前 文 再續 啊 書 接上 一回 啊 ， 話 説 班 侍衛 搜查 四名 太監 ， 一 摷 ， 就 摷 出 嗰 四張 銀票 嘞 。
嗰個 姓 趙 嘅 侍衛 問 嗰個 身上 有 兩 張 銀票 嘅 太監 ：你 姓 郝 吖 嘛 ？
嗰個 太監 岌一岌 頭 。
嗰個 姓 趙 嘅 侍衛 又 問 身上 冇 銀票 嘅 太監 話 ：你 姓 勞 係 嘛 ？
嗰 個 太監 面無人色 ， 亦 岌一岌頭 。
一個 侍衛 話 ： 好 啊 ， 刺客 畀 咗 咁 多 銀 你 哋 ， 你 哋 就 幫 刺客 帶路 ， 叫 佢 哋 外面 嘅 朋友 ， 叫 我 哋 狗 侍衛 ？ 你 阿爺 嘩 ！
一腳 出力 踢過去 ， 踢 到 嗰 個 姓 郝 嘅 太監 眼核 都 凸出 嚟 ， 個口 就 哦 ， 哦 ， 哦 噉 猛 咁 叫 。
嗰個 姓 趙 嘅 侍衛 話 ：唔好 莽撞 ，要 好好地 審問 佢 。
講完 ，彎低 個身 ，用手 喺 嗰個 姓 勞 嘅 太監 下巴骨 一托 ，同 佢 接翻 好 下 爬 。
韋小寶 喝 佢 話 ：你哋 做咗 呢件 大事 ，到底 係 受 咗 邊個 嘅 指使 ？咁 大膽 快啲 招供 ！
嗰 個 太監 話 ： 冤枉 啊 ， 冤枉 啊 ， 係 太后 吩咐 我 哋 。
韋小寶 噗 一步 跳上前 ，左手 撳住 佢 嘅 嘴 喝 佢 話 ：亂噏 無為 ，呢種 說話 都 講得 嘅 ？
你 再 多口 ，即刻 就 殺咗 你 ！
右手 拔出 匕首 ，倒轉 劍柄 ，喺 佢 天靈蓋 上面 重重 噉 打 兩下 ，將 佢 打到 暈咗 。
然後 擰轉頭 對 嗰班 侍衛 話 ：佢 話 係 太后 指使 㗎 喎 ，噉 ，噉 ，噉 就 大禍 臨頭 喇 。
哎呀 ，班侍衛 都 變晒 面色 話 ：太后 吩咐 佢哋 引 刺客 入 宮 ？
佢哋 都 知道 皇上 唔係 太后 嘅 親生仔 ，太后 向來 精明 果斷 。
唔通 係 皇上 得罪咗 太后 ，因此 ，因此 。
宮裏 便 勾心鬥角 ，乜嘢 可怕 事情 都有 㗎 。
自己 竟然 牽涉 喺 裏便 ，條命 就 凍過 水 啦 。
韋小寶 又 問 另外 一名 太監 話 ：你哋 係咪 真係 太后 派 嚟 辦事 㗎 ？呢件事 關係 重大 啊 唔能夠 亂講 㗎 。
嗱 我 再 問 你 ，係唔係 太后 差遣 嘅 ？
嗰個 太監 講唔出 說話 㗎 ，噉 一味 猛 咁 岌頭 。
韋小寶 話 ：呢 幾 張 銀票 ，亦 係 太后 畀 嘅 係唔係 ？
三名太監 一齊 擰頭 。
韋小寶 話 ：好 ，你哋 係 奉命 辦事 嘅 啫 ，唔係 自己 嘅 主意 㗎 係唔係 啊 ？
三名 太監 又 猛咁 岌頭 。
韋小寶 話 ：你哋 要 死 吖 ，定 要 生 啊 ？
呢句 說話 就 唔 容易 用 岌頭 嚟 表示 嘞 。
噉 三名 太監 一個人 岌頭 ，一個人 就 擰頭 ，另外 一個人 呢 ，又 先 岌頭 後 擰頭 ，諗諗 唔啱 喎 ，就 搏命 咁 岌頭 。
韋小寶 問 ：你哋 想 死 啊 ？
三個人 就 猛咁 擰頭 啦 。
韋小寶 問 ，噉 你哋 想 生 嘞 噃 ？
三個人 岌頭 啊 岌到 好快 。
韋小寶 掹 開 兩名 為 首 嘅 侍衛 行 出去 屋外 便 ， 韋小寶 低聲 話 ：
張大哥 ，趙大哥 ，我哋 嘅 人頭 啊 呢趟 要 搬 一 搬家 喇 怕 ？
嗰個 姓 張 嘅 叫做 張康年 ，姓 趙 嘅 叫做 趙齊賢 ，都 係 漢軍 旗 嘅 ，早 就 嚇到 神魂不定 嘞 ，噉 佢哋 話 ：
噉 ， 噉 ， 噉 點算 啊 ？
韋小寶話 ：我係 一啲 主意 都冇 啊 ，張大哥 ，趙大哥 ，你哋 話 點做好 吖 ？
張康年 話 ：如果 張揚 出去 都 唔知 會 搞到 咩 嘢 地步 ，如果 能夠 冚住 噉 就 最好 嘞 。
趙齊賢話 ：係咯 ，不如噉啦 ，將 呢 四名 太監 放咗 ，大家 當做 冇 呢件事 就算喇 。
張康年 話 ：就係 至 怕 人 無 害 虎 意 ，虎 有 傷 人 心 呢 。
韋小寶 話 ：放咗 佢哋 呢 本來 好好嘅 ，不過 一定要 佢哋 唔好 去 稟明 太后 至 得 。
如果唔係呀 ，太后 一嬲起上嚟 ，要 殺人滅口 ，噉 呢四個 太監 固之然 係 冇命 啦 ，我哋 呢處 十七個 兄弟 ，九成九 要 分成 三十四 碌 咯 。
張趙 兩個人 不由得 打個 冷震 。
張康年 啊 舉起 右掌 ，虛劈 一掌 。
噉 韋小寶 睇 下 趙齊賢 ， 趙齊賢 就岌一 岌 頭 佢 問 ： 佢 哋 身邊 嗰 四張 銀票 點啊 ？
韋小寶 話 ：呢 六千 兩 銀 啊 各位 大哥 分咗 佢 就 算啦 。
我 就 嚇到 魂飛魄散 喇 ，但求 呢件事 唔好 黐 上身 唧 ，銀 我 係 唔 要 㗎 喇 。
張趙 兩個人 聽見 有 六千 兩 銀 分 喎 ，噉 一個人 可以 分 三百 幾 兩 ，唔做 就 傻啦 。
行返入去 ，對 四名 親信 就 細細聲 講 幾句 說話 。
嗰 四個人 岌一岌頭 ，噉 啊 拉起 四名 太監 話 ：你哋 既然 係 太后 身邊 嘅 人 返去 啦 。
嗰 四名 太監 好 歡喜 ，就 嗱嗱聲 行 出去 ，噉 四名 侍衛 跟住 出去 嘞噃 。
只聽見 外便 幾 聲 慘叫 ，噉 跟住 外便 一名 侍衛 大聲 叫 ：
有 刺客 啊 ，有 刺客 啊 ！
另外 一人 就 大聲 叫 話 ： 哎呀 弊 喇 ， 刺客 殺死 咗 四個 太監 啊 。
跟住 四名 侍衛 行 入嚟 屋 ，對 韋小寶 話 ：
桂公公 ，外便 又 有 刺客 啊 ，害死咗 四位 公公 。
韋小寶 長 歎 一聲 話 ： 唉 真 係 可惜 嘞 ， 刺客 逃走 咗 噉 仲 追 唔 追 得到 啊 ？
一名侍衛 話 ：都 走到 唔見咗 影 咯 。
韋小寶 話 ：嗯 ，噉 就 邊個 都 冇 法子 咯 。
噉 四位 公公 畀 刺客 殺死 ，你哋 即刻 去 稟明 多 總管 啦 。
班侍衛 夾硬 忍住 笑 ，一齊 應 佢 話 ：係 ！
韋小寶 點 都 忍唔住 喇 ，哈哈大笑 。
班侍衛 先頭 唔敢 笑啊 ，因為 韋小寶 未 笑啫 ，而家 韋小寶 忍唔住 笑咯 ，大家 咪 跟住 笑囉 ，笑到 流眼淚 。
韋小寶 笑住 話 ：眾位 大哥 ，恭喜發財 啊 ，聽日 見 ，聽日見 。
韋小寶 高高興興 行返去 住處 。
上下 到 門口 嘞 ，忽然間 聽見 花叢 裏 便 有 個人 冷冷噉 話 ：
小桂子 ，你 好啊 。
韋小寶 一 聽見 係 太后 把 聲 ，大吃一驚 啊 ，轉身 就 走 。
走咗 五六步啫 ，只覺得 一隻 手 搭住 左便 嘅 膊頭 ，即刻 全身 酸麻 ，好似 幾百斤 大石 矺 喺 身上面 噉 ，想 逳 都 唔逳得 。
佢 即刻 彎低 條 腰 想 拔 匕首 嘞噃 ，手指 啱啱 掂到 劍柄 唧 ，右手 嘅 上臂 已經 捱 咗 一掌 嘞 ，忍唔住 痛到 吖噉 大叫 一聲 。
太后 話 ： 小桂子 ， 你 年紀輕輕 真 好 本事 啊 。
不動聲色 殺咗 我 四名 太監 ，仲 會 插贓 嫁禍 連 我 都 敢 誣陷 ，哼 ！哼哼哼哼 。
韋小寶 個 心 一味 叫苦 㗎 啦 ，諗住 太后 對 自己 恨之入骨 ，乜嘢 哀求 都 冇用 㗎 喇 ；
噉 唯有 拼住 唔 要命 ，嚇下 佢 ，捱得過 一時三刻 ，再 想法子 逃命 啦 。
於是 佢 話 ：太后 ，你 而家 先至 殺 我 已經 遲 嘞 ，真係 可惜 啊 ，可惜 啊 。
太后 冷冷噉 話 ：可惜 咩嘢 啊 ？
你 想 殺 我 滅口 ，可惜 遲咗 一步 咯 。
先頭 嗰 啲 侍衛 講 啲 咩 說話 ， 睇 嚟 ， 睇 嚟 你 都 聽到 啦 。
你話我 派 呢 四名 冇用 嘅 太監 ，勾引 刺客 入 宮 ，哼 ，我 為 嘅 係 咩嘢 你 知唔知 吖 ？
我啊 點知 你 為乜嘢 唧 ，皇上 多數 知 嘅 。
哼哼哼 ，我 掌力 一吐 ，即刻 就 殺死 你 ，不過 噉 就 未免 便宜 咗 你 呢個 賊仔 嘞 。
噉唔係 ，你 一 出力 唧 就 殺死咗 小桂子 ，聽日 宮 裏 便 人人 都 知道 喇 。
小桂子 係 點樣 死㗎 ？梗係 太后 殺 㗎 啦 。
太后 做 咩嘢 殺 佢 啊 ？
因為 小桂子 撞破咗 太后 嘅 秘密 咯 。
咩 秘密 啊 ？
呢件事 講起 上嚟 啊 一匹布 咁 長 啊 ，嚟嚟嚟 ，你 嚟 我 間 屋 啦 ，我仔仔細細 講畀 你 聽 。
你千祈 唔 好講 畀 人 哋 聽 啊 ， 呢 件 事 啊 確實 非同 ， 誒 非同小可 啊 。
嘩 ，嬲到 太后 搭 喺 佢 膊頭 隻 手 啊 ，不停 咁 震 。
過咗 一陣 喇 先至 話 ：大不了 ，亦 只係 嗰 十幾 名 侍衛 知道 啫 。
我 殺咗 你 之後 ，即刻 叫 瑞棟 將 呢 十幾個 傢伙 都 捉起嚟 ，即時 處死 ，仲有 咩 嘢 後患 啊 ？
韋小寶 哈哈大笑 。
太后 話 ：死在臨頭喇 ，仲虧 你 笑得出 啊 。
太后 ，你 話 要 瑞棟 殺人 啊 ？
佢 ， 佢 ， 哈哈哈哈 。
佢 點啊 ？
佢 早就 畀 我 ，本來 想 佢 早就 畀 我 一刀 殺咗 嘅 ，突然間 靈機一動 ，噉 就 哈哈笑咗 幾聲 。
太后 就 問 佢 ：早 就 畀 你 點樣 啊 ？
佢 早就 畀 我 收復 得 唔知 幾 乖 ，唔聽 你 說話 喇 。
哼哼哼 ，你 隻 鬼仔 有 幾 大 本事 啊 ？能夠 叫 瑞 副總管 唔 聽 我 嘅 話 ？
我係 個 小太監 ，佢 梗係 唔怕 啦 ，瑞 副總管 怕 嘅 另外 一個 。
佢 ，佢怕嘅係 皇上 啊 ？
我 哋 做 奴才 嘅 梗 係 怕 皇上 啦 噉 亦 唔 怪 得 佢 嘅 係 唔 係 ？
你 同 瑞棟 講咗 啲 咩嘢 啊 ？
乜嘢 都 講咗 喇 。
乜嘢 都 講咗 啦 ？佢 ，佢人 呢 ？
佢 去 嘅 地方 呀 ， 遠咯 ， 好遠 好 遠 咯 ， 唔 返 嚟 咯 。
太后 ，你 想見 佢 啊 ，噉 當然 好好啦 ，啊 認真 好啦 ，就 怕 唔係 點 容易 唧 。
佢 離開咗 皇宮 咩 ？
韋小寶 順水推舟 嘞 ：係 。
佢 話 佢 又 怕 皇上 又 怕 你 ， 夾 喺 中間 啊 好 難 做人 喎 ， 又 擔心 條命 怕 有 咩 殺身之禍 ， 噉 不如 高走 遠飛 喇 。
高飛 遠走 。
哈冇錯冇錯 ，太后 你 點知 㗎 ？
你 聽見 佢 講 呢句 說話 呢 ，係 佢 係 高飛遠走 喇 。
哼 ！佢 連 官 都 唔 想 做 喇 ？趯 咗 去 邊處 啊 佢 ？
佢 ，佢係 去 ，韋小寶 心念 一 動 ：
佢 話 去 咩 台山 嘅 ， 誒 咩 六台 ， 誒 七台 ， 八 台山 嘞 。
五台山 。
韋小寶話 ：係係冇錯 ，係 五台山 ，哈太后 ，你 乜嘢 都 知道 嘅 。
佢 仲 講 咩嘢 啊 ？
亦冇 講 咩 喇 不過 係 ，誒 不過 係 話 我 託 佢 做 嘅 事 呢 ，佢 無論 如何 都 同 我 做 嘅 。
佢 仲 發過 誓 添噃 ，咩 ，千刀萬剮 ，絕子絕孫 噉 。
你 託 佢 做 咩 嘢 事 啊 ？
亦冇咩嘢事 ，瑞副總管 啊 本來 話 佢 唔做官 呢 亦唔緊要嘅 ，不過 就係 出門 冇 旅費 唧 ，而且 呢次 出門 呢 又 唔係 一年半載 嘅 事 噉 。
我 就 送咗 二萬 兩 銀 嘅 銀票 畀 佢 。
你 真係 發咗 大財 噃 ，邊度 搵得 咁多 錢 嚟 啊 ？
哦嗰啲都係人哋送㗎啫 ，康親王啊送一啲啦 ，索額圖大人啊送一啲啦 ，乜吳三桂個仔亦送一啲 。
你 咁 豪爽 ，瑞棟 梗係 要 感恩圖報 啦 ，你 到底 要 佢 做 乜嘢 事 啊 ？
奴才 唔敢 講 喇 。
你 講 唔 講 啊 ？
太后 講完 ，搭 喺 佢 膊頭 嘅 手掌 出力 咁 壓落去 ，壓到 韋小寶 呀呀聲 。
太后 放鬆 翻掌力 ，喝佢 話 ：快啲 講 ！
韋小寶 歎咗 口氣 佢 話 ：
唉 ，瑞副總管 應承 我 ，奴才 喺 宮內 如果 畀 人 害死 呢 ，佢 就 將 其中 嘅 原因 ，詳詳細細 稟明 皇上 。
佢 話 要 寫 個 奏折 ，放 喺 身邊 。
噉佢 同 奴才 約定 ，每隔 兩個月 呢 ，奴才 ，嗯 奴才 就 。
點啊 ？
每隔 兩個 月 ， 奴才 去 天橋 搵 一個 賣 ， 誒 賣 冰糖葫蘆 嘅 男人 ， 問 佢 ： 誒 ， 有 翡翠 瑪瑙 嘅 冰糖葫蘆 冇 啊 噉 。
噉 去 就 話 ：有 啊 ，一百 兩 銀 一 串 。
噉 我 又 話 ：咁 貴 嘅 ，二百 兩 銀 一 串 賣 唔 賣 啊 噉 。
噉佢話 ：唔賣唔賣 ，你 仲 未 歸天 啊 ？
噉 我 就 話 ：你 同 老伯 講 啦 。
噉佢就去通知 瑞副總管 喇 。
因為 事情 危急 啊 ，一時半時 諗唔到 咩 新鮮 嘅 古仔 ，唯有 將 陳近南 要 佢 同 徐天川 聯絡 嘅 對答 ，稍為 變化 嚟 應付住 。
太后 話 ： 哼 ， 呢 啲 江湖 上 武林 人士 聯絡 個 法子 ， 怕 你 呢 個 賊 仔 亦 諗 唔 出 ， 係 唔 係 瑞棟 教 你 㗎 ？
韋小寶 詐 假意 好 驚奇 噉 話 ：吓 ？你 點解 知道 係 瑞 副總管 教 我 嘅 ？
啊係喇 ，佢 同 我 講 嘅 時候 ，你 都 聽到 晒 定 嘞 。
韋小寶 只 覺得 太后 撳住 自己 膊頭 隻 手 不停 咁 震 。
過咗 一陣 太后 問 ：
到時候 ，你 如果 唔去 搵 嗰個 賣 冰糖葫蘆 嘅 ，噉 又 會 點 啊 ？
瑞副總管 話 ，佢 會 再 等 十日 喎 ，我 如果 仍然 唔去 呢 ，噉 實係 奴才 冇咗 命 啦 ，佢 ，噉 佢 就 想法子 嚟 稟 明皇上 。
嗰陣時 奴才 死 都 死咗 咯 ，本來 係 冇 咩 好處 㗎 喇 。
不過 係 奴才 對 皇上 一片 忠心 ，要 請 皇上 千祈 要 小心 至好 ，有 冤 報 冤 ，有 仇 報 仇 ，唔好 畀 人 暗算 。
噉 亦 係 奴才 同 瑞 副總管 忠心 為 主 囉 。
有冤報冤 ，有仇報仇 ，真係 好到極喇 。
韋小寶 話 ：呢一排 ，奴才 日日 服侍 皇上 ，不過 我 一啲 都 冇 講 啊 。
只要 奴才 冇事 咯 ，喺 皇上 身邊 侍候 ，呢啲 事 呢 就 永遠 唔好 畀 皇上 知道 嘅 好 ，噉 又 何必 等 皇上 操心 唧 ？
太后 鬆咗 啖氣 嘞 ：你 真係 個 好人 噃 。
皇上 待 奴才 好好 ， 之 太后 待 奴才 亦 都 唔 錯 啊 。
奴才 對 太后 忠心 ，講唔定 太后 一 歡喜 咯 ，噉 又 賞賜 啲 咩嘢 畀 我 ，噉咪 大家 都 好好 咩 ？
太后 又 冷笑 咗 幾 聲 話 ：
嘿嘿嘿嘿嘿 ，你 仲 望 我 賞賜 啲 咩嘢 畀 你 啊 ，你嘅 面皮 真係 夠 厚 啊 。
喺 太后 嘅 冷笑聲 裏 便 竟然 有 幾分 歡喜 嘅 意思 ，語氣 呢 亦都 好好多 嘞 。
韋小寶 聽見 佢 語氣 已經 變咗 ，情勢 緩和 得多 喇 連忙 話 ：
奴才 仲有 咩嘢 想吖 ？
只要 太后 同 皇上 平平安安 ，大家 和和氣氣 噉 過 日子 ，噉 我哋 做 奴才 嘅 就係 天大 嘅 福氣 喇 。
太后 你 老人家 萬福金安 ，奴才 聽日 就 去 天橋 ，搵到 嗰個 男人 ，要 快啲 去 通知 瑞 副總管 要 佢 守口如瓶 。
奴才 ， 誒 奴才 再 要 佢 帶 三千兩 銀去 ， 話 係 太后 賞 畀 佢 嘅 。
哼 ，呢種人 辦事 不力 ，棄職 潛逃 ，我 唔 斬 佢 嘅 人頭 算 佢 好彩 喇 ，仲 賞 銀 畀 佢 ？
係嘅係嘅 ，呢 三千 兩 銀 呢梗係 奴才 出 㗎 啦 。
太后 點 能夠 再 賞銀 畀 佢 呢 ？
太后 慢慢 鬆開 搭 喺 佢 膊頭 隻 手 ，慢慢噉 話 ：
小桂子 ，你 真係 對 我 忠心 啊 ？
韋小寶 跪喺 地 一味咁 叩頭 ，佢 話 ：
奴才 對 太后 忠心 ，有 無數 咁多 好處 ，如果 唔 忠心 啊 ，人頭 就 要 搬家 喇 。
小桂子 雖然 係 糊塗 啫 ，不過 呢個 人頭 ，都 仲 睇得 好 緊要 㗎 。
太后 岌一岌頭 話 ：好極 ，好極 ，好極 。
講一聲 好極 ，喺 韋小寶 背脊 拍 一 掌 ，講咗 三 聲 就 拍咗 三 掌 。
韋小寶 當堂 頭暈眼花 想嘔 啊 ，喉嚨 嘰里咕嚕 猛咁 響 。
太后 話 ：小桂子 ，嗰 晚 海大富 嗰 個 老賊 話 過世間上 有 一 門 叫做 咩 化骨綿掌 嘅 功夫 。
如果 練得好 呢 ，打 喺 人身 ，可以 令人 全身 骨骼 都 斷晒 。
呢門 功夫 係 好 難 練 嘅 ，我 當然 亦 唔 識 啦 。
不過 覺得 你 呢個 細佬哥 好 乖 、好 伶俐 ，我 喺 你 背脊 打 三掌 嚟 試下 ，亦 好 有趣 啊 。
韋小寶 點 都 忍唔住 嘞 ，噁 一 聲 又 係 血 又 係 水 ，大啖大啖 噉 嘔 出嚟 。
個心諗 ：誒 老舉乸 又 唔信 我 嘅 說話 ，仲係 落毒手 。
點知 太后 話 ：你 唔使 怕 ，我 唔會 打死 你 嘅 。
你 如果 死咗 ，邊個 去 天橋 搵 嗰個 賣 冰糖葫蘆 嘅 人 呢 ？
我 不過 等 你 帶 啲 傷 ，做起 事 嚟 ，就 唔係 點 伶俐 啫 。
韋小寶 話 ：多謝 太后 恩典 。
慢慢 企起身 ，但係 個人 一岌 ，又 坐低 嘞 ，噁噁聲 又 嘔咗 幾啖 血水 。
太后 笑咗 一笑 ，轉身 入咗 花叢 就 唔見咗 嘞 。
韋小寶 掙扎住 企起身 ，慢慢 行去 屋 後 便 嘅 窗口 ，伏 喺 窗台 上 便 ，喘咗 一 輪 氣 ，噉 先至 擒入 去 。
小郡主 沐劍屏 低聲 問 ：桂大哥 ，係 你 啊 ？
韋小寶 正係 嬲緊 ，鬧佢 話 ：死啦你 ，唔係 我 啊 ！
方怡 接口 話 ： 小 郡主 好好 地問 你 ， 你 點解 鬧人唧 ？
韋小寶 啱啱 擒緊 入 窗 ，佢 話 ：我 。
突然間 條氣 接唔上 ，兵乓 一聲 𢴈咗 入屋 ，瞓咗 喺 地下 就 企唔翻 起身 。
方怡 同 沐劍屏 嚇咗 一驚 啊 就 問 ：你 ，你 點 啊 ？你 受咗 傷 啊 ？
韋小寶 跌 呢 跤 𢴈到 佢 死死下 ，但係 聽見 兩個 女仔 嘅 語氣 之中 咁 關心 自己 ，心情 當堂 好晒 。
佢 笑 一笑 唞 幾啖 氣 ，佢 又 諗 ：
老舉乸 呢 幾 掌 亦 唔知 係咪 化骨綿掌 啫 ？講唔埋 ，佢 練得 唔得法 ，老子 又 着住 件 寶貝 背心 ，骨頭 又 硬 ，佢 化嚟化去 ，化 老子 唔到 。
於是佢話 ：好妹妹 同 好老婆 都 受咗傷 ，我 如果 唔傷翻 一啲 噉 仲 叫 咩 有福同享 ，有難同當 唧 ？
沐劍屏 話 ：桂大哥 ，你 邊度 有 傷 啊 ？痛唔痛唧 ？
好妹妹 真係 有 良心 㗎喇 ，問 我 痛唔痛 喎 。
痛呢 本來 好痛嘅 ，哈不過 畀 你 問咗 一聲 呢 ，忽然間 又 唔痛嘞 噃 你話 奇怪唔奇怪 吖嗱 ？
你 又 嚟 呃 人 喇 。
韋小寶 扶住 張枱 氣喘喘噉 企起身 ，個心 諗 ：
我 呢條命 而家 仲 喺度 ，全靠 瑞副總管 夠 交情 ，肯 撐 我 腰 。
只要 老舉乸 一 知道 瑞 副總管 死鬼咗 ，噉 韋小寶 條命 就 捱唔過 半個 時辰 喇 。
喺 藥箱 裏 便 就 攞出 嗰個 三角形 、青底 白點 嘅 藥樽 。
海老公 個 藥箱 裏 便 藥粉 藥丸 好多 嘅 ，不過 佢 就 只係 識得 呢 一樽 化尸粉 唧 。
跟 住 就 將瑞 棟 嘅 尸 體 ， 喺 床 下 底 拉 翻 出 嚟 ， 又 攞 翻 塞 喺 佢 懷 內 嘅 金 票 同埋 珍珠 等等 。
沐劍屏 話 ：你 咁耐 都 唔 返嚟 ，呢個 死人 又 瞓 喺 我哋 床下底 噃 ，真係 嚇死 我哋 啊 。
韋小寶 話 ：誒 你哋 兩個 啊 ，噉 呢個 死人 豈不是 多咗 兩個 閉月羞花 嘅 女朋友 ？
方怡 話 ：小郡主 ，唔好 同 佢 講唧 。
韋小寶 話 ：嗱 ，我 變 個 戲法 ，你哋 睇唔睇 吖 ？
方怡 話 ：唔睇 ！
唔睇嘅 就 眯埋眼 。
方怡 即刻 就 眯埋 眼 嘞 。
沐劍屏 跟住 亦 眯埋 ，但係 即刻 呢佢 又 擘翻開 。
韋小寶 喺 藥箱 裏 便 攞 出 一隻 銀匙 羹 仔 ， 噉 拔 開藥 樽 嘅 木塞 ， 用匙 羹 啊 攞 咗 啲 啲 化 尸 粉 ， 噉 啊 倒 喺 瑞 棟 尸 體 嘅 傷口 嗰 度 。
過咗 冇 幾耐 ，傷口 就 冒出 煙霧 嘞 ，跟住 發出 一浸 強烈 嘅 臭味 。
再過一陣 ，傷口 裏 便 流出 好多 黃水 ，噉啊 傷口 越 爛 越 大 。
沐劍屏 咦噉 一 聲 。
方怡 好奇心 嚟 嘞 ，擘開 隻 眼 睇下 ，一 見到 噉 嘅 情景 ，嗰 雙 眼 啊 擘到 大大 ，眯唔翻 咯 。
噉啊 尸體 碰到 啲 黃水 呢 即刻 就 腐爛 ，黃水 越 多 ，尸體 爛得 越 快 。
韋小寶 見 佢 兩個人 嘅 神情 都 好 驚慌 佢 就 話 喇 ：
你哋 邊一個 唔 聽 我 話 呢 ，我 將 呢啲 寶粉 糝 一啲 喺 你哋 塊 面 處 ，即刻 就 爛 成 噉樣 嚱 。
沐劍屏 話 ：你 ，你唔好 嚇人 啦 。
方怡 睩佢 一眼 ，但係 眼神 仲係 驚 嘅 。
韋小寶 笑 騎騎噉 行 上 一步 ，攞住 個 藥樽 向 佢 搖咗 兩 搖 ，袋翻入 衫袋 。
嗱 各位 ，欲知 後事 如何 ，且 聽 下回 分解 。
