前 文 再續 啊 書 接上 一回 啊 。
話 説 青木堂 同 沐 王府 ， 因為 擁唐 擁桂 就 發生爭執 ， 漸漸 漸漸 啊 劍拔弩張 就要 逳 手 咯 喎 。
姚春 啊 猛 咁 耍手 佢 話 ：多年 前 嘅 舊事 仲 提 嚟 做 乜嘢 吖 ？無論 邊個 輸 邊個 贏 ，都 唔 係 咩 光彩 嘅 事 。
最 收尾 ，唔 係 都 畀 清廷 滅 咗 嘞 咩 ？
大家 一聽 當堂 停口 ，不覺 都 有 啲 慚愧 嘞 。
蘇岡 話 ：白二弟 ，大義 之 所在 ，本來 係 非 誓死 力爭 不可 嘅 ，收尾 點啊 ？
白寒楓 話 ：嗰 個 老賊 所講 嘅 説話 ，就 係 同 呢 個 ，同 呢 位 姓 樊 嘅 師傅 一模一樣 。
我 兩 兄弟 ，梗 係 要 同 佢 講明 講白 啦 。
噉 雙方 越 講 越 大聲 ，邊個 都 唔 讓 邊個 。
我 大哥 盛 怒 之 下 ，一掌 將 一張 茶几 拍 到 粉碎 。
嗰 個 老賊 就 冷笑 嘞 ：你 講 道理 講 唔 過 人 ，就 想 動武 啊 ？
沐 王府 白氏 雙木 威名 遠 播 ，之 我 天地會 一個 無名小卒 ，都 唔 驚 你 啊 。
佢 呢 句 説 話 顯然 係 話 ，佢 係 天地會 一個 無名小卒 ，仲 叻過 沐 王府 嘅 成名 人物 。
我 大哥 話 ：我 有 我 拍 碎 我 屋企 嘅 茶几 ，關你 咩 嘢 事 唧 ？
你 出言 侮辱 沐 王府 ，恃 住 咩 嘢 啊 你 ？
噉 啊 雙方 越 講 越 僵 ，終於 約定 當晚 子 時 喺 天壇 較量 。
蘇岡 啊 歎 一 口 氣 ：唉 ，原來 呢場 紛爭 ，由此 而 起 。
白寒楓 話 ：當晚 ，我 哋 去 天壇 赴約 ，都 未曾 講 幾句 唧 ，就 同 呢個 老賊 逳手 喇 。
韋小寶 話 ：噉 啊 實係 二對一 啦 ？唔知 係 白大俠 先 上 呢 ，定 係 白二俠 先 上 呢 ？
白寒楓 塊面 一紅 ，大聲 話 ：我 兩個 兄弟 向來 聯手 嘅 ，對付 一個 係 兩個 人 一齊 上 ，對付 一百個 亦 係 兩個 人 一齊 上 。
韋小寶 岌頭 話 ：哦 ，原來 噉 樣 嘅 。
誒 噉 如果 同 我 呢 個 細佬 哥 逳 手 ，你 兩 兄弟 亦 都 一齊 上 㗎 啦 ？
嘩 ，白寒楓 怒吼 一聲 ，一掌 就 向 韋小寶 頭頂 擊落 去 。
蘇岡 左手 伸出 去 ，揸 住 白寒楓 嘅 手腕 話 ：白二弟 ，唔 好 啊 。
白寒楓 大叫 ：呢 ，呢 個 小鬼 諷刺 我 死去 嘅 大哥 啊 ！
韋小寶 講起 上 嚟 就 貪 口 爽 ，冇 想到 連 已經 死 咗 嘅 白寒松 都 牽連 在內 。
佢 睇 住 白寒楓 好似 發 咗 癲 噉 ，心怕 嘞 ，唔 敢 再講 。
蘇岡 話 ：白二弟 ，冤 有 頭 ，債 有 主 ，係 嗰 個 姓 徐 嘅 害死 咗 白大弟 ，我 哋 只 能夠 搵 嗰 個 姓 徐 嘅 算賬 。
白寒楓 啊 惡 屎 騰騰 噉 向 韋小寶 話 ：終於 有 一日 ，我 抽 你 嘅 筋 剝 你 嘅 皮 。
韋小寶 對 住 佢 伸伸 條 脷 。
佢 估計 蘇岡 喺 旁邊 ，白寒楓 啊 唔 能夠 對 自己 點樣 嘅 ，真 係 要 抽 筋 剝 皮 ，點都 唔 會 係 今日 嘅 事 。
樊綱 話 ：蘇四哥 ，你 話 白大俠 畀 我 哋 徐大哥 害死 ，呢 個 害 字 ，都 怕 仲 要 斟酌 。
白二俠 話 ，雙方 喺 天壇 比武 較量 ，徐大哥 以 一 敵 二 ，既 唔 係 使 咩 陰謀 毒計 ，又 唔 係 恃 多 為 勝 ，乃 係 光明正大 噉 逳 手 過招 ，點 講 得 上 一個 害 字 啊 ？
白寒楓 發 惡 話 ：我 大哥 當然 係 畀 老賊 害死 㗎 啦 。
我 兩 兄弟 去 天壇 赴約 之前 ，就 曾經 商量 過 。
我 大哥 話 ：呢 個 老坑 ，雖然 頭腦 糊塗 ，唔 明白 天命 所歸 ，到底 係 反清復明 嘅 同道 啊 。
噉 比武 嘅 時候 ，應該 睇 在 天地會 嘅 份 上 ，只 可 點到 為止 ，唔 能夠 真係 傷 咗 佢 啊 噉 。
我 兩 兄弟 手下 留情 ，點 知 呢 個 老賊 心腸 歹毒 ，竟然 下 殺手 ，害死 咗 我 大哥 。
蘇岡 問 嘞 ：嗰 個 姓 徐 嘅 ，點樣 害死 咗 白大弟 啊 ？
白寒楓 話 ：我 哋 逳 手 拆 咗 四 十 幾 招 ，都 冇 分出 輸贏 。
嗰 個 老賊 啊 跳出 圈子 ，拱 手 行 禮 話 ：佩服 ，佩服 ，今日 唔 分 勝敗 ，唔 使 再 比 嘞 。
沐 王府 嘅 武功 馳 名 天 下 ，果然 高明 啊 噉 。
樊 綱 話 ：噉 好 啊 ，大家 就 唔 使 再 打 啦 ，免傷 和氣 ，唔 係 好 咯 ？
白 寒 楓 話 ：你 又 冇 睇 見 嗰 個 老賊 講 説 話 嘅 神氣 ，仲 以 為 佢 係 真 係 好心 啊 ？
你 睇 佢 吖 ，口丫角 微微 冷笑 ，顯然 即 係 話 ：
沐 王府 嘅 白氏 雙 木 ，以 二 敵 一 ，亦 贏 唔 到 佢 一個 老坑 ，咩 武功 馳名 天下 ，不過 係 吹牛 啫 嘛 噉 。
我 當時 激氣 啦 ，我 就 話 ：不 分 勝敗 ，就 打 到 分 勝敗 為止 。
嗰 個 老賊 雖然 靈活 啫 ，內力 就 唔 及 我 哋 兄弟 啊 ，鬥得 耐 佢 非 輸 不 可 嘅 。
佢 想 唔 打 ，不過 想 乘機 鬆 人 啫 嘛 。
於是 我 哋 又 打 起 上 嚟 ，打 咗 好 耐 下 喇 ，我 使 一招 龍騰虎躍 ，喺 半空中 撲 擊落 嚟 。
嗰 個 老賊 果然 上當 噃 ，咪 側身 閃避 啦 。
呢 一招 ，我 兩 兄弟 ，練 到 熟 㗎 ，我 大哥 就 使 橫掃千軍 ，左腳 向 右 橫掃 ，右臂 向 左 橫擊 ，等 佢 避 無可 避 。
噉 佢 講到 呢 處 呢 ，將 橫掃千軍 嗰 一招 學翻 出 嚟 。
玄貞道人 岌一岌頭 話 ：
呢 一招 左右 夾擊 ，令人 左避 又 唔 係 右避 又 唔 係 果然 厲害 啊 。
白寒楓 話 ：嗰 個 老賊 身體 一縮 ，忽然間 向 我 大哥 撞過 嚟 。
噉 我 大哥 雙掌 一翻 ，撳 喺 佢 胸膛 上 便 笑住話：哈，你輸。
就 喺 呢 個 時候 ，啪 一聲 ，嗰 個 老賊 好 毒辣 喇 ，竟然 使出 重手 。
我 見到 勢頭 唔 對 路 嘞 ，一招 高山流水 ，雙掌 先後 打 喺 個 老賊 嘅 背脊 。
嗰 老賊 身體 一晃 ，退開 咗 去 。
佢 我 大哥 啊 已經 吐血 咯 ，坐 咗 喺 地 。
我 好 急 啦 ，我 連忙 去 扶 起 我 大哥 ，嗰 個 老賊 乾笑 幾聲 ，跛下 跛下 噉 走 咗 。
我 本來 可以 追 上去 補 翻 幾拳 ，即時 打死 佢 嘅 ，唉 ，但 係 掛 住 大哥 個 傷勢 ，唔 得 閒 去 理 嗰 個 老賊 啊 。
噉 抱 住 大哥 返 去 屋企 ，佢 喺 半路 只 係 講 咗 四個 字 ：同 我 報仇 噉 ，嗯 ，就 斷 咗 氣 嘞 。
蘇四哥 ， 我 哋 唔 報 呢 個 仇 ， 枉自 為 人 啊 ！
講到 呢 處 淚 如 泉 湧 。
玄貞道人 擰 轉頭 向 一個 人 話 ：風 二弟 ，白 二俠 先頭 所講 嗰 幾招 ，我 哋 嚟 學下 啦 。
呢 個 姓 風 嘅 叫做 風際中 ，個樣 貌 不 驚 人 ，老 老 土 土 。
尋日 ，喺 回春 堂 藥店 地牢 裏 便 引見 之後 ，從來 冇 開口 講 過 説 話 ，韋小寶 對 佢 呢 亦 冇 留意 。
佢 岌 一 岌 頭 企 起身 ，一發 掌 輕飄飄 噉 向 玄貞 拍出去 。
玄貞 左掌 格 開 佢 ，身體 一縮 ，雙手 嘅 五指 都 變成 咗 爪 ，十足 係 隻 馬 騮 一樣 ，顯然 係 模仿 八臂 猿猴 徐天川 嘅 架式 。
風際中 左腳 一點 身體 跳 起 ，喺 半空中 撲 擊 落 嚟 。
姚春 叫 一聲 ：好 一招 龍騰虎躍 ！
叫聲 都 未 完 啊 ，玄貞 已經 斜身 閃開 嘞 。
就 喺 呢 個 時候 ，風際中 突然 間 搶 到 玄貞前 便 ，左腳 向 右 橫掃 ，右臂 向 左 橫掠 ，正 係 白寒楓 啱 先 學出 嚟 嗰 一招 橫掃千軍 。
風際中 一 個人 化 而 為 二 ，啱啱 使 完 白寒楓 一招 龍騰虎躍 ，跟 住 就 移形 換位 ，搶 到 玄貞道人 前 便 使出 白寒松 嗰 招 橫掃千軍 。
身法 嗰 種 快 法 啊 ，簡直 係 想 你 都 想 唔 到 嘅 。
大家 喝彩 啦 ，呢 個 時候 ，玄貞 縮 埋 個 身 ，直 撞入 對方 個 懷抱 。
風際中 雙掌 突然 一推 ，撳住 玄貞 心口 ，佢 話 ：哈哈 你 輸 。
就 喺 呢 個 時候 ，玄 貞 嘅 右拳 擺 喺 風際中 心口 ，右掌 拍 中 佢 小腹 。
兩個 人拳掌 都 放 喺 對方 身上 停住 唔 逳 嘞 。
玄貞話 ：白二俠 ，當時 嘅 情景 係 唔 係 噉樣 啊 ？
白寒楓 仲 未 回答 ，風際中 身體 一晃 ，去 咗 玄貞 背後 ，雙掌 喺 自己 塊面 右側 直劈 落 嚟 ，虛擊 玄貞 嘅 背枚 ，講 一聲 話 ：高山流水 ！
呢 兩掌 啊 ，並未 掂 到 玄貞 嘅 身體 。
眾人 眼前 一花 ，佢 又 企 翻 去 玄 貞 面前 ，雙掌 撳住 佢 心口 ，等 玄 貞 嘅 拳 掌 ，撳住 自己 嘅 胸腹 ，回 復 啱 先 嘅 姿式 。
呢 兩下 忽來 忽去 ，直情 好似 鬼怪 一樣 。
呢 班 人 除 咗 韋 小 寶 之外 呢 ，都 係 見多識廣 嘅 人 嚟 ，但 係 風際中 咁 迅捷 無 倫 嘅 身手 真 係 見所未見 。
大家 都 明白 佢 嘅 用意 喇 。
當時 徐天川 以 一 敵 二 ，情勢 兇險 到極 。
如果 對 白寒松 手下 稍為 留情 啊 ，只怕 走 唔 甩 後便 ，白寒楓 高山流水 呢 一擊 。
玄貞 就 話 ：白二俠 ，當時 嘅 情景 係 唔 係 噉 樣 ？
白寒楓 面如死灰 慢慢 岌 一 岌 頭 。
風際中 身法 兔 起 鹘 落 ，固之然 係 令人 哋 眼神 都 花 晒 ，而 佢 模仿 自己 兩 兄弟 呢 幾下 招式 啊 ，竟然 部位 手法 絲毫 無誤 ，十足 十 就 係 自己 師父 教 出 嚟 嘅 一樣 。
龍騰虎躍 、高山流水 同埋 橫掃千軍 三招 ，都 係 沐家拳 中 嘅 著名 招式 流傳 天下 ，識 嘅 人 就 好多 ，風際中 會 使 ，噉 都 唔 稀奇 啊 。
但 係 以 一個 人 而 使 呢 三招 拳腳 ，前後 易位 法度 嚴謹 ，自己 兩 兄弟 畢生 練 嘅 都 係 沐 家 拳 ，亦 都 遠遠 不及 。
風際中 收 咗 招式 佢 話 ：
道長 ，唔 該 除 咗 件 道袍 啦 ，得罪 晒 。
玄貞一 窒 ，唔 明白 佢 嘅 用意 噃 。
但 係 聽 佢 話 除 咗 件 道袍 稍 為 扽 一 扽 。
忽然間 ，兩 塊 布片 喺 道袍 上 飄 咗 落 嚟 ，係 兩 隻 手掌 嘅 形狀 嘅 ，道袍 心口 嗰 處 ，竟然 係 兩個 掌印 嘅 空洞 。
原來 啱 先 風際中 已經 用 咗 掌力震 爛 佢 件 道袍 喇 。
哎呀 玄貞 面色 都 變晒 ，情不自禁 伸手 揞 住 自己 心口 ，個心 諗 ：
風際中 嘅 掌力 ，既然 將 自己 道袍 震爛 ，噉 自己 梗係 會 受 咗 內傷 㗎 。
哈 ，點知 一摸 ，心口 嗰 處 亦 唔 覺得 有 咩 異狀 ，噉 就 放心 。
風際中 話 ：白大俠 掌上 嘅 陰力 ，遠勝 在 下 。
徐大哥 個 心口 ，就 已經 受 咗 極重 內傷 ，再 加 埋 背枚 受 咗 高山流水 雙 掌 嘅 力量 ，只怕 佢 性命 難保 啊 。
大家 見到 風際中 用 陰柔 嘅 掌力 ，割出 玄貞道 袍 上 兩個 掌印 。
噉 樣 嘅 功力 ，比起 啱先 一身 化 二 ，前後 夾攻 嘅 功力 更加 係 驚人 ，搞到 連 喝彩 都 唔 記得 咗 喇 。
韋小寶 個 心 諗 ：海老 烏龜 當日 喺 我 件 衫 嘅 心口 嗰 度 ，割 咗 一個 掌印 ，唉 用 嘅 啊 ，都 怕 係 呢種 手段 喇 。
蘇岡 同 白寒楓 對 望 咗 眼 ，都 係 神情 頹喪 。
睇 住 風際中 咁 高明 嘅 武功 ，自己 呢 方面 啊 ，邊個 同 佢 都 有 好 大 距離 。
又 畀 佢 噉 樣 試演 咗 番 ，顯得 徐天川 雖然 係 落 重手 殺 咗 人 ，亦 係 迫於 無奈 。
喺 白 氏 兄弟 厲害 殺手 前後 夾擊 之下 ，奮力 自保 ，唔 算 得 咩 嘢 理虧 吖 。
蘇岡 企 起身 嚟 話 ：呢 位 風爺 武功 高強 ，使 在 下 今日 大開眼界 。
如果 我 白大弟 真 係 有 風 爺 嘅 武功 ，亦 決 唔 會 畀 嗰 個 姓 徐 嘅 害死 嘞 。
韋小寶 話 ：白大俠 嘅 武功 呢 就 高到 極 喇 ，江湖 上 眾 所 周知 ，蘇四俠 唔 使 客氣 。
白寒楓 惡死 騰騰 噉 睩 咗 佢 一眼 ，之又 唔 能夠 話 自己 兄長 武功 唔 得 啊 。
韋小寶 又 話 ：白二俠 嘅 武功 呢 亦都 係 好高 嘅 ，江湖上 亦都 係 眾所周知 㗎 啦 。
樊綱 又 怕死 佢 會 講 啲 更 無聊 嘅 説話 多生 枝節 ，就 向 蘇岡 同 白寒楓 拱手 話 ：今日 滾攪 晒 嘞 ，告辭 。
玄貞話 ：咪 住 ，大家 去 白大俠 靈前 叩翻 幾個 頭 啦 。
呢 件 事 ，呢 ，呢 件 事 ，唉 ，講 起 嚟 大家 心裏 便 好 難過 ，千祈 唔 好 傷害 咗 沐 王府 同 天地會 嘅 和氣 啊 。
講完 ，就 行 去 後堂 嘞 。
點 知道 白寒楓 雙手 一攔 ，大聲 話 ：
我 大哥 死不瞑目 ，唔 使 你 哋 詐 諦 喇 ！
玄貞 話 ：白二俠 ，莫 講 係 比武 失手 誤傷 咗 白大俠 啦 ，就算 真 係 我 哋 徐大哥 唔 啱 ，你 亦 唔 能夠 嬲 晒 天地會 全體 。
我 哋 去 靈前 拜 一拜 乃 係 武林 同道 個 義氣 啊 。
蘇岡 話 ：道長 講得 啱 ，白二弟 ，我 哋 唔 好 失禮 。
於是 韋小寶 、玄貞 、樊綱 、風際中 、姚春 、馬博仁 等 一班人 啊 ，一齊 去 到 白寒松 個 靈前 叩頭 。
韋小寶 一面 叩頭 ，一面 個口 呢 念念 有詞 嘞 。
叩 咗 三個 頭 企翻 起身 ，白寒楓 大聲 話 ：
你 啱 先 講 啲 咩 啊 ？
我 暗中 禱告 啫 嘛 ，同 白大俠 在天之靈 講 説 話 吖 關 你 咩 事 啊 ？
你 把 嘴 唔 清 唔 楚 ，你 禱告 啲 乜嘢 吖 ？
我話 噉 嘅 ， 白大俠 ， 你 行先 一步 啦 。
在 下 韋小寶 ， 畀 你 個 好 細佬 呢 打 到 遍體鱗傷 ， 條命 都 唔 會長 㗎 喇 ， 過 幾日 呢 就 嚟 陰間 ， 同 你 老人家 相會 ， 係 噉 啫 嘛 。
我 幾時 打 過 你 啊 ？
韋小寶 捋起 衫袖 ，打出 隻 右手 ，只見 手腕 上面 ，腫起 咗 一 𡃈 又 黑 又 紫 ，手指 印 都 仲 喺 度 ，正 係 啱 先 畀 白寒楓 捻 傷 嘅 。
韋小寶 話 ：唔 係 你 打 㗎 咩 ？
蘇岡 睇 咗 白寒楓 一眼 ，見 佢 唔 否認 ，自己 塊面 呢 有 啲 唔 高興 喇 ，擰 轉頭 對 韋小寶 話 ：
韋香主 ，呢 件 事 一言 難盡 ，我 哋 以後 慢慢 再講 啦 。
韋小寶 話 ：至怕 我 傷重 冇 得 醫 ，一 命 嗚呼 以後 就 冇 咩 好 講 咯 。
蘇岡 見到 佢 講 説話 好 流利 ，一 啲 都 冇 受傷 嘅 現象 ，知道 佢 係 耍 無賴 。
個心 諗 ：天地會 點解 會 叫 噉 一個 小流氓 做 香主 㗎 ？
佢 話 ：韋香主 長命 百歲 ，大家 都 死 清光 喇 ，你 仲 有 多 幾十年 命 添 。
韋小寶 話 ：哈 ，我 而家 肚痛 到 死 死 下 ，五臟六腑 冚 𠾴 唥 都 調 轉 頭 ，聽日 都 唔 知 仲有 冇 命 啊 。
風 二哥 、玄貞道長 ，我 如果 死 咗 喇 ，你 哋 亦 唔 好 搵 白二俠 報仇 喇 。
江湖 上 義氣 為重 ，我 哋 點 都 唔 好 傷害 沐王府 同 天地會 嘅 和氣 吖嘛 。
蘇岡 皺起 眉頭 ，將 眾人 送出去 門口 。
玄貞 呢 向 馬博仁 、姚春 、雷一嘯 、王武通 四個 人 多謝 一番 ，行 咗 個 禮 就 分別 嘞 。
話 說 天地會 一行 人 返 到 去 回春 堂 藥店 ，啱啱 到 店門口 ，就 見到 情形 對路 。
櫃檯 冧 咗 ，藥店 裏 便 百 幾個 櫃桶 仔 同埋 藥材 跌 到 一地 都 係 。
噉 大家 即刻 衝入 去 ，嗌 咗 幾聲 唔 聽見 有人 應 噃 。
到 咗 後堂 ，只見 嗰 個 肥 掌櫃 同 兩名 夥記 都 已經 死 咗 喺 地下 嘞 。
呢 間 藥店 地方 比較 偏僻 ，一時 呢 亦 冇 人 嚟 圍觀 。
玄貞 吩咐 高彥超 話 ：
即刻 上 咗 門板 ，唔 好 畀 啲 閒人 入 嚟 ，我 哋 快 啲 去 睇 下 徐大哥 啦 。
拉開 地板 嘅 掩蓋 ，走入 地牢 大聲 嗌 ：徐大哥 ，徐大哥 ！
地牢 裏 便 空空如也 ，徐天川 已經 不知去向 。
樊綱 嬲 到極 啊 ：走 ！我 哋 去 同 沐王府 嗰 啲 賊人 拼個 你死我活 ！
玄貞 話 ：快 啲 去 請 埋 王總鏢頭 佢 哋 嚟 做 證人 啦 。
佢 哋 如果 要 害死 徐大哥 ，已經 喺 呢 處 逳 手 ，噉 既然 而家 將 佢 擄 咗 去 呢 ，就 唔 會 即刻 害死 佢 㗎 。
噉 啊 於是 派 人 出去 ，將 王武通 、姚春 等 四個 人 請 嚟 。
王武通 佢 哋 見到 肥佬 掌櫃 嗰 死 咗 個 樣 ，都 好 憤慨 ，一齊 話 ：
事 不 宜 遲 ，我 哋 即刻 去 楊柳 胡同 要 人 。
噉 一行 人 呢 又 試去 楊柳 胡同 嘞 噃 。
白寒楓 開門 出 嚟 ，冷冰冰 噉 話 ：
眾位 又 嚟 咩 嘢 事 啊 ？
樊綱 大聲 話 ：白二俠 何必 明知故問 啊 ？
呢 種 行為 ，亦 太過 丟沐 王府 個 架 喇 ！
白寒楓 亦 嬲 嘞 ：要 咩 嘢 架 ？咩 嘢 行為 啊 ，吓 ？
樊綱話 ：我 哋 徐大哥 喺 邊 處 ？快 啲 送 出 嚟 。
你 哋 趁 人 冇 防備 殺死 咗 我 哋 回春堂 嗰 三個 夥記 ，真 係 卑鄙 下流 啊 ！
白寒楓 大聲 話 ：亂 噏 無為 ！咩 嘢 回春堂 ，回秋堂 ，咩 嘢 三個 夥記 啊 ？
樊綱 聽見 聲 啊 出 嚟 就 問 ：眾位 去 而 復返 ，有 咩 見教 呢 ？
雷一嘯 話 ：蘇四俠 ，呢 件 事 ，係 你 哋 唔 啱 喇 。
是非 難逃 公論 ，你 哋 就算 要 報仇 ，亦 唔 能夠 任意 殺害 無辜 㗎 。
京城 裏 便 做出 呢 種 事出 嚟 ，好大 牽連 㗎 。
蘇岡 問 白寒楓 ：佢 哋 講 咩 嘢 啊 ？
白寒楓 話 ：點 知道 唧 ，真 係 莫名其妙 啊 。
王武通 話 ：蘇四俠 、白二俠 ，天地會 落腳 嘅 地方 有 三個 夥記 畀 人 哋 殺 咗 ，徐天川 師傅 亦 畀 人 擄 咗 去 。
呢 件 事 嘅 是非曲直 大家 以後 慢慢 再講 ， 唔 該 你 哋 睇 在 我 哋 幾個 人 嘅 薄面 ， 放 咗 徐師傅 先 啦 。
蘇岡 好奇 嘞 ： 徐天川 畀 人 擄 咗 去 咩 ？ 噉 真 係 奇 喇 。
各位 實係 疑心 係 我哋 做 㗎 啦 。
但 係 各位 一直 同 我 哋 喺 一齊 啊 ， 唔 通 我 哋 有 分身術 咩 ？
樊綱 話 ：你 哋 梗 喺 另外 派 人 逳 手 ，噉 又 有 咩 嘢 難唧 ？
蘇岡 話 ：各位 唔 信 ，噉 亦 冇 法子 ，你 哋 要 入 嚟 搜查 ，即管 請便 啦 。
白寒楓 大聲 話 ：聖手 居士 蘇岡 蘇四哥 ，講 說話 向來 一 就 一 ，二 就 二 ，幾時 有過 半句 假話 啊 ？
老實 同 你 講 啦 ，嗰 個 姓 徐 嘅 老賊 ，如果 落 喺 我 哋 嘅 手 啊 ，當堂 一刀兩段 ，邊個 得閒 捉 咗 嚟 嘥 米飯 養 佢 啊 ？
蘇岡 話 ：呢 件 事 只怕 另有 別情 。
在下 冒昧 ，想到 貴會 歇腳 嘅 地方 睇 一 睇 ，唔 知道 可 唔 可以 呢 ？
玄貞 等 見 佢 兩個 人 神情 唔 似 作偽 啊 ，一時 揸 唔 定 主意 。
樊綱 話 ：蘇四俠 ，大家 請 你 講 一句 説話 ，到底 我 哋 徐天川 徐大哥 ，係 咪 喺 你 哋 手上 ？
蘇岡 擰 擰 頭 話 ：冇 。
我 可以 擔保 ，我 哋 白二弟 同 呢 件 事 亦 絲毫 都 冇 關係 。
蘇岡 喺 武林 之中 名聲 好 響亮 ，大家 都 知道 佢 係 個 正直 嘅 好漢 。
佢 既然 講 冇 捉 到 徐天川 ，就 應該 唔 係 假 嘅 。
玄貞 話 ：既然 如此 ，請 兩位 一齊 去 敝處 睇 下 。
韋香主 ，你 話點 啊 ？
韋小寶 個心 諗 ：你 都 話 咗 請 人哋 去 睇 下 先 喇 ，再 嚟 問我 你 話點 喎 。
佢 話 ：道長 話點 就 點 啦 。
橫掂 我 哋 三個 人 都 畀 人 哋 打死 咗 咯 ，噉 請 佢 哋 兩位 去 叩 翻 幾個 頭 賠罪 噉 亦 啱 嘅 。
蘇岡 、白寒楓 都 向 佢 睩 咗 一眼 ，都 諗 ：
你 呢 個 小鬼 吖 ，一口 就 咬實 係 我 哋 打死 你 哋 三個 人 。
噉 一行 人 啊 嚟 到 回春 堂 。
蘇岡 、白寒楓 仔細 睇 咗 個 肥 佬 掌櫃 同 兩名 藥店 夥記 嘅 死 咗 嘅 樣 ，都 係 畀 人 打死 嘅 。
心口 肋骨 啊 斷 咗 ，手法 好 尋常 㗎 啫 ，睇 唔 出 使 嘅 係 咩 武功 家數 。
白寒楓 話 ：呢 件 事 ，大家 一定 要 查個 水落石出 ，否則 我 哋 就 蒙 咗 不白之冤 嘞 。
蘇岡 話 ：蒙 咗 不白之冤 噉 亦 唔 緊要 ，日後 總會 水落石出 㗎 。
只不過 徐大哥 落入 敵人 嘅 手上 ，應該 盡快 想法子 救人 啊 。
嗱 各位 ，欲知 後事 如何 ，且 聽 下回分解 。
