接 上 一回 啊 。
話 説 李西華 將 天地會 、 沐 王府 四大 高手 所 使出 嚟 嘅 招數 ， 完完全全 講翻 出 嚟 絲毫 無誤 ， 真 係 噉 嘅 見識 啊 認真 高明 啊 。
柳大洪話 ：李兄 ，你嘅 身手 使得 ，眼光 啊 更加 使得 啊。
李西華 話 ：老大爺 太 誇獎 嘞 。
先頭 四位 用 嘅 招數 無論 邊 一招 ， 都 能夠 攞 人 條 命 嘅 。
但係 四位 點到即止 ，一啲 都 冇 傷到 在下 ，四位 前輩 手下留情 ，在下 十分 感激 。
聽 李西華 噉 樣講 ， 柳大洪 佢 哋 嘅 心 啊 好 歡喜 啊 。
陳近南 話 ： 李兄 光臨 ， 唔 知道 有何見教 呢 ？
李西華 話 ：在下 對 陳 總舵主 ，一向 非常之 仰慕 。
呢次 無意之中 ，知道 陳 總舵主 嚟到 北京 ，噉 啊 點 都 要 嚟 瞻仰 豐采 。
只係 冇人 引見 ，唯有 冒昧 做 個 不速之客 嘞 。
先頭 喺 屋頂 上 便 ，偷聽到 幾位 嘅 説話 。
在下 對 吳三桂 呢個 奸賊 嬲 到 入骨 ，恨不得 將 佢 碎尸萬段 ，忍唔住 多口 ，請 各位 原諒 啊 。
講完 ，企 起身 躬身 行禮 ，噉 大家 一齊 企起身 還禮 啦 。
天地會 同 沐王府 幾位 首腦 啊 自己 報咗 姓名 。
韋小寶 雖然 係 天地會 首腦 ，而且 喺 北京 嘅 名位 僅僅 次於 陳近南 嘅 啫 ，但係 見到 李西華 雙眼 始終 冇 望到 自己 ，噉 就 唔 講 嘢 。
沐劍聲話 ：閣下 既然 係 吳賊 嘅 仇人 ，我哋 敵愾同仇 ，係 同道 嚟 ，不如 結盟 攜手 ，共同 策劃 ，殺咗 呢個 大奸賊 呢 。
李西華 話 ：冇錯 ，剛才 小公爺 同 陳 總舵主 正在 三擊掌 立誓 ，畀 在下 冒冒失失 打斷 咗 。
兩位 三擊掌 之後 ，在下 亦都 擊翻 三掌 好嘛 ？
柳大洪話 ：閣下 係 講 ，如果 閣下 殺咗 吳三桂 ，天地會 同 沐王府 群豪 ，都 要 聽從 閣下 號令 咯 ？
不敢 ，不敢 。
在下 係 後生小子 ，能夠 追隨 眾位 英雄 已經 係 心滿意足 嘞 ，點敢 話 號令 群雄 呢 ？
噉 閣下 心目 之中 ， 認為 隆武 、 永歷 ， 邊 一位 先帝 先至 係 大明 嘅 正統 呢 ？
在下 有 一句 唔入耳 嘅 説話 ，各位 唔好 怪 啊 。
閣下 係 魯王 舊部 ，誒 ，閣下嘅 先人 係 魯王 舊部 啊 ？
李西華 根本 唔答 佢 嘅 詢問 ，佢 話 ：
將來 驅除 咗 清兵 ，崇禎 、福王 、唐王 、魯王 、桂王 嘅 子孫 ，邊個 都 可以 做 皇帝 。
其實 只要 佢 係 漢人 ，邊 一個 唔 可以 做 皇帝 呢 ？
沐小公爺 、柳大爺 何嘗 唔 可以 啊 ？
台灣 嘅 鄭王爺 、陳 總舵主 ，亦 唔 見得 唔可以 啊 。
大明太祖皇帝 趕走咗 蒙古皇帝 ，並冇去再請 宋朝 趙家 嘅 子孫 嚟 做 皇帝 ，自己 新 登大寶 ，人人 都 心悅誠服 。
佢 呢番 説話 人人 聞 所未聞 ，個個 聽咗 都 變咗 面色 。
柳大洪 出力 一拍 張 茶几 ，佢 大聲 話 ：你 呢句 説話 ，真係 大逆不道 啊 ！
我哋 都係 大明 遺民 ，孤臣 孽子 ，只求 興復 明朝 ，點 可以 有 呢種 狼子野心 呢 ？
李西華 並唔 嬲噃 ，佢 微微 一笑 話 ：
柳大爺 ，晚輩 有 一件事 唔明白 嘞 要 請教 下 。
就係 先頭 提及過 嘅 。
大宋末年 ，蒙古人 佔領 咗 我哋 漢人 嘅 大好 江山 。
我 大明 洪武帝 龍興 鳳陽 ，趕走咗 元兵 ，佢 為咩事 唔立 趙氏 子孫 做 皇帝 呢 ？
哼 ，趙氏 子孫 氣數 已 盡 ，呢個 江山 係 太祖 皇帝 血戰 得嚟 嘅 ，自然 唔會 拱手 轉讓 畀 趙氏 啦 。
何況 趙氏 子孫 對於 趕走 元兵 ，無 尺寸 之 功 ，就算 太祖 皇帝 肯 送 啊 ，天下 百姓 同埋 將士 兵卒 亦都 必定 唔 服 嘅 。
噉咪就係咯 ，將來 朱氏 子孫 有冇 功勞 ，而家 邊個 都 唔知 嘅 。
如果 佢 功勞 好大 ，人人 擁戴 ，呢個 皇位 第二個 人 決 唔會 搶 ；
如果 亦係 無 尺寸 之 功 ，就算 登上咗 寶座 ，恐怕 亦 坐唔穩 。
柳大爺 ，反清大業 千頭萬緒 ，有啲 應該 急 ，有啲 就 可以 慢 。
殺吳三桂 為 急 ，立 新皇帝 就 可以 慢嘞 。
柳大洪 張口結舌 ，答唔出 説話 ，佢 只係 吟吟沉沉 話 ：
咩嘢 可 急 可 慢 ？我 睇 啊 一切 都 急 ，宜得 一下 冚𠾴唥 全部 辦妥 晒 至 好 。
李西華 話 ：殺 吳三桂 之 所以 急 呢 ，因為 吳賊 年紀 已經 老嘞 ，如果 唔 早啲 殺佢 ，畀佢 壽終正寢 ，豈 不是 成為 天下 仁人義士 嘅 終身 大恨 ？
至於 奉立 新君 ，嗰啲 係 趕走 咗 清廷 之後 嘅 事 ，我哋 只係 擔憂 打唔垮 佢哋 啫 ，至於 奉立 一位 有道 明君 ，總係 搵得到 嘅 。
陳近南 聽 佢 侃侃而談 ，入情入理 ，極之 佩服 ，佢 話 ：
李 兄 嘅 説 話 好 有 道理 ， 但 係 唔 知 點樣 去 殺 吳三桂 嗰 個 奸賊 啊 ， 李兄 有 咩 高見 啊 ？
李西華 話 ：不敢當 ，晚輩 正係 要 向 各位 領教 。
沐劍聲 話 ：陳 總舵主 有 何 高見 啊 ？
陳近南話 ：依 在下 之見 ，吳賊 作孽 太大 ，如果 只係 殺佢 一個人 ，就 點都 頂唔到 咁多 罪 㗎 ；
一定要 搞到 佢 身敗名裂 ，滿門 老少 ，殺得 佢 寸草不留 ；
連 一切 跟隨 佢 為非作歹 嘅 兵將 部屬 ，都 一網打盡 ，先至 能夠 平息 我 大漢 千千萬萬 百姓 心頭 之 恨 啊 。
柳大洪 嘭嘭聲 拍 枱 大聲 話 ：
啱啊啱啊 ，陳 總舵主 嘅 説話 ，真係 啱晒 我 心水 。
老弟 ，我 聽咗 你 呢番 説話 ，個心 都 痕晒 ，誒 你 有 咩 妙計 ，能夠 殺得 吳賊 合府 滿門 ，雞犬不留 呢 ？
佢 一下 揦住 陳近南 隻 手 ，猛咁 搖 ：你 快啲 講 ，快啲 講啊 ！
陳近南 微笑 話 ：呢啲 係 大家 嘅 盼望 ，在下 邊度 有 咩 奇謀妙策 ，能夠 噉樣 對付 吳三桂 吖 ？
哦 ， 哦 ， 乜 噉 啊 。
柳大洪 放開 陳近南 隻手 ，佢 好 失望 啊 。
陳近南 伸 隻 手 出嚟 ，對住 沐劍聲 話 ：
小公爺 ，我哋 仲有 兩下 未打噃 。
沐劍聲 話 ：冇錯 。
於是 伸手 同 佢 輕輕 擊咗 兩掌 。
陳近南 對 李西華 話 ：李兄 ，我哋 亦都 嚟 擊 三掌 呢 好嘛 ？
講完 伸出 隻 手掌 。
李西華 企起身 ，恭恭敬敬噉 話 ：
陳 總舵主 如果 係 殺咗 吳 賊 ，李某 一定 恭奉 天地會 號令 不敢 有違 。
李某 如果 僥倖 ，能夠 親手 殺到 呢個 神奸巨惡 ，只求 陳 總舵主 肯 賞面 ，同 李某 義結金蘭 ，等 在下 奉 你 為 兄 ，除此之外 ，唔敢 再 有 其他 要求 嘞 。
李賢弟 ，你 真係 睇得起 我 。
好 ，大丈夫 一言既出 ，駟馬 難追 。
啪 ，啪 ，啪 ，兩個人 擊咗 三掌 。
韋小寶 一便 睇住 眾位 英雄 嗰啲 慷慨 嘅 神情 ，忍唔住 周身 都 滾晒 。
恨不得 自己 年紀 即刻 大過咗 ，武功 即刻 高咗 ，好似 呢位 李西華 噉 ，喺 眾位 英雄 之前 大出風頭 就 好喇 。
而家 聽見 師父 講到 大丈夫 一言既出 ，駟馬難追 ，就 不禁 自言自語 噉 話 ：
駟馬難追 駟馬難追 ， 哼 ， 駟馬 係 匹 咩 嘢 馬 呢 ？ 跑 得 咁 快 嘅 。
噉啊陳近南吩咐擺開筵席 ，同群雄飲宴 。
喺席間 ，李西華 談笑風生 ，見聞廣博 ，但係 佢 始終 唔 講 自己 嘅 門派 家數 出身 來歷 。
李力世 同 蘇岡 介紹 佢 認識 在座 啲 人 。
李西華 見到 韋小寶 年紀 細小 ，居然 係 天地會 青木堂 嘅 香主 ，不禁 非常 詫異 嘞 。
及至 知道 佢 係 陳近南 嘅 徒弟 個 心 諗 ：哦 原來 如此 。
佢 飲咗 幾杯 酒 ，就 告辭 走嘞 。
陳近南 送 佢 行到 門口 ，喺 佢 身邊 細細聲 話 ：
李 賢弟 ， 先頭 愚兄 唔 知道 你 係 朋友 抑或 敵人 ， 所以 揦 住 你 腳 眼 嘅 時候 用 咗 暗力 。
啲 暗力 兩個 時辰 之後 就 會 發作 嘞 ，你 千祈 唔好 運勁 化解 。
你 喺 泥地 掘 個 氹 ，全身 埋晒 喺 裏便 ，只 露出 口鼻 嚟 呼吸 ，噉 每日 埋 四 個 時辰 ，總共 需要 埋 七 日 ，噉 就 冇 後患 喇 。
李西華 大吃一驚 啊 ：吓 ？我 已經 中咗 你 嘅 凝血神抓 啊 ？
賢弟 唔使 驚 ，你 照 我 呢個 法子 嚟 化解 絕無 大患 。
愚兄 魯莽 得罪 ，賢弟 唔好 怪 我 。
唉 ，係 小弟 自作自受 嘅 啫 。
今日 先 知道 天外 有 天 ，人 上 有人 啊 。
講完 ，李西華 躬身 行禮 ，飄然 而去 。
柳大洪 話 ： 陳總舵 主 ， 你 對 佢 用 咗 凝血 神 抓 啊 ？
聽講 ，中咗 神抓 嘅 人 ，三日之後 全身 嘅 血液 慢慢 凝結 ，變成 好似 漿糊 噉樣 ，冇 藥 救得翻 嘅 ，誒 到底 係唔係 噉 呢 ？
陳近南話 ：呢種 功夫 太過 陰毒 ，小弟 素來 都 唔敢 輕易 使用 嘅 。
只不過 見 佢 武功 厲害 ，又 偷聽 咗 我哋 嘅 機密 ，唔明白 佢 係 咩 居心 先至 暗算 佢 啫 。
呢啲 都 唔係 光明磊落 嘅 行為 ，講起嚟 認真 慚愧 啊 。
沐劍聲話 ：呢個人 如果 係 清廷 鷹犬 ，或者 係 吳三桂 嘅 部屬 ，陳總舵主 如果 唔 將 佢 制服 ，我哋 嘅 機密 洩漏 咗 出去 就 大禍 喇 。
陳 總舵主 一逳手唧 ，就 制服 咗 敵人 ，令 對方 受 咗 重傷 自己 一啲 都 唔 知道 ，噉嘅 功夫 真係 令人 佩服 啊 。
陳近南 又 為 白寒松 嘅 死 ，向 白寒楓 深深 表示 歉意 。
白寒楓 話 ：陳 總舵主 ，呢件事 唔好 再 提 嘞 。
先兄 人 死 不能 復生 ，韋香主 救 咗 吳 師叔 佢哋 三個 人 ，在下 非常 感激 。
沐劍聲 就 好 掛住 個 妹妹 下落 ，但係 見到 天地會 群雄 都 冇 提到 ，亦都 不便 多問 ，以免 顯得 好似 懷疑 對方 噉 。
又 飲咗 幾輪 酒 ，沐劍聲 佢哋 起身 告辭 嘞 。
韋小寶話 ：小公爺 ，你哋 最好 呢 就 搬一搬屋 ，因為 遲早 清兵 就 會 派兵 嚟 同 你哋 搗亂 。
噉雖然 你哋 唔怕 ，但係 清兵 啊 越嚟越多 ，一時之間 恐怕 都 殺唔到 咁多 㗎 。
柳大洪 哈哈大笑 佢 話 ：哈哈哈哈哈哈 ，小兄弟 講得啱 ，多謝 你 關照 ，我哋 馬上 搬屋 。
沐劍聲 話 ： 陳總舵 主 、 韋香主 、 各位朋友 ， 青山 不改 ， 綠水長流 ， 我 哋 後會有期 啊 。
沐王府 班人 走咗 嘞 ，陳近南 話 ：小寶 ，你 跟 我 嚟 ，我 睇下 你 呢 幾個月 以嚟 功夫 有 咩 嘢 進步 至 得 。
韋小寶 個 心 嘭嘭聲 亂咁 跳 當堂 面色 都 變晒 。
好啊 ，好啊 。
噉啊 跟住 師父 行咗 入去 東便 一 間 廂房 。
佢 話 ：不過 噉喎 師父 ，皇帝 派 我 出嚟 查問 下 皇宮 裏頭 刺客 嘅 下落 ，弟子 要 趕住 返去 回報 噃 。
咩 刺客 下落 啊 ？
因為 陳近南 係 尋晚 先至 到 㗎 ，對於 皇宮 裏 便 有 刺客 嘅 事 ，只係 約略 聽 人 講過 唧 。
韋小寶 就 將 沐王府 啲 人 入 宮 行刺 ，企圖 嫁禍 吳三桂 嘅 事情 講咗 。
陳近南啊 雖然 經歷 唔少 風浪 ，但係 知道 呢件事 呢 亦都 幾 震動 嘅 。
佢 話 ：有 噉嘅 事 ？
我仲估 話 佢 哋 三 幾個 人入 宮去 行刺 皇帝 失手 被 擒 啫 ， 原來 佢 哋 為 咗 對付 吳三桂 呢 個 奸賊 。
不過 你 救咗 吳立身 佢哋 三個人 再 返去 皇宮 ，你 唔怕 危險 啊 ？
韋小寶啊 要 認叻啊 ，噉啊 梗係 唔講 釋放 刺客 係 奉 咗 皇帝 嘅 命令 ，返去 皇宮 啊 絕冇 危險 啦 。
佢 吹牛 話 ：弟子 已經 拉咗 幾個 替死鬼 ，將 件事 推晒 畀 佢哋 孭 嘞 。
睇嚟 一時半時 ，未必 會 懷疑到 弟子 嘅 。
師父 你 叫 我 喺 宮內 刺探 消息 ，噉 如果 為咗 救 沐王府 嗰 三個 人 ，從此 又 唔能夠 回 宮 ，豈不是 誤咗 師父 大事 ？
陳近南 好 歡喜 ：冇錯 ，我哋 已經 同 沐劍聲 三 擊掌 立誓 ，按照 道理 ，沐王府 剩低 嘅 人 已經 唔多 嘞 ，決 唔係 天地會 嘅 對手 。
我 同 佢哋 定咗 呢個 約 ，一來 ，係 免得 爭執 唐桂 正統 ，傷咗 兩方 嘅 和氣 。
你 睇 韃子 都 未曾 消滅 ，我哋 漢人 嘅 豪傑 就 自己 殘殺 起嚟 ，噉 大事 點 做得 成功 呢 ？
二來 ，如果 能夠 將 沐王府 收埋 入 本會 ，亦 可以 大大 增強 我 天地會 嘅 力量 嘞 。
佢哋 竟然 膽敢 入宮 大鬧 ，可見 佢哋 為咗 搞倒 吳賊 無所不用其極 。
因此 ，我哋 必須 盡力以赴 ，如果 唔係 啊 畀 佢哋 搶咗 先 ，天地會 要 奉 沐王府 個 號令 ，大家 就 真係 面上 無光 嘞 。
噉唔係 ，沐小公爺 有 咩嘢 本事 唧 ？不過 係 恃住 有 個 好 爸爸 啫 嘛 。
如果 我 能夠 投胎 喺 佢 阿媽 個 肚 處 啊 ，噉 唔係 一樣 係 個 沐 小 公爺 。
好似 師父 噉 嘅 大 英雄 、大 豪傑 ，如果 不得不 聽命 於 佢 啊 ，我 激 都 激死 嚟 啊 。
陳近南 一生 之中 ， 都 唔 知 聽過 幾多 恭維 嘅 説 話 ， 但 係 呢 幾句 説 話 出於 一個十幾歲 嘅 細 佬 哥 把 口 ， 覺得 非常 真誠 可喜 ， 不由得 微微一笑 。
其實 佢 都 唔 知道 韋小寶 個 本性 啊 ，本來 就 已經 十分 機靈 㗎 嘞 。
而 妓院 同 皇宮 兩 笪 地方 呢 ，係 天下 間 最 虛偽 、最 奸詐 嘅 地方 。
韋小寶 啊 浸喺 呢 兩 笪 地方 嚟 ，佢 嗰啲 機巧 狡猾 法 啊 ，早就 叻過 平常 嘅 大人 好多 嘞 。
陳近南 喺 天地會 裏 便 ，日常 相處 嘅 都係 肝膽相照 嘅 英雄豪傑 ，咪 點 諗得到 呢個 小弟子 言不由衷 ，十句 説話 裏頭 ，都 怕 有 五六句 靠唔住 嘅 。
佢 拍 下 韋小寶 個 膊頭 ，微微 笑話 ：
細佬哥 識 咩嘢 吖 ？你 點 知道 沐家 小公爺 冇 咩 本事 啊 ？
韋小寶 話 ：佢 派 人 入去 皇宮 行刺 ，白白 死咗 咁多 手下 ，對 吳三桂 絲毫 無 損 噉 係 就 冇 本事 嘞 ，可以 話 係啊 ，天大 嘅 笨蛋 添噃 。
你 點 知道 對 吳三桂 絲毫 無損 呢 ？
哼 ，呢個 沐家 小公爺 用 嘅 計策 啊 極之 笨 㗎 。
佢 叫 入去 皇宮 行刺 嘅 人 ，喺 底衫 上 便 呢 就 聯 咗 平西王府 幾 個 字 ，兵器 上 便 呢 ，又 刻 咗 平西王府 ，誒 或者 大明山海關 總兵府 噉 幾 個 字 。
清廷 又 唔係 傻瓜 ，噉 啊 梗係 會 諗到 如果 真係 吳三桂 嘅 手下 咯 ，噉 啊 點解 會 用 刻咗 字 嘅 兵器 唧 ？
嗯 ，噉 又係 。
仲有啊 ，吳三桂 個仔 吳應熊 喺 北京 ，帶咗 大批 珠寶 財物 進貢 嚟 畀 皇帝 。
吳三桂 如果 真係 要 行刺 皇帝 ，唔會 喺 呢個 時候 㗎嘛 。
而且 佢 行刺 皇帝 做 咩 唧 ？不過 想起 兵 造反 ，噉 自己 做 皇帝 啫 。
佢 一起 兵 ，清廷 啊 即刻 捉咗 佢 個 仔 嚟 殺 咯 ，噉 佢 點解 無 𪐀𪐀 派 個 仔 嚟 北京 送 死 啊 ？
冇錯 。
各位 ，韋小寶 雖然 係 機警 啊 ，不過 年紀 仲 係 細 ，對於 軍國大事 、人情世故 啊 所知 極之 有限 嘅 ，呢 幾 條 理由 ，佢 真係 半條 都 諗唔出 。
咁啱 康熙 曾經 同 佢 講過 ，於是乎 呢 攞嚟 喺 師父 面前 當成 係 自己 嘅 見解 嚟 賣 嘞 。
陳近南 一 聽 ，嗯 覺得 呢個 徒弟 好 明白 事理 。
天地會 裏 便 嘅 武功 好手 唔少 ，頭腦 咁 清楚 個人 就 冇 幾多 個 嘞 。
當初 佢 叫 呢個 細路 做 青木堂 香主 ，只係 為咗 免得 青木堂 中 兩派 紛爭 ，應咗 大家 嘅 誓 先 啦 ，噉 慢慢 再 另 選 賢能 。
韋小寶 既然 係 自己 弟子 咯 ，到時 就 叫佢 退位 讓賢 就係啦 。
呢陣時 聽到 佢 呢番 説話 個 心 諗 ：
呢 個 細佬哥 有膽有識 ， 而家 已經 頗 為 了不起 嘞 ， 再 磨練 得 幾年 ， 就算 真 係 做 青木堂香 主 ， 亦 未必 就會 輸蝕 畀 其他 九位 香主 嘅 。
噉 就 問 佢 ： 啲 刺客 係 咩 嘢 人 ， 啲 韃子 知道 未 啊 ？
韋小寶 話 ：而家 仲 唔係 點知 ，不過 皇帝 呢 ，好似 已經 有 啲 疑心 喇 。
佢 今朝早 召集咗 啲 侍衞 嚟 ，叫 佢哋 演習 刺客 所 使 嘅 武功 家數 。
有個侍衛 演咗 呢幾招 ，噉 大家 都 喺度 議論紛紛 。
弟子 喺 側 跟 睇 咗 記得 呢 兩 招 嘅 。
噉啊 於是 將 高山流水 、橫掃千軍 呢 兩 招 使咗出嚟 。
陳近南 話 ： 唉 ， 沐 王府 啊 真 係 冇 人才 啊 。
呢啲 明明 係 沐家拳 ，清宮 侍衞 裏頭 好手 唔少 ，邊度 會 認唔出 嚟㗎 ？
韋小寶話 ：弟子 亦 見過 風際中 風大哥 同 玄貞道長 演過 ，估計 清廷 侍衞 都 會 認得出 嚟㗎 。
弟子 係 怕 清廷 要 搜查 捉人 ，因此 先頭 呢 勸 沐家 小公爺 早啲 出城 躲避 啫 。
做得啱 。
誒 你 而家 返去 皇宮 打聽 下 先 ，你 聽日 再 嚟 啦 ，我 再 教 你 武功 。
韋小寶 聽見 師父 暫時 唔考察 自己 嘅 武功 ，個 心 都 唔知 幾 歡喜 ，咪 急急 行禮 告辭 個 心 諗 ：
今晚 啊 無論如何 都 要 臨急 抱佛腳 ， 請 小 郡 主將 師父 嗰 本 武功 秘訣 上面 講 嘅 説 話 呢 讀 啲 畀 我 聽 下 ， 我 好好 醜醜 記得 啲 ， 聽日 師父 問起 嚟 ， 咪 多少 有 啲 嘢 交代 至 得 㗎 。
師父啊 只能夠 怪 我 練得 唔啱啫 ，就 唔能夠 怪 我 貪懶 唔用功 啊 。
噉邊個 叫 佢 冇 時間 教 我 啊 ，佢 要 怪 啊 ，怪 自己 啦 。
話說 韋小寶 返到 皇宮 上書房 ，康熙 正 喺度 批閱 奏章 ，一見到 佢 返嚟 就 放低 支筆 問 佢 ：
探聽到 咩 消息 冇 啊 ？
韋小寶 話 ：皇上 料事如神 ，一啲 都 冇 錯 ，造反 嘅 頭頭 呢 ，果然 係 雲南 沐家 嘅 。
真係噉樣啊 ？好極嘞 。
你 睇下 多隆 吖 ，佢 而家 都 唔 肯 信 ，你 探聽 到 咩嘢 呢 ？
捉到 嗰 三名 刺客 ，本來 一口咬定 係 吳三桂 嘅 部屬 ，多總管 將 佢哋 打到 死去活來 ，佢哋 點 都 唔肯 改口 啊 。
多隆 嘅 武功 就 唔錯 嘅 ，不過 係 個 草包 呢 。
奴才 奉咗 皇上 嘅 聖旨 ，噉啊 用 蒙汗藥 將 看守 嘅 侍衞 迷暈 咗 嘞 噃 。
啱啱 皇太后 派咗 四名 太監 嚟 ，話 要 即刻 處死 啲 刺客 喎 。
噉啊奴才 就 依照 皇上 安排 好嘅 計策 ，當住 刺客 面 ，將 四名 太監 殺晒 ，噉啊 帶 啲 刺客 出 宮 。
嗰 三個 嘢 啊 ， 果然 一 啲 都 冇 思疑 啊 。
唔怪得啦 ，啱先 多隆 嚟 報告 ，話 太后 手下 一名 太監 頭頭 啊 放走 咗 啲 刺客 ，我 正 喺度 奇怪 呢 ，原來 係 你 做 嘅 手腳 。
不過 皇上 唔好 同 太后 講 啊 ，如果 唔係 啊 ，奴才 就 冇 命 㗎 喇 。
太后 已經 鬧過 我 一餐 咯 ，話 奴才 只係 對 皇上 盡忠 ，唔 對 太后 盡忠 。
其實 太后 同 皇上 又 有 咩 嘢 唧 ？
不過 天 無 二 日 ，民 無 二 主 ，噉啊 到底 只有 皇上 嘅 聖旨 先 係 算數 㗎 。
太后 未 問過 皇上 就 下旨 要 殺 刺客 嘞 ，喺 道理 上 嚟講 亦 唔係 幾 啱 嘅 。
噉 欲知 後事 如何 ，且 聽 下回 分解 。
