前文 再續 啊 書 接 上 一回 啊 ，話説 劉一舟 暗示 小桂子 ，遠在天邊 近在目前 。
嗰個 老人 即刻 跳起嚟 指住 韋小寶 話 ：就 ，就係 佢 啊 ？
方怡話 ：好似 佢 咁 細個 細佬哥 ，點 殺得到 鰲拜 吖 ？你 唔好 聽 佢 亂噏唧 。
劉一舟 話 ：係啊 ，如果 唔用 蒙汗藥 點 殺得 滿洲 第一 勇士 鰲拜 啊 ？
嗰個 老人 將 信 將疑 ，問 韋小寶 話 ：鰲拜 係咪 你 殺 㗎 ？
韋小寶 話 ：係 我 殺 嘅 又 點樣 ，唔係 我 殺 嘅 又 點樣 啊 ？
你 阿爺 吖 ，我 睇 你 個 衰仔 就 有 啲 古怪 。
摷下佢嘅身再講 。
即刻 就 有 兩名 漢子 過嚟 ，解開 韋小寶 孭 嗰個 包袱 ，將 裏頭 嘅 嘢 一件件 放 喺 枱面 。
個 老人 見到 珠翠 金玉 各種 寶物 就 話 ：
呢啲 當然 係 皇宮 裏頭 嘅 嘢 咯 ，咦 ？呢啲 係 咩 嘢 啊 ？
搦 起 一沓 厚厚 嘅 銀票 ， 見 每張 唔 係 五百兩 就 係 一千兩 ， 總共 成 幾十兩 ， 成個 傻 晒 佢 話 ：
果然 冇 錯 果然 冇 錯 ， 你 ， 你 就 係 小桂子 。
帶佢 去 嗰 便廂房 仔細 查問 下 佢 。
方怡 急喇 ：你 ，你哋 唔好 難為 佢 啊 。
沐劍屏 直情 喊出聲 。
一名 漢子 啊 揦住 韋小寶 條 後 領 ，兩個人 捧起 枱面 啲 嘢 ，再 一個人 呢 ，揸住 燭台 喺 前 便 行 ，就 行入 後 沓 嘅 東 邊 廂房 。
個 老人 揮 一揮手 話 ：你哋 都 出翻去 啦 。
噉 四 名 漢子 行 出 房 ，掩 翻埋 道 房門 。
個 老人 好 歡喜 啊 不停 咁 搓手 ，喺 房 裏 便 行嚟行去 ，笑住 話 ：
嘿嘿嘿嘿 ，嘿嘿嘿 ，踏破 鐵鞋 無覓處 ，得來 全 不費 工夫 啊 ！
小桂子公公 ，今日 同 你 喺 呢處 相會 真係 三生有幸 啊 。
韋小寶 亦 笑住 話 ：嘿嘿嘿 ，在下 同 你 大爺 你 喺 呢處 相會 ，真係 六生 有幸 ，九生 有幸喇 。
佢 諗 啲 嘢 都 畀 佢 哋 摷 出 嚟 嘞 ， 想賴 都 唔 得 㗎 啦 ， 唯有 隨機應變 ， 睇 下 混 唔 混得 過去 啦 。
嗰個 老人 聽 佢 噉 講 打 個 特 ：咩嘢 六生 有 幸 、九生 有 幸 啊 ？
韋公公 ，你 係唔係 去 五台山 清涼寺 啊 ？
韋小寶 不由得 吃一驚 ，佢 諗 ：
呢個 老龜公 乜嘢 都 知道 嘞 噉 就 唔 容易 對付 嘞 噃 。
佢 笑眯眯 噉 話 ：
尊駕 武功 又 高 ，唸咒 嘅 本事 ，又 叻過 茅山 道士 ，你哋 神龍教 名揚 天下 ，果然 係 有道理 嘅 。
在下 聞名 好耐 喇 ，今日 親眼 睇見 真係 佩服 之至 ，佩服之至 啊 ！
佢 隨口 岔開 話頭 ，唔 去 理 佢 點 問 嘞 。
嗰個 老人 問 ：神龍 教 個 名 你 喺 邊處 聽 翻嚟 㗎 ？
韋小寶 就 信口開河 咯 喎 ：
我係 喺 平西王 吳三桂 個 仔 吳應熊 嗰 處 聽 翻嚟 嘅 。
佢 係 奉咗 父親 之 命 ，嚟到 北京 朝貢 ，佢 手下 呢 有 個 好漢 叫做 楊溢之 ，噉 又 有 好多 遼東 金頂門 嘅 高手 。
佢哋 商量啊 ，要 去 剿滅 神龍教 ，話 神龍教 有 位 洪教主 ，神通廣大 ，有 好多 能人 嘅 。
佢 話 神龍教 啊 ，有人 喺 鑲藍旗 旗主 嗰處 做嘢 ，得咗 一部 四十二章經 ，好 犀利 㗎 。
佢 講 大話 呢 就 叻 到 極 嘅 ，知道 唔使 句句 都 係 假 嘅 ，九句 真話 當中 掕 一句 假話 ，呃人 就 容易 得多 嘞 。
嗰個 老人 越 聽 越 奇怪 啦 ，吳 應 熊 、楊 溢 之 呢 兩 個 人 嘅 名 ，佢 係 聽過 嘅 。
佢 嘅 教 裏頭 一 位 重要 人物 ，喺 鑲藍旗 旗主 下 便 任職 ，係 教 裏頭 嘅 機密 大事 。
佢 自己 呢 ，亦都 係 個 幾 月 之前 ，先至 無意之中 知道 。
又 曾經 隱隱約約 聽過 四十二章經 有 噉樣 一部 經書 ，但係 其中 嘅 底細 就 完全 知道 嘞 。
佢 問 ： 平西王 府 同 我 哋 神龍教 無怨 無仇 ， 點解 要 嚟 惹是生非 呢 ？
講到 剿滅 兩個 字 ，就 真係 不知 死活 喇 佢哋 。
吳應熊佢哋 話啊 ，平西王府 同 神龍教 梗係 無怨無仇 啦 ，不過 講到 洪教主 嘅 本事 ，大家 仲係 好 佩服 嘅 。
不過 神龍教 竟然 得咗 部 四十二章經 咯 ，呢部 係 至寶 奇書 啊 ，就 非 搶 不可 喇 。
貴教唔係 仲有 個 肥肥 嘅 女仔 叫做 柳燕 柳大姐 嘅 ，唔係 去咗 皇宮 咩 ？
咦 ？你 又 點知 㗎 ？
韋小寶 把 口 呢 就 亂咁噏 ，只要 同 神龍教 有 啲 咁多 關係 嘅 就 講埋出嚟 ，個 心 呢 ，就 喺度 飛 咁快 諗住 仲有 咩 嘢 講 啊噉 。
佢 話 ：呢位 柳大姐 同 我 交情 真係 唔錯 㗎 。
有一次 佢 得罪 咗 太后 ，太后 要 殺 佢 啦 ，好彩 我 出力 救 佢 ，噉 將 佢 收埋 喺 床下底 。
噉 太后 喺 皇宮 呢 就 到處 搵 都 搵佢 唔到 。
呢 位肥 大姐 感激 我 救命之恩 ， 就 勸 我 加入 神龍教 佢 話 ： 洪 教主 啊 好 鐘意 我 呢 種細 佬 哥 嘅 ， 將來 一定 有 好 大 嘅 好處 畀 我 噉 話 啊 。
個 老人 越發 信 佢 嘞 ，噉 又 問 ：
太后 為 咩事 要 殺 柳燕 啊 ？佢哋 ，佢哋 唔係 好好 嘅 咩 ？
韋小寶話 ：噉唔係 ，佢哋 兩個 本來 係 師姐 師妹 嚟㗎 嘛 。
至於 太后 為 咩 事要 殺 柳 大姐 呢 ？
柳大姐 話 ，呢個 係 好大好大 嘅 秘密 ，佢 講得 畀 我 聽嘞 ，我啊 應承過 佢 決不 洩漏 嘅 ，所以 呢件事 呢 ，就 唔能夠 同 你 講 喇 。
總而言之呢 ，太后 嘅 慈寧宮 裏 便 ，最近 啊 嚟咗 個 男扮女裝 嘅 假 宮女 ，呢個 人 嘅 頭 啊 ，係 光頭 嚟㗎 。
嗰個 老人 衝口而出 佢 話 ：鄧炳春 ？
誒 鄧 大哥 入 宮 個 事 你 都 知道 啊 ？
韋小寶 本來 唔知道 嗰個 假 宮女 叫做 鄧炳春 嘅 ，但係 佢 個 神情 呢 ，就 擺出 一副 無所不知 嘅 樣 ，微微 一笑 佢 話 ：
章三爺 ，呢件事 好機密 㗎 你 千祈 唔能夠 洩漏 出去 啊 ，否則 大禍 臨頭 啊 。
你 同 我 講 就 唔緊要 ，如果 有 第三個 人 喺度 啊 ，就算 你 最 親信 嘅 手下人 ，你 都 唔好 講 啊 。
如果 事情 一 洩漏 啊 ，洪教主 嬲 起 上嚟 ，哼 ，怕 你 都 唔得掂 。
韋小寶 喺 皇宮 裏 便 住得 耐 喇 ，知道 洩漏 機密 乃 係 朝廷 同 宮中 個 大忌 ，重則 抄家 殺頭 ，輕則 永無 進身 嘅 機會 。
因此 人人 都 係 神神秘秘 ，鬼鬼祟祟 ，顯得 高深莫測 。
而 表面上 呢 ，又 整成 本人 咩嘢 都 知道 ，不過 唔同 你 講 而已 啫噉 。
佢 將 呢種 手法 用 喺 嗰個 姓 章 嘅 老人 身上 ，果然 立竿見影 ，當場 生效 。
江湖上 幫會 教派 之中 ，上級 統御 部屬 ，所用 嘅 方法 啊 ，同 朝廷 亦 冇 乜 兩樣 嘅 。
所分別嘅 呢 ，只不過 係 在於 精粗 隱顯 而已 唧 。
呢幾句説話 ，聽到 嗰個 老人 暗暗 心驚 啊 佢 諗 ：
我 點解 咁 粗心 ，竟然 將 呢種事 都 同 呢個 細路 講 啊 ？
嗯 ，呢個 細路 唔 留得 佢 啊 ，大事 一了 ，非 殺咗 佢 滅口 不可 。
佢 勉強 笑一笑 話 ：你 同 我 嗰個 鄧師兄 講咗 啲 乜嘢 啊 ？
我 同 鄧師兄 講 嘅 嘢 ，仲有 佢 要 我 去 稟告 洪教主 嘅 説話 呢 ，日後 見到 教主 嘅 時候 ，我 自不然 會 詳細 稟明 嘅 。
係嘅 ，係嘅 。
嗰個 老人 畀 韋小寶 裝腔作勢 噉 一嚇 ，真係 唔知道 眼前 呢個 細路 係 咩 來頭 嘞 ，就 和顏悅色 噉 話 ：
小兄弟 ， 你 去 五台山 ， 梗 係 去 同瑞棟瑞 副 總管 見面 㗎 啦 ？
韋小寶 個 心 諗 ：
佢 知道 我 去 五台山 ，又 知道 瑞棟 嘅 事 ，噉 呢個 消息 ，實係 喺 老舉乸 嗰 處 傳出嚟 嘅 。
老舉 乸 叫 嗰 個 光頭 假 宮女 做 師兄 ， 呢 個 光頭 佬 係 神龍教 嘅 重要 人物 嚟 ， 哈 原來 老舉 乸 同 神龍教 勾勾搭搭 。
咦呀 老子 落 喺 佢哋 手上 真係 九死一生 ，十八死半生 咯 。
韋小寶 啊 詐諦 好 驚奇 噉 話 ：
咦 ，章三爺 ，你嘅 消息 啊 真係 靈噃 ，連 瑞 副總管 嘅 事 都 知道 。
比瑞 副總管 嘅 來頭 大 成 萬倍 嘅 人 我 都 知道 啊 。
韋小寶 個心 暗暗 叫苦 嘞 ： 弊喇弊 喇弊 喇 ， 老舉 乸 咩 嘢 事 都 講晒出 嚟 喇 ， 除 咗 順治 皇帝 ， 仲有邊 一個 比瑞 棟 嘅 來頭 大成 萬倍 㗎 ？
小兄弟 ，你 乜嘢 都 唔使 瞞 我 㗎 嘞 。
你 去 五台山 ，係 奉命 差遣 呢 定係 自己 去 㗎 ？
我 喺 皇宮 裏頭 做 太監 ，如果 唔係 奉命 差遣 ，點 敢 擅自 離開 北京 啊 ？
你 估 嫌 命長 咩 我 ？
噉樣 講 ，係 皇上 派 你 去 㗎 囉 ？
皇上 ？ 你 話 係 皇上 啊 ？ 哈 ， 呢 一次 你 嘅 消息 就 唔 靈喇 。
皇上 點 知道 五台山 嘅 事 唧 ？
唔係 皇上 ，又 係 邊個 派 你 去 㗎 ？
你 估 下 。
莫非 係 ，太后 ？
嘿嘿 ，章三爺 果然 使得 ，一估 就 中 嘞 。
宮 裏頭 知道 五台山 呢件事 嘅 ，只有 兩個 人 一隻 鬼唧 。
兩個人 一隻 鬼 ？
冇錯吖 ，兩個人 ，一個 係 太后 ，一個 係 在下 喇 。
嗰隻鬼呢 ，就係 海大富海老公 ，佢 係 畀 太后 用 化骨綿掌 殺死 㗎 。
嗰 個 老人 塊 面 嘅 肌肉 跳 咗 幾跳 ： 化骨綿 掌 ？ 化骨綿 掌 。
原來 係 太后 派 你 去 嘅 ，太后 派 你 去 做 乜嘢 啊 ？
韋小寶 笑咗 一笑 佢 話 ：太后 同 你 係 自己人 ，你 不妨 問下 佢 老人家 啦 。
呢句 説話 如果 一 入 房 個 時候 就 講 ，嗰個 老人 多數 一 巴 就 升過去 㗎 嘞 。
但係 佢 聽咗 韋小寶 一番 説話 之後 ，個 心 呢 就 十五十六 驚疑不定 ，佢 自言自語 噉 話 ：
嗯 ，太后 派 你 去 五台山 啊 。
韋小寶话 ：太后 話 呢件事 呢 已經 派人 稟告 咗 洪教主 喇 ，洪教主 好 讚成 。
太后 吩咐 我 好好地 做 ，做成 之後 ，太后 固之然 有 重賞 啦 ，洪教主 亦 會 畀 我 好大個 好處 嘅 。
韋小寶 不停 咁 將 洪教主 搬出嚟 ，個心 諗 ：
呢個 老坑 對 洪教主 啊 怕到 極 嘅 ，只要 話 洪教主 好 睇得起 自己 ，佢 就 唔敢 害 自己 喇 。
佢 噉樣 虛張聲勢 啊 ，嗰個 老人 雖然 係 將信將疑 ，不過 佢 亦係 寧可信佢係 ，唔敢 信 佢 唔係 喇 ，佢 問 ：
外便 嗰 六個 人 ，都 係 你 嘅 部屬 啊 ？
佢哋 都係 皇宮 裏頭 嘅 嗰 兩個 姑娘 呢 ，係 太后 身邊 嘅 宮女 ，四個 男 嘅 係 御前 侍衞 ，太后 派 佢 出嚟 跟 我 做 嘢 。
不過 呢佢哋 唔 知道 神龍教 嘅 。
呢啲噉嘅 機密 大事 ，太后 亦都 唔會 同佢哋 講 啦 。
佢 講到 呢處 ，只見 嗰個 老人 喺度 冷笑 ，嘿 知道 唔妥 喇 佢 就 問 ：
點啊 ？你 唔信 啊 ？
嗰個 老人 冷笑話 ：哼哼哼哼 ，雲南 沐家 嘅 人 忠於 前明 ，點 會 去 皇宮 做 御前 侍衞 呢 ？
你 車 大炮 都有 個 譜 至 得 㗎 。
韋小寶 哈哈大笑 。
嗰個 老人 愕然 嘞 ：你 笑 咩嘢 啊 ？
佢 點 知道 韋小寶 講 大話 畀 人 捉住 雞腳 ，難以 自圓其説 嘅 時候 ，往往 大笑 一場 。
令到 對方 覺得 一定 係 自己 嘅 説話 大錯特錯 ，非常 幼稚 可笑 ，個 心 呢 就 虛咗 先 ，噉 佢 補漏 嘅 時候 呢 ，對方 就 唔 敢 過分 逼 佢 。
韋小寶 又 試 笑咗 幾 聲 佢 話 ：嘿嘿嘿嘿嘿嘿 ，沐王府 嘅 人 啊 最 嬲 嘅 ，就 唔係 太后 同 皇上 噃 ，呢點 怕 你 唔知 嘞 啩 ？
嗰個 老人 話 ：我 點解 唔知 啊 ？沐王府 最 嬲 嘅 ，自不然 係 吳三桂 啦 。
韋小寶 詐 假意 好 驚奇 噉 話 ：吖 你 真係 使得 嘞 章三爺 ，係 有 翻 兩道 噃 。
嗱 我 同 你 講 吖 ，沐王府 個人 所以 同 太后 當差 ，就 為咗 要 搞到 吳三桂 滿門 抄斬 ，平西王府 雞犬不留 。
咪 講話 皇宮 裏頭 有 沐王府 個人 啦 ，連 平西王府 裏 便 啊 都有 。
只不過 係 十分 機密 嘅 事 ，我 同 你 係 自己人 咋 講 就 唔緊要 ，不過 你 千祈 唔好 洩漏 出去 啊 。
嗰個 老人 岌一岌頭 ，佢 話 ：原來 係 噉嘅 。
但係 佢 嘅 心 呢 ，仲 只係 信咗 三成 唧 ，佢 諗 ：
我 去 問 下 外便 嗰 幾個 人 ，睇 下 佢哋 口供 對唔對 至得 。
嗯 問 嗰個 姑娘仔 最好 嘞 ，細路 女 容易 講 真話 。
就 擰轉 身 推 門 出去 。
韋小寶 大吃一驚 佢 話 ： 喂喂 喂 ， 你 去 邊處 啊 ？ 呢 間 係 鬼屋 啊 ， 你 ， 你 點解 留 我 一個 人 喺 呢 處 啊 ？
嗰個 老人 話 ：我 即刻 就 返嚟 㗎 嘞 。
反手閂翻埋道門 ，急急腳 行去 大廳 。
韋小寶 成 手 都 係 冷汗 。
蠟燭 火閃下 閃下 ， 白牆 上面 嘅 影 呢 不停 噉 震下 震下 ， 似乎 每 一個 影 呢 都 係 個 鬼怪 ， 四周圍 一 啲 聲 都 冇 。
突然之間 ，外便 有 個人 大聲 噉 嗌 ：
你 哋 都 去 咗 邊處 啊 ？ 吓 ， 你 哋 都 去 咗 邊處 啊 ？
係 嗰個 老人 把 聲 啊 。
韋小寶 聽 佢 嗌 得 咁 驚慌 ， 自己 本來 已經 怕 到極 㗎 嘞 ， 呢 一下 ， 嚇 到 幾乎 暈 咁 滯 佢 話 ：
佢 ， 佢 哋 都 ， 都 唔 見 咗 啊 ？
只聽見 嗰個 老人 又 試 大聲 咁 叫 ：
喂 ， 你 哋 喺 邊 處 啊 ？ 吓 ， 你 哋 去 咗 邊處 啊 ？
嗌完 兩 聲 就 靜晒 喇 。
過咗 一陣間 ，聽見 有 個人 喺 前 便 飛 咁 快 跑嚟 後 便 ，聽見 兵兵 嘭嘭 一道道 門 被 踢開 個 聲音 ，又 聽見 嗰個 人 跑過嚟 ，衝入 房 。
韋小寶 尖聲 咁 叫喊 ，只見 嗰個 老人 面無人色 ，雙眼 睩到 大大 猛 咁 喘氣 話 ：
啊 ， 啊 ， 啊 ， 佢 ， 佢 哋 ， 佢 哋 都 唔 見 晒 喇 。
韋小寶 話 ：畀 ，畀啲 鬼 捉 咗 去 嘞 。
啊 ， 我 哋 ， 我 哋 快 啲 走罷 啦 。
邊度 有 噉嘅 事 呢 ？
老人 左手 扶住 張 枱， 嗰 張 枱 啊 嘞 嘞 聲 咁 震 ， 可見 嗰 個 老人 嘅 心 呢 亦 都 好 驚 嘅 。
佢 轉身 行到 門口 ，又 喺度 嗌 嘞 ：
你 哋 喺 邊 處 啊 ？ 你 哋 喺 邊 處 啊 ？
嗌完 打 側 個 耳 嚟 聽 ，忽然間 ，又 聽到 幾 聲 女子 哭泣 個 聲音 。
佢 冇 咗 主意 喇 ，喺 門口 企 咗 一陣 ，即刻 閂 翻 道門 ，攞 起 門戌 將 道門 戌 實 。
韋小寶 目不轉睛 噉 睇住 佢 ，見 佢 咬緊 牙關 ，面色 一陣 青 一陣 白 。
嗰場 大雨 本來 已經 停咗 一陣 㗎喇 ，突然之間 又 試 一陣 急雨 打落 個 屋頂 ，喳喳聲 咁 響 。
嚇到 嗰個 老人 吖噉 一聲 跳起身 ，過咗 一陣 先至 話 ：係 ，係 ，係 落雨 啊 。
忽然 喺 大廳 嗰度 傳嚟 一個 女子 輕微 嘅 聲音 ：章老三 ，你 出嚟 。
呢個 女子 聲音 雖然 唔算 蒼老 ，不過 亦 唔係 嬌嫩 ，決 唔係 方怡 或者 沐劍屏 嘅 ，聲音 之中 仲 帶住 幾分 淒厲 。
韋小寶 低聲 話 ：女鬼 啊 。
嗰個 老人 大聲 話 ：邊個 叫 我 ？
外便 冇 人 回答 ，除咗 落雨 聲 之外 ，再 冇 其他 嘅 聲音 嘞 。
嗰個 老人 同 韋小寶 互相 望 下 ，兩個 人 周身 都 起晒 雞皮 。
過咗 好耐 ，嗰個 女人 聲音 又 叫 喇 ：
章老三 ，你 出嚟 。
嗰個 老人 鼓起 勇氣 ，左腳 一 踢 ，嘣 一聲 ，踢到 房門 啊 向住 外 便 飛開 。
嗰條 門戌 呢 仲 打橫 架 喺 門框 上 便 嘅 ，佢 右掌 一 劈 ，啪 一聲 ，門閂 呢 從 中間 斷開 ，佢 個人 就 跟住 飆 出去 嘞 。
韋小寶 話 ：唔好 出去 啊 ！
不過 嗰個 老人 呢 已經 跑緊 去 大廳 嘞 。
嗰個 老人 一 跑咗 出去 ，就 無聲無息 嘞 噃 ，又 唔 聽見 喝罵 打鬥 嘅 聲音 ，連 腳步 聲 都 聽唔到 嘞 。
一浸 冷風 喺 門外 便 吹入嚟 ，帶埋 唔少 雨點 ，都 打 喺 韋小寶 個 身處 。
佢 打 個 冷震 ，想 嗌 又 唔敢 。
突然 間 嘣 一聲 ， 房門 啊 畀 風吹 到合 翻轉 嚟 ， 跟 住 又 即刻 彈 翻出去 嘞 。
呢座 鬼屋 裏 便 ，就 只係 剩翻 韋小寶 一個人 ，當然 仲有 唔少 惡鬼 嘞 ，隨時隨地 ，都 會 入 房 嚟 捻死 佢 。
好彩 等咗 好耐 ，啲 惡鬼 始終 冇 入嚟 。
韋小寶啊 自己 安慰 自己 ：冇錯喇 ，惡鬼 呢 只係 害 大人 ，唔會 害 細路 嘅 。
或者 佢哋 食咗 好多人 ，已經 食飽喇 。
一等到天光就好喇 。
突然間 ，又 有 一浸 冷風 吹入嚟 ，吹熄咗 支 蠟燭 。
韋小寶 大叫 一聲 ，覺得 間 房 啊 ，已經 多咗 一隻 鬼 喇 。
佢 知道 嗰隻 鬼 就 企 喺 自己 面前 ，雖然 係 黑 啊 睇唔見 ，但係 佢 清清楚楚 覺得 嗰隻 鬼 就 喺 嗰度 。
韋小寶 話 ： 喂喂 ， 喂 ， 你 你 你 唔 使害 我 喇 ， 誒 我 ， 我 ， 我 都 係 鬼 啊 ， 我 哋 係 自己 人 吖 嘛 。
誒 唔 係 唔 係 唔 係 ， 哦 哦 ， 我 我 哋 大家 都 係 鬼 ， 都 係 自己 鬼 ， 你 ， 你 你 害 我 都 冇 用 㗎 。
嗰隻 鬼 冷冰冰噉 話 ：你 唔使 怕 ，我 唔會 害 你 。
係 個 女鬼 嘅 聲 。
韋小寶 聽 佢 噉 講 即刻 精神 翻 喇 。
嗱，嗱， 你 講過 唔 害 我 㗎 ， 就 一定 唔 能夠 害 我 啊 。
大丈夫 言出如山 ，再 害 我 就 唔啱 㗎喇 。
我 唔係 鬼 ，亦 唔係 大丈夫 。
我 問 你 ，做 大 官 嗰個 鰲拜 ，真係 你 殺 㗎 ？
你 真係 唔係 鬼 吖 嘛 ？
誒 噉 ， 噉 你 係 ， 你 係 鰲拜 嘅 仇人 吖 抑 係 朋友 啊 ？
佢 問咗 呢句 説話 之後 ，對方 一言不發 。
韋小寶 啊 一時 揸唔定 主意 嘞 ：
對方 如果 係 鰲拜 嘅 仇人 或者 係 仇鬼 ，噉 認咗 嗰件事 梗係 好定 啦 ；
但係 如果 係 鰲拜 嘅 親人 或者 親鬼 呢 ，自己 認咗 起 唔係 弊弊 冇 咁 弊 ？
突然 之間 賭徒 性格 發作 ， 佢 心 諗 ： 係 大 抑或 係 細 總 係 要 落注 㗎 。
買得啱 ，佢 當 我 係 大老爺 ；買得唔啱 至多 唔係 連命 都 輸 買埋 。
於是 大聲 話 ：叉叉叉 鰲拜 係 老子 殺 嘅 ，你 想 點吖 ？
老子 一刀 喺 佢 背脊 㓤 入去 ，佢 就 一命嗚呼 見 閻王 喇 。
你 要 報仇 ，即管 逳手 啦 ，老子 皺下眉頭 都 唔算 係 英雄好漢 ！
嗰個 女子 冷冰冰 噉 問 ：你 為咩事 要 殺 鰲拜 啊 ？
韋小寶 個 心 諗 ：你 如果 係 鰲拜 嘅 朋友 ，我 啊 將 件事 推晒 落 皇帝 身上 ，一樣 係 冇用 嘅 ，你 決 唔會 放過 我 。
我既然係賭呢一鋪咯 ，老子 輸 要 輸得 乾乾淨淨 ，贏 亦都 贏到 十十足足 。
於是 大聲 話 ：鰲拜 害死 天下 無數 好 百姓 ，老子 年紀 雖然 係 細 咋 ，不過 我 心 呢 一樣 咁 嬲 啊 。
偏偏 佢 又 得罪 咗 皇帝 ，我 啊 乘機 殺咗 佢 。
大丈夫 一人 做事 一人 當 。
我 講埋 你 聽 啦 ，就算 鰲拜 呢個 狗賊 唔 得罪 皇帝 ，我啊 亦 要 搵 機會 暗中 逳手 㗎喇 ，同 天下 受苦 受難 嘅 百姓 報仇 雪恨 啊 。
呢句説話 ，係 佢 喺 天地會 青木堂 嗰 班人 嘅 嘴 裏 便 學翻嚟 嘅 。
其實 佢 殺 鰲拜 只係 奉 咗 康熙 嘅 命令 ，同 咩 為 天下 百姓 報仇 雪恨 等等 ，完全 唔𪐀 更 嘅 。
佢 講完 呢番説話 之後 ，面前 嗰個 女人 唔 出聲 。
韋小寶 個心 嘣 嘣 亂 咁 跳 ， 唔 知道 賭 呢 鋪 買 唔 買 得 中 噃。
過咗 好耐 下 ，只覺得 微微 風響 ，呢個 女人 ，抑或 係 女鬼 ，已經 出咗 房 嘞 。
嗱 各位 ，欲知 後事 如何 ，且 聽 下回 分解 。
