前文 再續 啊 書 接 上 一回 啊 。
話説 韋小寶 喺 吳三桂 間 書房 ，見到 虎皮椅 旁邊 有 兩座 大理石 屏風 ，都 有 五六尺 高 嘅 ，石上 便 ，係 山水 木 石 ，就 好似 畫出嚟 嘅 噉 。
一座 屏風 上 便 有 一座 山峰 ，山峰 上 便 呢 似乎 有 隻 黃鶯 ，水邊 呢 有 隻 老虎 ，顧盼 生姿 。
韋小寶話 ：呢 兩座 屏風 ，亦 係 認真 名貴 嘅 寶物 啊 。
我 喺 皇宮 裏 便 亦 冇 見過 。
王爺啊 ，我 聽 人哋 講啊 ，天公老爺 生出 呢種 圖畫 呢 落喺 邊個 手裏 便 ，係 有 兆頭 㗎 噃 。
吳三桂 微微 笑話 ：呢 兩座 屏風 唔知 有 咩 兆頭 呢 ？
計 小將 睇 呢 ， 呢 隻 高高在上 嘅 ， 係 隻 黃鶯 ， 噉 只 係 識得 吱吱 啁 啁 噉 叫 冇 咩 用 嘅 。
下便嘅 呢 ，係 一隻 大老虎 ，威風凜凜 非常 厲害 。
呢隻 大老虎 啊 ，自不然 係 王爺 啦 。
吳三桂 好 歡喜 ，跟住 佢 諗 ：
佢 話 呢隻 黃鶯 企 喺 上便 ，只係 會 吱吱啁啁 噉 叫 ，冇 咩 嘢 用 嘅 ，噉 唔係 指 小皇帝 ？
佢 呢 幾句 説話 ，係 嚟 試 我 啊 。
佢 又 話 ：呢隻 黃鶯 唔知 指 嘅 又 係 咩嘢 呢 ？
韋小寶 笑住 話 ：王爺 以為 係 咩嘢 呢 ？
我 唔知 啊 ，要 請 韋爵爺 指教 嘞 。
韋小寶 微微笑下 ，又 指住 另外 一座 屏風 話 ：
呢度 有 山 有 水 ，就係 萬里 江山 喇 ，哈哈哈 好兆頭 啊 ，好 兆頭 啊 。
吳三桂 個 心 啊 嘭嘭聲 咁 亂 咁 跳 ，想話 問下 啦 ，終歸 唔敢 ，一時之間 啊 ，只覺得 唇 乾 舌 燥 啊 。
韋小寶 一擸眼 ，見到 書枱 上面 有 一部 經書 ，正係 佢 見慣見熟 嘅 四十二章經 ，不過 呢 係 南綢 封面 嘅 ，當堂 個 心 乒乓 噉 一 跳 ，佢 諗 ：
第八部 經書 果然 喺 老烏龜 呢度 ，哎 妙極 喇 。
噉佢嘅眼角呢 ，都 再唔望 經書 嘞噃 。
佢 睇住 牆上 嘅 刀槍 笑住 話 ：
王爺啊 ，你 真係 大英雄 大豪傑 喇 ，書房 裏 便 呢 都 擺滿晒 兵器 。
唔怕 同 你 講 吖 ，小將 啊 一個 字 都 唔識 ，一聽到 書房 兩個 字 頭 都 大晒 喇 ，哈 估唔到 你 呢間 書房 咁 高明 嘅 ，真係 佩服 之至 啊 。
吳三桂 哈哈大笑 佢 話 ：
哈哈哈哈 ，呢啲 兵器 ，每一件 都有 來歷 嘅 。
小王 掛喺 呢度 ，亦 只係 念舊 之 意唧 。
原來 係 噉嘅 。
王爺 當年 東掃西蕩 ，南征北戰 ，立下 天大 嘅 汗馬功勞 ，呢啲 兵器 ，睇嚟 都係 王爺 喺 戰陣 上 用過 㗎 喇 。
係 。
本藩 呢 一生 大小 數百 戰 ， 出生入死 ， 呢 個 王位 ， 係 搏命 搏 翻 嚟 㗎 。
言下之意 呢 ，即係話 ，唔似 你 呢個 細路 不過 係 得到 皇帝 嘅 寵幸 ，就 能夠 升官 封爵 。
韋小寶 猛咁 岌頭 ，佢 話 ：
當年 王爺 鎮守 山海關 ，唔知 用 嘅 係 邊件 兵器 ，立 嘅 係 邊一件 大功 呢 ？
吳三桂 即時 變咗 面色 。
鎮守 山海關 乃係 同 滿洲人 打仗 ，立 嘅 功勞 越 大 ，殺 嘅 滿洲人 就 越 多 。
韋小寶 問 呢句 説話 ，顯然 係 諷刺 佢 做咗 漢奸 啊 。
一時之間 雙手 微微 發抖 ，忍唔住 就要 發作 。
韋小寶 又 話 ：聽講 明朝 嘅 永歷 皇帝 畀 王爺 由 雲南 一直 追 到 緬甸 ，終於 捉到 佢 ，畀 王爺 用 弓弦 絞死 。
講完 ，指住 牆上 一把 長弓 問 ：唔知 用 嘅 係咪 呢張 弓 呢 ？
吳三桂 當年 害死 明室 永歷 皇帝 ，係 為咗 顯示 決心 效忠 清朝 ，但係 佢 內心 呢 ，畢竟 係 深 以為 恥 。
呢件事 喺 王府 裏頭 邊個 都 唔 敢 提起 嘅 。
誰知 韋小寶 而家 竟然 當面 揭 佢 嘅 瘡疤 ，嬲 到 佢 忍唔住 喇 大聲 話 ：
韋爵爺 今日 一再 出言 諷刺 ，唔知 係 咩嘢 用意 呢 ？
韋小寶 愕然 喇 ： 冇 啊 ， 冇 啊 ， 小將 點敢 諷刺 王爺 呢 ？
小將 喺 北京 嘅 時候 ，聽見 宮中 朝中 大家 都 話 ，王爺 連 明朝 嘅 皇帝 都 搞死 咗 咯 ，對 我 大清 啊 好 忠心 啊 噉 。
聽講 王爺 絞死 永歷 皇帝 嘅 時候 ，係 親自 落手 嘅 。
弓弦嘰嘰聲咁絞緊 ，永歷皇帝唉唉聲咁呻吟 ，王爺就哈哈大笑 ，嘿真係好極喇 ，好忠心啊 。
吳三桂 啪聲 企起身 ，握緊咗 拳頭 ，但係 佢 即刻 一諗 ：
諒佢 一個 細路 ，能夠 有 幾 大膽 竟然 敢 衝撞 我 吖 ？
實係 小昏君 授意 佢 ，叫 佢 嚟 試 我 。
又或者 係 朝廷 裏 便 嘅 對頭 ，有意 指使 佢 講説話 嚟 激 我 ，想 捉住 我 個 把柄 。
佢 老奸巨猾 ，立即 收起 怒容 ，笑吟吟 噉 話 ：
本藩 咩嘢 汗馬功勞 啊噉 都係 不值一提 嘅 ，倒是 對 皇上 忠心耿耿 ，嗰啲 先至 算係 我 一點 長處 。
小兄弟 ，你 想 做 征東王 、掃北王 ，就 要 學 一學 我 呢一份 對 皇上 嘅 忠心 喇 。
係定啦 ，呢啲 係 非學不可嘅 。
不過 就 可惜 小將 生 遲咗 幾十年 ，明朝 嘅 皇帝 都 畀 王爺 殺 清光 嘞 ，使到 小將 冇 埞 落手 添 。
吳三桂 喺 個 心處 啊 猛 咁 鬧 佢 。
終歸 有日 ，你 落喺 我 手中 呢 就 將 你 千刀萬剮 。
但係 佢 笑住 話 ：韋爵爺 要 立功 ，唔 憂 冇 機會 啦 。
韋小寶 笑住 話 ：呢 如果 有人 造反 呢 就 好嘞 。
點解 呢 ？
嗱 ，有人 造反 ，噉 啊 皇上 派 我 出征 咯噃 ，小將 就 學 王爺 一樣 ，搏命 廝殺 一番 ，捉住 反賊 就 可以 列土 封疆 啦 嘛 。
韋兄弟 ，呢 種 説話 唔好 亂講 啊 。
而家 聖天子 在位 ，海內 歸心 人人 擁戴 ，又 有 邊個 會 造反 吖 ？
照 王爺 睇 ，係 冇 人 造反 㗎 喇 ？
如果話 一定 冇人 造反 ，噉 亦 未必 盡然 。
前明餘逆 ，或者 各地 不軌 之 徒 妄自作亂 都 怕 係 有 嘅 。
哦？ 如果 有人 造反 噉 就 唔係 聖天子 在位 嘞 噃 。
吳三桂 強壓 怒氣 ，騎騎騎噉 乾笑 幾聲 佢 話 ：
嘿嘿嘿 ，小兄弟 嘅 説話 真係 有趣 嘞 。
原來 韋小寶 見到 書枱 上 便 嘅 四十二章經 之後 呢 ，就 不斷 用 説話 嚟 激嬲 吳三桂 ，希望 佢 發起 火 嚟 拂袖而出 ，噉 啊 自己 可以 乘機 偷 經 。
誰知 吳三桂 城府甚深 ， 雖然 發作 咗 一下 ， 但 係 立即 忍住 ， 竟然 唔 中 佢 嘅 計 。
韋小寶 見到 吳三桂 竟然 唔受激唄 ，就 立即 改口 ，一味 講 啲 吳三桂 聽咗 好 舒服 嘅 嘢 。
佢 把 口 就 猛咁 托 大腳 ，個 心 就 猛 喺 處 諗 ：點樣 先至 能夠 將 經書 偷 出去 。
佢 諗 ：如果 我 假 傳 聖旨 ，話 皇上 要 呢部 經書 ，諒 佢 老 烏龜 亦 唔 敢 唔 獻出 嚟 嘅 。
何況 皇上 確係 要 得到 經書 啊 ， 吩咐 過 我 喺 雲南 嘅 時候 呢 乘機 去 搵 下 嘅 。
所以 我要 老烏龜 繳書 呢 亦 唔 算 係 假 傳聖旨 。
就係 怕 老烏龜 一啖 應承 ，不過 就 暗中 做咗 手腳 ，好似 康親王 噉樣 ，另外 偽造 一部 假嘢 嚟到 敷衍 皇帝 ，噉 書裏 便 嘅 碎皮 就 攞唔到 㗎 嘞 噃 。
一想到 假做 經書 ，嘿 ，真係 當堂 有計 嘞 。
佢 突然間 低聲 話 ：王爺 ，皇上 有 一道 密旨 。
吳三桂 一驚 ，即刻 企起身 話 ：臣 吳三桂 恭聽 聖旨 。
韋小寶 拉 住 佢 隻 手 話 ： 唔 使 急 唔 使 急 ， 我將 啲 前因後果 講 畀 你 聽 先 。
係 。
吳三桂 應咗 ，不過 就 唔敢 坐低 。
韋小寶 話 ：皇上 明知 你 係 大清 忠臣 ，不過 就 一再 吩咐 我 嚟 查明 你 係 忠 吖定 係 奸 。
王爺 你 知唔知道 係 咩 用意 呢 ？
呢層 我 就 唔明白 喇 。
原來 皇上 有 一件 大事 要 派 你 去 做 ，之 有啲 放心 唔落 ，唔知 你 肯唔肯 盡力 。
將 建寧 公主 嫁畀 你 世子 ，係 有 ，誒 有 嗰個 。
有 勉勵 之 意 啊 ？
哎冇錯喇冇錯喇 ，皇上 講過 係 有 勉勵 之意 嘅 。
我 學問 太 差 ，呢句 説話 呢 硬係 講唔出 添 。
皇上 有 咩 差遣 ，老臣 應該 盡心竭力 效 犬馬之勞 。
唔知 皇上 吩咐 老臣 去 做 乜嘢 事 呢 ？
呢件事啊 ，關係好大㗎 ，呢聽日 呢個時候 ，請 王爺 喺 呢度 等 ，小將 再嚟 傳 皇上 嘅 密旨 啦 。
係 ，皇上 有 旨 ，臣 去 安阜園 恭接 就係 嘞 。
安阜園 裏 便 耳目 眾多 ，仲 係 呢處 比較 穩陣 啊 。
講完 ，就 告辭 返去 嘞 。
吳三桂 唔知 佢 故弄 咩嘢 玄虛 ，就 恭恭敬敬噉 將 佢 送翻 出去 。
第日 ，韋小寶 依時 嚟到 ，噉 兩個人 又 去 內書房 。
韋小寶 話 。
王爺 ，我 講 嘅 呢件事 ，關係 真係 非常非常 大 ，你 千祈 唔能夠 洩漏 風聲 啊 ，就係 上 畀 皇上 嘅 奏章 裏 便 ，一字半句 亦 唔能夠 提及 㗎 。
吳三桂 話 ：係 ，梗係 唔敢 洩漏 機密 啦 。
皇上 得到 密報 ，尚可喜 同 耿精忠 啊 ，要 造反 啊 。
吳三桂 一 聽 當堂 面 如 土色 。
平南王 尚可喜 鎮守 廣東 ，靖南王 耿精忠 鎮守 福建 ，同 吳三桂 就 合稱 三藩 。
三藩 共榮共辱 ，休戚相關 。
吳三桂 陰謀 造反 ，原本 係 想 同 尚可喜 、耿精忠 一齊 反 嘅 。
一聽見 皇帝 話 尚可喜 、耿精忠 兩個 藩 要 造反 ，當然 係 十分 驚慌 嘞 。
佢 話 ：噉 ，噉 ，噉 係 真 㗎 ？
韋小寶 尋日 捏造 話 有 一道 密旨 ，想 嚇到 吳三桂 驚慌失措 ，以便 乘機 偷書 。
但係 佢 到底 係 年紀 細 啊 ，對於 軍國大事 係 所知 有限 。
佢 諗 ：如果 胡言亂語 一番 ，一來 ，吳三桂 啊 未必 肯 信 ；
二來 日後 揭穿咗 ，講唔定 因為 關係 重大 啊 ，受到 康熙 怪責 。
所以 就 決定 返去 安阜園 先 ，同 群雄 商量 之後 ，第日 再 嚟 假 傳 聖旨 。
祁彪清 建議 誣陷 尚耿 兩 藩 謀反 ，嚇 佢 吳三桂 一 大跳 ，更加 促成 佢 造反 嘅 陰謀 。
韋小寶 而家 一講出 嚟 ， 果然 慌 到 佢 手足無措 啊 。
韋小寶 話 ：本來 呢 ，講 三藩 要 造反 ，皇上 日日 都 聽到 ，冚𠾴唥 都係 生安白 造 嘅 ，就 好似 沐家 後人 嘅 誣陷 噉 ，皇上 從來 都 唔 信 嘅 。
吳三桂 話 ：係 ，皇上 聖明 ，皇上聖明 。
不過 呢次 尚耿 兩藩 嘅 逆謀 ，皇上 確係 攞到 真憑實據 啊 。
皇上 話 ：兩藩 反謀 未曾 明顯 ，暫時 唔好 打草驚蛇 ，不過 呢 ，要 吳藩 調集 重兵 ，防守 廣東 、廣西 嘅 邊界 。
一等到佢 兩藩 逳手 造反 喇 ，就要 吳藩 立刻 派兵 去 廣東 福建 ，捉咗 呢 兩 名 反賊 ，送 去 北京 ，噉 就係 一件 天大 嘅 功勞 啊 。
吳三桂 躬身 話 ：謹 領 聖旨 。
尚耿 兩藩 如果 有 不軌 異動 ，老臣 立即 出兵 ，擒獲 兩個人 獻去 北京 。
皇上 話 ： 尚可喜 啊 昏庸 糊塗 ， 耿精忠 呢 係 個 冇 用 嘅 人 ， 決 唔 係 吳 藩 嘅 對手 嘅 。
只要 吳藩 肯 發兵 咯 ，唔使 朝廷 出 一兵一卒 ，就能夠 手到擒來 啊 。
吳三桂 微微 一笑 佢 話 ：請 萬歲爺 望 安 。
老臣 喺 呢度 操練 兵馬 ，唔敢 稍有 疏忽 ，專候 皇上 調用 。
老臣 麾下 所轄 嘅 兵將 ，每一個 都 好似 上三旗 親兵 一樣 ，對 皇上 誓死 效忠 。
好 ，我 將 王爺 呢番 説話 照實 回奏 ，皇上 聽咗 啊 一定 十分 歡喜 啫 。
吳三桂 個 心 暗暗 歡喜 嘞 ：
噉樣 一嚟 ，我 調兵遣將 ，小昏君 就算 知道咗 ，亦 唔會 有 咩嘢 疑心 嘞 。
韋小寶 指住 牆上 掛住 一支 火槍 ，佢 問 ：
王爺 啊 ， 呢 啲 就 係 西洋 人 嘅 火器 啊 ？
係 ，呢支 係 羅剎國 嘅 火槍 。
當年 我 大清 同 羅剎 兵 喺 關外 打仗 嘅 時候 繳獲 翻嚟 嘅 ，確實 係 十分 犀利 嘅 兵器 啊 。
我 從來 都 冇 開過 火槍 ，借畀 我 開 一 槍 得唔得 啊 ？
得 ，當然 得啦 。
不過 呢種 火槍 係 戰陣 上 用 嘅 ，雖然 打得 好遠 ，但係 攜帶 唔方便 。
羅剎人 另外 有 一種 短筒 嘅 火槍 啊 。
吳三桂 行到 一個 木櫃 前面 ，拉開 櫃桶 ，捧咗 一個 紅木 盒 出嚟 。
韋小寶 本來 就 企 喺 書枱 旁邊 嘅 ，一見 佢 轉身 ，自己 亦 即刻 轉身 ，掀開 身上 着 嗰件 黃馬褂 ；
攞出 裏便嘅 袋袋住 一部 四十二章經 ，噉 放喺 書枱 上 便 ，又 將 枱上 原來 嗰部 經書 ，放入 馬褂 嘅 袋 裏 便 。
呢一下 調換 ，手法 極之 迅速 。
咪 講 佢 吳三桂 正在 轉身 攞 槍 啊 ，就算 係 睇實 佢 ，亦 畀 佢 背脊 遮住 難以 發覺 。
八部 經書 嘅 形狀 都係 一模一樣 嘅 ，分別 ，只係 書面 嘅 顏色 唔同 。
韋小寶 尋晚 將 一部 鑲藍旗 嘅 經書 封面 ，拆咗 條 紅邊 ，調換咗 呢部 正藍旗 嘅 經書 啊 。
話説 吳三桂 揭開 木盒 ，攞出 兩支 大約 一尺長 嘅 短槍 出嚟 ，喺 槍口 裏 便 塞 啲 火藥 入去 ，用 鐵條 舂實 火藥 。
再 放入 三粒 鐵彈 ，噉 啊 攞 火刀 火石 點着 紙媒 ，將 短槍 同 紙媒 都 交畀 韋小寶 佢 話 ：
一點 藥線 ，鐵彈 就 射出去 㗎喇 。
韋小寶 接過 短槍 ，噉啊 對準 窗外 一座 假山 ，吹着 紙媒 ，點着 藥線 。
只聽見 ，轟噉 一聲 ，一股 熱氣 撲埋 佢 面處 ，隻手啊 猛烈 一陣 ，噼啪 一聲 ，火槍 就 跌 喺 地下 。
眼前 煙霧 瀰漫 啊 ，不由得 退後 兩步 。
吳三桂 哈哈大笑話 ：哈哈哈哈 ，呢啲 火槍 嘅 力量 啊 好 厲害 嘅 ，係唔係 啊 ？
韋小寶 隻 手 啊 震到 痺 ， 佢 話 ： 嘿 佢 阿爺 吖 ， 西洋 人 啲 嘢 啊 真 係 邪 啊 。
你 睇下 嗰座 假山 。
韋小寶 一 睇 ，只見 假山 啊 已經 揈咗 一隻 角仔 去 嘞 ，地下 冚𠾴 唥 都 係 石碎 ，嘩 佢 話 ：
呢 一槍 啊 ， 如果 揈 喺 個 身處 ， 任 你 係 銅筋鐵骨 啊 ， 都 冇 得 頂 啊 。
講完 ，護低身 執起 嗰支槍 ，擠翻 落 個盒處 。
王府 啲 尉士 聽見 槍聲 ，都 走嚟 窗外 裝下 ，見到 王爺 安然無恙 ，正在 同 韋小寶 傾偈 噉 先至 放心 。
吳三桂 捧起 木盒 笑住 話 ：呢 兩 支 短槍 ，韋兄弟 攞去 玩 啦 。
韋小寶 擰頭 話 ：唔得 呢啲 係 防身 利器 ，王爺 厚賜 唔敢 當 啊 。
吳三桂 將 個 盒 塞 喺 佢 嘅 手 ，笑住 話 ：
我哋 自己 兄弟 ，分咩 彼此 呢 ？我嘅 就係 你嘅 。
呢啲 係 羅剎人 嘅 寶物 ，今後 未必 再 得到 㗎 嘞噃 ，小將 點 都 唔敢 收受 。
韋小寶 個 心 就 話 喇 ：
你 同 羅剎人 勾結 ，呢種 火器 啊 你 要 幾多 啊 有 幾多 ，當然 係 毫不 稀罕 啦 。
吳三桂 笑住 話 ：就係 因為 難得 先至 敢 送 畀 兄弟 。
平常嘅嘢 ，韋兄弟 亦 唔 放在眼內 啦 ，哈哈哈哈哈 。
噉 韋小寶 多謝 過 就 收咗 。
佢 話 ：以後 如果 撞到 有人 想 嚟 害 我 呢 ，我 攞 支 火槍 出嚟 ，嘭噉 一 槍 ，揈到 佢 粉身碎骨 。
噉 小將 呢條命 呢 ，就係 王爺 賜翻畀 我 㗎喇 。
吳三桂 拍下 佢 膊頭 ，佢話 ：噉 亦 唔使 講得 咁 客氣 ，火槍 的確 係 好 厲害 ，不過 裝火藥 、上鐵彈 、打火石 、點藥線 ，手續 好 麻煩 。
唔似 我哋 啲 弓箭 ，連珠箭 發 ，前後 不斷 嘅 。
係啊 ，如果 洋人 嘅 火槍 呢 ，亦 好似 弓箭 一樣 ，一搦起嚟 就能夠 放 ，噉 我哋 中國人 仲 有 命 咩 ？
大清 嘅 錦繡 江山 亦 難 保 咯 。
不過 ，呵呵 ，不過噉 亦 有 一樣 好處 ，我 有咗 呢 兩 支 槍 呢 ，武功 亦 唔使 練 嘞 ，咩 武學 高手 大宗師 ，冚𠾴唥 都 唔係 我 嘅 對手 。
噉啊 傾咗 一輪 閒偈 ，韋小寶 就 告辭 離開 王府 就 返去 安阜園 嘞 。
返到 去 ， 閂 埋 房門 ， 將 嗰 部 經書 嘅 封皮 拆開 ， 吖 果然 亦 有 好多 碎 羊皮 喺 裏 便 嘅 。
個心諗 ：八部經書 裏 便 收藏 嘅 地圖 碎片 ，已經 全部 到手 嘞 。
只要 老子 花費 啲 心思 ，慢慢 咁 拼起上嚟 ，清廷 嘅 寶藏 龍脈 ，就 冚𠾴唥 都 喺 老子 手上 。
不過 佢 要 費 啲 心思 將 呢 幾千片 碎 羊皮 拼 成 一 張 圖形 ，都 唔 使 做 啊 ，淨係 諗下 唧 就 覺得 頭痛 嘞 。
佢 諗 ：呢件事 都 唔使 咁急 做嘅 ，我哋 有 嘅 係 時間 啦 。
於是 聯翻 好 封皮 ，將 碎羊皮 同 其餘 嘅 碎皮 包埋 一齊 ，貼身 收好 佢 。
諗起 大功告成 就 不禁 怡然自得 嘞 。
小皇帝 、老舉乸 、老烏龜 、洪教主 、大漢奸 ，仲有 我 嗰個 九難 師父 ，人人 都 想 得到 呢 八部 經書 。
終歸 呢 ，仲 係 我 韋小寶 得咗 ，哈哈 。
佢哋 如果 知道咗 啊 ，一個 拉住 我 隻手 ，一個 拉住 我 隻腳 ，四面 出力 一掹 ，實行 將 我 五馬分屍 不可 嘞 。
呢件事 想起嚟 就 十分 得意 ，可惜 同邊個 都 唔能夠 講 ，冇法子 誇耀 一番 未免 美中不足 。
噉點呢 ？唱支 小曲 嚟 自己 高興 下 啦 。
咪 公車 何士生 正 係 唱得過癮 嘅 時候 ，忽然間 聽見 有人 輕輕 敲 房門 。
敲 三下 ，停 一停 ，再 敲 兩下 ，又 敲 三下 ，係 天地會 嘅 暗號 。
韋小寶 起身 開門 ，原來 ，係 徐天川 同 高彥超 啊 。
嗱 各位 ，欲知 後事 如何 ，且 聽 下回 分解 。
