前 文 再續 啊 書 接上 一回 啊 ， 話 説 康親王 叫 侍從 攞 咗 二十隻 銀元寶 嚟 。
康親王 啊 笑住 話 ：
眾位 武師 露咗 功夫 ，應該 有 個 彩頭 嘅 。
呢位 朋友 ，請 過嚟 搦 啲 元寶 去 啦 。
嗰個 瘦佬 行 上前 ，請咗 個 安 ，接咗 康親王 一隻 元寶 。
韋小寶 問 佢 ：朋友 你 貴姓 啊 ？大號 叫做 咩 呢 ？
嗰個 瘦佬 話 ：小人 齊元凱 ，多蒙 大人 垂問 。
你 武功 好高 啊 。
使 大人 笑話 喇 。
多隆 話 ：康王爺 府裏 便 嘅 武師 果然 身負 絕藝 。
我哋 亦 好 想 見識 下 平西王 手下 武師 們 嘅 功夫 。
小王爺 ，你 揀 個人 出嚟 ，同 呢位 齊師傅 過 下 招 呢 好嘛 ？
佢 見到 吳應熊 沉 沉吟 吟 未 開口 ， 佢 又 話 ： 噉 當然 係 點到 為止 啦 ， 唔 能夠 傷 咗 大家 和氣 嘅 。
誰 勝 誰 敗 都 唔 緊要 。
康親王 係 個 十分鐘 意 熱鬧 嘅 人 ， 佢 話 ：
多 總管 呢個 主意 好好 啊 。
叫 雙方 嘅 武師 切磋 一下 ，贏 嘅 ，賞 兩隻 大元寶 ，唔 贏 嘅 呢 亦 有 一隻 。
將 元寶 擠 喺 枱面 啦 。
噉 一盤 十九 隻 大元寶 ，放 喺 酒席 前 便 ，燭光 映照 ，銀光 啊 襯 以 紅綢 就 更加 燦爛 嘞 。
康親王 笑住 話 ：敝處 ，仍然 由 呢位 齊元凱 師傅 出手 ，平西王府 唔知 係 邊位 師傅 落場 呢 ？
大家 都 係 興高采烈 ，睇住 吳應熊 手下 嗰 十六 名 隨從 。
大家 都 知道 啊 ，雖然 係 武師 一對一 嘅 比武 ，實質上 呢 係 康親王 同 平西王 兩 處 王府 嘅 賭賽 。
呢個 瘦佬 齊元凱 啱先 露咗 呢手 功夫 ，佢 嘅 武功 確係 使得 ，恐怕 雲南 啲 武士 ，未必 有人 敵得過 佢 啊 。
吳應熊 仲 係 沉沉吟吟 未 回答 。
佢 手下 十六 個 人 當中 ，有 個 人 企 出嚟 ，向 康親王 躬身 話 ：
啓稟 王爺 ，小人們 武藝 低微 ，決 唔 係 王爺府上 呢啲 師傅 嘅 對手 。
我哋 跟埋 世子 嚟 北京 ，只係 服侍 世子 嘅 起居 飲食 。
平西王 吩咐 過 ，決 不可 得罪 京城 啲 王爺 大臣 嘅 侍從 。
呢啲 係 平西王 嘅 將令 ，小人們 決 不 敢 違犯 。
康親王 就 笑住 話 ：平西王 真係 小心謹慎 到 極喇 。
今日 只係 演 一演 武藝 啫 又 唔 係 打交 鬧事 。
如果 你哋 王爺 問起 ，就 話 係 我 一定 要 你哋 出手 嘅 就係 喇 。
嗰個人 又 躬身 話 ：王爺 恕罪 ，小人 不敢 奉命 。
康親王 個 心 有 啲 嬲 嘞 佢 諗 ：
你嘅 心裏 便 就 只有 平西王 ，唔 將 我 康親王 放在 眼內 ，哼 ！
至怕 就 係 皇上 下旨 你 亦 唔 聽 。
佢 話 ：唔通 人哋 用 拳頭 打 喺 你哋 嘅 身上 ，你哋 亦 唔 還手 咩 ？
嗰 個人 話 ： 小人 喺 雲南 時時 聽 人 講 ， 天子 腳下 文武百官 、 軍民 人 等 ， 個個 都 好 講道理 。
我哋 係 遠地邊疆 嘅 鄉下人 ，嚟到 京城 萬事 退讓 ，講 乜嘢 都 唔敢 得罪 人哋 嘅 ，睇 ，嚟 人哋 無 𪐀𪐀 亦 唔會 打 我哋 嘅 。
呢 個人 身材 魁梧 ， 神情 精幹 ， 言辭 又 鋒利 。
噉呢 幾句 説話 一 講 ，如果 康親王 一定 要 叫 手下 武師 挑釁 呢 ，似乎 係 唔 講 道理 嘞 。
康親王 越加 嬲嘞 ，佢 話 ：神照上人 、齊師傅 ，佢哋 雲南 嚟 嘅 朋友 硬係 唔肯 賞面 噃 我哋 冇 法子 喇 。
神照上人 哈哈一笑 ，企起身嚟 佢 話 ：
王爺 ，呢位 雲南 朋友 ，只不過 係 怕 輸 ，怕 失咗 面子 啫 。
唔通 人哋 真係 打到 佢哋 要害 上便 ，佢哋 亦 唔 還手 招架 咩 ？
講完 身形 一晃 ，已經 企 喺 嗰個 人 嘅 身邊 ，笑住 話 ：
貧僧 掌上 嘅 力 只係 平平 而已 唧 ，但 比起 嗰位 想 走 又 唔 敢 走 嘅 姓郎 嘅 朋友 ，講 唔 定 仲 強 啲啲 。
王爺 ，貧僧 整壞 你 廳 上便 一塊 磚頭 ，王爺 唔 會 見 怪 吧 ？
康親王 知道 眾 武師 當中 以 神照 嘅 武功 最高 ，內外功 都 達到 上乘 ，聽 佢 噉樣 講 ，梗係 要 顯 功夫 喇 ，佢話 ：
上人 隨便 啦 ，就算 整壞 一百 塊 磚頭 ，亦係 小事 啫 。
神照 一矮身 ， 左掌 輕輕 喺 地 下 一 拍 ，扚 起 手 嚟 嘅 時候 ， 掌上 便 已經 黐 住 一 大 塊 青磚 。
呢 塊 青磚 一尺 五寸 見方 ， 雖然 唔 係 點 重 啊 ， 不過 緊緊 噉 嵌 喺 地下 。
將 青磚 喺 地下 吸起 ，平平 噉 貼 喺 掌上 便 ，竟然 唔 跌落嚟 ，掌力 啊 極之 使得 喇 。
韋小寶 大叫 一聲 ，好嘢 噉 ，噉啊 眾人 一齊 拍掌 。
神照 微微 一笑 ，左掌 一提 ，噉啊 掌上 吸力 散咗去嘞 ，嗰件 青磚 呢 跌落嚟嘞 噃 。
等 落到 胸口 嘅 時候 ，佢 兩隻手 自外向內 一合 ，雙掌 一拍 ，啱啱 拍 喺 青磚 嘅 邊緣 ，啪 一聲 ，一件 大 青磚 啊 就 怕到 粉碎 ，跌晒落地 。
眾人 又 試 大聲 喝彩 啦 。
大家 都 睇出嚟 嘞 ，青磚 嘅 邊緣 ，只不過 係 四五寸 嘅 地方 受到 掌擊 。
但係 掌力 分散 嘞 ，竟然 將 成嚿 青磚 都 震碎 ，最大 嘅 碎塊 不過 係 一二寸 見方 。
內力 嘅 強勁 法 呀 實在 非 同 小 可 啊 。
神照 行到去 吳應熊 嗰個 隨從 身邊 ，合十 行禮 話 ：
尊駕 高姓 大名 啊 ？
嗰個人 話 ：大師 掌力 驚人 ，真係 令 小人 大開眼界 。
小人 邊 鄙 野人 ，乃係 無名小卒 唧 。
神照 笑住 話 ：邊 鄙 野人 就 冇 姓名 嘅 咩 ？
嗰個人 雙眉 一豎 ，面上 閃過 一層 憤怒 個 神色 ，但係 即刻 就 若無其事 噉 話 ：
山野 匹夫 就算 係 有名 ，亦 不過 係 阿貓阿狗 之類 ，大師 知道咗 亦 係 冇用 㗎 。
閣下 涵養 功夫 真係 好 啊 。
康親王 今日 大宴 賓客 ，高 朋 滿 座 ，係 北京 城 中 罕有 嘅 盛會 。
王爺 有 命令 要 我哋 獻 醜 ，嚟到 博 王爺 、世子 ，以及 眾位 賓客 一笑 。
尊駕 梗係 唔肯 賜教 ，大掃 王爺 同 眾位 大人 嘅 興致 ，豈 不是 太過 自重 身價 嘞咩 ？
在下 只 學過 幾年 鄉下佬 嘅 功夫 ，點 係 滄州 鐵佛寺 神照 上人 嘅 對手 呢 ？
大師 一定 要 比試 ，在下 算 係 輸 嘞 ，大師 去 領 嗰 兩 隻 大元寶 就 係 啦 。
講完 ，轉身 就 想 走 。
咪住 ！貧僧 一定 想 試下 尊駕 嘅 功夫 ，我 雙拳 鐘鼓齊鳴 ，要 打 尊駕 兩便 太陽穴 ，請 還手 啦 ！
嗰個人 擰擰頭 。
神照 大喝 一聲 ，大紅 袈裟 裏 便 僧袍 嘅 衫袖 突然間 脹大 ，已經 鼓足 咗 勁風 ，雙臂 外展 ，然後 急 向 內彎 ，兩個 拳頭 就 向 嗰個 人 兩便 太陽穴 撞過去 。
點知道 嗰個人 竟然 逳 都 唔 逳 ，手 唔 抬 、腳 唔 提 、頭 唔 閃 、眼 唔 眨 ，就 好似 泥塑木雕 一樣 啊 。
神照上人 出手 個 時候 ，原來 只係 想 逼 佢 還手 啫 ，完全 冇 傷害 佢 性命 嘅 意思 嘅 。
雙拳 就嚟到 佢 太陽穴 嘅 時候 ，仲係 見到 佢 傻咗 噉 ，逳 都 唔 逳 ，個 心 一 驚 ：
我 雙拳 擊出 ，幾乎 有 千斤 嘅 力量 。
平西王 世子 係 康親王 嘅 貴賓 ，如果 魯魯 莽莽 打死 咗 佢 嘅 隨從 ，認真 唔 妥 啊 。
就 喺 雙拳 就 快 碰到 佢 肌膚 個 時候 ，急忙 向上 一提 ，呼 噉 一聲 ，喺 佢 兩 便 太陽穴 擦過去 ，僧袍 拂 喺 佢 面上 。
嗰 個人 微微 一笑 話 ：大師 好 拳法 啊 。
廳上 啲 人 都 睇到 傻晒 ，個心 諗 此人 嘅 定力 真係 大到 不得了 。
如果 神照 上人 呢 兩 拳 唔係 中途 轉向 ，而係 擊 喺 佢 嘅 太陽穴 上 便 ，而家 邊度 仲 有 命 吖 ？
呢個人 用 自己 嘅 性命 當 兒戲 ，簡直 係 發神經 嘞 。
噉話説 神照拳 勁 急轉 ，震到 自己 雙臂 都 酸起上嚟 。
如果 就 噉 返埋位 坐落 ， 未免 落 唔 到 台 啊 ， 噉 佢 就 話 ：
尊駕 實 係 唔 畀 面 定 嘞 ， 貧僧 冇 法子 可 想 ， 只好 得罪 。
下一拳 黑虎偷心 ，要打 尊駕 嘅 心口 。
鐘鼓齊鳴 、黑虎偷心 呢啲 招數 ，本來 係 最 粗淺 嘅 拳招 ，平常 學過 幾個月 武功 嘅 人 呢 曾經 練過 嘅 。
佢 又 喺 發拳 之前 就 叫咗 出嚟 先 ，本意 只係 要 以 勁力 取勝 嘅 啫 。
而 使用 最 粗淺 嘅 功夫 ， 亦 有 睇 唔 起 對手 嘅 意思 。
嗰個人 微微 一笑 ，並 唔 回答 。
神照 個 心 嬲 喇 佢 諗 ：
我 呢一拳 將 你 打成 內傷 ，叫 你 三四日 之後 先至 死 ，噉 就 唔算 唔畀面 過 平西王 喇 。
佢 坐低 馬步 ，大聲 一喝 ，右拳 呼 一聲 打出去 ，啪 一聲 ，打中 心口 。
嗰個人 身體 一晃 ，褪咗 一步 佢 笑住 話 ：大師 贏 嘞 ，我 已經 褪 咗 一步 。
神照 呢一拳 雖然 冇用到 全力 ，不過 亦係 勁道 好厲害 嘅 ，誰知 呢個人 直情 好似 唔覺 噉 。
呢 兩句 説 話 講起 嚟 輕描淡寫 ， 顯然 完全 冇 受傷 。
啲 文官 就 唔 明白 其中 道理 吖 ，但係 學武 個人 呢個 個 都 知道 佢 有心 讓人 。
韋小寶 就 不文不武 ，亦都 喺 似懂非懂 之間 啦 。
神照 一向 啊 自負 喺 武林 之中 頗 有 聲望 ，點肯 就 噉 啊 算贏 啊 ？
佢 塊 面 湧起 一 層 黑氣 佢 話 ：噉啊 再 捱 我 一 拳 啦 ！
呼 一 拳 ，仍然 向 佢 心口 擊 過去 。
呢 一 次 用到 七成 勁力 ，縱然 將 佢 打到 口 噴 鮮血 啊 ，亦都 係 佢 自討苦吃 唧 。
神照 呢 一 拳 上下 到 嗰 個人 嘅 衣襟 ，嗰 個人 嘅 胸部 突然 間 一縮 ，個 身 向 後 飄 咗 半丈 遠 ，似乎 係 畀 拳力 震 出去 ，其實 係 趁勢 避開 佢 嘅 拳 勁 啊 。
神照 呢 一 拳 又 打 空 咗 ，越發 嬲 喇 ，衝上 兩 步 ，大喝 一 聲 右 腿 飛起 ，向 佢 小腹 猛 踢 過去 。
嗰 個人 叫 話 ：哎吖 ！
睇住 呢 一 腳 非 踢中 不可 ，眾人 不約而同 企 起身 嚟 睇 嘞 噃 。
只 見 嗰 個人 呢 身體 向 後 彎 ，雙 腳 好似 釘 喺 地下 一樣 ；
個 身 呢 ，喺 膝頭 哥 屈 後 ，由 大腿 以至 頭殼 ，大半 個 身體 啊 ，就 好似 一條 大 木頭 凌空 搭 喺 處 ，離地 尺 幾 高 。
噉 神照 呢 一 腿 踢咗 個 空 ，喺 佢 雙腿 之 上 幾 寸 嘅 地方 凌空 踢過咗 。
神照 一 不 做 二 不 休 喇 ，鴛鴦 連環 ，左腿 烏龍 掃地 ，掠地 橫掃 ，踢佢 雙腿 脛骨 。
嗰個人 姿勢 唔 變 ，仍然 係 擺住 嗰個 鐵板橋 姿勢 ，雙腳 一𨅝 ，全身 向上 移高咗 一尺 。
噉 神照 嘅 左腿 喺 佢 嘅 腳底下 便 掃過咗 。
嗰 個人 落翻 嚟 喇 ， 但 係 個身 呢 ， 仍然 冇 企翻 直 。
廳上面 眾人 彩聲 如雷 啊 。
神照 到 咗 噉 嘅 地步 ， 已經 知道 自己 功夫 同 佢 差 成 好 大 一 橛 ， 對方 如果 還手 啊 ， 自己 勢必 輸 得 一塌糊塗 啊 。
只有 合十 行禮 話 ：好 功夫 啊 ，佩服 ，佩服 ！
嗰個人 企 翻 直 個身 ，躬身 還禮 佢 話 ：
大師 拳腳 勁道 厲害 到 極 ，在下 唔敢 招架 只有 閃避 唧 。
康親王 話 ：兩個人 嘅 武功 都 係 極之 高 㗎 喇 。
世子殿下 ，尊價 好客氣啊 ，一定 唔肯 還手 ，噉 比武 係 比唔成咯 。
兩個人 都 領 兩隻 大元寶 去 。
嗰個人 躬身 話 ：無功 不受 祿 。
神 照見到 佢 唔肯 去 搦 元寶 ，自己 呢 亦 唔便 上前 去 領 。
康親王 擰轉頭 向 侍從 話 ：同 兩位 送過去 。
嗰個人 噉 先至 多謝咗 賞銀 ，神照 呢 亦 收咗 嘞 。
康親王 明知 先頭 呢 一場 雖然 唔係 正式 比武 ，其實 自己 呢一方面 呢 已經 輸咗 咯 。
所以 佢 亦 賞 兩 錠 大銀 畀 神照 啊 ，不過 一來 同 佢 遮醜 ，二來 呢 亦 為 自己 方面 掩飾 ，表示 不分 勝敗 。
佢 心 有 不 甘 啊 ，又 睇得 唔夠 過癮 ，個 心 諗 ：
呢個 高佬 嘅 功夫 固 之 然 係 唔錯 ，但係 吳應熊 帶嚟 其餘 嘅 隨從 ，一定 唔 及 佢 嘅 。
我 手下班 武師 卻 係 各 有 驚人 嘅 絕藝 ，淨係 齊元凱 嘅 功夫 ，比起 神照 和尚 恐怕 就 只有 高 唔會 低 嘞 。
佢 本來 稱呼 神照 做 上人 嘅 ，啱先 一 顯 武功 之後 ，個 心 就 對 佢 打 咗 折扣 ，上人 啊 當堂 變成 咗 和尚 。
佢 大聲 話 ：啱先 比武 冇 比成 ，未免 有啲 ，有啲 啊 吓 ，美中不足 喇 。
請你 搵 十五位 武師 ，大家 攞起 兵刃 ，十六個 對 十六個 ，同 平西王 世子 帶嚟 嗰 十六位 隨從 過下招 。
小王爺 ，你 吩咐 佢哋 亮 兵刃 啦 。
吳應熊 話 ：嚟到 王爺 府上 作客 ，點敢 攜帶 兵刃 啊 ？
康親王 就 笑住 話 ：啊 ，世子 太 客氣 嘞 ，令尊 同 小王 都 係 武將 ，一生 都 喺 刀槍劍戟 之間 過日子 嘅 ，唔使 搞 咁多 婆婆媽媽 嘅 忌諱 。
嚟啊 ，將 十八般武器 都 搦 幾件 嚟 ，等 平西王府 嘅 高手 挑選 。
康親王 本來 係 戰將 ，由 關外 一直 打到 嚟 中原 ，府中 嘅 兵刃 一應 俱全 。
就噉 嗌一聲 唧 ，啲 侍從 即刻 就 搬咗 一大堆 兵器 出嚟 ，長長短短 ，都 放 喺 嗰 十六 名 侍從 嘅 面前 。
齊元凱 請咗 十四 名 武師 ，要 神照 率領 。
神照 又 要 攞 翻 面子 啊 ，只係 客氣 咗 幾句 就 唔 再 推辭 嘞 。
個 心 諗 ：點 都 要 斬傷 幾個 南蠻 ，出 翻 啖 氣 至得 。
咩 平西王世子 係 客 ，需要 顧全 佢 嘅 面子 等等 ，早就 冚 𠾴 唥 置 之 腦 後 啊 。
呢陣時 神照 、齊元凱 等人 嘅 兵刃 ，亦 已經 由 手下 搦 到 嚟 廳 嘞 。
神照 雙手 揸住 兩把 青鋼 戒刀 ，向 康親王 一直 合十 行禮 。
康親王 等 呢 就 微微 欠身 ，岌頭 還禮 。
韋小寶 個 心 好 得意 啊 ：
佢 阿爺 吖 ，呢啲 人 啊 個個 都 武藝 高強 ，係 江湖 上 大 有 來 頭 嘅 人物 ，都 要 向 老子 行禮 。
嚱 ，老子 大 模 大 樣 坐 喺 處 ，岌 一 岌 頭 唧 就 就 算 了 事 喇 ，威風 過 佢 哋 十倍 啦 。
神照 擰 轉 身 ，大 聲 話 ：雲南 嚟 嘅 朋友 ，挑 兵刃 喇 。
先頭 接過 佢 五招 嗰個 高佬 話 ：
我哋 奉咗 平西王 將令 ，喺 北京 城 內 ，決 唔同 人哋 逳手 嘅 。
神照 話 ：人哋 鋼刀 斬到 頭殼 喇 ，唔通 都 唔 還手 嘞噃 ？
人哋 要 斬 你 嘅 人頭 啊 ，你哋 只係 伸長 條 頸 呢 ，定係 將 頭殼 縮翻 入去 條 頸 處 啊 ？
呢句 説話 一 出口 ，平西王府 個 眾 隨從 都 嬲 嘞 。
話 佢哋 將 頭殼 縮入 條 頸處 ，梗係 鬧 佢哋 係 烏龜 啦 。
但係 嗰個 為首 嘅 高佬 ，仲係 平平淡淡 噉 話 ：
平西王 軍令 如 山 ，我哋 犯咗 將令 返到 雲南 一樣 要 斬頭 。
神照 話 ：好 ！噉 我 哋 就 試下 啦 。
佢 擪 一 擪 手 ，將 十五名 武師 召集 喺 大廳 一角 ，低聲 商議 。
神照 細細 聲 話 ：我哋 將 兵刃 一味 向 佢哋 身上 要害處 打 ，睇 佢哋 還 唔 還手 。
齊元凱 話 ：真係 傷咗 人 ，就 唔 妥當 嘞 ，我哋 只係 逼 佢 還手 。
另外 一 個 人 話 ：大家 手下 留神 啲 啦 。
神照 喝 一聲 ：好 ，逳手 啦 ！
一聲 呼嘯 舞動 戒刀 ，白光 閃閃 ，搶先 向 平西王府 十六 名 隨從 斬殺 過去 。
噉 其餘 嗰 十五 個人 呢 ，有 啲 使 長劍 ，有 啲 挺 花槍 ，有 啲 係 揮 鋼鞭 有 啲 係 舉 銅錘 ，十六 般 兵器 啊 紛紛 使動 。
啊 嗰 十六名 隨從 啊 竟然 挺立不動 ，雙手 垂低 ，手掌 平貼 大腿 外側 ，眼光 呢 向前 平視 ，對 康王府 十六名 武師 嘅 進襲 直情 好似 睇唔見 噉 。
嗰 十六 名 武師 眼見 對方 唔逳 ，都 要 喺 康親王 同 眾 賓客 面前 賣弄 手段 。
各人 施展 兵刃 上 最 熟練 巧妙 嘅 招數 ，斜劈 直刺 、橫斬 倒打 ，將 十六 名 隨從 圍 喺 中間 。
嗰 班 文官 呢 不停 咁 話 ：因住 啊 ，因住 啊 。
武學 之士 見到 呢啲 兵刃 每一招 都 係 指向 對方 要害 ，就係 爭 幾寸 咁多 唧 ，只要 用 多啲 啲 力 ，當堂 啊 殺 咗 對方 㗎 喇 ，嘩 ，個個 都 心驚 啊 。
嗰 十六名 隨從 啊 向前 睇 ，將 生死 置 諸 度外 ，對方 如果 真係 要 下手 ，噉 唯有 死 係 啦 。
神照 等人 嘅 兵刃 啊 越 使 越 快 ，噉 偶然 兵刃 互相 撞擊 ，就 火花 四濺 叮叮噹噹 咁 響 ，噉 一嚟 呢 就 更加 危險 嘞 。
佢哋 雖然 係 無意 殺傷 平西王 嘅 手下 ，但係 刀槍劍戟 互相 碰撞 ，勁力 又 大 ，距離 又 咁 近 ，反彈 出嚟 打傷 咗 人 就 不由自主 㗎 噃 。
呢 ，果然 啪 一聲 ，一支 鐵鐧 同埋 另外 一個 人 嘅 銅錘 相撞 捹咗 開去 ，打中 一名 平西王府 隨從 嘅 膊頭 嘞 。
跟住 又 有人 揮刀 斜劈 ，喺 一名 隨從 右邊 塊 面 幾寸 嘅 地方 掠過 ，旁邊 有 把 長劍 削過嚟 ，刀劍 相交 鋼刀 回轉 就 斬 喺 嗰個 隨從 面上 便 ，當堂 鮮血 惦流 。
噉 兩 名 隨從 啊 受傷 都 唔 輕 嘅 ，但係 呢 ，佢哋 啞 都 唔 啞 一 聲 ，仲 係 企 喺 處 唔 逳 。
康親王 知道 再 搞 落去 受傷 嘅 會 更 多 ，又 見 比武 比 唔 成 有 啲 掃興 ，就 嗌 話 ：
好武功 好武功 ，大家 收手 啦 。
神照 一聲 大叫 ，兩把 戒刀 橫掠 出去 ，將 一名 隨從 嘅 帽 劈咗 落嚟 。
噉 其餘 啲 人 就 學樣 嘞 噃 ，刀槍劍戟 紛紛 將 眾 隨從 嘅 帽 擊落 。
噉 十六 個 人 哈哈 大笑 收起 兵刃 ，向 後 便 跳 翻開 嘞 。
韋小寶 見 嗰啲 隨從 之中 ，果然 有 七個 係 光頭 嘅 ，頭上 啊 亮到 發光 ，不禁 拍手 大笑 佢 話 ：
多總管 ，你 眼光 真係 準 喇 ，果然 係 一 大 批 光 。
一句 説 話 冇 講完 ， 一 擸 眼 ， 只見 平西王 府 嗰 十六 名 隨從 仍然 係 企 喺 處 唔 逳 。
但係 塊面 上 呢 嬲到 極 ，雙眼 裏 便 啊 ，好似 要 噴出 火 嚟 咁 滯 。
韋小寶 自細 喺 市井 裏頭 撈 ，自然 而然 噉 ，精通 光棍 之道 。
覺得 神照 呢批 人 啊 做事 太過 唔啱 喇 ，完全 冇 留面子 畀 人哋 嘅 。
市井 嘅 流氓 無賴 儘管 係 偷呃拐騙 ，咩嘢 唔要面 嘅 事 都 做 啊 ，但係 同 人哋 競爭 呢 ，總係 留翻 三分 餘地 嘅 ，噉 大江南北 ，到處 都 係 噉 㗎 喇 。
妓院 裏 便 遇到 痴迷 嘅 嫖客 ，將 帶嚟 嘅 成萬 兩 銀 啊 ，喺 老舉 身上 散 清光 ，龜婆 仲 係 畀 翻 幾十 兩 銀 佢 做 旅費 ，免致 佢 流落 異鄉 。
當然 ，噉 亦 唔 係 嗰啲 流氓 無賴 良心 真係 好 啊 ，而係 免得 事情 搞大 唧 。
韋小寶 同 人哋 賭錢 ，出老千 呃晒 對方 嘅 錢 嘞 ，如果 贏 佢 一兩 ，收尾 呢 ，就 畀 佢 贏翻 一二 錢銀 ；
如果 贏咗 一百文錢 呢 ，最後 呢 總係 讓 佢 翻本 贏翻 一二十文錢 嘅 。
一來 呢 ，以便 下次 仲有 生意 ；二來 使 對方 唔 會 起疑心 ，又 免致 佢 老羞成怒 嚟 打交 。
而家 佢 見到 平西王府 眾 隨從 嘅 神情 ，個 心 好 過意唔去 啊 。
就 即刻 離席 行到 眾人 身前 ，執起 嗰個 高佬 頂帽 佢 話 ：老兄 真係 使得 嘞 。
雙手 捧住 頂帽 ，幫 佢 帶 喺 頭殼 。
嗰個人 躬身 話 ：多謝 。
嗱 各位 ，欲知 後事 如何 ，且 聽 下回 分解 。
