前 文 再續 啊 書 接上 一回 啊 。
話住 洪安通 教完 英雄 三招 嘅 第二招 ，慢慢 企翻 起身 。
洪夫人 頭 下腳 上 ， 畀 佢 打倒 埞 噉 扚 起 嚟 ， 洪夫人 就 話 喇 ： 快 啲 放手 啦 ， 似 咩 樣唧 ？
洪安通 哈哈大笑 ，右手 攬住 佢 條腰 ，放 佢 企翻直 ，噉 佢 話 ：
白龍使 ，你 身材 矮細 ，唔能夠 打倒 埞噉 扚起 敵人 ，噉 你 就 揦住 佢 腳眼 一拖 ，就算 拖 佢 唔起 啊 ，匕首 指住 佢 小腹 ，敵人 亦 唯有 投降 嘞 。
嗰陣時 ，你 就 要 喺 佢 胸口 神藏 、神封 、步廊 幾個 要穴 踢 幾腳 ，提防 佢 反擊 啊 。
韋小寶 好 高興 啊 話 ： 冇 錯 冇 錯 ， 嗨 呢 幾腳 啊 非 踢 不可 啊 。
噉 跟住 洪安通 反轉 雙手 喺 背後 ，等 夫人 捉住 ，夫人啊 攞 半 橛 門戌 ，晾 喺 佢 條 頸 處 。
洪安通話 ：敵人 捉住 我 雙手 ，當然 扣住 我 手腕 嘅 脈門 ，令 我 手上 冇力 難以 反擊 。
喺噉嘅情景之下 ，本來 只有 用腳 嘞 。
佢 説話 未 講完 ，洪夫人 吖噉 一聲 ，笑住 放開手 一步 跳咗 開去 ，滿面 通紅 噉 話 ：
唔能夠 教 細佬 哥 用 呢啲 下流 招數 嘅 。
洪安通 笑住話 ：撩陰腿 邊度 係 下流 招數 呢 ？
下陰 係 人身 要害 ，一擊 中 就 當堂 冇命 。
就算係 名門大派 嘅 拳腳 裏便 ，亦 往往 有 撩陰腿 呢一招 ，少林派 有 ，武當派 亦 有 ，不足為奇 。
不過 敵人 喺 你 背後 ，你 雙手 又 畀 人 捉住 ，條 頸 又 有 把 刀 晾 喺 處 ，噉 就 唯有 用 反撩 陰腿 嘞 。
但係 敵人 亦 必定 會 提防到 你 呢一着 嘅 ，見 你 隻 腳 一逳 ，多數 一刀 就 斬咗 你 嘅 人頭 先 。
所以 撩陰 反踢 呢一招 亦 用唔着 。
佢 呢個 時候 雙手 反 喺 背後 畀 洪夫人 捉住 手腕 ，突然間 雙手 十指 一彎 ，個身 向後 便 一撞 ，十隻 手指 就 向住 洪夫人 胸部 揸過去 。
洪夫人 急急 向後 便 一縮 ，放開 佢 手腕 ，啋 佢 話 ：啋 ，呢個 又 咩 英雄 招式 啊 ？
洪安通 微微 一笑 話 ：一個人 心口 乳中 、乳根 兩個 穴 ，無論 男女 都係 致命 大穴 。
白龍使 ，嗰個人 既然 能夠 將 你 雙手 反剪 捉住 ，武功 一定 係 唔低 嘅 。
何況 多數 已經 揸住 你 手腕 穴道 ，就算 畀 你 揸中 咗 ，本來 亦 唔緊要 嘅 。
但係 佢 一見 你 使出 呢種 手勢 ，自然而然 就 會 向後 一縮 。
等到 佢 想起 你 雙手 都 冇力 嘅 時候 ，就 已經 遲咗 一步 嘞 。
夫人 ，你 再 嚟 揸住 我 雙手 啦 。
洪夫人 行上 兩步 ， 輕輕 喺 佢 捩 轉 嘅 手上 便 打 咗 一下 ， 然後 用 左手 揸 住 佢 雙手 手腕 ， 上身 向 後仰 ， 唔 畀 佢 嘅 手指 碰到 自己 心口 。
洪安通話 ：睇清楚啊 。
講完 ，背脊 向 後 一撞 ，十隻 手指 向 洪夫人 心口 就 揦過去 。
洪夫人 明知 佢 呢一下 係 虛嘅 ，不過 仲係 縮身 避開 佢 。
洪安通 突然間 一個 倒翻關斗 ，身體 跳起 ，兩腿 一分 ，已經 騎住 佢 膊頭 嘞 。
同時 雙手 嘅 手指公 ，壓住 佢 太陽穴 ，食指 啊 撳 眼眉 ，中指 撳 眼 ，佢 話 ：
中指 使力 ，督盲 敵人 雙眼 ，手指 公 使力 ，壓暈 敵人 。
但係 需要 防備 敵人 反擊 啊 。
講完 ，又係 一個 空心 關斗 ，倒翻 出去 成 丈 幾 遠 ，右手 喺 小腿 邊 一 摸 ，裝作 摸出 匕首 ，劍尖 向外 左掌 斜舉 ，佢 話 ：
敵人 雙眼 如果 畀 你 篤 盲 咗 ，再 撲 上嚟 嘅 時候 實係 好 厲害 嘅 ，要 提防 佢 攬住 你 唔放 啊 。
韋小寶 見 呢一招 啊 非常 繁複 ，不過 閃避 敵人 兵器 、打擊 敵人 要害 非常之 有效 ，佢 話 ：
唉 呢一招啊 真係 好嘞 ，不過 好難 練啊 。
洪安通話 ：我 教 你 嘅 雖然 只有 三招 ，但係 其中 包含 擒拿 、打穴 、輕身 三門 功夫 ，有 一項 練得 唔到 家 ，呢 三招 就 使唔出 嘞 。
講到 擒拿 、打穴 、輕身 ，每一項 ，都 要 有 十年八年 嘅 功夫 至 得嘅 。
但係 你 只係 同學 呢 三招 有關 嘅 就 容易 得多 喇 。
於是 指點 咗 穴道 部位 、擒拿 手法 、輕身 腿功 ，噉 又 同 韋小寶 拆解 咗 幾 次 ，演得 唔啱喇 就 糾正 佢 。
只係 韋小寶 啊 唔敢 騎 喺 佢 條 頸 處 噃 ，洪安通 呢 亦都 冇 教 佢 試練 。
洪夫人 話 ：教主 ，我 呢個 美人 三招 係 師父 教 我 嘅 ，當年 經過 千錘百煉 嘅 改正 。
你 呢 英雄 三招 係 臨時 興之所至 ， 隨意 創造 嘅 ， 但 係 ， 比起 我 嘅 美 人 三招 又 厲害 得 多 喇 。
唔 係 話 當面 捧 你 啦 ， 大 宗師 武學 淵深 ， 實在 令人 拜服 啊 。
洪安通 抱拳 笑住 話 ：夫人 謬讚 ，唔敢當 。
尋日 ，韋小寶 喺 大廳 上 便 見到 洪安通 不言不笑 ，好似 個 木偶 噉 ，個心 對 佢 呢 有 啲 睇唔起 。
而家 見到 佢 嘅 真實 功夫 嘞 ，噉 先至 死心塌地 佩服 佢 。
洪夫人 又 話 ：教主 啊 ，我 呢個 美人 三招 有 三個 美人 嘅 名 ，你 呢個 英雄 三招 咁 厲害 ，亦 要 有 三位 大 英雄 嘅 名 先至 係 㗎 。
洪安通 微笑 話 ：好 ，我 嚟 諗下 吓 。
嗯 ，第一招 係 將 敵人 舉起嚟 ，噉 就係 ，臨潼 會 伍子胥 舉 鼎 ，叫做 ，子胥 舉鼎 啦 。
好 ，伍子胥 係 大英雄 啊 。
第二招 將 敵人 打倒 埞扚 起身 ，噉 就係 魯智深 倒拔 垂楊柳 ，叫做 ，魯達 拔 柳 啦 。
好極喇 ，魯智深 係 大英雄 。
不過 你 呢 第三招 雖然 係 巧妙 ， 不過 有 啲 流氓 無賴 嘅 味道 ， 似乎 唔 係 大 英雄 噃。
講到 呢處 ，咭咭聲 咁 嬌笑 。
點解 唔係 大英雄 啊 ？
叫個咩嘢招式好呢 ？
嗯 ，我 兩隻 食指 撳住 你 眼眉 ，呢個 叫做 張敞 畫眉 啦 。
張敞 又 唔係 英雄 ，同 夫人 畫 眼眉 啫 嘛 ，唔通 噉 都 算 係 英雄 嘅 一招 咩 ？
閨房 之 樂 ，有 甚於 畫眉 者 。
你話 同 夫人 畫眉 唔係 英雄 啊 ？
洪夫人 面紅紅 ，擰擰頭 。
韋小寶 都 唔 知道 張敞 係 個 咩 嘢 古人 ，佢 諗 同 老婆 畫 眼眉 啫 嘛 ，不但 唔係 英雄 啊 ，簡直 係 老婆奴 就 真 。
噉佢 亦 唔懂 洪安通 拋 書包 ，乃係 同 妻子 調笑 佢 就 話 ：
教主 ，你 呢一招 ，騎 喺 敵人 條 頸 處 吖 ，噉 騎馬 嘅 大 英雄 好多 㗎 ，嗱 ，好似 關雲長 騎 赤兔馬 ，秦叔寶 騎 黃驃馬 。
洪安通 笑住話 ：冇錯 ，不過 關雲長 嘅 赤兔馬 本來 係 呂布 嘅 。
秦瓊 又 將 黃驃馬 賣咗 都 唔係 點 貼切 。
嗯 ，有喇 ，呢一招 ，係 狄青 降伏 龍駒 寶馬 ，叫做 狄青降龍 啦 。
佢 降服 嘅 嗰 匹 寶馬 ，本來 係 龍 變 嘅 。
洪夫人 拍手 笑住 話 ：好極嘞 。
狄青 上陣 帶 嗰個 青銅 鬼面具 ，嚇到 啲 番邦 兵將 大呼小叫 落荒而逃 ，噉 梗係 位 大英雄 啦 。
只不過 我哋 叫做 神龍教 。
洪教主 微笑 話 ：唔緊要啊 ，就算係 龍 ，亦 有 畀人 收服 到 服服帖帖 嘅 時候 㗎嘛 。
咁衰嘅 你 。洪夫人 又 試 滿面 通紅 嘞 。
噉韋小寶又將美人三招 ，同英雄三招 一招一招噉試演 ，手法身法唔啱嘅 ，洪安通同夫人再加指點 。
呢 六招 功夫 啊 極之 巧妙 ，韋小寶 一時之間 呢 好 難 學會 。
洪教主 話 唔使 擔心 嘅 ，只要 懂得 練習 嘅 竅門 ，勤加 練習 就能夠 純熟 㗎喇 。
噉 等到 教完 呢 ，已經 係 中午 時分 。
洪夫人 堅決 唔 收 佢 把 匕首 ，還 翻畀 韋小寶 佢 話 ：
你 武功 仲 未 練好 ，呢次 去 為 教主 做事 ，要 有 呢種 利器 防身 嘅 。
白龍 使 啊 ， 喺 本 教 之中 ， 能夠 得到 教主 親自 指點 功夫 嘅 ， 除 咗 我 之外 ， 就 係 你 一個 喇 。
韋小寶 話 ：都唔知 係 屬下 幾 生 修翻嚟 嘅 福氣 啊 。
你 應當 忠心 為 教主 做事 ，嚟 報答 教主 嘅 恩德 啊 。
係 。
你 返去 啦 ，聽朝 一早 同 肥頭陀 、陸高軒 佢哋 坐船 出發 ，唔使 再 嚟 告辭 喇 。
韋小寶 應咗 ，就 向 兩個人 恭恭敬敬 噉 行禮 ，轉身 出門 。
去到 門邊 喇 ，捩 轉頭 話 ：
夫人啊 ，到到 我 八十歲 嗰陣 ，到時 請教 主 同 夫人 ，各人 再 教 我 三招 呢 好唔好 啊 ？
洪夫人 打個特 ，跟住 就 明白 係 佢 講 嘅 好話 嚟 。
佢 而家 不過 十四五歲 啫 ，到 八十歲 仲有 六十幾年 。
但係 教主 同 自己 係 壽 與 天齊 ，再 有 六十幾 年 命 隨隨便便 啦 ，就 笑一笑 話 ：
我 應承 你 ，到 你 八十歲 生日 ，教主 同埋 我 各人 再 傳 你 三招 。
等到 你 一百歲 大壽 嘞 ， 我 哋 又 各人 傳 你 三招 ， 叫做 老壽星 三招 ， 老婆婆 三招 。
點會呢 ？夫人 嗰陣時 ，仍然 同 今日 一樣 咁 年青美麗 ，多數 你 同 教主 嗰陣 啊 ，更加 年輕 就 真 ，傳畀 我 嘅 係 ，誒 ，金童 三招 ，玉女 三招 。
洪安通 同 夫人 歡喜 到 哈哈大笑 啊 。
話説 肥頭陀 同 陸高軒 兩個人 ，坐 喺 大廳 外 便 嘅 石頭 上面 等咗 好耐 ，始終 唔見 韋小寶 出嚟 ，個心 啊 十五十六 ，都 唔知 有 咩 變故 嘅 。
收尾 見到 佢 笑容滿面 噉 出嚟 先至 放心 ，噉 兩個人 想 問 又 唔敢 問 。
韋小寶 話 ： 教主 同 夫人 教 咗 我 唔 少 精妙 嘅 武功 啊 。
肥頭陀 同 陸高軒 齊聲 話 ：恭喜 白龍使 。
本教 之中 ，除咗 夫人 之外 從來 冇 人 得 教主 傳過 一招半式 嘅 。
韋小寶 洋洋得意 噉 話 ： 教主 都 係 噉 講 啊 。
陸高軒 話 ：白龍 使得 教主 寵幸 ，係 本教 創教 以來 從來 未有過 嘅 。
佢 睇咗 肥頭陀 一 眼 ，問 韋小寶 話 ：
教主 同 夫人 有冇 講過 幾時 將 豹胎 易筋丸 嘅 解藥 賜畀 我哋 啊 ？
韋小寶 奇怪 喇 ：乜 豹胎 易筋丸 仲要 有 解藥 嘅 咩 ？唔通 ，唔通 係 毒藥 啊 ？
陸高軒 話 ：亦 唔能夠 噉樣 講 ，我哋 返 屋企 詳談 啦 。
講完 ，向 竹廳 望咗 幾眼 ，啲 表情 啊 又 驚 又 怕 。
三個人 返到 陸家 ，韋小寶 見 佢 兩個 神情 憂鬱 ，個 心 思疑 喇 就 問 ：
嗰啲 豹胎 易筋丸 ，係 咩嘢 嚟 㗎 ？到底 係 毒藥 呢 定係 靈丹 啊 ？
肥頭陀 話 ：係 毒藥 定係 靈丹 亦 好 難 講 。
我哋 三個人 條命 ，全 在 白龍 使 你 嘅 掌握 之中 。
啊 ？點解 呢 ？
肥 頭陀 睇 下 陸高軒 ， 陸高軒 岌下頭 ， 肥 頭陀 話 ：
白龍使 ，人哋 客氣 嘅 ，叫 我 做 肥尊者 ，唔係 點 客氣 嘅 呢 就 叫 我 做 肥頭陀 。
不過 我 瘦成 噉 嘅 樣 完全 係 名不副實 ，你 係咪 覺得 有啲 奇怪 呢 ？
韋小寶 話 ：係定啦 ，我 早就 奇怪 喇 ，我 估話 人哋 同 你 開玩笑 先至 噉樣 叫 你 嘅 啫 。
不過 教主 亦 叫 你 做 肥頭陀 ，噉 佢 老人家 就 唔會 取笑 你 㗎 。
肥頭陀 長長 咁 歎咗 口氣 ，佢 話 ：
唉 ，我 食 豹胎 易筋丸 ，呢次 係 第二次 嘞 ，真係 死去活來 啊 ，而家 我 仲 時時 發 噩夢 。
我 本來 好 矮 好 肥 嘅 ，肥頭陀 三個字 ，名 不虛傳 啊 。
啊 ，一食 豹胎 易筋丸 ，你 就 變得 又 高 又 瘦 喇 ？
噉樣 好極啦 ，你 而家 相貌堂堂 威風凜凜 ，以前 又 矮 又 肥 ，一定 冇 而家 咁 神氣 啫 。
哈哈哈 哈哈 ， 話 係 噉 話 喇 ， 但 係 你 諗 下 ， 一個 肥佬矮 𠱂𠱂， 喺 三個 月 之內 ， 身體 忽然間 拉長 咗 三尺 ， 全身 皮膚 鮮血淋漓 ， 嗰 種 滋味 ， 你 話 難頂 唔 難頂 啊 ？
如果 唔係 運氣 好 ，終於 返到嚟 神龍島 ，教主 又 大發慈悲 畀咗 解藥 ，我 怕 仲 會 高 多 兩 尺 啊 。
哎呀 噉 㗎 ？ 我 哋 三個 人 ， 亦 食 咗 呢種 藥丸 噃， 噉 我 高 兩尺 仲 唔 緊要 ， 你 如果 再 高 兩尺 噉 ， 噉 啊 未免 高 過頭 喇 。
呢種 豹胎 易筋丸 藥效 好 靈 嘅 ，食咗 之後 一年 之內 ，能夠 令人 強身健體 。
不過 如果 一年 滿期 唔食 解藥 ，噉 佢 裏便 嗰啲 極猛烈 嘅 毒性 就 發作 出嚟 。
不過 亦 唔係 一定 係 拉高 人 嘅 身 嘅 ，我 師兄 瘦 頭陀 本來 好 高 ，忽然間 矮咗 ，佢 本來 好 瘦 嘅 ，就 變得 腫脹不堪 ，十足 一個 大肥佬 。
你 肥 尊者 變成 瘦 尊者 ， 瘦 尊者 變 咗 肥 尊者 ， 噉 兩個 人將個 名 對換 咪 乜 事 都 冇 囉 。
肥頭陀 有啲 嬲 嘞 ：唔得㗎 。
韋小寶 連忙 話 ：哎 對唔住 啊 肥尊者 ，我 講錯咗 喇 唔好 見怪 啊 。
你 執掌 五龍 令 ， 我 係 下屬 ， 你 就算 打 我 鬧 我 我 都 唔 會 反抗 ， 何況 呢 句 説 話 亦 唔 係 有意 踩 我 嘅 。
我同 師兄 兩個 人 嘅 脾氣 性格 ， 相貌 聲音 完全 唔 同 ， 淨 係 一肥 一瘦 換個 名 ， 並唔 能夠 將肥 尊者 變瘦 尊者 ， 瘦 尊者 變肥 尊者 嘅 。
哦 原來 係 噉嘅 。
五年 之前 ，教主 派 我 同 師兄 去 做 一件 事 。
呢件事 十分 棘手 ，等到 做完 嘞 ，已經 過咗 期 三日 ，我哋 即刻 上船 返去 神龍島 啦 。
喺 船上 ，藥性 已經 發作 喇 ，嗰啲 苦楚 啊 真係 唔 講得 畀 人 聽 。
師兄 嘅 脾氣 十分 暴躁 ，發起狂嚟 ，將 船上 嘅 桅桿 一腳 踢斷咗 ，噉 隻 船 就 喺 大海 處 漂流 嘞 。
過咗 一日 又 一日 ，我 就 越嚟越 高 越嚟越 瘦 ，我 師兄 呢 ，偏偏 越嚟越 矮 越嚟越 肥 。
呢 種豹 胎易 筋 丸 ， 能夠 將 肥矮 嘅 人 拉 成 瘦高 ， 瘦高 嘅 人 壓 成 肥矮 ， 洪 教主 亦 真 係 神通廣大 之至 嘞 。
就噉樣 漂流 咗 兩個 幾月 ，嗰陣時 ，估話 兩個人 都 好 難 有 命 㗎 喇 。
船上 嘅 糧食 食完 嘞 ，我哋 將 船家 水手 一個個 殺嚟 食 。
好在 僥天之幸 ，碰到 另外 一隻 船 ，噉 先至 有救 ，我哋 逼 嗰隻 船 即刻 駛去 神龍島 。
教主 見 事情 做得 妥妥當當 ，我哋 又唔係 故意 擔擱 嘅 ，就 賜咗 解藥 。
噉 我哋 呢 兩 條 命 先至 算 執翻嚟 啊 。
韋小寶 越 聽 就 越 驚嘞 ，佢 話 ：
噉 我哋 喺 一年 之內 ，必定 要 攞到 八部 四十二章經 返去 神龍島 咯噃 ？
陸高軒 話 ：八部經書 一齊 攞到 梗係 最好 啦 ，不過 你 估 咁 容易 咩 ？
只要 能夠 攞到 一兩部 ，及時 趕翻去 ，教主 自然 亦 會 賜 解藥 畀 我哋 嘅 。
韋小寶 諗 ：我 手上 已經 有 六部 嘞 ，真係 冇法子 嘅 時候 ，至多 唔係 分 一兩部 畀 教主 ，有 咩 咁 難唧 ？
佢 即刻 放心 嘞 笑住 話 ：
呢次 如果 教主 唔 賜 解藥 ，講唔定 我哋 細 嘅 變 老 ，老 嘅 變 細 。
我 變成 七八十歲 嘅 老公公 ，你哋 兩位 啊 變成 細路仔 噉 真係 有癮 喇 。
陸高軒 打個 冷震 話 ：噉 ，噉 都 唔係 唔可能 㗎 。
我 細心 噉 諗 過 ， 呢 種豹 胎易 筋 丸 多數 係 用 豹胎 、 鹿胎 、 紫河車 、 海狗腎 等等 大補 大發 嘅 珍奇 藥材 制煉 而 成 嘅 ， 藥性 顯然 係 將 原來 身體 上 嘅 特點 ， 反其道而行之 。
我估 ， 教主 當初 制煉 呢 種藥 ， 係 為 咗 返老還童 ， 不過 喺 第二 啲 人 身上 一試 ， 藥效 就 唔 係 咁 容易 隨心所欲 嘅 ， 所以 ， 所以 。
韋小寶 話 ： 所以 教主 自己 就 唔 試服 ， 就要 屬下 嚟 試 喇 係 唔 係 啊 ？
陸高軒 連忙 話 ：誒誒 呢啲 係 我 估 㗎 咋 ，完全 唔算得數 㗎 ，請 白龍 使 以後 千祈 唔好 再 提起 啊 。
韋小寶 話 ：兩位 放心 啦 ，我 包教主 一定 會 畀 解藥 嘅 。
兩位 請坐 ，我 去 同方 姑娘 講 幾句 説話 。
因為 佢 尋日 見到 沐劍屏 啊 急於 講畀 方怡 聽 。
陸高軒話 ：洪夫人 已經 傳咗 方姑娘 去 ，話 請 白龍使 放心 ，只要 你 盡心 為 教主 做事 ，方姑娘 喺 島上 只有 好處 嘅 。
韋小寶 吃 咗 一驚 喇話 ： 方 ， 方 姑娘 唔 同 我 哋 一齊 去 啊 ？
陸高軒話 ：洪夫人 派人 嚟 傳咗 佢 去 ，有 説話 留畀 內人 ，就係 先頭 噉 講 。
佢 仲 話 赤龍門 嗰 位 沐劍屏 沐 姑娘 亦都係 一樣 喎 。
韋小寶 暗暗 叫苦 嘞 。
佢 先頭 同 無根道人 講 ，要 喺 赤龍門 挑選 幾個人 一齊 去 ，佢 個心 梗係 志在 沐劍屏 啦 ，誰知 洪夫人 早就 估到 嘞 。
佢 問 ：夫 ，夫夫 ，夫人 ，夫人係 唔 放心 我 啊 ？
陸高軒 話 ：呢啲 係 本教 嘅 規矩 ，奉命 出外 同 教主 做事 嘅 唔能夠 攜帶 家眷 。
噉呢 兩個 姑娘 又 唔係 我 嘅 家眷 。
噉 亦 差唔多 嘅 啫 。
韋小寶 本來 諗住 聽日 就 可以 帶埋 方沐 兩個人 離開 神龍島 ，個心 啊 非常 歡喜 嘅 。
霎時之間 ，不由得 無精打采 嘞 ，佢 諗 ：
教主 同 夫人 真係 厲害 嘞 ，用 豹胎 易筋丸 箍住 我 個 頭 都 仲 唔夠 ，仲要 加埋 我 大小 老婆 兩道 箍 添 。
各位 ，欲知 後事 如何 ，且 聽 下回 分解 。
