前 文 再續 啊 書 接上 一回 啊 。
話説 康熙 同 韋小寶 喺度 談論 四十二章經 嘅 去向 。
康熙話 ：老舉乸 到底 係 咩 來歷 ，而家 毫無 線索 。
佢 做噉嘅 大事 ，必定 有 同謀 嘅 人 嘅 。
佢 得到咗 經書 之後 ，必定 已經 陸續 偷運 出 宮 嘞 。
要 將 呢 六部 經書 冚𠾴 唥 追翻 嚟 呢 ，噉 就 難到 極 喇 。
好在 太后 話 ：要 搵到 大清 龍脈 喺 邊處 ，必須 八部 經書 一齊 到手 至得 。
就算得到 七部 ，只要 少咗 一部 唧 ，都冇用嘅 。
我哋 只要 將 康親王 同 吳三桂 手中 嗰 兩部 經書 攞翻嚟 ，燒咗 佢 ，噉 就 太平 無事 嘞 。
我哋 又唔係 去 搵 龍脈 ，只要 唔畀 人哋 知道 就 得嘞 。
不過 失咗 父皇 所賜 嘅 經書 ，如果 從此之後 搵唔翻嚟 ，唉 ，我 真係 不孝 啊 。
呢陣時 ，康熙 個 心裏 便 所 想到 嘅 ，係 順治 喺 五台山 金閣寺 僧房 裏 便 囑咐 佢 嘅 説話 ：
乖仔 ，你 精明能幹 ，愛護 百姓 ，做 皇帝 ，係 比 我 叻 得 多 喇 。
嗰 八部 四十二章 經 裏 便 所 藏 嘅 地圖 ， 係 一個 極大 嘅 藏寶庫 嘅 地點 。
當年 我 八旗兵 入關 ，喺 中原 各地 擄掠 所得 嘅 金銀財寶 ，都 收藏 喺 呢個 寶庫 裏 便 。
寶庫 係 八旗 公有 ， 因此 地圖 呢 要 分為 八份 ， 分 畀 八旗 ， 避免 畀 一旗 獨吞 。
關內 漢人 比起 我哋 滿洲人 多過 百倍 ，如果 一齊 起嚟 造反 ，我哋 點 都 壓制 唔住 。
到嗰陣時 就 應該 退翻 出去 關外 ，開咗 寶庫 ，八旗 平分 ，噉 今後 幾百年 就 唔 愁 温飽 喇 。
當其時 ，康熙 就 想起 父皇 要 韋小寶 帶 翻嚟 嘅 説話 嘞 。
天下事 應該 順其自然 ，不可 強求 。
能夠 為 中原 蒼生 造福 ，噉啊 最好啦 。
如果 天下 百姓 都 要 我哋 走 ，噉 我哋 喺 邊度 嚟 就 返去 邊度 。
只聽見 順治 又 話 ：
我 大清 唾手而得 天下 ，實在 係 天意 真係 十分 僥倖 啊 。
我哋 唔好 有 長久 霸住 中原 嘅 心 ，咪 搞到 滿洲人 全部 覆滅 喺 關內 一個 人 都 唔 能夠 出 關 啊 。
當時 康熙 嘅 口 呢 就 話 係啊係啊噉 ，但係 個 心 呢 就 不以為然 噃 ，佢 諗 ：
我 大清 喺 中原 嘅 事業 越 嚟 越 穩 ， 今後 應該 開疆拓土 ， 建 萬世 不拔 之基 ， 又 何必 留 咩 退步 呢 ？
一留退步 ，只有 弊 嘅 啫 。
父親 出咗 家 ，心情 恬靜 ，與世無爭 ，先至 係噉 想 㗎啫 。
果然 聽見 順治 接住 話 ：
不過 當年 攝政王 吩咐 各 旗 旗主 ，喺 關外 儲存 咗 巨大 寶藏 嘅 事 千祈 唔 能夠 洩漏 。
否則 滿洲 王公 兵將 ，個 心 知道 仲有 退步 ，一 遇到 漢人 造反 ，大家 就 唔 肯 拼命 同 佢哋 鬥 ，噉 就 大事 去 矣 咯 。
因此 八旗 旗主 ，將 經書 傳畀 後人 嘅 時候 ，只能夠 話 經書裏 便所 藏 嘅 秘密 ，關及 大清 嘅 龍脈 。
龍脈 一 畀 人 掘 斷 ，滿洲 人 噉 就 人人 死 無 葬身之地 。
一來 使到 八旗 嘅 後代 唔 敢 貪心 ，偷偷 去 掘 寶藏 ；
二來 如果 知道 有人 去 掘 寶藏 ，八旗 就 群起而攻之 ，竭力 阻止 。
只有 一國之主 ，先至 能夠 知道 呢個 真正 嘅 秘密 㗎 。
康熙 回想起 當日 嘅 説話 ，個 心 再一次 想到 ：
攝政王 雄才大略 ， 見解 好 啱 啊 。
佢 睇咗 韋小寶 一 眼 佢 諗 ：
小桂子 雖然 忠心 ，不過 只能夠 同佢 講 龍脈 ，唔能夠 講 寶庫 㗎 。
佢 以後 年紀 大咯 ，點 保得住 佢 唔會 貪心 㗎 。
太后 尋日 對 我 講 ，父皇 當年 決心 出家 嘅 時候 ，將 呢個 大 秘密 講咗 畀 佢 知 ，要 佢 等 我 年長 之後 再 講 畀 我 聽 。
太后 所以 忍辱偷生 ，就係 為咗 呢件 大事 ，佢 又唔知道 我 已經 去過 五台山 見到 父皇 。
亦好彩係噉唧 ，太后 先至 冇 畀 老舉乸 害死 啊 。
韋小寶 見 康熙 喺度 踱嚟踱去 諗嘢 ，突然間 心念一動 佢 話 ：
皇上啊 ，如果 老舉乸 係 吳三桂 派 入 宮 嘅 ，佢 ，佢 手上 就 有 七部 經書 㗎喇 。
康熙 吃咗 一驚 ，佢 諗 呢件事 大有可能 嘅 ，就 話 ：傳尚衣監 。
過咗一陣 ，一名 老太監 入嚟 書房 叩頭 ，乃係 尚衣監 嘅 總管 太監 。
康熙 問 佢 話 ：查清楚 未 啊 ？
嗰個 太監 話 ：回 皇上 ，奴才 已經 仔細 查過 ，呢件 僧袍 嘅 衣料 ，係 北京 城 內 織造 嘅 。
康熙 嗯噉 應咗 一 聲 。
韋小寶 噉 先至 明白 ，原來 皇上 要 查 嗰個 矮冬瓜 嘅 來歷 。
噉 衣料 啊 北京城 織造 嘅 就 查唔出 咩嘢 啦 。
嗰個 太監 又 話 ：不過 嗰套 男子 內衣 內褲 ，係 遼東 嘅 絲綢 ，係 錦州 一帶 出 嘅 。
康熙 嘅 表情 有 啲 歡喜 嘞 ，佢 話 ：出去 啦 。
嗰個 太監 叩頭 退出去 。
康熙話 ：恐怕 畀 你 估中 嘞 ，呢個 矮冬瓜 講唔定 同 吳三桂 有 啲 瓜葛 㗎 。
韋小寶話 ：係咩 ？奴才 噉 就 唔明白 喇 。
吳三桂 以前 鎮守 山海關 ，錦州 係 佢 管轄 嘅 地方 。
呢個 矮冬瓜 或者 係 佢 舊時 嘅 部下 啊 。
係噃 ，皇上 英明 ，估計 必定 係冇錯 嘅 。
如果 老舉 乸趯咗 返去 雲南 ，你 呢次 去 就 會 多 一 分 危險 嘞 。
你 帶 多啲 侍衞 ，再 領 三千 驍騎 營 軍士 去 啦 。
係 ，皇上 放心 啦 。
最好呢 ，奴 才能夠 將 老舉乸 同 矮冬瓜 都 捉翻嚟 ，千刀萬剮 ，同 太后 出翻 呢啖氣 。
康熙 拍下 韋小寶 個 膊頭 ，微微 笑話 ：
你 如果 能夠 再 立 呢個 大功 ，同 太后 出 咗 呢啖 氣 ，嘿嘿 ，你 年紀 太 細 ，官 又 太 大 嘞 ，我 真係 有 啲 為難 啊 。
不過 我哋 小皇帝 、小大臣 ，一齊 做 啲 大事 出嚟 ，等 嗰批 年老 嘅 官 嚇到 口瞪目呆 ，都 幾 有趣 㗎 。
皇上 年紀 雖然 係 細唧 ，不過 英明 遠見 ，早就 使 嗰批 老嘢 啊 唔知 幾 佩服 啊 。
等你 再 搞掂埋 吳三桂 ，真係 前無來者 後無古人 喇 。
康熙 哈哈 大笑話 ：哈哈哈哈哈 你 嘅 死人頭 吖 ，前 無 古人 後 無 來者 。
唉 你 呢個 嘢 呢 聰明伶俐 ，就係 不學無術 唔肯 讀書 。
係啊係啊 ，奴才 幾時 得閒 呢 ，要 好好地 讀翻 幾日 書 至 得 。
其實 好似 韋小寶 噉 嘅 人 ，康熙 反而 歡喜 啊 。
佢 身邊 文學 侍從 嘅 大臣 要 幾多 有 幾多 ，日日 就 詩 雲 子曰 噉 聽得 多 嘞 ，同 韋小寶 講 啲 市井 俗語 ，反而 覺得 暢快 啊 。
韋小寶 叩頭 辭別 咗 康熙 ，啱啱 行 出 書房 ，有 一 名 侍衞 迎 上嚟 請 咗 個 安 ，低聲 話 ：
韋副 總管 ， 康親王 想見 你 ， 唔 知韋 副 總管 得 唔 得閒 呢 ？
韋小寶 問 ：王爺 喺 邊處 啊 ？
王爺 喺 侍衞房 等候 回音 啊 。
佢 親自 嚟咗 咩 ？
係 ，佢 話 想 請 韋副總管 去 飲酒 睇戲 ，就係 擔心 皇上 有 緊要 大事 派 韋副總管 去 辦 ，你 老人家 分唔到 身 唧 。
豈有此理吖 ，我 係 咩 老人家 喎 。
去到侍衞房 ，只見 康親王 揸住 盅茶 ，坐喺度 傻咗噉 ，皺起眉頭 ，表情 憂慮 。
佢 一見 韋小寶 入嚟 ，連忙 放低 盅茶 ，行上去 拖住 佢 隻手 話 ：兄弟 ，好耐 冇見 喇 ，想死 我 啊 。
韋小寶 明知 佢 係 為咗 失咗 經書 嘅 事 有求於己 ，但係 見 佢 咁 親熱 ，亦都 好 歡喜 ，佢 話 ：
王爺 有事 ，派 人 吩咐 一 聲 就 得 啦 ，賞酒 賞飯 ，卑職 仲 唔 擒擒青 趕住 嚟 咩 ？
你 咁 畀面 ，親自 嚟 搵 我 添 。
我 屋企 已經 準備咗 戲班 㗎喇 ，就係 怕 兄弟 唔得閒 ，而家 能夠 過去 坐下 嘛 ？
得 ，王爺 賞 飯 ，只要 唔係 皇上 吩咐 我 去 辦 咩 嘢 急事 ，就係 我 親生 老豆 死咗 啊 ，卑職 都 要 滾攪 咗 王爺 呢 餐 飯 先至 講 啊 。
於是 兩人 攜手 出 宮 ，騎馬 嚟到 王府 。
康親王 啊 隆重 款待 非常 恭敬 。
呢 一次 呢 ，就 冇 到 外客 喇 。
食完飯 ，康親王 請 佢 去 書房 ，傾 啲 閒偈 。
讚佢 代 皇上 喺 少林寺 出家 ，積落 無數 功德 善果 。
又讚佢 年紀 輕輕 ，竟然 做到 御前侍衞 副總管 、驍騎營 都統 ，前程 實在 不可限量 等等 。
韋小寶 謙遜 一番 ，話 以後 全靠 王爺 提攜 栽培 噉 。
康親王 歎咗 口氣 ，佢 話 ：
唉 ，兄弟 ，你我 係 自己人 ，乜嘢 都 唔使 瞞 你 。
阿哥 眼前 大禍 臨頭 啊 ，怕 身家 性命 都 難保 咯 。
韋小寶 詐 假意 好 驚奇 噉樣 話 ：
王爺 係 代善 大貝勒 嘅 嫡派 子孫 ，鐵打 嘅 王位 ，皇上 正在 信任 重用 ，有 咩 大禍 臨頭 啊 ？
兄弟 ，你 有所不知 喇 。
當年 我哋 大軍 進關 之後 ，每一 旗 旗主 ，先帝 都 賜咗 一部 佛經 。
我係 正紅旗 旗主 吖 ，亦 蒙恩賜 一部 。
今日 皇上 召見 我 ，要 我 將 先帝 賜經 呈繳 上去 。
不過 ， 不過 我 呢 部 經書 ， 都 唔 知 點解 嘅 ， 竟然 ， 竟然 畀 人 偷 咗 去 啊 。
真係 古怪 喇 ，金 啊 銀 啊 都 話 唔 怕 偷 吖 ，書 有 咩 好 偷 啊 ？
吖 ， 呢 部書 係 金 打 㗎 ？ 抑或 係 鑲滿 咗 翡翠 珠寶 ， 好 值錢 㗎 ？
噉就唔係 ，不過 係 平常 嘅 經書 唧 。
不過 我 冇 好好噉 保管 先帝 嘅 賜物 ，認真 係 不敬 啊 。
皇上 忽然間 要 我 呈繳 上去 ，恐怕 係 ，恐怕 已經 知道 我 失咗 賜經 ，要 追究 呢件事 嘞 。
兄弟 ，你 要 救 一救 我 至得 。
講完 ，企起身 同 韋小寶 請咗 個 安 。
韋小寶 連忙 還禮 佢 話 ：哎呀 ，王爺 咁 客氣 ，小人 點 敢 當 啊 ？
康親王 愁眉苦面 噉 話 ：兄弟 ，你 如果 唔同 我 想法子 我 ，唉 ，我 唯有 自盡 嘞 。
王爺 亦 未免 將 事情 睇得 太重 喇 。
好啦 ，我 聽日 將 呢件事情 奏畀 皇上 知 。
最多 亦 不過 罰 王爺 幾個月 俸銀 ，或者 係 交畀 宗人府 申斥 一番 就 了嘞 ，邊度 會 性命 交關 咁 嚴重 吖 ？
只要 保得住 條命 ，真係 將 我 呢個 親王 個 王爵 革 咗 去 ，貶 做 庶人 ，我啊 已經 謝天謝地 心滿意足 咯 。
鑲藍旗旗主 ，鄂碩克哈 就因為 失咗 賜經 ，尋日 啊 ，打咗 入 天牢 ，聽講 受到 嚴刑拷打 。
皇上 派 人 審問 佢 ，嗰部 賜經 到底 搞 咗 去 邊處 啊 。
呢部 經書 真係 咁 緊要 㗎 ？
啊係喇 ，嗰日 抄 鰲拜 嘅 家 ，太后 命令 我 去 佢 屋企 搵 兩部 咩 三十二章經 、四十三章經 啊噉 。
王爺 唔見咗 嘅 ，就係 呢樣嘢 啊 ？
係 ， 係 四十二章 經 。
一抄 鰲拜 嘅 家 ，太后 乜嘢 都 唔 要 淨係 要 經書 ，可見 呢件 嘢 非同小可 啊 。
兄弟 搵 唔 搵到 啊 ？
搵就搵到嘞 ，鰲拜 嗰個 嘢 啊 將 經書 放 喺 佢 卧室 嘅 地洞 裏頭 ，搵到 我 啊 出咗 成身 大汗 。
呢部 經書 有 咩 咁 稀奇 唧 ？我 幫 你 去 和尚寺 ，攞 佢 十部 八部 返嚟 ，繳畀 皇上 就係 喇 。
先王 欽賜 嘅 經書 ，同 和尚 寺 裏 便 嘅 平常 佛經 大 不 相同 ，唔能夠 冒充 㗎 。
噉啊 ，哼 ，噉真係 有啲 麻煩 喇 ，唔知 王爺 要 我 辦 咩 事 呢 ？
呢件事 ，我 實在 講唔出口 。
點 ，點能夠 要 兄弟 去 做 欺君 嘅 事 呢 ？
韋小寶 一拍 心口 佢 話 ：
王爺 即管 講 啦 ，你 當 韋小寶 係 朋友 ，我 為 你 送咗 呢條 命仔 ，亦係 一場 義氣 。
好 ， 你 奏 畀 皇上 知 ， 就 話 呢 部 經書 呢 ， 我 韋小寶 借 咗 去 睇 ， 唔 小心 失 咗 喇 。
皇上 呢 幾日 啊 ，好 歡喜 我 ，至多 唔係 打 我 幾十板 ，未必 會 斬 我 個 頭 嘅 。
康親王 話 ：多謝 兄弟 嘅 好意 ，但係 呢條路 恐怕 行唔通 啊 。
皇上 唔會 相信 兄弟 借 經書 去 睇 嘅 。
噉又係噃 ，我 雖然 做過 和尚 啫 ，但係 西瓜 咁 大 個 字 都 唔 識得 一擔 。
借經書 去 睇 ，皇上 恐怕 唔會 相信 嘞 。
我哋 要 另外 想法子 至 得 。
康親王 話 ： 我 係 想 請 兄弟 ， 想 請 兄弟 ， 想 請 兄弟 。
連講咗 三句 想 請 兄弟 ，不過 就 唔接落去 ，只係 望住 韋小寶 睇住 佢 嘅 表情 。
韋小寶 話 ：王爺 ，你 唔使 為難 嘅 ，做 兄弟 呢一 條 命仔 。
左手揸住 自己 條辮 ，右手 喺 自己 條頸 處 一斬 ，做 個 雙手 捧住 人頭 送上去 嘅 姿勢 。
佢 話 ：已經 交咗 畀 你 喇 ，只要 唔係 危害 皇上 嘅 事 ，咩 嘢 事 都 聽 你 吩咐 。
康親王 好 歡喜 啊 佢 話 ：兄弟 嘅 義氣 咁 深重 ，唉 ，做 阿哥 嘅 其他 説話 亦 唔 使 多 講 喇 。
我係 想 請 兄弟 去 太后 或者 皇上 身邊 ，偷 一部 經書 出嚟 。
我 已經 叫定咗 幾十名 高手匠人 喺 呢度 等住 ，我 就 漏夜 開工 ，仿造 一部 ，噉 就 渡過 呢個 難關 。
能唔能夠 做得 一模一樣 㗎 ？
得 ，一定能夠 做得 一模一樣 嘅 ，擔保 冇 破綻 。
做完 樣 之後 ，兄弟 就 將 原來 嘅 經書 還 翻 畀 你 ，一啲 都 唔會 損壞 嘅 。
其實 佢 明知 倉猝之間 仿造 一部 經書 ，要 做得 毫無 破綻 係 冇 可能 嘅 。
佢 係 想 狸貓 換 太子 ，將 假經書 畀 韋小寶 放翻 喺 原來 嘅 地方 ，真嘅 經書 呢 呈 繳 畀 皇帝 。
估計 韋小寶 字 都 唔識 多個 ，難以 分辨 真假 ，噉 將來 能夠 唔發覺 咯 ，噉啊 上上 大吉 啦 ，就算 係 發覺咗 ，亦 連累 唔到 自己 頭上 。
不過 呢番 用意 呢 ，而家 當然 唔能夠 講明 嘞 。
韋小寶 話 ：好 ，事 不宜 遲 ，我 而家 就 想法子 去 偷 。
王爺 你 喺 府上 靜候 佳音 啦 。
康親王 千恩萬謝 親自 送佢 去 門口 ，又 猛咁 叮囑 佢 務必要 小心 。
韋小寶 返到去 住地 ，將 幾十片 羊皮 碎片 喺 燈 下 嚟到 拼 。
佢 諗 ：八部 已經 得 其 七 嘞 ，就算 缺 咗 一啲 ，都 可以 拼 個 大概 啩 噉 。
點知 足足 用咗 大半個 時辰 ，連 地圖 嘅 一隻 角 亦 拼唔出嚟 。
佢 本來 就 冇 耐性 嘞 ，厭煩 起嚟 就 唔 再 拼 。
將 千百片 碎片 ，用 油紙 包好 ，外便 啊 再 包咗 層 油布 ，貼身 收好 佢 。
佢 諗 ：老康 係 正 紅旗 旗主 ，佢 呢部 經書 梗係 紅 封面 嘅 。
好啦 ，聽日 我 另外 搦 一部 畀佢 啦 。
第日一早 ，將 鑲白旗 經書 嘅 羊皮 面聯 翻好 ，貼上 封面 ，噉啊 收喺 身邊 就 直去 康親王府 嘞 。
康親王 一聽 佢 嚟到 ，哎呀 好似 滾水 淥 腳 噉 出嚟 迎接 ，握住 佢 雙手 一味 問 ：點啊 ？點啊 ？
韋小寶 愁眉苦臉 ，擰一擰頭 。
康親王 個 心 啊 當堂 跌咗 落去 腳板底 ，佢 話 ：
唉 呢件事 本來 係 好難 嘅 ，今日 唔能夠 成功 。
韋小寶 低聲 話 ：嘢 就 攞到 喇 ，就係 怕 你 十日八日 之內 假冒 唔到 啫 。
嘩康 親王 歡喜 到 ，將 佢 一手 抱起嚟 ，抱咗 入 書房 。
班親隨 、侍衞 見到 王爺 歡喜 成噉樣 ，忍唔住 都 偷笑 嘞 。
入到 書房 ，韋小寶 將 經書 攞出嚟 ，雙手 送過去 ，佢 問 ：
係咪 呢樣嘢 啊 ？
康親王 出力 噉 揸住 全身 發抖 ，打開嚟 一睇 ，就 話 ：
冇 錯 ， 冇 錯 ， 啊 呢 部 係 鑲 白旗 嘅 賜 經 ， 所以 係 白 封皮 鑲 紅邊 嘅 。
我哋 立刻 開工 雕版 ，兄弟 ，你 要 再 教 我 一個 法子 ，點樣 推搪 得 幾日 至 得 。
誒 ，我 話 騎馬 跌咗 落嚟 ，跌到 頭破血流 ，昏迷不醒 ，等到 冒牌經書 做好喇 ，再 去 叩見 皇上 你 話 噉 好唔好 啊 ？
韋小寶 擰頭 話 ：皇上 英明 到 極 ，你 話 跌 咗 落 馬 佢 個 心思 疑 嘞 。
噉 你 將 假貨 呈上去 ，皇上 仔細 一 睇 ，嗯 ，恐怕 即刻 就 會 穿煲 。
呢部書 同 你 失去 嗰部 ，除咗 封皮 顏色 之外 仲有 咩 唔同 吖 ？
淨係 封皮 顏色 唔同 唧 ，其他 都 係 一樣 嘅 。
噉就 容易 啦 ，你 將 呢部 書 換 個 封皮 ，今日 就 搦 去 呈畀 皇上 啦 。
康親王 又 驚 又 喜 ，佢 聲 都 震晒 話 ：
噉啊 ，噉 ，噉宮 裏 便 失咗 經書 ，追究 起嚟 ，恐怕 會 連累到 兄弟 噃 。
我 尋晚 靜雞雞 喺 上書房 偷出嚟 ，冇人 睇見 嘅 。
就算 有人 睇見 啊 ，哼哼 ，諒佢 都 唔敢 講 ，出咗 事 ，我 孭起 佢 。
康親王 好 感激 好 感激 啊 ， 不由得 雙眼 都 濕 咗 ， 握住 佢 雙手 ， 説 話 都 講 唔 出 嚟 。
話說 韋小寶 返到 皇宮 自己 嘅 住地 ，噉啊 另外 攞咗 兩部 經書 ，去 搵 肥頭陀 同 陸高軒 。
佢 諗 正 黃 旗 嘅 經書 上面 浸淰 咗 毒水 ，畀 桑結 喇嘛 搶 咗 去 嘞 。
鑲白旗嘅 ，就 畀咗 康親王 。
剩翻 呢 五部 之中 ，鑲黃 、正白 兩部 ，喺 鰲拜 屋企 抄翻嚟 嘅 。
鑲藍嘅 ，喺 老舉乸 嘅 櫃 裏 便 得 翻嚟 嘅 ，噉 呢 三部 書 呢 ，老舉乸 都 見過 㗎 。
呢陣時 老舉乸 如果 係 喺 洪教主 身邊 ，呈上去 就 唔係 幾 妥 。
正紅旗 嘅 喺 康親王府 順手 攞翻嚟 嘅 。
鑲紅旗嘅呢 ，喺 瑞棟 身邊 攞到 嘅 ，老舉乸 雖然 知道 來歷 ，不過 亦 唔緊要嘅 。
於是 交畀 肥頭陀 、陸高軒 兩個人 嘅 ，係 一部 正紅 ，一部 鑲紅 。
肥陸 兩個 人 早就 等到 望眼欲穿 喇 ， 見到 佢 突然 嚟 到 ， 又 得到 教主 所 要 嘅 兩部 經書 ， 真 係 喜從天降 啊 。
嗱 各位 ，欲知 後事 如何 ，且 聽 下回 分解 。
