：你哋 想 造反 咩 ？
嗰個 隊長 話 ：皇太后 怕 公主 回京 之後 ，唔 奉 新皇 諭旨 ，因此 命令 小將 保護 公主 。
新皇 ？ 新皇 係 邊個 啊 ？
新皇 係 彼得 一世 陛下 。
彼得 ？ 哈哈哈 哈哈哈 ， 彼得 係 個 十歲 細佬哥 ， 佢 會 做 咩 嘢 沙皇 啊 ？
你 講 嗰個 咩 皇太后 ，係 娜達麗亞 係唔係 啊 ？
係 。
蘇菲亞嘅父親 ，阿萊克修斯米海洛維支沙皇 娶過 兩位 皇后 。
第一位 皇后 子女 好多 ，前 王 西奧圖 三世 同 蘇菲亞 公主 都 係 佢 生 嘅 ，另外 仲 有 個 細仔 ，叫做 伊凡 。
第二位 皇后 娜達麗亞 就 年輕 得多 ，只係 生咗 一個 仔 ，就係 彼得 嘞 。
嗱 各位 ，欲知 後事 如何 ，且 聽 下回 分解 。
