前 文 再續 啊 書 接上 一回 啊 。
話説 嗰個 鄉下 女 喺 身邊 攞出 一隻 一百 兩 重 嘅 大銀元寶 ，佢 話 ：
佢 畀咗 隻 元寶 過 我 ，叫 我 聽 佢 説話 。
佢 話 ，佢 係 台灣 嚟 嘅 ，佢 阿爹 係 咩 王爺 喎 ，屋企 呢 有 金山 有 銀山 ，仲有 ，仲有 。
阿珂 呱 一 聲 尖叫 ，個 心 諗 ：
呢個 鄉下 姑娘 無 姿 無 色 ，點 會 捏造 吖 ？梗係 鄭克塽 真係 噉 講過 定 喇 。
唉 個 心 啊 激到 乜嘢 噉 。
鄭府 班 隨從 呢 亦 都 信以為真 嘞 ，都 諗 呢個 鄉下 姑娘 ，身邊 亦 唔 會 有 呢 隻 大元寶 嘅 ，就 喝 佢 話 ：
行開啦 行開啦 ，你 攞咗 人哋 大元寶 嘞 仲 嘈 咩嘢 吖 ？唔好 擋住 條 路 喇 。
敖彪 大叫 話 ：唔得 ！
我 個 妹 畀 你哋 強姦 咗 ，叫 佢 以後 點樣 嫁人 啊 ？
你 非 娶 佢 不可 啊 ， 你 快 啲 跟 我 返去 ， 同 佢 拜堂 成親 ， 然後 帶 佢 去 台 灣 ， 拜見 你 爹娘 。
我個妹 係 好人 嘅 女 ，又 唔係 低三下四 嘅 賤人 ，唔通 係 要 咗 你 嘅 銀 嚟 賣身 嘅 咩 ？
佢 話 呢一百兩銀 要 嚟 做咩嘢 㗎 ？
最後 呢句 説話 呢 ，係 對 嗰個 鄉下 女 講 嘅 。
嗰個 鄉下 女 話 ：佢 話 ，佢 話 係 咩 嘢 聘禮 喎 ，又 話 要 叫 人 嚟 做 媒人 ，娶 我 做 老婆 ，帶 我 去 王府 做 咩 一品 夫人 喎 。
敖彪話 ：噉就係喇 。
嗱妹夫 ，我 同 你 講 喇 ，你 唔 同 我 妹 結婚 呢 ，想 就 噉 一走了之 啊 冇 咁 容易 ，快啲 跟 你 大舅 返 去 。
鄭克塽 嬲 到 極 喇 ，個 心 諗 ：
呢次 嚟到 中原 ，遇到 嘅 都係 唔順心 嘅事 ，連 呢啲 鄉下佬 都 莫名其妙 噉 搵到 我 。
攞起 馬鞭 ，啪噉 一聲 ，就 向 敖彪 頭上 擊落去 。
敖彪 大叫 話 ：哎吖 ！
雙手 攬住 個頭 ，倒撞 落馬 ，縮埋 一嚿 典 咗 幾 典 就 唔 逳 嘞 。
班 鄉下人 大叫 話 ：打死人 喇 ，打死人喇 。
個 鄉下 女 跳落 馬 ，攬住 敖彪 放聲 大哭 ，嗰 把 聲 啊 ，嘿 又 粗 又 啞 ，直情 好似 劏豬 噉 。
鄭克塽 吃咗 一驚 ，而家 身在 異鄉 ，自己 又 係 清廷 要 捉到 先至 甘心 嘅 人物 ，搞出咗 人命 喎 就 認真 唔掂 咯 。
即刻 喝話 ：大家 快啲 衝 ！一 提 馬韁 ，就 想 縱馬 逃跑 嘞 。
突然間 一個 鄉下人 飛身 跳起 ，喺 半空中 向 佢 撲落嚟 。
鄭克塽 左手 反手 一拳 ，向 佢 胸膛 打過去 。
嗰個人 捉住 佢 手腕 一扭 ，咵 一聲 ，手踭 甩臼 。
嗰個人 落 喺 佢 身後 馬鞍 上 便 ，右手 伸到 佢 小掩 ，摱住 佢 條 頸 ，係 擒拿 手法 中 一招 斜批 逆鱗 啊 。
嗰個人 手法 乾淨利落 ，把口 呢 大呼小叫 喎 ：
阿三 ，阿狗 ，快啲 嚟 幫忙 啊 ，我 ，我 ，我 畀 佢 打到 好 痛 啊 ，哎呀 嘩 好 痛 啊 ，呢個 僆仔 想 打死 我 啊 ，打死 我 喇 。
其實 鄭克塽 呢 全身 麻痹 ，已經 唔逳得 嘞 。
鄭府 眾 隨從 拔出 兵器 一齊 攻上嚟 。
沐 王府 呢 次 出 嚟 嘅 人數 雖然 唔 係 多 啊 ， 不過 個個 身手 都 唔 差 嘅 ， 舉起 鋤頭 鐵耙 ， 一陣 亂打 ， 將 本來 已經 受傷 嘅 眾 隨從 啊 趕開 。
嗰個 鄉下人 抱住 鄭克塽 趢咗 落馬 ，大聲 噉 叫 ：阿花 ，快啲 嚟 捉住 你 老公 ，唔好 畀 佢 逃走咗 啊 。
嗰個 鄉下 姑娘 笑住 話 ：佢 走唔甩 嘅 。一 跳 跳上去 ，將 鄭克塽 抱 到 實一實 。
韋小寶 呢陣時 先至 睇出 ，呢個 鄉下 姑娘 原來 係 男扮女裝 ，唔怪得 醜樣 到 噉 啦 。
佢 亦 係 沐 王府 嘅 人物 ， 佢 抱住 鄭克 塽 ， 使 嘅 亦 係 擒拿 手法 啊 。
阿珂話 ： 師父 ， 師父 啊 ， 佢 哋 捉 咗 鄭公子 喇 ， 噉 點算 啊 ？
九難擰擰頭話 ：呢個 鄭公子 行為 不端 ，受 啲 教訓 對於 佢 都 唔係 冇益 嘅 。
呢啲 鄉下人 亦 唔會 殺 佢 嘅 。
九難 瞓 喺 大車 裏 便 靜養 ，只係 聽見 車外 嘈吵 ，就 冇 見到 沐王府 班人 逳手 嘅 情形 ，否則 以 佢 嘅 眼光 ，一 見到 呢啲 人 嘅 身法 ，梗係 會 識穿 嘅 。
阿珂 話 ：呢班 鄉下人 啊 好似 都 係 會 武功 㗎 。
韋小寶 話 ：武功 就 唔會 嘅 ，蠻力 呢 認真 唔 細 就 真 。
敖彪 喺 地下 躝 翻 起身 ，佢 話 ：你 阿爺 吖 ，爭啲 打死 你 老子 啊 。
一個 鄉下人 笑住 話 ：喂喂喂 ，係 大舅 啫嘛 ，點會 係 老子 唧 ？
敖彪話 ：好 ，捉住 呢個 僆仔 ，大舅 既然 冇死 喇 ，就 唔使 佢 填命 喇 。
我 個 妹 終身 有 靠 ，捉 佢 返 去 拜堂 成親 啦 。
眾鄉人 就 歡呼 大叫 話 ：飲 喜酒 咯 ，飲 喜酒 咯 ！
將 鄭府 隨從 啲 馬匹 一齊 牽埋 ，噉 擁住 鄭克塽 ，上馬 向住 來路 返去 嘞 。
鄭府 隨從 啊 大聲 咁 叫住 猛追 ， 眼見 一班人 騎馬 絕塵而去 ， 噉 徒步 又點 追 得到 呢 ？
韋小寶 笑嘞 ：鄭公子 喺 呢處 招親 ，哈 真係 好嘢 噃 ，原來 呢度 嘅 地名 叫做 高老莊 喎 。
阿珂 又 驚 又 嬲 早就 冇晒 主意 嘞 ，噉 佢 問 ：呢處 叫做 高老莊 咩 ？
係啊 ，西遊記 裏 便 唔係 有 一回 書 叫做 豬八戒 高老莊 招親 嘅 咩 ？
你 先至 係 豬八戒 啊 。
挨 喺 路邊 一樖 樹 上 喊 嘞 。
韋小寶 話 ：師姐 ，鄭公子 娶 老婆 噃 ，係 做 喜事 啊 ，點解 你 反而 喊 嘅 ？
阿珂 又 想 鬧 佢 ，轉念 一 諗 ：
呢個 古惑仔 神通廣大 ，只有 𠼮佢 幫手 先至 能夠 救得 鄭公子 返嚟 嘅 ，就 喊住 話 ：
師弟 ，你 想 個 法子 救 佢 脱險 啦 。
韋小寶 擘大 雙眼 ，整成 好 驚奇 噉 話 ：
你話 救佢 脱險 啊 ？哼 ，佢 又 冇 打死人 ，唔會 要 佢 填命 嘅 。
阿珂 話 ：你 冇 聽見 咩 ？嗰啲 人 要 逼 佢 同 嗰個 鄉下 姑娘 拜堂 成親 吖 嘛 。
拜堂成親 ？好到極啦 。
我 就 想 同 你 拜堂 成親 ，可惜 你 唔肯 唧 。
哎呀 人哋 都 急死 喇 ，仲 喺 處 講埋晒 呢啲 嘢 咁 無聊 ，睇 我 以後 仲 睬唔睬 你 吖嗱 。
師父 都 話過 咯 ，鄭 公子 品行 唔好 ，等 佢 吃 啲 苦 好 有益處 㗎 。
何況 拜堂 成親 又唔係 吃苦 ，鄭公子 實係 好開心 定嘞 。
如果唔係 ，尋晚 佢 又 點 會 去 搵 嗰個 姑娘 ，同 佢啊 講 東 講西 、不三不四 唧 ？
你 先至 係 講 東 講 西 、不三不四 啊 。
呢一日 ，阿珂 一路上 啊 故意 整啲事 出嚟 ，耽擱 時間 。
打尖嘅時候 ，喺 騾仔 隻 腳 處 斬咗 一刀 ，騾仔 行得 蒯下蒯下 ，行得 好慢 ，只係 行咗 十幾里 路唧 ，就 喺 一個 市鎮 停低住 客店 嘞 。
韋小寶 知道 佢 夜晚 ，一定 會 趕去 救 鄭克塽 嘅 ，所以 食完 晚飯 ，等 客店 啲 人 都 瞓晒 喇 ，就 行去 馬棚 裏 便 ，搵 個 草堆 瞓低 。
果然 上下 到 初更 時候 ，就 聽見 腳步聲 ，有 個 黑影 嚟到 馬棚 牽 馬 。
韋小寶 低聲 噉 叫 ：有人 偷 馬 。
嗰個人 係 阿珂 啊 ，聽見 人 嗌 嚇佢 一 驚 ，轉身 就 想 逃走 嘞噃 。
不過 佢 即刻 就 聽清楚 係 韋小寶 把 聲音 ，就 問 ：小寶 ，係 你 啊 ？
嘿嘿嘿 ，梗係 我 啦 。
你 喺度 做 咩嘢 啊 ？
山人 神機妙算 ，估到 有人 今晚 實要 做 偷馬賊 嘅 ，所以 就 喺度 等住 捉 賊 囉 。
哎呀 小寶 ， 你 陪 我 一齊 去 ， 去 救 佢 返 嚟 啦 。
韋小寶 聽見 佢 好聲好氣 噉 𠼮 自己 ，成個人 都 軟晒 嘞 佢 笑住 話 ：
噉 如果 救翻佢 出嚟 ，有 咩 獎賞 先 ？
阿珂 話 ：你 要 咩嘢 都 。
佢 本來 想 話 你 要 咩嘢 都 可以 噉 ，不過 佢 諗 ：
呢個 蠱惑仔 ，實係 要 我 嫁 佢 嘅 ，噉 點 可以 唧 ？
所以 一句 説話 都 未 講完 就 改口 話 ：
你 ， 你 硬 係 想法子 嚟 欺負 我 ， 從來 都 唔 肯 真心 幫 我 嘅 。
講到 呢處 嗚嗚噎噎 就 喊起上嚟 。
佢 喊 就 唔係 假 嘅 ，只不過 個 心 所 想到 嘅 呢 ，卻係 鄭克塽 嘅 輕薄 風流 ，以及 佢 身陷 險境 又 唔知 拜咗 堂 成咗 親 未 唧 。
韋小寶 畀 佢 噉樣 一喊 ，心腸 當堂 就 軟翻 ，佢 話 ：唉 好喇 好喇 ，我 陪 你 去 就 得嘞啩 ？
阿珂 好 歡喜 嘞 抽抽噎噎 噉 話 ：多謝 ，多謝你 喇 。
多謝 就唔使 多謝 ，就係 唔知道 高老莊 喺 邊度 唧 。
阿珂 打個特 ，跟住 就 明白 喇 ，佢 話 高老莊 呢 ，仲 係 喺度 鬧 鄭克塽 ，就 低聲 話 ：
我哋 一路 搵 過去 就係 啦嘛 。
噉 兩個人 靜靜 開咗 客店 後門 ，牽住 馬 出去 ，然後 騎 上 馬 ，喺 原來 條 路 跑 翻轉頭 。
韋小寶 話 ：鄭公子 到底 有 咩嘢 咁好 啊 ？你 咁 鐘意 佢 唧 ？
阿珂話 ： 邊個 話 鐘意 佢 唧 ？ 不過 ， 不過 大家 相識 一場 ， 佢 有 難 咯 ， 噉 梗 係 要 救 佢 㗎 嘛 。
你 話 啦嗱 ，如果 有人 捉咗 我 去 拜堂 成親 ，你 會 唔會 救 我 呢 ？
你好靚咩 ？邊個 會 捉 你 去 拜堂 成親 啊 ？
唉 ，你啊 睇 我 唔順眼 啫 ，講唔定 有 邊個 姑娘 ，睇 我 好 英俊 、好 威 呢 ？
噉 真係 謝天謝地 喇 ，免致 你 成日 陰魂不散 噉 纏住 我 。
好 ，你 咁 冇 良心 係嘛 ？如果 有人 捉咗 你 去 拜堂 成親 ，我 亦 唔 救 你 啫 。
阿珂 微微 有啲 驚嘞 ，佢 諗 如果 真係 遇上 噉 嘅 事 ，唔 要 佢 救 就 唔得 㗎 噃 ，佢 話 ：
你 一定 會 嚟 救 我 嘅 。
點解啊 ？
人 哋 欺負 我 ， 你決 唔 會 袖手旁觀 㗎 ， 邊個 叫 你 係 我 師弟 呢 ？
呢 句 説 話 韋小寶 聽 在 耳 啊 ， 吖 ， 個心 啊 都 唔 知幾甜 。
正喺度傾緊 ，就 已經 跑到 日頭 同 沐王府 群雄 相遇 嘅 地方 ，只見 路邊 十幾個人 坐 喺 地下 ，隻手 挽住 燈籠 ，原來 係 鄭府 嘅 隨從 。
阿珂勒 停 隻 馬 問 佢哋 ：鄭公子 呢 ？
眾隨從 企起身 ，有 個人 苦瓜 噉 面 話 ：喺 嗰便 祠堂 裏 便 。
講完 向 住 西北角 一 指 。
阿珂 問 ：祠堂 ？做咩嘢 啊 ？
嗰個 隨從 話 ：嗰啲 鄉下佬 請咗 公子 去 ，夾硬 要 佢 拜堂 成親 ，公子 唔肯 ，佢哋 就 拳打腳踢 ，好惡 㗎 。
你哋 ，哼 ，你哋 都係 高手 ，點解 連 幾個 鄉下佬 都 打唔過 唧 ？
班隨從 十分 慚愧 ，都 耷低 個 頭 嘞 。
有個人 話 ：嗰啲 鄉下佬 啊 ，都 會 武功 㗎 。
阿珂 好嬲 噉話 ：人哋 有 武功 ，你哋 就 連 主人 都 唔顧 喇 係嘛 ？
我哋 要 去 救人 ，你哋 帶路 啦 。
一名 年紀老 嘅 隨從 話 ：嗰啲 鄉下佬 話 ，我哋 如果 再 去 啰嗦 呢 ，就 劏晒 我哋 啊 。
劏唔係劏 ，怕咩嘢啊 ？
郡王 要 你 哋 保護 公子 ， 你 哋 就 噉 貪生怕死 。
嗰個 隨從 話 ：係 ，係 ，誒 最好 ，誒 最好 請 姑娘 唔好 騎馬 ，畀 佢哋 知道 咗 就 唔好 㗎 喇 。
阿珂 哼 咗 一聲 ， 同 韋小寶 一齊 跳 落馬 ， 將馬 綁 喺 路邊 樖 樹上 。
噉嗰班隨從呢 ，就 放低 燈籠 ，帶住 兩個人 向 西北 方便 行過去 。
行咗 里 幾 遠 ，穿過 一座 樹林 ，一笪 墳地 ，就 嚟到 七八 間 大屋 外 便 嘞 ，屋 裏頭 傳嚟 一陣陣 鑼鼓 喧鬧 嘅 聲音 。
阿珂 個 心 好 焦急 ，佢 諗 ：佢 真係 拜堂 囉 ？
佢 拉 一拉 韋小寶 衫袖 快步 行過去 ，繞 到 去 間 屋 嘅 旁邊 ，見到 有 道 門 打開 一半 嘅 ，望 入去 黑𠵼𠵼 冇 人 。
噉佢 同 韋小寶 縮咗 入去 ，跟住 鑼鼓聲 嚟到 大廳 ，踎低 喺 窗罅 裝入去 咯喎 。
一見到 廳裏 便 嘅 情景 ，阿珂 就 急到 不得了 ，韋小寶 就 開心 咯 。
只見 鄭克塽 頭上 啊 插咗 幾朵 紅花 ，同 一個 褸住 條 紅頭巾 嘅 女子 ，打 對面 企 響 處 。
廳上 點咗 好多 蠟燭 ，非常 光猛 ，幾個 鄉下佬 敲鑼打鼓 喺度 柴 高興 。
吳立身 話 ：再拜啦 ，再拜啦 。
鄭克塽話 ：天地 都 拜過 喇 ，仲 拜 咩嘢 啊 ？
阿珂 一聽 ，激到 爭啲 暈啊 。
吳立身 擰住 個 頭 話 ：我哋 呢處 個 規矩 呢 ，新郎 要 向 新娘 啊 拜 一百 次 嘅 ，你 只係 拜咗 三十 次 啫 嘛 ，仲 要 拜 七十 次 至 係 。
敖彪 喺 鄭克塽 𦣇 柚 踢 咗 一 腳 ，鄭克塽 企 都 企唔穩 喇 ，就 跪 低 。
敖彪 又 撳住 佢 個 頭 ，喝 佢 話 ：
你 今日 做 新郎哥 ，再 叩 幾個 頭 有 乜 緊要 呢 ？叩啦 。
韋小寶 知道 佢哋 係 喺度 拖延 時間 等 自己 嚟 嘅 。
呢種 好戲 啊 ，一世人 難得 有 幾多次 睇 嘅 ，不妨 睇多一陣 喇 ，佢 就 唔 心急 入去 救人 。
阿珂 就 忍耐唔住 喇 ，嘭 一聲 踢開 屏風門 ，揸住 把 單刀 跳入去 ，佢 話 ：
快啲 放開 佢 ，否則 本姑娘 一個個 殺咗 你哋 。
吳立身 笑住 話 ：姑娘 ，你 係 嚟 飲 喜酒 㗎 嘛 ，點解 動刀動槍 㗎 ？
阿珂 行 上一步 ，揮刀 對住 敖彪 斬過去 。
敖彪 又 急忙 跳開 ，攞起 身後 嘅 轎凳 嚟到 同 佢 打 。
阿珂 雖然 係 冇 內力 啊 ， 之 武功 招數 都 幾 精奇 嘅 ， 敖 彪 嘅 轎 凳 唔 順手 ， 畀 佢 逼 到 啊 猛 咁 向 後 褪 。
吳立身 笑住 話 ：哈 ，都 幾 使得 噃 。
噉啊 叫 敖彪 行開 ，自己 同 佢 打 。
佢 嘅 武功 比起 敖彪 呢 就 高明 得多 喇 ，就係 以 一 對 肉掌 ，喺 佢 單刀 之間 穿嚟 插去 。
鄭克塽 跳起身 想要 幫佢 ，點知 背脊 畀 人哋 𢱕咗 兩拳 ，打低 喺 地 。
阿珂 拆 咗 七八招 ， 睇 白 唔 夠打 㗎 喇 就 叫 ： 師弟 ， 師弟 啊 ， 快 啲 嚟 。
誰知 聽見 韋小寶 喺 窗外 大叫 ：嘩 ，咁厲害 係嘛 ？老子 同 你 搏過 。
又 聽見 拳打腳踢聲 ，顯然 係 韋小寶 正在 同人 惡鬥 。
吳立身 聽見 韋小寶 嚟到 唄 ，連忙 打個眼色 ，喝話 ：咩人啊 ？
佢 兩 名 弟子 衝 上嚟 ，使開 兵器 ，同 阿珂 嘅 柳葉刀 對打 。
吳立身 行到去 大廳 ，只要 韋小寶 一個人 ，正在 將 屏風 踢到 乒乒乓乓 ，邊度 有人 同 佢 逳手 唧 ？
吳立身 係 爭啲 笑出聲 啊 ，佢 話 ：大家 停手 ！
喂 ，你 個 細路 喺 呢處 做 咩嘢 啊 ？
韋小寶 話 ：我 師姐 叫 我 嚟 救人 ，你哋 快啲 放人 啊 ！
哎呀 弊喇 ，你 呢個 鄉下佬 武功 咁 使得 㗎 。
一便 叫 一便 走 出去 門口 ，吳立身 就 笑住 追 出去 。
出到去 祠堂 外 便 喇 ，韋小寶 唔 走 喇 ，佢 話 ：
哎 二哥 ， 多謝 晒 你 哋 啊 ， 呢 件 事 啊 做得好 過癮 啊 。
吳立身 話 ：嗰個 姑娘 就係 兄弟 嘅 心上人 啊 ？果然 武功 又 好 ，人品 又 ，誒 又 又 係 ，誒誒 唔錯 嘅 。
吳立身 性格 粗豪 ，見到 阿珂 咁 靚 ，亦 唔 以為 有 咩 了不起 ，但係 對 佢 嘅 招數 精妙 ，就 頗為 佩服 。
韋小寶 歎 一口氣 話 ：唉 ，可惜 佢 一心一意 就係 想 嫁畀 嗰個 衰仔 ，唔肯 嫁畀 我 呢 。
你哋 能夠 逼到 嗰個 衰仔 同 鄉下 姑娘 拜堂 成親 ，如果 逼到 佢 同 我 。
佢 靈機一動 就 話 ：二哥 ，唔該 你 幫忙 幫到底 喇 。
嗱 ，我 詐假意 畀 你 捉住 ，你 再 捉埋 嗰個 姑娘 ，逼 佢 同 我 拜堂 成親 ，你 話 好唔好 吖嗱 ？
吳立身 哈哈大笑 ，不過 猛咁 擰頭 佢 話 ：好 ，好極喇 。
啊 兄弟 你 唔 好 介意 ， 我 擰頭 係 習慣成自然 唧 ， 誒 不過 ， 誒 ， 不過 。
不過 點啊 ？
嗱 ，我哋 係 俠義道 ，開下 玩笑 係 可以 嘅 。
兄弟 你 唔好 多心 啊 ，二哥 有 乜 話 乜 ，貪花 好色 嘅 淫戒 ，千祈 唔好 犯 啊 。
噉啊梗係啦 ，佢 係 我 師姐 ，同 我 拜堂 成親 之後 呢 ，就係 我 名媒正娶 嘅 妻子 嘞噃 。
二哥 你 係 媒人 ，拜天地 就係 正娶 係唔係 ？又 唔係 採花 嫖 老舉 ，有 咩 貪花 好色 唧 ？
係啊 ，係啊 。
嗱 兄弟 你 應承 我 ，對 呢位 姑娘 呢 ，決唔好 做 啲 咩 唔合 俠義道 嘅 誒 嘅 壞事 噃 。
你 放心 啦 ，大丈夫 一言既出 ，嗰隻 馬 難追 。
哈哈哈哈哈哈哈 ，哎 我 知道 你 係 響噹噹 嘅 英雄 好漢 ，呢個 姑娘 嫁咗 畀 你 ，咪 真係 佢 嘅 福分 喇 。
你 係 媒人 ，呢 杯 喜酒 梗係 要 請 你 飲 嘅 。
多謝先喇 ，嗱 兄弟 ，我 要 逳手 咯喎 。
韋小寶 捩轉 雙手 話 ：唔使 客氣 。
吳立身 捉住 佢 雙手 嘅 手腕 ，大聲 話 ：睇 你 仲 走得去 邊 ？
噉啊 將 佢 推 入去 大廳 裏 便 。
只見 阿珂 把 單刀 已經 畀 人 打咗 落地 ，三件 兵器 啊 指住 佢 前心 後背 。
敖彪 等 人 雖然 將 佢 制 住 啊 ， 但 係 知道 佢 係 韋小寶 嘅 心上人 ， 一 啲 都 唔 敢 無禮 。
吳立身 解咗 條 腰帶 ，將 韋小寶 雙手 反綁 ，推 佢 坐 喺 張 椅 處 ，又 行過去 將 阿珂 亦 綁住 。
韋小寶 不停口 咁 鬧 。
吳立身 喝 佢 話 ：僆仔 ，你 再 鬧 一句 我 挖 咗 你 雙眼 核 。
韋小寶 話 ：我 偏偏 要 鬧 啊 ，死賊佬 ，臭賊佬 ！
阿珂 低聲 話 ：師弟 ，唔好 鬧 啦 ，免 吃 眼前 虧 啊 。
韋小寶 噉 先至 停嘴 。
吳立身 話 ：呢個 姑娘 都 幾 明白 道理 ，人品 亦 唔 錯 ，好 極 喇 。
我 有 個 細佬 仲 未 娶 老婆 嘅 ，今日 ，就 娶咗 佢 做 我 弟婦 啦 。
阿珂 吃咗 一驚 啊 連忙 話 ：唔得㗎 ，唔得㗎 。
點解唔得啊 ？大姑娘 總係 要 嫁人 㗎嘛 。
我 呢個 兄弟 係 個 英雄豪傑 ，又唔係 配唔上 你 ，點解 唔肯 啊 ？吖 真係 不惜 抬舉 啊 ，奏樂 。
噉敖彪嗰班人 就 攞起 鑼鼓 就 打起嚟 ，叮叮氹氹 啊 非常 熱鬧 。
阿珂 一世人 最 驚嘅 呢 ，怕係 呢趟 喇 ，佢 諗 ：
呢 個 鄉下佬 咁 粗魯 污糟 ， 佢 細 佬 亦 唔 會 好 得 幾多 嘅 。
如果 失身 畀 咗 呢個 鄉下佬 ，就算 即刻 自盡 啊 亦 嚟唔切 啦 。
佢 出力 噉 夾住 嘴唇 ，嚇到 連 説話 都 講唔出 嘞 。
吳立身 笑住 話 ：好極喇 ，你 應承喇 。
右手 一揮 ，班人 停咗 鑼鼓 。
嗱 各位 ，欲知 後事 如何 ，且 聽 下回 分解 。
