前 文 再續 啊 書 接上 一回 啊 。
話 説 劉一舟 嗰 晚 喺 客店 瞓 唔 着 ， 靜靜 起身 ， 去 到 方怡同 沐劍屏 住 嗰 間 房 嘅 窗口 旁邊 。
果然 就 聽見 兩個人 喺度 細細聲 傾偈 嘞 ，沐劍屏 話 ：
你噉樣 對待 劉師哥 ，唔係 令 佢 好 傷心 囉 ？
方怡 話 ：噉 有 咩 法子 唧 ？
佢 早啲 傷心 早啲 忘記咗 我 ，就 早啲 唔 傷心 喇 。
你 真係 決心 要 嫁 ，嫁畀 韋小寶 嗰個 細佬 哥 啊 ？
佢 咁 細 ，你 點 能夠 做 佢 老婆 唧 ？
你 自己 想 嫁畀 呢個 馬騮仔 ，所以 就 勸 我 對 劉師哥 好 啫 嘛 係唔係 呢 ？
唔係啊唔係啊 。
噉 你 唔係 快啲 去 嫁畀 韋大哥 囉 。
方怡 歎 一口氣 佢 話 ：
唉 ，我 發過誓 㗎嘛 ，唔通 你 唔記得 咩 ？
嗰日 我 話 皇天 在上 后土 在下 ，桂公公 如果 能夠 救得 劉一舟 平安 脱險 ，小女子 方怡 ，就 嫁畀 公公 為 妻 ，一生 對 丈夫 忠貞 不二 ，如果 有 三心兩意 ，要 我 萬劫 不得 超生 。
我 又 話過 ，小郡主 就係 證人 噉 ，我 唔會 忘記 ，你 亦 唔會 忘記 㗎 。
係 ，你 講 係 講過 。
不過 我 睇 ， 我 睇 佢 都 係 貪玩 嘅 啫 ， 唔 係 當真 嘅 。
佢 當真 亦 好 ，當假 亦 好啦 ，不過 我哋 做 女子 嘅 ，既然 已經 親口 將 終身 許配 咗 畀 佢 ，噉 就 決不 反悔 ，必須 從一而終 嘞 。
何況 ，何況 。
何況 咩嘢 唧 ？
嗱 ，就算 講過 個 説話 可以 抵賴 啊 ，不過 佢 ，佢 曾經 同 我哋 兩個人 瞓埋 一張 床 ，𢫏埋 一張 被 。
沐劍屏 咭噉 笑 一 聲 話 ：
韋大哥 真係 頑皮 嘅啫 ，佢 仲 話 ，英烈傳 裏 便 有 噉樣 一 回 書 ，叫做 咩嘢 沐王爺 三戰 定 雲南 ，桂公公 雙手 抱 佳人 噉 。
師姐 啊 ， 佢 真 係 抱住 咗 你 啊 ， 仲錫 咗 你 嘅 面 珠 添 噃。
方怡 歎咗 口氣 ，唔出聲 嘞 。
劉一舟 喺 窗口 外 便 ，聽到 佢 啊 好似 火燒 五臟 又 覺得 天旋地轉 ，企 都 企唔穩 。
過咗一陣 ，又 聽見 方怡 話 ：
其實 佢 年紀 雖然 係 細 ，講嘢 油腔滑調 啫 ，對 我哋 兩個人 真係 唔錯 㗎 。
呢次 分手 之後 ，唔知 咩 時候 能夠 再見到 佢 呢 ？
沐劍屏 又 試 咭噉 笑 一 聲 話 ：師姐 ，你 一路 想 佢 呢 ？
係 想 佢 啊 ，又 點 唧 ？
我 都 想 佢 啊 。
我 幾次 嘍 佢 ，要 佢 跟埋 我哋 一齊 去 石家莊 ，佢 總係 話 有 緊事 喺 身 噉 。
師姐 ， 你 話 係 真 嘅 呢 定 係 假 嘅 呢 ？
喺 飯店 打尖 嘅 時候 ，我 聽 佢 同 車夫 傾偈 ，問起 去 山西 嘅 路程 。
睇嚟 ，佢 係 要 去 山西 啊 。
佢 年紀 咁 細 ，一個人 去 山西 ，半路 如果 遇到 壞人 噉 點算 唧 ？
方怡 歎咗 口氣 話 ：
唉 ，我 本來 想 同 徐大爺 講 ，唔使 護送 我哋 ，仲係 護送 佢 啦噉 ，但係 徐大爺 一定 唔肯 嘅 。
師姐啊 ，我 ，我想 。
想咩啊 ？
沐劍屏 歎 一口氣 話 ：冇咩嘢 。
方怡話 ：可惜 我哋 兩個人 都 負咗 傷 ，如果唔係 ，就 陪 佢 一齊 去 山西 嘅 嘞 。
而家 遇到 吳師叔 、劉師哥 佢哋 ，噉 ，噉我哋 就 唔能夠 去 搵 佢 喇 。
劉一舟 聽到 呢處 ，突然間 個頭 一暈 ，嘭一聲 ，額頭 撞埋 個窗處 。
方怡 同 沐劍屏 都 吃咗 一驚 啊 ：邊個 啊 ？
劉一舟 妒忌 起嚟 ，就好似 發咗狂 噉 一味 諗住 ：我 去 殺咗 呢個 衰仔 ，我 去 殺咗 呢個 衰仔 ！
衝到 前院 ，牽咗 匹 馬 ，打開 客店 大門 ，上馬 飛奔 。
佢 諗 韋小寶 去 山西 吖 ，就 向住 西 便 行 ，一路 追 到 天光 。
問清楚 去 山西 嘅 路程 喇 ，就 順住 大路 一直 追 ，一見到 有 打單 嘅 大車 就 問 ：坐車 嘅 係咪 細佬哥 啊噉 。
韋小寶 聽 劉一舟 講咗 經過 個 情形 ，知道 佢 係 聽 小郡主 同 方怡 傾偈 得 翻嚟 嘅 。
我 估計 佢 實係 偷聽 翻嚟 嘅 啫 ，知道 得 好 有限 ，就 笑住 話 ：
劉大哥 ，你 上咗 你 師妹 嘅 大當 喇 。
上咗咩嘢當啊 ？
方姑娘 同 我 講 ，要 激 下 你 ，因為 佢 出盡 心思 去 救 你 ，而 你 呢 ，一啲 都 唔 將 佢 放 喺 心上 。
噉 ， 噉 ， 噉 ， 邊度 有 噉 嘅 事 唧 ？ 我 點樣 唔 將 佢 放 喺 心上 啊 ？
你 送過 一支 銀釵 畀 佢 係唔係 吖 ？銀釵頭 有 一 朵 梅花 嘅 。
係啊係啊 ，你 點知 㗎 ？
佢 喺 皇宮 裏 便 混戰 嘅 時候 跌咗 支 銀釵 ，急到 佢 啊 乜嘢 噉 。
話 係 佢 心上人 送 畀 佢 嘅 嘢 ， 點都 唔 能夠 跌 嘅 ， 就 係 唔 要命 都 要 搵 翻翻 嚟 噉 話 。
佢 ，佢 對 我 咁 好 啊 ？
梗係啦 ，唔通 仲有 假嘅 咩 ？
噉 收尾 點 啊 ？
唉 噉 你 噉 ， 你 ， 你 睇 你 扭住 我 隻 手 ， 痛到 我 死死 下 我點 能夠 講落 去 呢 ？
好啦 。
劉一舟 聽見 方怡 對 自己 咁 情深 ，怒火 啊 已經 去咗 大半 嘞 。
又 諗 橫掂 呢個 細路 都 走唔甩 自己 手板心 嘅 ，就 鬆開 隻 手 ，又 問 佢 ：噉 收尾 點 啊 ？
韋小寶 畀 佢 揸 到 成隻手 都 又 痛 又 痺 ，佢 慢慢 將 匕首 插翻 落去 靴筒 。
見 手腕 上面 一圈 手指印 紅紅腫腫 就 話 ：
沐王府啲人啊 ，就 鐘意 揸 人哋 手腕 ，你 係 噉樣 ，白寒楓 又 係 噉樣 。
沐家拳 裏 便 呢 一招 烏龜爪 ，都 幾 厲害 噃 。
佢 將 烏龜 爪 呢 個 龜 字 講得 好 含糊 ， 劉一舟 啊 聽 唔 清楚 亦 冇 理 佢 ， 佢 又 問 ：
方師妹 失咗 我 送畀佢 嗰支 銀釵 ，噉 收尾 點 啊 ？
韋小寶話 ：我 畀 你 嘅 烏龜 爪 揸到 啊 氣 都 唞唔過 ，而家 要 唞 下 先 。
總而言之呢 ，你 娶唔娶得到 方姑娘 做 老婆 就 好 有關係 嘅 。
劉一舟 聽 佢 噉 講 ，梗係 好關心 啦 ，就 話 ：你 快啲 講 啦 唔好 拖嚟拖去 喇 好唔好 ？
噉 我 總係 要 坐低 先 慢慢 唞一唞 先 有力 講 㗎 嘛 。
劉一舟 冇法子嘞 ，只有 跟住 佢 去到 樹林 旁邊 一樖 大樹 腳 ，見 韋小寶 喺 樹根 坐落嘞 ，即刻 就 一拍 噉 坐 喺 佢 身邊 。
韋小寶 歎 一口氣 話 ：唉 ，可惜啊 ，真係 可惜喇 。
劉一舟 擔心 嘞 ：可惜 咩 啊 ？
可惜 你 師妹 唔 喺 呢處 唧 ，如果 唔係 啊 ，佢 能夠 同 你 一拍 噉 坐 喺 呢處 ，同 你 談情説愛 、打情罵俏 ，佢 個 心 啊 就 真係 歡喜 咯 。
嘩 ，歡喜到 劉一舟 啊 忍唔住 笑出嚟 ，佢 問 ：你 點 知道 㗎 ？
吖點 知道 喎 ？我 聽 佢 親口 講 㗎 嘛 。
嗰日 佢 跌咗 支 銀釵 ，噉 冒住 性命 危險 ，衝過咗 清宮 侍衛 把守 嗰 三道 關口 。
雖然 受咗 重傷 啊 ，仲係 殺咗 三名 清宮 侍衞 ，將 呢支 銀釵 搵到 翻嚟 嘞 。
噉 我 話 ：方姑娘 ，你 真係 笨 㗎啫 ，一支 銀釵 值得 幾多 錢 啦 ？
我 送 一千兩 銀 畀 你 ，呢 種 釵 啊 ，可以 打 佢 三四千 支 。
你 每日 頭上 插 十 支 ，日日 都 唔同 ，一年 三百六十 日 ，日日 插 嘅 都 係 新 釵 啦 嘛 。
方姑娘 就 話 喇 ：你 呢個 細佬 哥 啊 識 乜嘢 吖 ？
呢支釵 ，係 我 嗰個 至親愛 嘅 劉師哥 送畀 我 嘅 ，你 送 一千支 一萬支 畀 我 ，就算 係 黃金釵 、珍珠釵 ，又 點及得 我 嗰個 至親愛 嘅 劉師哥 畀 我 嘅 一支 銀釵 、銅釵 、鐵釵 啊 ？
劉大哥 ，你 話 呢個 方姑娘 係咪 好 糊塗 㗎 嗱 ？
劉一舟 聽到 呢番 説話 ，真係 笑到 佢 口 都 合唔翻 ，佢話 ：
點解 ， 點解 佢 半夜 同小 郡主 傾 偈 講個 又 唔 同 嘅 呢 ？
韋小寶 話 ：你 半夜 三更 ，喺 佢哋 間 房 出 便 偷聽 人哋 傾偈 呢 係咪 呢 ？
劉 一舟 塊 面 紅咗 一 紅 佢 話 ：
嗯 我 亦 唔係 偷聽 ，我 夜晚 起身 小便 ，啱啱 聽到 啫嘛 。
哈 ，劉大哥 ，噉 就 你 嘅 唔啱 咯 。
你 咩 地方 小便 唔得 唧 ？點解 要 去 方 姑娘 窗口 外 便 小便 呢 ？
噉唔係臭氣沖天 ？嗰 兩位 羞花閉月 嘅 姑娘 點 頂得順 啦 ？
劉一舟 話 ：唉 係喇係喇 ，係 我 唔啱 喇 ，噉 收尾 我 方 師妹 點樣 講 啊 ？
我 好 肚餓 啊 而家 ，冇 力 講 嘞 ，你 快啲 買 啲 嘢 畀 我 食 啦 。
我 食到飽飽 ，你 方師妹 嗰啲 説話 ，我 先至 講得 出口 嘅 ，好 肉麻 㗎 。
韋小寶 只係 希望 將 劉一舟 啊 氹 到 去 市鎮 嗰度 ，就 可以 喺 人叢 鬆 人 喇 。
劉一舟 話 ：咩嘢 説話 咁 肉麻 啊 ？
我哋 方師妹 好 正經 㗎 ，從來 唔 講 肉麻 嘅 説話 嘅 。
係 啊 係 啊 ， 佢 好 正經 啊 ， 從來 唔 講 肉麻 嘅 説 話 啊 。
佢 話 我 至親愛 嘅 劉師哥 ，又 話 ，我 嗰個 又 體貼 、又 靚仔 嘅 劉師哥 。
唉 佢 阿爺 吖 ，你 聽見 就 唔 肉麻 咋 ，我 越 聽 越 骨痺 啊 。
哼 ，都唔怕醜嘅 ，講埋 呢啲噉嘅説話 。
劉一舟 心花怒放 ，但係 佢 話 ：唔會 啩 ？方師妹 點 會 講 呢啲 説話 呢 ？
好喇 好喇 好喇 ，算係 我 錯喇 。
嗱 劉大哥 ，我 要 搵 嘢食 啊 ，失陪喇 。
講完 ，韋小寶 企 起身 。
劉一舟 正係 聽到 心 都 痕晒 ，點 肯 畀 佢 走 吖 ？連忙 撳住 佢 膊頭 話 ：哎 韋兄弟 唔好 走 。
我 有 幾件 薄餅 ，愛嚟 做 乾糧 嘅 ，你 食住 先 ，講完 喇 ，去到 前面 市鎮 ，我 再 請 你 飲酒 食麵 ，仲要 同 你 認錯 添 。
講完 ，打開 個 包袱 ，攞咗 幾件 薄餅 出嚟 。
韋小寶 接咗 一件 薄餅 搣咗 一角 ，喺 口處 嚼咗 幾下 佢 就 話 ：
嘿 呢 啲 餅吖 ， 鹹 唔 鹹 酸 唔 酸 ， 算 係 咩 嘢 喎 ， 你 食 畀 我 睇 下 。
噉啊 將 嗰件 搣咗 一角 嘅 薄餅 還翻 畀 佢 。
劉一舟 話 ：呢啲 餅 硬咗 ，味道 梗係 唔係 點 好㗎 喇 ，我哋 求其 食 啲 ，頂下肚 至 講 啦 。
講完 ，將 餅 啊 搣咗 一件 嚟 食 。
韋小寶 話 ：呢幾件 又 唔知 點 呢 ？
噉啊 將 幾件 薄餅 翻嚟翻去 咁 揀 ，翻咗 幾翻 佢 話 ：哎呀 尿急 添 ，小完 便 再嚟 食 。
噉行到 一樖 大樹 旁邊 ，擰轉身 啊 解開 條 褲 屙尿 嘞 噃 。
劉一舟 啊 目不轉睛 睇住 佢 ，怕 佢 突然間 逃走 啊 。
韋小寶 小完 便 之後 ，返過嚟 坐 喺 劉一舟 身邊 ，又 將 幾件 薄餅 翻嚟翻去 ，終於 揀到 一件 撕開嚟 食 。
劉一舟 追佢 追咗 大半日 ，個肚 呢 早就 餓嘞 ，亦 攞起 一件 薄餅 嚟 食 ，一便 食 一便 話 ：
唔通 方師妹 同 小郡主 噉樣 講 係 故意 激 我 嘅 ？
韋小寶 話 ：我 又 唔係 你 方 師妹 肚裏 便 嘅 蛔蟲 ，點 知道 佢 嘅 心 點 啊 ？
你 係 佢 至親愛 嘅 好 師哥 ，點解 你 唔 知道 反而 問 我 呢 ？
唉 好 喇 好 喇 ， 算 係 我 先頭 魯莽 ， 得罪 咗 你 喇 ， 你 唔 好 賣關子 喇好 唔 好 ？
既然 係 噉 講 我 就 同 你 講 真心話 啦 。
你方 師妹 好靚 ， 我 如果 唔 係 太監 啊 ， 真 係 想 娶 佢 做 老婆 㗎 。
不過 就算 我 唔 娶 佢 ，至怕 亦 輪 唔 到 你 唧 。
點解啊 ？點解啊 ？
唔使 咁 心急 ，再 食 一件 薄餅 先 我 慢慢 同 你 講 啦 。
哎呀 ，講說話 總係 吞吞吐吐 吊人胃口 。
講到 呢處 ，忽然間 個身 岌一岌 。
韋小寶 話 ：做咩 啊 ？唔舒服 啊 ？嗯 ，呢啲 薄餅 怕 唔係 點 乾淨 啊 。
劉一舟 話 ：咩話 ？
劉一舟 企起身 ，搖下搖下噉 轉咗 個 圈 ，突然間 噼啪 一聲 噉 𢴈低 。
韋小寶 哈哈大笑 ，喺 佢 𦣇 柚 踢 咗 一 腳 。
咦 喂 ？ 你 個 薄餅 裏 便 點解 會 有 蒙汗藥 啊 ？ 吖 真 係 奇怪 之至 咯 。
劉一舟 嗯 一聲 ，已經 係 不知 人事 嘞 。
韋小寶 又 踢咗 兩腳 ，見 佢 逳 都 唔逳 ，於是 就 解咗 佢 腰帶 褲帶 ，將 佢 雙腳 啊 緊緊 噉 綁實 ，又 反綁 佢 雙手 。
見到 樖樹 旁邊 有 嚿 石頭 ，咪 出力 翻開 佢 。
下面 呢 ，係 一堆 亂石 ，噉 將 亂石 一嚿嚿 搬出嚟 ，挖 咗 個 四尺 幾 深 嘅 泥坑 。
佢 笑住 話 ：嘿 ，老子 今日 要 活埋 咗 你 。
將 劉一舟 拖 嚟 個 坑 處 ， 打棟 企 喺 度 。
將 石頭 泥土 啊 撥翻 落 個 坑處 ，又 出力 踩實 佢 。
嗰啲 泥 呢 一直 埋 到 佢 上臂 ，只係 露出 個 頭殼 同埋 膊頭 唧 。
韋小寶 非常 得意 啊 ，走去 條 溪水 處 解開 件 長袍 浸濕 咗 佢 ，返到 劉一舟 面前 ，扭 嗰件 長袍 將 溪水 淋 喺 佢 頭殼 。
劉一舟 畀 冷水 一淋 ，慢慢 醒翻 嘞 ，一時 不明所以 ，噉啊 想 掙扎 啦 ，一啲 都 唔逳得 。
只見 韋小寶 抱住 膝頭哥 坐 喺 旁邊 ，笑口微微 噉 睇住 自己 。
過咗 一陣 ，先至 明白 係 領咗 佢 嘢 。
又 掙扎咗 幾下 簡直 係 紋風不動 佢 話 ：
好兄弟 ，唔好 開玩笑 呢 。
韋小寶 鬧 佢 話 ：衰公 ！老子 有 幾多 大事 在身 唔得閒 啊 同 你 個 臭賊 開玩笑 ？
出力 一腳 踢過去 ， 踢 到 佢 右 腮 啊 當堂 鮮血淋漓 。
方 姑娘 係 我 老婆 ，你 個 衰嘢 都 配 想 佢 ？
你呢個臭賊 扭到 老子 好痛啊 ，又 摑 我 ，又 用 條 鞭 嚟 鞭 我 。
豈有此理 ，老子 割咗 你 耳仔 先 ，再 割 你 嘅 鼻哥 ，一刀刀 嚟 炮製 你 。
講完 ，拔出 匕首 護低 個 身 ，用 刀鋒 喺 佢 塊 面 處 撇咗 兩 撇 。
劉一舟 嚇到 魂飛天外 ，大叫話 ：好兄 ，誒韋韋 ，誒韋兄弟 ，韋香主 ，唔該 你 睇在 沐王府 個 份上 ，高 ，高抬貴手 呢 。
我 喺 皇宮 裏 便 將 你 救翻出嚟 ，你 又 恩將仇報 居然 想 殺 我 ？
哼哼 ，以 你 呢點 道行 ，亦 想 喺 太歲 頭上 動土 啊 ？
你 叫 我 睇 在 沐王府 份上 吖嘛 ，先頭 你 捉 我 個 時候 ，點解 又 唔 睇 在 天地會 嘅 份上 啊 ？吓 ！吓 ！
唉 ，確實係 我 唔啱咯 ，係 在下 錯咯 ，唔該 你 ，唔該你 ，唔該你原諒下啦 。
原諒 ？我要 喺 你 頭殼 割 三百六十刀 ，先至 消 我 心頭 之 恨 嘞 。
攞起 佢 條辮 ，一刀 割落去 。
嗰 把 匕首 啊 鋒利 無比 嘅 ，唓 一 聲 ，就 將 條 辮 割斷 嘞 。
然後 用 把 匕首 喺 佢 頭頂 來回 咁 推 ，一陣間 唧 ，頭髮 紛紛 跌落 ，已經 剃 咗 個 光頭 。
韋小寶 就 鬧 佢 ：死賊 禿吖 ，老子 一見到 和尚 就 嬲 啊 ，非 殺 不可 。
誒 ， 誒 嘿嘿 ， 嘿嘿 ， 韋香主 ， 在 下 唔 係 和尚 啊 。
哎 吖 你 唔 係 和尚 ， 噉 點解 剃光 個頭 啊 ？ 啊 ， 剃光 個頭 嚟 呃 老爺 係 嘛 ？
劉一舟 個 心 諗 ：明明 係 你 剃光咗 我 個 頭 啫 嘛 點能夠 怪 我 呢 ？
但係 條命 畀 佢 揸住 啊 ，唔敢 同 佢 爭 嘞 ，唯有 賠 笑話 ：
嘿嘿 ，誒 ，千錯萬錯 ，都係 小人 錯喇 ，韋香 主 大人大量 ，唔好 放喺 心上 。
好 ，噉 我 問 你 ，方怡方 姑娘 係 邊個 嘅 老婆 啊 ？
誒 ， 噉 誒 ， 誒 。
誒咩嘢啊誒 ，快啲講 ！
噉啊攞起匕首 喺 佢 面前 拂嚟拂去 。
劉一舟 個 心 諗 ：好漢 不 吃 眼前 虧 ，呢個 衰仔 係 個 太監 ，等 佢 佔 口頭上 嘅 便宜 就 算 嘞 ；
否則 佢 真係 一劍 拂過嚟 ，自己 少咗 個 鼻哥 或者 耳仔 噉 就 弊弊 冇咁 弊 喇 。
連忙話 ：佢 ，誒 佢梗係 韋香主 ，誒係 韋香主 你 嘅 夫人 啦 。
哈哈嘿嘿嘿嘿 ，佢佢佢 ，佢係邊個 ，你講得明白啲 ，老子 係 最憎 聽 啲 和尚 好似 含住 個欖 噉 講嘢 㗎 喇 。
方怡方師妹 ，係 你 韋香 主 嘅 夫人 。
嗱 ，我哋 講清楚 先 啊 ，你 係唔係 我 個 朋友 先 ？
劉一舟 聽 佢 口氣 鬆動 個 心 非常 歡喜 喇 連忙 話 ：
哎 小人 本來 就 唔 敢 高攀 嘅 。
韋香主 如果 肯將 在 下 當做 朋友 咯 ， 噉 在 下 ， 誒 在 下 梗 係 求之不得 啦 。
我將 你 當作 朋友 ， 江湖 上 朋友 啊 講義 氣 嘅 係 唔 係 啊 ？
係 係 ， 好 朋友 啊 應當 講義 氣 啊 。
朋友 妻 就 不可 欺 。
以後 你 如果 再 對 我 老婆 賊頭賊腦 不三不四 噉 算 咩嘢 先 ？你 發 個 誓 囉 。
劉一舟 又 暗暗 叫苦 喇 個 心 諗 又 上咗 佢 嘅 當 嘞 。
韋小寶 話 ：你 唔 發誓 亦都 唔緊要 ，我 早啊 知道 你 鬼鬼鼠鼠 不懷好意 㗎喇 ，一心 想 去 調戲 勾搭 我 個 老婆 。
劉一舟 見 佢 又 喺度 舞 把 匕首 ，眼前 白光 閃閃 連忙 話 ：
誒唔係呢唔係呢 ，對 韋香主 嘅 夫人 ，在下 決唔敢 起痰 嘅 。
以後 你 如果 對方 姑娘 睇 多 一 眼 ，講 多 一句 説話 噉 又 點樣 ？
噉 ，噉就 天誅地滅 啦 。
噉 你 就係 烏龜 王八蛋 。
係 ，係 。
咩 嘢 係 係 係 啊 ， 係 個 屁 ！
韋小寶 講完 ，將 匕首 尖 啊 指住 佢 右眼 。
劉一舟 話 ： 以後 我 如果 再 對方 師妹 睇 多 一眼 ， 講多 句 説 話 我 ， 我 就 係 烏龜王八 蛋 。
韋小寶 哈哈一笑 ：哈哈哈哈哈哈 ，好啦 ，既然 係噉樣 就算數啦 。
不過 要 喺 你 嘅 頭 淋 㞘尿 先至 放 你 。
噉啊講完 ，將 匕首 插入 靴筒 ，噉就 去 解 褲頭帶 嘞喎 。
突然之間 ，喺 樹林 裏 便 有 個 女子 聲音 喝 佢 話 ：
你 ，你點能夠 欺人太甚 呢 ？
韋小寶 聽見 係 方怡 把 聲 ，真係 又 驚 又 喜 啊 。
擰 轉頭 一睇 ， 只見 樹林 裏 便 有 三個 人行 出 嚟 ， 當先 一個 係 方怡 ， 後 便 係 沐劍屏 同 徐天川 。
隔咗一陣 ，又 有 兩個 人 行出嚟 喇 ，原來 係 吳立身 同 敖彪 啊 。
佢哋 五個人 匿埋 喺 樹林 裏 便 好耐 ，將 韋劉 兩個人 嘅 對答 聽得 清清楚楚 。
眼見 韋小寶 要 喺 劉一舟 頭 頂 屙尿 ，噉 就 會 結下 永 不可解 嘅 冤仇 嘞 ，所以 方怡 忍唔住 出聲 喝停 佢 。
韋小寶 話 ：哦 原來 你哋 早就 喺 呢處 喇 ，睇在 吳大爺 嘅 份上 ，免咗 呢㞘尿 啦 。
徐天川 就 急急 行過去 ，用手 嚟 扒開 壅 喺 劉一舟 身邊 嘅 石頭 泥土 ，就 抱 佢 起身 ，解開 綁住 佢 手腳 嘅 腰帶 。
劉一舟 啊 醜 到 不得了 ，耷低 個 頭 ，睇 都 唔 敢 睇 大家 一 眼 啊 。
吳立身 黑起塊面 佢 話 ：劉賢侄 ，我哋 條命 係 韋香主 救 嘅 。
點解 你 恩將仇報 ，以 大蝦 細 ，對 佢 又 打 又 鬧 又 扭 佢 隻 手臂 吖 ？
你 師父 知道咗 ，會 點樣 講 ？吓 ！
佢 一面 講 一面 擰頭 ，語氣 好 唔 高興 ：
我哋 喺 江湖 上 行 ，最 講究 就 義氣 兩個 字 。
點 可以 爭風呷醋 ，連 好朋友 都 打 ，忘恩負義 ，連 豬狗 都 不如 啊 ，呸 ！
講完 ，呸噉 吐㞘口水 。
佢 越 講 越 嬲 啊 ，佢 就 話 ：
尋晚 ，你 半夜 火紅火綠 噉 衝出去 ，大家 就 知道 唔對路 喇 ，一路 咁 搵 你 。
你 將 韋香 主打 到 面 都 腫晒 ，又 扭住 佢 隻 手 ，用 劍尖 指住 佢 喉嚨 ，如果 一下 失手 ，整死咗 佢 我 問 你 點算 ？吓 ！
各位 ，欲知 後事 如何 ，且 聽 下回 分解 。
