前 文 再續 啊 書 接上 一回 啊 ， 話 説 瑞 棟 奉 咗 太后 嘅 命令 ， 走 嚟 捉 韋小寶 。
韋小寶 就 呃 佢 擰轉頭 ，即刻 就 趯 入 屋 ，跳 上 窗台 ，正 話 想 跳 出去 。
就喺呢個時候 ，瑞棟 右掌 拍出 ，一陣 勁風 ，撲向 佢 背脊 。
韋小寶 雙腳 一 軟 ，𢴈咗 落地 。
瑞棟 左手 揦住 佢 條 後腰 。
韋小寶 施展 擒拿 手法 ， 雙掌 啊 搏命格開 ， 但 係 人 細力 弱 啊 ， 個 身體 一晃 ， 兵 嘣 一聲 ， 跌 咗 入個 大水缸 。
呢個 水缸 啊 ，本來 係 海老公 醫 傷 用 嘅 ，海老公 死 後 ，韋小寶 亦 冇 叫 人 攞走 。
噉啊瑞棟哈哈大笑 ，伸手入去 捉韋小寶 咯喎 。
點知 一手 捉 落去 ，捉唔到 ，原來 韋小寶 已經 縮成 一嚿 嘞 。
但係 呢個 水缸 有 幾大 呢 ，再 捉 一次 ，就 捉住 佢 條 後領 ，濕滴滴 噉 扚 上嚟 。
韋小寶 一擘開 個 嘴 ，一啖 水 噗噉 ，噴落 瑞棟 雙眼 處 。
跟住 個 身 向前 一撲 ，撲咗 入 佢 懷抱 ，左手 攬住 佢 條 頸 。
瑞棟 大叫 一聲 ，個身 震咗 幾下 ，揸住 韋小寶 後 領 嗰 隻 手 呢 慢慢 鬆開 。
佢 雙眼 啊 擘到 大大 ，神情 迷迷惘惘 ，喉頭 啊 咕咕 咁 響 ，想要 講説話 就 講唔出 。
只聽見嘶一聲 ，一把短劍 喺佢心口 一直劏落去 ，劏到去 小腹 ，劏開 一條長長嘅傷口 。
瑞棟 擘大眼 睇住 呢 把 短劍 ，不過 就 唔 知道 呢 把 劍 喺 邊處 嚟 嘅 。
佢 由 心口 到 小腹 ，鮮血 狂噴 ，突然 ，身體 向 後 𢴈低 。
直到佢死啊 ，仍然 仲 唔 知道 韋小寶 用 咩 法子 殺死 自己 嘅 。
韋小寶 喘咗啖氣 ，左手 接過 匕首 ，右手 喺 自己 長袍 裏 便 伸出嚟 。
原來 佢 𢴈 入水缸 個 時候 一縮身 ，已經 掹出 匕首 嘞 ，收埋 喺 長袍 裏 便 ，刀口 向 外 。
佢 一 啖 水 噴 到 瑞 棟 眯 埋 雙眼 ， 跟 住 撲 埋 去 ， 攬住 佢 ， 呢 把 削鐵如泥 嘅 匕首 啊 已經 刺入 佢 心口 嘞 。
如果 真係 搏鬥 呢 ，十個 韋小寶 亦 唔係 佢 嘅 對手 ，但係 倉猝 之間 突然 發生 變故 ，赫赫有名 嘅 瑞 副總管 竟然 就 中 咗 暗算 。
韋小寶 同瑞棟 兩個 人 點樣 衝入 房 ， 韋小寶 又 點樣 跌入 水缸 ， 方怡 同埋 沐劍屏 啊 隔 住 蚊帳 睇 得 清清楚楚 㗎 。
但 係 瑞棟將 韋小寶 喺 水缸 裏 便 捉 出 嚟 ， 即刻 就 畀 韋小寶 殺死 ， 韋小寶 使 嘅 係 咩 嘢 手法 呢 ， 佢 兩個 就 完全 莫名其妙 㗎 。
韋小寶 想 吹 翻 幾句 牛 ， 佢 話 ： 我 ， 哦哦哦 你 你 ， 你 。
原來 佢 自己 聲 都 啞晒 ，講唔出 説話 嚟 ，啱先 死裏逃生 啊 已經 嚇到 佢 六神無主 啊 。
沐劍屏 話 ：謝天謝地 啊 ，你 居然 ，居然 殺咗 呢個 傢伙 。
方怡話 ：瑞棟 外號 鐵掌無敵 ，今晚 打死 我哋 沐王府 三個 兄弟 。
你 同 我哋 報咗 仇 真係 好喇 。
韋小寶 定 翻啲 嘞 ，佢 話 ：佢 ，誒 ，佢 係 鐵掌 無敵 ，就係 敵唔過 我 韋 ，誒 ，我 桂公公 、吾 老公 。
我係 第一流 嘅 武學 高手 ，梗係 唔同啦 。
講完 ，扲 下 瑞 棟 嘅 袋 ，扲 出 一本 寫滿 咗 字 嘅 書 仔 ， 仲有 幾件 公文 添 。
韋小寶 亦 唔識 ，順手 啊 擺埋 一便 ，忽然間 ，碰到 佢 條 腰 後 便 硬邦邦 收埋 啲 咩 嘢 物件 。
噉 用 匕首 割開 佢 件 袍 ，吖 ，見到 係 個 油布 包袱 ，佢 話 ：
係咩 寶貝 啊 收得 咁 好 嘅 ？
噉啊割斷綁實包袱條繩 ，打開個包袱一睇 ，原來包住一部書 ，書面寫住四十二章經五個字 。
呢本 經書 嘅 大小 厚薄 ，同埋 以前 見過 嘅 完全 一樣 ，只不過 封面 呢 ，係 紅 綢 鑲 白 邊 嘅 。
韋小寶 哎吖 一聲 ，連忙 伸手 入去 件 袍 裏 便 ，攞出 喺 康親王府 偷翻嚟 嗰 部 四十二章經 啊 。
好 彩 佢 跳入 水缸 之後 ， 即刻 畀 瑞棟 捉 翻起 ， 只 係 濕 咗 書面 ， 就 冇 濕到 裏 便 㗎 。
噉 兩部 經書 放 喺 枱 ，除咗 封皮 一個 係 紅綢 ，一個 係 紅綢 鑲 白邊 之外 ，冚𠾴 唥 一模一樣 。
到而家為止 ，佢 已經 見到 四部 四十二章經 嘞 ，目前 兩部 喺 太后 處 ，自己 呢 有 兩部 ，個心 諗 ：
經書 裏 便 必定 有 唔少 古怪 嘅 ，可惜 我 又 唔識字 吖 ，如果 叫 小郡主 同 方姑娘 睇下 就 必定 會 明白 嘅 。
但噉樣 一嚟 佢哋 就 睇唔起 我 㗎 嘞噃 。
唔理 咁多 ，拉開 櫃桶 將 兩部 經書 擠入去 。
噉佢又諗嘞 ：先頭 太后 自己 嚟 殺 我 ，佢 係 怕 我 知道 咗 佢 嘅 秘密 洩漏 出去 吖 。
噉 收尾 又 派 呢 個 瑞棟 嚟 殺 我 ， 就 立亂安 我個 罪名 ， 話 我 勾引 刺客 入宮 。
佢 等 一陣 ， 唔 見瑞棟 返去 回報 ， 又 會 再 派 人 嚟 嘞 。
唔得 ，我 要 先 下手為強 ，即刻 向 皇上 告狀 。
捱到天光 ，老子 趯 出去 就 唔 返嚟 喇 。
於是 同方 怡話 ： 我而家 出去 造謠 ， 話 呢 個 瑞棟 呢 同 你 哋 沐 王府 勾結 ， 好 老 ， 誒 好好 ， 誒 ， 方 姑娘 。
佢 本來 想 叫 一聲 好 老婆 嘅 ，但係 局勢 緊急 ，唔能夠 開玩笑 嘞 ，就 改口 叫 佢 做 方姑娘 。
方 姑娘 ， 你 哋 今晚 嚟 皇宮 到底 要 做 咩 啊 ？ 係 咪 想 行刺 皇帝 啊 ？
我勸 你哋 呢 就唔好 行刺 小皇帝 喇 ，太后 呢個 老 舉乸 好 衰 㗎 ，你哋 行刺 佢 就 啱 喇 。
方怡話 ：你既然係自己人 ，同你講 亦唔緊要 。
我哋 係 假冒 吳三桂 個 仔 吳應熊 嘅 手下 ，嚟 皇宮 行刺 皇帝 嘅 。
能夠 得手 固然 係 好啦 ，如果 唔得 ，亦 可以 使到 皇帝 嬲 起上嚟 ，殺咗 吳三桂 啊 。
啊 ，噉啊 ，好啊 。
誒 你哋 用 咩嘢 法子 賴 吳三桂 呢 ？
我哋 嘅 內衣 上 便 留低咗 記號 ，係 平西王府 嘅 部屬 。
有啲 兵器 同 暗器 ，亦 刻住 平西王府 嘅 字樣 。
有 幾件 舊 兵器 ，就 刻住 大明山海關 總兵府 噉 。
噉 做咩 啊 ？
吳三桂 投降 清廷 之前 ，喺 我哋 大明 做 山海關 總兵 㗎 嘛 。
嘩嗨 ，呢條 計策 好 厲害 噃 。
我哋 呢次 入宮 ，估計 必定 會 有人 戰死 殉國 ，噉 衣服 上 嘅 記號 ，就 會 畀 啲 侍衞 發覺 喇 。
如果 被擒 ，初時 就 唔肯 供認 ，等到 畀 佢哋 拷打 得 死去活來 之後 ，先至 供認出 係 受 平西王 嘅 指使 ，嚟 行刺 皇帝 嘅 。
我哋 一 入 宮 ，就 喺 各處 掉低 刻咗 字 嘅 兵器 ，就算 大家 僥倖 能夠 全軍 退回 ，亦 已經 留低 證據 㗎 喇 。
噉 你哋 入宮 ，並 唔係 嚟 救 小郡主 㗎 嘞噃 ？
梗係唔係啦 ，我哋 又唔係 神仙 ，點 知道 小郡主 竟然 會 喺 皇宮 裏 便 唧 ？
誒噉又係 。
啊係喇 ，你 身邊 有冇 刻咗 字 嘅 兵器 啊 ？
有 。
方怡 喺 被 竇 裏 便 攞出 一 把 長劍 ，但係 隻 手 呢 就 冇 力 ，冇法子 將 劍 舉起 。
韋小寶 話 ：哎呀 ，好彩 我 冇 瞓 喺 你 身邊 唧 ，唔係 啊 就 畀 你 一劍 殺 咗 咯 。
方怡 塊面 一 紅 ，睩咗 佢 一 眼 。
韋小寶 接過 把 劍 ，就 放 喺 瑞棟 嘅 屍體 條 腰 處 ，佢 話 ：
我 去 告狀 ， 話瑞棟 呢 ， 係 刺客 一路 嘅 ， 噉 咪 有 證據 囉 ？
方怡 擰擰頭 話 ：你 睇下 劍 上面 刻 嘅 係 咩 嘢 字 。
刻嘅 係 咩嘢 字 啊 ？
係 大明山 海關 總兵府 八 個 字 。
呢 個 瑞棟 係 滿洲 人 ， 唔 會 喺 大明 山海關 總兵 部下 當過 差 嘅 。
啊 ，係噃 。
韋小寶 攞翻 把 長劍 放 喺 床 上 。
噉喺 佢 身上 放 啲 咩 贓物 先至 好 呢 ？
啊 ，啊有喇 ！
佢 將 吳應熊 送 畀 佢 嗰 兩串 明珠 、 一對 翡翠 雞 ， 仲 有 嗰 沓 金 票 都 塞 喺 瑞 棟 嘅 身處 。
佢 知道 金票 係 北京城 嘅 金鋪 發出 嘅 ，吳應熊 派 人 去 買 咗 返嚟 ，只 需要 一 查 金鋪 嘅 店號 就 知道 來源 㗎 喇 。
呢 一次 栽贓 真係 天衣無縫 啊 ，佢 心諗 ：
吳世子 啊 吳世子 ， 老子 啊 條命 緊要 啊 ， 唯有 對 你 唔 住 喇 。
佢 抱起 瑞棟 嘅 屍體 想 移去 花園 裏 便 ，先行咗 一步 唧 ，忽然間 聽見 屋外 便 有 幾個 人 行緊 嚟 。
佢 輕輕 將 屍體 放低 ，只 聽見 外 便 有 個人 話 ：皇上 有 命 ，吩咐 小桂子 前去 侍後 。
韋小寶 好 歡喜 啊 個 心 諗 ：我 正係 擔心 今晚 見唔到 皇上 ，又 會 搞出 事 喇 。
而家 皇上 嚟 叫 我 去 ，嗨噉 就 最好 啦 。
不過 瑞棟 嘅 屍體 就 搬唔出去 喇 。
佢 應咗 一 聲 ：係 ，等 奴才 着好衫 ，即刻 出嚟 。
講完 ， 將瑞 棟 嘅 屍體 輕輕 推入 床下底 。
佢 又 同 小郡主 、同方怡 打咗 幾 嘅 手勢 ，叫 佢哋 瞓 喺 處 ，唔好 逳 。
噉啊 匆匆忙忙 除咗 件 濕 衫 ，換翻 一套 衣服 ，噉 嗰件 黑絲綿 背心 呢 雖然 亦都 濕咗 ，不過 就 唔 除低 喇 。
正話 想 出門 ，心念 一動 ：呢個 姓 方 嘅 姑娘仔 唔係 點 靠得住 嘅 ，咪 喇 。
將 兩部 四十二章經 同埋 大沓 銀票 都 塞 喺 懷裏 便 ，噉 先至 吹熄 蠟燭 出 房 ，但係 呢 ，就 唔 記得 咗 帶埋 師傅 所 畀 嘅 武功 圖本 噃 。
韋小寶 行 出門口 ，見到 四名 太監 企 響處 ，都 係 唔識 嘅 。
為首嘅太監 話 ：桂公公 ，皇上 半夜 三更 都 要 傳 你 去 ，嘖嘖嘖嘖嘖 ，皇上 待 你 啊 ，真係 冇得 講 㗎喇 。
瑞 副總管 呢 ？皇上 傳 佢 同 桂公公 一齊 去 見 駕 喎 。
韋小寶 個 心 一震 ：瑞 副總管 返咗嚟 嘞 咩 ？我 冇 見過 佢 噃 。
嗰個 太監 話 ：係咩 ？噉 我哋 就 快啲 去 啦 。
講完 擰 轉身 ，喺 前 便 帶路 。
韋小寶 個 心 好奇怪 嘞 ：
佢 為咩事 問 我 瑞 副總管 呢 ？
皇上 又 點 知道 瑞 副總管 同 我 喺 一齊 啊 ？
佢 又 諗 ：我 係 副首領 太監 ，職位 就 高過 你好多 嘅 ，噉 你 點解 要 喺 我 前 便 行 啊 你 年紀 都 唔 細 㗎 啦 ，唔通 仲 唔識 宮裏 規矩 ？
就問佢 ：公公 貴姓 啊 ？我哋 往日 好少 見面 。
嗰個 太監 話 ：我哋 呢啲 做 打雜 嘅 桂公公 梗係 唔識 啦 。
韋小寶 話 ： 皇上 派 嚟 傳 我 噉 都 唔 係 打雜 啊 。
正喺度 講緊 説話 ，見 佢 轉左 去咗 西便 ，皇帝 嘅 寢宮 呢 ，喺 東北便 㗎 。
韋小寶 話 ：你 行錯路 喇 。
嗰個 太監 話 ：冇錯到 ，皇上 去 咗 同 太后 請安 ，先頭 有 刺客 嚟 ，怕 嚇親 慈駕 吖 嘛 。
我哋 而家 去 慈寧宮 喇 。
韋小寶 一 聽見 話 去 見 太后 吃咗 一 驚 ，就 停咗 腳步 。
行喺佢後便嗰三名太監 ，有 兩個人 突然間 向旁邊 一分 ，就 企 喺 左右 兩邊 ，四個人 就 將 佢 夾 喺 中間 。
噉就 嚇到 韋小寶 更 驚嘞 佢 個 心 諗 ：
死喇死喇死喇 ，邊度 係 皇上 嚟 叫 我 去 呢 ？分明 係 太后 派 嚟 捉 我 嘅 。
雖然 唔 知道 呢 四個 人會 唔 會 武功 啊 ， 但 係 以 一敵 四 總之 打 佢 唔 贏 ， 一嘈起 嚟 ， 班 侍衛 聽見 聲趕 嚟 噉 仲 走 得 甩 咩 ？
佢 個 心 嘣蹦噉 亂 咁 跳 ，但 佢 仲係 笑 騎騎噉 話 ：
去 慈寧宮 啊 ？好啊 ，太后 每次 見到 我 呢 ，唔係 金銀 就係 糖果糕餅 ，實有 賞賜 嘅 。
皇太后 對待 奴才 就 最好 㗎喇 ，佢 話 我 細佬 哥 為食 喎 ，總係 賞唔少 嘢 畀 我 食嘅 。
講完 ，就 行 去 太后 寢宮 嗰 便 嘞 。
四名太監 見到 佢 聽話 去 慈寧宮 咯 ，就 行翻 一 前三後 嘅 位置 。
韋小寶 話 ：上次 見到 太后 呢 ，真係 好彩 噃 。
太后 話 我 捉咗 鰲拜 ，功勞 好大 ，一賞 就 賞咗 我 五千 兩 金 、二萬 兩 銀 。
我 唔夠力 㗎 嘛 ，邊度 搬得逳 啊 ？
太后 話 ：搬唔逳 ，慢慢 搬 。
小桂子 啊 ， 你 呢 啲 錢 咁 多點 樣使 啊 ？
噉 我 話 ： 回稟 太后 ， 奴才 最 鐘意 結交 朋友 㗎 喇 ， 身邊 有 咗 咁 多 錢 呢 ， 太監 當中 邊個 同 奴才 傾得 埋 嘅 ， 奴才 就 送 啲 畀 佢 哋 。
有錢 大家 使 吖 嘛 。
韋小寶 喺度 亂咁噏 ，個心 就 猛 喺度 諗 點樣 至 甩得身 呢噉 。
佢 後便 嗰個 太監 話 ：邊度 有 賞 咁多 㗎 ？
韋小寶 話 ：哼 ，你 唔信 啊 ？你 睇下 。
講完 ，喺 身邊 扲出 一大沓 銀票 ，有啲 係 五百兩 一張 ，有啲 係 一千兩 ，亦 有 二千兩 嘅 。
喺 燈籠 嘅 火光 映照 之下 ，睇嚟 唔會 係 假 嘅 。
四名 太監 啊 睇到 氣 都 唞唔過 ，都 停住 腳步 嘞 。
韋小寶 揀咗 四張 銀票 佢 笑住 話 ：
皇上 同 太后 不斷 咁 賞 錢 ，我 又 點 使得 晒 唧 ？
嗱， 呢 度 四張 銀票 ， 有 啲 係 二千兩 嘅 ， 有 啲 係 一千兩 嘅 ， 四位 兄弟 撞 下彩數 啦 ， 每個 人 抽 一張 啦 。
四名太監 都係 唔信噃 ，世間上 邊 有 將 幾千 兩 銀 隨手 送畀 人 㗎 ，都 唔去 抽 。
韋小寶話 ：咁多錢 冇地方使 ，有時 啊 真係 唔係 幾過癮 㗎 。
而家 我 去 見 太后 同 皇上 ，又 唔知 要 賞 幾多 銀 畀 我 嘞 。
講完 ，將 銀票 高高噉 舉起 ，打斜 雙眼 就 睇下 四周圍 地形 。
一名太監 笑住 話 ：桂公公 ，你 真係 將 啲 銀票 畀 我哋 啊 ？唔係 開玩笑 㗎 嘛 ？
韋小寶啊 ：有 咩 玩笑 好 開唧 ？
我哋 尚膳 監 裏 便啲 兄弟 ，邊 一個 唔得過 我 一千 幾百 兩 啊 ？
嚟嚟嚟 ，撞下 彩數 ，邊位 兄弟 嚟 抽 先 吖 ？
嗰個 太監 笑喇 ：我 嚟 抽 ！
韋小寶 話 ： 等 陣先 等 陣先 ，嗱， 你 哋 睇 清楚 喇 。
將 四張 銀票 擺 喺 燈籠 火光 下 便 。
四名 太監 啊 見到 果然 都係 一千兩 、二千兩 銀票 ，嘩 ，歡喜 咯 ！
因為 太監 唔 能夠 娶 老婆 生仔 ，又 唔能夠 當兵 做官 ，對於 金銀財物 就 加倍 鐘意 嘅 。
呢 四個 人 雖然 喺 宮中 當差 好 耐 啊 ， 但 係 一千兩 二千兩 銀 嘅 銀票 ， 從來 都 未 見過 㗎 。
韋小寶 舉高 隻 手 ，將 銀票 舞 咗 幾 下 佢 笑住 話 ：好 ，呢位 大哥 嚟 抽 先 。
嗰個 太監 啊 伸手 去 抽 嘞 噃 ，手指 都 仲 未 掂到 銀票 唧 ，韋小寶 一 鬆手 ，四 張 銀票 畀 風吹 咗 去 ，飄飄蕩蕩 ，飛 咗 落 花叢 。
韋小寶 大叫 話 ：哎呀 你 點解 唔 揸緊 啫 ？快啲 去 搶 啦 快啲 去 啦 ，邊個 搶到 ，銀票 就係 佢 嘅 。
四名 太監 啊嗱嗱聲 去 追 。
韋小寶 大叫 話 ： 快 啲 追 啦 快 啲 追 啦 唔 好 畀 佢 飛 走 啊 ， 一便講 ， 一便 個 身 一 矮 ， 就 蜎 咗 入 去 個 假 山洞 。
呢個 山洞 呢 ，佢 早就 睇準 㗎 喇 。
佢 知道 御花園 呢 一帶 假山 好多 ，山洞 連環 曲折 ，蜎 入去 之後 呢 ，一時半時 就 唔 容易 搵到 嘅 。
四名太監 啊 趕住 去 搶 銀票 ，有 兩個人 一人 執到 一張 ，一個人 呢 執到 兩張 ，有 一個 執唔到 。
噉 兩個人 當堂 爭執 起嚟 ，一個 話 ：
桂公公 講 嘅 ，有 邊個 執到 就係 邊個 㗎嘛 兩張 都係 我 嘅 。
一個 話 ：講好咗 一個人 一張 ，快啲 分 一張 嚟 啦 ，我 要 嗰張 一千兩 嘅 就係 喇 。
嗰個人 話 ：咩 一千 兩 啊 ，講得 真係 好聽 喇 ，一兩 都 冇 。
冇 執到 銀票 嗰個人 呢 ，一手 揦住 佢 心口 ：
你 畀 唔 畀 啊 ？ 我 哋 請 桂公公 講下 道理 啦 ， 桂公公 ， 桂 。
一轉身 ，韋小寶 已經 不知 去向 嘞 。
四個人 大吃一驚 喇 一齊 大聲 咁 叫 ，四面 去 搵 嘞 噃 。
冇 執到 銀票 嘅 太監 呢 仲 係 唔 肯 罷休 ，揦 實 執到 兩 張 嗰個 人 件 衫 ，一定 要 佢 分 一 張 畀 自己 。
韋小寶 呢 早就 匿埋 喺 十幾丈 之外 嘅 山洞 裏頭 ，聽 嗰 兩個 人 大聲 咁 嘈 個 心 啊 偷笑 啦 ，佢 諗 ：
我 匿到 天光 ，喺 側門 鬆 人 ，點 都 唔 返嚟 喇 。
呢個 時候 ，只 聽見 一 名 太監 話 ：
太后 吩咐 過 嘅 ，點 都 要 將 桂公公 同 瑞副總統 即刻 傳 去 ，佢 ，佢 ，唉 佢 匿埋 喺 邊處 呢 ？
另外一名太監 話 ：佢 喺 宮裏 便 ，亦 匿唔到 去 邊處 嘅 。
不過 佢 畀 銀票 嘅 事 ，就 唔能夠 講 出去 啊 。
郝 兄弟 ， 你 兩張 銀票 就 分 一張 畀 小勞 啦 ， 唔 係 佢 一定 會 爆出 嚟 ， 大家 都 發 唔 到 財仲弊 添 啊 。
忽然間 聽見 腳步響 ，西便 有 幾個人 行過嚟 ，有個人 話 ：
今晚 宮中 嚟咗 刺客 ，至怕 大家 聽日 都 要 受 處分 喇 。
韋小寶 一 聽 ，就 知道 係 宮中 嘅 侍衞 嘞 。
另外一個人 話 ：只係 望 桂公公 喺 皇上 面前 講 多 幾句 好話 啦 。
又 有 個人 話 ：啊桂公公 年紀 雖然 係 細 咋噃 ，做人 係 真係 夠 交情 ，實在 難得 。
得法喇 ！韋小寶 喺 山洞 裏頭 蜎出嚟 ，低聲 話 ：眾位 兄弟 ，快啲 唔好 出聲 。
行先 嗰 兩個 侍衞 提住 燈籠 細細聲 叫佢 ：桂公公 。
韋小寶 見 呢 班 侍衞 總共有 十五六 人 ，正係 啱先 行過 自己 窗口 嗰 批 人 。
佢 記得 晒 呢班 人 嘅 名 ，佢 話 ：張大哥 ，趙大哥 ，嗰便 四 名 太監 啊 勾結 刺客 ，大家 快啲 去 捉咗 佢 ，捉到 有 功勞 。
跟住 又 叫咗 幾個 人 嘅 名 佢 話 ：赫大哥 ，鄂大哥 ，點咗 呢 四個 人 個 啞穴 先 ，一係 呢 就 打甩 佢哋 嘅 下爬 ，唔好 畀 佢哋 嘈 啊 驚動 皇上 就 唔好 喇 。
班侍衛 聽 講話 四名 太監 啫 ，都 唔 放在心上 ，打個手勢 吹熄咗 燈籠 ，伏低 個身 ，慢慢慢慢 噉 包圍過去 。
嗰 四 名 太監 啊 兩 個 人 喺 山洞 搵 韋小寶 ，兩 個 仲 喺度 爭 銀票 ，都 係 全神貫注 嘅 。
班侍衞 完成咗 包圍 喇 ，一聲 呼嘯 由 四面八方 湧出嚟 ，三四個人 服侍 一個 ，將 四名 太監 啊 撳 咗 喺 地 。
呢啲 侍衞 嘅 武功 啊 唔係 點 高 㗎 啫 ，邊個 都 唔 識 點穴 。
總之 係 用 擒拿手法 ，或者 係 用 手掌 啊 打甩咗 四個人 嘅 下爬 。
四名 太監 啊 擘大個嘴 ，一句 説話 都 講唔出 ，就 不明所以 驚到 極 。
韋小寶 指住 旁邊 一間屋 話 ：拉入去 拷問 。
班侍衛 將 四名 太監 橫拖掂掹 ，拉咗 入去 ，噉 有人 點起 燈籠 高高 噉 舉起 。
韋小寶 喺 當中 坐落 ，班 侍衛 拉 四 名 太監 跪 低 。
嗰 四個人 係 奉咗 太后 之 命 嚟 捉人 嘅 ，點 肯 跪吖 ？
班侍衛 拳打腳踢 ，夾硬 撳低 佢哋 。
韋小寶 話 ：你哋 四個人 先頭 鬼鬼鼠鼠 喺度 爭 咩嘢 啊 ？
話咩 一千兩 係 你嘅 ，二千兩 係 我嘅 ？
又 話 咩 外便 嚟 嘅 朋友 ，呢次 運氣 唔好 喇 ，畀 狗 侍衞 害死 唔 少 噉 。
外便嚟嘅 朋友 係 咩 朋友 啊 ？
點解 叫 侍衞 大人 做 狗 侍衞 ？
班侍衛 一 聽 可惱嘢 啦 ，一腳二腳 就 瘟咁 踢 四個人 嘅 背脊 。
四名 太監 嘅 肚 係 大 叫 冤枉 ，之 又 講 唔出 聲 啊 。
韋小寶 就 話 喇 ：
我 跟住 你哋 後尾 ，聽見 一個 人 話 ：係 我 帶路 嘅 ，嗰 兩 張 銀票 係 佢 畀 我 嘅 點解 要 分畀 你 啊 噉 。
講完 ，對 嗰個 執到 兩張 銀票 嘅 太監 一 指 。
又 指住 嗰個 執唔到 銀票 嘅 太監 話 ：你 呢 就 話 ，大家 一齊 做 呢件 大事 嘅 ，殺頭 抄家 ，罪名 都 係 一樣 嘅 ，點解 唔 分 畀 我 啊 ，唔得 ，一定 要 分 噉 。
指住 另外 一名 太監 話 ：你 呢 就 話 ，赫兄弟 ，你 兩 張 銀票 ，就 分 一 張 畀 小勞 啦 ，唔係 佢 一定 會 爆出嚟 㗎 ，大家 發唔到 財 ，仲 會 殺頭 抄家 添 噃 。
呢句 説話 係 你 講 嘅 係唔係 ？你哋 一齊 做 咩 大事 啊 ？
為咩 有 殺頭 抄家 嘅 罪名 ？又 分 咩 銀票 唔 銀票 啊 ，吓 ？
班侍衞話 ：佢哋 同 刺客 帶路 ，梗係 殺頭 抄家 嘅 大罪 啦 。
至於 分咩 銀票 ，抄下 佢哋 嘅 身 就係 喇 。
一抄 ，即時 就 抄出 嗰 四張 銀票 。
班侍衞 見到 呢 四張 銀票 嘅 數目 咁 大 嘅 都 嘩嘩聲 叫起 上嚟 。
一名 尋常 太監 嘅 月份 銀 呢 不過 係 四 兩 六 兩 ，忽然間 喺 身上 有 咁 大筆 錢 ，邊處 仲 有 假 㗎 ？
嗱 各位 ，欲知 後事 如何 ，且 聽 下回 分解 。
