前 文 再續 啊 書 接上 一回 啊 。
話 說 韋小寶 返到 去 住 地 ， 喺 懷 內 攞 部 書 出 嚟 一 睇 ， 果然 係 四十二章 經 ， 呢 部 係 藍綢 書面 鑲 咗 紅邊 嘅 。
佢 諗 ： 呢 本 係 鑲 藍 旗 嘅 經書 。
啊 ， 冇 錯 喇 。
陶 阿姨 話 佢 太師父 喺 鑲 藍旗旗 主 屋企 偷 經書 ， 經書 啊 冇 偷 到 ， 就 畀 神龍教 個 高手 打 到 重傷 而 死 。
噉 呢 部 經書 多數 就 畀 嗰 個 神龍教 高手 得 咗 去 啦 。
點解 事隔 咁 多年 ， 仍然 唔 將 經書 交 畀 洪 教主 呢 ？
吖 ， 點解 呢 ？
亦講 唔 定 當時 冇 得到 ， 最近 先 至 攞 到 㗎 啦 。
估計 其中 個 曲折 好多 ， 都 難以 推測 嘞 。
只 覺得 心口 仲 喺 度 痛 ， 而且 痛得 好 厲害 ， 佢 諗 ：
嗰 個 矮 肥 佬 肉 團 嘅 武功 真 係 使得 嘞 。
哎呀 ， 哎呀 ， 唔 通 佢 就 係 偷 到 呢 部 經書 嘅 神龍教 高手 ？
佢 入 嚟 皇宮 同老舉 乸 相會 ， 老舉 乸 待 佢 認真 好 噃， 將 真太后 搬 去 床 下 底 ， 將個 大櫃 讓出 嚟 畀 佢 瞓 。
我同 小 皇帝 啱 先 去 慈寧宮 ， 吖 ， 真 係 有 咁 啱 得 咁 巧 ， 啱 啱 啊 捉奸在床 。
哼 ， 呢 個 肉團 唔 好 嚟 報仇 ， 又 返 嚟 慈寧宮 攞 翻本 經書 至 好 。
於是 佢 講 畀 多隆 知 ， 話 得到 消息 ， 日內 可能 有 奸人 入宮 行刺 ， 要 佢 派 多 啲 侍 衞 ， 嚴密 保 衞 皇上 同 太后 。
佢 諗 ： 老舉 乸 如果 返去 神龍 島 ， 向洪 教主 稟報 噉 就 唔 係 點妙 喇 。
老子 先下手 為強 ， 將 經書 裏 便 嘅 地圖 攞 咗 出 嚟 ， 然後 將 一兩部 空 經書 啊 送 去 神龍 島 。
洪教 主要 我 再 搵 其餘 嘅 經書 ， 一定 要 畀 解藥 我 㗎 。
佢 喺 空 經書 裏 便 搵 唔 到 地圖 係 佢 嘅 事 咯 ， 唔 關 老子 嘅 事 ， 鬼 叫 佢 冇 福分 啊 。
橫 掂 佢 壽與天 齊 都 唔 使 咁 心急 嘅 ， 慢慢 搵 ， 搵 翻 十萬八千年 就 終歸 會 搵 到 㗎 啩？
哼哼 哼 ， 十萬八千年 ， 哈 ， 哈 ， 哈哈哈哈 哈哈哈 。
話 説 韋小寶 出 咗 皇宮 去 同 李力世 、 關安基 、 玄貞道人 、 錢老本 等 人 見面 ， 天地會 群雄 啊 非常 歡喜 喇 。
李力世 話 ： 屬下 啱 啱 得到 消息 ， 屬下 啱 啱 得到 消息 ， 總舵主 已經 到 咗 天津 ， 日內 就要 嚟 北京 嘞 。
韋香主 亦 啱 啱 返到 嚟 ， 真 係 好極 喇 。
韋小寶 話 ： 係 啊 ， 哎 真 係 好極 嘞 。
一 想到 再見 師父 ， 個心 啊 有 啲 不安 嘞 。
群雄 即刻 打酒 劏 雞 ， 為 佢 接風 。
傍晚 時分 ， 韋小寶 將 高彥超 拉 埋 一 便 佢 話 ：
高 大哥 ， 唔 該 你 同 我 搵 把 斧頭 ， 仲要 一個 鐵錘 、 一把 鑿 添 。
高彥超 應 咗 ， 就 攞 嚟 畀 佢 。
韋小寶 叫 佢 同埋 自己 去 花園 嗰 間 泥屋 處 ， 泥 屋裏 便 呢 有 副 棺材 嘅 。
去 到 喇 ， 韋小寶 話 ： 我要 打開 副 棺材 ， 擠 啲 嘢 入 去 啊 。
高彥超 話 ： 係 。
佢 覺得 好 奇怪 啊 ， 但 係 香主 唔 講 ， 亦 不便 問 咁 多 吖 。
韋小寶 話 ： 前 晚 黑 ， 呢 個 死 咗 嘅 朋友 托夢 畀 我 ， 話 要 呢 件 嘢 喎 噉 睇 在 朋友 一場 ， 唔 係 畀 佢 吖 ， 唔 畀 都 唔 得 㗎 。
高彥超 啊 更 奇怪 嘞 ， 只有 一味 話 係 啦 。
韋小寶 話 ： 你 同 我 守住 門口 ， 邊個 都 唔 准入 嚟 。
於是 推門 入去 ， 閂 翻 埋 道門 ， 上 咗 門戌 。
入到 去 ， 見 嗰 副 棺材 上面 有 好 厚 嘅 灰塵 ， 顯然 係 冇 人 逳 過 嘅 。
佢 用 鑿 、 斧頭 ， 撬開 棺材 釘 ， 推開 棺材 蓋 ， 噉 啊 攞 出 包住 五部 經書 嘅 油布 包 。
噉 啊 正話 要 上 翻 棺材 蓋 嘅 時候 ， 忽然 聽到 高彥超 喺 門外 大聲 喝 ： 咩 人 啊 ？
跟 住 有人 喝問 ： 陳近南 喺 邊 處 啊 ？
韋小寶 吃 咗 一驚 啊 ： 吖 邊個 問我 師父 呢 ？
聽 口音 ， 依稀 有 啲 熟悉 。
高彥超 話 ： 你 係 邊個 啊 ？
又 有 個人 話 ： 無論 佢 匿 埋 喺 邊度 ， 一樣 能夠 揪 佢 出 嚟 。
呢 個人 把 聲 啊 ， 韋小寶 入耳 就 知 喇 ， 係 鄭克 塽 。
佢 更加 驚奇 嘞 ： 點解 呢 個 衰仔 嚟 到 呢 處 呢 ？
跟 住 就 想起 先頭 講 嘢 嗰 個人 ， 係 一劍 無血 馮錫范 啊 。
只 聽見 噹 一聲 ， 兵器 相交 ， 跟 住 高彥超 嗯 噉 一聲 ， 噼啪 噉 𢴈 喺 地 嘞 。
韋小寶 更加 驚 喇 ， 都 嚟 唔 切想 咁 多 喇 一下 就 蜎 入 副 棺材 裏 便 。
只 聽見 鄭克 塽 話 ： 呢 個 叛賊 實 係 匿 埋 喺 裏 便 嘅 。
韋小寶 慌起 上 嚟 ， 托起 棺材 蓋 就 𢫏 翻住 。
啱 啱 𢫏 翻唧 ， 就 聽見 咔 啦 一聲 ， 泥屋 嘅 木門 已經 踢爛 嘞 。
鄭克 塽 同 馮錫范行 咗 入 嚟 。
韋小寶 喺 棺材 裏 便 望出去 ， 見到 一線 亮光 。
知道 喺 慌忙 之中 ， 棺材 蓋 未能 𢫏 實 ， 佢 暗暗 叫苦 喇 ：
弊喇弊 喇弊 喇 ， 佢 哋 要 搵 我 師父 ， 點知 搵 到 佢 嘅 徒弟 喇 。
忽然間 聽見 門外 有人 話 ： 公子 要 搵 我 啊 ， 唔 知有 咩 事 呢 ？
係 師父 陳近南 嘅 聲音 。
韋小寶 好 歡喜 啊 ： 師父 嚟 喇 。
突然 之間 ， 陳近南 吖 噉 一聲 大叫 ， 似乎 係 受 咗 傷 。
跟 住 噹噹 兩聲 ， 兵器 雙交 。
陳近南 話 ： 馮錫范 ， 你 暗算 我 ？ 做 咩 嘢 啊 ？
馮錫范 冷冰冰 噉 話 ： 我 奉命 嚟 捉拿 你 。
只 聽見 鄭克 塽 話 ： 陳永華 ， 你仲將 我 放在 眼 內 咩 ？
聽 啲 語氣 啊 好 嬲 啊 。
陳近南 話 ： 二 公子 點解 噉 講 啊 ？
屬下 前日 先至 知道 二 公子 駕臨 北京 ， 就 漏夜 由 天津 趕 嚟 。
誰知 二 公子 已經 到 咗 先 咯 。
屬下 未曾 迎接 ， 請 你 恕罪 。
韋小寶 聽 師父 講得 咁 恭謹 ， 個心 就 話 鬧 鄭克 塽 話 ： 狗屁 二 公子 吖 懶 咩 叻 啊 ？
又 聽見 鄭克 塽 話 ： 父王 叫 我 嚟 中原 公幹 ， 你 知道 㗎 啦 ？
陳近南 話 ： 係 。
你 既然 知道 嘞 ， 點解 唔 早 啲 嚟 保護 我 啊 ？
屬下 有 幾件 緊急 大事 要辦 ， 唔 能夠 分身 ， 請 二 公子 原諒 。
屬下 又 知道 馮大哥 跟 住 二 公子 ， 馮大哥 神功 無敵 ， 群小懾 伏 ， 一定 可以 保護 二 公子 平安 周全 嘅 。
哼 ， 點解 我 嚟 到 天地會 ， 你 手下 呢 啲 蝦兵蟹將 ， 狐群 狗 黨 ， 對 我 又 咁 無禮 呢 ？
可能 佢 哋 唔 識 二 公子 啦 。
喺 京師 嘅 地方 ， 我 哋 天地會 做 嘅 又 係 反叛 清廷 嘅 事 ， 大家 特別 小心謹慎 ， 有 失禮 嘅 地方 ， 屬下 深表歉意 。
韋小寶 越 聽 越 嬲 嘞 個 心 諗 ： 師父 對 呢 個 衰仔 使 乜 咁 客氣 唧 ！
鄭克 塽 話 ： 哦 ？ 你 啊 推 得 一乾二淨 啊 ， 噉 即 係 我 錯 咯 噃？
陳近南 話 ： 不敢 。
跟 住 聽到 掀 啲 紙 沙沙聲 。
鄭克 塽 話 ： 呢 張 係 父王 嘅 諭示 ， 你 讀 嚟 聽 下 吖 。
陳近南 話 ： 係 。
王爺 諭示 話 ， 大明 延平郡王 令 曰 ： 派 鄭克 塽 前 赴 中原 公幹 ， 凡是 利於 國家 者 ， 一切 便宜行事 。
鄭克 塽 話 ： 咩 嘢 叫做 便宜行事 啊 ？
韋小寶 個 心話 ： 便宜 就 係 唔 蝕 底 囉 ， 有 咩 咁 難解 嘅 啫 ？
即 係 話 ， 你老 豆 叫 你 有 便宜 就 攞， 唔 使 客氣 。
點知 陳近南 話 ： 王爺 吩咐 二 公子 ， 只要 係 有利於 國家 嘅 事 ， 可以 唔 使 回稟 王爺 ， 自己 決定 。
鄭克 塽 話 ： 噉 你 奉 唔 奉 父王 諭示 吖 ？
王爺 諭示 ， 屬下 自 當 遵從 。
好 ， 你將 自己 嘅 右手 斬 咗 佢 。
吓 ？ 點解 啊 ？
你 目無 主 上 ， 唔 敬重 我 就 係 唔 敬重 父王 。
我 睇 你 所 作 所 為 啊 ， 大有 不臣之心 啊 。
哼 ， 你 喺 中原 搏命 培植 自己 勢力 ， 擴充 天地會 ， 邊度 仲將 台灣 鄭家 放 喺 心上 啊 ？
你 想 自立 為 王 啫 嘛 係 唔 係 啊 ？
屬下 決無 此意 啊 。
哼 ， 決無 此意 ？
呢 次 河間 府 大會 ， 佢 哋 推舉 我 做 福建省 盟主 ， 你 知道 吖 嘛 ？
知道 。
呢 啲 係 普天下 英雄 敬重 王爺 忠心 為 國 嘅 意思 。
你 哋 天地會 又 得 咗 幾多 省 盟主 啊 ？ 吓 ？ 幾多 省 啊 ？
陳近南 默然 嘞 。
韋小寶 個心 諗 ： 佢 阿爺 吖 你 個 僆 仔大 發脾氣 ， 原來 係 呷 天地會 嘅 醋 。
嗯 我 老婆 嘅 姦夫 係 我 師父 嘅 上司 ， 本來 呢 件 事 係 好 麻煩 嘅 。
而 家 佢 哋 兩個 人 衝突 起 嚟 ， 噉 就 妙 到 極喇 。
不過 師父 中 咗 暗算 ， 身上 受 咗 傷 ， 千祈 咪 畀 佢 哋 害死 至 好 。
只 聽見 鄭克 塽 大聲 話 ： 你 哋 天地會 得 咗 三省 盟主 ， 我 就 只有 福建 一省 。
同 你 哋 天地會 相比 ， 我 鄭家 算 係 老幾 啊 ？
我 只不過 係 小小 福建省 嘅 盟主 ， 你 卻 係 鋤奸 盟 嘅 總 軍師 ， 你 噉 唔 係 躝 到 我頭 殼頂 嘞 咩 ？
你 心裏 便仲有 父王 冇 ？
陳近南 話 ： 二 公子明 鑒 ， 天地會 係 屬下 秉承 先 國姓爺 將令 創立 嘅 ， 宗旨 係 驅除 清廷 。
天地會 同 王爺 本來 係 一體 ， 不分彼此 。
天地會 嘅 一切 大事 ， 屬下 都 稟明 王爺 先至 做 嘅 。
你 天地會 只 係 知道 有 陳近南 ， 仲 邊度 知道 台灣 鄭家 㗎 ？
就算 天地會 真 係 成 咗 大事 ， 驅除 咗 韃子 ， 呢 個 天下 之主 亦 係 你 陳近南 ， 唔 係 我 哋 姓 鄭 嘅 。
二 公子 噉 講就 唔 啱 喇 。
驅除 清廷 之後 ， 我 哋 一齊 奉 大明 皇室 後裔 姓朱 嘅 為 主 。
你 就 講得 好聽 啊 。
而家 你 已經 唔 將姓 鄭 嘅 放在 眼 內 咯 ， 將來 又 點會將 姓朱 嘅 放在 眼 內 啊 ？
我要 你 自己 斬斷 一隻 手 ， 你 就 唔 聽 號令 嘞 。
呢 一次 ， 我 喺 河間 府 返 嚟 ， 一路 遇到 唔 少 危險 ， 就 冇 見 你 天地會 一兵一卒 嚟 保護 我 。
如果 唔 係 馮師父 奮力 救 我 啊 ， 我而家 都 唔 知仲有 冇 命 啊 。
你 啊 巴不得 我 畀 小人 殺 咗 啦 ， 你 噉 嘅 用心 ， 就 已經 係 死有餘辜 嘞 。
哼 ， 你 就 只 係 會 托 我 阿哥 嘅 大腳 ， 平時 冚𠾴唥 冇 將 我 放在 眼 內 。
大 公子 二 公子 係 親兄弟 ， 屬下 都 係 一樣 噉 樣 侍奉 ， 唔 敢 有 偏頗 嘅 。
我 阿哥 日後 要 做 王爺 嘅 ， 喺 你 眼 內 ， 我 兩 兄弟 點會 係 一樣 㗎 ？
韋小寶 聽到 呢 度 已經 明白 咗 一大半 嘞 ， 個心 諗 ：
呢 個 衰仔 吖 ， 想 同 佢 阿哥 爭 王位 ， 怪 我 師父 擁護 佢 阿哥 ， 又 受 咗 馮錫 范 嘅 挑撥 ， 就將 乘機 殺 咗 我 師父 。
只 聽見 鄭克 塽 又 話 ： 橫 掂 你 喺 中原 勢力 咁 大 嘞 ， 不如 就 殺 咗 我 啦 。
陳近南 話 ： 二 公子 噉 樣 逼 我 ， 真 係 難以 分辯 啊 。
屬下 即刻 返去 台灣 ， 面見 王爺 ， 聽憑 王爺 吩咐 就 係 喇 。
王爺 如果 要 殺 我 ， 屬下 唔 敢 違抗 。
鄭克 塽 哼 咗 一聲 ， 似乎 感到 難以 回答 ， 又 似乎 係 怕 喺 父親 面前 同 佢 對質 。
呢 個 時候 ， 只 聽見 馮錫范 冷冰冰 噉 話 ：
就 怕 陳先生 一 離開 呢 度 ， 唔 係 去 投降 清廷 出賣 二 公子 ， 就 獨樹一幟 自立 為 王 ， 再 唔 會 去 台灣 㗎 喇 。
陳近南 話 ： 你 先頭 偷襲 打傷 我 ， 係 咪 奉 咗 王爺 之命 啊 ？ 王爺 嘅 諭示 喺 邊 處 啊 ？
王爺 將令 ， 二 公子 喺 中原 便宜行事 。
唔 聽 二 公子 號令 ， 就 係 反叛 ， 人人得而 誅 之 。
二 公子 好 地 地 ， 都 係 你 從中 挑撥離間 。
國姓爺 ， 創業維艱 ， 呢 個 大好 基業 ， 就 怕 會 敗壞 喺 你 哋 啲 奸詐 小人 手上 。
你 姓 馮 嘅 就算 武功 天下無敵 ， 我 又 使 乜 怕 你 啊 ？
馮錫范 大聲 話 ： 噉 樣講 ， 你 係 公然 反叛 延平 王府 咯 喎 ？
我 陳永華 對 王爺 赤膽忠心 ， 反叛 兩個 字 ， 加 唔 到 我 頭上 。
鄭克 塽 大聲 話 ： 陳永華 作反 ， 同 我 捉起 佢 ！
馮錫范話 ： 係 ！
只 聽見 噹噹 聲響 ， 兵器 相撞 ， 三個 人 打 起 上 嚟 嘞 。
陳近南 話 ： 二 公子 ， 請 你 行開 啲 ， 屬下 唔 能夠 同 你 動手 。
鄭克 塽 話 ： 你 唔 同 我 動手 ？ 你 唔 同 我 動手 ？
連氣問 咗 兩句 ， 兵器 響 咗 兩下 ， 似乎 係 佢 問 一聲 ， 就 向 陳近南 斬 一刀 。
韋小寶 好 急 啦 ， 就 輕輕 將 棺材 蓋 推起寸 幾高 ， 佢 望出去 ， 只見 鄭克 塽 同 馮錫范 一左一右 夾攻 陳近南 。
陳近南 啊 左手 揸 劍 ， 右手 垂低 ， 啲 血 啊 不斷 咁 滴落 嚟 ， 實 係 畀 馮錫范 偷襲 整 傷 嘅 。
馮錫范 啊 劍 招 極快 ， 陳近南 啊 奮力 抵抗 。
鄭克 塽 一刀 刀橫 斬 直 劈 ， 但 係 陳近南 呢 唔 敢 招架 ， 只 係 閃避 唧 ， 變成 咗 只 係 捱打 唔 還手 嘅 局面 ；
加之 左手 使劍 唔 便 ， 右手 受傷 又 顯然 唔 輕 。
韋小寶 個心 好 焦急 佢 諗 ：
哎呀 風際中 、 關夫子 佢 哋 點解 一個 都 唔 入 嚟 幫忙 嘅 ？
噉 樣 打落 去 ， 師父 非 畀 佢 哋 殺 咗 不可 。
但 係 外 便 靜英英 ， 泥 屋裏 便乒兵 乓乓 咁 惡鬥 ， 外便 呢 竟然 好似 充耳不聞 噉 。
只見 馮錫范 挺 劍 急 刺 ， 力量 極強 ， 陳近南 舉劍 擋格 ， 噉 啊 雙劍 即刻 黐 住 。
鄭克 塽 揮刀 斜 斬 ， 噉 陳近南 咪 側身 避開 囉 。
鄭克 塽 單刀 打橫 一拖 ，𠻘 一聲 ， 喺 陳近南 左腳 割 咗 一下 。
陳近南 吖 一聲 ， 長劍 一彈 而 起 ， 馮錫范 趁勢 挺劍 正中 佢 右 膊 。
陳近南 浴血苦戰 好難 支持 啊 ， 就 一步步 向 門口 移動 ， 想 奪門而出 。
馮錫范 知道 佢 嘅 意思 ， 搶先 去 門口 封住 ， 冷笑 話 ：
嘿嘿 ， 反賊 ， 今日 仲想 甩身 啊 ？
韋小寶 只 係 盼望 馮錫范行 到 棺材 旁邊 ， 就 可以 喺 棺材 裏 便 挺 匕首 刺出去 ， 就 用 喺 客店 裏 便 殺 喇嘛 嘅 手法 殺 咗 佢 。
不過 馮錫范 就 越鬥 越遠 ， 又 點樣 刺 得到 佢 呢 ？
鄭克 塽 喝 一聲 ： 反賊 ， 你 仲 唔 棄劍 就 綁 ？
韋小寶 眼見 情勢 危急 ， 個心 諗 ： 今日 唔 要 條命 仔 都 要 救 師父 㗎 喇 。
就 挾緊 喉嚨 ， 突然 間 ，喴，喴， 噉 叫 咗 兩聲 。
馮錫范 等 三人 一 聽 都 吃 咗 一驚 。
鄭克 塽 問 ： 咩 嘢 聲 啊 ？
馮錫范 擰 一擰頭 ， 手上 一 啲 都 冇 慢到 。
韋小寶 又 ，喴，喴，喴 噉 叫 咗 三下 。
鄭克 塽 怕鬼 啊 ， 嚇 到 佢 打 個 冷 震 。
突然 見到 棺材 蓋 一開 ， 一團 白色 粉末 飛 出 嚟 ， 三個 人 當堂 眼睛 赤痛 ， 又 濁 到 不得了 。
原來 屍體 入殮 啊 ， 棺材 裏 便 一定 放 大量 石灰 嘅 。
當日 高彥超 曾經 買 咗 ， 放入 棺材 ， 而家 韋小寶 有 得 用 喇 ，揦 起 一大 紮 撒出 嚟 。
馮錫范 知道 決 唔 係 鬼怪 ， 猛跳 向前 眯 埋 雙眼 ， 護低 個 身向 棺材 挺劍 刺落 去 。
㩧 一聲 ， 劍尖 刺入 棺材 蓋 。
佢 正話 想 拔劍 再 刺啦 ， 突然 覺得 右 便 胸口 一痛 ， 知道 中 咗 暗算 喇 ， 連忙 飛身 跳 起 ， 嘣 一聲 ， 背脊 重重 噉 撞 喺 床上 。
佢 武功 使得 啊 ， 左手 揞 住 胸前 傷口 ， 右手 將 一把 劍 啊 使 到 風雨不透 ， 保護 住 前 便 。
韋小寶 喺 棺材 裏 便 隔板 刺 人 ， 一刺 得手 ， 就 揸 住 匕首 跳出 嚟 。
只見 馮錫范 、 鄭克 塽 同 陳近南 三個 人 ， 都眯實 雙眼 ， 將 刀劍 亂揮 亂舞 。
佢 見到 馮錫范 雖然 胸口 中劍 啊 ， 不過 唔 係 致命傷 ， 噉 咪 想 逼近 去 再 加 一劍 啦 。
但 係 馮鄭 兩個 人 刀劍 舞得 好 緊 ， 唔 敢 貿貿然 上前 。
不過 時機 緊迫 啊 ， 你 話 等到 佢 哋 兩個 抹 咗 眼裏 便 嘅 石灰 ， 擘 開眼 見到 啲 嘢 ， 噉 就 弊弊 冇 咁 弊 喇 。
一時 冇 起 計 嚟 ， 唯有 左手 揦 起 石灰 ， 一見 馮錫范 或者 鄭克 塽 伸手 去 抹 眼 ， 就 一 紮 石灰 撒 過去 。
撒 石灰 係 佢 嘅 拿手 絕招 嚟 。
只 係 撒 咗 幾下 ， 馮錫范 就 察覺到 石灰 撒過 嚟 嘅 方位 嘞 ， 一招 渴 馬奔泉 ， 挺劍 直刺 過去 。
韋小寶 大驚 啊 連忙 坐低 ， 噗 噉 一聲 ， 把 劍 插入 棺材 裏 便 。
韋小寶 連爬帶滾 ， 遞 咗 出去 門外 。
馮錫 范用 劍 喺 棺材 裏 便 猛 咁 劈刺 ， 仲以 為 敵人 仍然 喺 裏 便 。
以 佢 嘅 武功 修為 啊 ， 韋小寶 狼狽 萬分 噉 逃走 出去 ， 本來 可以 即時 察覺 嘅 。
只 係 突然 間 ， 睇 唔 到 嘢 ， 胸口 受傷 ， 一時 啊 心神 大亂 。
又 知道 陳近南 武功 卓絕 就 不在 自己 之下 嘅 。
強敵 喺 側 跟 ， 實在 係 兇險 無比 啊 。
噉 喺 惶急 之間 完全 冇 想到 陳近南 呢 ， 亦 都 睇 唔 到 嘢 。
所以 只 係 望 ， 殺 咗 暗算 嘅 人 呢 ， 即時 逃走 。
佢 喺 棺材 裏 便 刺 咗 幾下 ， 發覺 刺空 咗 ， 就 立即 一招 千岩 競秀 ， 劍花 點點 護住 全身 。
聽見 左便並 冇 兵器 劈 風 嘅 聲音 啊 ， 就 向 住 左 便 跳過去 ， 膊 頭 喺 牆 上面 一撞 ， 就 挨 住 埲 牆 企 喺 度 嘞 。
佢 噉 樣 出力 搞 咗 一陣 ， 胸前 嘅 傷口 ， 流 得 血 更 多 嘞 。
佢 微微 想擘 開 隻 眼 ， 啲 石灰粉 即刻 入眼 ， 痛到 不得了 。
佢 怕 雙眼 從此 就 醃 盲 咗 ， 就 唔 敢 再 擘 喇 。
背靠 牆壁 ， 一步步 噉 移動 ， 佢 諗 ：
只要 靠 墻 移步 ， 就 能夠 搵 到 門口 喺 邊 處 嘞 ， 一出 門外 ， 地勢 空曠 ， 就 易於 脱險 啦 。
嗱 各位 ， 欲知 後事 如何 ， 且 聽 下回分解 。
