前文再續啊 書接上一回啊 ，話説 搖頭獅子 吳立身 痛罵 劉一舟 ，問佢 如果一下失手 ，整死咗 韋小寶 點算噉 。
劉 一舟 氣憤憤 噉 話 ：一命 填 一命 ，我 賠翻 佢 條 命 咪 就係 囉 。
吳立身 發惡 喇 ： 哦 ， 你 就 講得 輕鬆 啊 ， 你 係 咩 英雄好漢 啊 ？ 一命 填一命 。
韋香主 係 人哋 天地會 十大香主 之一 啊 ，你 填唔填得到 吖 ？
仲有 ，你 呢條命 係 邊處 得翻嚟 㗎 ？係 韋香主 救 嘅 啫 嘛 。
你 唔 感恩圖報 ，人哋 已經 睇 你 唔起 喇 ，居然 仲 有 膽 逳 韋香主 添 ？
劉一舟 就 老羞成怒 嘞 ，佢 把 心 一 橫 ，惡死 騰騰 噉 話 ：
吳師叔 ，啲事 唔做 都 做咗 喇 ，人哋 係 姓 韋 ，冇 傷到 一條 寒毛 。
你 老人家 話 點 就 點 啦 。
吳立身 成個 跳起嚟 ，指住 劉一舟 塊面 大叫 ：
劉一舟 ，你 對 師叔 都 噉樣 冇 上 冇下 ？你 想 同 我 打過 啊 係咪 ？
我 冇 噉 講過 啊 ，我亦 唔係 你 嘅 對手 。
哦 ，如果 你 武功 叻過 我 ，就 要 打 我 嘞 噃 係咪 啊 ？
你 喺 清宮 裏 便 貪生怕死 ，一聽到 要 殺頭 唧 就 慌死 嚟 唔切 噉 大聲 求饒 ，搶住 自報 姓名 。
我 為咗 顧全 柳師哥 個 面子 ，呢件事 啊 先至 絕口不提 咋 。
哼 ，你 唔係 我 弟子 啊 算 你好彩 。
噉顯然係話你如果係我弟子呢 ，早就一刀殺咗你喇噉 。
劉一舟 聽 佢 揭穿 自己 喺 清宮 裏 便 膽怯 求饒 個 醜態 ，耷低 個 頭 ，面色 蒼白 ，粒 聲 唔出 嘞 。
韋小寶 見 自己 佔足 咗 上風 ， 就 笑 住 話 ： 嘿嘿 好喇好 喇好 咯 ， 吳 大爺 ， 劉大哥 同 我 玩 下 㗎 啫 ， 唔 係 真 嘅 。
我 求下 你 嘞 吳大爺 ，過去 嘅 事 ，唔好 同 柳大爺 講 喇 。
吳立身 話 ：韋香 主 噉樣 吩咐 梗係 照辦 啦 。
擰 轉頭 對 劉一舟 話 ： 你 睇 下 人 哋 韋香主 吖 ， 人 哋 係 做 大事 㗎 幾 大量 吖 。
韋小寶 向 方怡 同 沐劍屏 笑住 話 ：點解 你哋 都 嚟咗 呢處 嘅 ？
方怡話 ：你 過嚟 ，我 有句 説話 同 你 講 。
韋小寶 微微 笑噉 行過去 。
劉一舟 見到 方怡 當住 大家 面對 韋小寶 咁 親熱 ，忍唔住 要 拔刀 過去 搏命 嘞噃 。
忽然間 聽見 啪 一 聲 ，韋小寶 已經 捱咗 一 巴 喇 。
韋小寶 吃咗 一驚 跳開 幾步 ，用 隻手 揞住 塊面珠 話 ：你 ，你做咩 打人 喎 ？
方怡 豎起 堂眼眉 唂 到 面 都 紅晒 佢 話 ：
你 當 我 係 咩嘢 人 啊 ？你 同 劉師哥 講 咗 啲 咩嘢 吖 ？
背住人哋 ，將 我 嚟噉樣 糟蹋 輕賤法 ？
我 冇 講過 咩 ， 咩 唔 好聽 嘅 説 話 啊 。
仲話冇 ？我 一句句 都 聽清楚 喇 。
你 ，你 ，你哋 兩個 都 唔係 好人 。
方怡 又 嬲 又 急 ，流出 眼淚 。
徐天川 個 心 諗 ：呢啲 後生仔女 嘅 嘢 啫 唔算得 咩 大事 嘅 ，不過 千祈 唔好 又 傷 咗 天地會 同 沐王府 個 和氣 。
於是 哈哈大笑話 ：哈哈哈哈哈哈哈 ，韋香主 同 劉師兄 都 吃咗 啲 小虧 ，就算 係 和果喇 。
喂 你哋 餓唔餓 啊 ？我 就 餓得 好 交關 喇 ，快啲 搵 間 飯店 ，我哋 痛痛快快 食翻 餐 啦 。
突然間 ，一陣 東北風 吹過 ，個天 落咗 一陣 黃豆 咁 大粒 個 雨 。
徐天川 擔 高頭 睇 個 天 佢 話 ：十月 天時 ，無 𪐀𪐀 落 起 雨 嚟 嘅 真係 作怪 嘞 。
眼見 一團團 烏雲 喺 東北角 湧過嚟 ，佢 又 話 ：呢場 雨 都 怕唔細噃 ，我哋 要 搵 笪 地方 避 下雨 至得 。
噉 七個人 順住 大路 向 西 便 行 ，方怡 沐 、劍屏 嘅 傷勢 未 好 ，行得 唔 快 。
啲 雨 呢 ，就 越 落 越 大 ，偏偏 一路 連 間 農家 、一個 涼亭 都 冇 。
過咗 冇 幾耐 ，七個人 都 全身 濕透 嘞 。
韋小寶 笑住 話 ：
喂 ，大家 慢慢 行罷 啦 ，行得快 係 落湯雞 ，行得慢 就 落湯鴨 ，橫掂 都 差唔多 㗎啫 。
噉 七個人 又 行咗 一陣 ，聽見 水聲 ，原來 係 嚟到 一條 河邊 。
點到 上流 半里 嘅 地方 有 座 屋仔 ，七 個 人 都 好 歡喜 就 加快 腳步 。
行到 近 喇 ，見到 嗰 間 屋仔 係 一 間 爛 廟 。
但 總 係 個 避雨 嘅 地方 吖 ， 雖然 係 破爛 啊 ， 都 聊勝於無 啊 。
道廟門 已經 爛咗 㗎喇 ，行到 入去 哎呀 一陣 黴𡃴 。
方怡 行咗 咁 耐 ，心口 受傷 嘅 地方 呢 十分 疼痛 ，不由得 皺緊 眉頭 咬實 牙關 。
徐天川 就 拆 嗰啲 爛 枱 爛 椅 ，透 起 個 火 ，等 大家 焙 乾 啲 衣服 。
睇 下 個 天 啲 烏雲 越 聚 越 濃 ，雨 啊 落得 越發 大 嘞 。
徐天川 喺 包袱 裏 便 攞 啲 乾糧 麵餅 出嚟 分 畀 大家 食 。
劉一舟 將 條 辮頭 呢 塞 喺 頂帽 處 ，就 勉勉強強 啊 拖住 一 條 辮 。
韋小寶 笑吟吟 噉 對住 佢 左 睇 右 睇 。
沐劍屏 啊 笑住 問 韋小寶 ：先頭 你 喺 劉師哥 嘅 薄餅 裏 便 ，做咗 啲 咩 手腳 呢 ？
韋小寶 睩 大 雙眼 話 ：冇啊 ，我 會 做 啲 咩 手腳 唧 ？
嗯 ，仲唔認添 ，我 問 你 ，點解 劉師哥 又 會 中咗 蒙汗藥 暈倒 吖 ？
乜佢 中咗 蒙汗藥 咩 ？幾時 啊 ？點解 我 唔知 嘅 ？
我 睇 唔 會 啩嗱 ，佢 而家 咪 好地地 坐 喺 處 焙火 ？
呸 ！你 就係 會 詐傻 扮 懵 ，唔同 你 講 喇 。
方怡 亦 都 好奇怪 啊 ：
啲 薄餅 冚𠾴 唥 都係 劉一舟 喺 包袱 攞出嚟 嘅 ，點解 一陣間 ，佢 自己 又 會 暈低 嘅 呢 ？
只聽見 韋小寶 笑住 話 ：講唔定 劉師兄 就 發羊吊 呢 ，突然間 發作 就 人事不知 㗎 啦 嘛 。
劉一舟 忍無可忍 喇啪聲 企起身 ，指住 韋小寶 喝佢 話 ：你 ，你呢個 。
方怡 睩咗 韋小寶 一眼 佢 話 ：你 過嚟 啦 。
嗯 你 又 要 打人 嘅 我 真係 唔 過嚟 啊 。
方怡話 ：你 唔好 再 講埋 啲 噉嘅 嘢 嚟 踩 劉師哥 喇 ，細佬哥 ，都 要 注意 下 把口 至得 㗎嘛 。
韋小寶 伸 下 條 脷 ，唔 出聲 嘞 。
劉一舟 見到 方怡 兩次 幫住 自己 ，個心 好 噘 啊 佢 諗 ：
呢個 衰仔 又 陰濕 又 曳 ，誒 方師妹 就 唔同 呢 ，到底 仲係 對 我 好 嘅 。
個 天 漸漸 黑嘞 。
七個人 圍住 堆火 坐 ，爛廟 又 到處 咁 漏水 ，乾嘅 地方 好少嘅 。
突然間 韋小寶 頭頂 漏水 嘞 ，啲 水 一 滴滴 噉 𢱕落 佢 膊頭 。
佢 向 左便 避咗 一下 ，但 左便呢 亦 漏水 。
方怡 話 ：你 過嚟 啦 ，呢度 唔 漏水 啊 。
你 唔使 怕 ，我 唔 打 你 。
韋小寶 笑咗 一笑 ，就 去 佢 身 跟 坐 嘞 。
方怡 哄 個 嘴 喺 沐劍屏 耳仔 邊 低聲 講咗 幾句 説話 。
沐劍屏 咭噉 笑咗 聲 ，岌一岌 頭 。
又哄 個 嘴 喺 韋小寶 耳仔 邊 低聲 話 ：
方師姐 話 ：佢 同 你 係 自己人 ，噉 先至 打 你 、管 你 ，叫 你 唔好 得罪 劉師哥 ，問 你 明唔明 佢 嘅 意思 喎 。
韋小寶 喺 佢 耳仔 邊 低聲 話 ：咩 自己人 啊 ？我 唔知 啊 。
沐劍屏 就 將 說話 傳過去 。
方怡 又 睩咗 韋小寶 一眼 ，向 沐劍屏 話 ：
我 發過 個 誓 ，永遠 算數 叫佢 放心 啦 。
沐劍屏 又 將 說話 傳 過嚟 嘞 。
韋小寶 喺 沐劍屏 耳仔 邊 話 ：
方姑娘 同 我 係 自己人 ，噉 你 呢 ？
沐劍屏 即刻 面紅嘞 ，用手 打佢 。
韋小寶 一便 笑 一便 打 側身 避開 ，對住 方怡 啊 猛咁 岌頭 。
方怡 啊 似笑非笑 似 嬲 非 嬲 ， 啲 火光 映照 之下 真 係 講唔 出 咁 靚 咁 嬌 啊 。
韋小寶 個 心 啊 嘩 ，高興 咯 佢 。
劉一舟 坐 個 地方 同 佢哋 三個人 距離 比較 遠 ，伸長 條 頸 ，隱隱約約 噉 似乎 聽到 咩嘢 劉師哥 啊 咩嘢 自己人 啊 噉 ，其他 就 乜 都 聽唔到 嘞 。
睇佢 三個人 嘻嘻哈哈 神情 親密 ，顯然 係 將 自己 當成 係 外人 ，忍唔住 又 妒忌 又 憤恨 。
方怡 又 喺 沐劍屏 耳仔 邊 低聲 話 ：
你 問 下 佢 ，佢 到底 係 用 咩 法子 ，迷魂 劉師哥 嘅 。
韋小寶 見到 方怡 咁 好奇 ，就 靜靜 對 沐劍屏 話 ：
我 小便 嗰陣 啊 就 背轉身 㗎 嘛 ，噉 我 用 左手 揦 咗 一紮 蒙汗藥 ，小便 完 喇 ，又 返 去 揀 薄餅 ，啲 餅 唔係 搽 咗 藥粉 囉 ？
我 食 嗰件 餅 ，我 淨係 用 右手 搦 嘅 啫 ，左手 係 掂 都 唔掂 嘅 ，噉 你 明 啦 嘛 ？
沐劍屏 話 ：原來 係 噉嘅 。
傳完 説話 之後 ，噉 方怡 又 問 嘞 。
你 嗰啲 蒙汗藥 喺 邊度 攞翻嚟 㗎 ？
韋小寶 話 ：宮裏 便 啲 侍衞 畀 嘅 ，救 你 嗰個 劉師哥 ，用 嘅 就 係 嗰啲 藥粉 嘞 。
呢陣時 大雨 傾盆 ，喺 瓦面 上 打到 嘩嘩聲 。
韋小寶 個 嘴唇 啊 直情 要 掂到 沐劍屏 嘅 耳仔 ，講 個 説話 先 能夠 聽到 嘅 。
劉一舟 個 心 好 煩 啊 ，啪聲 企 起身 ，背脊 就 出力 噉 挨 喺 條 柱 處 ，突然間 哩哩嘞嘞 幾 聲 ，頭殼 頂 啊 跌 咗 幾 片 瓦 落嚟 。
呢座爛廟呢 ，早就 破爛不堪 㗎喇 ，畀 大雨 一浸 北風 一吹 ，已經 支撐唔住 嘞 ，跟住 一條條 桁條 同 瓦片 磚 泥 紛紛 咁 跌落嚟 。
徐天川 大叫 話 ：弊 ！呢間 廟 要 冧 喇 大家 快啲 出去 。
七個 人 嗱嗱 聲 趯 出 間 廟 ， 都 唔 行得 幾步 遠唧 ， 就 聽見 轟隆 一聲 巨響 ， 屋頂 啊 冧 咗 一大 邊 ， 跟 住 有 半 埲 墻 冧 咗 落 嚟 。
就喺呢個時候 ，聽見 一陣 馬蹄聲 。
有 十幾 騎馬 喺 東南方 飛跑 而嚟 ，一陣間 ，就 跑到 好近 嘞 ，馬上 都 有人 騎 嘅 。
有 一個 老人 把 聲 話 ：哎喲 ，呢度 本來 有 間 廟 嘅 ，可以 避 下雨 ，偏偏 又 冧 咗 咯 。
另外一個人 大聲 噉 問 徐天川 佢哋 話 ：
喂 朋友 ，你哋 喺 呢處 做咩 啊 ？
徐天川 話 ： 我 哋 喺 間 廟 處 避雨 ， 間廟 冧 咗 咯爭 啲 矺 死 晒 啊 。
又 有 一個 騎馬 嘅 人 話 ：哈落 咁 大雨 ，個 天 好似 崩咗 噉 。
有 個人 話 ： 趙老三 ， 除 咗 呢 間 廟 ， 附近 一間 屋 都 冇 啊 ？ 有 冇 山洞 啊 咩 噉 啊 ？
嗰個 老人 話 ：有 ，有啊有嘅 ，不過 都係 同 冇 差唔多 個 啫 。
有個人 鬧 佢 喇 ：你 阿爺 吖 ，到底 有冇 啊 ？
嗰個 老人 話 ：呢度 西北 便 ，喺 山坳 裏 便 有 間 鬼屋 ，好 猛鬼 嘅 邊個 都 唔 敢 入去 ，噉咪 即係 等於 冇 。
騎馬 嗰啲 人 大聲 噉 話 ：老子 真係 唔怕 鬼屋 啊 。
有 猛鬼 啊 最好 ，捉住 嚟 當 點心 食 。
又 有 人 喝 趙老三 話 ：快啲 帶路 啦 又 唔係 沖涼 ，咁 大雨 淋住 ，你 估 好過癮 嘅 咩 ？
趙老三 話 ：各位 大爺 ，我 唔係 嫌 命長 啊 ，我啊 唔敢 去 喇 。
我 勸 各位 都 唔好 去 ，呢度 向北 行 ，再 行 三十 里 就 有 市鎮 嘞 。
馬上 嗰班人 都 話 ：咁 大雨 ，邊度 仲 捱得 三十里 吖 ？唔好 啰嗦 喇 ，我哋 咁 多人 又 怕 咩 鬼 吖 ？
趙老三 話 ：噉啊 好啦 ，大家 向 西北 行 ，轉咗 個 彎 ，再 跟住 山路 行 就 得 一 條 路 個 啫 唔會 錯 嘅 。
大家 都 唔 等 佢 講完 喇 ，已經 縱馬 向住 西北方 跑過去 嘞 。
趙老三 騎 嘅 係 一隻 驢 ，佢 遲疑 咗 一下 ，拉轉 隻 驢 ，翻轉 頭 ，向住 東南方 來路 走咗 咯 。
徐天川 話 ：吳二哥 ，韋香主 ，我哋 點啊 ？
吳立身 話 ：我 睇 。
但係 即刻 想起 嘞 ，應該 由 韋小寶 揸 主意 先至 啱嘅 ，佢 跟住 話 ：
誒 請 韋香主 吩咐 啦 。
韋小寶 又 怕 鬼 ，不過 講唔出口 吖 佢 話 ：
吳大叔 講 啦 ，我 冇 咩 主意 嘅 啫 。
吳立身話 ：咩猛鬼 吖 都係 鄉下人 亂講 㗎啫 ，就算 係真係 有鬼 ，我哋 唔係 同佢搏一搏 囉 。
韋小寶話 ：噉 有啲 鬼 係 睇唔見㗎 ，等到 睇見 啊 ，已經 嚟唔切 嘞 。
劉一舟 大聲 噉 話 ：怕咩 妖魔鬼怪 啊 ？再 淋 多 半個 時辰 雨 啊 ，大家 非 病 不可 。
韋小寶 見到 沐劍屏 不停 咁 震 ，的確 係 難以 支持 嘞 。
噉佢 又 唔願 喺 方怡 面前 示弱 輸 畀 劉一舟 啊 ，噉 就 話 ：
好 ，大家 一齊 去 啦 ，誒 如果 見到 猛鬼 ，就 要 小心啲 啊 。
七個人 跟住 趙老三 講 嗰條路 ，噉啊 行 入去 山坳 。
不過 黑暗 之中 搵唔到 路 噃 ，又 見 樹林 裏 便 啊 白茫茫 ，有 一條 小 瀑布 沖落嚟 。
韋小寶話 ：搵唔到路 啊 叫做 畀鬼迷 ，啲 鬼 啊 ，喺度 迷人 喇 。
徐天川 話 ：啲 水 流 嗰度 呢 就係 路 喇 ，啲 山水 順住 小路 流落嚟 啫 。
吳立身 話 ：冇錯 。
噉佢浭住瀑布行上山坡 ，噉啊其餘啲人呢都跟住佢去 ，爬上山坡嘞 。
聽見 左手 便 樹林 裏 便 有 馬 叫 ，知道 係 嗰 十幾個 人 騎 馬 嘅 漢子 就 喺 嗰 處 。
徐天川 個 心 諗 ：呢批 人 都 唔知 係 咩 來頭 嘅 。
但係 諗起 自己 同 吳立身 聯手 ，一般 嘅 武師 就算 有 幾十 人 都 唔 放 喺 心上 啦 ，於是 就 踏水 搵 路 行 ，高 一腳 低 一腳 噉 向 樹林 裏 便 行過去 。
一到咗樹林裏便就更加黑嘞 ，聽見 前面 嘭嘭嘭 噉 敲門聲 ，果然 係 有屋 。
韋小寶 啊 忽然 覺得 有人 伸 隻 手過 嚟 拉 住 佢 隻 手 。
嗰 隻 手掌 啊 好 軟 嘅 ， 跟 住 耳 仔邊 有人 好 温柔 噉 話 ： 唔 使 怕 。 係 方怡 啊 。
噉啊敲門聲 呢 一路 都 冇 停 ，不過 始終 冇人 開門 。
七個人 行近 一睇 ，原來 係 好大間 屋 。
嗰 班 騎馬 嘅 人 啊 大聲 喺 度 噉 叫 ： 開門 喇 ， 開門 喇 ， 嚟 避雨 㗎 。
嗌咗 好耐 下 ，屋裏頭 一啲 動靜 都 冇 。
有個人 話 ：乜冇人 住 嘅 ？
噉 另外 有 個人 話 ：趙老三 話 係 鬼屋 ，邊個 敢 嚟 住 吖 ？跳入 墻 啦 。
噉 兩個人 拔出 兵器 ，跳咗 入 墻 ，然後 開咗 大門 ，噉 大家 就 入晒去 嘞 。
徐天川 個 心 諗 ：呢啲 人 果然 係 武林 人士 ，不過 睇起嚟 武功 都 唔係 好 高唧 。
噉啊 七個人 跟住 入埋去 。
大門 裏 便 係 一個 好大 嘅 天井 ，再 入去 係 一間 大廳 。
有人 喺 身邊 攞 個 油布包 ，解開 佢 ，攞出 火刀 火石 啊 打着咗 火 。
見到 大廳 裏頭 張 枱面 有 蠟燭 ，又 點着 咗 佢 。
黑咗咁耐啊 ，突然間 見到光 ，大家 都 好 歡喜 。
噉睇 下 間 廳 ，都係 紫檀木 嘅 枱椅茶几 ，竟然 係 大户人家 嘅 氣派 。
徐天川 個 心 諗 ：啲 枱椅 上面 冇 到 灰塵 ，地下 打掃 得 咁 乾淨 企理 ，間 屋 裏 便 點解 會 冇 人 呢 ？
只聽見 一名 漢子 話 ：呢間 廳 乾乾淨淨 間 屋裏 便 有人 住 㗎 噃 。
另外一個人 大聲噉叫 ：喂喂 ，屋裏面 有人 嘛 ？屋裏 便 有冇人 啊 ？
大廳 又 高 又 大 ，佢 大聲 噉 叫 啊 隱隱約約 有 啲 回聲 。
回聲 一停 ，四面 就 除咗 大雨 嘅 聲音 ，就 冇 其他 嘅 聲音 嘞 。
眾人 互相 睇 下 都 覺得 頗為 奇怪 。
一個 白髮 嘅 老人 問 徐天川 話 ：你哋 幾位 都係 江湖 嘅 朋友 啊 ？
徐天川 話 ：在下 姓 許 ，呢 幾個 有啲 係 家人 有啲 係 親戚 ，要 去 山西 探親 ，點知 遇到 呢場 大雨 。
誒 大爺 貴姓 啊 ？
嗰個 老人 岌一岌頭 ，見到 佢哋 七個人 當中 啊 有 老 有嫩 ，又 有 女仔 ，咪 一啲 都 冇 疑心 嘞 。
不過 呢 就 冇 回答 佢 嘅 問話 ，只係 話 ：呢間 屋 有 啲 古怪 啊 。
又 有 一名 漢子 大叫 話 ： 屋裏 便 有 冇 人 啊 ？ 死 清光 啊 ？
停咗 一陣 ，仍然 係冇人 回答 。
嗰個 老人 坐喺 張 椅 處 指住 六個 人 話 ：你哋 六個 去 後 便 睇下 啦 。
噉 六 名 漢子 啊 拔出 兵器 ，行 入去 後 沓 嘞 噃 。
六個人 就 微微 彎住 腰 行得 好慢 ，神情 都 幾 警惕 嘅 。
聽住 有 踢門聲 、喝問聲 不斷 噉 傳嚟 ，並 冇 咩 古怪 啊 。
啲 聲 越 去 越 遠 ，顯然 間 屋 就 好 大 一時 行唔到 篤 。
嗰個 老人 指住 另外 四個 人 話 ：搵 啲 木材 嚟 點 幾個 火把 ，跟住 入去 睇下 咯 。
嗰 四個人 又 去咗 喇 。
韋小寶 佢哋 七個人 ，坐 喺 大廳 嘅 門檻 上 便 ，邊個 都 唔 開口 講説話 。
徐天川 見 嗰班人 當中 有 十個人 行咗 去 後沓 ，大廳 呢 仲 有 八個人 ，着 嘅 都 係 布長衫 。
睇個樣 ，似乎 係 咩 幫會 嘅 幫眾 ，又 似 係 鏢局 嘅 鏢客 ，不過 呢 又 冇 押鏢 ，一時 都 摸唔清 佢哋 嘅 路數 。
韋小寶 忍唔住 問 方怡 話 ：姐姐 啊 ，你 話 呢間 屋 有冇 鬼 吖嗱 ？
方怡 都 未曾 回答 ，劉一舟 就 搶住 話 ：當然 有 鬼 啦 ！咩 地方 未 死過 人 啊 ？死過 人 就 有 鬼 。
韋小寶 打 個 冷震 ，即刻 縮埋 。
劉一舟 話 ：天下 啲 鬼 呢 都 係 欺善怕惡 ，專係 迷 啲 細路 嘅 。
大人 就 唔 怕 ， 大人 陽氣 盛 啊 ， 吊頸 鬼 啊 、 大頭鬼 啊 ， 就 唔 敢 惹 大人 嘅 。
方怡 揸住 韋小寶 隻 左手 佢 話 ：
人 怕 鬼 ，鬼 仲 怕 人 啊 ，一 有 火光 啲 鬼 就 走 嘞 。
呢個 時候 ，首先 去 後 便 睇下 嗰 六名 漢子 啊 返到嚟 大廳 ，啲 神情 都 好奇怪 噉 七嘴八舌 話 ：
一個人 都 冇 喎 ，不過 到處 都 打掃 得 乾乾淨淨 嘅 。
有個又話 ：床上啲 被褥 啊 床下底 啲 鞋 啊 ，都係 女人 㗎 。
又 有人 話 ： 衫櫃 裏 便 啊 都 係 女人 衣服 ， 男人 衣服 一件 都 冇 。
劉一舟 大聲 噉 話 ：女鬼 啊 ，成屋 都 係 女鬼 。
大家 一齊 擰轉頭 睇住 佢 ，一時之間 啊 邊個 都 冇 出聲 。
突然之間 ，聽見 後便 嗰 四個人 大聲 怪叫 ，嗰個 老人 即刻 起身 ，正話 想 趕入去 後便 接應 。
不過 嗰 四個 人 已經 走 翻 上 嚟 大廳 喇 ， 揸 住 個 火把 都 熄 晒 ， 大叫 話 ： 死人 啊 ， 死人 真 係 多 啊 ！
啲 表情 啊 好 驚慌 。
嗰 個 老人 黑起塊 面話 ： 大驚小怪 ， 我仲估 你 哋 遇 咗 敵人 添 啊 。
死人 有 咩嘢 咁 好 怕唧 ？
一名 漢子 話 ： 唔 係 怕 啊 ， 係 ， 係 稀奇古怪 啊 。
嗰個 老人 話 ：咩嘢 稀奇古怪 啊 ？
另外 一名 漢子 又 話 ： 東便 有間 屋 ， 都 係 ， 都 係 死 人 嘅 靈堂 ， 誒 ， 都 唔 知 一共 有 幾多 嘞 。
嗰個 老人 沉沉吟吟 噉 話 ：有冇 死人 同埋 棺材 吖 ？
兩名 漢子 對望咗 一眼 就 一齊 話 ：冇 ，冇 睇清楚 啊 ，好似 ，好似 冇啩 。
嗰個 老人 話 ：點 多 幾支 火把 ，大家 去 睇 下 。
講唔定係 一間 祠堂 呢 ，噉 都 好 平常 嘅 啫 。
佢 雖然 講得 輕描淡寫 啊 ，但係 語氣 呢 ，都 顯得 好 猶豫 ，似乎 明知 祠堂 都 唔係 噉 嘅 。
噉佢 手下班人 就 喺 大廳 拆 枱 拆 凳 做 火把 ，點着咗 呢 就 一齊 湧到 去 後 便 嘞 。
徐天川 話 ：我 去 睇下 ，各位 喺 呢處 等 啦 。
噉講完 ，跟 喺 眾人 後 便 就 行咗 入去 。
嗱 各位 ，欲知 後事 如何 ，且 聽 下回 分解 。
