前文 再續 啊 書 接 上 一回 啊 。
話説 洪教主 發惡嘞 ，喝 瘦頭陀 話 ：
收聲 ！你 再 怪叫 一 聲 ，我 將 你 呢個 矮冬瓜 劈開 兩邊 。
瘦頭陀唂到塊面啊好似矮瓜噉色 。
陸高軒 同 肥頭陀 ，亦 驚 到 不得了 。
眾人 都 知道 洪教主 城府 甚深 ，平時 呢 喜怒 不 形於色 嘅 ，而家 噉樣 喝罵 瘦頭陀 實係 憤怒 到 極 嘞 。
韋小寶 就 歡喜 咯 ，佢 諗住 瘦頭陀 ，既然 唔能夠 開口 講嘢 ，自己 又 唔理 點樣 亂噏 ，佢 都 唔能夠 反駁 自己 嘅 。
佢 話 ：請 教主 唔使 嬲 。
瘦頭陀 呢 ， 亦 都 冇 講 咩 嘢 侮辱 教主 嘅 説 話 嘅 ， 只 係 話 ， 教主 為 人 小氣 啫 。
上次 大家 謀反 唔 成功 ， 畀 屬下 一個 細路 扠 𢰸 晒 ， 噉 人人 個心 都 好 氣憤 。
教主 呢 ， 卻 係 要 乘機 報仇 。
佢 話 教主 派 咗 何盛 去 做事 ， 誒 呢 個人 係 無根道人 嘅 大 弟子 ， 誒 係 唔 係 有 呢 個人 啊 ？
洪夫人 話 ：有 ，有何盛 呢個人 ，噉 又 點啊 ？
韋小寶 心念 一動 ：呢個 何盛 係 無根 道人 嘅 弟子 ，必定 係 個 後生仔 喇 。
就話 ：瘦頭陀 話喎 ，何盛 見到 夫人 咁靚 ，呢幾年嚟 同 夫人 一直 乜乜乜乜乜 ，又 物物物物物 ，噉 講咗 好多 好難聽 嘅 説話 。
噉弟子 嬲 到 不得了 啦 ，佢 背後 對 夫人 咁 唔尊敬 都 得 嘅 ？就 叫 人 掌 佢 個 嘴 。
嗰陣時 ，佢 仲 畀 牛皮索 綁住 唔能夠 反抗 ，噉 啊 打咗 十幾下 佢 先至 唔敢 講 咋 。
洪夫人 啊 激到 面 都 黑晒 ，佢 話 ：點解 將 我 拉埋 上去 啊 ？
瘦頭陀 話 ： 我 ， 我 ， 我 冇 講 啊 。
韋小寶 話 ： 教主 唔 准 你 開口 你 就 唔 好 講 説 話 。
我問 你 ， 你 有 冇 講過 一個 人 叫做 何 盛 嘅 ， 有 就 岌頭 ， 冇 就 擰頭 。
瘦頭陀 就 岌一岌頭 。
嗯 ，你 話 何盛 同 許雪亭 啊 爭風呷醋 ，爭住 要 討好 夫人 ，於是 何盛呢 ，就 將 許雪亭 殺咗 。
夫人 就 好 歡喜 ，又 話 教主 烏瀡瀡 乜嘢 都 唔 知道 。
你話 青龍 使 係 畀 何盛 殺咗 ，房間 地下 有 把 刀 ，嗰 把 刀 係 何盛 嘅 ，係唔係 ？你 有冇 講過 ？
瘦頭陀岌一岌頭話 ：不過 前面 。
既然 講過 就係 喇 。
其實 瘦頭陀 講過 個 説話 只係 後半截 ，前半截 呢 係 韋小寶 加上去 嘅 。
瘦頭陀 一岌頭 ，就好似 成段 説話 都係 佢 講過 嘅 噉 。
韋小寶 話 ： 你 話 青龍門 、 赤 龍門 、 黃龍 門 、 黑龍門 ， 仲有 我 嘅 白龍門 ， 大家 打 到 一塌糊塗 ， 教主 已經 失 咗 權勢 喇 ， 毫無辦法 鎮壓 ， 係 唔 係 ？
瘦頭陀 又 岌一岌 頭 。
你 話 神龍 島上 眾人 造反 ， 教主 同 夫人 呢 畀 人 捉起 嚟 ， 夫人 全身 衣服 畀 人 除 清光 ， 喺 島上 游行 示眾 。
教主 嘅 鬍鬚 又 畀 人 掹 晒 ，倒吊 掛 喺 樹 上 ，已經 有 三日 三夜 冇 飲水 冇 食飯 喇 。
你啲説話 ，你而家 當然 係唔肯認 啦 係咪吖 ？
對 呢句 問話 ，真係 岌頭 亦 唔係 擰頭 又 唔係 。
瘦頭陀 滿面 通紅 啊 ，啲 皮 呀 ，好似 要 滲 血 出嚟 噉 。
韋小寶 話 ：而家 你 當然 要 賴 啦 ，唔肯 承認 講過 呢啲 説話 啦 係唔係 ？
瘦頭陀 嬲 嘞 ：我 冇 講過 ！
你 話 你 同 教主 打起 上 嚟 ， 你 踢 咗 教主 兩腳 ， 摑 咗 教主 三巴 ， 不過 教主 武功 啊 高過 你 ， 你 唔 夠打 ， 於是 畀 教主 綁 起 嚟 掉入 大海 係 唔 係 吖 ？
你 話 本 教 已經 搞到 天翻地覆 一塌糊塗 喇 ，大半 人 都 畀 教主 綁住 掉咗 入 海 。
噉 其餘 嘅 呢 ，就 你 殺 我 我 殺 你 。
教主 同 夫人 已經 好弊 喇 ， 就算 而家仲未 死 ， 都 冇 幾日 命 喇 噉 係 唔 係 ？
我 ，我 ，我 。
瘦頭陀 畀 韋小寶 搞到 頭暈腦脹 ，唔知 點樣 回答 先至 係 。
佢的確係 講過 佢 打唔過 教主 ，畀 教主 綁起嚟 掉入 大海 ；
亦 講過 神龍島 上 啊 五龍門 自相 殘殺 就 一塌糊塗 ，不過 但係 同 韋小寶 個 説話 ，又 唔係 幾 同 啊 。
韋小寶 話 ： 啟 稟 教主 ， 屬下 本來 要 率領 水師 船隻 ， 去 遼東 開 炮轟 羅剎 國 嘅 龍脈 嘅 。
不過 船隻 ，駛到 呢處 ，屬下 就 掛住 教主 同 夫人 ，仲有 嗰個 方姑娘 。
屬下 本來 想 ， 誒 想 娶 佢 做 老婆 嘅 ， 誒 嘿嘿 亦 想 睇 下 佢 ， 最好 呢 能夠 懇求 到 教主 同 夫人 ， 准 我 將 佢 帶走 。
於是 又 吩咐 海船 慢慢 駛埋去 ，噉 就算 遠遠 向 島上 望翻 幾眼 亦係 好嘅 。
如果 能夠 見到 教主 同 夫人 一眼 。
洪夫人 微笑話 ：仲有 嗰個 方姑娘 。
誒係嘅係嘅 ，呢啲 係 屬下 有 自私之心 ，冇 一心一意 對 教主 同 夫人 盡忠 ，真係 抵死 有餘 啊 。
洪教主 岌一岌頭 話 ：你 再 講 落去 。
韋小寶話 ：點知道 喺 海裏 便 救起 瘦頭陀 ，哈 真係 唔知 佢 咩 居心 喇 ，竟然 滿口 詛咒 教主 同 夫人 噃 。
噉屬下呢 亦係 糊塗過頭 嘅 聽佢噉講 ，當堂 慌到 手忙腳亂 ，恨不得 插翼 飛上 神龍島 ，企喺 教主 同 夫人 身邊 ，同班 叛徒 啊 決一死戰 。
屬下 當時 就 猛咁 鬧 喇 ：
話 當日 教主 鄭重 吩咐過 㗎 嘛 ，過去 嘅 事 就 唔能夠 再 算 舊賬 ，連 提 都 唔能夠 再 提 ，點 可以 懷恨在心 ，又 嚟 反叛 教主 呢 ？
屬下 只係 掛住 教主 同 夫人 咁 危險 ，我 諗 ：
教主 就 畀 叛徒 倒 吊起 嚟 ， 夫人 就 畀 佢 哋 剝光 晒衣服 ， 哈 噉 真 係 捱 多 一陣 都 唔 得 㗎 嘛 。
我呢真係糊塗㗎咯 ，冚𠾴唥都冇想到 教主神通廣大 ，如果係有人犯上作亂 ，教主用幾隻手指啊 ，就將佢哋捻蟻仔噉捻死啦 ，邊度會畀叛徒侮辱嘅道理呢 ？
唉 ，不過 屬下 好心急 啊 嗰陣時 ，噉啊 立即 命令 所有 戰船 一齊 出海 攻打 神龍島 。
我 吩咐 佢哋 話 ：島上 嘅 好人 都 已經 畀 壞人 捉住 喇 ，如果 有人 出嚟 抵抗 呢 ，你哋 一於 開炮 轟擊 啦 。
一上咗岸 ，就快啲 四圍 查下 ，睇下 有冇 一位 威風凜凜 、相貌堂堂 ，又好似 玉皇大帝 ，又好似 神仙菩薩 嘅 一位 老人家 ，嗰個 呢 就 神龍教 洪教主 喇 。
大家 要 聽從 佢 指揮 啊 。
屬下 又 話 ，島上 所有 嘅 女子 ，一概 唔好 得罪 ，尤其 是 嗰位 如花如玉 ，相貌 美麗 ，好似 天仙 下凡 嘅 年輕 姑娘 ，嗰個 呢 係 洪夫人 ，大家 認真 要 恭恭敬敬 啊噉 。
洪夫人 咭咭聲 噉 笑咗 幾下 就 話 ：
照 你 噉 講 ， 你 派兵 嚟 攻打 神龍 島 ， 都 係 出於 對 教主 嘅 一番 忠心 嘞 噃？
你 不但 無過 ，反而 有功 添 係唔係 啊 ？
屬下 嘅 功勞 呢 ，係 一啲 都 冇 嘅 ，只不過 係 見到 教主 同 夫人 平平安安 ，噉 幾個 掌門 使 仍然 係 忠心耿耿 ，好好 噉 服侍 教主 同 夫人 ，個 心 就 好 高興 喇 。
屬下 第一件事 ，就係 盼望 教主 同 夫人 仙福 永享 ，壽 與 天 齊 。
第二件事 呢 ，係 要 本 教 人人 盡忠報國 ，教主 話 乜嘢 ，大家 就 去 做 乜嘢 。
第三件 ，誒 第三件 。
洪夫人 笑住 話 ：第三件 ，係 要 畀 方姑娘 你 做 老婆 。
誒嘿嘿 ，誒呢件 係 小事啫 ，屬下 個 心 啊 一路 都 係 噉 諗㗎 ，只要 盡力 辦事 ，噉 教主 同 夫人 呢 歡喜 喇 ，教主 同 夫人 當然 亦 唔會 待薄 部下 嘅 。
洪安通 點點頭 話 ：你 呢 把口 確實 係 能説會道 ，不過 你 話 掛念 我 同 夫人 ，噉 點解 自己 唔 帶 兵 嚟 神龍島 呢 ？
點解 只係 派人 開炮 亂咁 轟 ，自己 就 遠遠 噉 匿埋 喺 後便 啊 ？
呢 一句 説話 就 問 中 要害 嘞 ，韋小寶 張口 結舌 ，一時 冇 說話 好 講 。
佢 知道 呢句 説話 只要 回答得 不盡不實 ，洪教主 一起 疑心 呢 ，先頭 車 嗰啲 大炮 固然 冚𠾴 唥 穿 煲 啦 ，嘿嘿 ，而且 連 命仔 亦 保唔住 添 。
情急之下 唯有 話 ： 屬下 罪該萬死 ， 實在 係 對 教主 同 夫人 唔 夠 忠心 啊 。
我 聽 瘦頭陀 講 起 島上 啲 人 咁 兇狠 嘅 ，連 教主 同 夫人 都 捉咗 ，屬下 個 心 好 怕 啊 。
上次 ， 上次 佢 哋 背叛 教主 ， 都 係 屬下 扠 𢰸 佢 哋 嘅 ， 嗯 如果 畀 佢 哋 捉 到 啊 ， 非 抽 我 個 筋 、 剝 我 個 皮 不可 啦 。
噉屬下怕死 ，因此就遠遠噉匿埋喺後便 ，只係派手下嘅兵將嚟救教主同夫人咯 ，噉 ，噉誒 ，噉啊 實在係抵死到極喇真係 。
洪教主 同 夫人 對望 咗 一眼 ，慢慢 岌下 頭 ，都 諗 ：
呢個 細路 自己 承認 怕死 ，可見 説話 就 唔係 假嘅 。
洪教主 話 ：你 呢番 説話 係 真係 假 ，我 要 慢慢 查問 。
如果 知道 你 係 講 大話 呢 ，哼哼 ，你 自己 明白 。
韋小寶 話 ： 係 ， 教主 同 夫人 要點 樣 處罰 呢 ， 屬下 心甘情願 ， 不過 千祈 唔 好將 屬下 交 畀 肥 頭陀 、 瘦頭陀 同 陸高軒 佢 哋 啊 。
呢一次啊 ，呢一次 佢哋 安排 巧計 ，呃到 清兵 炮轟 神龍島 ，害死咗 唔少 兄弟姊妹 ，一定 有 重大 陰謀 。
照屬下睇啊 ，呢個 陸高軒 梗係 想 做 陸教主 。
佢 喺 雲南 嘅 時候 話 ：我 亦 唔 要 咩 仙福 永享 壽 與 天齊 ，只要 享 佢 五十 年 福 呢 就 好 夠 好夠 喇 。
陸高軒 嬲 到 極 啊 ：你 ，你 ！
一掌 就 向 韋小寶 後心 拍 落去 。
無根道人 搶上 一步 ， 伸掌 拍出 ， 啪 一聲 ， 陸高軒 畀 佢 震 到 退後 兩步 。
無根 道人 呢 ，個 身 只係 岌一岌唧 ，就 喝 佢 話 ：
陸高軒 ，你 喺 教主 座前 ，點 敢 行兇 傷人 啊 ？
陸高軒 面色 慘白 ，躬身 話 ：
教主 恕罪 ，屬下 聽 呢個 細路 車 大炮 真係 忍唔住 喇 ，真係 失禮晒 。
洪教主 哼咗 一聲 ，對 韋小寶 話 ：你 出去 啦 。
又 對 無根 道人 話 ：你 親自 看管 佢 ，唔准 人哋 傷害 佢 ，唔能夠 畀 佢 到處 亂走 。
你 唔好 同佢 講嘢 。
呢個 細佬哥 詭計 多端 ，要 加以 留神 啊 。
無根道人 躬身 答應 。
噉此後幾日 ，韋小寶 日夜 都 同 無根道人 住 喺 一間 艙房 ，睇住 每日 早晨 ，太陽 喺 右舷 升起 ，傍晚 就 喺 左舷 落去 。
噉佢哋隻船啊 ，係 向北 行 嘅 。
最初 嗰 一兩日 ，佢 仲 盼望 施瑯 同 王府 嘅 水師 能夠 追住嚟 搭救 自己 ，到咗 收尾 ，知道 冇望 喇 ，佢 諗 ：
我 亂噏 一通 ，教主 同 夫人 已經 信 咗 九成 嘞 。
只不過 我 帶兵 將 神龍島 揈 到 一塌糊塗 ，就算 係 出於 好心 ，都 不免 有 罪 吖 。
好在 嗰個 矮冬瓜 扮成 浮屍 嚟 呃 我 ，係 教主 自己 諗出嚟 嘅 計策 唧 。
哼 ，如果 唔係 呀 ，佢 一嬲 起上嚟 ，實會 將 矮冬瓜 同 我 兩個 一齊 殺咗 ，煲 一煲 小寶 冬瓜 湯啫 。
嗯 ，呢隻船 向北 行 嘅 ，唔通 係 去 遼東 ？
噉佢 問咗 無根道人 幾次 ，無根道人 總係 回答 話 唔知道 。
韋小寶 同 佢 傾 偈 ， 無根道人 話 ： 教主 吩咐 ， 唔 准同 你 講 説 話 。
又唔准佢行出艙房一步 。
韋小寶 好 無聊 啦 佢 又 諗 ：
唉 方怡 呢個 死女 明明 喺 隻 船 處 嘅 ，又 唔 嚟 陪 老子 散心 解悶 。
話説 戰船 一直 向 北 駛 ，天氣 啊 越嚟越 冷 嘞 。
無根 道人 內力 深厚 就 唔覺得 點 ，韋小寶 就 冷到 猛咁 震 喇 牙齒 打掛 嘎嘎 響 。
又行咗幾日 ，北風 怒號 ，天色 陰沉 ，忽然 落起 大雪 。
韋小寶 大叫 話 ：呢次 冷死 我 喇 。
佢 諗 ：索額圖 大哥 ，送 咗 件 貂皮 袍 畀 我 嘅 ，唉 可惜 又 留 喺 大營 ，冇 帶 出嚟 啦 。
早知道 方怡 會 呃 我 嘅 ，我就應該 着埋 件 貂皮袍 出嚟 先至 抱 佢 ，免致 凍死 喺 船裏 便 喇 ，哎呀 真係 慘 咯 。
戰船 行到 半夜 ，忽然 聽見 叮叮咚咚 個 聲音 。
韋小寶仔細一聽 ，先至知道 海裏頭 嘅 碎冰 相撞 ，大吃一驚 喇 就 話 ：哎呀 弊喇弊喇 。
呢隻船啊 如果 喺 大海 裏 便 畀 冰 封住 ，唔係 弊弊 冇 咁 弊 ？
無根道人 話 ： 大海 裏 便 嘅 海水 唔 會 結冰 ， 我 哋 就 嚟 要 靠岸 喇 。
係咪到咗遼東啊 ？
無根道人 哼 咗 一聲 ， 唔 回答 嘞 。
第日 朝頭早 ，推開 船艙 個 窗 望出去 ，只見 白茫茫 成個 海 都係 浮冰 ，冰 上 啊 積咗 白雪 ，遠遠 呢 可以 望到 陸地 嘞 。
呢一晚 ，戰船 駛到 岸邊 拋錨 ，睇嚟 第二日 一早 呢 ，就 要 坐 小艇 登陸 。
呢一晚 韋小寶 思潮起伏 ：洪教主 到底 要 點樣 處置 自己 呢 ？實在 好 難 估 嘅 。
洪教主 似乎 信咗 自己 嘅 説話 ，不過 似乎 又 唔係 點 信 。
嚟到 呢處 冰天雪地 都 唔知 係 咩 嘢 用意 嘅 。
諗諗諗諗咗一陣 ，就 瞓着 嘞 。
睡夢之中 ，忽然 見到 方怡 坐 喺 自己 身邊 。
韋小寶 伸 隻 手 一下 攬住 佢 ，迷迷糊糊 聽見 佢 話 ：唔好 搞 啦 。
韋小寶 話 ：死 老婆 我 偏要 搞 。
又覺得 方怡 喺 懷抱 裏 便 扭咗 幾 扭 。
佢 似 睡 似 醒 ，聽見 嗰個人 低聲 話 ：相公 啊 我哋 快啲 走 啦 。
咦 ？似乎 係 雙兒 把 聲 噃 。
韋小寶 吃咗 一驚 ，當堂 醒晒 ，覺到 自己 的確 係 抱住 一個 人 喇 ，黑暗 之中 啊 睇唔見 係 邊個 ，個 心 諗 ：
係 方怡 呢 定係 洪夫人 啊 ？
呢隻 戰船 上 便 ，就係 得 兩個 女子 嘅 啫 佢 諗 ：
理佢 係 方怡 定係 洪夫人 吖啜 個 嘴 先至 講 ，有 便宜 就 唔好 使 頸 喇 。
噉啊 將 懷抱 嗰個 人 呢 扳過嚟 就 吻 佢 個 嘴 嘞 噃 。
嗰個人 細細聲 笑一笑 ，擰轉頭 避開 。
呢一下 笑聲 雖然 係 細 啊 ，不過 聽得 清清楚楚 明明白白 ，係 雙兒 。
韋小寶 又 驚 又 喜 ，喺 佢 耳邊 低聲 噉 問 ：雙兒 ，你 點嚟 㗎 ？
雙兒話 ：我哋 快啲 走啦 ，慢慢 再 同你 講啦 。
我啊 冷到死咁滯啊 ，你 快啲 入嚟 我 被 竇 暖 下 先 啦 。
哎呀 好相公啊 ，你 真係 吖 ，都 唔 諗下 而家 係 咩嘢 時候 。
韋小寶 緊緊噉 攬住 佢 問 ：趯 去 邊處 啊 ？
我哋 靜靜 去 船尾 ，扒 隻 艇仔 上岸 ，佢哋 就算 發覺 喇 亦 追唔到 啦 。
好嘢啊 ，哎呀 ，嗰個 道士 呢 ？
我 偷偷摸 入嚟 船艙 ，已經 點咗 佢 穴道 喇 。
噉 兩個 人 靜靜 出咗 船艙 。
呼 ，一陣 冷風 撲面 ，韋小寶 全身 都 凍僵 咁滯 啊 ，連忙 行翻 入去 ，剝 咗 無根 道人 身上 嘅 道袍 包住 自己 。
噉 當其時 烏雲 滿天 星月 無光 ，大雪 仲係 猛咁 落 。
兩個人 去到 後艄 ，聽見 四圍 都 冇 聲 嘞 ，隻 船 已經 拋咗 錨 ，連 掌舵 嘅 舵手 都 入 艙 瞓覺 嘞 。
雙兒 拉住 韋小寶 隻 手 ，一步一步 噉 行到 船尾 ，低聲 話 ：
我 跳落去 先 ，然後 你 再 落嚟 啦 。
提 一口氣 ，輕輕 跳落 綁 喺 船尾 嘅 艇仔 。
韋小寶 向 下一望 ，咦 ，黑麻麻 ，佢 有啲 怕 喇 ，就 眯埋 雙眼 跳落去 。
雙兒 用 雙掌 托住 佢 ，喺 艇仔 轉 咗 個 圈 ，卸 咗 佢 跳落嚟 嘅 力 嘞 ，然後 將 佢 放低 。
忽然間 ，聽見 船艙 裏 便 有人 喝 ：邊個 ？
係 洪教主 把 聲 啊 。
韋小寶 同 雙兒 都 大吃一驚 ，趴 喺 艇底 唔敢 出聲 。
突然 艙房 嘅 窗 透出 火光 ，雙兒 知道 洪教主 已經 聽到 動靜 ，點着 火 嚟 查 喇 ，連忙 攞起 支 槳 落水 嚟 扒 嘞 噃 。
只係 扒咗 兩下 ，洪教主 已經 大聲 呼喝 ：邊個 ？唔准 逳 ！
跟住 小艇 岌一岌 ，唔行 。
原來 心慌意亂 ，都 唔 記得 解開 綁住 艇仔 嘅 繩索 。
韋小寶 又 急急 伸手 去 解 繩 啦 ，一掂 ，冰 咁 冷 嘅 ，原來 係 一條 鐵鏈 綁住 艇仔 。
呢個 時候 只 聽見 大船 裏 便 好幾 個 人 都 叫起 上嚟 啊 ：白龍 使 唔 見 咗 喇 ！
嗰個 衰仔 走咗 喇 。
走咗 去 邊處 呢 ？快啲 追 。
韋小寶 喺 靴筒 拔出 匕首 ，出力 一揮 ，撐 一聲 ，斬斷 鐵鏈 ，小艇 啊 即時 衝 出去 嘞 。
洪教主 、洪夫人 、肥瘦二頭陀 、陸高軒 ，佢哋 聽見 聲 都 先後 走嚟 船尾 。
冰雪 光芒 反映 之下 ，見到 艇仔 離開 大船 已經 有 幾丈 遠 。
洪教主 一 伸手 ，喺 船邊 上 便 揦咗 一塊 木頭 落嚟 ，出力 向 艇仔 掟過去 。
佢 內力 雖然 係 強 啊 ，但係 木頭 到底 係 太過 輕 ，飛到 離 艇仔 兩 尺 嘅 地方 呢 就 跌咗 落 海 嘞 。
初時 陸高軒 、肥頭陀 佢哋 又 唔知 教主 用意 ，就 唔敢 發 暗器 ，至 怕 打傷 咗 白龍使 啊 反而 受 責罰 。
等到 見到 教主 用 木頭 掟 佢 咯 ， 先至 明白 佢 嘅 心思 ， 噉 身邊 帶住 暗器 嘅 就 攞 出 嚟 發射 啦 。
就係噉樣 ，慢咗 一慢 ，艇仔 又 向前 扒咗 兩丈 。
尋常 細小 暗器 就 好難 射得 遠 嘅 ，偏偏 弓箭 啊 、鋼鏢 啊 、飛蝗石 呢啲 嘢 又 唔 就手 。
所以 眾人 發出 嘅 袖箭 毒針 等等 呢 ，都 紛紛 跌咗 落 大海 嘞 。
瘦頭陀話 ：呢個 衰仔 咁 狡猾 ，我 早就 知道 佢 唔係 好人 㗎喇 ，一刀 殺咗 佢 就 啱喇 ，留住 佢 喺 處 ，盞 攞嚟 衰 嘅 啫 。
洪教主 啊 本來 嬲到極 ，瘦頭陀 呢 幾句 風涼話 顯然 係 譏諷 自己 見事不明 ，就 一下 揦住 佢 後頸 ，喝 佢 話 ：快啲 去 同 我 將 佢 追翻嚟 ！
左手 一舉 ，將 瘦頭陀 舉起 ，右手 啊揦住 佢 後臀 ，大喝 一聲 ：快啲 去 ！
兩隻手 一縮 ，全身 內力 都 運晒 落 手 ，跟住 向前 送出 。
瘦頭陀 成個 肉球 噉 啊 飛出去 ，一直 向住 艇仔 衝過嚟 。
雙兒 啊 搏命 咁 扒 。
韋小寶 大叫 ：哎呀 弊喇 ，人肉炮彈 打嚟喇 ！
都未曾叫完唧 ，乒乓一聲 ，瘦頭陀 已經 跌咗 落海 嘞 。
嗱 各位 ，欲知 後事 如何 ，且 聽 下回 分解 。
