前文 再續 啊 書 接 上 一回 啊 。
話說 雙兒 喺 個 喇嘛 條 腰 處 踢咗 一 腳 ，嗰個 喇嘛 呻吟 一 聲 醒翻 嘞 。
雙兒 話 ： 相公 問你 哋 係 做 咩 嘢 㗎 ？
嗰 個 喇嘛 話 ： 姑娘 係 ， 誒 姑娘 係 ， 誒 係 唔 係 會 仙法 㗎 ？
快啲 講 ，你哋 係 做 咩嘢 嘅 ？
我哋 ，誒 我哋係 ，五台山 菩薩 頂 ，大文殊寺 嘅 喇嘛 。
咩嘢 喇嘛 唔 喇嘛唧 ，亂 咁 講 。
韋小寶 話 ： 喇嘛 係 西藏 個 和尚 啊 。
哦 ，原來 你哋 係 和尚 。
雙兒 喺 佢 身上 輕輕 踢咗 一 腳 話 ：
係 和尚 又 唔 剃光頭 嘅 ？
嗰個 喇嘛 話 ：我哋 係 喇嘛 ，唔係 和尚 。
咩話 ，你 仲 咁 硬頸 ？
相公 話 你 係 和尚 就係 和尚 。
雙兒 喺 佢 條 腰 嘅 天豁穴 又 踢咗 一 腳 。
哎呀 ，個 喇嘛 直情 痛到 入骨 啊 ，忍唔住 大聲 咁 嗌 ，點知 越嚟越 痛 ，嗌得 越嚟越 犀利 。
另外 嗰 兩個 喇嘛 慢慢 醒咗 嘞 ，聽見 佢 鬼殺 咁 嘈 都 驚 起上嚟 ，一齊 用 藏語 問 佢 ：
嗰個 喇嘛 講咗 ，噉 跟住 用 漢語 話 ：
我 ， 我 係 和尚 ， 哎呀 ， 我 係 和尚 ， 姑娘 話 我 ， 誒 誒 ， 話 我 係 咩 嘢 ， 就 係 咩 嘢 啦 ， 誒 唔 該 你 ， 唔 該 你 快 啲 同 我 ， 解 咗 穴道 。
本 姑娘 講 嘅 唔 算數 ， 相公 講 嘅 先 算數 。
相公 ，你 話 佢 係 乜嘢 啊 ？
韋小寶 笑住 話 ：嘿嘿嘿 ，我 話 佢 係 個 師姑 。
個 喇嘛 實在 忍 唔 住 喇 就 話 ： 我 係 師姑 ， 誒 我 係 師姑 啊 。
韋小寶 同 雙兒 都 哈哈大笑 。
雙兒 用 左腳 喺 佢 條 頸 下 便 嘅 氣户穴 ，輕輕 一 踢 ，嗰個 喇嘛 即刻 就 唔痛 嘞 。
但 係 佢 呢 仲 不停 咁 大叫 ： 我 係 師姑 ， 我 係 師姑 。
韋小寶 忍住 笑 問佢 ：你哋 係 出家人 ，點解 要 嚟 搶 我哋 嘅 財物 啊 ？
嗰個 喇嘛 話 ：小人 該死 ，下次 唔敢 嘞 。
你 仲 想 下次 啊 ？
我 話過 唔敢 ，就係 唔敢嘞 ，再 過 一百年 都 唔敢嘞 。
你哋 唔 喺 廟 裏頭 念經 落山 嚟 做咩 啊 ？
係 ，誒 ，係 師父 派 我哋 落山 嘅 。
你 師父 派 你 落山 嚟 搶 金銀珠寶 啊 ？
哦唔唔唔 ，唔 ，唔係 ，誒 我哋 要 去 北京 。
啱啱 講到 呢度 ，另外 一名 肥肥大大 嘅 喇嘛 咳咗 一 聲 。
韋小寶 擸 咗 佢 一眼 ， 只見 嗰 個 喇嘛 猛 咁 打 眼色 ， 顯然 係 示意 同伴 唔 好 吐露真情 。
韋小寶 本來 以為 呢啲 喇嘛 見財起心 ，恃強 搶劫 ，噉 亦 唔係 算 咩 緊要 嘅 事 。
滿洲人 崇信 喇嘛 ，皇宮 裏 便 做法事 實係 請 喇嘛 嚟 念經 嘅 。
皇室 係 噉樣 ，一般 王公 親貴 更加 唔使 講 嘞 ，所以 有 啲 不守 清規 嘅 喇嘛 喺 京師 橫行 不法 。
佢 本來 想 整鬼 下 佢哋 ，取笑 一番 噉 就 放咗 佢哋 扯 。
但係 見 呢個 肥大 喇嘛 噉 嘅 神情 ，似乎 係 另有 別情 噃 。
呢 三個 嘢 唔 老實 。
雙兒 ，佢哋 三個人 你 每人 踢 佢 一腳 ，等 佢哋 三個人 叫苦連天 啦 ，我哋 走喇 。
係 。
雙兒 睇出 嗰個 肥大 喇嘛 搞鬼 嘞 ，就 首先 喺 佢 天豁穴 上 踢 一 腳 。
嗰個 喇嘛 即時 啊 大聲 咁 嗌 。
雙兒 又 行到 先頭 嗰個 喇嘛 身邊 ，起腳 想 踢 佢 咯噃 。
嗰 個 喇嘛 吃 過苦 喇 連忙 話 ： 誒 唔 好 踢 ， 唔 好 踢 ， 我講 ， 我講 。
師父 派 我哋 去 北京 送 一封 信 。
韋小寶 話 ：封信 呢 ？
哦 ，嗯嗯 呢 封信 唔能夠 畀 你哋 睇 㗎 ，如果 畀 人 見到 ，師師父 非 殺 我哋 不可 。
攞出嚟 ，你 唔 攞 我 就 踢 你 一腳 。
嗰個 喇嘛 就 唔 知道 佢 功夫 有限 ，呢一 腳 踢咗 去 身處 無關 痛癢 嘅 。
一見佢舉起隻腳 ，即刻就話 ：誒咪咪 ，唔喺我呢處啊 。
你 攞嚟 啦 。
嗰個 喇嘛 冇 法子 嘞 ，就 行到 嗰個 肥大 和尚 身邊 ，嘰裏咕嚕 噉 講 幾句 藏語 。
嗰 個 肥大 和尚 用 藏語 嚟 回答 佢 ， 佢 正 係 嗌 到 劏 豬 噉 聲 ， 再加 埋 幾句 斷斷續續 嘅 藏語 啊 更加 難聽 。
不過 韋小寶 喺 佢 語氣 同 神情 裏 便 ，估計 佢 實係 唔准 呢個 喇嘛 攞 信 。
即刻 走過去 喺 佢 個 頭頂 搏命 噉 踢咗 一 腳 ，嗰個 肥大 喇嘛 當堂 暈咗 。
噉 另外 一名 喇嘛 呢 ，就 喺 佢 身邊 攞咗 一個 油布包 出嚟 ，戰戰兢兢 噉 雙手 遞畀 韋小寶 。
韋小寶 接咗 。
噉 雙兒 喺 身邊 呢 ，亦 攞咗 個 包仔 出嚟 ，打開咗 ，攞出 一把 小小 嘅 鉸剪 ，噉啊 剪開 個 油布 包 。
裏便果然 係 一封信 ，信皮 上面 寫住 兩行 藏文 。
韋小寶 問 ：呢封信 送去 畀 邊個 啊 ？
嗰個 喇嘛 話 ：畀 我哋 師伯 嘅 。
韋小寶 嘶 一 聲 撕開 封信 。
兩個 喇嘛 就 猛咁 叫苦 。
只見 一張 黃紙 上面 寫咗 幾行 彎彎曲曲 嘅 藏文 ，下便 ，又 用 硃砂 畫咗 一道 符 ，稀奇古怪 又 不知所謂 。
噉啊遞畀雙兒話 ：裏面 寫 咩 啊 ？
雙兒 亦 唔識 啊 ，就 問 嗰個 喇嘛 話 ：
相公 問 你 封 信 裏頭 寫 咩嘢 喎 ，快啲 講 。
如果 有 半句 假嘅 ，我 踢咗 你 嘅 穴道 呢 永遠 唔 同 你 解開 。
哼 ，至少 要 隔 三日 三夜 先 同你 解翻開 。
嗰個 喇嘛 接到 封信 睇完 又 睇 ，佢 話 ：呢 封 信 ，誒 呢 封 信 。
韋小寶 話 ：咩嘢 呢封信 嗰封信 啊 ，快啲 講 ！
係 ， 係 ， 呢 封信裏 便話 ， 誒 ， 誒 師兄 問 嗰 個人 呢 。
啱啱 講到 呢度 ，另外一個 喇嘛 忽然 咕嚕咕嚕 噉 講説話 嘞 。
雙兒 飛身 過去 ，喺 佢 天豁穴 上 踢 咗 佢 一 腳 ，呢個 喇嘛 講唔出 説話 喇 ，即時 呼天搶地 噉 嗌 痛 嘞 。
第一個 喇嘛 面色 都 變 咗 ， 佢 話 ： 誒 ， 封信 上面 講 ， 嗯 講 ， 嗯 要 搵 嗰 個人 呢 ， 我 哋 搵 來 搵 去 都 搵 唔 到 ， 誒 一定 ， 一定 唔 喺 五台山 啊 。
韋小寶 見到 佢 雙眼 閃嚟閃去 ，講說話 又 吞吞吐吐 ，個心 諗 ：
我 雖然 唔識 你 嗰啲 狗吠唧 ，但係 睇 你嘅 神情 ，實 喺度 講 大話 。
不過 你 個 嘢 笨過 頭 吖 講 大話 都 唔 似 嘅 。
噉啊 同 雙兒 話 ：呢個 喇嘛 又 喺度 講 大話 呃 我哋 嘞 。
雙兒話 ：佢 咁 衰 ，唔能夠 放過 佢嘅 。
於是 又 踢咗 佢 一 腳 天豁穴 。
嗰 個 喇嘛 話 ： 誒 ， 誒 ， 誒 ， 你 殺 咗 我 啦 。
我 師兄 話 誒 ， 誒 誒 誒 ， 話 如果 講 咗 ， 誒 誒 ， 如果 講 咗 信 裏 便 嘅 説 話 ， 誒 我 哋 三個 都 ， 誒 都 冇 命 啊 ， 哎呀 ， 你 快 啲 殺 咗 我 啦 。
韋小寶 話 ：唔好理佢 喇 我哋 走啦 。
同雙兒 跳翻 上架 大車 。
嗰個 車夫 見 佢 兩個 咁 細個 ，居然 治到 嗰 三個 喇嘛 死去活來 ，真係 佩服 得 五體 投地 啊 讚不絕口 啊 。
韋小寶 低聲 話 ：去到 前面 市鎮 你 要 改下 裝 至 得 ，呢串 珍珠 呢 ，收咗 佢 先 啦 。
雙兒 話 ： 係 。 我 改 咩 裝啊 ？
嗯 ，你 扮 男仔 啦 。
噉話說 架 大車 行咗 三十幾里 之後 ，就 嚟到 一座 大市鎮 。
韋小寶 唔 請 架 大車 喇 ，噉啊 叫 個 車夫 返 去 ，然後 去 客店 投宿 。
噉畀銀過雙兒 ，叫佢 去 買 衣服 嚟 改裝 。
雙兒啊 買咗 衣服 返到 客店 着起上嚟 ，就 扮 一個 小書童 。
噉樣 改咗 裝 ，一路上 就 唔會 引人 注意 嘞 。
呢一日 ，就嚟到 直晉 兩省 交界 。
由 直隸省 阜平縣 向 西 行 ，過咗 長城嶺 ，就 到 龍家關 。
龍家 關係 五台山 嘅 東門 ， 石路 崎嶇 ， 峰巒 峻峭 ， 入 五台山 後 嘅 第一座 寺院 呢 係 湧泉 寺 。
韋小寶 問 人 清涼寺 喺 邊度 。
原來 五台山 係 好大 嘅 ，清涼寺 喺 南台頂 同 中台頂 之間 ，由 湧泉寺 去 啊 條 路 實在 唔近 嘅 。
呢一晚 ，韋小寶 同 雙兒 喺 湧泉寺 旁邊 嘅 盧家莊 投宿 。
食咗 一 碗 羊肉 泡饃 再 食 啲 糖果 。
佢 諗起 日頭 喺 湧泉寺 問路 ，廟 裏面 嘅 和尚 見 自己 咁 年輕 ，啲 神情 冷冷淡淡 ，又 唔係 點理 自己 ，又 唔 回答 去 清涼寺 條 路 點 行 反而 問 ：
條路 又 遠 又 唔好 行 噃 ，你 去 清涼寺 做 咩嘢 啊 噉 。
哎 真係 討厭 。
睇嚟 去 清涼寺 見 順治皇帝 ，都 怕 幾 艱難 㗎 ，要 想 個 法子 至 得 。
佢 一便 食 糖果 一便 諗 ：
有錢 能夠 使得 鬼 推磨 ， 叫 和尚 推磨 ， 嘿嘿 多數 都 得 啩？
聽講 古 先生 講 水滸傳 ，魯智深 喺 五台山 出家 ，有 個 咩 員外 就 佈施 咗 唔少 銀兩 畀 間 廟 嘅 。
魯智深 喺 間 廟 處 呢 亂搞 一通 ，又 飲酒 又 食 狗肉 ，個 老和尚 都 唔 嬲 嘅 。
嘿冇錯喇 ，我 詐假意話 要打齋 ，去 和尚寺 啊 猛咁 使銀 ，噉 再 搵啲藉口 ，賴喺度 唔走 ，慢慢至 去 搵 老皇爺 ，噉 老和尚 啊 點都 唔能夠 趕 我 走 啦 。
但係 韋小寶 入山 之後 啊 ，除咗 寺廟 之外 就 冇 大市鎮 ，一 張 五百 兩 銀 嘅 銀票 亦 找唔開 ，唯有 再 出 龍泉關 ，返去 阜平 ，兑換 銀兩 。
噉佢 同 雙兒 兩個 打扮得 煥然一新 ，個心 諗 ：
我要打齋 不過 我 乜嘢 都 唔識 㗎 噃 ，只怕 一下 就 穿煲 ，嗯 ，唔係喇 ，要 試演 一番 至得 。
即刻 就 去到 阜平 縣城 裏 便 嘅 吉祥寺 ，向 佛像 叩咗 幾個 頭 。
知客和尚 啊 攞出 緣簿 筆 硯 。
韋小寶 話 ：佈施 就 佈施 啦 仲 寫 咩 嘢 字 唧 ？
噉攞出 一錠 五十 兩 銀 嘅 元寶 遞過去 。
嘩 ，個 和尚 吃咗 一驚 啊 。
個心諗 ：呢位 小施主 樂善好施 世間 少有 。
即刻 一味 多謝 就 請 佢 入去 齋房 ，奉上 齋菜 素麵 。
韋小寶 食麵 嘅 時候 ，方丈 和尚 啊 坐 喺 旁邊 陪 佢 ，噉 啊 大讚 小檀越 仁心 虔敬 ，菩薩 必定 保佑 嘅 。
日後 金榜題名 ，高中 狀元 ，子孫 滿堂 ，福澤 無窮 噉 。
韋小寶 偷笑 喇 ，個 心 諗 ：
你 點 托 我 大腳 都 得 ，不過 我 盲字 唔識 一個 ，你 話 我 高中 狀元 ，咪 即係 當面 鬧人 啫 。
佢 話 ：老和尚 ，我 想 去 五台山 打齋 啊 ，不過 我 咩嘢 都 唔識 嘅 ，要 請 你 指教 至得 。
嗰個 方丈 聽到 話 打齋 ，即時 企起身 話 ：施主 ，天下 嘅 廟宇 ，供奉 嘅 佛祖 、菩薩 都 係 一樣 嘅 。
你 要 打齋 ，就 喺 小寺 就 得 啦 ，包 你 樣樣 又 周到 又 妥當 ，唔使 咁 辛辛苦苦 ，趕 去 五台山 啦 。
韋小寶 擰頭 話 ：唔得啊 ，我 許咗 願 㗎喇 ，一定 要 去 五台山 打齋 㗎 。
講完 ，又 攞咗 五十 兩 銀 出嚟 ，佢 話 ：
噉啦 ，你 同 我 請 一個 人 ，陪 我 去 五台山 做 幫手 ，呢 五十 兩 銀 係 畀 佢 嘅 。
老和尚 好 歡喜 嘞 ：哎噉 容易 ，噉 容易啫 。
老和尚 有 個 表弟 ，喺 廟 裏頭 經管 廟產 、收租 買 嘢 ，就 冚𠾴 唥 由 佢 經手 嘅 ，不過 就 唔係 和尚 。
噉啊即刻去叫咗佢嚟 ，同 韋小寶 見面 。
呢個人 姓 于 ，排行 第八 ，一把嘴 極之 使得 嘅 ，有個 花名 叫做 少一劃噃 。
原來 于 字 加 多 劃 呢 ，就 變成 個 王 字 喇 ，噉 于 八 ，咪 變成 王八 囉 。
傾咗 幾句 偈唧 ，韋小寶 同 佢 十分之 投機 。
事關 呢啲 市井小人 啊 ，韋小寶 自細 就 相處 慣 嘞 。
今日 忽然間 喺 阜平縣 遇到 一個 喎 ，唉 直情 係 他鄉 遇 故知 啦 。
韋小寶 啊 再 向 方丈 請教 打 齋 嘅 各種 規矩 ， 嗰 個 方丈 亦 都 知無不言 啊 言無不盡 啊 。
韋小寶 又 多佈施咗 二十 兩 銀 畀 佢 ，噉 啊 大家 都 滿意 喇 。
韋小寶 帶 于 八 返去 客店 ，噉啊 攞 啲 銀 畀 佢 ，去 買 所有 應用 嘅 物件 。
于八 有 銀 在手 唄 ，辦事 啊 十分快捷 ，冇 幾耐 就 賣晒 返嚟 。
噉 自己 呢 ，亦 換咗 裝束 ，着得 非常 光鮮 。
佢 話 ：嚱韋相公 ，你 係 大財主 吖嘛 ，我 做 你 嘅 僕人 ，都 要 着得 有 個 譜 得 㗎 係咪 ？
呢套 衣服 鞋帽 ，先至 使咗 三兩五 錢 銀啫 嘛 。
韋小寶 個心 諗 ： 係 喎 嚱， 又 叫 佢 去 鋪頭 同 自己 同 雙兒 買 多 幾套 華貴 衣服 。
噉 三個人 ，高高興興 再 過 龍泉關 ，噉 後 便 呢 跟住 八個 挑夫 ，擔 咗 八擔 齋僧 禮佛 嘅 嘢 ，噉 就 去 五台山 嘞 。
一入 五台山 ，行 冇 幾多 里路 就係 一座 寺廟 。
噉過咗 湧泉寺 之後啊 ，經 台麓寺 、石佛廟 、普濟寺 、古佛寺 、金剛府 、白雲寺 、金燈寺 就到 靈境寺 。
噉 當晚 呢 ，喺 靈境寺 住咗 一 晚 。
第二 朝早 向 北 行 ，到 金閣寺 之後 ，向 西 行 幾 里 路 就係 清涼寺 嘞 。
清涼寺 喺 清涼山 山頂 ，同 沿途 所見 嘅 寺廟 比較 啊 ，亦 唔 見得 點樣 宏偉 吖 ，山門 又 破舊 ，顯然 係 年久失修 嘞 。
韋小寶 有啲 失望 嘞 佢 諗 ：
皇帝 出家 ， 一定 係 揀 一座 最大 嘅 寺廟 㗎 嘛 ， 怕 海老 烏龜 亂 噏 無為 啫 ， 老 皇帝 唔 係 喺 度 做 和尚 嘅 。
于 八行 入 山門 ，話畀 知客僧 聽 ，北京城 有 一 位 韋 大官人 嚟 打齋 ，齋僧 供佛 噉 。
知客 僧見 呢 一行 人 衣飾 華貴 ， 又 帶 咗 八擔 嘢 嚟 ， 即刻 請入 去 廂房 奉茶 ， 就入 去 裏 便 向 方丈 稟報 嘞 。
方丈 澄光 老和尚 嚟到 廂房 ，同 韋小寶 見面 佢 問 ：
唔 知施 主要 打 咩 嘢 齋 呢 ？
韋小寶 見 呢個 澄光 和尚 身材 好 高 ，但係 骨瘦如柴 ，雙眼 矇矇噉 ，無精打采 就 更加 失望 嘞 佢 話 ：
弟子 想 請 大和尚 打 七日 七夜 齋 ，超度 弟子 亡父 ，仲有 幾位 死咗 嘅 朋友 添 。
澄光話 ：北京城 裏 便 大廟 好多 ，五台山 亦 係 廟宇 眾多 。
唔知 施主 為咩 特登 咁 遠路 嚟到 五台山 搵到 小廟 打齋 呢 ？
韋小寶 早就 知道 會 噉樣 問 㗎喇 ，所以 事前 呢 ，已經 同 于八 商量 過 。
佢 話 ：我 母親 上個月 十五 發咗 個 夢 ，就 夢見 我 死咗 個 阿爹 同 佢 講 ，佢 生前 罪孽 好 大 ，必須 要 去 五台山 清涼寺 ，請 方丈 大師 打 七日 七夜 齋 ，先至 消得 佢 血光之災 ，免 我 阿爹 喺 地獄 裏頭 受 無窮 個 苦惱 喎 。
韋小寶 都 唔知 佢 自己 父親 係 邊個 ，更加 唔知 佢 而家 係 死定生 ，講 呢番 説話 嘅 時候 佢 忍唔住 偷笑 啊 。
澄光和尚 話 ：哦 ，原來 噉嘅 。
小施主 ，俗語 有 話 ：日 有所思 夜 有所 夢 。
呢啲 夢幻 嘅 事 ，唔能夠 當真 嘅 。
大和尚 ，俗語 亦 有 話 ：寧可信其有 就 不 可信其無 噃 。
就算 我 阿爹 報夢 嘅 説話 未必 係 真 啊 ，噉 我哋 同 佢 打一場 齋 ，超度 亡魂 ，噉 亦 係 一件 功德 啊 。
如果 我 阿爹 真係 噉 講 嘅 ，我哋 又 唔 照 佢 嘅 說話 去 做 ，噉 佢 喺 陰間 畀 牛頭馬面 、無常 小鬼 猛 咁 欺負 。
噉 ， 噉 ， 噉 我 總 係 有 啲 唔 好意思 㗎 。
而且 我 係 聽 我 母親 嘅 説話 嚟 嘅 ，我 母親 話 ，五台山 清涼寺 嘅 老方丈 啊 同 佢 有 緣分 ，所以 一定 要 喺 寶剎 打齋 㗎 喎 。
施主 有所不知 ，敝寺 乃係 禪宗 ，呢啲 打齋法事 ，係 淨土宗 嘅 事 ，我哋 唔會 做 嘅 。
五台山上 便 ，金閣寺 、普濟寺 、大佛寺 、延慶寺 等等 都係 淨土宗 ，施主 仲係 請 移步 去 嗰啲 寺廟 打齋 就 啱喇 。
韋小寶 個 心 諗 ：喺 阜平縣 嘅 時候 ，嗰個 方丈 呢 ，搶住 要 幫 自己 打齋 ；
嚟到 呢處 呢個 老和尚 啊 推三推四 ，將 送到 上門 個 錢 就 雙手 推翻 出去 ，哼 ，其中 必 有 古怪 嘅 。
噉佢 又 再三 噉 求 佢 ，澄光 啊 硬係 唔肯 ，跟住 企起身 對 知客僧 話 ：
你 話畀 施主 聽 點 去 金閣寺 啦 ，老衲 少 陪 喇 。
方丈 既然 執意 唔肯 咯 ，噉 我 帶嚟 施捨 寶剎 嘅 僧衣 僧帽 ，同埋 銀兩 啊噉 ，總係 要 請 寶剎 各位 大和尚 收落 嘅 。
多謝喇 。
誒 我 母親 講 啊 ，每一份 禮物 呢 ，都 要 我 親手 交畀 寶剎 每一位 大和尚 嘅 ，就算 係 火工道人 啊 、種菜 嘅 園丁 啊 人人 都有 份 。
呢次 總共有 三百份 禮物 ，如果 唔夠 ，我哋 可以 再 去 買 㗎 。
夠喇 ，多過頭喇 。
本寺 先至 五十幾個人 啫 ，請 施主 留低 五十六份 禮物 就係喇 。
好唔好 請 方丈 召集 全寺 嘅 僧眾 ，由 我 親手 施捨 呢 ？
呢啲 係 我 母親 嘅 願心 啊 ，無論如何 係 要 做到 嘅 。
澄光 擔 高頭 ，突然間 目光 如電 ，喺 韋小寶 塊 面 上一掃 ，佢 話 ：
好 ，我 佛 慈悲 ，就 照 施主 所願 啦 。
講完 擰 轉身 入去 裏 便 嘞 。
睇 住 澄光 行 咗 入 去 ， 韋小寶 個心 真 係 尷尬 喇 ， 唯有 冇 釐 癮頭 噉 攞 茶杯 飲茶 啦 。
于 八 企 喺 佢 後 便 ， 低聲 話 ： 嗨 ， 噉 嘅 老和尚 都 唔 識 做 嘅 。
我 呢 世人 啊 都 未 見過 啊 ， 唔 怪 得 咁 大 一座 清涼寺 ， 連 菩薩 金身 都 係 破破爛爛 㗎 啦 。
隔咗一陣 ，聽見 廟 裏頭 打鐘 嘞 。
知客僧 話 ：請 檀越 去 西殿 佈施 嘞 。
噉韋小寶 去到 西殿 ，見 啲 和尚 陸陸續續 噉 入嚟 。
佢 將 啲 禮物 一份一份 噉 發放 ，定眼 睇 下 每一名 和尚 ，個 心 諗 ：
順治皇帝 我 啊 未見過 ，但係 佢 係 小皇帝 嘅 爸爸 ，個樣 梗係 有啲 似 嘅 。
只要 見到 係 個 大號 小皇帝 嘅 和尚 ，嗰個 就 實係 㗎喇 。
但係 五十幾 份 禮物 發完 喇 ，咪 講話 大號 小皇帝 冇 見到 啊 ，連同 小皇帝 個 樣 有 一兩成 似 嘅 和尚 ，一個 都 冇 。
韋小寶 好 失望 啦 ，佢 突然間 諗起 ：
佢 係 做過 皇帝 嘅 人 噃 ，係 咩嘢 身份 至 得 㗎 ，點會 嚟 領 我 一份 施捨 嘅 衣帽 呢 ？
咦 ， 笨喇笨 喇 笨 喇 ， 我 真 係 笨 喇 。
就問 知客僧 話 ：寶剎 所有 嘅 僧人 ，冚𠾴唥 都 嚟齊 啦 嘛 ？
知客 僧話 ： 個個 都領 咗 咯 ， 多謝 檀越 佈施 啊 。
個個 都 領咗 ，怕 唔見得 啩 ？怕 仲 有人 唔肯 嚟 呢 ？
檀越 講笑 啫 ，邊度 有 噉嘅 事 呢 ？
嗱 ，出家人 唔 講 大話 ，你 如果 呃 我 ，你 死咗 之後 ，要 落 勾脷根 地獄 㗎 。
知客僧 一聽 ，當堂 變咗 面色 。
韋小寶 話 ：既然 仲有 啲 僧人 未 嚟 領 禮物 咯 ，大和尚 去 請 佢 嚟 領 啦 。
只有 方丈 大師 未 領 啫 ，我 睇 ，不必要 佢 老人家 出嚟 喇 。
嗱 各位 ，欲知 後事 如何 ，且 聽 下回 分解 。
