前 文 再續 啊 書 接上 一回 啊 。
話說 康熙 下咗 道 密旨 畀 韋小寶 ，韋小寶啊 搦 去 同 晦聰 禪師 一齊 睇 。
打開 密旨 ，原來 係 四幅 圖畫 。
除咗 四幅 圖畫 之外 啊 ，密旨 裏 便 冇 其他 文字 嘞 。
原來 康熙 好 識 畫畫 嘅 ，噉 佢 知道 韋小寶 識字 有限 ，就 畫 圖畫 嚟 下 聖旨 。
呢 四幅 圖畫 講得 好 明白 ，係 要 佢 去 清涼寺 做 住持 侍奉 老皇帝 。
韋小寶 開始 覺得 好得意 ，跟住 就 一啲 都 唔得意 嘞 ，佢 諗 ：
做下 和尚 仔都 唔 緊要 ， 又 要 去 做 老和尚 ， 唉 真 係 弊弊 冇 咁 弊 咯 。
晦聰微笑話 ：恭喜 師弟 ，皇上 派 你 去 住持 清涼 。
清涼寺 乃係 莊嚴 古剎 ，建於 北魏 孝文帝 嘅 時候 ，仲 早過 少林寺 啊 。
師弟 去到 必定 可以 弘宣 佛法 ，普度 眾生 ，昌大 我教 。
韋小寶 擰擰頭 苦笑 佢 話 ：呢個 住持 我 係 做唔嚟 㗎 一定 搞到 笑話 百出 ，一塌糊塗 係啦 。
聖旨 裏 便 ，畫明 要 師弟 帶領 一班 本寺 和尚 一齊 去 嘅 。
師弟 你 自己 挑選 啦 。
大家 都係 你 相熟 嘅 晚輩 ，一定 會 盡心 輔助 ，師弟 大可以 放心 。
韋小寶 諗咗 一陣 先至 恍然大悟 ，原來 小皇帝 考慮 周詳 ，當時 派 自己 嚟 少林寺 出家 ，早就 安排 好 今日 嘅 事 嘞 。
等 自己 喺 少林寺 住 咗 半年 幾 ， 同班 和尚 相熟 咗 ， 就 可以 挑選 合意 嘅 和尚 一齊 去 清涼寺 。
老皇帝 既然 已經 出咗 家 ，決 唔願意 由 侍衞官兵 保衞 ，講唔定 ，講都唔講 就 走咗 ，從此之後 又 搵 佢 唔到 嘞 。
少林 和尚 武功 卓絕 ，由 自己 率領 去 保護 皇帝 ，噉 就 比起 侍衛 官兵 就 穩陣 妥當 得多 嘞 。
何況 呢件事 係 天大 嘅 機密 ，皇帝 如果 派遣 侍衞官兵 去 保衞 五台山 嘅 一個 和尚 ，必定 係 嘻嘻㗾㗾 ，傳到 天下 都 知 。
而且 班 侍衞 當中 ，亦 必定 有 識得 老皇帝 嘅 。
由 一個 少林 和尚 去 住持 清涼 就 好 尋常 嘞 ，以前 清涼寺 嘅 住持 澄光 ，就 係 少林寺 嘅 十八 羅漢 之一 。
佢 又 諗 ：如果 小皇帝 一早 就 命令 我 去 清涼寺 出家 ，仍然 係 太過 引人注目 ，嚟 少林寺 轉得 一 轉 ，就 唔會 有人 疑心 嘞 。
想到 呢度 ，對 康熙 嘅 佈置 不由得 非常 敬服 啊 。
噉韋小寶返去禪房 ，攞咗 六千兩銀票 ，叫 張康年 佢哋 賞畀 班侍衞 。
張趙 兩個人 ，想唔到 韋小寶 做咗 和尚 仲係 咁 慷慨 ，喜出望外 啦 讚佢 話 ：
自古以來 ， 大 和尚 賞銀 畀 皇帝 嘅 侍 衞 嘅 ， 只有 你 韋大人 一位 唧 ， 真 係 空前絕後 ， 前無古人 後無來者 啊 。
韋小寶 笑住 話 ：前 無 古僧 ，後 無 來僧 就 真 。
張康年 低聲 話 ：韋大人 ，皇上 派 你 辦 咩 大事 ，我哋 當然 唔敢 多問 啦 。
不過 你 有 咩嘢 差遣 ，即管 吩咐 啦 。
同你 辦事 就係 同 皇上 辦事 ，大家 一樣 咁 奮勇 爭先 㗎 。
趙齊賢話 ：如果 韋大人 要 辦 咩事 一時 不得其便 咯 ，我哋 或者 可以 稍盡微力 嘅 。
比如 ，嗱 比如 講吖 ， 韋大人 如果 要 攞 少林寺 裏 便 嘅 武功 秘本 ， 我 哋 就 放火燒 寺 ， 一場 大亂 ， 韋大人 就 可以 乘機 下手 啦 嘛 。
張康年 咭咭聲 咁 笑 低聲 話 ：
嘿嘿 ， 冇 錯 喇 冇 錯 喇 ， 呢 啲 叫做 趁火打劫 ， 渾水摸魚 啊 。
韋小寶 打個 特 ，跟住 就 明白 喇 佢 諗 ：
佢 哋 一定 喺 度 諗 皇上 派 我 嚟 少林寺 做 和尚 到底 有 咩 嘢 用意 ， 呢 次 交 嚟 嘅 密旨 裏 便 又講 咗 啲 乜嘢 。
佢哋 知道 皇上 喜歡 武功 ，派 我 嚟 少林寺 出家 ，梗係 嚟 偷 武功 秘本 㗎 嘞 。
佢 笑咗 一笑 亦 低聲 話 ：兩位 放心 啦 ，我啊 ，我 已經 得手 喇 。
張趙 兩個人 好 歡喜 ，一齊 躬身 請安 佢 話 ：皇上 洪福 齊天 ，韋大人 精明 幹練 ，恭喜 你 立咗 大功 啊 。
趙齊賢話 ：要唔要 我哋 幫 你 帶 出去 啊 ？
廟裏 便啲 和尚 如果 懷疑 嘞 ，韋大人 大可以 解開 衣服 ，任佢哋 搜查 啦 。
韋小寶 話 ：噉 就 唔使 。
你哋 返去 奏 明皇上 ，就 話 奴才 韋小寶 謹奉 聖旨 ，已經 將 圖畫 記實 喇 ，用心 辦事 ，請 皇上 放心 噉 啦 。
兩個人 應 佢 話 ：係 。
趙齊賢 想咗 一陣 ，已經 明白 其中 道理 嘞 ，佢 話 ：
原來 呢啲 武功 秘訣 都係 圖譜 嚟 ，韋大人 睇熟 咗 之後 ，已經 記實 嘞 。
張康年 亦都 醒悟 嘞 ，佢 話 ：噉就 更加好喇 ，如果 將 秘本 偷咗 出去 ，啲 和尚 梗係 會 知道 㗎 。
噉到底 ，到 底唔似得 噉樣 好 ，睇過咗 之後 記住 ，真係 神不知鬼不覺 啊 。
不過噉呢 全靠 韋大人 天生 絕頂 聰明 ，好似 我啲 噉嘅 蠢材 ，就 點都 記唔住 啊 。
韋小寶 見 佢 兩個人 又 誤會 佢 所講 嘅 圖畫 係 少林寺 嘅 武功 圖譜 ，個 心 偷笑 嘞 ，佢 話 ：
張兄 唔使 太 謙 ，喺 寺 裏 便 慢慢 噉 睇 ，一日 兩日 唔得 ，睇佢 幾個月 ，唔得 都 變 咗 得 啦 。
兩個人 都 話 係啊係啊噉 ，個心 諗 ：
你 喺 少林寺 半年 有多 ，少林派 武學 嘅 圖譜 一定 記得 唔少 喇 。
兩個人 告辭 要 走 嘞 。
韋小寶 想起 一件事 就 問 ：先頭 喺 山外 便 遇到 嗰批人 ，你哋 知唔知道 係 咩 嘢 來歷 啊 ？
張趙 兩個人 話 ：唔知 噃 。
你哋 快啲 去 查下 ，呢班 人 嚟到 少林寺 鬼鬼鼠鼠 ，睇 個 樣 啊 ，亦係 想 偷 寺裏 便 嘅 武功 秘本 嘅 。
尤其 是 嗰 個 總兵 啊 ， 唔 知 係 邊個 嘅 部下 ， 佢 身 為 朝廷 命官 ， 咁 大膽 ， 竟然 想 破壞 皇上 嘅 大事 喎 ， 確實 係 大逆不道 ， 存心 造反 啊 。
你哋 查到 係 邊個 人 主使 ，係 一件 極大 嘅 功勞 啊 。
兩個人 好 歡喜噉 話 ：呢層 容易 啫 ，佢哋 落山 冇 幾 耐 一定 追得到 嘅 。
嗰個 總兵 有 名 有 姓 ，一查 就 知 嘞 。
韋小寶 啊 明知 嗰 個 馬總兵 係 吳三桂 部下 ， 不過 佢 係 故意 誣陷 ， 裝作 唔 知 佢 嘅 來歷 ， 等班御 前 侍 衞 查出 嚟 ， 稟告 皇上 邀功 ， 噉 啊 好過 自己 去 誣告 多多 聲 啦 。
韋小寶 又 話 ：同 呢班人 喺 一齊 嘅 ，有 個 女扮男裝 嘅 少女 ，佢哋 正在 搵緊 另外 一個 約莫 十六七歲 嘅 美貌 姑娘 。
呢 兩個 女子 ，同 呢件 逆謀 大事 好 有 關係 嘅 。
你哋 呢 去 設法子 詳細 查明 ，兩個 女子 叫做 乜嘢 名 ，咩嘢 出身 來歷 。
查明咗 之後 ，送 封信 嚟 畀 我 。
呢番 説話 自不然 係 假公濟私 嘞 。
佢 派 皇帝 嘅 侍 衞 去 追查 自己 嘅 心上人 ， 噉 佢 哋 貪圖 賞金 ， 必定 係 落力 辦事 嘅 。
御前侍衛 要 查 咩嘢 案件 ，噉 天下 嘅 官府 都 奉命 差遣 ，雷厲風行 噉 追查 ，點會 話 搵唔到 線索 㗎 。
張趙 兩個人 拍心口 擔保 ，一定 查 個 水落石出 ，嚟 報答 韋大人 提拔 之 恩 、知遇 之 德 、眷顧 之 情 、重賞 之 惠 啊 。
噉嗰班侍衞 走咗 之後 ，韋小寶 去 見 方丈 ，話 奉咗 聖旨 ，聽日 就 要 起程 ，去 清涼寺 喇噉 。
晦聰方丈話 ：係 ，師弟 天賦 慧根 ，妙悟 佛義 ，可惜 相聚 嘅 日子 無多 又 要 分別 ，唔能夠 多有 切磋 同 參正法 ，睇嚟 ，係 緣 盡 於 此 喇 。
誒唔知 師弟 要 帶埋 邊啲 僧侶 去 呢 ？
韋小寶 啊 點咗 般若堂 首座 澄觀 ，同埋 羅漢堂 嗰 十八 名 和尚 。
除此之外啊 ，仲 點咗 十幾名 同佢 傾得埋 嘅 僧侶 ，總共 係 三十六名 。
晦聰 同意 嘞 。
將 呢 三十六 名 少林 僧 叫嚟 ，話 晦明 禪師 ，要 去 住持 五台山 清涼寺 ，叮囑 佢哋 跟埋去 ，護法 修持 ，聽從 晦明 禪師 吩咐 差遣 噉 。
第日一早 ，韋小寶 帶埋 三十六個 和尚 同 方丈 等 告別 之後 ，嚟到 山腳 。
噉佢 一個人 呢 就 去 搵 雙兒 嘞 。
雙兒 喺 老百姓 屋企 寄居 ，同 佢 分別 咗 半年 幾 ，忽然間 見到面 ，驚喜交集 ，忍唔住 喊起上嚟 。
韋小寶 笑住 話 ：雙兒 你 喊 咩唧 ？怪 我 咁耐 都 冇 嚟 睇 你 係咪 呢 ？
雙兒 喊住 話 ：唔係 ，你 ，你 ，相公 出咗 家 。
韋小寶 拉住 佢 隻手 ，喺 佢 手背 上 輕輕 吻咗 一吻 笑住 話 ：傻女 ，相公 做 和尚 係 假 嘅 啫 嘛 。
雙兒 又 高興 又 羞 家 連 耳根 都 紅咗 咯 。
韋小寶 仔細 噉 睇下 佢 ，見 佢 容顏 憔悴 就 瘦咗 好多 ，不過 身材 呢 就 高咗 啲 ，更加 顯得 婀娜 清秀 嘞 佢 就 話 ：
你 瘦咗 喇 ，日日 咁 想住 我 係咪 呢 ？
雙兒 紅住 塊 面 想要 擰頭 ，不過 就 慢慢 耷低咗 頭 。
韋小寶 話 ：好喇好喇 ，快啲 換翻 男裝 跟我 去 啦 。
雙兒 好 高興 啊 ，亦 唔 多 問 喇 ，即時 換咗 男裝 ，仍然 係 扮 翻 個 書童 噉 樣 。
噉啊呢一日 ，佢哋 嚟到 五台山腳 ，啱啱 要 上山 ，只見 四名和尚 迎上嚟 ，當先 一名 老和尚 合十 行禮 話 ：
各位 係 少林寺 嚟 嘅 師父 嘛 ？
韋小寶 岌一岌頭 。
呢一位 ，必定 係 法名 上司 下明 嘅 禪師 啊 。
韋小寶 又 岌一岌頭 。
噉啊 四僧 一齊 跪低 拜見 ：
得知 禪師 前嚟 住持 清涼 ，眾 僧侶 不勝之喜 ，誒 已經 喺 山下 等候 好多 日 喇 。
自從 澄光 返咗 去 少林寺 ，噉 啊 清涼寺 呢 就 由 老和尚 法勝 住持 。
呢次 康熙 另外 派 人 頒咗 密旨 畀 法勝 ，派 佢 去 長安 慈雲寺 做 住持 ，噉 一等 少林 和尚 嚟 呢 ，即時 交接 。
長安 慈雲寺 啊 比 清涼寺 大得多 ，法勝 梗係 歡喜 定 啦 ，就 派咗 四個 和尚 喺 五台山 下 迎接 。
韋小寶 佢哋 嚟到 清涼寺 ，同 法勝 交接 咗 之後 ，班 和尚 都 嚟 參見 。
玉林 、 行癡 同行 癲 呢 冇 親自 嚟 ， 只 係 由 玉林 寫 咗 個 參見 新 住持 嘅 疏 文 就 係 嘞 。
法勝 第日 就 下山 ，去咗 長安 ，韋小寶 就係 清涼寺 嘅 一 寺之主 嘞 。
好在 種種 儀節 規矩 都有 澄光 呢班 僧人 隨時 指點 ，噉 佢 個 和尚仔 做起 方丈 上嚟 呢 都 似模似樣 ，並無 差錯 嘅 。
嗰日 韋小寶 同 雙兒 ，喺 清涼寺 趕走 咗 嚟 侵犯 嘅 敵人 ，救 咗 全寺 僧侶 嘅 性命 ，噉 大家 都 係 親眼 睇見 嘅 。
呢個 時候 ，見 佢 忽然間 落髮 出家 ，又 嚟 清涼寺 做 住持 都 好奇怪 。
但係 佢 對 本寺 有 恩 嘞 ，所以 人人 都 好 服 佢 。
韋小寶啊叫 雙兒 住 喺 寺外 一間 屋仔 處 ，有 咩事 就 可以 一叫 就 到 嘞 。
嚟 清涼寺 做 住持 ，至 緊要 嘅 大事 當然 係 保護 老皇爺 嘅 安全 。
佢 問過 執事僧 ，知道 玉林 、行癡 、行癲 三個 ，仍然 住 喺 後山 嘅 廟仔 ，噉 亦 唔 過去 打擾 佢哋 喇 。
佢 同 澄心 大師 商量過 ，叫 人 喺 離開 廟仔 半里 嘅 地方 嘅 東南西北 四面 ，每便 都 搭 一間 茅廬 ，派 八 名 少林 和尚 輪流 喺 茅廬 當值 。
噉 搞掂晒 啲 嘢 ，就 猛 等 張 康年 同 趙 齊賢 送 信 嚟 ，講 畀 佢 聽 嗰個 綠衫 女郎 嘅 姓名 來歷 咯噃 。
哈 ，不過 等咗 成 幾個 月 ，一啲 消息 都 冇 。
寂寞 個 時候 ，就 同 澄觀 拆解 招式 ，偶然 就 縮去 雙兒 間 屋仔 ，同 佢 講下 笑啊 ，摸下 佢 隻 手仔 啊噉 。
有時 又 諗 ： 我食 咗 洪 教主 嘅 豹 胎 易 筋 丸 ， 噉 如果 一年 之內 ， 唔 送 一部 經書 去 神龍 島 噉 毒性 發作 起上 嚟 唔 係 玩 㗎 噃， 嗯 計起 嚟 ， 都 冇 幾 多個 月 剩添 嘞 。
我 如果 變得 又 老 又 蠢 ，同 澄觀 師侄 一模一樣 ，哼 ，我 嗰個 綠衣 老婆 一見 啊 ，就 叫 我 做 油嘴滑舌 嘅 老和尚 喇 。
噉又喺佢條綠裙處 ，剪咗 窟布 落嚟 做 頂 綠帽 畀 我 戴 ，嘿 ，噉就衰咯 。
呢一日 ，佢 百無聊賴 ，一個人 喺 五台山 到處 咁 行 ，個心 啊 一味 想住 嗰個 綠衫 女郎 。
行到 一條 山溪 旁邊 ，見到 一樖 柳樹 畀 啲 風吹 到 逳逳下 ，佢 ，佢 諗 ：
呢樖柳樹 ，如果 係 我 嗰個 綠衫 老婆 ，老子 就 毫不客氣 ，一手 抱住 佢 。
佢 如果 唔肯 呢 ，使 一招 崑崙派 嘅 千岩競秀 ，連 氣 向 我 打 幾 掌 。
噉 老子 一招 沿門 托缽 化解 咗 佢 。
澄觀師侄 就 話 ，呢一招 呢 要 使得 舉重若輕 ，噉 先至 顯得 出名門正派 嘅 武功 嘅 風範 喎 。
老子 舉輕 若輕 ， 舉重 若重 ， 理 乜 鬼 佢 名門 旁門 ， 正派 邪 拜 吖 ？
呢 一招 發出 之後 ， 跟 住 就 係 一招 智珠 在握 ， 左手 捉 佢 左手 ， 右手 捉 佢 右手 ， 出力 咁 揸 到實 ， 殺 咗 我 個頭 都 唔 放開 佢 啊 。
佢 想到 入晒神 ，兩隻手 就 一招一式 噉 使出嚟 ，啪啪 兩聲 ，雙手 各自 揸住 一條 柳枝 ，連 飲奶 嘅 力 都 出齊 啊 ，緊緊 噉 揸實 。
忽然間 聽見 有人 粗聲粗氣 噉 話 ：喂 ，你 睇下 ，呢個 和尚仔 喺度 發癲 喎 。
韋小寶 吃咗 一驚 ，擔 高頭 一 睇 ，見到 有 三個 紅衣 喇嘛 ，正在 向 自己 指指點點 喺度 講 喺度 笑 。
韋小寶 塊面 一 紅 ，以為 自己 心事 畀 佢哋 睇穿 咗 ：
堂堂 清涼寺 嘅 大方丈 ，喺 冇人 嘅 地方 諗住 要 捉實 一個 美麗 姑娘 喎 實在 太 丟架 喇 ，即刻 擰頭 就 走 。
轉過咗 一條 山路 ，迎面 又 有 幾個 喇嘛 行過嚟 。
五台山上 喇嘛廟 好多 ，韋小寶 亦 不以為意 ，只係 有咗 先頭 嗰件事 ，唔想 同佢哋 正面 相對 嘞 ，就 擰轉 個 頭 詐 假意 睇 風景 ，任 嗰 幾 名 喇嘛 喺 身後 行過去 。
只聽見 一名 喇嘛 話 ：上頭 法旨 要 我哋 無論如何 ，喺 今日 午時 之前 趕上 五台山 ，哼 真係 急如星火 ，不過 上咗 山咯 ，乜嘢 都 冇 ，開玩笑 咩 ？
另外一名喇嘛 話 ：上頭 噉樣 安排 ，梗係 有道理嘅 。
你 唔 捨得 大同城 嗰個 姑娘 啫 嘛 係唔係 吖 ？
韋小寶 聽咗 亦 唔 在意 ，噉 對 佢哋 反而 有 啲 好感 噃 ，個 心 諗 ：
呢啲 喇嘛 飲酒 、嫖 老舉 ，唔 扮 假正經 ，好嘢 ！
老子 真 係 要 出家 ， 寧可 做 喇嘛 都 唔 做 和尚 啊 。
返到清涼寺 ，只見 澄通 喺 山門口 等 佢 ，一見到佢 ，即時 迎上嚟 低聲 話 ：
師叔 ，我 睇 情形 有 啲 唔對路 噃 。
韋小寶 見 佢 面色 鄭重 就 連忙 問 ：點啊 ？
澄通 擪 一擪 手 ，同 佢 沿住 石級 行 上 清涼寺 旁邊 一 座 山峰 。
韋小寶 一擸眼 ，只見 南便 一 點點 無數 黃點 。
定眼睇清楚 ，嗰啲 黃點 原來 都係 身穿 黃衣 嘅 喇嘛 ，冇 一千 亦 有 八百 喇 。
三三五五 ，分佈 喺 樹叢 山脊 之間 。
韋小寶 嚇咗 一跳 ：咁多 喇嘛 做 咩嘢 啊 ？
澄通 向 西 便 一指 ：嗰 便 仲 有 啊 。
韋小寶 一 睇 ，果然 有 成千名 喇嘛 ，一堆 二堆 噉 ，坐 嘅 又 有 企 嘅 又 有 。
日光 一 照 ，白光 閃爍 ，嗰班 喇嘛 都 帶住 兵器 嘅 。
韋小寶 更加 吃驚 啦 ：佢哋 帶住 兵器 ，唔通 ，唔通 。
佢 望 住 澄通 ， 澄通 慢慢 噉 岌下 個頭 話 ：
師侄 估 嘅 都係 一樣 啊 。
韋小寶 再望 下北 便 、 東便 ， 每一便 都 有 幾百名 喇嘛 。
再仔細啲睇下 ，只見 啲 喇嘛 裏 便 ，有 啲 披住 深黃色 袈裟 ，嗰啲 呢 就係 一隊隊 嘅 首領 嘞 。
韋小寶 話 ：佢 阿爺 吖 ，至少 有 四五千人 喇 。
澄通話 ：一百二十五 名 首領 ，總共 係 三千二百零八十 名 喇嘛 。
你 真 本事 嘞 ，數得 咁 清楚 。
噉點算呢 ？
韋小寶 冇 説話 好 講 。
呃下人 就 話 易啫 ，而家 畀 人哋 幾千人 圍住 ，問 佢 點算好 喎 ，佢 一啲 計 都 冇 。
噉佢 問翻 澄通 ：噉 點算 啊 ？
澄通話 ：睇 對方 嘅 意思 ，梗係 想 劫走 行癡 大師 嘅 ，多數 要 等到 夜晚 ，就 四面 合圍 進攻 。
韋小寶 話 ：點解 而家 唔 進攻 呢 ？
五台山上 喇嘛 嘅 黃廟 同 我哋 中原 釋氏 嘅 青廟 ，一向 都 好好 嘅 。
我哋 青廟廟 多 僧 多 ，台 頂 十大 廟 ，台外 十大 廟 。
黃廟 嘅 喇嘛 雖然 霸道 啊 ，亦 唔 敢 嚟 蝦 我哋 。
如果 日頭 進攻 ， 必定 引起 各 青廟 嘅 聲援 嘅 。
噉 我哋 即刻 派 人 出去 ，通知 各 青廟 嘅 住持 ，請 佢哋 派 多啲 和尚 嚟 ，噉 大家 同班 喇嘛 決 一 死戰 咪 得 囉 。
正是 五台山 和尚 鏖兵 ，青廟 僧 大戰 喇嘛 啊 。
澄通 擰擰頭 話 ：五台山 各 青廟 嘅 和尚 ，十之八九 唔會 武功 嘅 ，就算 係 會 武功 ，功夫 亦都 係 麻麻地 嘅 啫 ，冇 聽講 有 咩 嘢 好手 噃 。
韋小寶 話 ：噉 佢哋 係 唔肯 嚟 幫手 㗎 嘞噃 ？
嚟 幫手 嘅 亦 唔會 冇 ，只怕 係 白白 送 咗 條 命 唧 。
噉唔通 我哋 就 噉 就 投降 ？
我哋 投降 唔緊要 啊 ，行癡 大師 ，就 勢必 畀 佢哋 劫咗 去 嘞 。
韋小寶 諗 ：行癡大師 嘅 身份 ，唔知 班 少林 和尚 知 唔 知道 呢 ？
佢 問 ：佢哋 咁 大陣仗 嚟到 劫 行 癡 大師 ，噉 到底 係 咩 嘢 用意 呢 ？
幾個月 之前 就 曾經 嚟過 一次 㗎 嘞 ，好彩 各位 好朋友 將 佢哋 嚇走 咗 唧 。
呢次啊嚟嘅人 更多 喇 。
澄通沉吟話 ：行癡大師 一定 係 個 大有來歷 嘅 人 ，唔係 牽涉到 中原 武林 嘅 興衰 ，就係 同 青廟 黃廟 之 爭 有 重大 關係 嘅 。
其中嘅原因 ，澄心師兄 冇 講過 ，師叔 你既然 唔知 我哋 更加 唔知 嘞 。
嗱 各位 ，欲知 後事 如何 ，且 聽 下回 分解 。
