前 文 再續 啊 書 接上 一回 啊 。
話説 徐天川 同 高彥超 嚟到 房間 搵 韋小寶 ，韋小寶 見 佢 兩個 神情 好 嚴肅 ，就 問 ：出咗 咩 事 啊 ？
徐天川 話 ：聽見 啲 侍衞 講 ，王府 嘅 衞士 東查西問 ，要 搵 一個 蒙古人 ，噉 梗係 喺度 查 罕帖摩喇 。
聽口氣啊 ，似乎 對我哋 好 懷疑啊 ，就係 唔敢 明查 而已 唧 。
韋香 主 睇下 點 做好 啦 。
韋小寶 話 ：去 將 嗰個 傢伙 拉嚟 ，綁實 佢 收埋 喺 我 床 下底 ，諒 吳三桂 嘅 手下 亦 唔 敢 嚟 搜查 我 間 屋 嘅 。
徐天川 話 ：就怕 韋香主 出去 嘅 時候 ，大漢奸 嘅 手下 嘅 衛士 搵 個 咩 藉口 ，夾硬 要 嚟 查唧 。
韋小寶 話 ：點講 都 唔畀佢哋 入嚟 㗎喇 ，真係 講到 僵嘞 就 同佢 打 ，唔通 佢哋 仲 敢 行兇殺人 咩 ？
徐天川 高彥超 啊 都 岌頭 嘞 。
忽然間 錢 老本 嗱嗱聲 行入嚟 ，佢 話 ：大漢奸 要 放火 啊 。
三個 都 嚇咗 一驚 ，一齊 問 ：咩話 ？
呢幾日啊 ，我 喺 安阜園 前後 噉 巡嚟巡去 ，怕 大漢奸 搞鬼 。
先頭 見到 西便 樹林 裏 便 ，有人 鬼鬼祟祟 ，我 啊 靜靜 過去 查下 啦 。
原來 有 十幾個 人匿 埋 喺 處 ， 帶 咗 唔 少 火水 啊 硫磺 等等 引火 嘅 嘢 啊 。
韋小寶 話 ： 佢 阿爺 吖 ， 大 漢奸 咁 沙膽 想 燒死 公主 啊 ？
錢老本 話 ：噉 又 唔係 。
佢哋 疑心 罕帖摩 畀 我哋 捉咗 ，又 唔敢 入嚟 搜查 ，但係 一 火燭 呢 ，大批 人馬 就 嚟 救火 就 可以 乘機 搜查 啦 嘛 。
韋小寶 岌頭 話 ：冇錯 實係 呢條 詭計 喇 。
三位 大哥 有 咩 高見 呢 ？
徐天川 用 手 做 個 斬頭 嘅 姿勢 佢 話 ：殺人 滅口 ，毀屍 滅跡 。
韋小寶 一 聽到 毀尸滅跡 四個 字 就 諗 ：
嗰啲 係 我 嘅 拿手好戲 啦 好容易 嘅啫 ，擔保 呢個 蒙古鬍鬚佬 ，一陣 咁耐 就 化成 一灘 黃水 嘞 。
不過 呢個 傢伙 知道 晒 大漢奸 同 羅剎國 勾結 嘅 內情 ，一定 要 送 佢 去 等 小皇帝 親自 審問 至得 。
佢 話 ：大漢奸 造反 ，呢個 蒙古鬍鬚佬 係 最大 嘅 證據 。
我哋 只要 將 佢 送去 北京 ，大漢奸 就算 唔 反 啊 ，亦都 要 反咯 。
呢 個 罕 帖 乜 鬼 嘢 ， 乃 係 要 沐 王府 聽命於 我 哋 天地會 嘅 法寶 啊 。
點樣 搶先 逼到 吳三桂 造反 ，使到 沐王府 歸屬 奉令 ，係 群雄 心中 念念不忘 嘅 大事 。
三個人 一聽 韋小寶 呢句 説話 ，即時 嚴肅 起嚟 ，都 一齊 話 係啊噉 。
徐天川 話 ：如果 唔係 韋香主 提醒 ，我哋 爭啲 誤咗 大事 啊 。
個 心 對 呢個 油腔滑調 嘅 少年 越嚟越 佩服 啊 。
錢老本 話 ：而家 最緊要 嘅 事 呢 ，係 點樣 應付 大漢奸 嘅 手下 放火 搜查 ，又 點樣 將 罕帖 摩 喺 大漢奸 嘅 轄地 運 出去 。
雲貴 兩 省 各地 關口 盤查 得 好 緊 ，離開 昆明 更加 唔 容易 啊 。
韋小寶 笑住 話 ：錢老闆 ，你 一隻隻 花雕 茯苓 豬 都 運 入 皇宮 都 得 咯 ，再 運 一隻 大肥豬 出 昆明 都 好 容易 嘅 啫 。
錢老本 笑住 話 ：運肥豬 出城 啊 恐怕 運唔過關 啊 ，不過 我哋 可以 想 其他 法子 嘅 。
當 死屍 裝 喺 棺材 裏 便 呢個 法子 又 太 舊 ，恐怕 亦 好 難 呃到 人 嘅 。
韋小寶 話 ：扮 死人 唔得 ，噉啊 等 佢 扮 生人 啦 。
嗱錢老闆 ，你 去 剃咗 佢 把 大鬍鬚 ，喺 佢 塊 面 處 呢 搽 啲 麵粉 啊 石膏 啊 噉 ，改 一 改 佢 個 樣 ，噉 啊 畀 一 套 驍騎 營官 兵 嘅 衣服 佢 着 。
我就 點 一小隊 驍騎 營 軍士 返去 北京 ，話 係 公主 同 皇上 請安 ，將 成婚 嘅 吉期 呢 稟告 皇太后 同 皇上 。
等 呢個 冇咗 鬍鬚 嘅 鬍鬚佬 ，混雜 喺 驍騎營 嘅 隊伍 裏 便 ，點咗 佢 嘅 啞穴 ，等 佢 唔 出得 聲 。
吳三桂嘅部下 ，唔通 仲 叫 皇帝 嘅 親兵 一個個 自報 姓名 先至 放過 關 咩 係唔係 ？
三個人 一聽 ，拍掌 話 好嘢 ，都話 好計嘞 。
韋小寶 忽然間 問 ：昆明 有冇 妓院 㗎 ？
錢 老本 等 三個人 互相 望咗 一眼 都 諗 ：韋香 主要 去 嫖 老舉 啊 ？
錢老本 笑住 話 ：噉 梗係 有啦 。
韋小寶 話 ： 我 哋 去 請 玄貞道 長 去 妓院 玩下 ， 你 話 佢 肯 唔 肯 呢 ？
錢老本 擰頭 話 ：道長 係 出家人 ，妓院 係 唔 肯 去 㗎 喇 。
韋香主 如果 有 興致 ，屬下 可以 奉陪 啊 。
韋小寶話 ：你 梗係 要 去 啦 ，不過 玄貞道長 高大 魁梧 ，我哋 咁多 兄弟 ，只有 佢 同 嗰個 鬍鬚佬 身材 差唔多 㗎啫 。
三個人 一聽 ，噉 先至 明白 係 要 玄貞道人 扮 罕帖摩 。
高彥超 笑住 話 ：為咗 本會 嘅 大事 ，玄貞道長 亦 只有 奉命 去 老舉寨 玩下 喇 。
噉 四個人 一齊 哈哈大笑 。
韋小寶 話 ：你哋 請 道長 着咗 鬍鬚佬 嘅 衣服 ，帶齊 鬍鬚佬 啲 嘢 。
下爬 呢 ，黐 翻 鬍鬚佬 塊 面 處 剃 落嚟 嗰啲 貨真價實 嘅 黃鬍鬚 。
噉 其餘 各位 兄弟 ，仍然 係 着翻 平西王府 家將 嘅 服飾 。
揀 一間 大 妓院 去 飲酒 胡鬧 ，噉 大家 爭啲 靚女 ，打起上嚟 ，錢 老闆 呢 ，一刀 就 將 道長 殺咗 。
錢老本 吃咗 一驚嘞 ，但係 跟住 就 領會喇 ，當然 唔係 真係 殺人 啦 。
佢 話 ：韋香 主 呢條 計 啊 叻 啊 。
玄貞道長 同 我 爭風呷醋 嘅 時候 ，仲要 嘰里咕嚕 猛 講 蒙古話 。
啊 ，不過 要 另外 預備 好 一具 屍體 至 得 。
韋小寶 話 ：冇錯 。
你 出去 搵 下 睇下 昆明城 有 邊個 身材 同 鬍鬚 佬 差唔多 嘅 壞蛋 ，噉 隨便 捉 一個 嚟 殺咗 佢 ，將 屍體 誒 收埋 喺 妓院 側 跟 。
錢老闆 一 殺咗 道長 之後 呢 ，將 老舉 冚𠾴 唥 趕走晒 。
道長啊 即刻 翻生 ，將 鬍鬚佬 嘅 衣服 ，同 屍體 着好 。
高彥超話 ：仲有啊 ，呢具屍體呢 ，要 將 佢 塊面 斬到爛晒 ，再 將 剃落嚟 嗰 紮 黃鬍鬚 掉 喺 床 下底 。
等 吳三桂 嘅 手下 摷出嚟 喇 ，估話 係 殺人 兇手 有意 隱瞞 死者 罕帖摩 嘅 真相 唧 。
韋小寶 話 ：高大哥 想得 周到 過 我 喇 。
大家 攞 啲 銀 去 老舉寨 玩下 啦 。
啊呢件嘢啊真係好玩㗎喇 ，可惜 我 唔能夠 同大家一齊 去玩唧 。
話説 韋小寶 食完 晚飯 ，又 等咗 大半 個 時辰 ，先至 慢慢 行去 建寧 公主 間 房 。
公主 早就 等到 心焦 嘞 ，一見到 韋小寶 就 好嬲 噉 話 ：
點解 到 呢個 時候 先至 嚟 嘅 啫 ？
韋小寶 就 氣鼓鼓噉 話 ：你 家公 囉 ，你 家公 拉住 我 傾偈 ，講埋晒 嗰啲 大逆不道 嘅 説話 ，我 啊 同 佢 爭論 咗 好 耐 啊 。
如果 唔係 掛住 你 ，我 而家 仲 喺度 同 佢 爭 啊 。
佢 講 咩嘢 啊 ？
佢 話 皇上 一味 疑心 佢 係 個 奸臣 ，個心 好 唔 舒服 喎 。
我話 皇上 啊 ，如果 疑心 你 ，又 點 會 畀 個 公主 下嫁 你 個 仔 吖噉 。
佢 話 皇上 實係 唔鐘意 你 ，有意 害 你 喎 。
公主 嬲 到 不得了 ，出力 噉 一拍 張 枱 話 ：
呢個 老烏龜 亂噏 無為 ，我 掹晒 佢啲 鬍鬚 至得 。
你 叫 佢 快啲 嚟 見 我 。
韋小寶 亦 係 滿面 怒容 噉 話 ：佢 阿爺 吖 ，當時 我 啊 想 同 佢 搏命 㗎 喇 。
我話 ：皇上 最 鐘意 公主 㗎喇 ，公主 生得 又 靚 又 伶俐 ，你 個 仔 啊 ，邊 一 點 配得上 佢 啊 ？
我 又 話 ：你 有 膽 講埋 啲 噉 嘅 説話 ，好 ，公主 唔 嫁 喇 ，我哋 聽日 即刻 返 去 北京 。
好似 公主 噉 嘅 人才 ，天下 都 唔 知 有 幾 多人 爭住 要 娶 佢 做 老婆 啊 。
我 心裏 便 啊 仲有 一句 説話 冇 講出嚟 咋 。
我 都 唔 知幾想 同 老 烏龜 講 ： 我 韋小寶 啊 ， 恨不得 娶 公主 啊 。
公主 當堂 歡喜 翻嘞 ，佢 眉開眼笑 噉 話 ：
係啊係啊 ，你 點解 唔 同 佢 講 唧 ？
小寶 ，我哋 聽日 就 返去 北京 ，我 去 同 皇帝 哥哥 講 ，非 嫁 你 不可 。
韋小寶 擰擰頭 話 ：
噉 老烏龜 見 我 發惡 咯 ，咪 當堂 軟翻晒 嘞 ，佢 話 先頭 係 亂咁 講 㗎啫 ，不過 講笑 咋 ，千祈 唔好 當真 喇 ，更加 唔好 畀 公主 聽到 啊噉 。
我話 ：我韋小寶 對 皇上 同 公主 呢 最 忠心 㗎喇 ，從來 唔 敢 有 一句 説話 欺騙 皇上 同 公主 嘅 。
公主 攬住 佢 條 頸 ，喺 佢 面 珠 輕輕 吻 一下 佢 話 ：
我 早就 知道 你 對 我 好 忠心 㗎 喇 。
韋小寶 亦 吻咗 佢 一下 ，佢 話 ：
噉 老烏龜 慌喇 ，爭啲 要 跪低 嚟 𠼮 我 ，噉又 送咗 兩 支 羅剎人 嘅 火槍 畀 我 ，要 我 幫 佢 遮掩 喎 。
講完 ，攞出 火槍 ，裝咗 火藥 、鐵彈 ，要 公主 向住 花園 發射 。
公主 一 開槍 ，嘭噉 一聲 ，就 打斷 一支 大 樹枝 。
佢 伸 一伸 條 脷 話 ：好 犀利 啊 。
韋小寶話 ：你 要 一支 ，我啊 要 一支 ，兩支 火槍 本來 係 一對 嘅 。
公主 話 ：兩支 火槍 一雌一雄 ，一拍 噉 瞓 喺 木盒 裏 便 ，幾咁 親熱 啊 。
一分開 ，兩個 都 孤零零 噉 ，咁 淒涼 ，我 唔要 嘞 ，仲係 你 一齊 收埋 佢 啦 。
公主噉 講嘅 時候 ，想到 皇帝 旨意 啊 畢竟 唔 可以 更改 嘅 ，自己 話 要 嫁 韋小寶 ，到底 一句 虛話 而已 唧 。
韋小寶 攬住 佢 ，喺 佢 耳邊 講 啲 輕薄 説話 。
公主 啊 聽到 面 都 紅晒 ，咭咭聲 咁 笑 。
韋小寶 幫 佢 寬衣 解帶 ，用 張 錦被 𢫏住 佢 赤裸 個 身體 ，個 心 諗 ：
點解 大漢奸 嘅 手下 仲 唔 嚟 放火 呢 ？
最好 佢哋 衝到 嚟 呢度 搜查 ，撞見咗 公主 赤身裸體 ，公主 就 可以 反面 發作 喇 。
佢 坐 喺 床邊 ，輕輕 摸下摸下 公主 塊面 ，豎起 耳仔 嚟 聽住 屋外 嘅 動靜 。
公主 話 ：我 ，我要 瞓喇 ，你 ，嗯 你 。
聽見 外便 已經 打 二更 嘞 ，韋小寶 正 話 等得 唔耐煩 ，突然間 鑼 聲 堂堂堂 噉 響 ，有 十幾個人 大叫 ：火燭 喇 ，火燭喇 ！
公主 嚇咗 一驚 坐起身 ，攬住 韋小寶 條 頸 ，聲 都 震晒 噉 問 ：
火燭 啊 ， 吓 ？ 火燭 啊 ？
韋小寶 發惡話 ：豈有此理 ，實係 老烏龜 放火 ，要 燒死 你 同埋 我 滅口 ，免致 洩漏 佢 今日 講過 嗰啲 發噏風 。
公主 又 更加 驚慌 嘞 ： 噉 ， 噉 點算 啊 ？
唔 怕 ， 韋小寶 赤膽忠心 ， 就算 冇 咗 條命 ， 亦 要 保 衞 我 哋 嘅 好 公主 平安 周全 嘅 。
韋小寶 輕輕 掙脫 咗 公主 嘅 擁抱 ，行 去 房門口 。
如果 見到 有人 衝過嚟 喇 ，自己 就 要 離開 公主 間 房 先 嘅 。
呢 陣時 ， 只 聽見 人聲鼎沸 ， 四面 都 有人 吶喊 ， 話 火燭 啊 火燭 啊 ， 快 啲 去 保護 公主 啊 ！
韋小寶 喺 個 窗 望 出去 ，只見 花園 裏頭 有 十幾個 人 快步 噉 走嚟 ，佢 諗 ：
大漢奸 手下 呢班人 嚟得 真係 快嘞 。
哼 ， 佢 哋 早就 進入 安阜園 ， 匿 埋 喺 啲 隱蔽 地方 ， 一 聽見 嗌 火燭 唧 ， 就 即刻 出現 嘞 。
佢 擰轉頭 對 公主 話 ：公主 ，冇 咩 大火 嘅 你 唔使 怕 ，老 烏龜 嚟 捉姦 啊 。
公主 聲 震震 噉 話 ： 捉 ， 捉 ， 捉 咩 話 ？
韋小寶 話 ：佢 實係 疑心 你 同 我 好 ，想 嚟 捉姦 。
講完 ，打開 道房門 佢 話 ：嗱 你 瞓 喺 被竇 裏 便 ，唔使 起身 㗎 ，我 企 喺 門口 外 便 。
如果 真係 有 火 燒到 嚟 喇 ，我 就 孭住 你 逃走 。
公主 非常 感激 啦 佢 就 話 ：小寶 ，你 ，你 待 我 真係 好 㗎 喇 。
小寶 喺 門外 企 喺 處 大聲 話 ：大家 快啲 嚟 保護 公主 啊 ！
喺 呼喝聲中 ，平西王府 個 家將 衛士 飛奔 嚟到 ，佢哋 話 ：
韋爵爺 ，園 裏頭 火燭 ，世子 已經 親自 嚟 保護 公主 嘞 。
只見 東北角 上 兩排 燈籠 ，擁住 一班 人 行過嚟 。
好 快脆 就 嚟 到 面前 ， 行頭 嗰 個人 啊 係 吳應熊 啊 。
韋小寶 個 心 諗 ：為咗 搜查 嗰個 蒙古 鬍鬚佬 ，竟然 由 小漢奸 親自 出馬 帶隊 ，可見 好 睇重 鬍鬚佬 嘅 。
噉勾結 蒙古 、羅剎國 造反 嘅 事實 係 唔會 假 㗎 喇 。
只聽見 吳應熊 隔遠 就 話 ：公主殿下 平安 吖嘛 ？
一名衞士 話 ：韋爵爺 已經 喺 呢度 守衞 喇 。
吳應熊 話 ：噉 好極嘞 ，韋爵爺 ，辛苦晒 你 喇 ，兄弟 感激不盡 。
韋小寶 個 心話 ：我 辛苦 咩 唧 ？我 攬住 公主 親熱 好 辛苦 咩 ？
你 為咗 噉 而 對 我 感激不盡 啊 ？吖 ，噉 就 唔使 客氣 咯 。
跟手 韋小寶 所 統帶 嘅 御前侍衞 、驍騎營 佐領 等等 亦 紛紛 趕到 。
各人 深夜 喺 床 上面 驚到 跳起身 ，都係 衣衫不整 ，有啲 係 打赤腳 ，有啲 係 冇着 衫 十分 狼狽 。
大家 聽見 話 火燭 就 諗嘞 ：哎呀 如果 燒死咗 公主 ，噉 就係 殺頭 嘅 大罪 啊 。
所以 急急忙忙 噉 就 趕嚟 嘞 。
韋小寶 吩咐 眾 侍衛 官兵 分散 守住 四周圍 。
張康年 掹 一 掹 佢 衫袖 ， 韋小寶 跟 佢 行 開 幾步 嘞 ， 張康年 低聲 話 ：
韋副總管 ，今晚 火燭 有 問題 啊 。
韋小寶 話 ：點呢 ？
一嗌話 火燭 唧 ，平西王府 嘅 家將 就 四面八方 跳牆 入嚟 ，顯然 係 早有 準備 嘅 。
佢哋 把 口 就 大叫 救火 ，其實 就 去 各間 房 裏 便 搜查 。
我哋 兄弟 大聲 咁 喝 ，攔住 佢哋 ，都係 冇用 ，已經 有 幾個 人 同 佢哋 打過 㗎 喇 。
韋小寶 岌 下頭 話 ：吳三桂 疑心 我哋 打佢 嘅 主意 ，我 睇 啊 佢 要 造反 。
張康年 吃咗 一驚 ，望一望 吳應熊 ，佢 低聲 話 ：真嘅 ？
韋小寶 話 ：由得 佢哋 搜查 啦 ，唔使 攔 佢哋 。
張康年岌一岌頭 ，噉啊靜雞雞 向 北京 嚟 嘅 官兵 傳令 嘞 。
呢個 時候 ，園 嘅 西南角 同 東南角 都 隱隱約約 見到 火光 ，十幾個 水龍 ，已經 喺度 噴水 。
不過 水頭 呢 ，係 向 天 射 嘅 ，一 條 條 水柱 好似 大 噴泉 噉 。
韋小寶 行到 吳應熊 面前 佢 話 ：
小王爺 ，你 神機妙算 ，真係 令人 佩服 嘞 。
當年 諸葛亮 、 劉伯溫 啊 都 唔 及 得 你 嘅 本事 啊 。
吳應熊 打過 特佢 話 ：韋爵爺 取笑 喇 。
唔係講笑啊 ，你 梗係 掐指一算 ，今晚 二更時分 ，安阜園 裏 便 呢 會 火燭 嘅 。
因為 燒死咗 公主 ，唔係 講 玩 㗎嘛 ，因此 呢 就 預先 着得 齊齊整整 ，喺 安阜園 外 便 等候 。
一等 火 起 喇 ，一聲 令下 ，大家 就 跳入嚟 救火 。
哈哈 好 本事 啊 ，好 本事 啊 你 。
吳應熊 塊面 一紅 ， 佢 話 ： 唔 係 事先 估到 嘅 ， 真 係 有 咁 啱 得 咁 巧 。
今晚 我 姐夫 夏國相 請 飲 ，兄弟 飲完 酒 返嚟 ，噉啊 帶住 啲 衛士 家將 經過 呢處 ，啱啱 遇到 呢處 火燭 啫 嘛 。
哦 原來 噉嘅 。
我啊聽講古先生講過 ：諸葛一生惟謹慎 。
我話 小王爺 叻過 諸葛亮 ，真係 一啲 都 冇 錯嘅 。
小王爺 去 姐夫 屋企 飲酒 ，隨身 都 帶埋 水龍隊 ，果然 係 極 有 好處 ，呢 ，而家 喺 呢度 唔係 有用 囉 ？
吳應熊 知道 佢 睇 穿 自己 嘅 佈置 ， 塊面 又 試紅 一紅 ， 佢 話 ：
誒 呢個 時候 風 高 物燥 容易 火燭 ，仲係 小心啲 好 ，呢啲 叫做 有備無患 吖嘛 。
韋小寶 話 ：冇錯喇 ，誒不過 可惜 小王爺 ，仲有 一樣 冇 預見到 唧 。
哦？ 噉就 要 請教 嘞 。
下次 小王爺 去 姐夫 屋企 飲酒 ，最好 呢 再 帶 一隊 泥水佬 、木匠師傅 ，擔 齊啲 磚瓦 、木材 、石灰 、鐵釘 啊噉 去 。
擔啲 噉嘢 去 有 咩 嘢 用 啊 ？
嗱 ，萬一 你姐夫 屋企 火燭 咯 ，水龍隊 啊 一味 向 天 噴 水 唔 肯 救火 ，你姐夫屋企 就 會 燒 成 瓦渣缸 㗎 嘞 。
小王爺 就 可以 立刻 下令 ，叫 泥水佬 幫 你 姐夫 再 起翻 座 高樓 ，呢啲 叫做 有備無患 吖 嘛 。
吳應熊 騎騎騎噉 乾笑 幾聲 ，就 對 身邊 嘅 衞士 話 ：
韋爵爺 查到 水龍隊 辦事不力 ，你 將 正副隊長 捉起嚟 ，等陣 打斷 佢哋 嘅 狗腿 。
個 衛士 奉命 去咗 嘞 。
韋小寶 問 ：小王爺 啊 ，你 將 水龍隊 正副隊長 嘅 狗腿 打斷 之後 ，再 升 佢 咩 嘢 官 呢 ？
吳應熊 又 打過 特 ，佢 話 ：
韋爵爺 ，呢句 説話 我 又 唔明白 嘞 。
韋小寶 話 ：我 都 唔明白 啊 。
噉 我 諗 ，小王爺 只有 再起 多 兩座 大 監獄 ，派 呢 兩 個 打斷 咗 腳 嘅 正 副 隊長 去 做 典獄官 啦 。
吳應熊 變咗 面色 嘞 佢 諗 ：你 呢個 僆仔 真係 犀利 。
盧一峰 做 黑門檻 監獄 嘅 典獄官 竟然 你 都 知道 吓 。
佢 又 詐 假意 唔明 佢 嘅 意思 噉 話 ：嘿嘿 韋爵爺 真係 會 講笑 嘅 啫 ，難怪 皇上 咁 喜歡 你 嘞 。
吳應熊 個 心 揸 定 主意 啊 ：等陣 就 叫 人 去 殺 咗 盧一峰 ，等 呢個 僆仔 死 無 對證 。
冇幾耐 ，平西王府 家將 衛士 紛紛 回報 ，話 火勢 並冇 蔓延 ，已經 漸漸 細嘞 。
韋小寶仔細聽下各人嘅説話 ，發覺佢哋冇打暗語啊 。
但係 見到 吳應熊 每 聽 一個 人 嘅 回報 ，總係 微微 有啲 唔愉快 嘅 表情 ，顯然 係 知道 仲 未 查到 罕帖摩 ，唔知 佢哋 使 咩 暗號 。
再 留神 睇下 嗰班 家將 嘅 神情 ，亦 睇唔到 乜嘢 啊 。
忽然間 見到 一名 家將 又 跑嚟 稟報 ，話 火頭 突然間 轉 大 ，似乎 向 呢便 燒 過嚟 喇噉 ，最好 請 公主 啟駕 ，以免 驚動 佢 。
吳 應 熊岌 一 岌 頭 。
韋小寶 企 喺 旁邊 似乎 係 漫不在意 ，其實 喺度 留意住 吳應熊 嘅 神情 舉止 。
只見 吳應熊 眼光 下垂 ，睇住 嗰個 家將 右腳 。
噉韋小寶 又 順住 佢 眼光 睇過去 嘞噃 ，見 嗰個 家將 右手 手指 公 同 食指 啊 搭 成 一個 圈 ，貼 喺 大髀 旁邊 。
韋小寶 恍然大悟 喇 ，原來 兩隻手指 搭成 一個圈 ，就 即係 話 搵唔到 罕帖摩 ，講話裏 便 係 冇 暗號 嘅 。
吳應熊 就 話 ：韋爵爺 ，啲 火頭 既然 係 向 呢便 燒過嚟 ，我哋 仲係 請 公主 移駕 罷啦 。
如果 嚇親 公主 殿下 噉 真係 罪該萬死 嘞 。
韋小寶 知道 平西王府 家將 到處 搵唔到 罕帖摩 ，園 裏 便 只係 剩低 公主 嘅 卧室 一笪 未曾 搜查過 唧 。
佢哋 一不做二不休 ，連 公主 卧房 都 要 摷一摷 。
不由得 心頭 火起 ，即刻 攞起 右手 ，手指 公 同 食指 啊 扣 成 一個 圈 ，喺 吳應熊 塊 面前 啊 ，搖咗 幾 搖 。
呢個 記號 一打 ，吳應熊 啊 固然 大吃一驚 ，佢 手下 啲 家將 嘅 神色 都 變晒 。
吳應熊 聲震震噉 問 ：誒 韋韋 ，韋爵爺 ，噉 ，噉係 咩嘢 意思 啊 ？
韋小寶 笑住 話 ：唔通 呢個 記號 嘅 意思 你 都 唔懂 ？
吳應熊 定 一定 神話 ： 哦 呢 個 記號 ， 誒 呢 個 記號 ， 哦 我 明白 喇 ， 係 銅錢 吖 嘛 。
韋爵爺 係 話 要 銀 、要 銅錢 ，公主 先至 能夠 移駕 係嘛 ？
韋小寶 個 心 諗 ：小漢奸 嘅 腦筋 都 轉得 好快 噃 。就 笑下 唔 回答 。
吳應熊 亦 笑住 話 ：錢銀 嘅 嘢 我哋 係 自己 兄弟 ，一切 都 好 商量 嘅 。
嗱 各位 ，欲知 後事 如何 ，且 聽 下回 分解 。
