前 文 再續 啊 書 接上 一回 啊 。
話説 呢一日 傍晚 ，車馬 嚟到 海旁 嘞 ，方怡 拖住 韋小寶 隻手 行到 海邊 ，細細聲 噉 話 ：
好弟弟 ，我 同 你 坐 船 出洋 ，四海 遨遊 ，好似 神仙 噉 過日子 你話 好唔好 啊 ？
韋小寶 用 左手 攬住 佢 條腰 怕 佢 跌倒 ，只 覺得 佢 啲 頭髮 擦住 自己 塊面 珠 。
雖然 想到 坐船 出海 又 未免 太過 兀突 ，隱隱約約 覺得 有啲 唔係 點妥當 啊 。
但 係 喺 噉 嘅 情景 ， 唔 好 呢 兩個 字 啊 點樣 講得 出口 呢 ？
喺 海邊 有 一隻 大船 停響處 ，船上 嘅 水手 見到 方怡 嘅 下屬 ，揮舞住 青巾 ，就 放咗 隻 船仔 過嚟 ，將 韋小寶 同 方怡 接咗 上 大船 先 ，然後 將 其餘 嘅 人 啊 陸續 噉 接 上去 。
于 八 見到 要 上 船 就 話 ，自己 會 暈船 㗎 ，點 都 唔 肯 出海 。
韋小寶 亦 唔 勉強 佢 ， 打賞 一百兩 銀 畀 佢 ， 噉 啊 于 八 千恩萬謝 噉 就 返去 山西 嘞 。
韋小寶 行 入 船艙 ，只見 艙內 陳設 富麗 ，鋪住 厚厚 嘅 地氈 ，枱 上 啊 擺滿 茶果 點心 ，就 好似 王公 大臣 屋企 嘅 花廳 一樣 。
佢 諗 ：好 姐姐 噉樣 待 我 ，總 唔會 害 我 嘅 。
過咗 一陣間 ，船上 兩名 僕人 攞 熱手巾 嚟 畀 佢哋 兩個人 抹面 ，噉啊 跟住 送嚟 兩碗 麵 。
喺啲麵上便 ，有 一條條 嘅 雞絲 ，入口 鮮美 ，不過 啲 滋味 呢 同 雞絲 又 唔同 嘅 。
食食下 ，覺得 隻 船身 逳嘞 ，原來 已經 係 揚帆 出海 嘞 。
喺 船 上 嘅 生活 又 另外 有 一 番 天地 喇 。
方怡 陪 佢 飲酒 猜枚 有 講 有笑 啊 一到 夜深 ，噉 啊 服侍 佢 上床 之後 ，先至 去 隔籬 艙 瞓 。
噉 第日 一早 ，又 嚟 幫 佢 着 衫 梳 頭 。
韋小寶 諗 ：而家 佢 仲 唔知 我 係 太監 ，以為 我哋 做 夫妻 到底 係 假 嘅 ，哈 幾時 先至 同 佢 講穿 好 呢 ？
隻船 行咗 幾日 ，噉 呢一日 ，兩個人 喺 窗口 一齊 睇 海上 日出 ，睇住 海面 金蛇萬道 壯麗 無比 。
方怡話 ：當日 我 去 行刺 清廷 皇帝 ，以為 一定 會 死 㗎喇 ，點知道 上天 保佑 ，竟然 會 遇到 你 ，今日 更加 喺 呢度 享福 。
好弟弟啊 ，你 嘅 身世 我 一啲 都 唔知 嘅 ，你 點樣 入 宮 ，又 點樣 學 武功 㗎 ？
韋小寶 笑住 話 ：我 正係 想 同 你 講 ，就係 怕 嚇咗 你 一跳 ，又 怕 你 歡喜 到 暈 啊 。
方怡 又 挨 佢 近啲 ，低聲 話 ：
如果 我 聽咗 歡喜 咯 ，噉 就 最好 啦 ，就算 係 我 唔 鐘意 聽嘅 ，只要 你 講嘅 係 真嘅 ，噉 ，噉 我 都 唔 在乎 嘅 。
好姐姐 ，噉 我 同 你 講 真嘅 ，我 喺 揚州 出世 ，媽媽 係 喺 妓院 裏頭 嘅 。
方怡 吃咗 一 驚擰 轉身 問 佢 ：你 媽媽 喺 妓院 裏頭 做事 啊 ？
係 同人 洗衫 煮飯 呢 定 係 ， 定 係 掃地 斟茶 啊 ？
韋小寶 見 佢 面色 都 變晒 ，眼神 就 好 怕 噉 ，當堂 成個 心 都 冷晒 ，知道 佢 對 妓院 係 極之 鄙視 啊 。
如果 直白 講 自己 母親 係 妓女 ，怕 呢 一生 之中 呢 佢 永遠 都 唔會 再 對 自己 有 半分 尊重 同 親熱 㗎 嘞 。
於是 哈哈 一 笑 佢 話 ： 哈哈 ， 我 媽媽 喺 妓院 嗰 陣 啊 ， 先得 六七歲 ， 點 會同 人 哋 洗衫 煮飯 呢 ？
噉 方怡 嘅 面色 呢 就 好翻啲 嘞 ：先至 係 六七歲 咋 ？
韋小寶 順口話 ：清兵 入關 嘅 時候 ，喺 揚州 殺咗 唔少 人 ，呢啲 你 知㗎 。
韋小寶 喺 處 拖延 時間 嘞 ，想 法子 幫 母親 講 得 叻啲 。
方怡 話 ：我 知 。
我 外公 係 明朝 嘅 大官 ，喺 揚州 做官 嘅 。
噉啊清兵 攻破 揚州 嘅 時候 呢 ，我 外公 啊 反抗 清兵 ，戰死 噃 。
噉 我 媽媽 嗰陣時 係 個 細路女 ，咪 流落 街頭 啦 。
揚州 妓院 裏 便 呢 有 個 嫖客 ，好 有錢 嘅 ，噉 見到 佢 咁 可憐 ，就 收留 佢 做 咗 小丫鬟 。
噉 有 一日 ，無意之中 啊 問起 佢 個 身世 ，佢 好 敬重 我 外公 噃 ，噉 就 認咗 我 媽媽 做 義女 ，帶 佢 返 屋企 ，噉 又 做 千金 小姐 喇 。
噉 收尾 呢 就 嫁咗 我 爸爸 ，佢 係 揚州 有名 嘅 富家 公子 嚟 㗎 。
方怡 將 信 將疑 佢 話 ：原來 係 噉嘅 。
先頭 呀 嚇 咗 我 一 跳 啊 ， 仲以 為 你 媽媽 淪落 喺 妓院 裏 便 ， 做 咗 人 使 乸 ， 服侍 嗰 啲 不識 羞恥 、 人盡可夫 嘅 ， 嗰 ， 嗰 啲 壞 女人 添 。
韋小寶 自細 喺 妓院 長大 ，從來 都 唔覺得 自己 媽媽 係 個 不識羞恥 嘅 壞 女人 。
聽 方怡 噉樣 講 ，不由得 激氣 嘞 ，佢 諗 ：
你 沐王府 嘅 女人 就 好 架勢 啊 ？我 睇 又 唔係 一樣 咁 不識羞恥 。
佢 原來 想 將 自己 嘅 身世 坦白 噉 講畀 方怡 聽 嘅 ，而家 就 乜嘢 都 講唔 出口 嘞 ，就 索性 亂咁 吹 。
將 揚州 自己 屋企 點樣 闊綽法 講到 天花亂墜 ，但係 佢 所 講 嘅 廳堂 房間 、家具 擺設 ，不免 仲係 麗春院 裏頭 嘅 格局 啊 。
方怡 亦都 冇 留心 去 聽 佢 講 ，就 話 ：
你話 有件事 怕 我 聽咗 歡喜 到 暈 嘅 ，就係 呢啲 啊 ？
韋小寶 畀 佢 兜 頭 潑 咗 殼 冷水 ， 又 見 佢 對 自己 嘅 吹牛 冇 啲 在意 ， 不禁 興味索然 。
噉 自己 唔係 太監 嗰件事 呢 亦 懶得 講 嘞 ，隨口 話 ：就係 呢啲 咋 ，原來 你 唔 鐘意 聽 嘅 。
方怡 話 ：我 鐘意 。
呢句 説話 顯然 係 言不由衷 啦 。
噉 兩個人 默默無言 噉 互相 望咗 一陣 ，忽然間 見到 東北方 出現 一片 綠地 ，隻 船 呢 ，正在 直駛 過去 。
方怡 奇怪嘞 ：咦 ？呢度 係 邊處 啊 ？
過咗 唔夠 一個 時辰 ，隻 船 已經 駛近 嘞 。
只見 岸上 樹木 蒼翠 ，長長 嘅 海灘 一眼 望唔到 尾 ，冚𠾴唥 都係 雪白 嘅 細沙 。
方怡話 ：坐咗 咁多日 船頭 都 暈晒 嘞 ，我哋 上去 睇下 呢 好唔好 啊 ？
韋小寶 好 歡喜 啊 佢 話 ：好啊 。
睇 嚟 好似 個 大 海島 噉 ， 唔 知個 島上 便 有 咩 好玩 嘅 嘢 呢 ？
方怡 就 叫 船家 入嚟 ，問 佢 呢個 島 叫做 咩嘢 名 ，有 咩 特產 啊 噉 。
個 船家 話 ：
呢個 係 東海 有名 嘅 神仙島 ，聽講 島上 便 有 一種 神仙果 ，食咗 會 長生不老 嘅 。
誒不過係有福嘅人先至食得到㗎啫 。
姑娘 同 韋相公 不妨 上去 睇下 吖 ，碰下 運氣 都 好 吖 。
方怡岌 一岌頭 ，等 船家 出翻去 喇 ，噉 細細聲 噉 話 ：
長生不老 我 都 唔 想 嘞 ，而家 噉樣 過 日子 ，仲 快活 過 做 神仙 啦 。
韋小寶 好 歡喜 啊 ：我 同 你 就 喺 呢個 島 上 便 住 一世 ，咩 仙果 啊 都 唔 緊要 ，只要 你 永遠 陪住 我 ，我 就 係 神仙 嘞 。
我 都 係 啫 。
噉 兩個人 坐 船仔 上岸 。
雙腳 踩住 海灘 上面 嘅 細沙 ，個 鼻 呢 又 聞到 樹林 裏 便 飄出嚟 嘅 陣陣 花香 ，真係 覺得到 咗 仙境 一樣 啊 。
方怡話 ：唔知 個 島 上 便 有冇 人 住 嘅 呢 ？
韋小寶話 ：人 就 冇 ，不過 有個 美貌無比 嘅 女仙 ，帶咗 個 後生 嚟到 唧 。
好弟弟 ，你 係 我 嘅 後生 ，我 係 你 嘅 丫鬟 啊 。
韋小寶 聽到 丫鬟 兩個 字 啊 諗起 雙兒 嘞 ，噉 啊 捩轉頭 一望 ，唔見 佢 跟住 嚟 。
呢幾日 冷落咗 雙兒 個 心 有啲 覺得 對唔住 佢 噉 。
但係 如果 佢 而家 跟住 喺 後便 ，自己 同 方怡 太過 親熱 就 唔 方便 嘞 。
諗落 都 仲係 唔 跟住 嘅 好 。
噉啊 兩個人 拖住 手 行 入 樹林 ，聞到 啲 花 呢 香得 非常之 濃郁 。
韋小寶 話 ：啲 花 香 得 咁 厲害 嘅 唔通 係 鮮花 ？
向前行咗 幾步 ，忽然間 聽見 草裏 便 嘶嘶沙沙 ，跟住 眼前 黃影 閃動 ，七八條 黃中間黑 嘅 毒蛇 飆出嚟 。
嚇到 韋小寶 大叫 一聲 ：哎呀 ！拉住 方怡 轉身 就 走 。
只係 𨂾出 一步 唧 ，前便 又 有 七八條 蛇 擋 路 嘞 ，全身 血 咁 紅 嘅 ，條 脷 吞下 吐下 ，哧哧聲 。
呢啲 蛇 嘅 蛇頭 啊 都 係 三角形 嘅 顯然 係 好 毒 㗎 。
方怡 喺 韋小寶 身前面 擋住 ，拔刀 揮舞 佢 話 ：
你 快啲 走啦 ，我 嚟 擋住 啲 毒蛇 啊 。
韋小寶 梗係 唔肯 一個人 走 先 啦 ，佢 連忙 拔出 匕首 話 ：
喺 呢便 走啦 ！拉住 方怡 打斜 就 走 。
行咗 兩步 ，條頸 一涼 ，有 條 毒蛇 喺 樹 上面 髧落嚟 纏住 佢 條 頸 ，嚇到 魂魄 都 唔齊 大聲 咁 驚叫 。
方怡 連忙 用 手 去 拉 蛇身 。
韋小寶 話 ：唔得㗎 ，唔得㗎 ！
嗰條蛇 捩轉頭 一啖 就 咬住 方怡 嘅 手背 ，唔肯 鬆口 。
韋小寶 即刻 用 匕首 將 條 蛇 斬開 兩 橛 。
就喺呢個時候 ，兩個人 個 大髀 啊 腳 啊 都 畀 毒蛇 纏住 。
韋小寶 用 匕首 去 斬 ，只 覺得 左便 大髀 一 麻 ，已經 畀 毒蛇 咬中 。
方怡 拋開 單刀 攬住 佢 ，喊住 噉 話 ：
我 兩 夫妻 ，今日 死 喺 呢處 喇 。
韋小寶 啊 恃住 匕首 鋒利 ，每一刀 揮出去 就 斬斷 一條 毒蛇 。
但係 樹林 裏 便 毒蛇 越嚟越多 ，兩個人 掙扎住 行翻出 樹林 ，周身 已經 畀 毒蛇 咬傷 咗 七八處 嘞 。
韋小寶 只 覺得 頭暈 眼花 漸漸 昏迷 ，噉 睇 下 個 大海 ，嗰 隻 船仔 正在 扒緊 去 大船 嗰處 ，離開 好 遠 。
方怡 嗌咗 幾聲 ，啲 水手 都 聽唔到 嘞 。
方怡 嗱嗱聲 捲起 韋小寶 褲腳 ，護低 身 去 吸 佢 隻 腳 嘅 蛇毒 。
韋小寶 話 ：唔 ，唔得啊 ，唔得㗎 。
忽然間 聽見 後 便 有 腳步聲 ，有個人 話 ：
你哋 嚟 呢度 做 咩 啊 ？唔 怕 死 啊 ？
韋小寶 捩轉頭 一睇 ，見到 係 三名 中年 漢子 連忙 話 ：
大叔 救命 啊 ， 我 哋 畀 蛇 咬親 啊 。
一名 漢子 喺 身邊 攞 一個 藥餅 出嚟 ，擠入 嘴 噍咗 一輪 ，然後 攞 出嚟 ，敷 喺 韋小寶 畀 蛇 咬傷 嘅 地方 。
韋小寶 話 ：你 ，誒 ，你 同 佢 醫 先 啦 。
呢個 時候 自己 兩隻腳 都 黑晒 嘞 ，全 無 知覺 。
方怡 接過 啲 藥 ， 自己 敷 喺 傷口 上 便 。
韋小寶 啱啱 叫咗 一聲 ：好姐姐 。突然間 眼前 一黑 ，景 轟 一聲 ，𢴈低 就 暈咗 嘞 。
等到韋小寶醒翻嘅時候 ，只覺 呢唇 乾舌燥 ，心口啊痛到不得了 ，噉 忍唔住 就 呻吟 。
聽見 有人 話 ：好咯好咯 ，醒翻喇 。
韋小寶 慢慢 噉 擘開 眼 ，見到 有人 攞住 碗 藥 ，喂佢 飲 。
嗰啲 藥 啊 又 腥 又 臭 嘅 ，不過 佢 毫不猶豫 飲晒 嘞 ，入口 好 苦 嘅 。
飲完 藥 之後 話 ：多謝 大叔 救命 ，我 ，我嗰個 姐姐 冇事 吖嘛 ？
嗰個人 話 ：好在 救得早 ，我哋 嚟 遲 一陣 啊 ，你哋 兩個 都 冇 命 喇 。
韋小寶 聽見 方怡 有救 個 心 好 歡喜 ，一味 話 多謝 。
呢個 時候 先至 發覺 自己 係 瞓 喺 張 床 上 便𢫏住 張 被 ，全身 嘅 衣服 已經 除咗 咯 ，雙 腳 呢 仲 係 麻木 嘅 。
嗰個 漢子 相貌 醜陋 滿面 疤痕 ，但係 韋小寶 睇上嚟 ，真係 當 佢 係 救命 菩薩 一樣 啊 。
嗰個人 話 ：你哋 真係 大膽 ，走嚟 呢個 神仙島 做 咩嘢 呢 ？
韋小寶話 ：船上 嘅 水手 講 ，呢個 島 上面 有 神仙 果 食咗 會 長生不老 喎 。
呵呵呵呵 ，如果 真 有 神仙果 ，佢哋 自己 又 唔嚟 摘 ？
哎呀 ，嗰堆 水手 不懷好意 啊 。
弊喇 我 船上 仲 有 個 同伴 ，唔好 ，唔好 畀 啲 壞人 害 咗 啊 。
大叔 ，唔該 你 想 下 法子 救下 佢 啦 。
嗰隻船 三日 之前 就 已經 開走咗 喇 ，去 邊處 搵 啊 ？
咩嘢話 ？三日 之前 ？
你 已經 昏迷咗 三日 三夜 喇 ，你 唔知 啊 呢 ？
韋小寶 想起 雙兒 啊 ，佢 雖然 武功 好高 ，不過 茫茫 大海 之中 ，孤身 一個人 ，點樣 走得甩 啲 壞人 嘅 毒手 吖 ？佢 好 焦急 嘞 。
嗰個 漢子 安慰 佢 話 ：呢個 時候 你 急 都 冇用 㗎喇 ，你 好好 休息 啦 。
呢個 島 啲 毒蛇 非 同 小可 啊 ，至少 要 食 七日 藥 先 能夠 消清 啲 毒 嘅 。
噉佢 又 問咗 韋小寶 個 姓名 ，佢 自己 話 係 姓 潘 嘅 噉 。
到咗 第三日 ，韋小寶 可以 起身 嘞 ，可以 扶住 埲墻 慢慢 行 。
嗰個 姓 潘 嘅 漢子 帶 佢 去 見 方怡 。
原來 佢 另外 有 個 婦女 照料 嘅 。
只見 方怡 成個人 都 憔悴 晒 精神 好差 。
兩個人 一見到面 又 歡喜 又 難受 ，擁抱住 喊起上嚟 。
噉 以後 兩個人 日頭 呢 都 喺埋 一間房 ，噉 講起 毒蛇 嗰種 厲害法 啊 周身 都 起晒 雞皮 啊 。
到咗 第六日 ，嗰個 姓潘 嘅 漢子 話 ：
我哋 島 嘅 醫生 陸 先生 出海 返嚟 喇 ，我 請咗 佢 嚟 睇下 韋 兄弟 啊 。
韋小寶 好多謝 佢 啦 。
噉 過咗 冇 幾 耐 有 個人 入嚟 ，四十 零 歲 啦 ，文士 打扮 ，神情 和藹可親 。
佢 問 韋小寶 畀 毒蛇 咬 嘅 經過 ，噉 佢 話 ：
島上 嘅 居民 身邊 都 帶 住 雄黃 蛇藥 嘅 ， 就 係 將 毒蛇 放 喺 個 身處 ， 嗰 條 蛇 都 即刻 就 躝 扯 決 唔 敢 咬 人 嘅 。
韋小寶話 ：原來 係噉嘅 ，唔怪得 潘大哥 佢哋 都 唔怕 啦 。
陸 先生 幫 佢 睇 咗 傷 ，噉 攞 咗 六粒 藥丸 畀 佢 。
你 食 三粒 ，另外 嗰 三粒 呢 畀 你 嘅 同伴 啦 ，一日 食 一粒 就 啱喇 。
韋小寶 好多謝佢 ，又 攞咗 二百兩 銀票 出嚟 話 ：
一啲啲 診金 ，請 先生 唔好 見笑 啊 。
陸 先生 吃咗 一驚 ：啊 ，邊度 使 咁多 啊 ？公子 畀 二 兩 銀 我 已經 好多謝 嘞 。
韋小寶 一定要 畀 ，噉 陸 先生 只好 收落嚟 啦 佢 話 ：
呵呵呵 ，公子 厚賜 真係 卻之不恭 。
公子 喺 呢處 都 怕 好 悶 啦 ，今晚 同埋 公子 嘅 女伴 一齊 去 舍下 飲翻 一杯 呢 好嘛 ？
韋小寶 好 歡喜 就 應承 佢 。
傍晚 時分 ，陸 先生 派咗 兩 頂 竹轎 ，嚟 接 韋小寶 同 方怡 。
竹轎 其實 係 只係 一張 竹椅 ，兩便 係 穿咗 竹槓 ，前後 有人 抬 噉 就係 㗎喇 。
佢哋 坐住 竹轎 順住 山溪 行 。
溪水 淙淙 草木 清新 ，都 幾 心曠神怡 嘅 ，不過 兩個人 一見到 啲 樹 啊 草堆 啊 就 驚 喇 ，怕 又 有 毒蛇 飚 出嚟 。
噉行咗 七八里 路 ，嚟到 三間 竹屋 前 便 就 停低 嘞 。
嗰啲 屋 嘅 牆壁 屋頂 呢 ，都 係 由 碗口 咁 大 嘅 粗竹 編成 嘅 ，睇嚟 好 堅固 。
江南 河北 ， 都 未 見過 噉 樣 嘅 竹屋 嘅 。
陸 先生 出嚟 迎接 ，噉啊 請 兩個人 入去 裏便 。
嚟到 間 廳 ，有 個 三十幾歲 嘅 婦人 出嚟 歡迎 ，係 陸 先生 嘅 妻子 。
嗰個 婦人 拉住 方怡 隻 手 顯得 十分 親熱 。
噉陸先生啊請韋小寶去書房坐 。
書房 裏 便 有 唔少 圖書 ，都 擠 喺 啲 竹書架 上 便嘅 ，四面 嘅 牆壁 掛滿 咗 字畫 ，睇嚟 呢個 陸醫生 係 個 風雅 之士 啊 。
陸 先生 話 ：在下 僻處 荒島 孤陋寡聞 到 極 嘞 。
韋公子 喺 中原 勝地 嚟 ，華族 子弟 眼界 又 闊 ，鑑賞 必 精 ，你 睇 呢 幾幅 書畫 仲 可以 入 方家 嘅 法眼 嘛 ？
佢 呢 幾句 文縐縐 嘅 説話 ，韋小寶 一句 都 唔 懂 。
見 佢 指 住 牆壁 嘅 字畫 ， 噉 啊擔 高頭 睇 下 啦 ， 見到 其中 有 一張 畫 嘅 係 山水 ， 另外 一張 畫 呢 ， 上面 有 隻 白鶴 有 隻 烏龜 嘅 。
佢 笑住 話 ：哈 ，呢隻 老烏龜 又 幾 好玩 噃 。
陸 先生 微微 打個 特 ，噉 又 指住 一幅 立軸 話 。
韋公子 ，你 睇 呢幅 石鼓文 寫得 如何 呢 ？
韋小寶 見 嗰啲 字 彎彎曲曲 ，好似 畫符 噉 ，就 岌一岌頭 話 ：好 ，好好啊 。
陸 先生 指住 另外 一幅 大字 話 ：
呢一幅 係 臨 秦瑯琊台 刻石 嘅 ，韋公子 以為 如何 啊 ？
韋小寶 諗住 一味 話 好 都 冇 乜 癮 㗎 就 擰擰頭 話 ：
呢一幅 就 寫得 不大好 喇 。
陸 先生 肅然 起 應 佢 話 ：
噉 啊 要 請 韋公子 指點 ， 呢 幅 字 嘅 弱點 敗筆 喺 邊 處 呢 ？
韋小寶 話 ：敗筆 就 好多 ，勝筆 甚少 啊 。
佢 諗 既然 有 敗筆 ，當然 亦 有 勝筆 啦 。
陸 先生 驟然 聽到 勝筆 兩個 字 窒咗 一窒 ，就 話 ：高明 ，高明啊 。
又 指住 一幅 草書 話 ：呢幅 狂草 ，韋公子 以為 如何 呢 ？
韋小寶 打 側 個 頭 睇咗 一陣 ，擰 一擰 頭 話 ：
呢幾個 字 啲 墨 乾 嘞 亦 唔 蘸 墨 嘅 。
嗯 呢啲 細線 拖嚟拖去 ，咁 污糟 嘅 寫得 。
陸 先生 一 聽 當堂 面色 變咗 。
因為 草書 講究 墨法 燥濕 ，筆潤 就 為 濕 ，筆枯 就 為 燥 ，燥濕 相間 ，就 濃淡 有致 嘞 。
因燥顯濕 ，以濕襯燥 ，陰陽 映帶 如 雲霞 障 天 ，呢啲 就 為之 妙書 。
至於 筆墨相連 嘅 細線 呢 ，畫家 叫 佢 做 游絲 。
有啲就連幾筆 ，或者連幾個字 ，噉仲要 講究 賓主合宜 、斜角變幻 ，噉又有 飄帶 、折帶 種種 嘅 名色 。
而家 韋小寶 亂噏 幾句 即刻 就 穿煲 嘞 。
陸 先生 又 指住 一幅 字 話 ：
呢一幅 冚𠾴唥 都係 甲骨古文 ，兄弟 學識 粗淺 一個 字 都 唔識 ，要 請 韋公子 指點 。
韋小寶 見到 嗰啲 字 一個個 都 好似 蝌蚪 噉樣 ，十足十 好似 五台山 錦繡峰 普濟寺 嗰個 石碑 上面 嘅 字 噉嘅 ，心念 一動 ，佢 就 話 ：
呢幾個字 我 啊 識 嘅 ，係 ，神龍教 洪教主 萬年不老 ，永享 仙福 ，神通廣大 ，壽 與 天 齊 吖 嘛 。
陸 先生 即刻 滿面 笑容 佢 話 ：
哎 吖 ， 謝天謝地 ， 你 果然 識得 呢 啲 字 啊 ！
睇見 陸 先生 歡喜 到 噉樣 ，講說話 嘅 時候 把 聲 都 震晒 ，韋小寶 即刻 疑心 嘞 。
佢 諗 ：我 識得 呢 幾個 字 佢 點解 咁 高興 呢 ？
唔 通 佢 ， 唔 通 佢 又 係 神龍教 嘅 ？ 哎呀 弊 喇 ， 蛇 ， 蛇 ， 靈蛇 ， 唔 通 呢 處 就 係 神龍 島 ？
佢 衝口而出 就 話 ：肥頭陀 喺 邊處 啊 ？
陸 先生 吃咗 一 驚 退後 幾 步 佢 話 ：你 ，你 ，你 已經 知道 晒 喇 ？
韋小寶 岌一岌頭 ，其實 佢 乜 都 唔知 嘅 。
陸 先生 嘅 神情 好 鄭重 佢 話 ：
既然 你 都 知道 嘞噉 亦 好 。
行到 書枱 旁邊 ，磨墨 鋪 紙 佢 話 ：
唔 該 你將 呢 啲 蝌蚪 古文 ， 一個 字 一個 字 噉 譯出 嚟 ， 邊個 係 洪字 ， 邊個 係 教字 。
嚟啦 ，寫啦 ，寫啦唔該你 。
要 韋小寶 攞起 支 筆 寫字 真係 慘過 殺 佢 頭 。
但係 佢 見 陸 先生 面色 咁 難睇 又 唔敢 唔去 啊 ，噉 啊 硬住 頭皮 行過 喺 書枱 旁邊 坐落 。
噉啊揸起支筆嘞噃 ，佢 揸住 支筆 就 似 咩 樣 呢 ？似揸住把刀劏豬 。
嗱 各位 ，欲知 後事 如何 ，且 聽 下回 分解 。
