前 文 再續 啊 書 接上 一回 啊 。
話 說 韋小寶 一醒 翻 ， 發覺 自己 呢 原來 喺 公主 臥室 裏 便 ， 赤條條 一絲不掛 就 畀 人 綁 到 實一實 。
轉念之間 ， 佢 已經 估到 酸梅湯 裏 便 有 古怪 嘞 ， 畀 公主 做 咗 手腳 。
佢 問 ： 酸梅湯 裏 便 ， 有 蒙汗藥 啊 ？
公主 笑一笑 話 ： 你 真 係 聰明 喇 ， 就 可惜 聰明 得 遲 咗 啲 。
呢 啲 蒙汗藥 ， 嗯 ， 嗯 ， 你 係 問 啲 侍衛 攞 㗎 ？
自己 放走 吳立身 等 人 嘅 時候 呢 ， 曾經 問 侍衛 要過 蒙汗藥 嘅 。
收尾 呢 包 蒙汗藥 喺 迷魂 桑 結 嗰 班 喇嘛 嘅 時候 用 完 嘞 。
呢 次 返去 北京 ， 又問 張康年 啊 攞 咗 一 大包 ， 放 喺 行李 裏 便 。
匕首 、 寶衣 、 蒙汗藥 ， 乃 係 小白龍 韋小寶 攻守 兼備 嘅 三大法寶 啊 。
建寧公主 平時 向 啲 侍 衞 請教 武功 ， 同 佢 哋 談論 江湖 上 嘅 奇聞 軼事 。
噉 問 佢 哋 要 啲 蒙汗藥 嚟 玩 下 ， 當然 係 一 啲 都 唔 奇怪 嘞 。
公主 笑 住 話 ： 你 乜嘢 都 知道 ， 就 係 唔 知道 酸梅湯 裏 便 有 蒙汗藥 。
韋小寶 話 ： 公主 聰明 過 奴才 成 百倍 啦 ， 公主 要 擺佈 我 ， 奴才 一 啲 法子 都 冇 嘅 。
佢 口頭 敷衍 住 公主 ， 個心 呢 ， 就 諗 有 咩 嘢 法子 可以 甩身 。
公主 睇 穿 佢 喇 冷笑 話 ：
你 嗰 雙眼 喺 處 睩 嚟 睩 去 做 咩 啊 ？ 想 咩 詭計 啊 ？
攞 起 韋小寶 嗰 把 匕首 揚 咗 一揚 。
你 只要 嗌 一聲 ， 我 就 喺 你 嘅 肚 處 㓤 十八個 窿 。
你 話 嗰 陣 時 你 係 死 太監 呢 定 係 生 太監 啊 ？
到 嗰 個 時候 啊 ， 我 既 唔 係 死 太監 亦 唔 係 生 太監 ， 我 變成 吸血鬼 、 毒 僵尸 。
公主 一腳 喺 佢 個 肚 處 出力 一 𨅝 鬧 佢 話 ： 死仔 ， 你 又 想嚇 我 ？
韋小寶 痛到 哎 吖 一聲 大叫 ， 冇 法子 嘞 ， 唯有 𠼮 佢 話 ：
哎呀 ， 公主 ， 唔 該 你 快 啲 放開 我 啦 ， 小桂子 聽 你 吩咐 ， 同 你 比武 打交 噉 得 嘞 啩？
我 唔 鐘意 打交 ， 我 鐘意 打人 。
𠻘 一聲 ， 喺 床 墊下 便 攞 條 鞭 出 嚟 ， 啪 ， 啪 ， 啪 ， 啪 ， 喺 韋小寶 個 身處 連氣 拂 咗 十幾下 。
韋小寶 又 剝光 晒 衫褲 㗎 嘛 當堂 血痕 斑斑 啊 。
公主 一 見到 血 ， 不由得 眉開眼笑 ， 護低 個 身 ， 用手 輕輕 噉 摸 下 佢 嘅 傷痕 。
韋小寶 啊 痛到 全身 好似 火燒 噉 ， 就 𠼮 佢 話 ： 哎呀 ， 公主 ， 今日 打夠 咯 啩？ 我 冇 得罪 你 啊 。
公主 突然 間 發惡 起 上 嚟 一腳 踢 喺 佢 鼻 哥 上 便 ， 當堂 流鼻血 。
公主 話 ： 你仲話 冇 得罪 我 ？
皇帝 哥哥 要 我 去 嫁 畀 吳應熊 呢 個 僆 仔 ， 都 係 你 出 嘅 主意 。
韋小寶 連忙 話 ： 唔 係 啊 唔 係 啊 ， 係 皇上 自己 嘅 聖 斷 啫 嘛 ， 同 我 一 啲 關係 都 冇 嘅 。
你 仲 唔 認 係 嘛 ？
太后 向來 最痛 我 嘅 ， 點解 我 嫁 去 雲南 咁 遠 ， 太后 都 唔 出 聲 吖 ？
甚至 我 向太后 辭行 ， 太后 都 係 唔 啾 唔 睬 。
佢 ， 佢 係 我 親生 母親 嚟 㗎 嘛 。
講完 ， 揞 住 塊 面喊 起 上 嚟 。
韋小寶 個 心話 喇 ： 太后 早就 調翻 轉頭 喇 ， 老舉 乸 變翻 真太后 喇 佢 嬲 到 你 入骨 ， 梗 係 唔 睬 你 啦 。
唔 鬧 你 一 大餐 啊 ， 已經 係 夠 客氣 㗎 喇 。
哎呀 呢 個 秘密 ， 唔 能夠 講 畀 你 知 。
公主 喊 咗 一陣 就 話 嘞 ：
都 係 你 唔 好 ， 都 係 你 唔 好 ！
一字講 ， 一直 喺 佢 身上 亂 咁 踢 。
韋小寶 靈機一動 嘞 佢 話 ：
公主 ， 你 唔 肯 嫁 畀 吳應熊 啫 嘛 ， 早 啲 講吖 我 有 辦法 嘅 。
呃 人 ， 你 有 咩 法子 啊 ？
呢 啲 係 皇帝 哥哥 嘅 旨意 ， 邊個 都 唔 能夠 違抗 嘅 。
噉 梗 係 啦 ， 人人 都 唔 能夠 違抗 皇上 嘅 主意 ， 噉 講 係 啱 嘅 。
哎 不過 有 一個 嘢 ， 連 皇上 都 冇 佢 收 嘅 。
係 邊個 啊 ？
閻羅王 囉 。
閻羅王 又點 啊 ？
閻羅王 嚟 幫忙 ， 將 吳應熊 呢 個 衰仔 捉 咗 去 噉 你 就 嫁 唔 成 佢 啦 嘛 。
邊度 有 咁 巧 嘅 啫 ， 吳應熊 偏偏 會 喺 呢 個 時候 死 ？
佢 唔 去 見 閻羅王 ， 我 哋 送 佢 去 見 就 係 啦 嘛 。
你 話 將 佢 害死 啊 ？
唔 係 害死 ， 有 啲 人 忽然 不明不白 噉 死 咗 ， 邊個 都 唔 知道 佢 係 咩 緣故 嘅 。
公主 睩 大 雙眼 望 住 佢 一陣 ， 突然 大聲 話 ：
你 叫 我 謀殺 親夫 啊 ？ 唔 得 ！
你 話 吳應熊 英俊 到 不得了 ， 天下 嘅 姑娘 人人 都 想 嫁 佢 嘅 。
你 如果 害死 咗 佢 ， 我 唔 肯 過 你 㗎 。
講完 攞 起 皮鞭 ， 猛 咁 鞭 佢 。
韋小寶 啊 痛到 大聲 咁 叫 。
公主 笑 住 問 佢 ： 好痛 啊 ？ 越痛 越 得意 啊 。
不過 呢 你 叫 得 太過 嘈 喇 ， 畀 外 便 啲 人 聽到 ， 唔 係 點夠 英雄氣概 噃。
韋小寶 話 ： 哎呀 ， 我 唔 係 英雄 啊 ， 我 係 屎蟲 咋 。
豈有此理 ， 原來 你 係 屎蟲 。
公主 順手 攞 起 一隻 襪 ， 係 喺 韋小寶 隻 腳 除落 嚟 嘅 ， 一下 塞住 佢 個 嘴 ，攞 起 皮鞭 又試 出力 咁 鞭 佢 。
打 咗 幾下 唧 ， 韋小寶 詐 假意 不省人事 ， 雙眼 反白 成 個人 都 唔 逳 嘞 。
公主 鬧 佢 話 ： 死賊 仔 你 詐死 係 嘛 ？
我 喺 你 個 肚 處 㓤 三刀 ， 如果 你 真 係 死 咗 就 唔 會 逳 嘅 。
韋小寶 嘅 心 諗 ， 千祈 唔 好 咁 玩 ， 連忙 出力 掙扎 。
公主 啊 哈哈大笑 ，攞 起 皮鞭 又 打 。
皮鞭 鞭 喺 肉 處 啊 噼噼啪啪 ， 聲音 都 唔 知 幾 清脆 。
公主 打 咗 十幾 鞭 ， 掉 開 皮鞭 笑嘻嘻 噉 話 ：
諸葛亮 呢 又 要 火燒 藤甲兵 喇 。
不過 藤甲兵 個身 冇 咗 藤甲 ， 就 唔 容易 燒 得 着 㗎 噃， 要 淋 啲 油 至 得 。
講完 ， 轉身 行 咗 出去 ， 睇 嚟 係 要 搵 啲 油 嘞 。
韋小寶 搏命 掙扎 ， 但 係 手腳 上 嘅 繩索 呢 綁 到 好 緊 ， 掙扎 唔 甩 。
正在 焦燥 惶急 ， 怨天尤人 嘅 時候 ， 忽然間 聽見 窗外 有人 低聲 話 ：
快 啲 入 去 救 佢 出 嚟 啦 。
係 九難 師父 啊 ！
呢 句 説 話 一 入耳 ， 韋小寶 歡喜 到 乜嘢 噉 。
就 只 聽見 阿珂 把 聲話 ： 佢 ， 佢 ， 佢 又 冇 着 衣服 ， 點救 啊 ？
韋小寶 好 嬲 啊 個 心猛 咁 鬧 佢 ： 死妹 釘 你 嘩 ， 我 唔 着 衣服 ， 點解 唔 救 得 啊 ？
唔 通要 着 翻晒 衫褲 先至 救 得 咯 噃？ 你 唔 救 老公 呢 就 係 謀殺 親夫 。
自己 做個 小 寡婦 ， 好開心 啊 你 ？
只 聽見 九難 話 ： 你 眯 埋 雙眼 ， 去 割斷 佢 手腳 嘅 繩索 唔 係 得 囉 。
哎呀 唔 得 㗎 唔 得 㗎 ， 我 眯 埋眼 ， 睇 唔 見 佢 如果 ， 如果 掂 到 佢 嘅 身 噉 點算 啊 ？
師父 ， 仲 係 你 去 救 佢 罷 啦 。
我 係 出家人 ， 點 能夠 做 呢 種事 呢 ？
韋小寶 雖然 係 年紀 細 啊 ， 誒 亦 係 個 十幾歲 嘅 少年 男子 ， 赤身露體 咁 醜怪 ， 點 可以 睇 得 呢 ？
韋小寶 好 想 大聲 話 ： 你 攞 件 衣服 掉入 嚟 ， 褸 喺 我 個 身處 噉 咪 睇 唔 見 我 囉 。
弊 在 個 口 塞住 一隻 臭襪 ， 講唔 出 説 話 ， 而 九難 、 阿珂 兩 師徒 呢 ， 又 認真 缺乏 應變 嘅 能力 嘅 。
佢 兩個 人 扮成 宮女 噉 樣 ， 用 黃粉 搽 污 咗 塊 面 等 自己 冇 咁 靚 。
噉 平時 呢 ， 恐怕 公主 疑心 盤問 嘞 ， 噉 啊 淨 係 同 啲 做 粗重 功夫 嘅 宮女 混埋 一齊 ， 從來 唔 見 公主 嘅 面 嘅 。
呢 一 晚 ， 隱隱約約 聽見 公主 臥室 裏 便 有 鞭打 同 呼叫 嘅 聲音 ， 就 去 臥室 窗外 嚟 睇 下 。
見到 韋小寶 畀 人 哋 剝光 晒衣服 ， 綁住 手腳 ， 畀 公主 啊 狠狠 噉 鞭打 。
噉 當 窗外 九難 師徒 ， 仲 未曾 商量 掂 嘅 時候 ， 建寧公主 已經 返 嚟 嘞 。
佢 笑嘻嘻 噉 話 ：
一時之間 呢 搵 唔 到 豬油 啊 牛油 啊 菜油 啊 噉 ， 我 哋 只有 ， 煎 啲 屎 蟲油出 嚟 啦 。
你 自己 話 喇 ， 唔 係 英雄 係 屎蟲 吖 嘛 。
屎蟲 有 油 嘅 咩 ？ 係 點 㗎 ？ 我 就 未 見過 喇 ， 你 有 冇 見過 呢 ？
講完 攞 起 枱 上 嘅 燭 台 ， 將 燭火 去燒 韋小寶 心口 啲 肉 。
韋小寶 啊 痛到 不得了 ， 個身 就 猛 向 後 便 縮 咯 喎 。
公主 左手 掹 住 佢 頭髮 唔 畀 佢 逳， 右手 就 繼續 用 燭火 燒 佢 啲 肉 ， 一陣 間唧 ， 已經 有 燶𡃴 嘞 。
九難 大驚 啊 ， 即刻 推開 窗門 ，扚 起 阿 珂 掟 佢 入 房 喝 佢 話 ： 快 啲 救人 ！
自己 就 擰 轉塊面 ， 恐怕 見到 韋小寶 個 裸體 啊 。
阿珂 畀 師父 掟 咗 入 房 ， 噉 全身 赤裸 嘅 韋小寶 赫然在目 ， 想話 唔 睇 都 唔 得 喇 。
噉 就 只有 用手掌 向 建寧公主 後頸 劈落 去 。
公主 吃 咗 一驚話 ： 邊個 啊 ？
就 用 左手 擋格 ， 右手 一晃 ， 支 蠟燭 就 熄 咗 嘞 。
但 係 枱面 茶几 ， 仲有 四五支 紅 蠟燭 ， 照 到 間 房好 光猛 。
阿珂 連氣 出招 ， 公主 啊 當然 唔 係 佢 敵手 啦 。
嘞 嘞 兩聲 ， 右手 同埋 左腳 ， 畀 阿 珂 打 到 甩 咗 臼 ， 跌倒 喺 床 邊 。
公主 嘅 性格 好 凶狠 嘅 ， 把 口 仲 喺 度 鬧 。
阿珂話 ： 都 係 你 唔 好 ， 仲 喺 度 鬧 人 ？
突然 間 自己 喊 起 上 嚟 ， 個心 啊 都 唔 知 幾 委屈 。
公主 打個 特 嘞 ， 唔 再 喊 ， 個心 諗 ：
你 都 打 低 咗 我 咯 ， 點解 反而 喊 起 上 嚟 呢 ？
阿珂 執起 地下 嘅 匕首 ， 割斷 咗 韋小寶 手上 綁住 嘅 繩索 ， 塊面 啊 醜到 紅紅 ， 掉 低 匕首 ， 即時 跳出 窗口 ， 飛 噉 啊 趯 咗 出去 。
九難 呢 ， 亦 都 跟 住 佢 走 咗 喇 。
臥房 裏頭 啊 搞 到 天翻地覆 ， 房外 啲 宮女 太監 呢 早就 聽見 喇 。
但 係 事前 啊 ， 公主 係 叮囑 過 佢 哋 ， 無論 間 房裏 便 發出 咩 古怪 嘅 聲音 ， 唔 叫 就 邊個 都 唔 准入 去 。
邊 個人 伸 個頭 入房 ， 就 斬 邊個 嘅 人頭 。
呢 位 公主 自細 就 鐘意 胡鬧 咯 ， 千奇百怪 嘅 花樣 係 層出不窮 ， 大家 多年 嚟 呢 都 習慣 晒 嘞 。
公主 嘅 親生 母親 呢 ， 本來 係 個 冒牌貨 ， 出身 於 江湖 草莽 ， 又 點會 好好 管束 教導 個 女 呢 ？
噉 順治 出 咗 家 做 和尚 ， 康熙 又 細個 ， 建寧公主 啊 再 鬧 到 無法無天 啊 亦 冇 人 管 嘅 。
啱 先 佢 叫 宮女 太監 入 嚟 ， 將暈 咗 嘅 錢老本 、 高彥超 拖出去 綁 起 嚟 。
噉 當 其時 呢 ， 各人 已經 知道 今晚 必定 有 怪事 㗎 嘞 ， 只 係 點都估 唔 到 公主 啊 竟然 會 畀 人 打 到 唔 逳 得 。
韋小寶 聽見 九難 同阿珂 已經 走遠 咗 ， 即刻 將 塞住 個 口 嘅 襪 掹 翻 出 嚟 ， 閂 翻 埋 窗門 ， 佢 鬧 公主 話 ：
衰女 ， 狐狸精 油 你 見過 未 啊 ？
我 就 未 見 過 噃， 我 哋 煎 啲 出 嚟 睇 下 呢 ？
啪啪 喺 佢 身上 踢 咗 兩腳 ， 捉住 佢 雙手 反 到 去 背後 ， 喺 佢 條 裙 處 啊 撕 咗 一 窟 出 嚟 將 佢 雙手 綁實 。
公主 嘅 手腳 嘅 關節 呢 ， 就 畀 阿 珂 扭 甩 咗 臼 嘅 ， 就 已經 痛到 滿頭大汗 ， 邊度 仲 能夠 反抗 呢 ？
韋小寶 揸 住 佢 心口 嘅 衣服 ， 出力 一 撕 ， 嗤 一聲 ， 衣服 當堂 裂開 ， 打出 心口 嗰 一片 雪白 嘅 肌膚 。
韋小寶 個心 嬲 到 極喇 ， 執起 地下 嘅 燭 台 ， 點着 佢 ， 就 嚟 燒 佢 心口 咯 噃， 佢 話 ：
死妹 釘 ， 惡有惡報 善有善報 。
狐狸精 油 呢 我 亦 唔 要 煎 得 太 多 ， 煎 酸梅湯 噉 一碗 就夠 喇 。
公主 痛 嘞 ， 哎 吖 一聲 。
韋小寶 話 ： 冇 錯 喇 ， 等 你 試下 我 隻 臭 襪 嘅 滋味 至 得 。
咪 執翻 起 隻 襪 ， 就 想 塞 落 佢 個 嘴 處 。
公主 忽然間 好 温柔 噉 話 ： 桂貝勒 ， 你 唔 使 塞 我 個 口 嘅 ， 我 唔 叫 就 係 啦 。
桂貝勒 三個 字 一 入耳 ， 韋小寶 啊 當堂 打個 特 嘞 。
嗰 日 ， 喺 皇宮 嘅 公主 寢室 裏 便 ， 公主 啊 扮 奴才 服侍 佢 嘅 時候 呢 ， 就 係 噉 樣 稱呼 佢 嘅 。
而家 又 試 聽到 佢 噉 叫 ， 不由得 個心 啊 一陣 盪漾 啊 。
只 聽見 佢 又 話 ： 桂貝勒 ， 你 就 饒恕 奴才 啦 ， 你 如果 個心 唔 快活 咯 ， 就 鞭 奴才 一餐 出氣 啦 。
韋小寶 話 ： 豈有此理 我 唔 出力 打翻 你 一餐 呢 亦 難消 我 心頭 之恨 啊 。
放低 燭台 ，攞 起 皮鞭 就 鞭 佢 咯 噃。
公主 細細 聲 噉 嗌： 哎 吖 ， 哎 吖 。
媚眼 如絲 櫻唇 含笑 ， 竟然 好似 講唔 出 咁 舒服 。
韋小寶 鬧 佢 話 ： 賤格 鬼 ， 好開心 啊 呢 ？
我 ， 奴才 係 賤格 ， 請 桂貝勒 再 打重 啲 啦 ， 哎 吖 ！
韋小寶 掉 咗 條 皮鞭 話 ： 我 偏偏 唔 打 喇 。
噉 啊 轉身 去 搵 衣服 ， 搵 唔 到 就 唔 知 畀 公主 收埋 喺 邊 。
佢 話 ： 我 衣服 呢 ？
公主 話 ： 唔 該 你 ， 幫 我 接翻 啲 臼 啦 ， 等 ， 等 奴才 嚟 服侍 桂貝勒 着 衫 好 唔 好 啊 ？
好好 好 好你個 死人頭 。
韋小寶 揸 住 公主 隻 手臂 ， 對準 咗 ， 出力 兩邊 一接 。
噉 佢 係 唔 會 接骨 嘅 ， 接 咗 好幾下 先接 翻 上 ， 公主 痛到 啊 哎 吖 哎喲 噉 猛 咁 叫 。
當 同 佢 接 翻 腳骨 上 嘅 關節 嘅 時候 ， 公主 就 趴 喺 佢 背脊 。
噉 兩個 人 赤裸 嘅 肌膚 接觸 ， 韋小寶 只 覺得 唇 乾舌燥 ， 個心 啊 好似 畀 火燒 噉 ， 佢 話 ：
你 坐 好 啲 啦 ， 噉 樣 搞法 ， 老子 就要 將你當 老婆 㗎 喇 。
公主 話 ： 我 就 係 要 你將 我當 老婆 。
雙手 出力 咁 攬 實 佢 。
韋小寶 想 推開 佢 ， 公主 摱 轉 佢 嘅 身 ， 向 佢 嘴唇 吻 過去 。
韋小寶 當堂 頭暈眼花 啊 ， 此後 飄飄蕩蕩 ， 就 好似 喺 雲霧 之中 ， 佢 似 瞓 似 醒 ， 都 唔 知 自己 喺 邊 處 嘞 。
韋小寶 正 喺 度 昏昏沉沉 迷迷 懵懵 嘅 時候 ， 忽然間 聽見 阿 珂 喺 窗外 叫 佢 ： 小寶 ， 你 喺 呢 處 啊 ？
韋小寶 吃 咗 一驚 ， 應 佢 話 ： 係 啊 ， 我 喺 呢 度 啊 。
你 仲 喺 呢 處 做 咩 嘢 唧 ？
韋小寶 驚慌失措 佢 話 ： 係 ， 誒 誒 冇 ， 冇 ， 冇 做 咩 啊 。
佢 想 推開 公主 坐翻 起身 ， 公主 又 緊緊 噉 攬住 佢 細細 聲話 ：
唔 好 去 ， 你 叫 佢 躝 扯 ， 佢 係 邊個 啊 ？
誒 係 ， 係 我 老婆 啊 。
我 係 你 老婆 啫 嘛 佢 唔 係 嘅 。
阿珂 又醜 又 嬲 ， 一 𨂽 腳 轉身 走 咗 嘞 。
韋小寶 叫 佢 話 ： 師姐 ， 師姐 ！
唔 聽見 阿珂 應 佢 ， 公主 一吻 就 封住 佢 個 嘴 ， 噉 啊 想 叫 都 叫 唔 出 聲 。
第二 朝早 ， 韋小寶 着 好 衣服 ， 拈手 拈 腳 喺 公主 臥室 行出 嚟 ， 問 下 喺 外 便 侍候 嘅 太監 ， 知道 錢老本 同 高彥超 冇 事 ， 仲 綁住 喺 東廂 房 嚟 ， 噉 佢 就 放心 嘞 。
但 係 佢 覺得 好醜 啊 ， 唔 敢 去 見 佢 哋 兩個 ， 只 係 叫 太監 快 啲 去 鬆綁 。
佢 返 到 自己 間房 ， 一時 歡喜 啊 一時 害怕 ， 唔 敢 想 咁 多 喇 ，𢴈 低落 床 就 瞓 嘞 。
呢 日 下午 ， 噉 佢 先 至 同 九難 見面 。
佢 耷 低 個頭 ， 滿面 通紅 個心 諗 ：
呢 一次 師父 呢 一定 會 大加 責罰 ， 講唔 定 會 一掌 打死 自己 添 。
誰知 九難 毫不 知情 ， 反而 好聲好氣 噉 安慰 佢 話 ：
呢 個 女 仔 咁 潑辣 嘅 ？ 真 係 有 其母 就 有 其 女 嘞 。
你 傷得厲 唔 厲害 啊 ？
韋小寶 個心 當堂 定 翻晒 佢 話 ：
冇 乜嘢 ， 只 係 ， 呵呵 ， 只 係 ， 好彩 冇 傷 到 筋骨 唧 。
見到 阿 珂 睩 大 雙眼 望住 自己 ， 佢 又 話 ：
多謝 師父 同 師姐 救翻 我 ， 否則 佢 ， 佢 尋 晚 啊 ， 實會 燒死 我 啫 。
阿珂話 ： 你 尋晚 。
突然 間 滿面 都 紅晒 ， 講唔 落 去 嘞 。
韋小寶 話 ： 佢 ， 誒 誒 ， 公主 佢 係 落 咗 蒙汗藥 。
師姐 跳入 嚟 房救 翻 我 ， 不過 佢 ， 誒 ， 嗰 陣 時 藥性 啊 仲 未曾 過 ， 我 我 ， 我行 唔 逳 啊 。
九難 好 可憐 佢 就 話 ：
我 雖然 收 你 做 徒弟 ， 不過 一直 都 冇 教 你 咩 嘢 功夫 ， 估 唔 到 你 竟然 畀 呢 個 女 仔 噉 樣 蝦法 。
韋小寶 如果 係 有心 想學 上乘 武功 ， 呢 個 時候 出 聲 請求 ， 九難 係 必定會 酌量 傳授 嘅 。
噉 只要 學得 啲 多唧 ， 就 會 終身 受用不盡 。
但 係 任何 要落 苦功 嘅 事 啊 ， 佢 都 避 之 唯恐 不及 嘅 。
尋晚 畀 公主 綁住 鞭打 焚燒 ， 個心 就 怪 咁 多 師父 都 唔 教 自己 武功 。
而家 師父 真 係 要 教 嘞 ， 佢 就 嗯 嗯 硬硬 咁 呻吟 話 ：
哎呀 師父 啊 ， 我 好 頭痛 啊 ， 好似 想 裂開 噉 ， 啲 肉 呢 ， 好似 一 嚿嚿 想 甩 落 嚟 噉 啊 。
九難 話 ： 噉 你 快 啲 去 休息 啦 。
以後 同 呢 個 女仔 少見 為佳 ， 真 係 非見 不可 嘅 時候 ， 亦 要 帶 埋 十幾個 人 喺 一齊 ， 佢 點 都 唔 能夠 公然 同 你 為 難 嘅 。
佢 畀 嘅 飲食 ， 無論 乜嘢 都 唔 能夠 食 啊 。
韋小寶 猛 咁 話 係 啊 係 啊 噉 ， 噉 正話 想 走 ， 九難 忽然間 問 佢 ：
佢 尋 晚 為 咩 事 要 打 你 啊 ？
唔 通 佢 唔 知道 皇帝 好 歡喜 你 嘅 咩 ？
韋小寶 話 ： 佢 ， 佢 唔 願 嫁 去 雲南 ， 話 係 我 出 嘅 主意 喎 。
噉 我 哋 兩 師徒 對付 佢 母親 嘅 事 呢 ， 好似 佢 都 知道 啊 。
就 噉 樣車 句 大炮 ， 就將 公主 尋晚 打 佢 嘅 原因 ， 一大半 都 推 咗 去 九難 身上 。
九難 話 ： 實 係 佢 母親 同 佢 講 過 嘞 ， 以後 要 加倍 小心 啊 。
佢 個 心 諗 ： 嗰 日 我 喺 宮中 對付 假 太后 ， 手段 非常 狠辣 。
但 係 嗰 日 小寶 冇 露面 啊 ， 唔 通 畀 假 太后 睇 穿 咗 ， 叫 佢 個 女 嚟 報復 ？
話 說 一行 人 慢慢 噉 向 住 西南 方向 行 。
每日 夜晚 ， 公主 都靜靜 叫 韋小寶 去 陪 佢 。
韋小寶 初時 呢 仲怕 師父 同 天地會 嘅 同伴 知道 ， 噉 初 初 幾日 啊 仲 係 偷偷摸摸 ， 到 咗 收尾 ， 唔 理 咁 多 喇直 情 喺 公主 間房 啊 成晚 咁 喺 度 瞓 。
日頭 係 賜 婚 使 ， 夜晚 就 係 駙馬爺 嘞 。
啲 宮女 太監 一來 怕 公主 ， 二來 韋小寶 啊 大 把 銀 啊 不斷 咁 賞賜 落 嚟 ， 所以 呢 冇 人 敢講 半句 閒話 嘅 。
嗰 晚 ， 阿珂 扭 甩 咗 公主 手腳 嘅 關節 ， 公主 啊 梗 係 要問 韋小寶 呢 個 師姐 係 邊個 啦 。
韋小寶 花言巧語 一番 ， 噉 公主 性格 粗疏 ， 又 正在 情濃 嘅 時候 ， 亦 唔 再問 嘞 。
兩個 少年 男女 啊 啱 啱 識得 情 滋味 ， 好 到 好似 糖 黐 豆 噉 。
公主 啊 收埋 嗰 啲 刁蠻 脾氣 自居 奴才 ， 一 見 佢 入 房 ， 就 跪 低 迎接 ， 桂貝勒 、 桂 駙馬 噉 叫 到 不停 口 。
韋小寶 啊 更加 神魂顛倒 定 啦 。
嗱 各位 ， 欲知 後事 如何 ， 且 聽 下回分解 。
