前 文 再續 啊 書 接上 一回 啊 。
話説 眾侍衛 打 鄭克塽 ，亦 打到夠嘞 ，聽 阿珂 話 有錢 還唄 ，就 停手 唔打 ，但 仍然 係 撳住 鄭克塽 唔放 。
阿珂 話 ：鄭公子 ，我 師弟 有 銀 啊 ，你 問 佢 借 嚟 還 債 啦 。
鄭克塽 啊 激到暈 咁滯 ，但係 見到 把 鋼刀 喺 面前 晃嚟晃去 ，怕 佢哋 真係 割 自己 耳仔 。
噉啊 雙眼 望住 韋小寶 ，露出 祈求 嘅 表情 。
阿珂拉一拉 韋小寶 嘅 衫袖 低聲 話 ： 就 借 畀 佢 啦 。
一名 侍 衞 冷笑 話 ： 嘿嘿 ， 一萬兩 銀 唔 係 小數目 噃， 無中 無保 ， 點 能夠 咁 容易 借 畀 人 啊 ？
呢呢個 僆仔 係 最鐘意 賴賬 㗎喇 ，大家 唔係 上咗 佢 當 咩 ？
另外一個人 話 ：除非 呢位姑娘 肯 擔保 啦 ，呢靚仔 如果 賴賬 唔還 ，就 叫 呢位姑娘 還 啦 。
嗰個 揸住 鋼刀 嘅 侍衞 大聲 話 ：
人哋 大姑娘 同 呢個 衰仔 無 親 無 故 ，點解 要 擔保 佢 啊 ？
如果 一萬 兩 銀 還唔出 ，除咗 攞 個 身 嚟 賠 ，嫁畀 呢個 小 財主 之外 ，仲有 咩 法子 啊 佢 ？
眾侍衛 齊聲 大笑話 ：哈哈哈 ，冇錯喇冇錯喇 ，呢個 辦法 十分 高明 啊 。
韋小寶 低聲 話 ：師姐 ，噉 唔得 嘅 你 聽 佢哋 噉 講 ，噉 你 唔係 好 委屈 ？
啪一聲 ，一名侍衞 又 重重 摑咗 鄭克塽 一巴 。
佢 嘅 手手腳腳 啊 畀 人哋 拉住 㗎 嘛 ，絕無 抗拒 之 力 。
一名 侍 衞 喝 佢 話 ： 出力 啲 打 ！ 打死 咗 佢 ， 呢 一萬兩 銀 啊 就算 掉 咗 落水 係 啦 。
呢啲 叫做 眼不見 心不煩 啊 。
噼噼啪啪 又 打起 上嚟 。
鄭克塽 大叫 話 ：唔好 打 喇 ，唔好 打 喇 ！
韋兄弟 ， 你 手頭 如果 有 銀 喺 度 ， 唔 該 借 一萬兩 畀 我 ， 我 ， 我 保證 一定 歸還 。
韋小寶 打斜 雙眼 望下 阿珂 ，佢 話 ：師姐 ，你 話 借唔借 啊 ？
阿珂啲眼淚啊 ，喺 眼眶 裏 便 轆嚟轆去 ，佢 哽噎住 話 ：借畀佢啦 。
一名 侍 衞 柴 高興 噉 話 ： 大姑娘 做 擔保 ， 噉 以後 大姑娘 嫁 畀 小財主 呢 ， 哈哈哈哈 ， 呢 個 衰仔 係 媒人 噃。
韋小寶 喺 身邊 攞出 一沓 銀票 ，揀咗 一萬兩 ，就 要 去 交換 鄭克塽 嘞 。
一轉念 ，將 銀票 交咗 畀 阿珂 。
阿珂 接咗 就 話 ：啲 銀 喺度 ，你哋 放開 佢 啦 。
眾侍衛 都 諗 ：先頭 韋副總管 講定 係 由 佢 出手 救人 嘅 ，而家 變成 使 銀 救人 ，唔知 啱唔啱 佢 心水 呢 ？
所以 仍然 捉住 鄭克塽 唔放 。
韋小寶 話 ：呢一萬兩銀 你哋 攞 去 分咗 佢 啦 。
豈有此理 你哋 呢班 龜蛋 ，快啲 同我 放人 。
眾侍衛 一 聽 ，歡喜 嘞 。
韋小寶 説話 嘅 意思 呢 ，顯然 係 將 呢一萬兩 銀 賞 咗 畀 佢哋 ，咪 即刻 放開 鄭克塽 。
阿珂 扶起 佢 ，將 銀票 交咗 畀 佢 。
鄭克塽 嬲 到 極 啊 ，隨手 接過 睇 都 唔 睇 ，就 交畀 身邊 一 名 侍衞 。
韋小寶 鬧 啲 侍衛 話 ： 你 哋 呢 班 龜 蛋 啦 ， 無 𪐀𪐀 將我 朋友 打成 噉 嘅 樣 ， 老子 唔 肯過 你 哋 。
阿珂怕 又 搞起 糾紛 嘞 連忙 話 ： 唔 好 鬧 喇 唔 好 鬧 喇 ， 我 哋 返 去 啦 。
韋小寶 話 ：呢件事 想起嚟 都 激親人 啊 ，欠債 還錢 啫嘛 ，唔係 還咗 囉 ？
噉 鄭公子 呢 一餐 打 ，唔係 白白 畀 人哋 打 ？
多隆哈哈大笑啊佢話 ：哈你個僆仔吖窮星啱啱甩 ，色心又起喇 。
佢 阿爺 嘩 ，你 挨住 人哋 大姑娘 做 咩嘢 啊 ？
一伸手 ，捉住 鄭克塽 嘅 後領 成個 扚起 佢 ，喺 空中 轉咗 兩個 圈 ，佢 話 ：
我 將 你 掉落 城牆 下 便 ，睇 你 係 生 定 死 至 得 。
慌到 鄭克塽 同 阿珂 啊 齊聲 大叫 。
多隆 將 鄭克塽 出力 喺 地 下 一扽 ，喝佢 話 ：
以後啊 ，唔准 你 同 呢位 姑娘 來往 。
人哋 好地地 嘅 姑娘 ，同 你 呢個 狂嫖 濫賭 、偷雞摸狗 嘅 衰仔 喺 一齊 ，陀 衰埋 人哋 啊 。
我同 你講 啊 ， 以後 我 再 見到 你 纏住 呢 位 姑娘 ， 老子 非 扭斷 你 嘅 狗頭 不可 。
講完 ，左手 揸住 佢 辮頭 ，右手 將 佢 條 辮 ，喺 手掌 繑 咗 兩 繑 ，深深 吸 一啖 氣 ，心口 當堂 唂到 大晒 。
手臂 上面 肌肉 凸起 ，一聲 猛喝 ：起 ！
雙臂 出力 向外 一分 ，啪 一聲 ，成條辮 喺 中間 畀 佢 掹開 兩 橛 。
嘩 啲 侍 衞 見到 佢 咁 大力 ， 當堂 彩聲 雷動 啊 。
多隆 嘅 氣力 本來 就 強 ，又 練咗 一身 外家 硬功 ，雙手 有 成千斤 之 力 。
好彩佢 左手 揸住 辮頭 ，否則 鄭克塽 呢條 辮 係 假 嘅 ，輕輕 一掹 ，就 揭露 佢 不遵 朝令 想 造反 嘅 大罪 嘞 。
多隆 拋咗 半橛辮 ，五隻 大蕉 噉嘅 手指 叉住 鄭克塽 條 頸 ，跟住 左手 呢 又 叉住 佢 條 後頸 雙手 漸漸 收緊 。
鄭克塽塊面啊漸漸唂到紅晒喇 ，收尾連條脷都伸咗出嚟 ，睇住就要窒息而死 。
十幾 名 侍衞 揸住 刀劍 ，圍住 兩個 人 ，唔 畀 阿珂 過去 救 佢 。
韋小寶 大叫 話 ：錢 都 還咗 你 仲 想 殺人 啊 ？
一衝過去 ，啪聲 一拳 ，打喺 一名 侍衞 嘅 小腹 上便 。
嗰個 侍衞 哎吖 一聲 ，一個 關斗𢴈 出去 ，手腳 亂咁 舞 ，躝唔 翻起身 。
韋小寶 雙拳 一招 雙龍 搶珠 ，向 多隆 打過去 。
多隆 兩隻 手 呢 正在 叉住 鄭克塽 條 頸 ，噉 就 難以 招架 ，當堂 中 拳 。
呢 一招 雙 龍搶珠 呢 本來 係 打 敵人 嘅 魂 精 嘅 ， 但 係 多隆 身材高大 啊 ， 韋小寶 呢 生得 矮細 ， 兩個 拳頭 都 打 喺 佢 小 掩 。
多隆詐假意發惡嘞鬧佢話 ：死仔吖老子叉死你 。
噉啊 放開 鄭克塽 ，同 韋小寶 鬥 起上嚟 。
韋小寶 使 開 喺 海 大富 同 澄觀 嗰 處 學 嚟 嘅 武功 ，身法 靈活 ，一招一式 ，都 好 巧妙 美觀 㗎 。
多隆 出拳 有風 ，一味 喺 佢 身邊 幾寸 嘅 地方 打過去 。
突然 打到 興起 嘞 ，飛腿 猛 踢 ，咵喇 一 聲 ，將 韋小寶 身邊 一樖 棗樹 踢斷 咗 ，噉 眾 侍衛 大聲 喝彩 啦 。
阿珂 見到 多隆 咁 厲害 ，怕 韋小寶 畀 佢 打死咗 ，就 話 ：師弟 唔好 打 喇 ，我哋 返去 啦 。
韋小寶 好 歡喜 啊 佢 諗 ：
佢 關心 起 我 嘞噃 ，個 衰女 吖 都 唔 係 冇 晒 良心 嘅 。
多隆 又試 一腳 ， 將 地下 一塊 斗 大 嘅 石頭 踢 到 飛起 ， 跌 咗 落 城頭 。
韋小寶 出招 呢 越嚟越快 嘞 ，啪 一掌 ，打正 對方 個 肚 。
多隆哇哇聲大叫啊 ，雙腳一彎就坐咗喺地 佢話 ：老子唔服啊 ，再嚟打過 。
噉啊 跳翻 起身 ，雙手 直上直下 噉 打過嚟 。
韋小寶 側身 閃避 ，多隆 一拳 ，打落 城牆 ，當堂 打甩 三塊 大青磚 。
喺 塵土 飛揚 之中 ，韋小寶 飛起 右腳 ，腳尖 仲 未 掂到 佢 個 身 唧 ，多隆 大叫 一聲 ，喺 城牆 上 瀡 咗 落去 ，跌 喺 城牆 腳 逳 都 唔 逳 。
韋小寶 大吃一驚 ，恐怕 真係 𢴈死咗 佢 ，哄 個 頭 望落去 睇下 。
多隆 擔 高頭 笑一笑 眨一眨眼 ，擺下 手 示意 唔緊要嘅 ，跟住 就 趴翻低 嘞 。
韋小寶 噉 就 放心 嘞 。
眾侍衛 都 驚晒噉 ，紛紛 走落 城頭 。
韋小寶 拉 一拉 阿珂 ，低聲 話 ：快啲 走 ，快啲 走 。
噉啊 三個人 一溜煙 噉啊 趯翻去 客店 。
返到 客店 ，九難 見到 阿珂 神情 唔妥 ，一味 噉 氣喘 就 問 佢 咩嘢 事 啦 。
阿珂 話 ：有 十幾個 官兵 同 鄭公子 為難 ，好彩 ，好彩 師弟 ，打低 咗 官兵 嘅 頭頭 咋 。
九難話 ：你哋 喺 客店 裏頭 安安靜靜 ，邊度 都 唔准 去 ，免致 惹起 是非 。
阿珂 耷低頭 應咗 ，過咗 一陣 ，佢 總係 記住 鄭克塽 嘅 傷勢 ，就 去 佢 間 房 探 佢 ，見到 啲 隨從 已經 同 佢 敷咗 傷藥 ，瞓着咗 嘞 。
韋小寶 見 佢 喺 鄭克塽 間 房 出嚟 ，真係 又 激氣 又 後悔 ，佢 諗 ：
先頭 點解 唔 叫 佢哋 真係 割咗 個 衰仔 兩 隻 耳仔 落嚟 呢 ？
誒 個 衰女 吖 一心一意 ，硬係 掛住 嗰個 衰仔 嘅 。
我就算 將 佢 耳仔 割咗 ，雙眼 督盲咗 ，睇嚟 佢 仲係 將 個 衰仔 當成 係 心肝寶貝 嘅 。
唉 ，唔怕 個 韋小寶 機警 多智 啊 ，遇到 呢啲 男女 情愛 嘅 事 ，亦都係 一籌莫展 咯 。
話說 韋小寶 當晚 瞓到 半夜 ，忽然 聽見 窗上 有人 輕輕 噉 敲下 ，迷迷懵懵 噉 坐起身 。
聽見 窗外 有人 低聲 話 ：韋恩公 ，係 我 啊 。
佢 定 一定神 ，聽到 係 吳立身 嘅 聲音 ，連忙 行 去 窗邊 低聲 話 ：係咪 吳二叔 啊 ？
吳立身 話 ：不敢 ，係 我 。
韋小寶 輕輕 打開 個 窗 ，吳立身 就 跳咗 入 間 房 ，攬住 韋小寶 非常 歡喜 ，低聲 話 ：
恩公 ，我 日日 咁 思念 你 ，想唔到 還能夠 喺 呢處 見到 你 喎 。
轉身 閂埋 個 窗 ，拉韋 小寶 一拍 噉 坐 喺 炕床 上 便 ，佢 話 ：
喺 河間府 大會 裏頭 ，我 同 貴會 嘅 朋友 打聽 你 嘅 消息 ，佢哋 都 唔 肯 講 啊 。
韋小寶 笑住 話 ：佢哋 唔係 有意 唔肯 講畀 你 聽 。
我 去 參加 殺龜 大會 啊 ，係 喬裝 改扮 咗 去 嘅 ，會 中班 兄弟 啊 都 唔 知道 我 去 㗎 。
經過 韋小寶 一 解釋 ，吳立身 噉 就 冇事 喇 佢 話 ：哦 ，原來 係 噉嘅 。
今日 撞到 啲 官兵 ，又 多得 恩公 解圍 ，否則 怕 我哋 小公爺 唔得掂 啊 。
小公爺 要 我 多多 拜上 恩公 ，真係 深感 大德 啊 。
大家 係 好朋友 何必 客氣 呢 ？
吳二叔 ， 你 噉 樣 恩公 長 恩公 短 ， 聽起 嚟 啊 硬 係 唔 知點 噉 嘅 。
如果 你 當 我 係 朋友 ，呢個 稱呼 ，今後 免咗佢 啦 。
好 ，我 唔 叫 你 恩公 ，你亦 唔好 叫 我 做 二叔 喇 。
我哋 兩個 今後 兄弟 稱呼 ，我 啊 大 你 幾歲 ，就 叫 你 一 聲 兄弟 啦 。
好極喇 ，咦 ，你 嗰個 劉一舟 師侄 豈不是 要 叫 我 做 師叔 ？
吳立身 有 啲 尷尬 嘞 就 話 ：嗰個 嘢 冇 出息 嘅 ，我哋 唔好 講 佢 。
兄弟 ，你 而家 要 去 邊度 啊 ？
呢件事 講起嚟 就 一匹布 咁 長 啊 。
啊係喇 二哥 我 講 你 聽吖 ，我 已經 對咗 一頭 親事 喇 。
哎呀 恭喜恭喜 ，唔知 係 邊家 嘅 姑娘 呢 ？
吳立身 跟住 即刻 想到 ：唔通 就係 方怡 ？佢 搵到 方姑娘 同 小郡主 喇 ？
佢 好 歡喜 啊 。
韋小寶 話 ：我 呢個 老婆 姓 陳 ，不過 有 件事 ，真係 好 慚愧 。
點啊 ？
我 呢個 老婆 另外 有 個 相好 ，姓 鄭 嘅 。
呢個 僆仔 嘅 人品 好 唔 規矩 ，想 勾搭 我 老婆 噃 ，呢件 都 係 小事 啊 。
佢 走去 同 官兵 告密 ，今日 嗰啲 官兵 嚟 同 小公爺 為難 就係 佢 出 嘅 主意 啊 。
呢個 僆仔 嫌 命長 嘞 。
誒 ， 佢 點解 要 同 官兵 告密 呢 ？
你 估 呢僆仔 係 邊個 啊 ？佢 就係 台灣 延平郡王 嘅 第二仔 。
佢 話 延平郡王 統領 大軍 ，你哋 沐王府 呢 ，已經 破落 喇 ，無 權 無 勢 ，咩 何足道 哉 喎 。
我哋 沐王爺 係 大明 開國 功臣 ，世鎮 雲南 ，佢 台灣 鄭家 點 同 我哋 比 啊 ？
噉咪就係 ，嗰靚仔 仲 話 啊 ，係 邊個 殺咗 吳三桂 ，就 喺 天下英雄 之前 呢 攞晒 威喇 。
你哋 喺 雲南 係 地頭蛇 ，要 殺 吳三桂 啊 ，比起 佢哋 台灣 鄭家 要 方便 成百倍 噉 。
噉 佢 就 同 我 商量 ， 話 要將 沐 家 嘅 人 呢 剷除 咗 先 。
我話 ，我哋 天地會 同 沐王府 早就 輸 賭嘞 ，睇下 邊個 先 殺死 吳三桂 。
英雄 好漢 ，贏 要 贏得 光彩 ，輸 要 輸得 夠 威 吖嘛 ，邊度 有 暗中 整 對方 㗎 ？
嗰個 僆仔 唔 服氣 ，就 另外 諗計 喇 。
好彩 嗰啲 官兵 呢 唔識得 小公爺 ，我 呃 佢哋 話 認錯咗 人 嘞 ，噉 你哋 先至 能夠 甩身 咋 。
原來 係 噉 嘅 ， 原來 係 噉 嘅 ， 豈有此理 吖 嗰 位 僆 仔 唔 係 人 啊 。
二哥 ，呢個 僆仔 呢 非 教訓 佢 一餐 不可 。
睇 在 延平郡王 嘅 份上 ，我哋 亦 唔能夠 殺咗 佢 。
最好呢 ，你 去 打佢 一餐 ，我 就 挺身出嚟 勸交 ，同 你 打起上嚟 。
你 又 故意 讓 翻 我 幾招 ，詐 假意 打 輸咗 走人 ，唔知 你 肯唔肯 呢 ？
兄弟 係 為 我哋 出氣 ，點 會 話 唔 肯 㗎 ？
噉啊 最好喇 ，免致 同台灣 鄭家 擘面 ，惹出 是非 ，誒嗰個人 係 點樣㗎 ？
嗰個 塊面 有 傷 ，同 兄弟 喺 一齊 嘅 僆仔 就係 佢 嘞 。
好 ，佢 鄭家 又 點 啊 ？沐王府 今日 雖然 落難 ，亦 唔係 咁 好 欺負 嘅 。
噉咪就係 。
韋小寶 跟住 問起 佢 嗰日 喺 莊家 大屋 見鬼 嘅 事 。
佢 日頭 雖然 見到 徐天川 啊 ，但 當時 又 不便 問 ，佢 一直 都 掛住 呢件事 嘅 。
吳立身 好 慚愧 ，不停 咁 搖頭 佢 話 ：
兄弟 ，你 今日 叫 我 一 聲 二哥 ，我 呢個 做 阿哥 嘅 實在 慚愧 啊 。
嗰日 ，我哋 畀 嗰批 裝神弄鬼 嘅 傢伙 用 邪法 制住 咗 ，點知 呢批 傢伙 畀 人哋 引 咗 出 屋 ，捉起嚟 。
一個 女子 啱啱 過嚟 放咗 我哋 ，又 有 一批 傢伙 攻入 屋 ，將 章老三 佢哋 救咗 去 啊 。
韋小寶 岌一岌頭 ，佢 嘅 心話 ：嗰啲 係 神龍教 嘅 ，莊少奶 佢哋 啊 打唔過 嗰班 人 。
吳立身 擰住 個 頭 噉 話 ：嗰陣時 ，我 同 徐大爺 穴道 啱啱 解開 ，手腳 仲 唔係 靈活 ，黑麻麻 ，糊糊塗塗 噉 亂鬥 一場 ，大家 都 失散 咗 。
到 第二朝早 ，先至 集合 喺 一齊 ，但係 你 、小郡主 、方姑娘 三個 啊 點 搵 都 搵唔到 。
噉 我哋 又 去 嗰 間 鬼屋 搵 啦 ，屋 裏頭 只有 一 個 伯爺 婆 ，亦 唔知 係 真 聾 吖 定 係 假 聾 嘞 ，問咗 半日 ，都 問唔出 個 所以然 。
徐大爺 同 我 都 唔 死心 啊 ，明查暗訪 ，一直 搞咗 大半個月 ，唉 一啲 頭緒 都 冇 。
好兄弟啊好兄弟 ，今日 見到 你 啊 真係 開心 喇 。
係 呢 ， 小 郡主 同方 姑娘 去 咗 邊處 啊 ？ 你 有 冇 消息 啊 ？
我哋 小王爺 掛住 個 妹 ，好唔開心 啊 。
韋小寶 含含糊糊 噉 話 ：嗯 我 都 好 掛住 佢哋 兩個 啊 。
方姑娘 啊 聰明伶俐 ，小郡主 呢 係 個 老實頭 ，早啲 同 佢 哥哥 會面 就 好嘞 。
個心諗 ：原來 你哋 冇 畀 神龍教 捉咗 去 ，冇 畀 佢哋 逼住 服咗 毒藥 嚟 做 奸細 ，唉 真係 好 嘞 。
佢 知道 吳立身 性情 爽直 ，唔會 講 大話 嘅 。
如果 呢番 説話 係 劉一舟 講 嘅 呢 ，就 未必 可信 喇 。
吳立身 話 ：兄弟 ，你 多多 保重 ，阿哥 走喇 。
講完 企起身 有啲 依依不捨 噉 拉住 韋小寶 隻手 ，佢 話 ：
兄弟 ，天下間 好 姑娘 好多 嘅 ，你 嗰位 夫人 如果 對 你 唔住 ，你 亦 不必 太 放喺心上 嘅 ，吓 。
韋小寶 長歎 一聲 黯然無語 ，呢一聲 歎息 ，確係 貨真價實 喇 。
吳立身 推開 個 窗 ，跳出去 走咗咯 。
話説 第二日 韋小寶 跟住 九難 同 阿珂 出城 向 北 行 ，噉 鄭克塽 帶 埋 班 隨從 呢 ，仍然 係 同行 。
九難 問 佢 ： 鄭公子 ， 你 要 去 邊處 啊 ？
鄭克塽 話 ：我要 返 台灣 ，送 師太 一程 就 分手 嘞 。
行咗 二十幾 里 ，忽然間 聽見 馬蹄聲 ，一行人 喺 後 便 追上嚟 。
跑到 近嘞 ，只見 來人 係 一班 鄉下 農夫 ，手上 揸住 鋤頭 鐵耙 之類 。
當 先 一個人 大叫 ：係 呢個 僆仔 喇 ，就係 佢 ！
韋小寶 一 睇 ，呢個 人 係 吳立身 啊 。
呢班人 兜過 大車 攔住 條路 ，吳立身 指住 鄭克塽 鬧佢 ：
你呢個衰仔嘩 ，尋晚 ，你 喺 張家莊 做得 好事 ，貓兒 偷咗 食 就 想 鬆人 啊 ？
鄭克塽 好嬲 噉話 ：咩嘢 張家莊 李家莊 唧 ？你 冇 生眼 嘅 咩 亂 咁 噏 。
吳立身 話 ：好啊好啊 。
李家莊 嘅 姑娘 原來 亦 係 畀 你 呃 咗 ， 你 自己 招認 喇 ， 豈有此理 ， 一晚 連氣 呃 咗 兩個 女仔 ， 真 係 大膽 無恥 嘞 你 。
鄭府 隨從 一齊 喝 佢 話 ：呢位 係 我哋 公子 ，唔好 認錯 人 胡言亂語 。
吳立身 拉住 一個 鄉下 姑娘 ，指住 鄭克塽 問 ：係咪 佢 啊 ？你 認清楚啲 。
韋小寶 見 呢個 鄉下 姑娘 ，濃眉大眼 ，顴骨 高聳 ，一棚 哨牙 ，着得 花花綠綠 ，頭上 啊 包住 塊 花布 。
估計 係 吳立身 用 錢 請 翻嚟 嘅 個 心 偷笑 嘞 。
嗰 個 鄉下 姑娘 粗聲粗氣 噉 話 ： 係 佢 ， 係 佢 ， 一 啲 都 冇 錯 。
佢 尋晚 黑 去到 我 間 屋 ，一 抱 抱住 我 。
哼嗯哼 ，佢 ，真係 醜死人 喇 ，哎呀 ，嗯哼哈哈哈哈哈哈 。
講完 嚎啕大哭 。
另外一個 農夫 大聲 話 ：
你 欺負 我 個 妹 ，叫 老子 做 你 嘅 便宜 大舅 豈有此理 ，老子 同 你 搏命 。
呢個 係 吳立身 嘅 弟子 敖彪 。
韋小寶 仔細 睇 下 沐王府 啲 人 ，有 五六 個 人 呢 曾經 見過 嘅 ，劉一舟 就 唔 喺 處 。
估計 吳立身 呢 預先 揀過 ，搵 啲 同 自己 冇 唔妥 嘅 人 嚟 以免 穿煲 。
阿珂 見 嗰個 鄉下 姑娘 咁 醜怪 ，唔信 鄭克塽 會 同 佢 有 咩 嘢 苟且 嘅 事 。
但 係 嗰 個 鄉下 姑娘 死 都 話 有 ， 噉 呢 啲 鄉下人 呢 ， 又 同 鄭克 塽 無冤無仇 嘅 ， 睇 嚟 亦 唔 會 故意 冤 戾 佢 㗎 ， 不由得 將信將疑 。
韋小寶 皺住 眉頭 話 ：鄭公子 亦 未免 太過 風流 喇 ，去 老 舉寨 玩 下 都 話 啦 ，點解 去 ，去去去 。
嘿 ，呢個 姑娘 咁 難睇 ，師姐 啊 ，我 睇 佢哋 一定 係 認錯 人 定 喇 。
阿珂 話 ：係囉 ，實係 認錯人 喇 。
吳立身 對 嗰個 鄉下 女 話 ：快啲 講 ，怕 咩 醜唧 ，佢 ，呢個 衰人 ，畀 咗 啲 咩嘢 過 你 ？
嗱 各位 ，欲知 後事 如何 ，且 聽 下回 分解 。
