前 文 再續 啊 書 接上 一回 啊 。
話說 韋小寶 用 手指公 同 食指 搭成 一個 圈 ，喺 吳應熊 面前 就 搖咗 幾 搖 。
吳應熊 見 自己 嘅 暗號 ，畀 韋小寶 識穿 咗 ，面色 都 變晒 ，但係 佢 腦筋 亦 轉得快 啊 ，就 話 呢個 暗號 係 錢 啫 。
韋爵爺 要 銀 要 錢 公主 先 肯 移駕 ，噉 就 好 商量 啦 噉 。
韋小寶 話 ：小王爺 咁 慷慨大方 ，我 代表 眾位 兄弟 多謝 嘞 。
小王爺 ，請 公主 移駕 嘅 事 ，你 自己 去 辦 啦 。
你哋 係 夫妻 ，一切 好 商量 吖 ，三更半夜 ，小將 就 唔 敢 撞入去 公主 房間 嘞 。
個心話 ：你 自己 去 睇 啦 ，睇下 嗰個 蒙古鬍鬚佬 係 唔係 匿埋 喺 房 吖 。
吳應熊 躊躇 咗 一下 就 岌一岌頭 ，推開 屋門 就 行入 外堂 ，喺 房門 外 便 高聲 話 ：
臣 吳 應熊 喺 呢度 率領 大家 救火 ，保護 公主 。
而家 火頭 燒緊 過嚟 呢便 ，請 公主 移駕 ，以策 萬全 。
隔咗一陣 ，只 聽見 房間 裏 便 一把 好 嬌柔 嘅 聲音 嗯噉 應咗 一聲 。
吳應熊 個心 諗 ： 你 同 我 雖然 未 成婚 啫 ， 但 我 係 額 駙 啊 ， 名分 早就 定 咗 嘞 ， 而家 事情 緊急 ， 入 你 間 房 亦 唔 算 越禮 吖 。
呢件事 唔 查明白 終歸 唔 妥 嘅 。
而且 除咗 我 之外 ，第二個 人 亦 唔 能夠 入 你 房間 嘅 。
就即刻 推開 房門 行咗 入去 咯噃 。
韋小寶 同 百幾 名 御前 侍衞 、驍騎 營 將官 、平西王府 家將 都 喺 屋外 便 等候 。
過咗 好耐 嘞 ，始終 唔 聽見 房裏 便 有 咩 動靜 。
又過咗一陣 ，大家 你 睇下 我 我 睇下 你 ，都 有啲 笑意 嘞 。
大家 個 心裏 便所 想 嘅 都係 同一件事 ：
呢對 未婚 夫妻 從來 未見過 面 嘅 ，今晚 忽然 喺 公主 閨房 裏 便 相會 ，嗯 一定 係 非常 香豔 定 喇 。
只有 韋小寶 個心 呢 就 大 呷 其 醋 喎 ， 事關 公主 呢 個 狐狸精 咩 嘢 事 都 做 得出 嘅 ， 牙煙 喇 。
突然 之間 ， 聽見 公主 尖聲 大叫 ： 大膽 ！ 你 ， 你 ， 唔 准 噉 樣 啊 ， 快 啲 出去 ！
屋外啲人 都 笑嘞 ，都 諗 ：小王爺 忍唔住 逳手 嘞 。
只 聽見 公主 又 叫 ： 你 ， 你 ， 唔 准除 我 衣服 ， 躝 出去 啦 ， 哎 吖 ， 救命 啊 ， 救命 啊 ！
呢個人 強姦 我 啊 ，佢 強姦 我 ，救命 ，救命 啊 ！
大家 忍唔住 好笑 嘞 ，都 覺得 吳應熊 太過 猴急 。
雖然 公主 終歸 係 佢 老婆 ，但 點 可以 噉 㗎 未成婚 就 亂咁嚟 都 得 嘅 咩 ？
有 幾名 武將 啊 終於 笑出聲 。
啲 御前侍衞 都 望住 韋小寶 ，等 佢 個 眼色 行事 ，係咪 要 保護 公主 。
韋小寶 個 心 嘭嘭嘭 亂 咁 跳 ：
呢個 小漢奸 為人 精明 ，點解 會 咁 胡鬧 呢 ？
唔 通 佢 ， 佢 真 係 想 害 公主 ？
就 大聲 噉 叫 ：小王爺 ，請 你 快啲 出嚟 啦 ，唔好 得罪 公主 啊 。
公主 突然間 大叫 ：救命啊 ！
聲音 淒厲 到 極 。
韋小寶 大吃一驚 ，將 手 一揮 話 ：搞出 大事 喇 ！
即刻 衝入 屋 ，噉 幾 名 御前侍威 同埋 王府 家將 啊 跟埋 入去 。
只見 臥室 嘅 房門 打開 ，公主 啊 縮喺 床角尾 ，身上 褸住 錦被 ，不過 就 打出 一對 雪白 嘅 大髀 ，雙臂 啊 裸露 ，顯然 全身 都 冇着 衣服 。
吳應熊啊 赤條條 噉 瞓 喺 地下 逳 都 唔 逳 ，下身 就 鮮血淋漓 ，隻手 啊 揸住 把 短刀 。
大家 見到 噉樣 嘅 情形 ，都 驚到 傻晒 。
王府 嘅 家 將 連忙 睇 下 吳應熊 死 咗 未 啦 ， 一探 鼻息 ， 仲有 呼吸 嘅 ， 心臟 都 仲 喺 度 跳 ， 不過 呢 係 暈 咗 唧 。
公主 喊住 話 ： 哎 ， 哎 ， 呢 個人 ， 呢 個人 非禮 我 ， 佢 係 邊個 啊 ？ 韋爵爺 ， 你 快 啲 拉 佢 去 殺頭 。
韋小寶 話 ：佢 就係 額駙 吳應熊 喇 。
唔係嘅唔係嘅 ，佢 剝晒 我啲 衣服 ，自己 又 除咗 衫 ，佢 強姦 我 啊 ，呢個 惡棍 ，快啲 殺咗 佢 啦 ！
成班 御前侍衞 都 好 憤怒 啊 ，自己 奉 王命 差遣 保衞 公主 。
公主 係 皇上 御妹 ，金枝玉葉 嘅 貴體 ，竟然 畀 吳應熊 呢個 僆仔 噉樣 侮辱 法 ，每個人 都 可以 話 係 有虧 職守 咯 。
王府 家將 就 個個 神色 尷尬 ，內心 有 愧嘞 。
其中 有 幾個 人 精明能幹 ，個 心諗 ：
事情 已經 到咗 噉嘅 地步 咯 ，如果 能夠 喺 公主 間 房 裏 便 查到 罕帖摩 ，或者 能夠 反咬 公主 一啖 ，至少 亦 有 啲 強詞奪理 嘅 餘地 吖 。
就 詐 假意 手忙腳亂 噉 救護 吳應熊 ，其實 雙眼 呢 就 睩嚟睩去 ，連 床下底 都 睇過 嘞 ，邊度 有 罕帖摩 嘅 影蹤 呢 ？
突然間 ，一名 王府 家將 叫起嚟 話 ：世子 ，世子嘅 下身 ，下身 。
吳應熊 下身 鮮血淋漓 ，大家 都 已經 睇到 嘞 ，初時 仲 以為 佢 對 公主 非禮 啫 。
呢個 時候 聽 嗰個 人 一 叫 ，都 一齊 望住 佢 下身 ，只見 啲 血 啊 仲 係 不停 咁 湧出嚟 ，顯然 係 受咗 傷 。
眾家將 都 慌起上嚟 ，身邊 帶住 刀傷藥 嘅 ，連忙 攞 出嚟 幫 佢 敷上去 。
韋小寶 話 ：吳應熊 對 公主 無禮 ，犯 大 不敬罪 ，先 扣押 起嚟 ，奏明 皇上 治罪 。
眾侍衛 齊聲 答應 啊 ，上前 將 佢 拉起身 。
王府 家將 係 親耳 所聞 就 親眼 所見 ，吳應熊 確實 係 對 公主 無禮 ，絕 難 抵賴 㗎嘞 ，聽 韋小寶 噉樣 講 ，邊個 都 唔敢 抗拒 。
一名 家將 躬身 話 ：
韋爵爺 開恩 ， 世子 受 咗 傷 ， 請 韋爵爺 准許 世子 返去 王府 醫治 ， 我 哋 王爺 必定 深感 大德 嘅 。
世子 確係 萬分 唔啱 咯 ，請 公主 寬宏大量 ，韋爵爺 多多 擔帶 。
韋小寶 板起 塊面 話 ：
噉嘅 大罪 ，我哋 唔敢 欺瞞 皇上 ，有邊個 擔帶得起 啊 ？
有 說話 出去 慢慢 講 ，大家 逼住 喺 公主 臥房 裏 便 ，似 咩 樣 啊 ？有 噉 嘅 規矩 嘅 咩 ？
班家將 猛話 ：係係係 。就 扶住 吳應熊 啊 退咗 出去 。
班侍衞 呢 ，亦都 退咗 出去 喇 ，噉 啊 只係 剩低 公主 同 韋小寶 兩個人 。
公主 忽然間 微微笑 ，向 韋小寶 擪 一擪 手 。
韋小寶 行到 床前 便 ，公主 攬住 佢 膊頭 ，喺 佢 耳仔 邊 低聲 話 ：
我 閹咗 佢 啊 。
韋小寶 大吃一驚 話 ：你 ，你咩話 ？
公主 喺 佢 耳 仔 噗 噉 吹 咗 啖 氣 ， 低聲 笑 住 話 ：
我 畀 火槍 指 住 佢 ， 逼 佢 除 晒 啲 衣服 ， 然後 呢 用 槍柄 喺 佢 頭殼 出力 噉 㩧 咗 一下 ， 打 到 佢 暈 咗 ， 噉 我 呢 ， 就 割 咗 佢 最 討厭 嘅 嘢 喇 。
從 今 之 後 啊 ，佢 只能夠 做 我 嘅 太監 ，唔 能夠 做 我 嘅 丈夫 喇 。
韋小寶 又 好笑 又 吃驚 佢 話 ：你 咁 大膽 胡鬧 嘅 ？你 闖 咗 大禍 喇 。
公主 話 ：闖 咩 禍 唧 ？我 噉 做 啊 一心一意 為咗 你 啫 嘛 。
我就算嫁咗佢 ，亦只係 做假夫妻嘅啫 ，總而言之 ，唔會 畀 綠帽 你 戴 嘅 。
韋小寶 個 心 就 猛咁 諗計 ，只係 呢件 事情 啊 實在 太過 出於 意外 嘞 ，都 唔知 點樣 應付 先至 好 。
公主 又 話 ：話佢 強姦 非禮 都係 假嘅 。
不過 我 大聲 咁 叫 ，你哋 喺 外 便 都 聽見 啦 係唔係 啊 ？
韋小寶 岌 下 頭 。
公主 微微 笑話 ：噉 我哋 仲 使 乜 怕 佢 唧 ？
就算 吳三桂 嬲 啊 ，亦 知道 係 自己 嘅 仔 唔啱 啦 嘛 。
韋小寶 唉聲歎氣 佢 話 ：唉 ，如果 佢 畀 你 一刀 割死 咗 噉 點算好 啊 ？
點會割死唧 ？我哋 皇宮 裏 便 幾千 名 太監 啊 ，邊個 畀 人 割死 㗎 ？
好 啦 ，嗱， 你 一口 咬實 ， 係 佢 強姦 你 ，攞 住 把 刀 嚟 逼 你 ， 你 呢 就 搏命 反抗 用 手推 佢 。
佢 隻 手 啊 揸住 把 刀 ，又 除 晒 衣服 ，就係 噉樣 一 推 一 揮 ，噉 就 自己 割 咗 去 喇 。
公主 用 張 錦被 揞住 塊 面 ，咭咭聲 咁 笑 ，低聲 話 ：
冇 錯冇 錯 ，就 噉 講 啦 ，話 係 佢 自己 割 嘅 。
韋小寶 返到去 房外 便 ，將 吳應熊 持刀 強逼 ，公主 竭力 反抗 ，掙扎 嘅 時候 ，吳應熊 自己 閹割 嘅 事 ，低聲 同 班 侍衞 講咗 。
人人 都 失驚笑 起上嚟 ，都話 吳應熊 色膽包天 ，呢趟 啊 報應 喇 。
有 幾名 吳應熊 嘅 家 將 留 喺 度 探聽 動靜 ， 佢 哋 偷聽 到 之後 啊 ， 都 覺得 好醜 啊 。
安阜園 裏 便 搞出 一件 咁 大 嘅 事 ，不得了 啦 ，王府 家將 嗱嗱聲 撲滅 啲 火 ，就 飛 報 吳三桂 ；
同時又 急急 叫 大夫 嚟 ，同 吳應熊 醫治 。
御前侍衛 將 吳應熊 受傷 嘅 原因 ，即時 就 傳開咗 ，連 王府 家將 亦 係 眾口一詞 ，都 話 皆因 世子 對 公主 無禮 而 引起 嘅 。
講嘅時候 ，各人 不免 加油添醬 咯 。
有啲 話 聽到 世子 點樣 夾硬 剝 公主 衣服 ；
有啲 又 話 世子 點樣 揸住 把 短刀 ，夾硬 威逼 公主 。
至於 世子 係 點樣 畀 公主 閹 咗 嘅 各人 就 更加 講得 活龍活現 喇 。
話 世子 點樣 用 把 刀 晾 喺 公主 條 頸 處 ，公主 係 點樣 掙扎 阻擋 ；
點樣 一推 世子 隻手 ，一刀 揮過 噉 就 喎 嗬喇 噉 。
種種 嘅 情形 ，都 好似 親眼 睇住 噉 嘅 。
講嘅 人口沫橫飛 ，又 講 又 做 ，聽嘅 人 呢 ，就 瞪大 雙眼 擘大 個 口 ，猛咁 岌頭 。
過咗唔夠半個時辰 ，吳三桂 得到 急報 就 飛馬 趕到嚟 ，即刻 喺 公主 屋 外 便 叩頭 謝罪 ，氣急敗壞 噉 猛話 ：
罪該萬死 ，罪該萬死 。
韋小寶 企 喺 旁邊 ，滿面 愁容 噉 話 ：
王爺 請起 ，小將 幫 你 入去 探 下 公主 嘅 口氣 啦 。
吳三桂 喺 身邊 扲出 一紮 翡翠 珠玉 ，塞 喺 佢 手 ，佢 話 ：
韋兄弟 ，小王 匆匆忙忙 趕嚟 冇 帶 銀票 ，呢啲 珠寶 請 你 賞畀 各位 侍衛 兄弟 啦 。
喺 公主 面前 務請 美言 啊 。
韋小寶 將 啲 珠寶 塞翻 畀 佢 ：
王爺 望安 ，小將 只要 能夠 出得到 力嘅 ，一定 會 盡力而為 ，暫時 ，唔 領 王爺 嘅 賞賜 嘞 。
唉 呢件事 實在 太大 ，唔知 公主 嘅 意思 係 點樣 。
呢 位 公主 性情 高傲 ， 佢 係 三貞九烈 、 嬌生慣養 嘅 黃花閨女 ， 就算 係 太后 同 皇上 都 讓 佢 三分 嘅 。
世子 實在 係 ，唉 ，實在 太過 大膽啲 咯 。
吳三桂 話 ：係 ，係 。
韋兄弟 喺 公主 面前 係 講得 説話 嘅 ，千萬 拜託 啊 。
韋小寶 岌一岌頭 ，表情 嚴肅 ，行到 公主 間 屋 大門 前 便 高聲 話 ：
啟稟公主 ，平西王爺 親自 嚟到 謝罪 ，請 公主 念在 佢 係 有功 老臣 從寬 發落 。
吳三桂 低聲 話 ： 係 ， 係 ， 老臣 喺 呢 度 叩頭 ， 請 公主 從寬發落 。
過咗一陣 ，公主 間房 裏 便 冇人 應 ，韋小寶 又 講咗 一次 ，忽然間 ，聽見 嘭 一聲 ，似乎 係 張 凳 跌咗 落地 。
韋小寶 同 吳三桂 都 好 驚奇 。
只 聽見 一名 宮女 大叫 ： 公主 ， 公主 ， 你千祈 唔 好 自殺 啊 ！
吳三桂 嚇到 面 都 青晒 ，佢 諗 ：
公主 如果 自殺 死咗 ，雖然 目前 各種 事情 仲 未 齊備 ，亦 唯有 即刻 起兵 造反 喇 。
逼死 公主 嘅 罪名 ，點 擔當得起 啊 ？
呢個 時候 ，聽見 房 裏 便 幾 名 宮女 大聲 噉 喊起嚟 ，一 名 宮女 嗱嗱聲 行 出嚟 喊住 話 ：
韋爵爺 ，公主殿下 吊頸自殺喇 ，你 ，你快啲去救 ，救 。
韋小寶 嗯嗯 誒誒 噉話 ：嗯公主 嘅 寢殿 ，我哋 做 奴才 嘅 入去 唔 方便 嘅 。
吳三桂 輕輕 㧬 下 佢 背脊 ，佢 話 ：事急 從權 ，快啲 救 公主 啦 。
擰 轉頭 對家 將話 ： 快 啲 去 傳 大夫 嚟 。
講完 ，又 喺 韋小寶 背脊 推咗 一下 。
韋小寶 啊 三步 夾埋 兩步 行 入 房 ，只見 公主 瞓 喺 床 上 便 ，七八名 宮女 就 圍住 猛咁 叫 佢 。
韋小寶 話 ：我 有 內功 ，救得 生公主 嘅 。
噉班 宮女 呢 嗱嗱聲 讓開 。
只見 公主 眯埋 雙眼 ，呼吸 微弱 ，條 頸 處 呢 果然 勒起 一條 紅印 。
屋樑上 便啊 掛住 一橛 繩 ，另外 有 一橛 呢 就 放喺 床頭 ，有 張 凳 啊 跌咗 喺 地下 。
韋小寶 個 心 笑住 話 ：呢齣戏 做得 真 叻 嘞 。
呢個 公主 ，都 唔係 一味 識得 胡鬧 嘅 繡花 枕頭 噃 。
佢 行到 床邊 ，用 手指 喺 佢 上唇 嘅 人中 大力 捻 咗 一 捻 。
公主 嗯 一聲 ，慢慢 擘開 眼 ，有氣冇力 噉 話 ：
我 ，我唔想 做人 喇 。
韋小寶 話 ：公主 ，你 係 萬金之體 ，一切 睇開啲 。
平西王 喺 外便 叩頭 請罪 啊 。
公主 喊住 話 ： 你 ， 你 叫 佢 快 啲 殺 咗 嗰 個 壞蛋 啦 。
韋小寶 用 個 身 擋住 班 宮女 嘅 眼光 ，伸 隻 手 入 被 竇 ，喺 佢 條 腰 處 捻 咗 一下 。
公主 啊 爭啲 想 笑 出嚟 㗎 喇 ，夾硬 忍住 ，用 手指甲 喺 佢 手背 上面 出力 咁咪 落去 ，大聲 噉 喊住 話 ：
我 要死 啊 ， 我 ， 啊 ， 我以 後點 做人 啊 ！
吳三桂 喺 外便 隱隱約約 聽見 公主 嘅 哭叫聲 ，知道 佢 自殺 未 死 ，不禁 鬆翻啖氣 。
又 聽 佢 話 以後 點樣 做人 個 心 諗 ：
呢件事 ，亦係 難怪 佢 嬲 嘅 。
兩夫妻 動刀動槍 唔係 動刀動槍囉 ，第啲地方 邊度 唔割得 唧 ，偏偏 咁 運滯 ，一刀 就 割中 嗰處 。
應熊 以後 就算 醫翻好 ，公主 一世人 都 係 守活寡 㗎 嘞 。
目前 只有 盡力 揞住 ，唔好 張揚 出去 係啦 。
過咗 一陣 ，韋小寶 喺 屋裏 便 行出嚟 ，不停 咁 擰頭 。
吳三桂 連忙 行 上一步 低聲 問 佢 ：公主 點 講 啊 ？
韋小寶 話 ：人 係 救翻 喇 ，不過 公主 呢 好 硬頸 嘅 ，點 都 勸 佢 唔 聽 ，一定 話 要 生 要 死 。
我 已經 吩咐 宮女 嘞 ，務必要 好好 侍候 公主 ，半步 都 唔好 離開 。
王爺啊 ，我 擔心 佢 服毒 啊 。
吳三桂 面色 一變 ， 岌頭 話 ： 係 啊 係 啊 ， 呢 層 啊 要 特別 小心 提防 啊 。
王爺 ，公主 萬一 有 咩 三長兩短 ，小將 係 皇上 派 嚟 保護 公主 嘅 ，呢條命仔 點 都 係 保唔住 㗎 喇 。
到咗嗰個時候 ，王爺 你 要 幫 我 安排 條 後路 至 得 。
咩嘢 後路 啊 ？
呢句 説話 而家 呢 就 唔能夠 講 ，只係 希望 公主 平安 冇事 噉 啊 大家 都 好啦 。
不過 條命 係 佢 嘅 ，佢 真係 要 死 喇 ，阻得 佢 三日 四日 ，阻唔到 佢 十日 八日 。
小將 有 一點 私心 ，就係 望 公主 早早 嫁 畀 小王爺 ，噉 小將 就 冇事 喇 。
吳三桂 歡喜嘞 ，佢 話 ：噉 我哋 快啲 辦理 喜事 啦 。
唉 ，呢啲 都係 小兒 唔生性 ，闖出嚟 嘅 禍 ，韋兄弟 一力 維持 ，小王 已經 係 感激不盡 嘞 ，卻 唔能夠 再 加重 韋兄弟 膊頭 嘅 擔挑 喇 。
就 係 唔 知 公主 仲肯 唔 肯 ， 誒 肯 唔 肯 下嫁 呢 ？
佢 個 心 諗 ：我 個仔 已經 係 廢人 嘞 ，希望 公主 年紀 輕 冇 見識 ，唔明白 男女 嘅 事 。
先頭 嗰 一刀 ，佢 未必 知道 係 斬 喺 邊處 嘅 ，噉 糊糊塗塗 噉 嫁咗過嚟 ，木已成舟 ，就 冇 説話 好 講 啦 。
講唔定佢仲以為天下男子都係噉嘅呢 ？
韋小寶 低聲 話 ：公主 年紀 輕 ，呢種 事情 係 唔 懂 嘅 ，佢 係 尊貴 嘅 人 ，亦 講 唔 出口 吖 。
吳三桂 好 歡喜 嘞 佢 諗 ：英雄 所見 略同 啊 。
跟住 一諗 ：唓 ，呢個 僆仔 係 咩 英雄 唧 ？居然 同 我 相提並論 ？
吳三桂 就 話 ：係啊係啊 ，我哋 一於 噉 做 啦 。
先頭嘅事 ，我哋 亦唔係 話 膽敢 隱瞞 皇上 啊 。
不過 萬歲爺 日理萬機 ，憂心 國事 ，已經 係 忙碌 到 極 嘞 ，我哋 做 奴才 嘅 忠君愛國 ，就 唔能夠 使 皇上 再 操心 喇 。
太后 同 皇上 鐘愛 公主 ，聽到 呢種 事情 啊 ，恐怕 都 會 唔 高興 嘅 。
韋兄弟 ，我哋 做官 嘅 要訣 呢 ，係 報喜 不 報憂 啊 。
韋小寶 拍下 心口 ，又 彈咗 彈 自己 頂 帽 ，佢 話 ：
小將 今後 全靠 王爺 栽培 提拔 ，呢件事 ，聽晒 王爺 吩咐 辦理 就係喇 ，條命仔 都 唔 要 唧 至多 。
多謝 ，多謝 。
不過 今晚 嘅 事 呢 見到 嘅 人 多 ，如果 有人 洩漏 咗 出去 就 同 小將 冇 關係 㗎 。
噉就梗係啦 。
吳三桂 已經 喺度 諗緊 ，點樣 點 一支 兵馬 ，假扮 強盜 ，去 廣西 境內 埋伏 ，等 韋小寶 佢哋 一行 返去 北京 嘅 時候 ，冚𠾴 唥 將 佢哋 殺 清光 。
廣西 係 孫 延慶 嘅 轄 地 ， 佢 個 老婆 孔四貞 呢 ， 係 定 南王 孔有德 嘅 女 ， 噉 太后 收 咗 佢 做 契 女 ， 封做 和碩 格格 ， 朝廷 啊 非常 寵幸 嘅 。
噉 啊 等 管理 地方 唔 平安 ， 盜賊 殺害 官兵 嘅 罪名 ， 由 孔四貞 去 擔當 啦 。
韋小寶 雖然 係 機警 啊 ，到底 唔及得 吳三桂 咁 老謀心算 ，見 佢 喺度 諗緊 嘢 仲 以為 佢 喺度 擔心 呢件事 洩漏 出去 ，就 笑住 話 ：
王爺 放心 啦 ，小將 盡力 約束 屬下 ，叫 佢哋 唔准 隨口 亂講 。
吳三桂 話 ：韋兄弟 今日 幫咗 我 呢個 大忙 ，呢啲 就唔係 金銀珠寶 酬謝 得了 㗎喇 。
不過 韋兄弟 統帶 嘅 官兵 唔少 ，要塞住 佢哋 把 嘴 噉 總係 要 畀 小王 盡啲 心意 ，翻轉頭 就 派人 送過嚟 㗎 喇 。
噉就 多謝晒 喇 ，誒 ，唔知 世子 嘅 傷勢 點樣 呢 ？
不如 我哋 去 睇下 呢 ？唉 只 希望 佢 傷 得 唔重 就 好嘞 。
噉 吳三桂 就 同 韋小寶 一齊 去 探望 吳應熊 。
嗰個 大夫 皺住 眉頭 話 ：世子 嘅 性命 係 冇事 嘅 ，不過 ，誒不過 。
吳三桂 點頭 話 ：條命 冇事 就好嘞 。
佢 慌怕 韋小寶 要 扣押 個仔 ，即刻 吩咐 家將 送 世子 返 屋企 養傷 ，自己 就 喺 處 纏住 韋小寶 怕 有 咩 變卦 。
直至 吳應熊 出咗 安阜園 喇 ，噉 先至 告辭 。
韋小寶 諗 ：個 小漢奸 醒翻 之後 ，實會 説明 真相 㗎 ，但係 又 有 乜 用 呢 ？
邊個 會 信 一個 金枝玉葉 嘅 公主 ，無𪐀𪐀 會 將 丈夫 閹咗 得㗎 ？就係 大漢奸 自己 啊 亦 決 唔 信 啦 ，多數 啊 ，佢 會 省 佢 一餐 就 真 。
嗯 ，公主 一嫁咗 ，返去 北京 嘅 時候 ，一路 我要 對 阿珂 猛 落 功夫 至得咯 。
嗱 各位 ，欲知 後事 如何 ，且 聽 下回 分解 。
