前 文 再續 啊 書 接上 一回 啊 。
話説 韋小寶 返到 住地 ，徐天川 、玄貞 等 啊 早就 得到 消息 ，都 非常之 高興 啊 。
韋小寶 亦 冇 同佢哋 講明 實情 。
噉佢 問起 去 老舉寨 嘅 事 ，群雄 話 依計 行事 一切 順利 噉 。
韋小寶 諗嘞 ：今晚 發生咗 噉嘅 大事 ，如果 即刻 派兵 回京 ，大漢奸 啊 一定 疑心 我 係 去 向 皇上 稟告 嘅 。
唔好喇 ，仲係 等 事情 過咗 之後 ，再 送 呢個 蒙古鬍鬚佬 出去 啦 。
噉啊 忙亂咗 成晚 ，群雄 正 話 要 走 嘅 時候 ，忽然間 御前侍衞 趙齊賢 匆匆忙忙 嚟到 門外 話 ：
啟稟 總管 ，平西王 遇刺 啊 。
韋小寶 大吃一驚 ，連忙 問 ：佢 有冇 死 啊 ？刺客 係 邊個 啊 ？
佢 唔想 畀 趙齊賢 見到 天地會 群雄 深夜 喺 佢 房間 聚會 ，就 行 出 門外 佢 又 問 ：大漢 ，誒 大 ，誒 平西王 有冇 死到 啊 ？
趙齊賢話 ：冇死 ，聽講 只係 受啲 輕傷 。
刺客 當堂 就 捉住 喇 ， 原來 ， 原來 係 公主 身邊 嘅 宮女 啊 。
韋小寶 又 嚇咗 一驚 ：係 公主 身邊 嘅 宮女 ？邊 一個 啊 ？點解 要 行刺 平西王 呢 ？
趙齊賢話 ：詳情 就 唔 知道 嘞 。
屬下 一 有 平西王 遇刺 嘅 消息 ，即刻 趕嚟 稟報 啦 。
韋小寶 話 ：快啲 去 查明 回報 啦 。
趙齊賢 應咗 ，啱啱 擰轉頭 行咗 幾步 ，只見 張康年 急急 腳噉 行嚟 佢 話 ：
啟稟總管 ，行刺 平西王 嘅 宮女 叫做 王可兒 啊 。
韋小寶 成 個人 岌 咗 一 岌 ， 聲 都 震 晒 噉 問 ： 佢 ， 佢 佢 ， 佢 點解 ， 點解 要 行刺 呢 ？
王可兒 就係 阿珂 嘅 化名 ，係 將 個 珂 字 拆開 變成 王可兒 嘅 。
張康年 話 ：平西王 已經 將 佢 帶咗 翻 去 王府 ，話 要 親自 審問 到底 係 咩 人 指使 喎 。
韋小寶 一 聽見 心上人 被 捉 ，頭腦 啊 成 擗漿糊 噉 ，乜嘢 主意 都 諗唔出 嘞 。
張康年話 ：大家 都 話 喇 ，有 邊個 主使 佢 唧 ？
呢個 王可兒 係 個 十六七歲 嘅 姑娘仔 ，實係 佢 忠於 公主 ，見到 公主 受辱 自盡 嘞 ，個 心 好 唔忿 ，所以 就 要 為 公主 報仇 出氣 囉 。
韋小寶 喺 一團漆黑 之中 ，突然 見到 一線光明 嘞 佢 連忙 話 ：
冇錯冇錯 ，梗係 噉啦 。
一個 姑娘仔 ，同 平西王 有 咩 冤仇 唧 ？
我哋 就算 要 行刺 平西王 啊 ，亦 決唔會 派 個 姑娘仔 去 㗎 嘛 。
趙齊賢 同 張康年 啊 互相 望咗 一眼 ，佢哋 都 諗嘞 ：
韋副總管 講説話 有啲 亂 喇 ，我哋 點 會 派 人 去 行刺 平西王 唧 ？
張康年 話 ：睇嚟 平西王 亦 唔會 疑心 第個人 嘅 。
呢件事 一 搞大咗 ，邊個 都 冇 好處 。
佢 多數 派 人 靜靜 將 呢個 宮女 殺咗 就 了事 㗎 喇 。
韋小寶 聲 都 震晒 話 ：唔 殺得 㗎 唔 殺得 㗎 ！
佢 如果 殺咗 啊 ，老子 同 佢 搏命 ，同 呢隻 老 烏龜 大 漢奸 ，白刀 入 紅刀 出 啊 。
趙張 兩個人 又 試 對望 咗 一眼 ，個心 有 啲 思疑 嘞 ：
唔通 係 韋 副總管 見 公主 畀 人哋 侮辱 ，嬲起 上嚟 派 呢個 宮女 去 行刺 ？
噉 兩個人 垂手 企 響 處 唔 敢 接口 嘞 。
韋小寶 話 ：噉點算啊 ，吓 ？噉點算啊 ？
張康年 見 佢 好似 神不守舍 、焦急萬狀 ，就 安慰 佢 話 ：
韋副總管 ，呢件事 真係 嘈起上嚟 ，告到 皇上 嗰度 ，追究 罪魁禍首 ，噉 亦係 吳三桂 父子 嘅 唔啱 。
強姦 公主 仲 得了 嘅 ？
何況 吳三桂 又 冇 死 ， 就算 佢 查明 咗 指使 嘅 人 啊 ， 我 哋 死 都 唔 認 ， 佢 亦 無可奈何 㗎 。
韋小寶 擰擰頭 苦笑話 ：唉 ，的的確確 唔係 我 指使 佢 㗎 。
我哋 自己 兄弟 ，噉 唔通 仲 使 呃 你哋 咩 ？
趙齊賢 同 張康年 當堂 放心 嘞 。
趙齊賢話 ：嘿噉就好辦喇 ，我哋 壅冚 個頭 瞓 大覺 ，詐假意 唔知 噉 就算 嘞 。
韋小寶 話 ：唔得㗎 。
兩位 大哥 ，唔該 你哋 辛苦 一趟 喇 ，攞 我 個 名帖 去 見 平西王 ，話 王 可兒 衝撞 咗 王爺 ，好 唔應該 ，我 非常之 激氣 。
誒 ，但係 佢 係 公主 嘅 貼身 宮女 ，請 王爺 將 佢 交畀 你哋 帶翻嚟 ，由 我 稟明 公主 重重 責打 ，幫 王爺 出氣 啦 噉 ，誒 你哋 去 啦 。
趙張 兩個人 應咗 就 去 嘞 ，都 覺得 未免 多此一舉 啦 ，由得 吳三桂 將 呢個 宮女 靜靜 殺咗 ，神不知鬼不覺 ，大家 太平 無事 噉 咪 仲 好 。
韋小寶 嗱嗱聲 嚟到 九難 間 房外 便 ，推開 門 就 入去 嘞 。
見 九難 喺 床上 打坐 啱 啱 完 ， 佢 話 ： 師父 ， 你 知 唔 知 師姐 ， 誒 誒 師姐 嘅 嘅 事 啊 ？
九難問 ：咩嘢事啊 ？乜咁慌慌張張啊你 ？
師姐佢 ，佢 ，佢 去 行刺 大漢奸 ，畀 ，畀人 捉住 啊 。
九難 雙眼 裏 便 光芒 一閃 ，佢 問 ：殺死 佢 未 啊 ？
冇啊 ，不過 ，不過 師姐 畀 佢哋 捉咗 去 咯 。
九難 哼咗 一 聲 有啲 失望 ，佢 冷冰冰 噉 話 ：真係 冇用 嘅 。
韋小寶 微微 覺得 奇怪 喇 佢 諗 ：
佢 係 你 嘅 徒弟 ，佢 畀 大漢奸 捉咗 去 點解 你 毫不 在乎 嘅 ？
轉念一諗 ，當堂 明白 嘞 佢 話 ：
師父 ，你 有 搭救 師姐 嘅 法子 呢 係唔係 啊 ？
九難 望咗 佢 一眼 擰擰頭 話 ：冇 ，呢個 人 真係 冇用 嘅 。
韋小寶 一路嚟 ，見到 師父 對 呢個 師姐 冷冷淡淡 ，都唔係 點 痛愛 佢 ，唔及 對 自己 咁 好 。
不過 師父 唔 鐘意 佢 咋 喎 我 韋小寶 就 鐘意 到 死 啊 。
佢 話 ： 誒 大 漢奸 會 殺 咗 佢 㗎 ， 恐怕 而家 啊 已經 打 到 佢 死去活來 ， 話 要 ， 誒 ， 要 查明 指使 佢 個人 喎 。
九難 冷冰冰 噉 話 ：係 我 指使 嘅 。
大漢奸 有 本事 ，等 佢 嚟 捉 我 啦 。
九難 指使 徒弟 去 行刺 吳三桂 ，韋小寶 聽咗 一啲 都 唔 奇怪 。
佢 係 前明崇禎皇帝 嘅 公主 ，大明 江山 ，就 葬送 喺 吳三桂 手上 ，所以 對 呢個 人 ，自然 係 恨之入骨 嘞 。
而 九難 自己 啊 ，就 喺 五台山 上 行刺過 康熙 。
不過 阿珂 嘅 武功 麻麻地 ，吳三桂 身邊 高手 衛士 極 多 ，就算 行刺 得手 啊 ，亦係 好難 走得甩 嘅 。
噉 師父 指使 佢 去 辦 呢件事 ，唔係 明明 要 佢 去 送死 ？
韋小寶 個 心裏 便 疑問 好多 啊 ，不過 亦 唔敢 直白 噉 問 佢 。
韋小寶 話 ： 師姐 決 唔 會 供 師父 出 嚟 嘅 。
係咩 ？九難 講完 眯埋 雙眼 。
韋小寶 唔敢 再 問 嘞 ，行 出 房 外 便 。
佢 估計 趙張 兩個人 去 同 吳三桂 要人 ，唔會 咁快 就 能夠 返嚟 嘅 ，就 喺 間 廳 處 踱嚟踱去 。
睇住 就嚟 天光 嘞 ，連 氣派 咗 三 批 侍衞 去 探聽 消息 ，一直 唔 見 返嚟 報告 。
到咗 收尾 實在 忍唔住 嘞 ，點咗 一隊 驍騎營 軍士 ，親自 率領 ，出發 去 平西王府 。
一直到 離開 王府 三里路 嘅 法慧寺 停低 ，噉 又 派 侍衞 飛馬 去 探聽 消息 。
過咗 一 餐飯 咁上下 啦 ，只 聽見 蹄聲 急促 ，張康年 快馬 跑翻嚟 ，向 韋小寶 稟告 話 ：
屬下 同 趙齊賢 奉 副總管 之 命 去 見 平西王 ，王爺 一直 冇 接見 。
而家 趙齊賢 仲 喺 王府 門 房 裏 便 等 啊 。
韋小寶 又 急 又 嬲 ，𨂽住 腳 噉 鬧 ：佢 阿爺 吖 ，吳三桂 好 大 架子 啊 。
張康年 話 ：佢 係 威震一方 嘅 王爺 ，天下 除咗 皇帝 ，就係 佢 大 咯 。
佢 唔見 我哋 小小 侍衞 亦 係 好 平常 啫 。
韋小寶 嬲 啊 ：我 親自 去 見 佢 ，你哋 都 跟 我 嚟 。
韋小寶 捩轉頭 吩咐 一名 驍騎營 嘅 佐領 話 ：
將 我哋 嘅 隊伍 都 調過嚟 ，喺 吳三桂 狗竇 外 便 候命 。
嗰個 佐領 接咗 命令 就 去 嘞 。
張康年 佢哋 聽咗 都 驚喇 ，睇 韋小寶 嬲 到 咁 緊要 ，直情 就 要 同 吳三桂 火拼 噉 。
不過 平西王 麾下 兵馬 眾多 ，喺 北京 護送 公主 嚟 雲南 嘅 ，只係 得 兩千幾 官兵 。
如果 逳起手嚟啊 ，恐怕 唔到 半個時辰 ，就 畀 人 殺到 乾乾淨淨 嘞 。
張康年 話 ： 韋副 總管 ， 你 係 欽差大臣 ， 奉 咗 皇上 之命 嚟 到 昆明 ， 有 咩 事 同 佢 好好 商量 ， 平西王 唔 能夠 唔 畀 面 你 嘅 。
以屬下之見 ，不妨 慢慢嚟 啊 。
豈有此理 ，吳三桂 係 咩 新鮮 蘿蔔皮 啊 ？
我哋 如果 慢慢嚟 啊 ，佢 將 我 老 ，將 嗰個 王可兒 殺咗 ，邊度 救得 翻生 啊 ？
張康年 見 佢 疾言厲色 ，唔敢 再 講 嘞 ，佢 諗 ：
殺 一個 宮女 啫 嘛 又 有 咩 咁 大不了 呢 ？
佢 又 唔係 你 親生 妹妹 ，使 乜 咁 大陣仗 喎 。
韋小寶 猛叫 話 ：帶馬 ，帶 馬 ！
噉就 翻身 上馬 ，縱馬 飛奔 ，嚟到 平西王府 。
王府 嘅 門 公侍衞 見 係 欽差 大臣 到 唄 ，連忙 接 咗 佢 入去 大廳 ，即刻 入去 裏 便 稟報 。
夏國 相同 馬寶 兩名 總兵 ，一齊 出嚟 迎接 。
夏國相 呢 ，係 吳三桂 嘅 女婿 ，佢 嘅 地位 排 喺 十名 總兵 嘅 第一 位 。
向 韋小寶 行 過 禮 之後 佢 就 話 ：韋爵爺 ，王爺 遇刺 嘅 消息 ，睇嚟 你 已經 知道 嘞 。
王爺 受傷 唔輕 ，唔能夠 親自 迎接 請 你 恕罪 啊 。
韋小寶 吃咗 一驚 話 ：王爺 受咗 傷 咩 ？唔係 話 冇 受傷 嘅 ？
夏國 相好 憂慮 噉 話 ：王爺 心口 畀 刺客 㓤咗 一劍 ，傷口 有 三四寸 深啊 。
哎呀 ，噉 就 弊 喇 。
夏國相 皺起 眉頭 話 ： 王爺 呢 次 ， 呢 次 能 唔 能夠 脱險 ， 而家仲好 難講 。
我哋 怕 動搖 人心 所以 冇 洩漏 出去 ，只係 話 冇 受傷 噉 。
韋爵爺 係 自己人 ，當然 要 照實 講 啦 。
我 去 探下 王爺 。
夏馬 兩個人 對望咗 一眼 ，夏國 相話 ：小人 帶路 。
噉啊嚟到 吳三桂 嘅 臥室 。
夏國相話 ：岳父 ，韋爵爺 嚟 探 你 老人家 喇 。
聽見 吳三桂 喺 錦帳 裏 便 呻吟 咗 幾 聲 ，並 冇 答話 。
夏國相 揭起 錦帳 ，只見 吳三桂 皺住 眉頭 咬實 牙關 ，正 喺度 忍住 痛楚 。
床褥 、鋪蓋 上 便 ，都係 血跡 。
心口 綁住 繃帶 ，繃帶裏 便 啊 仲 不斷 滲 啲 血水 出嚟 。
床邊 有 兩名 大夫 企 響 處 ，都 係 面帶 愁容 嘅 。
韋小寶 估唔到 吳三桂 受傷 會 咁重 ，原來 嗰 滿腔 憤怒 啊 ，霎時間 化為 烏有 ，不由得 擔心 起 上嚟 。
吳三桂 係 死 係生 ，佢 亦 唔 放 喺 心上 ，但係 如果 佢 傷重 而 死 ，要 救 阿珂 就 更加 難 嘞 ，佢 問 ：
王爺 ，你 傷口 痛得 好 厲害 啊 ？
吳三桂 嗬嗬噉 嗌咗 幾聲 ，雙眼 都 冇 晒 神 。
夏國相 又 話 ：岳父 ，韋爵爺 嚟 探望 你 老人家 。
吳三桂 哎吖 、哎吖噉 猛咁 叫 ，佢 話 ：
我 ， 我 ， 我 唔 得 嘞 。
你 哋 ， 你 哋 快 啲 去將 ， 將應 熊 ， 將應 熊 呢 個 小 畜生 殺 咗 ， 都 係 ， 都 係 佢 害 ， 害死 我 嘅 。
夏國相 唔敢 應佢 ，輕輕 放低 錦帳 ，同 韋小寶 行咗 出 房外 便 。
夏國相 一 出 房門 就 雙手 揞 面 喊住 話 ：
韋爵爺 ，王爺 ，王爺係唔得㗎嘞 。
佢 老人家 一生 為 國 盡忠 ，卻 係 落得 噉 嘅 下場 ，真係 ，唉 真係 皇天 不佑 善人 喇 。
韋小寶 個 心話 ：為國 盡忠 個 屁 ！皇天 不佑 大漢奸 ，係 天經地義 啊 。
佢 話 ：夏總兵 ，我 睇 王爺 雖然 係 傷重 ，不過 一定 死唔了 嘅 。
夏國相 話 ： 唉 謝天謝地 ， 但願 好似 爵爺 金口 啦 。 不過 何以見得 呢 ？
我 會 睇相 ，王爺 嘅 相 ，貴 不可言 啊 ，佢 將來 做 嘅 官 ，比 今日 仲 要 大 成 百倍 ，呢 一次 決 唔 會 死 嘅 。
吳三桂 貴為 親王 ，雲貴 兩省 軍民 政務 冚𠾴唥 由 佢 一個人 管理 ，爵位 已經 到咗 頂峰 嘞 ，官職 ，亦 已經 到咗 極點 。
韋小寶 話 佢 將來 做嘅 官 ，比 今日 仲 要 大 成百倍 ，噉 除咗 做 皇帝 之外 啊 ，仲 有 咩 官 比 平西王 大 成百倍 呢 ？
夏國相 一 聽 面色 都 變晒 佢 話 ：
皇恩浩蕩 ，我哋 王爺 嘅 爵祿 ，已經 到咗 極點 喇 ，仲 升 係 唔 能夠 升 㗎 喇 。
只係望 好似 韋爵爺 金口 ，佢 老人家 能夠 逢凶化吉 ，遇難 呈祥 啦 。
韋小寶 見咗 佢 嘅 神情 個 心 諗 ：吳三桂 要 作反 ，你 九成九 早就 知道 嘞 。
唔係 ，為咩 我 一 講 佢 要 高升 百倍 你 就 嚇 成噉 嘅 樣 呢 ？
哼 ，我 索性 再 嚇佢 一嚇 添 。
佢 就 話 ：夏總兵 即管 放心 啦 ，我 睇 你 嘅 相 呢 ，亦 係 貴 不可言 ，日後 啊 ，仲要 請 你 多多 提拔 ，多多 栽培 啊 。
夏國 相請 咗 個 安 ，恭恭敬敬 噉 話 ：欽差大人 言重 喇 。
大人 獎勉 有加 ，小將 一定 忠君 報國 ，唔敢 辜負 欽差 大人 嘅 期望 。
嘿嘿 ，好好做啦 ，你哋 世子 做咗 額駙 ，就 官 封 少保 ，兼 太子太保 。
就算係 當年 岳飛 岳爺爺 ，喺 朱仙鎮 大破 金兵 ，使到 金兀術 屁滾尿流 ，亦 不過 係 官封 少保 啫嘛 。
一做 公主 嘅 丈夫 ，就 有 咁多 好處 咯 。
夏總兵 ，好好咁做啦 。
佢 一便 講 ，一便 行 出去 外便 。
夏國 相 嚇到 成手 都係 冷汗 個心 諗 ：
聽 呢個 僆仔 嘅 説話 ，竟然 係 指明 我 岳父 要 做 皇帝 。
唔通 ，唔通呢件事 走漏咗 風聲 ？
抑或 係 呢個 僆仔 不知 天高地厚 亂講 無為 呢 ？
韋小寶 行到 去 迴廊 嗰度 ，企定咗 ，佢 問 ：
行刺 王爺 嘅 刺客 ，已經 捉到 㗎啦 ？
到底係咩人啊 ？係邊個指使㗎 ？係前明餘孽呢 ，定係沐王府嘅人啊 ？
夏國相話 ：刺客 係 個 女仔 ，叫做 王可兒 。
有人 亂講話 ，誒 話 佢 係 公主 身邊 嘅 宮女 喎 。
小將 就係 唔信 嘞 ，多數 係 冒充 㗎啫 。
呢個人 恐怕 係 沐家 派 嚟 嘅 。
韋小寶 吃咗 一驚 佢 諗 ：弊 ！佢哋 唔敢 得罪 公主 ，夾硬 話 阿珂 係 沐王府 嘅 人 。
噉就唔使理咁多直情殺㗎嘞噃 ，嗯呢次弊喇 。
佢 話 ： 王可兒 ？ 吖 係 喇 係 喇 ， 公主 有個 貼身 宮女 就 叫做 王可兒 ， 公主 啊 ， 好 喜歡 佢 㗎 ， 一陣 都 唔 能夠 離開 嘅 。
呢個 女仔 係 十七八歲 ，身材 苗苗條條 ，個樣 好靚 嘅 係唔係 啊 ？
夏國相 遲疑咗 一下 就 話 ：小將 一心 掛住 王爺 嘅 傷勢 ，冇 去 留意 刺客 。
呢個 女仔 如果 唔係 冒充 宮女 ，就係 名 同 人 不同 喇 。
欽差 大人 請 你 諗 下 ， 呢 位姓 王 嘅 宮女 ， 既然 好 得 公主 寵愛 ， 平時 受 公主 教導 ， 一定 係 知書識禮 温柔 和順 嘅 ， 邊度 會 行刺 王爺 㗎 ？ 唔 係 嘅 唔 係 嘅 。
佢 越係 咬死 刺客 絕對 唔係 公主 嘅 宮女 ，韋小寶 就 越發 心驚 ，佢 問 ：
你 哋 已 ， 已 ， 已經 殺 咗 佢 啊 ？
夏國相話 ：噉就未 ，要等 王爺 好翻晒 嘞 ，親自 去 審問 佢 ，查明 背後 指使 嘅 人 啊 。
韋小寶 噉 就 冇 咁 擔心 喇 佢 話 ：
你 帶 我 去 睇下 呢個 刺客 啦 ，係 真 宮女 定 假 宮女 ，我 一 睇 就 知 。
夏國相話 ：唔敢勞煩 欽差大人 嘅 大駕 ，呢個 刺客 決 唔係 公主 身邊 嘅 宮女 。
外便 謠言 好多 ，大人 唔使 理 佢哋 咁多 嘅 。
韋小寶 板 起塊 面話 ： 王爺 畀 刺客 刺 到 重傷 ， 如果 有 咩 三長兩短 兩短 三長 ， 哼 ， 噉 啊 人人 都 有 關係 。
本人 返到 北京 ，皇上 梗係 要 仔仔細細 噉 問 我 ，刺客 係 咩 人 啊 ？邊個 人 指使 啊 ？
我 如果 唔 親眼 睇得 清清楚楚 ，皇上 問起嚟 我 又 點 講 啊 ？
唔通 你 叫 我 亂講 一輪 啊 ？噉 呢個 欺君之罪 ，我 梗係 擔當 唔起 嘞 。
夏總兵 ，嘿嘿 ，恐怕 你 亦 擔當 唔起 噃 。
佢 一 搬出 皇帝 頂 大 帽子 嚟 ，夏國 相 就 唔 敢 違抗 嘞 ，猛咁 話 ：係 係 係 。
不過 呢 就 唔 逳 身 。
韋小寶 好 唔 高興 噉 話 ： 夏總兵 一味 推三推四 ， 究竟 有 咩 嘢 古怪 啊 ？
你 要 耍槍花 ，即管 耍嚟 睇下 ，睇 我 韋小寶 對唔對 付得了 。
佢 因為 心上人 被 捉 啊 ，眼見 凶多吉少 ，一 焦急 起嚟 ，講 說話 就 不 留 餘地 ，官場 嗰 啲 虛偽 面具 冚𠾴 唥 都 撕晒 唔 要 咯 。
夏國相 話 ： 小將 點敢 同 欽差 大人 耍槍 花呢 ？ 不過 ， 不過 小將 實在 有個 為 難 嘅 地方 。
係咩 ？
唔怕 同 欽差 大人 講吖 ，我哋 王爺 向來 管理 下屬 非常 嚴格 。
小將 係 佢 老人家 女婿 ， 王爺 對待 小將 加倍 嚴厲 ， 防備 下屬 喺 背後 話 佢 老人家 不公 啊 。
韋小寶 微微 一 笑話 ：
你 呢個 女婿 呢 真係 好 難做 噃 。
王爺 嘅 王妃 聽講 叫做 陳圓圓 ，乃係 天下 第一 美人 。
我哋 大清 得到 呢個 江山 ，同 陳王妃 係 好 有關係 嘅 。
你 外母 既然 有 羞花 閉月 之 貌 ，你 老婆大人 當然 亦 有 沉魚 落雁 之 容 喇 。
噉 其實 你 呢 個 女婿 做得過 吖 ， 做得過 之 至 啊 。
只要 見多 幾次 外母 ，畀 外父 打 幾餐 𦣇 柚 ，噉 係 好平常 啫 。
夏國相話 ：小將 嘅 妻子 。
韋小寶 講到 高興 ，唔理 佢 咁多 嘞 又 話 ：開講 有 話 ，外母 見 女婿 就 口水 哚哚 諦 。
我 睇 你 啊 ，嘿 ，外母 咁 靚 ，呢 句 説話 要 反過嚟 講 喇 ，女婿 見 外母 ，口水 吞 落 肚 啊 ，哈哈哈哈哈哈 。
夏國 相好 尷尬 啊 個 心話 ：
呢個 僆仔 亂噏 無為 ，講嘢 啊 好似 個 市井 流氓 噉 ，邊度 有 一啲 大官 嘅 樣 吖 ？
佢 話 ：小將 嘅 妻子 唔係 陳 王妃 生 嘅 。
韋小寶 話 ： 唉 噉 真 係 可惜 ， 可惜 啊 ， 你 唔 好運 啊 。
面色一沉 ，佢 話 ：我要去審問刺客 ，你 就 一味 同 我 東拉西扯 ，一直 扯到 你 外母 身上 ，嘿 ，真係 奇哉怪也 。
夏國相 越嚟越嬲 ，不過 塊面 仲係 一副 恭謹 嘅 神情 佢 話 ：
欽差大人 要 去 審問 刺客 ，噉啊 最好啦 。
欽差大臣 問 一句 ，勝過 我哋 問 一百句 、一千句 啊 ，就係 怕 王爺 ，誒 王爺佢 。
王爺 點 啊 ？唔准 我 審問 刺客 咩 ？
嗱 各位 ，欲知 後事 如何 ，且 聽 下回 分解 。
