前 文 再續 啊 書 接上 一回 啊 ， 話 説 一班 宮中 侍 衞 走 嚟 托 韋小寶 大腳 ， 大 讚 韋小寶 使得 。
一名 侍 衞 話 ： 施老六 同埋 熊 老二 殉職 身亡 ， 呢 批 刺客 啊 真 係 兇惡 之 至 啊 。
如果 唔 係 桂公公 ， 又點 對付 得 了 啊 ？
韋小寶 話 ： 喂喂 ， 大家 仲 係 去 保護 皇上 至 緊要 ， 我 呢 處 冇 事 。
有 個人 話 ： 多 總管 率領 咗 二百 幾名 兄弟 ， 親自 喺 皇上 寢宮 守 衞 啊 。
啲 刺客 趯 嘅 趯 殺 嘅 殺 ， 宮裏 便 已經 清淨 晒 喇 。
韋小寶 話 ： 殉職 嘅 侍 衞 ， 我 聽 日 請求 皇上 賞賜 多 啲 撫恤 。
大家 都 辛苦 晒 喇 ， 皇上 必有 重賞 嘅 。
噉 眾 侍衛 好 歡喜 啦 ， 一齊 請安 致謝 。
韋小寶 個心 諗 ： 又 唔 使 我 攞 銀 出 嚟 嘅 ， 點解 唔 做 多 啲 好人 唧 ？ 噉 就 話 ：
各位 嘅 姓名 我記 唔 清楚 喇 ， 請 各位 自己 報 一下 啦 。
皇上 如果 問起 今晚 奮勇 出力 立 咗 大功 嘅 人 ， 噉 兄弟 可以 提一提 吖 嘛 。
眾 侍 衞 更加 歡喜 喇 連忙 報上 姓名 。
韋小寶 記性 係 極之 好 嘅 ， 將 十幾人 嘅 姓名 ， 複述 咗 一次 ， 一 啲 都 冇 錯 ， 噉 佢 話 ：
大家 再 到 各處 巡下 啦 ， 講唔 定 黑暗 隱 僻 嘅 地方 啊 ， 仲有 刺客 匿 埋 啊 。
如果 捉 到 生口 ， 男 嘅 ， 重重 拷打 ， 女 嘅 呢 ， 就 剝光 晒 佢 啲 衣服 做 老婆 。
班 侍 衞 哈哈大笑 ， 一味 咁 話 ： 係 啊 ， 係 啊 ！
韋小寶 話 ： 將 屍體 抬出去 啦 。
噉 眾 侍 衞 應 咗 ， 搶住 搬 抬 屍體 ， 請 咗 安 就 去 嘞 。
韋小寶 閂 翻 埋窗 ， 行過 嚟 ， 掀開 張 棉被 。
小 郡主 笑 住 話 ： 你 呢 個人 啊 真 係 曳 嘅 啫 ， 嚇 咗 我 哋 一 跳 。
哎呀 ！ 只見 被褥 上面 都 係 鮮血 ， 佢 師姐 面色 慘白 ， 呼吸 微弱 。
韋小寶 話 ： 佢 邊 處 受傷 啊 ？ 快 啲 幫 佢 止血 啦 。
嗰 個 女 仔 話 ： 你 ， 你 ， 你 行開 。
小 郡主 ， 我 ， 我 傷 喺 心口 啊 。
韋小寶 見 佢 流血 流 得 極 多 ， 怕 佢 傷 重 身 死 ， 唔 敢 再 撩 佢 嘞 ， 噉 啊 擰 歪塊 面話 ：
傷口 流血 有 咩 好 睇 唧 ？ 你估 西洋鏡 萬花筒 咩 ？
小 郡主 ， 你 有 冇 傷藥 啊 ？
小 郡主 話 ： 我 冇 啊 。
韋小寶 話 ： 臭妹 釘 身邊 有 冇 吖 ？
嗰 個 女 仔 話 ： 冇 ， 你 ， 你 先 係 臭妹 釘 啊 。
只 聽見 衣服 嘶 嘶 沙沙 ， 小 郡主 又 解開 嗰 個 女 仔 嘅 衣服 。
忽然間 大驚 噉 叫 ： 哎呀 ， 點 ， 點算 啫 ？
韋小寶 捩 轉頭 一睇 ， 見 嗰 個 女 仔 右乳 下 便 ， 有個 兩寸 幾 長 嘅 傷口 ， 鮮血 仲 喺 度 猛 咁 流 。
小 郡主 係 手足無措 ， 喊 喇 ： 你 ， 你 ， 你 快 啲 救 我 師姐 啦 。
嗰 個 女 仔 又 驚 又 醜 ， 聲 都 震 晒 話 ： 唔 ， 唔 好 ， 唔 好 畀 佢 睇 。
韋小寶 話 ： 呸 ！ 我 先 至 唔 稀罕 喇 。
之 見到 佢 血流 不止 亦 不禁 慌 嘞 ， 四圍 睇 下 ， 想 搵 啲 棉花 布片 幫 佢 塞住 傷口 啦 。
一 擸 眼 ， 見到 藥缽 裏頭 有 大半 缽 蓮蓉 豆蓉 蜜糖 珍珠 糊 ， 嘿 ， 佢 歡喜 喇 ： 我 呢 啲 靈丹妙藥 啊 ， 止血 就 最 啱 喇 。
𢳂 起 一大 𢳂， 抹 喺 佢 傷口 上 便 。
呢 種蜜糊 啊 黏性 好 緊要 嘅 ， 黏住 啲 傷口 血 就 停 嘞 。
韋小寶 將藥 缽 裏頭 嘅 蜜 糊 ， 都 敷 晒 上去 佢 傷口 ， 噉 自己 手指 上 便 呢 亦 都 係 蜜糊 。
見到 佢 心口 ， 呢 個 小 頑童 惡作劇 嘅 心 又 起 嘞 ， 一 反手 ，冚𠾴唥 都 抹 喺 佢 乳房 上 便 。
嗰 個 女 仔 又 醜 又 嬲 ， 大叫 話 ： 小 ， 小 郡主 ， 快 啲 ， 快 啲 同 我 殺 咗 佢 。
小 郡主 解釋 喇 ： 師姐 ， 佢 同 你 醫 傷 吖 嘛 。
嗰 個 女 仔 激 到 啊 爭 啲 暈 咗 ， 不過 佢 唔 逳 得 啊 。
韋小寶 話 ： 你 快 啲 點 咗 佢 穴道 啦 ， 唔 准 佢 亂講 亂 逳， 否則 流血 不止 ， 性命交關 喇 。
小 郡主 哦 噉 應 咗 佢 ， 就點 咗 嗰 個 女 仔 小腹 、 小掩 、 腿 上 幾處 穴道 。
佢 話 ： 師姐 ， 你 唔 好 亂 逳 啊 。
呢 個 時候 ， 佢 自己 隻 腳 斷 嗰 處 呢 亦 都 痛 得 不可開交 ， 眼淚 水 都 混晒擎 喇 。
韋小寶 話 ： 你 都 瞓 喺 處 唔 好 逳 啊 。
記得 細 時 喺 楊 州 同 流氓 仔打交 ， 有 個人 係 跌斷 咗 手 ， 跌打 醫生 啊 用 夾板 將 斷手 夾住 ， 用 草藥 嚟 敷 。
得 ！ 即刻 拔出 匕首 ， 斬 咗 兩隻 凳腳 ， 喺 佢 斷腳 嘅 地方 夾住 ， 用繩 綁緊 ， 個心 諗 ： 呢 傷藥 去 邊處 搵 呢 ？
諗 一 諗 ， 有 主意 喇 ， 噉 對 小 郡主 話 ：
你 哋 瞓 喺 張 床 處 千 祈 唔 好 出 聲 噃。
噉 啊 放低 蚊帳 ， 吹熄 咗 蠟燭 ， 拉開 門閂 就 出門 嘞 。
小 郡主 驚 喇 ： 你 ， 你 要 去 邊處 啊 ？
去 攞 藥 醫 你 隻 腳 吖 嘛 。
噉 你 快 啲 返 嚟 噃。
得 喇 ， 得 喇 。
聽小郡 主講 説 話 嘅 語氣 ， 竟然 係 將 自己 當成 係 大 靠山 ， 嘿好 得意 啊 。
佢 反手 掩翻 埋 道門 ， 一 諗 ： 唔 妥當 ， 又 推開 道門 入去 ， 上 咗 門戌 ， 喺 窗口 跳出去 ， 噉 啊 閂 翻 埋道 窗 。
噉 樣 一 嚟 ， 宮中 除 咗 太后 、 皇上 ， 噉 啊 邊個 都 唔 敢 擅自 入 佢 間 屋 嘞 。
佢 行 咗 十幾步 ， 只 覺得 條腰 處 呢 隱隱作痛 ， 個心 諗 ：
皇太后 呢 個 老舉 乸 落 毒手 打 我 ， 如果 宮內 再 住 落 去 ， 老子 條命 啊 遲早 都 難保 咯 ， 仲 係 盡 早 鬆 人 為 妙 喇 。
佢 一 字 諗 一 字 向 有 火光 嘅 地方 行 過去 ， 去 到 喇 ， 見 係 幾名 侍 衞 喺 度 巡邏 。
一 見到 係 韋小寶 ， 就 搶 住 迎上去 。
韋小寶 問 ： 宮裏 頭 嘅 侍衛 兄弟 有 幾 多個 受傷 啊 ？
一個 人 話 ： 回 公公 ， 有 七八 人 重傷 ， 十四五個 輕傷 。
喺 邊 處 醫 啊 ？ 帶我去 睇 下 。
班 侍衛 一齊 話 ： 公公 關心 侍 衞 兄弟 ， 大家 冇 一個 唔 感激 啊 真 係 。
於是 兩名 侍 衞 帶路 ， 帶住 韋小寶 去眾 侍 衞 駐守 嘅 宿 衞 值班 房 嘞 。
二十幾名 受傷 嘅 侍 衞 瞓 喺 廳 處 ， 有 四名 太醫 ， 喺 度 同 眾 人 醫治 就 忙 到 不亦樂乎 。
韋小寶 行 前去 慰問 ， 猛 咁 誇獎 眾人 ， 為 咗 保護 皇上 奮不顧身 ， 英勇 殺敵 ， 仲 逐個 詢問 傷者 嘅 姓名 。
班 侍衛 當堂 精神百倍 啊 ， 似乎 傷口 都 唔 係 點痛 嘞 。
韋小寶 問 ： 呢 啲 反賊 到底 係 邊 一路 㗎 啫 ？ 係 咪 鰲拜 手下 啊 ？
一名 侍 衞 話 ： 似乎 係 漢人 噃。
唔 知捉 到 活口 冇 呢 ？
韋小寶 一方面 詢問 啲 侍 衞 同 刺客 格鬥 嘅 情形 ， 一方面 呢 ， 就 留心 睇 住 太醫 用藥 。
班 侍衛 有 啲 係 受 咗 刀槍 外傷 ， 有 啲 係 受 咗 拳 掌 內傷 ， 又 或者 係 斷骨 挫傷 。
韋小寶 話 ： 啊 呢 啲 傷藥 我 身邊 都 要 準備 一 啲 至 得 ， 如果 宮中 侍 衞 兄弟 受 咗 傷 ， 嚟 唔 切 請 太醫 嘞 ， 我 可以 先 同 大家 醫住 先 吖 嘛 。
哼 ， 呢 啲 刺客 啊 窮兇極惡 ， 天 咁 大個 膽 噃， 今日 唔 能夠 一網打盡 啊 難保 以後 唔 會 再 嚟 啊 。
幾名 侍 衞 都 話 ： 桂公公 體恤 侍 衞 兄弟 ， 真 係 想 得 周到 嘞 。
韋小寶 話 ： 啱 先 我 受 咗 三名 刺客 圍攻 ， 我 殺 咗 一名 ， 另外 兩個 傢伙 啊 逃走 咗 。
不過 我條 後腰 呢 都 畀 刺客 重重 打 咗 一掌 ， 呢 陣時 啊 仲痛 啊 。
個心 諗 ： 老舉 乸 嚟 行刺 老子 唔 通 佢 唔 係 刺客 咩 ？ 吖 老子 呢 一次 冇 講 大話 噃。
四名 太醫 一聽 ， 連忙 放低 班 侍 衞 一齊 過 嚟 ， 解開 佢 件 袍 睇 下 。
果然 條腰 處 呢 有 好 大 一塊 青黑色 ， 噉 啊 即刻 調藥 同 佢 外敷 內服 。
韋小寶 叫 太醫 將 各種 傷 藥都 包 咗 一 大包 帶走 ， 又 問明 咗 外敷 內服 嘅 用法 ， 再 攞 咗 兩塊 敷傷 用 嘅 夾板 。
又 誇獎 一陣 慰問 一陣 ， 噉 先至 離開 。
話 説 韋小寶 返到 自己 間屋 ， 先 不 先 喺 窗外 便 聽 下 先 ， 房裏 便並 冇 動靜 喇 ， 就 低聲 話 ： 小 郡主 ， 我返 嚟 喇 。
佢 怕 貿貿然 擒入 窗 ， 畀 個 女 仔 斬 一刀 刺 一劍 ， 噉 就 弊 傢伙 喇 。
小 郡主 聽見 就 話 喇 ： 唉 ， 我 等 咗 你好 耐喇 。
韋小寶 擒入 去 ， 閂 翻 埋窗 ， 點着 蠟燭 ， 掀開 蚊帳 ， 見 嗰 兩個 少女 一拍 噉 瞓 響 處 。
嗰 個 女 仔 同 佢 目光 一 接觸 ， 即刻 就 眯 翻 埋 雙眼 。
小 郡主 呢 就 擘 大 雙眼 ， 眼神 啊 好 欣慰 。
韋小寶 話 ： 小 郡主 ， 我同 你 敷藥 啦 。
小 郡主 話 ： 唔 使 喇 ， 醫我 師姐 先 。
唔 該 你 將傷藥 畀 我 ， 我 同 佢 敷 啦 。
韋小寶 話 ： 咩 你 你 你唧 ？ 叫 都 唔 叫 一聲 。
噉 你 到底 叫做 咩 嘢 名 吖 ？ 我 聽 佢 哋 叫 你 做 桂公公 嘅 。
桂公公 係 佢 哋 叫 嘅 ， 噉 你 叫 我 咩 嘢 吖 ？
我個 心 ， 心裏 便 可以 叫 你 做好 ， 好 哥哥 。
不過 個 嘴 一味 噉 叫 ， 噉 就 ， 噉 就 ， 噉 就 唔 係 ， 唔 唔 係 點好 喇 。
好 ，嗱 我 哋 通融 一下 ， 有人 喺 側 跟 嘅 時候 呢 ， 我 叫 你 做 小 郡主 ， 你 叫 我 桂大哥 。
冇 人 嘅 時候 ， 我 叫 你好 妹妹 ， 你 叫 我 好 哥哥 。
小 郡主 都 仲未 應 佢 ， 嗰 個 女 仔 擘 大 雙眼 話 ： 小 郡主 ， 骨痺 到 死 啊 ， 佢 攞 你 便宜 啫 嘛 ， 唔 好聽 佢 嘅 啫 。
韋小寶 話 ： 哼 ！ 又 唔 係 要 你 叫 ， 你理 咁 多 閒事 做 咩 啊 ？ 你 就 叫 我 做好 哥哥 我 都 唔 䎺 啊 。
小 郡主 問 ： 噉 你 要 佢 叫 你 做 乜嘢 吖 ？
除非 佢 叫 我 做好 老公 、 老公 仔 噉 啦 。
嗰 個 女 仔 塊 面 一 紅 ， 跟 住 就 周身 唔 開胃 噉 話 ：
你 想 做人 哋 老公 呀 ， 來世 投 過 胎 啦 。
小 郡主 話 ： 哎呀 好 喇 好 喇 ， 你 兩個 又 唔 係 前世 冤家 ， 點解 一 見面 就 嘈 呢 ？
桂大哥 ， 唔 該 你 畀 啲 傷藥 我 啦 。
韋小寶 話 ： 我 先 嚟 同 你 敷藥 。
掀開 張 被 ， 卷起 小 郡主 條褲 ， 拆開 愛 嚟 做 夾板 嘅 凳 腳 ， 將跌 打傷 藥 敷 喺 小腿 斷骨 嘅 地方 ， 然後 將 攞 嚟 嘅 夾板 夾住 ， 綁緊 。
小 郡主 啊 一味 咁 多謝 ， 好 誠懇 。
韋小寶 話 ： 我 老婆 叫做 咩 嘢 名 啊 ？
小 郡主 打個 特 嘞 ： 你 老婆 ？
見 韋小寶 對 嗰 個 女人 努一 努嘴 ， 就 微笑 話 ：
你 就 鐘意 講笑 ， 我 師姐 姓方 ， 個 名叫 做 。
嗰 女 仔 急 嘞 ： 你 唔 好 同 佢 講 啊 。
韋小寶 聽見 佢 姓 方 ， 即刻 就 想起 沐 王府 中 劉白芳 蘇四 大家 將 嘞 ， 佢 就 話 ：
佢 姓 方 吖 嘛 ， 我 當然 知道 啦 。
咩 嘢 聖手 居士 蘇岡 啊 ， 白氏雙 木 白寒松 、 白寒楓 啊 ， 都 係 我 嘅 親戚 。
小 郡主 同 嗰 個 女 仔 ， 聽 住 佢 講到 蘇岡 同白氏 兄弟 嘅 名 都 非常 驚奇 。
小 郡主 話 ： 點解 ， 點解 佢 哋 都 係 你 嘅 親戚 嘅 ？
韋小寶 話 ： 劉白方 蘇四 大家 將 ， 我 哋 當然 係 親戚 啦 。
小 郡主 更加 奇怪 喇 ： 真 係 想 唔 到 啊 。
嗰 個 女 仔 話 ： 小 郡主 ， 唔 好 信 佢 亂 咁 噏 唧 。
呢 個 細路 啊 曳 到 死 ， 佢 唔 係 我 親戚 啊 ， 有 呢種 親戚 啊 就 衰咯 。
韋小寶 哈哈大笑 ， 將傷 藥交 畀 小 郡主 ， 喺 佢 耳 仔 邊 細細 聲話 ：
好 妹妹 ， 你 靜靜 同 我講 ， 佢 叫做 咩 嘢 名 啊 ？
但 係 兩個 少女 一拍 噉 瞓 響 處 ， 韋小寶 講得 雖然 係 細聲 啊 ， 仲 係 畀 嗰 個 女 仔 聽見 嘞 ， 佢 話 ： 唔 好講 。
韋小寶 話 ： 唔 講都 可以 ， 但 係 我 就要 啜下 你 嘅 嘴 ， 先 喺 呢 便 塊 面 呢 錫 一 錫 ， 再 喺 嗰 便 塊 面 呢 又 錫 一 錫 ， 然後 啜 一個 嘴 。
你 到底 鐘意 啜下個 嘴 呢 ， 定 係 鐘意 講個 名出 嚟 我 聽 吖 ？
我估 呢 你 一定 係 鐘意 啜嘴 喇 。
喺 燭光 之下 見到 嗰 女 仔 容顏 艷麗 ， 個 鼻 呢 就 聞到 一陣陣 女 仔 嘅 體香 。
嘩 ， 個心 啊 好 歡喜 ， 佢 話 ： 原來 你 真 係 香 嘅 ， 噉 啊 真 係 要 好好 錫 一錫喇 。
嗰 個 女 仔 呢 冇 法子 逳 得 ， 畀 佢 激 到 呢 鼻 哥 窿 出 煙 。
好 彩 佢 年紀 細 ， 啱 先 聽 咗 班 侍 衞 講 ， 又 知道 佢 係 個 太監 ， 只不過 係 口頭上 頑皮 胡鬧 ， 唔 會 有 咩 真正 非禮 嘅 行 為 嘅 ， 所以 呢 亦 都 唔 係 幾驚 。
見 佢 將 個 口 哄 埋 嚟 真 係 要 啜 嘴 嘞 ， 連忙 話 ： 講啦講 啦 ， 講 畀 呢 個 衰仔 聽 啦 。
小 郡主 笑 咗 一 笑話 ：
我 師姐 姓方 ， 單名 一個 怡字 ， 豎心邊 一個 台 字 嗰 個 怡 啊 。
韋小寶 根本 唔 知道 個怡字 點樣 寫法 ， 噉 啊 求 其岌一岌頭 話 ：
嗯 ， 呢 個 名 馬馬虎虎 啦 亦 唔 算 係 點 好 嘅 。
小 郡主 ， 你 係 叫做 咩 名 啊 ？
小 郡主 話 ： 我 叫做 沐劍屏 ， 係 屏風 嗰 個 屏 噃， 唔 係 浮萍 個萍 啊 。
韋小寶 梗 係 唔 知道 呢 兩個 字 有 咩 區別 啦 ， 佢 就 話 ： 呢 個 名 呢 就 比較 好 一 啲 ， 不過 亦 唔 係 第一流 嘅 。
方怡話 ： 你 個 名 一定 係 第一流 㗎 啦 ， 你 嘅 尊姓大名 又 唔 知 點樣 好法 呢 ？
韋小寶 一 窒 ， 個心 諗 ：
我 嘅 真 姓名 唔 能夠 講 嘅 ， 小桂子 呢 個 名 似乎 亦 冇 咩 精彩 吖 。
噉 佢 話 ： 我姓 吾 ， 喺 宮裏 便 做 太監 大家 叫 我 做 吾 老公 。
方怡 冷笑 一聲 話 ： 吾 老公 吾 老公 ， 呢 個 名 啊 真 係 。
講到 呢 處 ， 一下 醒起 原來 上 咗 佢 大 當 嘞 ， 佢 話 ： 呸 ！ 你 亂講 。
小 郡主 沐劍屏 話 ： 你 又 呃 人 嘞 ， 我 聽見 佢 哋 叫 你 做 桂公公 ， 唔 係 姓 吾 嘅 。
韋小寶 話 ： 男人 啊 叫 我 做 桂公公 ， 女人 呢 都 叫 我 做 吾 老公 嘅 。
方怡話 ： 我 知道 你 叫做 咩 嘢 名 喇 。
韋小寶 微微 一驚 喇 佢 話 ： 你點 知道 㗎 ？
方怡話 ： 我梗知 啦 ， 我 知道 你 姓 亂 ， 名 噏 ， 字無為 咯 。
韋小寶 哈哈大笑 啊 ， 見到 方怡講 咗 一輪 嘢 ， 呼吸 又試 急促 起 嚟 嘞 ， 佢 就 話 ：
好 妹妹 ， 你 同 佢 敷藥 罷啦 ， 唔 好 痛死 咗 佢 啊 。
我 吾 老公 就 得 噉 樣 一個 老婆 咯 ， 呢 個 老婆 一死 咗 啊 ， 第二個 我 就 娶 唔 起 喇 。
沐劍屏 話 ： 師姐 話 你 亂 噏 無為 真 係 冇 錯 㗎 。
噉 放低 蚊帳 ， 掀開 被 ， 同方 怡 敷藥 ， 噉 佢 問 ：
韋大哥 ， 你 先頭 同 佢 敷 嘅 止血藥 點算 啊 ？
韋小寶 話 ： 啲 血止 咗 未 吖 ？
止住 喇 。
原來 蜜糖 呢類 嘢 都 有 止血 嘅 功效 嘅 ， 黏性 又 好 ， 噉 黏住 咗 傷口 呢 竟然 唔 再 流血 。
至於 蓮蓉 豆蓉 等等 嘅 嘢 啊 ， 雖然 冇 乜 藥效 咯 ， 但 堆 喺 傷口 上 便 呢 ， 亦 有 阻血 外流 之 功效 嘅 。
韋小寶 話 ： 噉 將呢 啲 止血藥 輕輕 刮 咗 佢 ， 再 敷上 傷藥 就 得 喇 。
哦 。
就 喺 呢 個 時候 ， 忽然間 聽見 門外 有人 行近 ， 有 個人 高聲 話 ：
韋 公公 ， 你 瞓 咗 未 啊 ？
韋小寶 話 ： 瞓 咗 啦 ， 係 邊 一位 啊 有事 聽日 先 再講 啦 。
門外 嗰 個人 話 ： 下官 瑞棟 啊 。
韋小寶 吃 咗 一驚 ： 吓 ？ 係 瑞 副 總管 駕到 啊 ？ 唔 知 ， 誒 唔 知有 咩 嘢 事 呢 ？
瑞棟 係 御 前 侍 衞 嘅 副 總管 ， 韋小寶 平時 同埋 班 侍 衞 傾 閒 偈 ， 各人 都贊 呢 位瑞 副 總管 武功 極之 犀利 。
只 係 低於 御前 侍 衞 總管 多隆 一級 唧 ， 係 侍衛 隊 裏頭 一個 極之 了不起 嘅 人物 。
佢 近年 嚟 經常 喺 外 便 公幹 ， 韋小寶 呢 就 未 見過 㗎 。
瑞棟 話 ： 下官 有件 急事 ， 想同 公公 商量 ， 唔 好意思 嘈醒 咗 桂公公 安睡 。
韋小寶 諗 ： 佢 半夜三更 走 嚟 做 咩 嘢 呢 ？
啊 ， 一定 係 知道 我 屋企 收藏 咗 刺客 走 嚟 搜查 ， 哎呀 噉 點好 啊 ？
我 如果 唔 開門 ， 睇 嚟 ， 佢 會 夾 硬 衝入 嚟 嘅 。
呢 兩個 姑娘 仔 又 受 咗 傷 ， 趯 都 嚟 唔 切 啦 。
唯有 隨機應變 ， 呃 翻 佢 出去 就 係 喇 。
只 聽見 瑞棟 又 話 ：
呢 件 事情 關係 重大 ， 否則 亦 唔 敢 嚟 打擾 公公 瞓覺 。
韋小寶 話 ： 好 ， 我 嚟 開門 嘞 。
蜎 個頭 入 蚊帳 低聲 話 ： 千祈 唔 好 出 聲 啊 。
交帶 完 ， 佢 行 出外 房 ， 戌 翻 道門 ， 硬起 頭皮 打開 大門 。
只見 門外 企住 一條 大漢 ， 身材 魁梧 ， 自己 頭 殼頂 ， 仲未 到 佢 條 頸 咁 高 ，
瑞棟 拱手 話 ： 真 係 騷擾 晒 嘞 。
韋小寶 話 ： 唔 緊要 ， 唔 緊要 。
噉 仰起 頭睇 下 佢 嘅 面色 。
只見 佢 塊 面 既 無 笑容 ， 亦 無 憤怒 ， 都 唔 知 佢 心事 點 嘅 ， 就問 ：
瑞副 總管 有 咩 緊要 事 啊 ？
不過 呢 冇 請 佢 入 屋 。
瑞棟 話 ： 啱 先奉 咗 太后 懿旨 ， 話 今晚 有 刺客 闖宮 犯駕 ， 大逆不道 ， 吩咐 我 嚟 搵 桂公公 查問 明白 啊 。
韋小寶 一 聽到 太后 懿旨 四個 字 ， 就 知道 大事 不妙 喇 ， 佢 話 ：
冇 錯 喇 ， 我 亦 都 要 搵 你 查問 個 明白 喇 。
先頭 我 去向 皇上 請安 ， 皇上 就 話 ： 瑞棟 呢 個 奴才 呢 真 係 大膽 喇 ， 佢 一 返 到 嚟 宮 ， 哼哼 ！
瑞棟 大吃一驚 ， 連忙 問 ： 皇上 仲講 咩 啊 ？
韋小寶 同 佢 胡言亂語 ， 本來 係 想 拖延 時刻 想法子 甩身 趯 佬 嘅 。
見 一句 説 話 就 氹 到 佢 上 鈎 嘞 ， 噉 跟 住 就 亂 噏 嘞 噃：
皇上 吩咐 我 天光 之後 ， 即刻 就 搵 班 侍 衞 探聽 ， 到底 瑞棟 呢 個 奴才 勾引 刺客 入宮 ， 係 受 咗 邊個 指使 ？ 有 咩 陰謀 ？ 同黨 仲有邊 啲 人 ？
瑞棟 更加 驚 嘞 ：
皇 ， 皇上 點樣 講 ， 都 ， 話 話 係 我 勾引 刺客 入宮 啊 ？
係 邊個 奸徒 向 皇上 亂講 啊 ？ 噉 ， 噉 真 係 ， 真 係 天大 嘅 冤枉 啊 。
韋小寶 話 ：
皇上 吩咐 我 靜靜 查明 查白 又 話 ， 呢 件 事 呢 ， 如果 畀 瑞棟 呢 個 奴才 聽到 風聲 ， 就 必定會 嚟 殺 你 嘅 你 要 因 住 啊 噉 。
我話 ： 皇上 望安 ， 估 係 瑞棟 呢 個 奴才 呢 就算 有 天大 嘅 膽 ， 亦 決 唔 敢 喺 宮中 行兇殺人 嘅 。
皇上 話 ： 哼 ！ 噉 又 未必 啊 。
呢 個 奴才 膽敢 勾引 刺客 入宮 ， 要 不利於 我 ， 噉 仲有 咩 嘢 事 做 唔 出 啊 噉 。
瑞棟 急 嘞 ： 你 ， 你 ， 你 亂講 ， 我 冇 勾引 刺客 入宮 啊 。
皇上 ， 嗯 ， 皇上 唔 會 亂 咁 冤枉 好人 嘅 。
今晚 我 親手 打死 三名 刺客 ， 好多 侍 衞 兄弟 都 親眼見到 嘅 。
皇上 大 可以 叫 佢 哋 去 查問 喇 。
講完 ， 額頭 爆起 晒 青筋 ， 雙手 揸 實 拳頭 ， 緊張 到 不得了 。
韋小寶 話 ： 噉 樣講 ， 嗰 啲 刺客 唔 係 你 勾引 入宮 㗎 喇 。
梗 係 唔 係 啦 ， 太后 親口 話 ， 係 你 勾引 入 宮 嘅 。
太后 吩咐 我 唔 好聽 你 花言巧語 ， 一掌 打死 就算 嘞 。
係 喇 ， 睇 嚟 你 同 我 兩個 人 都 係 受 咗 奸人 嘅 誣告 。
瑞棟 總管 ， 你 唔 使 擔心 㗎 ， 我 去 同 皇上 幫 你 分辯 下 。
只要 確實 唔 係 你 勾引 刺客 嘅 ， 皇上 嘅 年紀 雖然 係 細唧 ， 不過 十分 英明 ， 對 我 呢 又 十分 信任 。
呢 件 事 啊實 能夠 水落石出 嘅 。
瑞棟 話 ： 好 ， 多謝 晒 你 ， 而家 你 就 同 我 去 見 太后 啦 。
韋小寶 話 ： 三更半夜 去 見 太后 做 咩 嘢 啊 ？
我仲 係 趁早 去 見 皇上 好 ， 至怕 而家 ， 已經 有人 奉旨 嚟 捉 你 喇 。
瑞棟 總管 嗱 我 同 你 講 吖 ， 啲 侍衛 嚟 捉 你 呢 ， 你千祈 唔 好 抵抗 噃， 如果 拒捕 啊 ， 罪名 就 唔 容易 洗 甩 嘞 。
瑞棟 塊 面 啲 肌肉 不停 咁 震動 ， 佢 發 惡 話 ：
太后 話 你 最 鐘意 亂 噏 無為 ， 真 係 冇 錯 。
我 又 冇 犯罪 ， 點解 要 拒捕 啊 ？ 你 跟 我 去 見 太后 啦 。
韋小寶 個身 一側 ， 低聲 話 ： 你 睇 ， 捉 你 嘅 人 嚟 喇 。
瑞棟 面色 都 變晒 ， 擰 轉頭 去 睇 下 。
韋小寶 一 轉身 ， 就衝 咗 入 去 房間 。
瑞棟 擰 轉頭 見後便 冇 人 ， 知道 上當 喇 ， 即刻 追入 房 ， 伸手 去 揦 韋小寶 。
其實 韋小寶 一輪 恐嚇 ， 嚇 到 瑞棟 個 心 呢 十分 驚 啊 。
如果 韋小寶 堅持 要 去 見 皇帝 ， 瑞棟 呢 多數 唔 敢 夾硬 攔阻 嘅 。
但 係 韋小寶 房裏 便 收埋 兩個 女仔 ， 其中 有 一個 呢 ， 的的確確 係 入宮 嚟 犯 駕 嘅 刺客 ， 噉 以 為 事情 已經 敗露 。
先頭 太后 呢 又 曾經 親自 嚟 攞 佢 條 命 ， 噉 邊度 敢 去 見 皇帝 分辯 啦 。
呃 到 瑞棟 一 擰 轉頭 ， 即時 就 趯 入房 ， 一心 盼望 能夠 由 窗口 逃走 。
佢 諗 住 御花園 裏頭 啊 到處 係 假山 花叢 ， 夜 麻麻 匿 埋 上 嚟 ， 就 唔 容易 捉 到 佢 嘅 。
估 唔 到 瑞棟 身手 敏捷 ， 韋小寶 啱 啱 入 咗 房門 唧 ， 佢 就 追 住 入 嚟 嘞 。
嗱 各位 ， 欲知 後事 如何 ， 且 聽 下回分解 。
