前 文 再續 啊 書 接上 一回 啊 。
話 説 韋小寶 同 楊溢之 結拜 為 金蘭 兄弟 ， 噉 兩個 人 跪 低 ， 撮土 為 香 ， 拜 咗 八拜 ， 改口 用 兄弟 相稱 。
楊溢之 話 ： 兄弟 ， 我 哋 兩個 今後 情同骨肉 ， 唔 同 一般 朋友 嘞 。
不過 喺 人 哋 面前 ， 我仲 係 叫 你 做 公公 ， 以免 人 哋 疑心 啊 。
韋小寶 話 ： 噉 就 梗 係 啦 。
大哥 ， 沐 家 嗰 啲 人 ， 你 想 將 佢 哋 點 呢 ？
我 拉 佢 哋 去 雲南 ， 慢慢 拷打 ， 等 攞 咗 陷害 我 哋 王爺 嘅 口供 之後 ， 解 佢 哋 去 京師 ， 等 皇上 明白 平西王 赤膽忠心 。
亦 顯得 兄弟 你 以前 力保 平西王 一 啲 都 冇 保錯 。
好極 喇 ， 大哥 啊 ， 你 諗 住 嗰 個 搖頭 老虎 肯 唔 肯 招供 呢 ？
你 講 嗰 個 搖頭 獅子 吳立身 啊 ？
呢 個人 喺 江湖 上 亦 頗 有 名望 ， 聽講 為 人 十分 強硬 嘅 ， 佢 係 唔 肯 招供 㗎 喇 。
我 敬重 佢 係 條 漢子 ， 亦 唔 會 點樣 難 為 佢 嘅 。
不過 其餘 嗰 啲 人 ， 總有 幾個 熬 唔 住 拷打 會 招 出 嚟 嘅 。
冇 錯 吖 ， 計劃 都 唔 錯 啊 。
楊溢之 聽 佢 嘅 語氣 好似 喺 度 隨口 敷衍 噉 ， 佢 就 話 ：
兄弟 ， 你 我 已經 唔 係 外人 嘞 ， 你 如果 覺得 有 啲 唔 妥 嘅 ， 就 唔 該 你 直白 講我 聽 啦 。
唔 妥 呢 就 冇 嘅 ， 誒 聽講 沐家 有個 反賊 叫做 沐劍聲 ， 仲有 個 硬 背 烏龍 柳 咩 嘅 人 嘅 。
鐵背 蒼龍 柳大洪 ， 佢 係 沐劍聲 嘅 師父 。
係 喇 係 喇 ， 哈 大哥 啊 ， 你 記性 真 係 好 。
皇上 吩咐 呢 要 查明 呢 兩個 人 嘅 蹤跡 ， 你 捉 唔 捉 到 佢 哋 啊 ？
沐劍聲 亦 都 有 去 河間 府 ， 我 哋 一路 跟蹤 住 佢 嘅 ， 不過 一到 獻縣 呢 就 畀 佢 鬆 咗 人 嘞 ， 都 唔 知匿 埋 去 邊處 。
噉 就 有 啲 為 難 喇 。
我 先頭 亂 噏 一通 呢 ， 就 已經 氹 到 嗰 隻 搖頭 獅子 變成 點頭 獅子 ， 話 要 帶我去 見 佢 哋 嘅 小公爺 。
我 啊 本來 想 查明 佢 哋 點樣 陰謀 陷害 平西王 就 回去 奏知 皇上 嘅 。
噉 大哥 既然 有把握 咯 ， 可以 將 佢 哋 嘅 陰謀 拷打 出 嚟 ， 噉 亦 一樣 嘅 啫 ， 仲 唔 使 兄弟 冒險 添 。
楊溢之 諗 ： 我 拷打 幾個 無足輕重 嘅 人 ， 佢 哋 未必 知道 真正 內情 㗎 。
就算 知道 ， 沐 家 嗰 啲 狗賊 骨頭 好 硬 ， 亦 未必 肯講 。
仲有 喎 ， 由 王爺 自己 辯白 ， 噉 啊點 都 唔 似 皇上 親自 派落 嚟 嘅 人 ， 查明 回奏 咁 夠力 嘅 。
如果 我 哋 詐 諦 唔 知 ， 由 桂兄弟 自己 去 奏告 皇上 噉 就 好得多 喇 。
於是 拉 住 韋小寶 隻 手話 ： 兄弟 ， 你 嘅 法子 高明 得 多 ， 一切 聽 你 嘅 。
係 喇 ， 我 哋 點樣 去 放 咗 沐 家 嗰 啲 狗賊 ， 使 佢 哋 唔 起疑心 呢 ？
韋小寶 話 ： 噉 啊 要 你 嚟 想法子 喇 。
楊溢之 沉吟 咗 一陣 話 ：
噉 樣 啦 ， 你 趯 翻 去 祠堂 ， 詐 假意 奮勇 救 你 師姐 ， 我 追住 入 去 。
兩個 人亂 咁 大 講特講 蠻子 話 ， 噉 就講 咗 一陣 呢 ， 我 畀 你 講服 咗 ， 恭敬 行禮 噉 就 走 咗 喇 ， 噉 就 一 啲 痕跡 都 冇 啦 。
哈 ， 好 嘢 ， 我 桂公公 精通 蠻語 係 有 齣 戲文 嘅 。
唐明王 手下 呢 ， 有個 李 咩 嘅 有 學問 先生 ， 佢 飲 醉 咗 酒 ， 做 咗 一篇 文章 ， 嚇 到 班 蠻子 啊 屁滾尿流 啊 。
哈哈哈哈 ， 係 李太白 醉草 嚇蠻 書 。
冇 錯 冇 錯 ， 桂公公 醒 講嚇 蠻 話 一樣 咁 犀利 。
大哥 啊 ， 我 哋 要 扮得 似模 似樣 至 得 ， 你 呢 對 我 詐 假意 拳打腳踢 。
啊 係 喇 係 喇 ， 我 着 住 一件 護身 寶衣 背心 ， 刀槍不入 嘅 。
你 啊 不妨 斬 我 幾刀 試下 吖 ， 只要 唔 使 內力 ， 唔 震傷 五臟六腑 就 一 啲 事 都 冇 㗎 喇 。
兄弟 有 噉 嘅 寶衣 噉 就 好極 喇 。
皇上 派 我 出 嚟 查 反賊 嘅 逆 謀 ， 怕 畀 佢 哋 知道 咗 殺 我 ， 特 登 喺 身上 除 咗 呢 件 西洋 紅毛國 進貢 嚟 嘅 寶衣 賜 咗 畀 我 。
大哥 ， 你 唔 使 怕 整傷 我 㗎 ， 斬 翻 幾刀 試下 吖 嗱。
楊溢之 拔出 把 刀 ， 喺 佢 左 膊 輕輕 一割 ， 果然 刀鋒 啊 只 係 割爛 外衣 ， 碰到 外衣 嘅 時候 呢 就 割 唔 入 去 嘞 。
於是 又 稍 為 加 啲 力 ， 又 喺 佢 左 膊 輕輕 斬 咗 一刀 ， 仍然 係 絲毫無損 啊 。
就 話 ： 件 寶衣 好 嘢 ， 好 嘢 ！
韋小寶 話 ： 大哥 ， 裏 便 有 個 姓 鄭 嘅 衰仔 呢 ， 呢 就 嗰 個 着 得 好 架勢 嗰 個 繡花枕頭 啊 。
呢 個 傢伙 呢 一味 向 我 師姐 勾 勾搭 答 ， 我 見到 啊 都 唔 知 幾 嬲 ， 最好 你 就 捉 咗 佢 去 喇 。
我 將 佢 一 掌 打死 就 係 啦 。
嘿 ， 唔 殺 得 佢 㗎 ， 呢 個人 係 皇上 要 㗎 ， 將來 辦 一件 大事 呢 要 搵 佢 找 數 㗎 。
就 唔 該 你 捉 咗 佢 去 ， 看守 好 佢 ， 不過 就 唔 好 難 為 佢 噃， 亦 唔 好 盤問 佢 咩 嘢 事 。
過得 二三十年 ， 我 嚟 問你要 喇 ， 你 就 派 人 送 佢 嚟 北京 啦 。
係 ， 我同 你 辦妥 佢 ， 你 放心 啦 。
楊溢之 突然 間 提高 把 聲 大叫 ： 胡魯希 都 ， 愛里 巴拉 ！ 嘘 老嘘 老 ！
我 哋 講 咗 咁 耐 ， 怕 佢 哋 疑心 啊 。
韋小寶 亦 都 尖聲 大叫 ， 講 咗 一連串 蠻話 。
楊溢之 話 ： 兄弟 嘅 蠻 話 ， 仲 流利 過 大哥 好多 啊 。
噉 使 乜講 啊 ， 兄弟 當年 流落 番邦 ， 噉 番邦 公主 啊 要 招 我 做 駙馬 ， 嗰 啲 蠻 話 ， 係 講慣 咗 㗎 嘛 。
楊溢之 哈哈大笑 啊 。
韋小寶 又 話 ： 大哥 ， 我 有 一件 事 呢 好 為 難 ， 你 要 幫 我 想個 法子 至 得 。
楊溢之 拍 下 心口 ， 佢 話 ： 兄弟 有 咩 事 ， 阿珂將 呢 條命 交 咗 畀 你 㗎 喇 ， 只要 你 吩咐 ， 冇 話 唔 聽 嘅 。
多謝 晒 。
不過 呢 件 事 呢 講難 唔 難 ， 講易 ， 亦 係 十分 唔 容易 就 係 喇 。
兄弟 你 講出 嚟 啦 ， 我 幫 你 諗 下 。
如果 阿珂 做 唔 了 嘅 ， 我 去 求 我 哋 王爺 。
幾萬 兵馬 、 幾百萬兩 銀 ， 都 調動 得出 嚟 嘅 。
千軍萬馬 、 金山 銀山 都 係 冇 用 嘅 。
我話 你 聽 啦 ， 係 我 師姐 ， 佢 被 逼 同 我 拜堂 成親 ， 個心 呢 就 好 唔 願意 嘅 。
最好 呢 你 有 咩 好 法子 ， 幫 我 生米煮成熟飯 ， 搞 到 佢 木已成舟 就 妥 喇 。
楊溢之 忍 唔 住 好笑 喇個 心 諗 ：
哦 原來如此 ， 我仲以 為 係 咩 嘢 大事 添 ， 原來 不過 係 要 對付 一個 小姑娘 啫 。
不過 你 係 太監 啊點 能夠 娶 老婆 呢 ？
啊 係 喇 係 喇 ， 聽講 明朝 太監 有 好多 都 娶 幾個 老婆 嘅 ， 兄弟 怕 係 學下 人 ， 過下 乾癮 啦 。
想到 佢 自 細 就 淨 咗 身 ， 個心 不禁 難過 嘞 。
佢 拖住 韋小寶 隻 手話 ： 兄弟 ， 人生在世 唔 能夠 事事 都 咁 順遂 嘅 。
古往今來 大 英雄 、 大豪傑 ， 個身 有 缺陷 嘅 人 極 多 ， 亦 不必 介意 嘅 。
我 哋 返入 去 咯 。
韋小寶 話 ： 好 。
於是 大講 特講 蠻 話 ， 噔 噔 聲 就 跑 翻入 祠堂 。
楊溢之 啊 揸 住 刀 追住 去 ， 亦 係 大 講蠻 話 啊 。
一入 到 大廳 ， 就將 韋小寶 一手 捉住 。
兩個 人 你 一句 希里 呼嚕 ， 我 一句 阿依 巴拉 ， 講到 冇 停口 ， 一面 呢 指下 吳立身 又 指住 阿 珂 。
吳立身 同 阿 珂 佢 哋 又驚又喜 ， 當堂 個心 有 咗 希望 喇 。
都 喺 處 諗 ： 好 彩 佢 懂得 蠻子 話 ， 能夠 講到 啲 蠻子 收兵 返去 就 好 喇 。
楊溢之 舉起 一把 刀 ， 對準 阿珂 個頭 頂話 ： 女人 ， 唔 好 ， 殺 喇 ！
韋小 連忙 話 ： 老婆 ， 我 嘅 ， 唔 殺 。
老婆 ， 你 嘅 ， 唔 殺 ？
韋小寶 猛 咁 岌頭 話 ： 老婆 ， 我 嘅 ， 唔 殺 ！
老婆 ， 你 嘅 ， 唔 殺 ， 殺 你 。
好 吖 ， 老婆 ， 我 嘅 ， 唔 殺 ， 殺 我 。
楊溢之 呼 噉 一刀 ， 斬落 韋小寶 心口 。
呢 一刀 劈落 去 嘅 時候 ， 刀聲 呼呼 ， 力量 極大 。
但 係 刀鋒 一 碰到 韋小寶 個身 呢 ， 即刻 收力 ， 手腕 一抖 ， 把 刀 啊 反彈 轉頭 。
佢 詐 假意 大吃一驚 ， 跳 起 嚟 連斬 三刀 。
喺 韋小寶 衫 襟 上 便 呢 ， 割爛 咗 三條 罅 ， 佢 大聲 話 ： 你 ， 菩薩 ， 殺 唔 死 嘅 。
韋小寶 岌下頭 話 ： 我 ， 菩薩 ， 殺 唔 死 嘅 。
楊溢之 戙 起 手指 公 話 ： 你 ， 菩薩 ， 唔 係 嘅 ， 大 英雄 ， 係 嘅 。
又 指下 吳立身 佢 哋 話 ： 漢人 ， 殺 喇 ？
韋小寶 耍 下手 話 ： 朋友 ， 我 嘅 ， 唔 殺 ！
楊溢之 岌下頭 ， 問阿珂話 ： 你 老婆 ， 大 英雄 嘅 ？
阿珂 見到 佢 揸 住 把 擸 擸 亮 嘅 鋼刀 ， 想要 否認 又 唔 敢 噃。
楊溢之 一刀 劈落 去 ， 將 一張 供桌 劈開 兩邊 ， 喝 佢 話 ： 老公 ， 你 嘅 ？
噉 啊 指住 韋小寶 。
阿珂 冇 法子 嘞 ， 唯有 低聲 話 ： 老公 ， 我 嘅 。
楊溢之 哈哈大笑 ， 捉住 阿珂 ， 送到 韋小寶 面前 話 ： 老婆 ， 你 嘅 ， 抱抱 。
韋小寶 將阿珂 緊緊 噉 抱住 話 ： 老婆 ， 我 嘅 ， 抱抱 。
楊溢之 指住 鄭克 塽 問 ： 個 仔 ， 你 嘅 ？
韋小寶 擰 頭話 ： 個 仔 ， 我 嘅 ？ 唔 係 ！
楊溢之 大叫 幾句 蠻話 ， 捉住 鄭克 塽 趯 咗 出去 ， 噉 跟 住 連聲 呼嘯 。
佢 手下 從人 一擁 而 出 啊 ， 只 聽見 馬蹄聲 𠽤 力 𡃈 嘞 𠽤 力 𡃈 嘞 走 咗 咯 。
阿珂 冇 咁 驚 嘞 ， 見 韋小寶 雙手 仍然 抱住 自己 條腰 唔 放 ， 佢 就 話 ： 放開手 啦 。
韋小寶 話 ： 老婆 ， 我 嘅 ， 抱抱 。
阿珂 又醜 又 嬲 ， 噉 啊 出力 掙扎 ， 整 甩 佢 雙手 。
韋小寶 執起 地下 一把 鋼刀 ， 將 吳立身 佢 哋 嘅 綁繩 都 割斷 咗 。
吳立身 話 ： 呢 啲 蠻子 武功 啊 好 使得 㗎 ， 好彩 新郎官 會 講蠻 話 ， 又 練 咗 金鐘罩 鐵布衫 功夫 ， 刀槍 唔 入 ， 噉 至 救 到 大家 咋 。
韋小寶 話 ： 呢 啲 蠻子 嘅 武功 雖然 係 高 ， 不過 頭腦 啊 就 好笨 㗎 ， 我亂 噏 一通 ， 佢 哋 都 信 晒 喎 。
阿珂話 ： 鄭公子 畀 佢 哋 捉 咗 去 啊 ， 要 救 翻 佢 至 得 啊 。
嗰 個 假 新娘 啊 突然 間 大叫 ： 哎呀 ， 我 老公 畀 蠻子 捉 咗 去 啊 ， 實 係 要 煮熟 嚟 食 喇 ， 啊 哈哈哈哈 。 放聲大哭 。
吳立身 向 韋小寶 拱手行禮 話 ： 請教 英雄 高姓大名 啊 。
韋小寶 話 ： 不敢 ， 在 下 姓 韋 。
韋相公 同韋家 娘子 今日 成親 ， 一 啲 小小 賀儀 ， 不成敬意 。
講完 ， 喺 身邊 攞 咗 兩錠 小小 嘅 金元寶 出 嚟 。
韋小寶 話 ： 多謝 晒 。 噉 啊 接 咗 兩錠 金元寶 。
阿珂 就 激到 面 都 紅晒 ，𨂽 住 腳話 ： 唔 係 㗎 ， 唔 算數 㗎 。
吳立身 笑 住 話 ： 你 哋 天地 都 拜過 咯 ， 你 先頭 同 嗰 個 蠻子 話 ， 老公 ， 我 嘅 ， 你點 能夠 賴 㗎 ？
好 喇 ， 新郎新娘 洞房花燭 ， 我 哋 唔 打擾 喇 。
一 揮手 ， 同敖彪 等 人 啊 大踏步 出 咗 祠堂 。
霎時之間 ， 一座 祠堂 裏 便 靜英英 渺無 人聲 。
阿珂 又 怕 ， 又醜 又 嬲 ， 向 韋小寶 偷偷 噉 睇 咗 一眼 。
想起 自己 講過 老公 ， 我 嘅 呢 句 説 話 ， 突然 間 趴 喺 枱 上面 喊 起 嚟 ， 佢 話 ：
都 係 你 唔 好 ， 都 係 你 唔 好 。
韋小寶 話 ： 係 咯 ， 都 係 我 唔 好 咯 。
幾時 我 再 諗 個 法子 救翻 鄭公子 出 嚟 啊 ， 你 就 話 我 好 喇 。
阿珂擔 高頭 話 ： 你 ， 你 救 得到 佢 出 嚟 咩 ？
喺 燭光 掩映 之下 ， 阿珂塊 面 有 幾滴 淚珠 ， 嘩 ， 真 係 靚 到 沊 聲 。
韋小寶 不由得 睇 到 傻 晒 ， 唔 識 回答 。
阿 珂 掹 下 佢 衣襟 佢 話 ： 我問 你 啊 ， 點去 救 鄭公子 啊 ？
韋小寶 噉 先至 驚覺 ， 噉 啊 歎 咗 口氣 話 ：
唉 ， 嗰 個 蠻子 頭頭 話 ， 佢 哋 出 嚟 一趟 唔 能夠 空手 返去 喎 ， 實要 捉 個人 返去 山洞 ， 煮 嚟 大家 食 喎 。
阿珂 驚叫 一聲 話 ： 吓 ， 叫 嚟 大家 食 啊 ？
係 啊 ， 佢 哋 本來 話 你 細皮 白肉 ， 最好 味 㗎 ， 要 捉 你 去 食 啊 。
噉 我 話 你 係 我 老婆 ， 噉 佢 哋 就 放過 咗 你 喇 。
哎呀 鄭公子 畀 佢 哋 捉 咗 去 ， 豈不是 畀 佢 哋 煮 ， 煮 。
係 吖 ， 除非 我 自告奮勇 ， 去 畀 佢 哋 食 ， 噉 啊將 鄭公子 換翻 出 嚟 啦 。
噉 你 就 去 喚 佢 出 嚟 啦 。
呢 句 説 話 一 出口 ， 就 知道 講錯 咗 嘞 ， 塊面 一紅 ， 耷低 個頭 。
韋小寶 嬲 嘞 ， 佢 諗 ：
衰女 你 嘩 ， 睇 得 老公 半文 錢 唔 值 ， 寧可 等 啲 蠻子 將我 煮 嚟 食 ， 救翻 你 個 姦夫 出 嚟 。
就 冷冰冰 噉 話 ： 就算 換 翻 佢 出 嚟 呢 ， 噉 都 冇 用 㗎 喇 。
阿珂話 ： 點 ， 點解 冇 用 啊 ？
鄭公子 已經 同 鄉下 姑娘 拜堂 成親 ， 你 都 親眼見到 㗎 啦 。
佢 已經 有 咗 名 媒正 娶 嘅 老婆 咯 ， 木已成舟 ， 你 亦 嫁 佢 唔 到 㗎 喇 。
嗰 啲 係 假 㗎 。
好 啦 好 啦 ， 你 要 我換 我 就 去換 啦 。
就 係 唔 知道 蠻子 嘅 山洞 喺 邊 處 唧 ， 哼 ， 我 哋 行 喇 。
阿珂 默默 噉 跟 住 佢 行 出 祠堂 ， 怕 一句 説 話 講錯 佢 又 唔 肯 去 換 鄭公子 嘞 。
出 到 大路 ， 只見 鄭家 班 隨從 挽住 燈籠 ， 圍埋 一堆 喺 度 大聲 講 嘢 。
兩個 人行 埋去 ， 鄭府 班 隨從 話 ： 陳姑娘 嚟 喇 ， 我 哋 公子 呢 ， 我 哋 公子 呢 ？
一便講 ， 一便 快步 迎 上 嚟 。
人叢 之中 有個 身材 瘦削 嘅 人影 ， 突然 一晃 走過 嚟 ， 身法 啊 快 到極 。
韋小寶 雙眼 一花 ， 就 見 呢 個人 嚟 到 面前 嘞 。
聽見 有 個人 問 ： 我 哋 公子 喺 邊 處 啊 ？
呢 個人 背住 燈光 ， 韋小寶 睇 唔 清 佢 塊 面 ， 個心 一驚 咪 退後 兩步 囉 。
點 知 佢 退後 兩步 ， 嗰 個人 跟 住 上前 兩步 ， 仍然 係 同 佢 面對面 噉 企響 處 ， 距離 唔 到 一尺 。
又問 ： 我 哋 公子 喺 邊 處 啊 ？
阿珂話 ： 佢 ， 佢 畀 蠻子 捉 咗 去 啊 ， 要 ， 要 煮 佢 嚟 食 啊 。
嗰 個人 話 ： 中原 地方 ， 有 咩 嘢 蠻子 呢 ？
係 真 嘅 蠻子 啊 ， 快 啲 ， 誒 快 啲 想法子 救 佢 啦 。
去 咗 幾耐 啊 ？
冇 幾耐唧 。
只見 嗰 個人 身體 突然 飛 起 ， 向後倒 跳 ， 落 嚟 嘅 時候 ， 啱 啱 騎 喺 匹 馬 嘅 鞍 上 ， 雙腳 一挾 ， 嗰 匹 馬 飛馳而去 啊 ， 一陣 間 就 唔 見 咗 咯 。
韋小寶 同阿珂 你 睇 我 我 睇 你 ， 一個 吃驚 啊 一個 歡喜 。
眼見 呢 個人 武功 咁 高 身法 咁 快 ， 個心 啊 非常 欽佩 啊 。
阿珂話 ： 唔 知 呢 位 高人 係 邊個 呢 ？
嗰 個 年老 隨從 話 ： 佢 係 公子 嘅 師父 馮錫范 ， 外號 一劍 無血 。
馮師傅 天下無敵 ， 而家 去 救 公子 啊 ， 一定 馬到成功 嘅 。
韋小寶 同阿珂 都 話 ： 原來 係 佢 啊 。
阿珂 又 話 ： 既然 係 馮師傅 嚟 到 咯 ， 你 哋 點解 唔 請 佢 即刻 去 嗰 便 祠堂 救 公子 呢 ？
一名 隨從 話 ： 馮師傅 啱 啱 嚟 到 啫 嘛 ， 佢 接到 我 哋 飛鴿傳書 ， 漏夜 喺 河間 府 趕 嚟 㗎 。
韋小寶 話 ： 馮師傅 喺 河間 府 ， 點解 我 哋 冇 見到 佢 嘅 ？
班 隨從 你 望 我 我 望 你 ， 都 唔 回答 。
嗰 個 隨從 知道 失言 喇 就 耷低 個頭 。
韋小寶 心 諗 ： 原來 台灣 鄭家 喺 殺 龜 大會 上 ， 暗伏 高手 一直 就 冇 露面 。
等到 呢 個 衰仔 畀 人 捉 咗 去 喇 ， 噉 先 至 趕 嚟 救 佢 。
韋小寶 啊 捻 下 自己 嘅 面 珠 佢 話 ：
肉 啊 肉 ， 有人 去 救 鄭公子 喇 ， 你 就 唔 使 去 換 嗰 個 心肝寶貝 畀 咗 蠻子 食喇 。
阿珂塊 面一紅 ， 想講 幾句 説 話 解釋 。
佢 轉念 又 諗 ： 都 唔 知道 馮師傅 單槍匹馬 ， 打 唔 打得過 咁 多 蠻子 嘅 。
韋小寶 見到 佢 想 講 又 唔 講 ， 估到 佢 心思 喇 就 話 ：
你 放心 啦 ， 馮師傅 救 佢 唔 到 ， 仍然 攞 我 個 臭 肉 去 換 你 個 心肝寶貝 就 係 喇 ， 大丈夫 一言既出 ， 嗰 隻 馬 難 追 。
阿珂話 ： 馮師傅 能夠 救 佢 翻 嚟 就 好 嘞 。
韋小寶 好 嬲 啊 ， 即刻 行開 ， 但 係 一 擸 眼見 到 佢 個 樣 ， 唉 個 心一軟 ， 又 轉身 行翻 嚟 坐 喺 路邊 。
阿珂 見到 佢 起腳 就行 ， 個 心急 嘞 ， 佢 諗 ：
如果 馮師傅 救 唔 到 鄭公子 ， 佢 又 走 咗 噉 邊個 去換 鄭公子 返 嚟 呢 ？
見 佢 翻 轉頭 坐低 噉 先至 放心 。
呢 個 時候 唔 敢 得罪 佢 嘞 ， 就 將個 身 挨近 佢 坐落 。
韋小寶 諗 ： 呢 個 時候 你 有求於 我 ， 唔 乘機 佔 啲 便宜 仲等 幾時 啊 ？
就 伸出 左手 攬住 佢 條 腰 ， 右手 啊 握住 佢 嘅 右手 。
阿珂 微微 掙扎 一下 就 唔 逳 嘞 。
嘿 ， 韋小寶 ， 歡喜 到 癲 喇 ， 佢 諗 ：
最好 嗰 個 姓 馮 嘅 呢 畀 楊大哥 佢 哋 殺 咗 永遠 唔 返 嚟 ， 我 就 噉 樣一 世人 坐 喺 處 等 。
佢 明知 阿珂 對 自己 一 啲 情意 都 冇 嘅 ， 早就 胸無大志 嘞 ， 只 係 望 就 噉 攬住 佢 坐 一世 ， 就 已經 心滿意足 ， 唔 望 其他 喇 。
唉 ， 不過 事與願違 呢 。
只 係 攬 咗 一陣 間唧 ， 就 聽見 大路 隱隱約約 傳 嚟 馬蹄聲 。
阿珂 跳 起身 佢 話 ： 鄭公子 返 嚟 喇 ！
蹄聲 越 嚟 越近 ， 已經 聽 出 兩匹馬 嘅 奔跑 聲音 。
韋小寶 話 ： 好 啦 ， 我 執翻 條命 喇 ， 唔 使 攞 去 送 畀 班 蠻子 食 嘞 。
噉 啊 兩匹馬 一先 一後跑 到 嚟 ， 眾 隨從 舉起 燈籠 照住 ， 一齊 歡呼 。
當先 一匹 馬上 便 正 係 鄭克 塽 。
佢 見到 阿珂 飛奔 過 嚟 ， 即刻 跳 落馬 ， 兩個 人攬 埋 一齊 ， 歡喜 到極 。
阿珂將 個頭 貼住 佢 懷抱 ， 喊住 話 ：
我怕 ， 怕 呢 啲 蠻子 將你 ， 將你 。
韋小寶 啊 本來 企 咗 起身 㗎 嘞 ， 見到 噉 嘅 情景 ， 個 心口 啊 ， 好似 畀 個 大 鐵錘 舂 噉 ， 一下 扽 翻 喺 度 ， 一陣 頭暈眼花 。
喺 個 心 處 發誓 嘞 ： 豈有此理 ！ 我 今生今世 娶 唔 到 你 個 衰女 做 老婆 ， 我 係 你 鄭克 塽 嘅 十七八代 臭孫 。
我 韋小寶 係 王九蛋 ， 王八蛋 再 加 一蛋 。
你 話 平常人 喺 噉 嘅 情景 之下 呢 ， 如果 唔 係 萬念俱灰 心傷 淚落 ， 就 係 決心 斬斷情絲 ， 另外 搵 過 一個 㗎 嘞 。
韋小寶 呢 ， 卻 係 天生 一股 光棍 爛仔 嘅 狠勁 韌勁 ， 面皮 又 厚 心腸 又 硬 。
佢 諗 ： 總而言之 ， 老子 呢 一 世人 呢 黐 實你 ， 陰魂不散 啊 死纏 到底 。
就算 你 嫁 咗 十八 嫁 ， 第十九 嫁仲 係 要 嫁 畀 老子 。
佢 喺 妓院 之中 長大 ， 見慣 咗 啲 妓女 迎新送舊 ， 亦 唔 以 為 一個 女子 啊 心有 別戀 係 咩 了不起 嘅 大事 。
咩 從一而終 啊 ， 堅貞 不二 啊 ， 佢 連 聽 都 冇 聽 過 啊 。
所以 只 係 難過 咗 一陣 間唧 ， 就 笑嘻嘻 噉 行過 嚟 話 ：
鄭公子 你 又 返 嚟 喇 ？ 你 個 身有 冇 畀 啲 蠻子 咬 甩 啲 咩 嘢 啊 ？
鄭克 塽 打個 特話 ： 咬 甩 咩 嘢 啊 ？
阿珂 亦 吃 咗 一驚 嘞 ， 猛 咁 望 下 鄭克 塽 ， 見 佢 五官 手指 都 喺 度 噉 先 至 放心 唧 。
嗱 各位 ， 欲知 後事 如何 ， 且 聽 下回分解 。
