前 文 再續 啊 書 接上 一回 啊 。
話説 白衣尼 啊 逼到 太后 冇法子 ，唯有 自認 係 漢人 。
白衣尼 冷笑話 ：哼哼哼 ，到而家 你 仲 喺度 亂咁 講 ，清廷 皇后 ，邊度 有 由 漢人 嚟 做 㗎 ？
太后 話 ：我 唔係 亂講 㗎 。
當今 皇帝 嘅 親生 母親 佟佳氏 ，佢 父親 佟 圖賴 係 漢軍 旗 嘅 就係 漢人 啦 。
白衣尼 話 ：佢 係 母以子貴之 嘛 ，聽講 佢 本來 只係 個 妃子 ，並 唔係 皇后 。
佢 從來 冇 做過 皇后 ，個仔 做咗 皇帝 之後 ，先至 追封 佢 做 皇太后 嘅 啫 。
係 。
太后 見到 白衣尼 想 行嘞 ，佢 急急 話 ：
師太 ， 我 真 係 漢人 呢 ， 我 ， 我 嬲 死 啲 滿人 喇 。
點解 呢 ？
呢 個 係 一個 天大 嘅 秘密 ， 我 ， 我 本來 係 唔 應該 講 嘅 ， 不過 ， 不過 。
既然 係 唔應該 講 ，噉就 唔使 講 啦 。
太后 呢陣時 真係 火燒眼眉 只顧 眼前 嘞 ，其餘 一切 都 唔顧得 咁多 喇 ，一咬牙關 佢 話 ：
我 呢個 太后 係 假 嘅 ，我 ，我 ，我 唔係 太后 。
佢 噉 一 講 ，白衣尼 固然 打 個 特 ，匿 喺 床 後 個 韋小寶 真係 大吃一驚 啊 。
白衣尼 慢慢 坐翻 喺 張 椅 處 佢 問 ：點解 會 係 假 嘅 呢 ？
太后 話 ：我 父母 畀 滿人 害死 ，我 嬲 死 啲 滿人 喇 。
我 被逼 入宮 做 宮女 ，服侍 皇后 ，收尾 ，收尾 我 就 冒充 咗 皇后 嘞 。
真太后 係 滿洲 人 ， 姓 博爾濟吉 特 ， 係 科爾沁 貝勒 嘅 女 。
晚輩 嘅 父親 姓 毛 ，係 浙江 杭州 嘅 漢人 ，佢 就係 大明 大將軍 毛文龍 。
晚輩 叫做 毛東珠 。
白衣尼 打過 特 ：你 係 毛文龍 嘅 女 啊 ？係 當年 鎮守 皮島 嘅 毛文龍 吖 嘛 ？
係 。
我 阿爹 同 清兵 連年 交戰 ，收尾 畀 袁崇煥 大帥 殺咗 。
其實 ， 其實 都 係 由於 清兵 嘅 反間計 啫 。
哦 ，噉 真係 一件 奇聞 嘞 。
你 點 能夠 冒充 皇后 咁 多年 ，竟然 ，唔會 畀 人哋 發覺 呢 ？
晚輩 服侍 皇后 好多 年 ，佢 講嘢 嘅 聲調 、舉止 神態 ，我 都 學得 惟肖惟妙 。
我 呢個 樣 亦 係 假 㗎 。
講完 ，太后 行 去 梳妝枱 旁邊 ，攞起 條 手巾仔 ，喺 金盒 裏 便 浸濕咗 ，然後 喺 塊 面 處 出力 噉 擦咗 幾下 ；
又喺 兩便面 珠 撕咗 兩塊 人皮 一樣 噉 嘅 嘢 落嚟 ，當堂 個樣 變晒 。
本來 佢 係 圓圓 面口 好 豐滿 嘅 ，忽然 變咗 瘦削 嘅 瓜子 口 面 ，眼眶 下 便 呢 亦 凹咗 入去 。
啊？ 白衣尼 好奇怪 ，佢 話 ：你 嘅 樣 果然 完全 唔同 喇 。
嗯 ，不過 要 冒充 皇后 ，好唔容易 㗎噃 ，唔通 你 貼身 嘅 宮女 會 認唔出 咩 ？
連 你 丈夫 都 認唔出 咩 ？
我 丈夫 ？
哼 ，先帝 只係 寵愛 狐狸精 董鄂妃 一個人 啫嘛 ，咁多年嚟 ，佢 從來 冇 喺 皇后 呢處 住過 一晚 。
真皇后 佢 連 一眼 都 唔 睇 ，假皇后 佢 當然 亦 唔 睇 啦 。
咪 講話 我 化妝 化得 好似 啊 ，就算 完全 唔似 ，佢 ，佢 ，哼 ，佢 又 點 會 知道 呢 ？
噉 服侍 皇后 嘅 太監 宮女 ，唔通 都 認唔出 咩 ？
晚輩 一 制服 皇后 ，就 叫佢 將 慈寧宮 嘅 太監 宮女 冚𠾴唥 換 咗 新人 。
我 極少 出去 外便 嘅 ，就算 偶然 唔能夠 唔出去 咯 ，宮 裏 便 嘅 規矩 ，太監 同 宮女 亦 唔敢 正面 睇 我 ，就算 係 遠遠 偷睇 一眼 ，又 點 分辨得出 真假 呢 ？
白衣尼 忽然間 想起 一件事 佢 就 話 ：
唔啱噃 ，你 話 老皇帝 從來 唔睬 你 ，不過 ，不過 你 卻 生咗 一個 公主 噃 。
呢個 女 ，唔係 皇帝 生 嘅 。
佢 父親 係 個 漢人 ，有時 為咗 偷偷 嚟到 宮內 同 我 相會 ，就 假扮 個 宮女 。
呢 個人 佢 ， 佢 不久 之前 不幸 病死 咗 咯 。
陶紅英 捻咗 一捻 韋小寶 嘅 手掌 ，佢 兩個人 都 諗 ：
假扮 宮女 嘅 男人 確係 有 嘅 ，不過 唔係 病死 唧 。
韋小寶 又 諗嘞 ：唔怪得 公主 咁 野蠻 胡鬧 啦 ，原來 係 嗰個 假 宮 女生 嘅 雜種 。
老皇爺 咁 慈祥 温和 ，生出嚟嘅 女 啊 ，決 唔會 係 噉 嘅 。
白衣尼 嘅 心諗 ：
你 忽然間 懷孕 生女 ，老皇帝 如果 冇 同 你 同房 點 會 唔起 疑心 㗎 ？
只係 呢種 人哋 嘅 私事 佢 處女 出家 就 問 唔 出口 ，佢 諗 ：
呢個人 既然 處心積慮 噉 假冒 皇后 ，一 覺得 懷孕 嘞 ，總係 有 法子 遮掩 嘅 ，亦 不必 查問 咁多 嘞 。
佢 話 ：你 嘅 説話 總係 不盡不實 嘅 。
太后 好 急 啊 佢 話 ：前輩 ，連 呢啲 非常 可恥 嘅 事 我 都 照實 講咗 咯 ，其餘 嘅 事 更加 唔 敢 隱瞞 啦 。
照噉樣講 ，嗰個 真太后 係 畀 你 殺咗 嘞 。
你 雙手 沾 嘅 血腥 都 唔 少 啊 。
晚輩 誦經 拜佛 ，雖然 對 滿人 我 有 血海深仇 啊 ，不過 都 唔敢 亂咁 殺人 。
真太后 仲 好地地 喺 處 。
呢句 説話 令到 堂前 床後 三個人 都 大出意料之外 。
白衣尼 話 ：佢 仲 喺 處 ？你 唔 怕 秘密 洩漏 出去 啊 ？
太后 行到 一張 大 掛氈 前 便 ，佢 拉 一拉 掛氈 啲 羊毛 髧穗 ，掛氈 就 慢慢 捲 上去 ，就 見到 兩道 櫃門 。
太后 又 喺 身邊 ，攞出 一條 黃金 鎖匙 開咗 櫃 上 嘅 暗鎖 ，打開 道 櫃門 ，只見 櫃 裏 便 ，有 個 女人 瞓 響 處 ，身上 𢫏住 錦被 。
白衣尼 話 ：吓 ？佢 ，佢 就係 真太后 啊 ？
太后 話 ：前輩 請 睇 下 佢 個 樣 。
太后 揸住 燭台 ，將 燭光 照住 嗰個 女子 。
白衣尼 見 嗰個 女子 十分 憔悴 ，一啲 血色 都 冇 ，但係 相貌 的確 同 太后 除咗 面部 化妝 之前 係 好似 嘅 。
嗰個 女子 微微 擘開 眼 ，跟住 即刻 眯翻 埋 低聲 話 ：
我 唔 講 ， 你 ， 你 快 啲 殺 咗 我 啦 。
太后 話 ：我 從來 唔 殺人 ，又 點會 殺 你 呢 ？
講完 ，閂 翻埋 道櫃門 ，放翻 落 張 掛氈 。
白衣尼 問 ：你 將 佢 韞 喺 呢處 ，已經 韞咗 好多 年 喇 ？
係 。
你 追問 佢 啲 咩 嘢 事 啊 ？
因為 佢 堅決 唔 講 ，所以 到 今日 仲 有 命 。
佢 一 講咗 出嚟 ，你 即時 就 要 殺咗 佢 喇 係唔係 ？
唔係啊 ，唔係啊 。
晚輩 知道 佛門 守戒 殺生 ，平常 時時 食齋 嘅 ，決 唔會 殺 佢 嘅 。
哼 ， 你當 我 係 三歲 細佬哥 唔 明白 你 嘅 心思 咩 ？
呢個人 韞 喺 呢處 ，時時刻刻 都有 危險 ，你 唔 殺 佢 ，必定 有 重大 嘅 圖謀 。
如果 佢 喺 個 櫃 裏 便 嘈 起 上嚟 ，你 豈不是 即刻 穿煲 ？
佢 唔 敢 嘈 嘅 ，我 同 佢 講 ，呢 件 事 如果 穿咗 煲 ，我 首先 殺咗 老皇帝 。
收尾 老皇帝 死咗 ，我 就 話 要 殺 小皇帝 。
呢個 女人 對 兩個 皇帝 都 忠心耿耿 ，點 都 唔 想 佢哋 受到 傷害 嘅 。
你 到底 追問 佢 啲 咩 嘢 説話 呢 ？
噉既然佢唔肯講咯 ，你 點解 唔 殺咗 皇帝 呢 ？
佢 話 我 如果 殺咗 皇帝 ，佢 即時 就 絕食 自殺 。
佢 之所以 唔 絕食 ，就 因為 我 應承過 佢 唔 去 加害 皇帝 啊 。
白衣尼 諗 嘞 ：
真假 太后 ， 一個 用 絕食 自殺 嚟 要挾 ， 一個 呢 ， 就 用 殺 皇帝 嚟 到 要挾 ， 各 有所 忌 ， 相持 咗 咁 多年 形成 一個 僵局 。
照道理講 ，真太后 咁 危險 嘅 人物 ，一陣 都 唔 留得 佢 嘅 ，殺咗 佢 之後 ，仲要 將 佢 嘅 屍骨 化成 灰 ，一啲 痕跡 都 唔 留 。
而家 居然 仲 等 佢 住 喺 宮內 ，梗係 因為 佢 仲 有 一件 重要 嘅 秘密 ，始終 唔肯 講出嚟 ，而 呢件 秘密 嘅 重大 法 ，亦都 可 想而知 嘞 。
白衣尼 問 ：我 問 你 嗰句 説話 ，你 總係 東拉西扯 迴避 唔肯 答 我 ，你 到底 追問 佢 乜嘢 呢 ？
太后 話 ：係 ，係 。
呢個 係 關係 清廷 氣運 盛衰 嘅 一個 大 秘密 。
滿人 龍興 遼東 ， 佔 咗 我 大明 天下 ， 梗 係 因 為 佢 嘅 祖先 嘅 風水 非常 之好 。
晚輩 知道 喺 遼東 長白山 ， 有 一道 愛新覺羅 氏 嘅 龍脈 ， 只要 將呢 道 龍脈 掘斷 咗 ， 我 哋 不但 能夠 光復 漢家山 河 ， 滿人仲要 冚𠾴唥 覆滅 喺 關內 啊 。
白衣尼 岌一岌頭 ，佢 諗 ：呢句 説話 同 陶紅英 講 嘅 冇 咩 嘢 差別 。
佢 就 問嘞 ：呢道 龍脈 喺 邊處 啊 ？
太后 話 ：呢個 就係 嗰個 大 秘密 喇 。
先帝 臨死 嘅 時候 ，小皇帝 仲 好 細 ，唔 懂事 ，先帝 最 寵愛 嘅 董鄂妃 又 死 先過 佢 。
因此 佢 將 呢個 大 秘密 同 皇后 講咗 ，要 佢 等 小 皇帝 長大喇 ，先至 講畀 佢 聽 。
嗰陣時 晚輩 係 服侍 皇后 嘅 宮女 ，偷聽到 先帝 同 皇后 嘅 説話 ，不過 聽唔齊 。
我 只係 想 查清楚 呢件 大事 ，就 請埋 一批 有志之士 ，去 長白山 掘 斷 龍脈 ，我 大明 天下 就 可以 重光 嘞 。
風水 龍脈 嘅 事 ，都 係 虛無縹緲 ，好 難 令人 相信 嘅 。
我 大明 失咗 天下 ，係 因為 歷朝 施政 不善 ，苛待 百姓 ，以致 官 逼 民 反 。
呢啲 道理 ，直到 近年來 我 周遊四方 先至 明白 㗎啫 。
係 ，師太 洞明 事理 ，晚輩 唔及得 師太 啊 。
不過 為 咗 光復 我 漢家山 河 ， 風水 龍脈 嘅 事 ， 亦 係 寧可信其有 不可 信其 無 嘅 。
如果 能夠 掘到 龍脈 ，最 弊 嘅 ，不過 係 對 清廷 一啲 都 冇 損害 啫 。
如果 呢件事 真係 靈驗 ，豈唔係 能夠 拯救 普天下 千千萬萬 嘅 百姓 ，於 水深火熱 之中 囉 ？
呢句 就 真喇 ，白衣尼 話 ：你 講得啱 。
到底係唔係有效 ，就唔知道吖 ，但係就算冇益嘞 ，亦係絕冇損害嘅 。
只要 將 呢件事 講畀 天下 知 ，清廷 君臣 ，係 好 相信 龍脈 嘅 事 嘅 。
噉佢哋個心 ，就 失咗 勇氣 嘞 ，我哋 圖謀 復國 ，大家 又 多咗 一層 信心 。
你 追問 真太后 嘅 ，係唔係 呢個 秘密 呢 ？
係 。
但係 呢個 賤人 ，知道 呢件事 關係到 佢 子孫 基業 ，寧願 死 都 唔肯 講 。
無論 晚輩 點樣 逼佢 ，呢幾年嚟 軟嘅 硬嘅 咩嘢 法子 都 出齊 嘞 ，佢 始終 唔講 。
白衣尼 喺 身邊 攞出 嗰部 四十二章經 佢 話 ：
你 係唔係 要 問 佢 ，其餘 嗰 幾部 經書 喺 邊處 啊 ？
太后 嚇咗 一跳 ，倒退 兩步 佢 話 ：
你 ，你已經 知道咗 啊 ？
嗰個 大 秘密 ，就 隱藏 喺 呢部 經書 裏 便 啊 ，你 已經 得咗 幾多 部 啊 ？
師太 法力 通神 無所不知 ，晚輩 唔敢 隱瞞 。
本來 我 已經 得咗 三部 ，第一部 ，係 先帝 賜畀 董鄂妃 嘅 ，佢 死咗 之後 ，就 喺 晚輩 呢處 嘞 。
另外 兩部 呢 ，係 喺 奸臣 鰲拜 屋企 抄 出嚟 嘅 。
但係 有 一晚 ，有人 入 宮 行刺 ，喺 我 心口 㓤 咗 一刀 ，將 呢 三部 經書 都 偷咗去 。
師太 ，你 睇下 。
講完 ，解開 外衣 、內衣 同埋 肚兜 ，露出 心口 一個 好大 嘅 傷疤 。
韋小寶 個 心 兵兵 嘭嘭 猛 咁 跳 ：死喇 死喇 死喇 ，再 查問 落去 ，恐怕 師太 要 疑心 到 我 咯噃 。
只 聽見 白衣 尼話 ： 我 知道 行刺 你 嘅 係 邊個 ， 不過 呢 個人 ， 冇 攞 走 嗰 三部 經書 啊 。
因為 白衣 尼 諗 ：呢 三部 經書 如果 係 陶紅英 攞咗 ，佢 決 唔會 隱瞞 唔講 嘅 。
太后 話 ：嗰個 刺客 冇 偷 經書 咩 ？
噉嗰 三部 經書 係 邊個 偷咗 去 呢 ？
哎呀 ，噉 ，噉真係 奇怪 喇 。
白衣尼 話 ：講 或者 唔講 ，全在 你 喇 。
太后 話 ：師太 對 清廷 嬲 到 入骨 ，又 係 法力 通神 ；
呢 個 大 秘密 如果 交 喺 你 嘅 手上 ， 由 你 老人家 主持 大局 ， 去 掘 咗 佢 哋 嘅 龍脈 ， 真 係 求之不得 啦 ， 晚輩 點會仲 隱瞞 啦 ？
而且 ，要 八部 經書 一齊 到手 ，先至 能夠 搵到 龍脈 喺 邊處 嘅 ，而家 有 一部 已經 喺 師太 手上 咯 ，晚輩 就算 有 另外 三部 ，亦係 一啲 用處 都 冇 啦 。
到底 你 嘅 心 喺 處 打 咩 主意 ，我 亦都 無謂 去 諗 嘞 。
你 既然 係 皮島 毛文龍 個 女 ， 噉 你 同 神龍教 一定 係 淵源 極深 㗎 囉 ？
唔 係 啊 ， 唔 係 啊 冇 ， 冇 啊 。
晚輩 ，從來 都 冇 聽過 神龍教 個 名 㗎 。
白衣尼 睇實 佢 過咗 一陣 就 話 ：
我 教 你 一 種 散功 嘅 法子 ，每 日 早 午 晚 三 次 ，照 呢個 法子 去 拍擊 樹木 ，連 拍 九九 八十一 日 ，或者 可以 將 你 身體 裏 便所 中 化 骨綿掌 嘅 陰毒 掌力 ，散翻 出嚟 嘅 。
太后 噉 就 非常 歡喜 喇 ，又 跪低 叩謝 。
白衣 尼 即刻 教 佢 口訣 ， 白衣 尼話 ：
從今以後 ，你 一 運 內力 出手 傷人 ，全身 嘅 骨骼 即刻 就 斷晒 ，邊個 都 救 你 唔到 㗎 喇 。
係 。
太后 低聲 噉 應咗 佢 一句 ，神情 極之 悲慘 啊 。
韋小寶 就 心花怒放 喇 佢 諗 ：
哼 ，以後 見到 老舉乸 呢 ，就算 我 冇 五龍令 ，都 唔使 再 怕 佢 喇 。
白衣 尼 衫袖 一 拂 ，點咗 佢 嘅 暈穴 ，太后 當堂 暈咗 跌 喺 地 。
白衣尼 低聲 話 ：出嚟 啦 。
韋小寶 同 陶紅英 喺 床 後 行 翻 出嚟 。
韋小寶 話 ：師太 啊 ，呢個 女人 講 嘢 啊 三分 真 七分 假 ，唔信得 佢 過 㗎 。
白衣尼 岌一岌頭 話 ：
經書 裏 便 隱藏 嘅 秘密 ，唔淨止 係 關係到 清廷 龍脈 ，其中 嘅 金銀財寶 佢 就 故意 唔 提 嘞 。
韋小寶 話 ：等 我 再 摷嚟 睇下 至 得 。
就 詐 假意 四圍 咁 摷 咯噃 。
佢 掀開 被褥 ， 見到 暗隔 蓋板 上 嘅 銅環 ， 佢 就 低 低聲 好 歡喜 噉 話 ：
哈 ，經書 喺 呢處 喇 。
拉起 暗格 蓋板 ，見到 暗格裏 便 收藏 唔少 珍珠 寶貝 銀票 ，不過 就 唔 見到 經書 。
佢 歎 一口氣 話 ：唉 冇 經書 噃 ，珠寶 有 鬼 用 咩 ？
白衣尼 話 ：攞晒 啲 珠寶 佢 ，日後 起義 興復 ，處處 都 要 用 錢 啊 。
於是 陶紅英 將 珠寶 銀票 ，用 一塊 錦緞 包好 交畀 白衣尼 。
韋小寶 個 心 諗 ：老舉乸 呢 一次 啊 就 大大 破財 喇 。
哈 點解 上次 暗格 裏 便 啊 冇 珠寶 銀票 嘅 ？
係喇 上次 擠咗 經書 就 擠唔落 第啲 嘢 啦 ，嘿 ，真係 可惜 啊 。
白衣尼 對 陶紅英 話 ：呢個 女人 假冒 太后 ，多數 另有 圖謀 嘅 。
你 潛伏 嘅 宮內 ，仔細 噉 查下 。
好在 佢 武功 已經 失咗 嘞 ，唔使 怕 佢 嘅 。
係 。
陶紅英 應咗 ，佢 同 舊主 重逢 冇 幾 耐 ，又 要 分別 嘞 ，好 唔 捨得 。
話說 白衣尼 帶住 韋小寶 跳翻 墻 出 宮 ，就 返到 客店 ，攞 部 經書 出嚟 研究 下 。
呢部 經書 係 黃綢 封面 ，係 順治 皇帝 叫 韋小寶 交畀 康熙 嘅 。
白衣尼 掀開 書面 ，見 第一頁 上面 寫住 永不加賦 四個 大字 ，就 岌一岌頭 ，對 韋小寶 話 ：
你 話 嗰個 小皇帝 要 永不 加賦 ，呢 四 個 字 果然 寫 喺 呢處 啊 。
白衣尼 一頁頁 噉 查閲 。
四十二章 經 嘅 經文 就 好 短 嘅 ， 每 一章 只 係 寥寥 幾行 ， 而且 字體 極大 ， 每 一章 佔 一頁 或者 兩頁 不等 。
呢 啲 經文 佢 早就 已經 爛熟 如流 嘞 ， 從頭到尾 噉 誦讀 一次 ， 同 原來 經文 一個 字 都 冇 錯 ， 佢 再 將 書頁 對住 燭火 嚟 映照 ， 亦 唔 見 有 夾層 嘅 字跡 。
佢 諗咗 好耐 ，見到 內文 不過 幾十頁 啫 ，嗰個 封面 同 封底 呢 仲 厚過 內文 多多聲 嘅 。
忽然間 諗起 袁承志 當年 ，得到 金蛇秘笈 嘅 經過 ，於是 用 清水 浸濕 封皮 ，輕輕 揭開 佢 。
只見 裏面 包住 兩層 羊皮 ，四便 用 絲線 聯翻實 。
拆開啲絲線 ，兩層 羊皮 之間 係 收藏住 百幾片 剪碎 嘅 薄 羊皮 。
韋小寶 好 歡喜 噉 話 ：冇錯喇 ，呢個 就係 嗰個 大 秘密 喇 。
白衣尼 將 啲 碎片 鋪 喺 枱面 ，只見 每一片 有 大 有 細 ，有 方 有 圓 ，三角形 又 有 ，菱形 又 有 ；
皮 上面 畫咗 好多 彎彎曲曲 嘅 紅線 ，另外 用 墨 寫住 滿洲文 ，不過 圖文 都 已經 剪爛 ，殘缺 不全 。
百幾片 碎皮 呢 互不連接 就 冇法子 拼得埋 嘅 。
韋小寶話 ：原來 每一部 經書 裏 便 都 收藏住 呢啲 碎皮 ，要 八部 經書 都 得到 嘞 ，先至 拼得成 一張 地圖 嘅 。
白衣尼 話 ：睇嚟 ，一定係 噉嘞 。
將 碎皮 放翻 喺 原來 嗰 兩層 羊皮 之間 ，用 錦緞 包好 ，擠落 個 袋 處 。
第日 ，白衣尼 帶埋 韋小寶 離開 北京 向 西行 ，嚟到 昌平縣 錦屏山 思陵 ，嗰度 ，係 安葬 崇禎 皇帝 嘅 地方 。
嗱 各位 ，欲知 後事 如何 ，且 聽 下回 分解 。
