前文 再續 啊 書 接 上 一回 啊 。
話說 康熙 派 韋小寶 去 雲南 見 吳三桂 ，同時 呢 ，將 建寧公主 嫁 畀 佢 個 仔 ，使 佢 唔會 思疑 。
韋小寶 一 聽 打個特 ：吓 ？嫁畀 吳應熊 嗰個 僆仔 啊 ？噉 ，噉唔係 便宜 咗 佢 ？
康熙話 ：佢 係 老賤人 嘅 女 ，我哋 將 佢 嫁去 雲南 ，等 佢 捱 啲 苦 先 。
將嚟 吳三桂 滿門 抄斬 嘞 ，就連 佢 一齊 殺埋 。
講完 ，康熙 仲 好 嬲 啊 。
佢啊 本來 好鐘意 呢個 妹妹 嘅 ，但係 自從 知道 太后 害死 咗 自己 親生 母親 ，激到 父皇 出家 之後 ，就 連 呢個 妹妹 都 嬲埋 喇 。
佢 又 話 ：到 其時 ，我 就 話 老賤人 教 女 無 方 ，逼 佢 自盡 。
吖 ，係 喇 皇上 ，奴才 打聽到 個 天大 嘅 好消息 ，皇上 聽咗 啊 一定 十分 歡喜 嘅 。
咩嘢 好 消息 啊 ？
韋小寶 將個 嘴 哄 埋 佢 耳 仔 邊 ， 低聲 話 ： 嗰 個 老 賤人 係 假 太后 ， 真 嘅 太后 ， 仲好 地 地 喺 慈寧宮 嚟 。
康熙 大吃一驚 ，佢 聲 都 震晒 噉 話 ：咩話 ？咩 假太后 啊 ？
韋小寶 於是 將 假太后 囚禁 太后 ，佢 自己 啊 冒充 太后 ，為非作惡 嘅 事 一五一十 講 畀 康熙 聽 。
嘩 ，康熙 聽到 擘大個口 ，瞪大雙眼 ，講唔出説話 ，隔咗好耐 先至 話 ：
有 噉 嘅 事 ？ 有 噉 嘅 事 ？ 你 ， 你點 知道 㗎 ？
韋小寶 話 ：奴才 知道 老賤人 心地 惡毒 ，怕 佢 陷害 皇上 ，所以 就 買通 咗 慈寧宮 裏頭 嘅 宮女 ，暗中 監視 。
只要 一發覺 情形 唔對路 ，就嚟 稟奏 皇上 ，等 我哋 先 下手為強 。
奴才 今日 一 入 宮 唧 ，嗰個 宮女 就 將 呢件 大事 同 我 講 嘞 。
康熙 額頭 啲 汗水 叭叭聲 咁 流 ，佢 問 ：嗰個 宮女 呢 ？
我諗 ，呢件事情 太大喇 ，如果 佢 洩漏咗 出去 ，就 唔得了啦 ，因此 奴才 大膽 ，推咗 佢 落井 ，冇 畀 人 睇到 㗎 。
唉 講起上嚟 ，實在 對佢 唔住 啊 。
康熙 岌 一岌頭 ，佢 話 ：做得啱 。
聽日 你 撈翻 起 佢 嘅 屍體 ，妥為 安葬 ，查明 佢 家屬 ，厚加 撫恤 。
係 ，謹遵 皇上 吩咐 辦理 。
小寶 ，事不宜遲啊 ，我哋 立即 去 慈寧宮 。
講完 ， 康熙 企 起身 ， 除 咗 牆上 兩把 寶劍 ， 將 一把 交 畀 韋小寶 ， 低聲 話 ：
呢件事 ，就係 我哋 兩個 去 做 ，唔能夠 畀 宮女 太監 知道 。
係 ，皇上 啊 ，老賤人 嘅 武功 好 厲害 㗎 。
我 一 入 房 呢 就 攬 實 佢 ，皇上 一劍 斬斷 佢 隻 手 先 ，然後 再 問 詳情 就 啱喇 。
好 。
皇上 仲係 帶 多啲 侍衞 去 ，叫 佢哋 喺 慈寧宮 外 便 等候 ，真係 情形 唔對路 咯 ，唯有 叫 佢哋 入嚟 啦 。
否則 ，如果 奴才 攬 假 太后 唔 實 ，老賤人 行兇 衝撞 咗 皇上 萬金 之 體 ，噉 ，噉就 唔 妥喇 。
康熙 岌一岌頭 ，打定咗 主意 喇 ，佢 諗 ：
如果 非要 啲 侍衞 幫手 不可 ，噉 事情 成功 之後 ，將 嗰班 侍衞 處死 就係 嘞 。
話説 康熙 出咗 書房 ，傳 八名 侍衞 護駕 ，嚟到 慈寧宮 外 便 ，噉 命令 啲 侍衞 喺 花園 裏 便 遠遠 噉 等候 。
佢 同 韋小寶 兩個人 ，行 去 太后 寢殿 。
慈寧宮 嘅 宮女 太監 紛紛 下跪 迎接 。
康熙話 ：你哋 都 去 花園 ，邊個 都 唔准 過嚟 。
眾人 立即 退開 。
韋小寶 知道 當日 假太后 向 佢 師父 九難 拍 咗 七掌 化骨綿掌 ，而 陰毒 嘅 掌力 呢 ，全部 還 翻 畀 佢 自己 。
佢 師父 雖然 教咗 假太后 化解 嘅 辦法 ，但係 從此 之後 啊 ，只要 一 使 內力 唧 ，全身 骨骼 ，就 會 一寸寸 噉 斷晒 㗎 。
計一計 時間 ， 呢 陣 時 佢 體內 嘅 掌 力 ， 仲 未能 化盡 。
就算 已經 化咗 去 啊 ，估計 佢 亦 唔 敢 動武 嘅 。
再加埋 自己 有 五龍令 在手 ，一切 都有 恃無恐 ，個心 一啲 都 唔驚 。
康熙 卻係 知道 呢個 假太后 武功 非常之 厲害 ，自己 學 嘅 功夫 ，冚𠾴唥 係 佢 教 嘅 。
即使 加埋 個 韋小寶 啊 ，兩個人 仍然 同 佢 相差 極之 遠 。
只有 兩個 人 ，用 雙劍 攻 佢 空手 ，打 佢 一個 措手不及 ，就 好似 當年 暗算 鰲拜 噉樣 先至 能夠 取勝 嘅 。
所以 一 踏入 寢殿 ，手板 都 出汗 啊 。
韋小寶 個 心 諗 ：今日 係 立大功 嘅 良機 ，我 撲過去 老舉乸 處 ，皇上 啊 估 話 我 奮不顧身 啫 ，其實 只不過 係 打一隻 唔會逳 嘅 死狗 啫 。
打死狗啊 ，老子 最 拿手 嘞 。
佢 低聲 話 ：呢個 賤人 武功 好 使得 㗎 ，皇上 千祈 唔好 冒險 啊 ，等 奴才 先 上 啦 。
康熙 岌一岌頭 ，右手 緊緊 揸住 劍柄 。
行到 入 寢殿 嘞 ，見到 殿 裏頭 冇 人 ，床 上 錦帳 低垂 。
聽見 太后 嘅 聲音 喺 錦帳 裏 便 傳出嚟 話 ：
皇帝 ，你 好多日 都 冇 嚟 慈寧宮 嘞 ，身體 好吖嘛 ？
康熙 以前 每日 嚟 慈寧宮 向 太后 請安 ，噉 自從 知道 內情 之後 呢 ，個心 啊 都 唔知 幾 咁 憎 佢 ，就 嚟得 好 疏 嘞 。
噉 啊 兩個 人估 唔 到 佢 日頭 都 會 瞓 喺 鋪 床 處 嘅 ， 先頭 商量 好 嘅 法子 ， 就 唔 使得 嘞 。
康熙話 ：聽講 太后 身體 唔舒服 ，兒子 嚟 睇 下 太后 啊 。
向 韋小寶 打 個 眼色 ，吩咐 佢 話 ：掛起 錦帳 。
韋小寶 話 ：喳 ！
就行 去 鋪床 處 嘞噃 。
太后 話 ：我 怕 風 ，唔好 掛起 錦帳 嘞 。
康熙 嘅 心諗 ：如果 唔 聽 佢 話 直情 去 揭開 錦帳 ，怕 佢 有 咗 防備 噃 。就 話 ：
係 ，唔知 太后 係邊度 唔舒服 呢 ？食咗 藥 未 啊 ？
太后 話 ：食過 喇 ，太醫 話 受 咗 啲 風寒 ，唔緊要 嘅 。
兒子 想 睇 下 太后 面色 點樣 ，有冇 發燒 啊 。
我 面色 好好 ，唔使 睇 嘞 ，皇帝 返去 休息 啦 。
康熙 疑心 喇 ：唔知 佢 喺度 搞 咩嘢 鬼 呢 ？
韋小寶 見到 寢殿 裏 便 黑沉沉 ，就 擰轉身 對住 康熙 猛打 手勢 。
示意 由 自己 去 攬住 太后 雙腳 ，皇帝 就 一劍 斬落去 啦噉 。
突然之間 康熙 心念 一動 ：
如果 小桂子 講 嘅 嘢 都係 假嘅 噉 點啊 ？
雖然 嗰個 男人 假扮 宮女 ，確係 實情 啊 ，但係 講唔定 太后 ，只係 淫亂 宮闈 啫 ，冇 其他 嘢 啊 。
噉 我 呢一劍 斬落去 ，如果 佢 竟然 係 真太后 ，唔係 假冒 嘅 ，我 豈不是 又 糊塗 又 不孝 ？
唔好嘞 ，寧可 個 假太后 有 咗 防備 ，不得不 召 侍衞 嚟 捉 佢 ，我 都 唔能夠 咁 魯莽 親手 斬傷 真太后 嘅 。
於是 擰擰頭 ，揮手 叫 韋小寶 退開 ，佢 話 ：
太后 ， 兒子 放心 唔 落 啊 。
快步行 去 床前 ，一手 揭開 錦帳 。
錦帳 一 分開 ， 只見 太后 急速 轉身 ， 塊 面向 住 裏 便 床 。
但係 就係 噉 一擸眼唧 ，康熙 已經 見到 太后 塊面 好 瘦削 ，相貌 唔係 點 似 ，佢 話 ：
太后 ，你 老人家 近來 忽然間 瘦咗 好多 啊 。
講說話 嘅 時候 把 聲 都 有 啲 震 啊 。
太后 歎 一口氣 話 ：
唉 ，自從 喺 五台山 返嚟 之後 ，胃口 一直 唔好 ，日日 食 唔到 半碗 飯 。
照 下面 鏡 ，幾乎 自己 都 唔 認得 嘞 。
康熙 嘅 心諗 ：小桂子 嘅 説話 果然 冇 錯 。
呢個 老賤人 估唔到 我 突然間 會 嚟 ，佢 瞓 喺 床上 冇 人 睇見 ，今日 就 冇 喬裝 改扮 ，所以 點 都 唔 肯 畀 我 睇 佢 個 樣 。
而家 我 已經 親眼 見 嘞 ，唔通 仲 會 搞錯 咩 ？
佢 心頭 火起 大聲 話 ：
哎呀太后 ，有 隻 大老鼠 蜎 入去 掛氈 後 便 啊 。
嚟人喇 ，快啲 捲起 掛氈 嚟 捉 老鼠 。
講完 急退 兩步 。
佢 怕 假太后 一見 事情 敗露 ，就 立即 跳起嚟 逳手 啊 。
只聽見 太后 聲震震噉 話 ：掛氈 後 便 有 咩 老鼠 啊 ？
韋小寶 上前 拉 嗰條 羊毛繩 ，捲起 掛氈 ，露出 櫃門 。
康熙話 ：咦 ？原來 呢度 有 個 大櫃 嘅 ，老鼠 蜎 入去 啊 。
個心諗 ：呢個 時候 事情 已經 揭開咗 大半 嘞 ，佢 已經 有咗 防備 ，唔能夠 偷襲 喇 。
佢 退到 門口 ，向 韋小寶 擪一擪 手 話 ：傳 侍衛 入嚟 ，大櫃 裏頭 有 啲 古怪 聲音 ，千祈 唔好 有 刺客 匿埋 喺 處 ，嚇親 太后 啊 。
韋小寶 應咗 ，就 去 門外 便 大聲 話 ：傳侍衛 ！
八名侍衞 行到 寢殿 門口 ，躬身 聽旨 。
太后 嬲 喇 ： 皇帝 ， 你 喺 度 玩 咩 嘢 啊 ？
康熙 笑住 話 ：啊係喇 ，建寧公主 匿埋 喺 大櫃 裏 便 玩 捉匿匿 啊 。
太后 ，我 到處 都 搵 佢 唔到 ，一定 喺 個 大櫃 裏 便 嘞 。
右手 一揮 ，韋小寶 過去 開 櫃 嘞 ，但係 櫃門 鎖住 嘅 打唔開 。
康熙話 ：太后 ，大櫃 條 鎖匙 喺 邊處 啊 ？
太后 好唔高興噉 話 ：我 身子 唔舒服 ，你 兩個 細佬 哥 走嚟 我 呢度 玩 ，快啲 出翻去 ！
班侍衞 知道 皇帝 時時 同 建寧公主 比武 玩耍 嘅 ，聽 太后 噉樣 講 ，都 露出 笑容 。
康熙話 ：將 櫃門 撬開 ，太后 身子 欠安 ，我哋 唔好 打擾 佢 老人家 嘞 。
韋小寶 應咗 ，就 喺 靴筒 裏 便 拔出 匕首 ，插入 個 櫃門 ，輕輕 一割 ，鎖釦 就 斷嘞 ，一拉 ，櫃門 應手而開 。
只見 櫃 裏頭 有 一張 錦被 ， 似乎 就 係 嗰 晚 喺 櫃 裏頭 見到 過 嘅 ， 但 係 冇 人 噃。
韋小寶 吃咗 一 驚 佢 諗 ：
嗰晚 ，明明 見到 真太后 收埋 喺 個 櫃 裏頭 嘅 ，點解 忽然間 唔見咗 呢 ？
唔通 老舉乸 怕 我 師父 洩漏 出去 ，將 真太后 殺咗 ？
佢 掀開 錦被 睇下 ，見到 被底 有 一部 書 ，似乎 係 四十二章經 ，連忙 放低 錦被 冚住 ，佢 擰翻 轉頭 ，見到 康熙 好奇怪 噉樣 。
再 向 床 上 一 睇 ，只見 被 竇 唂 起 一 大 嚿 ，似乎 匿埋 個人 喺度 噉 。
佢 話 ：公主 匿埋 喺 太后 被竇 裏 便 喇 。
康熙話 ：快啲 拉佢 出嚟 。
佢 怕 假太后 見到 事情 敗露 ，即時 殺咗 真太后 啊 。
韋小寶 衝 到 床邊 ，喺 太后 隻 腳 邊 呢 ，伸 隻 手 入去 被竇 ，要 將 真 太后 拉出嚟 。
誰知 一手 摸落去 ，係 隻 毛鬙鬙 嘅 大髀 ，不由得 大吃一驚 嘞 。
就喺呢個時候 ，一隻 大腳 ，突然間 撐出嚟 ，撐正 佢 心口 ，哎吖 ！韋小寶 一聲 大叫 ，成個 跌低 。
被 竇 一 掀開 ，一個 赤條條 嘅 肉團 跳出嚟 ，連埋 錦被 抱住 太后 ，向 門口 衝過去 。
八名侍衞 大吃一驚 啦 ，連忙 攔阻 。
畀嗰個肉團一撞 ，三名侍衞 噼里啪啦𢴈低 。
嗰個 肉團 抱住 太后 直 衝 而出 。
康熙 走到 門口 ，只見 嗰個 肉團 跑跳 如 飛 啊 ，幾個 起落 ，就 去到 御花園 牆 邊 ，一 跳 跳上 墻頭 ，跟住 翻身 跳咗 出去 。
康熙 叫話 ：快啲 追 ！
三名侍衞 畀 嗰個 肉團 一 撞𢴈 倒 喺 地下 唔起得身 。
其餘 嗰 五名 侍衞 繞過 圍牆 出去 ，已經 睇唔見 嗰個 肉團 嘅 影 嘞 。
韋小寶 個 心 啊 亂糟糟 ，心口 又 痛 嘞 噃 ，掙扎住 爬起身 ，走到去 大櫃 旁邊 ，喺 錦被 底下 攞起 嗰 部 經書 收埋 喺 懷抱 裏 便 。
只聽見 康熙 喺 花園 大聲 叫 ：返嚟 ，返嚟 ！
韋小寶 又 跌咗 一 跤 ，噉 聽見 腳步聲 響嘞 ，啲 侍衞 走翻嚟 。
康熙 喺 寢宮 外 便 吩咐 啲 侍衞 話 ：大家 企 響 處 ，唔好 出聲 。
康熙 返 入 去 寢殿 ，閂埋 道房門 ，低聲 問 韋小寶 ：究竟 係 咩嘢 一回事 啊 ？
韋小寶 扶住 張枱 企 起身 話 ：妖 ，妖怪 啊 。
驚到 面 如 土色 。
康熙 擰頭 話 ：唔係 妖怪 ，係 老賤人 嘅 姦夫 啊 。
韋小寶 仲 係 不明所以 噃 佢 問 ：咩咩咩 姦夫 啊 ？
嗰個 係 男人 ，你 冇 睇清楚 咩 ？
一個 又 矮 又 肥 嘅 男人 。
韋小寶 又 驚 又 好笑話 ：哈 ，哈 ，老賤人 嘅 被 竇 裏 便 ，收埋 一個 唔着 衣服 嘅 ，又 肥 又 矮 嘅 男人 啊 ？
康熙 神情 嚴重 話 ：真太后 呢 ？
韋小寶 話 ：千祈唔好畀 ，唔好畀 老賤人 害死 啊 。
佢 忽然間 諗起 一件事 ，就 掀開 太后 床上 嘅 墊褥 佢 話 ：張 床 有 暗格 嘅 。
只見 暗格 裏 便 ，放住 一對 白金 蛾眉 鋼刺 ，其他 呢 就 冇 嘢 嘞 。
韋小寶 沉吟 話 ：我哋 掀開 床板 睇下 。
康熙 行前 ，幫住 韋小寶 掀開 床板 。
只見 一個 女子 瞓 喺 地下 一張 墊褥 上 便 ，𢫏 住 薄被 。
當 床板 放 上去 嘅 時候 ，睇嚟 ，離開 佢 塊 面 不過 半尺 咁 上下 唧 。
寢殿 裏 便 黑沉沉 睇唔清楚 ，康熙 話 ：快啲 點 蠟燭 。
韋小寶 點起 蠟燭 ， 揸 住 燭台 埋 去 一照 ， 見到 嗰 個 女子 面容 蒼白 ， 鵝蛋 面 ， 果然 就 係 嗰 晚 收埋 喺 大櫃 嘅 真太后 啊 。
康熙 以前 見到 真太后 嘅 時候 ，年紀 仲 係 好 細個 ，隔 咗 咁 多年 咯 ，本來 已經 分唔出 真假 㗎 嘞 。
但係 見 呢個 女子 同 平日 所見 嘅 太后 相貌 極之 相似 ，就 連忙 扶 佢 起身 ，問 佢 話 ：
你 係 ，太后 啊 ？
嗰 個 女子 畀 支 蠟燭 照住 ， 一時 擘 唔 開眼 ， 佢 話 ： 你 哋 ， 你 哋 。
韋小寶話 ：呢位 係 當今 皇上 ，親自 嚟 救 聖駕 。
嗰個 女子 慢慢 擘開 雙眼 ，定咗 眼 噉 睇住 康熙 ，佢 話 ：
你 ， 你 真 係 皇上 ？
突然 吖噉 一聲 喊起嚟 嘞 ，用 手 攬住 康熙 攬到 實一實 。
韋小寶 揸住 燭台 退開 幾步 ，四圍 咁 照 下 佢 ，唔見 咩 姦夫 、刺客 、假 宮女 之類 ，個心 諗 ：
皇上 同 真太后 相會 ，必定 有 好多 説話 講 嘅 ，我 聽 多 一句 ，人頭 就 唔 穩陣 一分 嘞 。
於是 將 燭台 放喺 枱 上便 ，靜靜噉 退出去 ，反手 掩 翻埋 道 殿 門 。
只見 門外 院子 裏 便 ，八名 侍衞 同 宮女 太監 直 篤篤噉 企 響 處 ，個個 神情 惶恐 。
韋小寶 叫 啲 人 去到 花園 ，佢 話 ：先頭 皇上 同 建寧 公主 捉匿匿 玩 。
公主 係 着咗 一套 好古怪 嘅 衣服 ，扮成 好似 一個 大肉球 噉樣 跳咗 出去 ，大家 睇唔睇見 啊 ？
一名侍衞 十分 乖覺 啊 ，佢 連忙 話 ：係呀係呀 ，建寧公主 身法 好快 啊 ，扮 個樣 呢 真係 好玩 嘅 。
韋小寶 微微 一笑話 ：呢啲 細佬哥 玩 嘅 嘢 ，皇上 唔 想 畀 人哋 知道 。
有冇 邊個 發牙痕 、人頭 想 搬家 、想多嘴多舌 亂噏 一通 嘅 ，有冇啊 ？
眾侍衞 宮女 太監 一齊 話 ：我哋 唔敢 。
韋小寶 岌一岌頭 ，向 三名 畀 肉團 撞到 受傷 嘅 侍衞 話 ：
你哋 點 搞 㗎 ，好地地 ，會 受傷 嘅 ？
一名侍衞 話 ：回 副總管 ，小人 三個 今日 上午 練武藝 ，大家 出手 重咗啲 ，互相 打傷 咗 啫 嘛 。
死得你吖 ，自己 兄弟 練武藝 出手 都 咁 重 ，又 唔係 搏命 。
係 ，係 ，下次 一定 小心 。
受 咗 傷 嘅 ， 每個 人去 支 二十兩 銀 湯藥 費啦 。
三名侍衛 連忙 躬身 多謝 。
韋小寶 話 ：豈有此理 ，爹娘 養到 你哋 咁 大個 ，呢條命 唔係 咁 賤 㗎 。
大家 如果 想 留翻 個 食飯 傢伙 呢 ，把 狗 嘴 就 要 小心啲 。
如果 怕 自己 瞓着覺 發 開口夢 ，不如 自己 割咗 條 脷 好 。
你哋 一個 二個 同 老子 報 個 名 嚟 啦 。
眾侍衛 宮女 太監 都 報咗 自己 嘅 姓名 。
韋小寶 話 ：好 ，今日 捉匿匿 嘅 事 呢 ，今後 老子 只要 聽到 一啲 風聲 ，唔理 係 邊個 多口 ，總之 三十五 個 人 一齊 殺頭 。
你哋 服唔服 啊 ？
大家 個心 都 好 明白 ， 因為 見到 先頭 嘅 怪事 之後 啊 ， 不免 性命 難保 嘅 ， 皇上 多數 要 殺人滅口 。
而家 桂公公 噉樣 講 ，其實 係 救咗 自己 條命 ，所以 一齊 跪低 叩頭 話 ：多謝 公公 救命 大恩 。
韋小寶 話 ：多謝 我 做 乜嘢 唧 ，係 皇上 嘅 恩典 。
佢 返到去 寢殿 門口 ，坐 喺 石級 上 便 等候 。
噉啊過咗大半個時辰 ，先聽見 康熙 叫佢 話 ：小桂子 入嚟 啦 。
佢 行入 寢殿 ，只見 太后 同 康熙 一拍噉 坐 喺 床上 ，手 拉住 手 。
兩個人 塊面 上 都 有 淚痕 啊 。
佢 跪低 叩頭 話 ：太后 大喜 ，皇上 大喜 。
外便 總共 係 三十五 名 奴才 ，今日 皇上 同 建寧 公主 捉 匿匿 嘅 事 ，如果 有 邊個 膽敢 洩漏 半句 嘅 ，奴才 就 將 呢 三十五 個 人 冚𠾴唥 處死 ，一個 都 唔 留 。
佢哋 都 嚇破咗 膽 咯 ，估計 亦 冇 邊 一 個 敢 講 㗎 喇 。
康熙 岌 一岌 頭 。
韋小寶 又 話 ：如果 要 殺 ，而家 就 殺咗 佢哋 啦 ，以免 後患 ，奴才 而家 就 去 辦 。
康熙 稍為 有啲 猶疑 。
太后話 ：今日 我哋 母子 相見 ，係 天大 嘅 喜事 ，唔好 殺人 喇 。
康熙話 ：係 ，我哋 要 大做 佛事 ，感謝 上天 同 菩薩 保佑 啊 。
太后 望着 韋小寶 ，佢 話 ：
你 小小年紀 ，立下 咁多 功勞 ，實在 難得 。
韋小寶 話 ：嗰啲 都係 太后 同 皇上 嘅 洪福 啫 。
因為 奴才 冇 盡忠 辦事 ，唔能夠 及早 揭破 奸謀 ，累到 太后 要 受 咗 咁 多年 嘅 辛苦 。
太后 個 心 一 酸 ，流起 眼淚 。
佢 同 康熙 話 ：要 好好 封賞 呢個 細路哥 先至 係啊 。
康熙話 ：係 。
小桂子 ，你嘅 官 已經 做得 唔細 嘞 ，今日 再 封 你 一個 爵位 。
我 大清 有 公侯伯子男 五 等 爵位 ，太后 嘅 恩典 ，封 你 為 一等 子爵 。
韋小寶 叩頭 謝恩 話 ：謝太后 恩典 ，謝皇上 恩典 。
佢 個 心 諗 ： 呢 個子 爵有 咩 用唧 ？ 值得 幾多 銀 啊 ？
見 康熙 揮 一揮手 ，就 退翻 出去 嘞 。
嗱 各位 ，欲知 後事 如何 ，且 聽 下回 分解 。
