前 文 再續 啊 書 接上 一回 啊 。
話説 馮錫范 挨住 埲墻 移動 ，諗住 噉 就 一定 搵到 門口 嘞 ，一出 門外 地勢 空曠 ，就 易於 脱險 啦 。
韋小寶 企 喺 門口 ， 見 佢 喺 度 移動 ， 已經 估到 佢 嘅 心思 喇 ， 就 等 佢 摸 到 門口 個 時候 再 刺 佢 一劍 。
但 係 諗 住 呢 個人 武功 太高 ， 就算 刺中 佢 ， 佢 臨死 嘅 時候 回首 一劍 ， 自己 條命 仔 啊 不免 危險 啊 。
於是 將 匕首 輕輕 插入 門框 大概 兩寸 咁上下 ，見到 馮錫范 離開 門口 唔夠 兩尺 喇 ，突然間 尖聲 叫話 ：我 喺 呢 。
度字 仲 未曾 講 出口 ，馮錫范 出招 快 到 極 啊 ，一劍 斬 落嚟 。
噹一聲 ，長劍 碰到 匕首 ，斷為 兩橛 ，半橛 斷劍 啊 跳起 上嚟 ，喺 佢 額頭 上面 一斬 ，噉 先 跌落地 。
韋小寶 早就 匿埋 喺 泥屋 旁邊 嘞 ，個 心 啊 嘭嘭 猛 咁 跳 。
只聽見 馮錫范 大聲 哮叫 飛快 噉 走咗 。
韋小寶 行 翻嚟 門口 ，只見 陳近南 、鄭克塽 仍然 喺度 揮舞 刀劍 。
強敵 既然 逃走咗 嘞 ，佢 對 呢個 鄭家 二公子 呢 就 一啲 都 唔 放在心上 。
佢 話 ：師父 啊 ，嗰個 一劍 無血 已經 畀 我 斬到 全身 係 血 ，逃之夭夭 喇 ，你 請 出嚟 啦 。
陳近南 打個 特 ：邊個 啊 ？
係 弟子 小寶 啊 。
陳近南 好 歡喜 ，橫劍 當 胸 ，唔 再 揮舞 嘞 。
韋小寶 話 ：張大哥 、李二哥 、王三哥 ，你哋 都 嚟喇 ，好啊好啊 。
呢個 姓 鄭 嘅 衰仔 仲 唔 放低 兵器 投降 ，你哋 一齊 上 ，將 佢 亂刀 分屍 啦 。
鄭克塽 大吃一驚 嘞 ，唔知道 佢 係 虛張聲勢 就 叫 ：師父 ，師父 ！
冇聽見 馮錫范 回答 ，稍為 遲疑咗 一下 ，就 立即 拋咗 手上 嘅 單刀 喺 地 。
韋小寶 喝 佢 話 ：跪低 ！
鄭克塽 雙腳 一攣 ，跪咗 喺 地 。
韋小寶 哈哈大笑 ， 執起 單刀 ， 將 刀尖 輕輕 頂住 鄭克 塽 咽喉 ， 喝 佢 話 ：
企起身 ，向右轉 ，上前三步 ，躝上去囉 ，蜎入去 ！
韋小寶 叫 一句 ，鄭克塽 就 戰戰兢兢 噉 遵命 做 ，噉 躝咗 入 棺材 。
韋小寶 哈哈大笑啊 ，衝上前 ，推翻 埋 棺材蓋 ，攞起 嗰包 經書 啊 孭 喺 背脊 佢 話 ：師父 ，快啲 去 洗眼 啦 。
噉啊拖住陳近南隻手 ，行出間泥屋 。
行咗 七八步 ，只見 高彥超 啊𢴈咗 喺 花壇 旁邊 。
韋小寶 吃咗 一驚 喇 上前 扶起 佢 。
高彥超話 ：快啲 救 總舵主 啦 ，屬下 只係 畀 人 封咗 穴道 唧 唔緊要 嘅 。
陳近南 護 低身 ，喺 佢 背心 同埋 條 腰 處 推拿 咗 幾 下 ，穴道 當堂 解翻 嘞 。
高彥超 話 ：總舵主 雙眼 做咩嘢 啊 ？
陳近南話 ：石灰 啊 。
高彥超 話 ：噉就 要 用 菜油 嚟 洗 ，唔能夠 用 水 啊 。
挽住 佢 手臂 快步 噉 行 。
韋小寶 話 ：我 馬上 就 嚟 喇 。
佢 行翻入嚟 屋 ，攞起 斧頭 ，將 七八口 棺材 釘 都 釘入 棺材蓋 ，佢 話 ：
鄭公子 ，你 瞓 喺度 休息 幾日 ，吓 。
算 你好運 喇 ，欠 我 嗰 一萬 銀 呢 ，一筆 勾銷 ，唔使 你 還 喇 ，哈哈哈哈哈哈哈 。
大笑 一陣 就 行 出去 大廳 。
返到去 ，只見 高彥超 已經 用 菜油 幫 陳近南 洗咗 眼裏頭 嘅 石灰 ，又 綁好咗 佢 身上 嘅 傷口 。
喺 大廳 上 ，風際中 、錢老本 、玄貞道人 等等 瞓 到 成地 都 係 ，陳近南 正在 同 各人 解穴 。
原來 馮錫范 突然間 嚟 襲擊 ，佢 武功 又 高 嘞噃 ，又 打 眾人 一個 措手不及 。
風際中 佢哋 又 唔係 喺 一齊 嘅 ，聽見 聲 先至 出嚟 應戰 ，吖 畀 佢 逐個 點 倒 。
高彥超 講咗 韋小寶 用 詭計 打到 馮錫范 重傷 嘅 情形 ，眾人 當堂 興高采烈 ，都 話 嗰個 嘢 啊 ，又 奸 又 惡 ，望 啲 石灰 整盲 佢 雙眼 就 好喇 。
陳近南 兩隻眼 又 紅 又 腫 ，仲 係 不停 咁 流眼淚 。
佢 好 嚴肅噉 話 ：錢兄弟 、高兄弟 ，你哋 去 幫 鄭 二公子 洗 咗 眼 裏頭 嘅 石灰 ，然後 請 佢 嚟 呢度 啦 。
錢 高 兩個人 應咗 。
韋小寶啊 突然間 吖 一聲 ，詐 假意 暈倒 噃 ，眯埋 雙眼 。
陳近南 左手 一伸 拉住 佢 手臂 問 佢 ：點啊 ？
韋小寶 話 ： 我 ， 我 先頭 ， 誒 ， 嚇得 好 厲害 啊 ， 怕 佢 哋 害死 咗 師父 ， 而家 ， 而家 手腳 都 冇 咗 力 。
陳近南 抱起 佢 ，將 佢 放 喺 椅 上 佢 話 ：你 休息 一陣 啦 。
原來 韋小寶 自己 知道 用 石灰 糝 人 雙眼 呢 ，係 啲 下三濫 嘅 行為 。
當年 ，茅十八 就 因此 打咗 佢 一餐 。
雖然 ，群雄 大讚 佢 機智 啊 ，不過 諗住 佢哋 係 我 屬下 ，噉 梗係 要 托 我 大腳 啦 。
師父 係 大英雄 、大豪傑 ，比起 茅十八 呢 又 要 高過 十倍 ，一定 會 重重 責罰 嘞 ，佢 就 索性 暈低 先 ，等 佢 落唔到手 ，就算 真係 要 打咯 ，落手 亦 會 輕啲 吖 。
錢 高 兩個人 急急腳 返嚟 話 ：總舵主 ，唔見 鄭 二公子 噃 ，怕 佢 已經 走咗 喇 。
陳近南話 ：走咗 ？唔 喺 棺材 裏 便 咩 ？
錢 高 兩個人 互相 望下 ，泥屋 裏 便 係 有 一副 棺材 啊 ，但係 鄭 二公子 啊 點 會 喺 裏 便 呢 ？
陳近南話 ：我哋 去 睇下 啦 。噉 啊 帶埋 大家 行 去 泥屋 。
韋小寶 好 慌 啊 ，只有 跟埋 喺 後 便 啦 。
佢 用 隻 手 捽 下 𦣇柚 個 心話 ：𦣇柚啊𦣇柚 ，师父 聽見 我 將 嗰個 衰仔 趕咗 入 棺材 ，你 老兄 啊 難免 捱 多 幾 板 喇 真係 對 你 唔住 咯 。
入到 泥屋 裏 便 ，只見 滿地 都係 石灰 同 鮮血 ，果然 唔見 鄭克塽 。
陳近南 啊 明明 聽見 韋小寶 ，逼住 鄭克塽 躝 入 棺材 㗎 ，而家 棺材蓋 又 釘咗 釘 ，佢 好 思疑 啊 佢 問 ：
小寶 ，你 將 二公子 釘入 棺材 裏 便 啊 ？
韋小寶 見到 师父 面色 唔妥 就 話 ：我 冇 啊 ，噉 講 唔定 佢 怕 师父 殺 佢 ，自己 釘住 啦 。
陳近南 喝 佢 話 ：亂講 ！快啲 打開 ，聽下 焗死咗 佢 啊 ，快啲 ，快啲 。
錢老本 同 高彥超 攞 起 斧頭 啊 鑿 啊 噉 ，連忙 起翻 啲 棺材釘 ，掀開 咗 棺材蓋 ，裏面 ，果然 有 個人 喺度 。
陳近南話 ：二公子 。噉啊 將 嗰個 人 扶住 坐起身 。
眾人 一見 ，都 係 吓噉 大叫 一聲 。
陳近南 雙手 一鬆 ，退咗 兩步 ，嗰個人 又 試 跌翻 入 棺材 嘞 。
眾人 齊聲 噉 叫 ： 係 關夫子 啊 ！
陳近南 衝上去 再 扶起 佢 ，只見 關安基 雙目 圓睜 ，已經 死咗 咯 ，但係 個身 呢 ，仲係 温暖 嘅 ，係 死咗 冇 幾 耐 。
風際中 、玄貞 道人 等 啊 跳出 墻外 便 睇下 ，但係 已經 搵唔到 敵人 嘅 蹤跡 。
陳近南 解開 關安基 衣服 ，只見 佢 心口 上面 印住 一個 血紅 嘅 手印 ，佢 話 ：馮錫范 ！
玄貞道人話 ：確係 馮錫范 啊 ，紅砂掌 係 佢 崑崙派 嘅 獨門 武功 。
呢個 惡賊 受咗 重傷 ，一陣間 就 去而復返 ，真係 ，嘿 ！
佢 要 救 鄭 二公子 噉 就算啦 ，點解 要 害死 關 二哥 吖 ？
眾人 七嘴八舌 噉 鬧 。
關安基 嘅 舅仔 賈老六 更加 係 呼天搶地 噉 放聲 大哭 。
陳近南 冇 出聲 ，好 悲慘 啊 。
眾人 返到去 大廳 ，錢老本 話 ：
總舵主 ， 二 公子 同 大 公子 爭 王位 ， 係 眾所 周知 嘅 。
我哋 天地會 向來 秉公行事 ，大公子 居 長 ，當然 係 擁護 大公子 嘞 。
二公子 啊 早就 將 你 當成 眼中釘 喇 ，呢次 受 咗 馮錫范 嘅 挑撥 ，想 乘機 剷除 咗 你 。
今日 大家 更 得罪 咗 二公子 ，噉噉樣 一嚟 ，怕 王爺 亦 會 信 佢哋 嘅 讒言 喇 。
總舵主 以後 唔能夠 再 返去 台灣 嘞 。
陳近南 歎咗 口氣 ，佢 話 ：
唉 ，國姓爺 待 我 恩義 深重 ，我 就算 粉身碎骨 難以 報答 。
王爺 向來 英明 ， 又 對 我 禮敬 有加 ， 王爺 決 唔 係 戕害 忠良 嘅 人 嘅 。
玄貞 道人 話 ：常言 話 ，疏 不 間 親 。
二公子 咬實 我哋 天地會 唔服 台灣 號令 ，喺 中原 已經 係 噉 嘞 ，到 咗 台灣 ，更加 冇 分辯 嘅 餘地 啦 。
佢 鄭家 總共 有 八位 公子 ， 大家 爭權 奪位 ， 我 哋 天地會 無謂 牽連 落去 嘞 。
總舵主 ，我哋 秦檜 固然 唔做 啊 ，不過 亦 唔做 岳飛 。
錢老本話 ：總舵主 忠心耿耿 ，一生 為 鄭家 效力 ，不過 爭啲 畀 二公子 害死 ，呢口氣 啊 ，無論如何 吞唔落 㗎喇 。
陳近南 又 歎咗 口氣 ，佢 話 ：
唉 ，大丈夫 做事 無愧於 天地 ，人哋 要 説 長論短 ，唔係 由得 佢 囉 。
只係 點 都 估唔到 竟然 會 有 噉 嘅 變故 。
先頭 如果 唔係 小寶 機智 ，大家 已經 死於 非命 嘞 ，唉 ，可惜 關二哥 。
韋小寶 聽見 师父 並唔 追究 佢 撒 石灰 、釘 棺材 嘅 事 ，當堂 寬心 嘞 。
但係 又 怕 佢 只係 一時 想唔起 ，咪嘞 ，佢 立即 岔開 話頭 話 ：
師父 啊 ， 我 哋 噉 樣 一 嘈 ， 怕 左鄰右舍 都 知道 喇 ， 如果 報告 官府 ， 只怕 ， 只怕 ， 誒 要 快 啲 搬家 。
陳近南 話 ： 冇 錯 ， 我 心神不定 ， 竟然 冇 想到 呢 點添 。
於是 眾人 嗱嗱聲 喺 花園 裏 便 ，掘地 埋葬 咗 關安基 嘅 屍體 ，大家 跪拜 完 喇 ，就 帶埋 隨身物件 分批 離開 。
韋小寶 啊 怕 师父 考問 武功 ，乘機 辭別 就 返去 皇宮 嘞 。
話說 韋小寶 返到 自己 嘅 住地 ，戌埋 房門 ，將 六部 經書 啊 逐部 拆開 。
果然 每部 經書 嘅 封皮 夾縫 裏 便 ，都有 好多 羊皮 碎片 。
佢 將 啲 碎片 攞出嚟 ，然後 將 封皮 聯 翻好 佢 。
但係 聯唔到 半部 就 覺得 厭煩 喇 ，佢 諗 ：
雙兒 如果 喺 呢度 就 好喇 ，佢 而家 多數 仲 喺 少林寺 外 便 等 我 。
我 畀 九難 师父 捉咗 去 ，呢個 好 丫鬟 ，一定 擔心 到 佢 死 咯 ，要 派 人 去 叫 佢 返嚟 至 得 。
噉 一便 諗 一便 聯 ，聯咗 幾 針 ，雙眼 已經 唔係 點 擘得開 喇 ，就 收埋 好 經書 瞓覺 。
第日 一早 ，就 去 上書房 侍候 聽旨 。
康熙話 ：聽日 就 有 朝旨 ，派 你 送 建寧公主 去 雲南 ，賜婚 畀 嗰個 姓 吳 嘅 龜蛋 。
韋小寶話 ：係 ，可惜 服侍 皇上 冇幾日 ，又 要 遠離 皇上 嘞 。
康熙 低聲 話 ：太后 同 我 講咗 一件 大事 ，呢次 你 去 雲南 ，就 可以 乘機 辦 一辦 。
韋小寶 應咗 。
康熙話 ：太后話 ，嗰個 惡婆 假冒 太后 ，原來 有 個 重大 陰謀 。
佢 想 查清楚 我哋 滿洲 龍脈 喺 邊處 ，要 設法子 破咗 佢 啊 。
韋小寶 衝口而出 話 ：呢個 老舉乸 罪大惡極 啊 ！
一 講完 ，連忙 用 手 揞住 個 嘴 。
佢 知道 喺 皇帝 面前 講 呢啲 粗話 未免 太過 不敬 。
點知 康熙 一啲 都 不 以為意 ，跟住 話 ：
冇錯 ，呢個 老舉乸 真係 衰 㗎 嘞 。
太后 受 咗 咁多 鹹苦 ，寧死 都 唔 講 ，先至 令到 老舉 乸 奸計 不能 得逞 。
上天 保佑 ，太后 所以 能夠 保住 平安 到 今日 ，亦 全 靠 唔肯 吐露 呢個 大 秘密 咋 。
呢個 秘密 ，韋小寶 早就 知道 㗎嘞 ，但係 佢 話 ：
皇上啊 ，呢個 大秘密 ，你 最好 就 咪 同我 講嘞 。
多 一個 人 知道 ，就 多 一分 洩漏 嘅 危險 吖 嘛 。
康熙 讚佢話 ：你 越嚟越 進步 ，識得 凡事 都 要 謹慎 。
不過 你 同 我 辦事 以嚟 ，從來 冇 洩漏過 咩嘢 吖 。
如果 連 你 都 信唔過 啊 ，我 係 冇人 可以 信得過 㗎喇 。
嘩 ，韋小寶 周身 幾百 條 骨頭 ，都 好似 條條 都 輕咗 幾 兩 幾錢 噉 啊 ，佢 跪低 叩頭 話 ：
皇上 咁 信得過 ， 奴才 就算 將 自己 條 脷 割 咗 ， 亦 唔 敢 洩漏 半句 皇上 交代 嘅 説 話 啊 。
康熙 岌一岌 頭 佢 話 ：我 大清 龍脈 嘅 秘密 ，原來 藏 喺 八部 四十二 章 經 裏 便 嘅 。
韋小寶 詐 假意 好 驚奇 噉 佢 話 ：
咦 ？ 乜 奇怪 喇 ， 有 噉 嘅 事 啊 ？ 哈真 係 點都 想 唔 到 啊 。
康熙 繼續 話 ：當年 攝政王 進關 之後 ，將 八部經書 啊 分別 賜畀 八旗 旗主 。
八旗 之中 ，正黃 、正白 、鑲黃 上 三 旗 嘅 兵馬 呢 係 天子 自己 率領 嘅 。
但係 田地 啊 財物 啊 噉 ，仍然 係 分屬 三 旗 旗主 嚟 管 。
正黃旗嘅經書 ，父皇 一直 都 放喺 身邊 ，帶咗 去 五台山 啦 ，咪 收尾 叫 你 攞翻嚟 賜畀 我 。
鑲白旗 旗主 啊 犯咗 罪 ，鑲白旗嘅 經書 ，就 沒收咗 ，父皇 啊 賜咗 畀 端敬皇后 嘞 。
韋小寶 個 心 諗 ：老皇爺 最 寵愛 端敬皇后 㗎 嘞 ，最好 個 嘢 梗係 要 賜畀 佢 啦 。
如果 係 換咗 我 啊 ，嘿 ，八部 經書 冚𠾴 唥 沒收 晒 ，全部 賜咗 畀 佢 啊 。
康熙 又 話 ：老舉乸 害死 咗 端敬皇后 ，自不然 就 佔咗 佢 嘅 經書 嘞 。
鰲拜 係 鑲 黃 旗 旗主 。
嗰日 派 你 去 抄 鰲拜 嘅 家 ，老舉乸 要 你 搵 兩部 經書 ，一部 就係 鑲 黃 旗 嘅 ，另外 一部 ，係 正 白 旗 嘅 。
韋小寶 話 ：係 。
吖 早知 老舉乸 壞得 咁 交關 ，奴才 就 回稟 老舉乸 話 搵唔到 ，將 經書 啊 ，靜靜 獻畀 皇上 。
嗰陣時 ，我哋 又 唔 知道 老舉乸 係 假太后 ，又 唔 知道 四十二章經 ，有 咁 重大 嘅 關係 。
你 如果 噉 樣 搞法 啊 ， 我非 ， 非 打 你 屁股 不可 。
係 ，係 。
韋小寶 個 心話 ：淨係 打 屁股 就算 喇 ？噉 你 就 慳翻 啦 。
韋小寶 問 ：噉 另外 嗰部 正白旗 嘅 ，唔知 鰲拜 喺 邊處 得翻嚟 嘅 呢 ？
康熙話 ：佢 害死 咗 正白旗 旗主 蘇克薩哈 ，將 家產 財物 ，連 經書 一齊 佔咗去 。
哼 ， 呢 個 逆賊 ， 死有餘辜 啊 。
係啊 ，噉樣 一嚟 ，老舉乸 就 有 三部 經書 喺 手嘞噃 ？
點止 三部 啊 ？
佢 又 派 御 前 侍 衞 副 總管 瑞棟 ， 去 同 鑲 紅旗 旗主 和察博 為 難 。
當時 我 就 唔知 點解 吖 ，和察博 呢個 傢伙 一向 同 鰲拜 勾結 嘅 我 亦 唔 理 佢 。
而家 想 翻 轉頭 ， 梗 係 去 攞 賜 畀 佢 個 經書 啦 。
瑞棟 就 莫名其妙 失咗 蹤 ，哼 ，實係 畀 老舉乸 殺咗 滅口 嘞 。
係 ，皇上 料事 如神 啊 。
如果 我 估 嘅 冇 錯 。
決 唔 會 錯 嘅 ， 決 唔 會 錯 嘅 。
老舉乸 已經 有 四部 經書 喺 手 嘞 。
不過 有 一件事 好奇怪 ，父皇 賜畀 我 嗰部 正黃旗 經書 ，我 一直 放 喺 上書房 張 枱 處 嘅 ，忽然間 唔見 咗 。
你 諗下 ，有 邊個 咁 大膽 ，竟然 敢 嚟 上書房 偷 嘢 呢 ？
能夠 出入 上書房 ，又 膽敢 擅自 嚟攞 書 嘅 ，只有 ，只有 。
建寧 公主 。
韋小寶 唔敢 接口 嘞 ，佢 諗 ：呢次 你 真係 料事如神 嘞 。
康熙話 ：老舉 乸 派 個 女 嚟 偷 我 呢部 經書 ，噉 佢 手上 就 有 五部 咯噃 。
我哋 快啲 去 慈寧宮 搜查 啦 。
老舉乸打大赤肋 ，逃跑出去 ，佢乜嘢都冇帶走㗎 。
佢 個 心 啊 砰砰 咁 跳 啊 ， 佢 諗 ：
而家 皇上 如果 去 我 間 屋 處 一 查 ，小桂子 就算 有 一百 個 人頭 ，都 唔 得 掂 啊 。
康熙 擰擰頭 話 ：我 早就 仔細 噉 搜查過 喇 ，咩嘢 都 查唔到 。
只查 到 一套 僧袍 ， 哈 ， 老舉 乸 嗰 個 相好 ， 原來 係 個 和尚 喎 ， 哈哈哈 哈哈哈 。
韋小寶 跟住 放聲 大笑 ，笑得 兩聲 唧 覺得 極之 冇禮 ，連忙 忍住 笑 。
康熙 仍然 放聲 大笑 佢 話 ：
哈哈哈哈 ，不過 嗰個 矮冬瓜 抱住 老舉乸 逃走 個 時候 ，我 見到 佢 留咗 一頭 長頭髮 ，噉啊 奇怪 噃 。
多數 佢 亦 係 假扮 宮女 ，啲 頭髮 係 假 嘅 。
呢個 傢伙 又 矮 又 肥 ，老 舉 乸 勾 咩 佬 唔 好 吖 ，偏偏 要 勾 噉 樣 嘅 矮冬瓜 。
韋小寶 話 ： 呢 個 矮冬瓜 武功 好 高 啊 。
樣子 英俊 嘅 ，未必 有 本事 偷入嚟 皇宮 㗎 。
上次 嗰個 假 宮女 ，亦都 好 醜 㗎 嘛 。
哈哈哈 ，噉 亦 講得啱 。
誒 ，另外 嗰 三部 經書 呢 ，分別 喺 正紅旗 、正藍旗 、鑲藍旗 三個 旗主 手上 。
正紅旗 嘅 旗主 現時 係 康親王 ，我 啊 已經 叫 佢 將 經書 獻上嚟 喇 。
韋小寶 諗 ：康親王 嗰部 經書 ，嗰晚 已經 畀 人 偷 咗 去 嘞 ，而家 喺 我 手上 。
康親王 佢 邊度 獻得出 啦 ？嘿 ，呢一下 ，老康 就 弊弊 冇 咁 弊 嘞 。
康熙 又 話 ：正藍旗 旗主 富 登 年紀 仲 係 輕 ，我 先頭 問過 佢 。
佢 話 上一任 嘅 旗主 嘉坤 喺 攻打 雲南 嘅 時候 陣亡 ，一切 後事 都 係 吳三桂 料理 㗎 。
吳三桂 交畀佢 ，只係 一個 印 、幾面 軍旗 ，仲有 幾萬 兩 銀 ，此外 乜嘢 都 冇 喇噉 。
噉嗰部經書 ，實係 吳三桂 吞沒咗 喇 ？
係吖 ，因此 你 去到 吳三桂 府 裏 便 ，要 仔細 探聽 下 呢件事 ，想法子 將 經書 攞翻嚟 。
吳三桂 呢個 嘢 老奸巨猾 ，千祈 唔能夠 畀佢 知道 內情 啊 。
係 ，奴才 隨機應變 ，設法子 呃翻 呢部 經書 出嚟 。
康熙 皺起 眉頭 ，喺 書房 踱嚟踱去 佢 話 ：
鑲藍旗旗主 鄂碩克哈 係 個 大糊塗蟲 ，我 要 佢 呈繳 經書 ，佢 竟然 話 幾年前 就 唔見 咗 喇噉 。
我 派咗 侍衞 去 佢 屋企 搜查 ，連 影 都 冇 。
我 已經 將 佢 韞 喺 天牢 ，叫 人 拷問 佢 ，到底 係 真係 畀 人 偷 咗 去 呢 ，定係 佢 隱匿 唔肯 上繳 。
韋小寶 話 ：就怕 亦係 老舉乸 派 人 去 搞咗 翻嚟 噃 ，都 唔知 係 明搶 定係 暗偷 嘅 。
如果 亦 係 老舉 乸得 咗 去 ，噉 呢 六部 經書 又 去 咗 邊處 呢 ？
嗱 各位 ，欲知 後事 如何 ，且 聽 下回 分解 。
