前文 再續 啊 書 接 上一回 啊 ，話説 韋小寶 向 康熙 皇帝 請咗 安 ，就 行 出去 嘞 。
個心諗 ：我 呢次 一扯 就 永遠 見唔到 你 嘞 。於是 又 捩轉頭 ，再 睇多一眼 。
康熙 呢 ，亦 係 睇住 佢 ，微微 笑噉 ：你 過嚟啦 。
韋小寶 擰 翻轉身 ，康熙 打開 床頭 一個 金盒 ，攞出 兩件 點心 ，佢 話 ：
辛苦咗咁耐 ，個肚餓 嘞啩 。
將 點心 遞畀 佢 。
韋小寶 雙手 接住 ，佢 想起 太后 為人 兇險 毒辣 ，喺 寢宮 裏 便 收埋 個 男人 ，終於 有 日 就 會 害到 皇上 嘅 。
但係 皇上 就 乜嘢 都 唔 知道 。
皇帝 對 自己 呢 ，真係 好似 朋友 兄弟 一樣 。
如果 唔 將呢 件 事講 畀 佢 知 啊 ， 佢 畀 太后 害死 咗 ， 自己 就 太過 冇 義氣 嘞 。
諗到 呢處 ，眼前 似乎 出現咗 康熙 全身 筋骨 都 斷晒 ，條屍 就 癱 喺 地下 嗰個 慘狀 ，個心 一酸 ，忍唔住 眼淚 奪眶而出 。
康熙 微微 笑話 ：做咩嘢 啊 做咩嘢 啊 ？
佢 拍 下 韋小寶 膊頭 ：你 想 跟 我 啫 嘛 係唔係 ？
噉 都 好 容易 啫 ，過 幾日 ，等 太后 冇事 嘞 ，我 再 同 太后 講 咪 得囉 。
老實 講吖 ，我 都 好 唔 捨得 你 㗎 。
韋小寶 心情 激動 嘞 佢 諗 ：
陶宮娥 話 我 如果 吐露 真情 ，皇帝 又 會 殺 我 滅口 嘅 。
英雄 好漢 咩嘢 都 可以 做 就係 唔能夠 唔 講義氣 ，大丈夫 死 就 死 啦 。
佢 將 兩件 點心 擠 喺 枱面 ，握住 康熙 隻 手 ，聲震震 噉 話 ：
小玄子 ， 我 再 叫 你 一次 小玄子 得 唔 得 啊 ？
當然得啦 ，我咪 同你講過囉 ，冇人嘅地方 ，我哋 就 同 以前 一樣 吖嘛 。
你啊 又 想 同 我 比武 喇 係唔係 ？嚟嚟嚟 ，放馬過嚟 。
講完 雙手 一翻 ，反握住 韋小寶 雙手 。
韋小寶 話 ：比武 以後 先至 講 啦 。
有 一件 機密 大事 要 同 我 好朋友 小玄子 講 㗎 ，不過 一定 唔能夠 同 我 個 主子 萬歲爺 講 㗎 。
皇上 聽咗 之後 呢 就 要 斬 我 個人頭 㗎喇 。
小玄子 當 我 係 朋友 ，或者 唔緊要 嘅 。
康熙 唔 知道 事關 重大 ，只係 少年 心情 ，覺得 十分 有癮 ，就 拉住 韋小寶 一拍 坐 喺 張 床 處 ，佢 話 ：快啲 講 啦 快啲 講 啦 。
嗱 而家 你 係 小玄子 唔係 皇帝 嘞 噃 。
冇錯喇 ，我 而家 係 你 嘅 好朋友 小玄子 ，唔係 皇帝 。
唉 ，從 朝 到 黑 做 皇帝 冇 個 知心 朋友 都 冇 乜 味道 㗎 咋 。
好 ， 我講 你 聽 。 你 如果 要 斬 我 個頭 呢 都 冇 法子 喇 。
我 點解 要 殺 你 唧 ？好朋友 吖 嘛 ，好 朋友 點 能夠 殺 好朋友 嘅 呢 ？
唉 ，我 唔係 ，我 唔係 真係 小桂子 ，亦 唔係 太監 ，真 嗰個 小桂子 已經 畀 我 殺咗 喇 。
咩嘢話 ？
於是 韋小寶 就 將 自己 出身 來歷 簡單 噉 講咗 。
跟住 講到 點樣 被擄入 宮 ，點樣 毒盲 海大富 雙眼 ，又 點樣 冒充 小桂子 ，海大富 又 點樣 教 自己 武功 等等 嘅 情形 ，都 照實 講畀 康熙 聽 。
康熙 聽到 呢處 笑住 話 ：你 阿爺 吖 ，你 解開 條 褲 畀 我 睇 下 先 。
韋小寶 知道 皇帝 好 精明 ，噉嘅 大事 當然 要 親眼 驗明 嘞 ，就 即刻 除開 條 褲 。
康熙 見到 佢 果然 唔 係 淨 咗 身 嘅 太監 ， 哈哈大笑 ： 哈哈哈哈 哈哈哈哈 ， 哈 ， 哈哈哈 ， 哈哈 ， 原來 你 唔 係 太監 ，
殺咗 個 小太監 小桂子 亦 冇 咩 咁 大不了 嘅 。
不過 呢 你 就 唔能夠 再 喺 宮 裏 便 住 喇 。
誒噉啦 ，我 派 你 做 御前侍衞 嘅 總管 啦 。
多隆 呢個 嘢 武功 雖然 唔錯 啊 ，但係 辦起事嚟 成日 都 糊糊塗塗 嘅 。
韋小寶 着 翻好 條 褲 ，佢 話 ：多謝晒 你 嘞 ，不過 怕 唔得 啊 。
我 聽到 幾件 同 太后 有關 嘅 大 秘密 喇 。
同 太后 有關 ？係 咩嘢事 啊 ？
康熙 個 心 啊 已經 隱隱約約 覺得 有啲 唔妥 喇 。
韋小寶 咬 一咬 牙關 ，就 將 嗰晚 喺 慈寧宮 聽到 太后 同 海大富 嘅 對答 講出嚟 。
康熙 聽到 父皇 順治 竟然 未 崩駕 ，係 喺 五台山 清涼寺 出家 真係 又 驚 又 喜 。
佢 全身 都 震晒 ，揸住 韋小寶 雙手 話 ：啊 ，噉 ，唔係 假 㗎嘛 ？
我 父皇 ， 父皇 仲 喺 人世 啊 ？
我 聽到 太后 同 海大富 兩個人 確係 噉 講 㗎 。
康熙 企 起身 大聲 噉 叫 ：噉真係 好極 喇 好極喇 ！
小桂子 ，天一光 ，我哋 即刻 去 五台山 朝見 父皇 ，請 佢 老人家 回宮 。
就怕 太后 唔想 唧 ，佢 一直 瞞住 你 ，實有 重大 緣故 嘅 。
冇錯 ，係 咩 緣故 呢 ？
宮裏頭 嘅 大事 我 咩嘢 都 唔 明白 ，只能夠 將 太后 同 海大富 嘅 對答 講晒 畀 你 聽唧 。
好 ，你 快啲 講 啦 。
當 韋小寶 講到 端敬皇后 ，同 孝康皇后 畀 人 害死 嘅 時候 ，康熙 跳起身 大叫 話 ：
你 ， 你 講話 孝 康皇后 ， 係 ， 係 畀 人 害死 㗎 ？
韋小寶 見到 佢 面色 都 變晒 ，雙眼 睩 到 大大 ，塊 面 啲 肉 啊 不停 噉 逳下逳下 ，佢 怕 喇 ：哦 ，我 我 唔知 啊 ，只係 聽到 海大富 同 太后 係 噉樣 講 㗎 咋 。
佢哋 點樣 講 啊 ？你 ，你 講畀 我 聽 啦 。
韋小寶 個 記性 好好嘅 ，就 重複 嗰晚 太后 同 海大富 嘅 對答 ，連 兩個 人 嘅 聲調 語氣 都 學得 好似 。
康熙話 ：我 親生 老母 ，係 畀 人 害死 嘅 ？
乜孝康皇后就係 ，係 ，係 你母親啊 ？
康熙 岌一岌頭 ：你 講 落去 啦 ，一句 都 唔好 遺漏 。
個 心 一 酸 ，眼淚 就 叭叭聲 咁 流 嘞 。
韋小寶 跟住 就 講 兇手 用 化骨綿掌 ，先 害死 端敬皇后 個 仔 榮親王 ，再 害死 埋 端敬皇后 同埋 貞妃 ；
順治 出家 之後 ，太后 又 害死 孝康皇后 ；
斂葬端 敬皇后 同貞 妃 嘅 仵作 ， 又 點樣 奉 海大富 之命 去 五台山 稟告 順治 ， 順治 又 點樣 派 海大富 回宮 徹查 ， 噉 啊 一直 講到 太后 同 海大富 對 掌 。
佢 唔敢 講 海大富 係 自己 殺死 嘅 ，就 話 佢 雙眼 盲 咗 之後 呢 ，就 唔夠 太后 打 ，所以 對 掌 身亡 噉 。
康熙 定 一定神 ，又 詳詳細細 盤問 當晚 嘅 情景 。
佢 斷定 韋小寶 決 冇 可能 生 安白 造 嘅 ，就 問 ：
你 點解 一直 到 今日 先至 同我 講 啊 ？
呢件事 咁大 關係 ，我 點 敢 亂講 喎 。
不過 聽日 呢 我 又 要 趯佬 嘞 ，唔 再 返嚟 嘞 ，噉 諗下 你 孤身 一 個人 喺 皇宮 好 危險 㗎 嘛 ，噉 就 唔能夠 再 瞞住 你 啦 。
趯佬 ？你 點解 要 趯佬 啊 ？怕 太后 害 你 啊 ？
我 講 你 聽 啦 ，今晚 喺 慈寧宮 死咗 嗰個 宮女 啊 ，係 個 男人 ，係 太后 嘅 師兄 啊 。
你 點解 會 知道 嘅 ？
我 嗰晚 聽到 太后 同 海大富 講 嘢 之後 ，噉 啊 太后 一直 要 殺 我 滅口 。
跟住 韋小寶 啊 將 太后 點樣 派遣 瑞棟 、柳燕 ，以及 一班 太監 啊 先後 嚟 害 自己 嘅 情形 講 畀 康熙 聽 ；
又 講 喺 慈寧宮 聽見 一個 男人 ，同 太后 嘅 對答 ，兩個 人 嘈 起 上嚟 ，嗰個 男人 假扮 嘅 宮女 畀 太后 殺死 ，太后 呢 亦都 受咗 重傷 。
佢 呢番 説話 當然 係 不實不盡 喇 ，因為 佢 冇 提到 陶宮娥 ，亦 冇 講 自己 殺咗 瑞棟 同埋 柳燕 ，同埋 偷咗 幾部 四十二章經 等等 。
康熙話 ：呢個 人 係 太后 嘅 師兄 啊 ？
聽佢嘅口氣 ，似乎 太后 仲 受到 另外一個人 嘅 要挾 㗎 噃 。
噉 會 係 咩嘢 人 呢 ？
唔 通 ， 唔 通 呢 個人 知道 咗 太后 寢殿 裏 便 有 個 假 宮女 ， 因此 。
韋小寶 聽 康熙 嘅 説話 涉及 太后 嘅 姦情 嘞 就 唔敢 接口 ，只係 擰擰頭 話 ：
嗯 我 都 想唔出 啊 。
傳 多隆 嚟 。
韋小寶 應咗 就 出去 嘞 。
多隆 正在 憂心如焚 啊 ，聽見 皇帝 傳呼 ，連忙 入去 乾清宮 。
康熙 吩咐 佢 話 ：慈寧宮 冇 咩 事 嘞 ，你 即刻 撤 咗 慈寧宮 外 便 所有 嘅 侍衞 啦 。
太后 講話 聽到 啲 侍衞 企 喺 屋 外 便 個 心 好 煩 啊 。
多隆 見到 皇上 嘅 神情 有啲 古怪 ，不過 半句 責備 嘅 説話 都 冇 ，個 心 好 歡喜 ，連忙 叩咗 頭 就 出去 傳令 。
噉過咗好耐 ，康熙 估計 啲 侍衞 已經 撤走 晒 嘞 佢 就 話 ：
小桂子 ，我 同 你 夜探 慈寧宮 。
你 親自 去 啊 ？
係 。
不過噉噃 ，太后 已經 將 佢 師兄 殺咗 嘞 ，而家 正 喺度 瞓緊 ，怕 探唔到 咩 嘢 㗎 喇 。
你 都 未 探過 點 知道 探唔到 咩 嘢 呢 ？
康熙 就 換咗 一套 便裝 ，着翻 嗰對 薄底 快靴 ，就係 當日 同 韋小寶 比武 嗰 一身 裝束 嘞 。
又 喺 床頭 攞咗 一把 腰刀 ，掛 喺 條 腰處 ，喺 乾清宮 嘅 橫門 行 咗 出去 。
當時 啲 侍衞 、太監 ，喺 乾清宮 外 便 就 層層 守衞 ，一見到 皇上 嗱嗱聲 跪低 行禮 。
康熙話 ：大家 企 響處 ，邊個 都 唔准 亂逳 。
呢個 係 皇帝 聖旨 ，邊個 敢 違背 啊 ？
二百 幾名 侍 衞 同 太監 ， 就 直 篤篤 企 喺 原地 ，逳 都 唔 敢 逳。
話說 康熙 帶住 韋小寶 嚟到 慈寧宮 花園 ，嗰度 已經 靜英英 一個人 都 冇 嘞 。
佢 輕手輕腳 行到 太后 寢殿 嘅 窗門 旁邊 ，伏 隻 耳 埋去 聽下 ，只 聽見 太后 不停 咁 咳 。
霎時之間 ， 個心 啊 又 苦 又 煩躁 ， 真 係 想 衝入 去 攬住 佢 痛哭 一場 ， 又 想 叉住 佢 條 頸 大聲 質問 ， 到底 父皇同 自己 親生 母后 係 點樣 嘅 。
佢 一時 盼望 小桂子 所講 嘅 冚𠾴唥 都 係 假 嘅 ， 又 盼望 佢 所講 嘅 冚𠾴唥 都 係 真 嘅 。
佢 不停 咁 震 啊 ， 寒毛 都 棟 篤 企 ， 一直 冷到 入骨 。
太后 間房 仲 點 住 蠟燭 嘅 ，過咗 一陣 ，聽見 一個 宮女 把 聲 話 ：
太后 ，聯 好喇 。
太后 話 ： 嗯 ， 將呢 個 宮女 ， 宮女 嘅 死屍 ， 裝 喺 ， 裝 喺 被袋 裏 便 啦 。
係 ，噉 嗰個 太監 嘅 死尸 呢 ？
我 只 係 叫 你 裝 嗰 個 宮女 ， 你 ， 你 ， 你 又 理 咩 太監 咁 多事 呢 ？
係 。
跟住 就 聽見 喺 地下 拖 嘢 嘅 聲音 。
康熙 忍唔住 ，就 喺 條 窗 嚹 裝入去 。
但係 太后 寢殿 嘅 窗門 啊 所有 啲 嚹 冚 𠾴 唥 用 油灰 抆 實 嘅 ，連 一 條 罅仔 都 冇 。
佢 往日 聽 韋小寶 講過 江湖 上 嘅 夜行人 做事 嘅 方法 同 禁忌 ，噉 嗰啲 呢 ，都 係 韋小寶 喺 茅十八 嗰處 聽 翻 嚟 嘅 。
噉 而家 窗門 冇 嚹 喎 啱晒 啦 ，即刻 用 手指 蘸 啲 口水 ，輕輕 整濕 啲 窗紙 ，噉 啊 手指 呢 微微 用力 ，個 窗 呢 穿 咗 個 窿仔 ，一啲 聲 都 冇 。
噉 佢 就 裝入 去 睇 嘞 噃， 見到 太后 張床 落 咗 蚊帳 ， 有 一個 好 後生 嘅 宮女 ， 將 地下 一具 屍體 啊 塞落 去 一個 大 布袋 。
屍體 着嘅 係 宮女 裝束 ，不過 頭殼 頂 呢 就 光禿禿 一條 頭毛 都 冇 嘅 。
嗰個 宮女 將 屍體 塞咗 入去 布袋 ，噉啊 執起 地 下一團 假髮 ，稍為 猶疑咗 一下 亦 塞埋 落 個 布袋 嘞 ，佢 話 ：
太后 ，裝好喇 。
太后 話 ：外便 嘅 侍衞 都 走晒 喇 ？點解 我 好似 ，仲 聽到 有人 聲 嘅 ？
嗰個 宮女 行到 門邊 ，裝咗 裝外便 話 ：冇人喇 。
你 將 嗰個 袋 ，搦 去 荷塘 嗰度 ，擠 四嚿 大 石頭 ，落 個 袋 處 ，用 條 繩 ，
扎好個 ，扎好個袋口 ，然後 ，然後 ，
將 個 袋 ，㧬 落 個 塘 啦 。
哦 。
嗰個 宮女 啊 聲 都 震晒 顯得 好 怕 。
太后 又 話 喇 ：個 袋 ，推 咗 落 塘 之後 ，搵 多啲 泥 掉 喺 上便 ，唔好 畀 人哋 ，唔好 畀 人 睇見 啊 。
哦 。
噉 個 宮女 拖住 個 袋 ，走出 間 房間 就 行去 花園 嘞 。
過咗一陣 ，聽見 兵 嘣 一聲 ，嗰個 裝屍體 嘅 布袋 掉咗 落 荷塘 嘞 。
跟住 ，係 掟啲 泥 落 荷塘 嘅 聲音 。
又過咗一陣 ，嗰個 宮女 返入嚟 寢殿 。
韋小寶 早就 認出 佢 把聲 嘞 ，就係 嗰個 小宮女 蕊初 。
太后 問 ：都 做妥喇 ？
蕊初話 ：係 ，都 做妥喇 。
呢度 ，本來 有 兩個 屍體 嘅 ，點解 有 一個 唔見 咗 呢 ？
聽日 ， 聽日 如果 有人 問起 嚟 ， 你 點講 啊 ？
奴才 ，誒 奴才 乜嘢 都 唔 知道 。
你 喺 呢度 服侍 我 ，點會 乜嘢 都 唔 知道 呢 ？
係 ，係 。
係係 ，係乜嘢 啊 ？
誒 ， 誒 奴才 見到 嗰 個 死 咗 個 宮女 企 起身 ， 原來 佢 只 係 受 咗 傷 ， 冇 死 到 ， 佢 慢慢 噉 ， 慢慢 噉 ， 行 咗 出去 。
嗰 陣 時 ， 嗰 陣 時 太后 正 喺 度 瞓 緊 ， 奴才 就 唔 敢 驚動 太后 ， 噉 啊 睇 住 嗰 個 宮女 呢 出 咗 慈寧宮 ， 唔 知道 ， 唔 唔 唔 知道 去 咗 邊喇 。
唉 ，原來 噉樣嘅 ，阿彌陀佛 ，佢 冇 死到 自己 走咗 ，噉 就 好咯 。
係啊係啊 ，謝天謝地 ，原來 佢 冇 死到 啊 。
康熙 同 韋小寶 又 等咗 一陣 ，聽見 太后 冇 再 講嘢 喇 ，好似 已經 瞓着 咗 嘞 ，於是 就 靜靜噉 一步一步 行開 ，返到 乾清宮 。
只見 一班 侍衞 同 太監 仍然 直篤篤噉 企 響 處 逳 都 唔 逳 。
康熙 笑住 話 ：大家 隨便 行下 啦 。
佢 雖然 係 笑住 嚟 講 啊 ，但係 把聲 呀 又 乾 又 澀 。
返到 入去 寢宮 佢 睇實 韋小寶 好耐 好耐 都 唔 出聲 ，突然間 流起 眼淚 佢 話 ：原來 太后 ，太后 。
韋小寶 都 唔知 講 咩嘢 説話 好 嘞 。
康熙 諗 咗 一陣 拍一 拍手 ， 有 兩名 侍 衞 即刻 行到 寢殿 門口 ， 康熙 低聲 吩咐 佢 哋 話 ：
有 一件 機密 嘅 事情 派 你 兩個 人 去 做 ，唔 能夠 洩漏 出去 。
慈寧宮 花園 嘅 荷塘 裏 便 有 一個 大 布袋 ，你哋 兩個人 同 我 抬 翻嚟 。
太后 正喺度 瞓緊 ，你哋 兩個人 如果 做嘢 嘈醒 咗 太后 ，就 自己 割 咗 個人頭 啦 。
兩個人 躬身 應咗 就 去 喇 。
康熙 坐 喺 鋪床 處 粒 聲 唔 出 ，喺度 諗 嘢 。
隔咗 好耐 ，嗰 兩名 侍衞 終於 抬咗 個 濕淋淋 嘅 大布袋 返到 嚟 寢殿 門口 。
康熙話 ：有冇 嘈醒 太后 啊 ？
兩名侍衞 回答 話 ：奴才們 不敢 。
康熙 岌一岌頭 ：搦入嚟啦 。
係 。
兩名侍衞 應咗 ，就 將 個 布袋 攞入嚟 。
康熙話 ：出翻去 啦 。
韋小寶 等 兩 名 侍衞 出咗 寢殿 ，閂翻埋 道門 ，上咗 門戌 ，就 解開 布袋 上面 嘅 繩 ，將 屍體 拖咗 出嚟 。
只見屍體嘅鬍鬚 雖然 係剃清光啊 ，但係 鬚根 呢 ，就 隱隱約約 見得到 嘅 ，有 喉核 ，心口 平平坦坦 係 個 男子 無疑 嘞 。
呢個人 啲 肌肉 一嚿嚿 嘅 ，手指 節骨 啊 凸起 晒 ，直情 係 練 咗 武功 好耐 嘅 。
睇嚟 呢個人 假扮 宮女 ，潛伏 喺 皇宮 只係 最近 嘅 事 ，否則 佢 噉 嘅 樣 啊 ，連 做 男人 都 係 醜過 頭 ，點 能夠 假扮 宮女 唔 畀 人 發覺 呢 ？
康熙 拔出 把 腰刀 ，割爛咗 呢個 人 條 褲 ，睇咗 一眼 就 嬲到 佢 不得了 ，連 氣 幾刀 啊 ，將 佢 條 腰 下 便 斬 到 爛晒 。
韋小寶 話 ：太后 。
康熙 好嬲 噉 話 咩 太后 啊 ，呢個 賤人 逼走 我 父皇 ，害死 我 親娘 ，穢亂 宮廷 ，做咗 咁多 不仁不義 嘅 壞事 ，我 要 將 碎尸萬段 滿門 抄斬 ！
韋小寶 松咗 啖 氣 嘞 ，當堂 放心 佢 諗 ：
皇上 唔 認 佢 係 太后 嘞 ， 噉 呢 個 老舉 乸 無論 佢 做 咗 咩 嘢 壞事 畀 我 知道 咗 ， 佢 都 唔 會 殺 我 滅口 喇 。
康熙 攞住 把 刀 又 喺 屍體 上面 斬咗 一陣 。
一時 氣憤 起上嚟 ，就 想 傳呼 侍衞 ，將 太后 捉 起嚟 審問 ，但係 轉念 一諗 ：
父皇 未曾 死 ， 喺 五台山 出家 ， 咁 大 嘅 事情 一洩露 咗 出去 ， 天下 官民 都 會 震動 晒 。
我 千祈 唔 能夠 魯莽 ，千祈千祈 唔 能夠 魯莽 。
佢 話 ：小桂子 ，聽朝 一早 ，我 同 你 五台山 查明 真相 。
哦 。
韋小寶 歡喜 喇 ， 能夠 同 皇帝 一齊 去 五台山 ， 梗 係 好玩 過 喺 北京城 多多 聲 啦 。
但係 康熙 比起 韋小寶 嚟 ，諗嘢 周密 得多 。
佢 講咗 話 去 五台山 ，但係 跟住 想到 皇帝 出巡 十分 隆重 ，至少 都 要 籌備 佈置 好 幾個 月 ；
噉啊 沿途 有 百官 預備 接駕 保護 ，非常 費事 ，決唔能夠 話 走就走 嘅 ；
又 想到 自己 年紀 細 親 政 冇 嘅 耐 ，朝 上 嘅 王公大臣 都 未曾 真正 歸附 自己 ；
如果 太后 趁住 自己 離開 京城 嘅 機會 ，廢咗 自己 另外 立 個 新 皇帝 唔係 唔可能 㗎 ；
又或者 父皇 實在 已經 死咗 ，又或者 雖然 仲 喺 人世 ，不過 就 唔 喺 五台山 ；
自己 大張旗鼓 噉 上山 朝見 ，如果 見唔到 噉 就 真係 天大 嘅 笑話 嘞 。
佢 諗咗 一陣 擰擰頭 話 ：
都係唔得 ，我 唔能夠 隨便 離開 北京 嘅 。
小桂子 ，你 代 我 走 一趟 啦 。
我 一個人 去 啊 ？
係 ，你 一個人 去 。
等你 查明白 喇 ，父皇 確實 喺 五台山 ，我 喺 北京城 又 佈置好 對付 嗰個 賤人 嘅 法子 ，噉 我哋 兩個人 再 一齊 去 ，噉 就 會 安全 好多 。
韋小寶 個 心 諗 皇帝 既然 決定 對付 太后 ，噉 自己 去 五台山 探訪 當然 係 義不容辭 啦 ，就 話 ：
好 ，我 去 五台山 啦 。
嗱 各位 ，欲知 後事 如何 ，且 聽 下回 分解 。
