前 文 再續 啊 書 接上 一回 啊 。
話說 風際中 出嚟 ，詐 假意 嘍韋小寶 過招 ，聲明 係 點到即止 唧 。
韋小寶 話 ：好 ，嚟啦 。
左手 一指 ，右手 啊 輕飄飄 拍出去 ，只係 拍出 半尺 ，手掌 啊 轉咗 個 圈 ，斜拍 反捺 。
乃係 澄觀 教過 佢 嘅 般若 掌 裏頭 嘅 一招 無色無相 。
風際中 見聞 甚博 啊 佢 話 ： 好 嘢 ， 呢 掌 係 般若 掌 嘅 高招 ， 要 做 無色 咩 嘢 嘅 。
伸手 一接 ，向後 一仰 ，爭啲 扽低 。
韋小寶 掌上 原來 半分 內力 都 冇 嘅 ，佢 笑住 話 ：
閣下 講得啱 ，呢招 叫做 無色無相 啊 。
跟住 左手 斜舉 ，喺 右上角 揮去 左下角 ，突然間 五指 成 抓 晃咗 幾下 。
風際中 大叫 ： 了不起 ， 又 係 般若 掌 神功 ， 呢 招 係 靈鷲 聽經 啊 。
就習起馬步 ，雙掌 慢慢 向前推 ，當 佢 掌心 同 韋小寶 手指尖 輕輕 一 接觸 ，即刻 吖 一聲 ，向後 連翻 三個 關斗 。
佢 翻關斗 嘅 時候 呢 ，暗中 運用 內力 ，等到 企 翻 定 喇 ，成塊面 啊 已經 係 血 咁 紅 ，就 好似 飲咗 十七八 碗 烈酒 一樣 ，個 身 岌咗 幾岌 ，成個人 扽 喺 地 ，猛咁 耍手 話 ：
唔 ， 唔 得 喇 ， 唔 得 喇 ， 唔 比 喇 唔 比 喇 ， 佩服 之至 啊 韋英雄 ， 多謝 你 放生 我 。
韋小寶 拱手 話 ：老兄 承讓 嘞 。
講説話 嘅 時候 猛咁 向 佢 眨眼 。
風際中 啊 做 得 好似 啊 ， 啲 表情 呢 又 係 喪氣 又 係 感激 ， 仲帶 住 幾分 衷心 欽佩 嘅 意思 添 。
第二個 ，徐天川 嚟喇 ，佢 話 ：
韋英雄 武功 驚人 ，果然 名不虛傳 啊 ，在下 嚟 領教 幾招 。
韋小寶 話 ：好 。
直逼埋身 ，雙手 交叉 一手 扭佢左胸 ，一手 啊揸佢右脇 ，乃係 少林派 上乘 武功 拈花擒拿手 裏便 嘅 一招 。
徐天川 見 佢 呢 一 招 擒拿手 十分 高明 ，不禁 暗暗 佩服 嘞 ：
韋香 主 聰明 到 極 啊 ，一 學 武功 就 進步 神速 。
不過 佢 又 唔 知道 韋小寶 出手 招式 呢 就 似模似樣 ，其實 係 啲 多 內力 都 冇 嘅 ，縱然 畀 佢 揸住 咯 ，亦 冇 損傷 嘅 。
徐天川 就 身材 矮細 ，最 擅長 嘅 武功 係 巧打擒拿 ，佢 施展 看家 本領 ，同 韋小寶 打起上嚟 喇 。
過咗 幾招 ，兩個人 雙手 扭實 ，徐天川 突然間 哎吖 一聲 ，右手 啊 軟顂顂 髧落嚟 ，詐假意 畀 韋小寶 扭甩 咗 臼 ，佢 話 ：佩服之至 ，佩服之至啊 ！
退開 兩步 ，左手 托住 自己 右手 ，一送一挺 ，噉啊 裝翻 上 臼 。
呢 一項 自己 上 翻個 臼 嘅 手法 ， 本來 係 擒拿 手裏 便 嘅 上乘 武功 ， 佢 做 個 時候 啊 一絲不苟 ， 上 得 乾淨利落 啊 。
跟住 樊綱 、玄貞道人 、李力世 三個人 就 逐個 上前 嘍打 。
韋小寶 所使 嘅 冚𠾴唥 係 澄觀教 嘅 上乘 招式 ，樊綱 等 三個人 都 係 三四招 ，或者 七八招 就 輸咗 嘞 。
高彥超 大聲 話 ：今日 得見 韋英雄 高招 ，真係 令 人 大開眼界 啊 ，小人等 佩服 之至 。
第日 ，韋英雄 路過 伏牛山 ，請 上山 嚟 住翻 幾日 啦 。
韋小寶 話 ：噉 啊 梗係 會 嚟 滾攪 下 你哋 㗎 喇 。
群雄 躬身 行禮 ，牽住 馬 行開 ，一直 行到 圩鎮 尾尾 ，噉 先至 上馬 走人 。
佢哋 竟然 唔敢 喺 韋小寶 面前 上馬 ，確實 係 恭敬 到 極 喇 。
阿珂 呢 終於 服喇 ：呢個 小惡人 原來 武功 咁 高強 嘅 ，每次 詐 假意 打 我 唔過 ，都係 故意 讓 畀 我 嘅 啫 。
到咗 呢個 地步 ，鄭克塽 唯有 過嚟 多謝 韋小寶 嘞 。
韋小寶 笑住 話 ：鄭公子 唔使 咁 客氣 ，我 不過 運氣 好啫 ，誤打誤撞 ，贏咗 佢哋 啫嘛 。
講到 真實 武功 啊 ，我 係 遠遠 唔及 閣下 嘅 。
佢 呢 幾句 説話 呢其實 係 真話 ，但係 鄭克塽 聽起上嚟 ，就 覺得 係 極之 辛辣 嘅 諷刺 嘞 ，不由得 滿面 通紅 啊 。
當晚 ，一行人 去到 獻縣 ，搵 間 客店 住落 。
九難啊 借啲意 叫 阿珂 行開 ，問 韋小寶 話 ：
日頭 同 你 做戲 嗰 啲 人 ， 都 係 你 嘅 朋友 啊 係 唔 係 啊 ？
九難 嘅 眼光 幾 咁 厲害 啊 ， 風際中 、 徐天川 嗰 啲 人 嘅 做作 ， 瞞得過 鄭克 塽 同 阿 珂 ， 但 係 點都 瞞 唔 過呢 位武學 高人 啊 。
韋小寶 知道 穿煲 嘞 ，就 笑住 話 ：都唔算 係 咩嘢 朋友 嘅 。
呢啲 人 嘅 武功 ，個個 都 頗為 使得 嘅 ，點 肯 陪 你 噉樣 玩法 呢 ？
佢哋 多數 係 睇唔慣 鄭公子 嗰啲 驕傲法 囉 ，噉 睇嚟 係 借 弟子 挫折 下 佢 嘅 嬌氣 啫 。
九難 個心 諗 ： 噉 講亦有 道理 。
佢 話 ：你 嗰 幾 招 般若掌 、拈花擒拿手法 ，使得 都 唔 錯 吖 。
韋小寶 笑住 話 ：嗰啲 係 裝腔作勢 嚇人 嘅 啫 嘛 冇用 嘅 。
正喺度傾偈嘅時候 ，只聽見 人 喊 馬 嘶 ，有 一大幫 人 嚟 住 客棧 。
有 個人 大聲 話 ：要 一間 上房 ，一定 要 最好 嘅 ，其餘 嘅 求其啲 就 算 喇 。
韋小寶 一 聽 歡喜 嘞 ，佢 認得 係 沐王府 搖頭獅子 吳立身 啊 。
韋小寶 問 ：師父 ，我哋 係唔係 去 殺 吳三桂 啊 ？
九難話 ：我 呢次 所受 嘅 內傷 好 緊要 ，雖然 傷勢 好翻喇 ，但係 內力 未曾 恢復 ，需要 搵 笪 清靜 嘅 地方 休養 一啲 時候 ，然後 再 定 去 邊處 。
否則 ， 如果 再 遇到 敵人 我 又 唔 能夠 出手 嘞 噃， 成日 由 得 你 去 亂 咁 搞 ， 我 哋 鐵劍門 太過 唔 似樣 嘞 。
講完 ， 亦 不由得 好笑 啊 。
韋小寶 話 ：係 ，師父 身子 要緊 啊 。
佢 去 行囊 裏 便 攞出 極品 旗槍 龍井茶葉 ，沖 咗 一盅 茶 ，佢 話 ：
弟子 以後 呢 學會咗 師父 嘅 武功 ，遇到 敵人 就 可以 光明正大 噉 同 佢 打 喇 。
啊師父 ，我 而家 去 睇下 有 咩 新鮮 嘅 蔬菜 ，買 啲 翻嚟 吓 。
韋小寶 行出 間 房 ，見到 阿珂 同 鄭克塽 呢 正在 一拍 噉 行緊 出去 店 外 ，神情 十分 親熱 ，佢 當堂 呷起 醋 嘞 ，噉啊 跟住 兩個 人 後 便 。
阿珂 擰轉頭 話 ：你 跟住 我 做 咩嘢 啊 ？
韋小寶 話 ：我 又 唔係 跟住 你 ，我 同 師父 買 餸 啫 嘛 。
好 ，鄭公子 ，我哋 去 嗰便 咯 。
阿珂 指住 城西 嘅 一座 小山 。
韋小寶話 ：因住啊 ，唔好撞到 山大王 啊 ，哼 ，我啊 唔能夠 嚟 救 你哋 㗎 。
阿珂 矋咗 佢 一眼 話 ：邊個 要 你 救唧 ？
鄭克塽 知道 佢 係 重提 自己 嘅 醜事 喇 好 嬲 啊 ，哼咗 一 聲 ，急急 腳 就 行 嘞 。
韋小寶 睇住 兩個人 漸漸 去 遠咗 ，忽然間 聽見 阿珂 咭咭聲 咁 笑 ，嬲起上嚟 ，拔出 匕首 ，想 追上去 殺咗 鄭克塽 。
佢 行咗 兩 步 佢 諗 ：吖 真係 打起上嚟 我 唔係 佢 兩 個 人 對手 㗎 噃 。
於是 夾硬 忍住 條氣 ，去 街市 買 啲 蘑菇 、冬菇 、木耳 、粉絲 ，就 挽住 返去 客店 嘞 。
返到去 見到 阿珂 同 鄭克塽 仲 未 返嚟 ，噉 想象 佢哋 兩個人 喺 靜僻 嘅 地方 談情説愛 ，嘿 嬲 到 佢 啊 唔停口 咁 鬧 。
突然間 ，有人 喺 佢 膊頭 輕輕 一拍 ，跟住 一下 抱住 佢 ，嗰個人 笑住 話 ：韋兄弟 ，乜 你 喺 呢度 啊 ？哈哈哈哈哈哈 。
韋小寶 擰轉頭 一 睇 ，原來 係 御前 侍衞 總管 多隆 ，嘩 歡喜 到 佢 啊 不得了 ，笑住 話 ：你 嚟 做 咩嘢 啊 ？
只見佢 後便 跟住 十幾個人 ，都係 御前侍衞 ，着嘅 呢 ，卻係 平常 兵仔 嘅 服裝 。
班侍衛 見到 佢 個個 眉開眼笑 ，不過 冇 上前 參見 招呼 。
多隆 低聲 話 ：呢度 人 雜 啊 ，去 我 間 房 先至 傾 啦 。
原來 佢哋 一班人 呢 都 住 喺 呢間 客店 嘅 。
去到 房間 裏 便 ，眾 侍衞 先至 上前 參見 。
韋小寶 笑住 話 ：唉 算喇算喇 。
噉攞出 一千兩 銀票 笑住 話 ：各位 兄弟 攞去 飲酒 啦 。
眾侍衞 早就 知道 呢位 副總管 出手 豪闊 ，只要 遇上 佢 呢 必定 有 好處 嘅 ，噉 就 歡歡喜喜 多謝 佢 。
多隆 低聲 話 ： 韋兄弟 ， 自從 你 喺 五台山 遇險 之後 ， 皇上 周時 都 記住 喺 心 嚟 ， 派 我 哋 出 嚟 搵 你 嘅 下落 啊 。
韋小寶 好感激 ，就 企起身 話 ：多謝 皇上 恩典 。
唉 ，我 又 點 敢 勞煩 多 大哥 你 大駕 呢 ？
多隆話 ：皇上 本來 亦 冇 派 我 ，只係 派咗 十五 名 侍衞 兄弟 唧 ，係 我 自告奮勇 嘅 。
一來 ，阿哥 亦 真係 掛住 你 ，二來 呢 ，亦 乘機 出 京 嚟 玩下 ，呢個 係 託 你 嘅 洪福 喇 ，哈哈哈哈哈哈 。
聽佢噉講 ，眾人 都 笑起上嚟 嘞 。
多隆話 ：呢次 我哋 幾個 算係 立咗 大功 喇 ，回京 之後 ，皇上 知道 韋兄弟 脱險 一定 係 十分 歡喜 嘅 。
係喇 ，我哋 一路 咁 打聽 ，你嘅 消息 呢 就 冇 打聽到 噃 。
不過 就 查到 有 一班 反賊 密謀 造反 ，喺 河間府 開會 商量 事情 ，噉 我哋 就 過嚟 睇下 啦 。
係咩 ？我 都係 為 呢件事 嚟 㗎 ，聽講 佢哋 呢次 聚會 呢 叫做 咩 殺龜 大會 啊 。
厲害 ，你 真係 厲害 ，咩嘢 事 都 走唔過 韋 兄弟 雙眼 。
你哋 聽到 咩嘢 消息 啊 ？
我 哋 呢 處 兩個 兄弟 混 咗 入 去 大會 裏 便 ， 知道 佢 哋 要 對付 吳三桂 ， 各省 都 推舉 咗 盟主 ， 有 幾個 盟主 嘅 名 都 查 到 嘞 。
韋小寶 心念 一動 佢 就 問 ： 係 邊 幾個 呢 ？
多隆話 ：雲南 係 沐劍聲 ，福建 係 台逆 鄭經 嘅 第二仔 叫做 鄭克塽 。
跟住 呢 又 講咗 好幾個 盟主 嘅 名 。
韋小寶 話 ：嗰個 沐劍聲 、鄭克塽 佢哋 嘅 樣 認唔認得出嚟 啊 ？
夜麻麻 ，呢 兩個 兄弟 睇唔清楚 ，亦 唔敢 行近 去 睇 ，唔認得 啊 。
多大哥 ，你 返去 北京 之後 呢 ，請 你 稟告 皇上 ，就 話 奴才 韋小寶 亦都 查緊 呢件事 ，一 有 眉目 咯 ，就 返去 北京 面奏 噉 啦 。
係 ，韋兄弟 咁 忠心 辦事 ，呢次 立咗 大功 ，皇上 必定 又 有 封賞 定 喇 。
乜噉 講啊 ，如果 有 功勞 ，都係 我哋 御前侍衞 大家 嘅 面子 啫 。
係喇 ，而家 有 件事 呢 ，要 請 各位 辛苦 一趟 至 得 。
班侍衞 都 話 ：韋副總管 嘅 差遣 一定 效勞 嘅 。
韋小寶 話 ：呢件事 講出嚟 呢 ，唉 真係 激死人 喇 。
我 有 個 相好 嘅 姑娘 ，而家 呢 正 係 同 一個 僆仔 勾勾搭搭 。
佢 啱啱 講到 呢處 ，嗰班 侍衞 已經 係 氣憤 填膺 ，個個 破口大罵 喇 ：
豈有此理 ，邊個 僆仔 咁 沙膽 啊 ？
敢嚟逳韋副總管嘅人 ？我哋即刻去殺咗嗰個僆仔 。
韋小寶 話 ：殺 就 不必 ，你哋 去 打佢 一餐 呢 ，幫 我 出 翻啖氣 就 得嘞 。
不過 呢個 僆仔 呢 係 我 朋友 ，亦 唔好 打得 太過 重 啊 ，尤其是 唔好 掂 嗰個 姑娘 噃 。
班侍衛 笑住 話 ：噉啊 梗係啦 ，韋副總管 嘅 相 好 姑娘 ，邊 敢 得罪 啊 ？
呢 兩個 人 呢去咗 西便唧 ，嗱 ，你哋 一逳手 ，我 就 詐假意 去 搭救 佢哋 兩個 ，噉 趕走 你哋 。
嗱唔該各位認真要讓下我至得 ，等兄弟喺心上人面前 ，出下風頭呢 。
眾侍衞 齊聲 大笑 都話 ：韋副總管 分派 呢件 差事 ，真係 過癮 喇 ，我哋 會 做 㗎 喇 。
多隆 笑住 話 ：噉 大家 而家 去 做 啦 。
嗱喂 ，個個 要 小心 在意 啊 ，如果 穿咗 煲 ，韋 副總管 就 唔 將 你哋 當 好 兄弟 㗎 喇 。
眾侍衛 都 笑住 話 ：韋副總管 嘅 大事 ，大家 舂墻 昧水 都 去 做 啦 。
有個侍衞話 ：佢阿爺吖 ，呢個僆仔 調戲 韋副總管 嘅 相好 ，就好似 調戲 我老母 噉啊 ，老子 仲有 話 唔同 佢 搏命 嘅 ？
眾人 一齊 大笑 啊 。
韋小寶話 ：喂喂喂 ，細聲啲 ，唔好 畀 人哋 聽到 啊 。
眾侍衛 摩拳擦掌 ，嘻嘻哈哈 噉啊 一擁而出 嘞 。
韋小寶 攞住 啲 蔬菜 ，交畀 廚房 ，賞咗 佢 五 錢 銀 ，吩咐 佢 整 啲 精緻 素菜 ，然後 呢 就 慢慢 去 西城 。
行咗 里 幾 路 ，就 聽見 叱咤 叫罵 嘅 聲音 ，遠遠 望見 幾十 人 手執 兵器 ，打到 十分 熱鬧 。
呢個 僆仔 都 幾 使得噃 ，居然 以 寡 敵 眾 ，抵擋得住 啊吓 。
等到 行到 近 一 睇 ，不禁 吃咗 一驚 啊 ，只見 眾 侍衛 圍住 七八 個 人 喺度 打 。
噉 對方 背靠 城牆 ，負隅而戰 啊 ，係 邊個 呢 ？原來 係 沐劍聲 、吳立身 一班人 。
沐劍聲 嘅 身邊 有 個 年輕 姑娘 ，手握 雙刀 ，已經 打到 披頭散髮 嘞 。
城頭 上面 有 個人 喺度 拖住 手 觀戰 噃 ，係 阿珂 同 鄭克塽 。
韋小寶 又 好嬲 又 好笑 個 心話 ：
佢 阿爺 嘩 打錯咗 人 喇 ，實係 佢哋 見到 沐公子 先 ，又 見到 佢 帶住 個 姑娘 ，就 不分 青紅皂白 打 佢 啦 。
見多隆 揸住 一把 鬼頭刀 ，企喺 後便 督戰 ，就 行到 佢 身邊 低聲 話 ：打錯咗 喇 ，城頭 上 嗰 兩個 至係 吖嘛 。
講完 ，就 立即 行開 嘞 。
多隆 話 ： 錯 咗 喇錯 咗 喇 ， 喂 ， 朋友 ， 原來 欠債 嘅 唔 係 你 。
啊好喇好喇 ，大家 退下 ，放佢哋走啦 。
眾侍衛 一 聽 打錯咗 唄 ，就 紛紛 退開 嘞 。
沐劍聲 、吳立身 佢哋 人 少 ，本來 已經 唔夠 打 㗎 嘞 。
先頭 以為 自己 露咗 形跡 ，呢啲 清兵 係 嚟 捉 自己嘅 ，而家 佢哋 退開咗 喎 真係 求之不得 啦 。
吳立身 一眼 擸到 韋小寶 ，佢 個心 話 ：
哎呀 ，原來 呢次 又 係 得 韋恩 公 搭救 。
否則 殺咗 我 唔緊要 啊 ，小公爺 落入 官兵 手上 ，真係 萬死 莫贖 喇 。
當其時 不便 同 韋小寶 相認 啊 ，就 急急 同 沐劍聲 等人 出咗 城門 ，向住 北 便 飛奔 而去 嘞 。
韋小寶 行 上 城頭 ，問 阿珂 話 ：
師姐 ，佢哋 做 咩事 打交 啊 係 啲 咩人 唧 ？
阿珂扁 下個 嘴話 ： 邊個 知道 呢 ？ 呢 啲 官兵 係 嚟 攞 債 嘅 。
我哋 返 客店 喇 ，唔係 師父 又 掛住 我哋 㗎 嘞 。
你 返去 先 啦 ，我 隨後 就 會 嚟 㗎 喇 。
啱啱 講到 呢度 ，眾侍衛 已經 上到 嚟 城頭 喇 。
一名侍衞 指住 鄭克塽 話 ：係佢啊 ，欠我銀 嘅 就係 呢個 僆仔 喇 。
韋小寶 低聲 話 ：鄭公子 、師姐 我哋 快啲 走 喇 。
呢啲 官兵 啊 胡作非為 ，惹親 佢哋 啊 都 好鬼 麻煩 㗎 。
阿珂 有啲 怕 喇 佢 話 ：好 ，返去 啦 。
呢個 時候 ，一個 侍衞 衝 上前 ，指住 鄭克塽 話 ：
前 晚 喺 河間 府 老舉 寨裏 便 玩 花姑娘 ， 你 欠 落 我 一萬兩 銀 ， 快 啲 還翻 嚟 啊 。
鄭克塽話 ：霎 你嘅 戇 ，亂講 ！邊個 去 老舉寨 啊 ？點會 欠 你 銀唧 ？
一名侍衞 話 ：仲 話唔係 ？前晚 黑 ，你 膝頭哥 上面 坐住 兩個 老舉 ，叫做 咩嘢 名 嘩 ？
另一名侍衛 話 ：大啲 嗰個 叫做 阿翠 ，細啲 嗰個 叫做 紅寶 吖嘛 。
你 左 便 接 一個 吻 ， 飲一 啖 酒 ， 右邊 摸下 人 哋 嘅 面 珠 又 飲 啖 酒 ， 幾 咁 風流 快活 啊 ， 仲想 唔 認 啊 ？
又 有 一 名 侍衞 話 ：你 攬住 兩個 老舉 ，同 我哋 擲 骰仔 嚱 。
輸咗 二千 兩 銀 ，要 翻本 ，問 我 借 三千 ，同 呢位 老兄 借咗 二千 ，收尾 又 同 佢 借 一千五 ，又 同 嗰位 借咗 二千 。
噉 另外 有 個 人 話 ：哦 再 同 我 借 咗 一千五百 兩 ，總共 係 一萬 兩 銀 。
五個人 一齊 伸手 話 ：殺人 填命 欠債 還錢 ，快啲 還翻嚟 啦 。
阿珂 想起 當日 喺 妓院 裏頭 ，見到 韋小寶 同 班 妓女 胡鬧 嘅 情景 ，又 想起 前幾日 喺 草堆 裏 便 ，鄭公子 喺 自己 身上 亂咁 摸 ，睇嚟 呢件事 呢 多數 唔會 假 嘅 。
再一計 下 日子 ，前晚 正係 殺龜大會 嘅 前夕 ，鄭公子 好夜 都 唔 返 。
第二 朝早 見 佢 滿面 酒意 ，話 係 咩 英雄豪傑 請 佢 飲酒 喎 。
飲酒 係 冇錯 ，不過 請 佢 嘅 唔係 英雄豪傑 ，而係 妓院 裏頭 嘅 下賤 女子 唧 。
諗到 呢處 ，不由得 眼淚 混晒 擎喇 。
眾侍衞 截住 鄭克塽 嘅 後路 ，將 佢 沊沊𡃈噉 圍實 。
後便 有 個人 ，一手 揦住 佢 條領 。
鄭克塽 發惡嘞 ，手踭 向 後 一撞 ，重重 撞 喺 佢 心口 。
嗰個 侍衞 大叫 一 聲 ，痛到 踎低 啊 。
其餘嘅人 一擁而上 ，拳打腳踢 。
噉 呢啲 人 單打獨鬥 呢 都 唔係 鄭克塽 對手 㗎 ，但係 七八個 人 一齊 逳手 ，就 將 佢 撳實 喺 地下 嘞 。
阿珂急 叫 話 ： 有 説 話 慢慢 講啦 ， 唔 好 亂 咁 打人 啦 。
衝上去 救人 嘞噃 。
多隆話 ：喂 ，大姑娘 ，呢件事 同 你 冇 關係 ，快啲 行開 ！
阿珂 話 ：你 讓開 ！一手 就 推 佢 膊頭 。
多隆 係 大內 高手 ，武功 好使得嘅 ，左手 輕輕 一揮 ，震到 阿珂 向 後 噔噔噔 褪咗 幾步 。
嗰便 班 侍衞 對住 鄭克塽 拳 打 腳踢 ，噼噼啪啪 啊 猛 咁 摑佢 。
阿珂 急攻 幾招 ，點知 畀 多隆 笑吟吟 噉 逼到 離開 鄭克塽 越嚟越 遠 。
多隆 笑住 話 ：大姑娘 ，呢個 花花公子 ，又 嫖 又 賭 又 飲酒 樣樣俱全 。
今朝早 ，仲 問 我 借 五千 兩 銀 ，話 要 娶 嗰 兩 個 老 舉 返 屋企 做 妾侍 喎 ，你 何必 爭住 佢 呢 ？
阿珂 退後 幾步 佢 話 ： 你 哋 唔 好 打 啦 ， 有 説 話 ， 有 說話 慢慢 講咪得 囉 。
一名侍衞 笑住 話 ：你 叫 佢 還翻 啲 銀 畀 我哋 囉 ，我哋 就 唔會 打 佢 喇 。
講完 ，又 喺 鄭克塽 面門 ，嘭 一拳 ，打到 佢 鼻哥窿 當堂 鮮血 惦流 啊 。
一名侍衞 拔出 把刀 話 ：割咗 佢 兩個 耳仔 再 講 啦 。
講完 ，將 單刀 喺 空中 虛劈 兩刀 。
阿珂拉住 韋小寶 隻 手 ， 急到 要 喊 咁 滯 啊 佢 話 ： 點算 啊 ， 點算 啊 ？
韋小寶 話 ：一萬兩 銀 我 有 啊 ，不過 送畀佢 還 賭賬 嫖賬 ，唔係 點 情願 唧 。
佢 哋 要 割 佢 耳 仔 喇 ， 你 就 ， 你 就 借 畀 我 啦 。
師姐 要 借 咪 講話 一萬兩 啊 ，就係 十萬兩 都 借畀 你 啦 。
不過 以後 你 係 我 老婆 噃 ，呢條 數 冇得 計 嘅 。
噉啦 ，你 叫 鄭公子 問 我 借 啦 。
阿珂 𨂽住 腳噉 話 ：哎呀 你 個人 真係 吖 。
喂 ，你哋 唔好 打 啦 ，還錢 畀 你哋 就係 喇 。
嗱 各位 ，欲知 後事 如何 ，且 聽 下回 分解 。
