前 文 再續 啊 書 接上 一回 啊 ， 話 説 沐 王府 啲 人 將來 客都 圍實 。
連 馬博仁 、 姚春 、 雷一嘯 、 王武通 等 四 個 人 都 圍住 喺 中間 。
王武通 哈哈大笑 話 ： 哈哈哈哈 哈哈哈 ， 哈哈哈哈 ， 馬大哥 、 雷 兄弟 、 姚大夫 ， 我 哋 幾時 入 咗 天地會 啊 ？ 哈哈哈哈 。
我 哋 幾個 人 ， 只怕 係 同 天地會 嘅 朋友 挽鞋 都 怕 唔 配 啊 。
嗰個 姓 蘇 嘅 中年 漢子 抱拳 話 ；呢 幾位 唔係 天地會 嘅 咩 ？
呢位 姚大夫 ，睇嚟 名諱 係 個 春字 。
在下 蘇岡 ，知道 白家 大兄弟 不幸 身亡 嘅 消息 ，喺 宛平 趕到嚟 ，傷痛 之下 ，未及 請教 ，多多 失禮 。
講完 ，向住 各人 作揖 行禮 。
王武通 抱拳 笑 住 話 ：好話 ，好話 。聖手 居士 名不虛傳 啦 ，果然 係 位 有 見識 、有 氣度 嘅 英雄 。
噉就 同 各人 一一 引見 ，第一個 就 指住 韋小寶 話 ：呢位 係 天地會 青木堂 韋香主 。
蘇岡 知道 天地會 總共 分為 十堂 ，每堂 嘅 香主 ，都 係 身負 絕藝 嘅 英雄豪傑 。
但係 呢個 韋香主 顯然 係 個 乳臭未乾 嘅 富家 少年 ，個 心 好 奇怪 。
但係 佢 不動聲色 ，抱拳 行禮 話 ：久仰 ，久仰 。
韋小寶 咭噉 笑 一 聲 ，抱拳 還禮 ，噉 喺 門邊 行 翻 轉頭 問 ：
你 久仰 我 咩 呢 ？
蘇岡 打個 特嘞 ，在下 久仰 天地會 十堂 香主 ，個個 都 係 英雄好漢 。
韋小寶 岌一岌頭 話 ： 哦 ， 原來 係 噉 樣 。
蘇岡 見到 佢 神情 油腔滑調 ， 個心 就 更加 懷疑 嘞 。
噉 王武通 呢 ，就 同 其他 人 引見 咗 。
蘇岡 呢 同 佢 同嚟 呢班人 引見 ，噉 其中 兩個 係 佢 師弟 ，三個人 呢 ，係 白氏 兄弟 嘅 師兄弟 ，仲有 幾個 係 蘇岡 嘅 徒弟 。
白寒松 個 夫人 就 趴 喺 丈夫 屍 守 上面 痛哭 ，白寒楓 個 夫人 呢 一便 喊 一便 勸 ，噉 幾 個 女仔 呢 ，都 唔 過嚟 見面 。
姚春話 ：白二俠 ，到底 白大俠 為咗 乜嘢事 同 天地會 發生 爭執 ？請 白二俠 講嚟 聽下 。
雲南 沐 王府 喺 武林 之中 人所共仰 ， 天地會 嘅 會 規 向 嚟 極 之 嚴 嘅 ， 都 唔 係 蠻不講理 嘅 人 。
天下間 都 要 講 個 理字 啫 ，今日 嘅 事 ，亦 唔係 靠 打交 動武 就 能夠 了結 嘅 。
你 算 馬 老師 、雷 兄弟 、王 總鏢頭 ，以及 區區 在下 同 雙方 就算 冇 交情 ，亦都 係 慕名 吖 。
白二俠 ，唔該 你 畀 啲 薄面 過 我哋 ，講講 其中 嘅 原因 呢 。
王武通話 ：唔怕 同 各位 講 ，天地會 嘅 朋友 的的確確 唔知道 白大俠 已經 死咗 ，否則 ，佢哋 仲 會 上門 自己 攞嚟 冇癮 咩 ？
蘇岡話 ：噉 韋香主 同 眾位 朋友 前嚟 敝處 ，又係 為咗 乜嘢 呢 ？
王武通話 ：我哋 真人 面前 唔 講 假話 。
天地會 嘅 朋友 講 ，佢哋 徐天川 徐大哥 ，畀 沐王府 嘅 朋友 打到 身受重傷 已經 講唔出 説話 。
佢哋 準備 請 我哋 幾個 老朽 ，陪埋 嚟到 貴處 想 問 一問 原因 唧 。
蘇岡話 ：哦 ？噉樣 講起嚟 ，各位 係 上門 嚟 問罪 嘞 噃 ？
王武通話 ：噉 又 唔 敢 當 。
我哋 幾個人 喺 江湖 上 撈 碗飯 食 ，全靠 朋友們 畀面 。
是非曲直 ，自有 公論 ，邊個 都 唔能夠 揞住 良心 講説話 嘅 。
蘇岡岌一岌頭話 ：王總鏢頭 講得啱 ，請 各位 去 大廳 傾 。
噉 眾人 嚟到 大廳 。
蘇岡啊叫 師弟 、徒弟 收起 兵器 。
白寒楓 手上 嘅 鋼刀 總係 唔肯 放低 。
蘇岡 請 大家 坐落 喇 ，佢 就 話 ：
白二弟 ，當時 嘅 實情 係 點 ，你 同 大家 講 下 啦 。
白寒楓 歎咗 一 聲 佢 話 ：
唉 ，前 日下午 。
只係 講咗 四個 字 唧 ，一條 氣 撞上嚟 ，手上 嘅 鋼刀 揮咗 一揮 。
韋小寶 吃咗 一驚 身體 向 後 一縮 。
白寒楓 啊 覺得 呢 個 動作 太過 粗魯 嘞 ，鋼刀 向 地下 一掟 ，哐 一聲 ，打爛 咗 兩塊 磚 。
佢 噴咗 一啖 氣 話 ：
前日下午 ，我 同 大哥 喺 天橋 一間 酒樓 上 便 飲酒 。
忽然 有 個 官員 上嚟 ，帶咗 四 個 家丁 。
嗰 四個 家丁 嘅 神氣 呢 討厭 到 極 啊 ，要 酒 要 菜 ，講 嘅 都 係 雲南話 。
蘇岡 哦咗 聲 。
白寒楓 話 ：噉 我 同 大哥 一 聽 佢 嘅 口音 ，就 留心 嘞 。
王武通 同 樊綱 等人 呢 都 知道 ，沐王府 係 世鎮 雲南 ，蘇岡 、白寒楓 佢哋 都 生長 於 雲南 ，噉 喺 北京城 聽見 鄉音 ，噉 梗係 關心 啦 。
白寒楓 繼續 話 ：我 大哥 聽咗 一陣 ，就 同 佢哋 傾咗 幾句 。
嗰個 官員 聽到 我哋 亦係 雲南人 ，就 請 我哋 過去 坐 。
我 同 大哥 離開 屋企 好耐 咯 ，好想 知道 故鄉 嘅 情形 ，見到 呢個 官員 ，似乎 係 啱啱 喺 雲南 嚟 嘅 ，就 搬過去 坐 啦 。
一傾 之下 ， 嗰 個 官員 自己 話 叫做 盧 一峰 ，原來 係 奉 咗 吳三桂 嘅 委派 ，去 做 曲靖 縣 知縣 嘅 。
佢 係 雲南 大理 人 。
噉啊照 規矩 ，雲南人 本來 就 唔能夠 喺 本省 做 地方官 嘅 。
不過 呢個 盧一峰 話 ：佢 係 平西王 委派 嘅 官 ，唔使 理 佢 咁多 喎 。
樊綱 忍唔住 鬧嘞 ：大漢奸 吳三桂 委派 嘅 狗官 ，有 咩嘢 咁 神氣 啊 ？
白寒楓 睇咗 佢 一 眼 岌一岌 頭 話 ：呢位 樊 ，樊兄 講得 唔錯 ，當時 我 都係 噉 想 。
但係 我 大哥 為咗 探聽 故鄉 嘅 情形 ，咪 反而 奉承 咗 佢 幾 句 。
呢個 狗官 就 更加 得意 嘞 ，話 係 吳三桂 所 派 嘅 官 叫做 西選 ，乜 意思 呢 ？即係 話 平西王 選 嘅 。
雲南 全省 嘅 大小 官員 ，固然 都 係 吳三桂 派 嘅 ，就 係 四川 啊 、廣西 啊 、貴州 三省 ，西 選 嘅 官 ，亦 都 比 皇帝 所 派 嘅 官 叻 啲 。
蘇岡 聽 佢 講得 有啲 氣喘 ，就 接口 解釋 ：
如果 有 一個 缺 ，朝廷 派咗 ，吳三桂 亦 派咗 ，邊個 先 到任 ，邊個 就 係 正印 。
雲貴川貴 四省 嘅 官員 ，邊一個 先 出缺 ，梗係 昆明 知道得早 啦 ，喺 昆明 派 人 去 就 快 得 多 。
因此 朝廷 嘅 官 呢 ，總係 冇 西 選 嘅 腳 快 嘅 。
白寒楓 唞 一 唞 氣 ，佢 接住 話 ：
嗰個 官 講 ：平西王 為 朝廷 立咗 大功 ，朝廷 能夠 得到 江山 就 全靠 平西王 嘅 功勞 ，因此 呢 ，朝廷 對 佢 特別 畀 面 。
吳三桂 啟奏 咩嘢 事 ，從來 就 冇 駁回 過 嘅 。
王武通話 ：呢個 官 嘅 説話 都係 實情 噃 。
兄弟 去過 西南 各省 走鏢 ，親眼 見到 雲貴 一帶 大家 就 知道 吳三桂 㗎啫 ，唔 知道 有 皇帝 嘅 。
白寒楓 話 ：
嗰個 盧一峰 話 ，依照 朝廷 嘅 規矩 ，凡係 做 知縣 嘅 呢 ，都 要 先 到 京城 嚟 朝見 皇帝 ，由 皇帝 親自 封官 。
佢 嚟到 北京 ，就係 嚟 等候 見 皇帝 嘅 。
佢 話 平西王 既然 封 咗 佢 做官 ， 到 京城 嚟 朝見 皇帝 ， 不過 係 例行公事 啫 噉 。
我 大哥 話 ：盧 大人 到 曲靖 做官 ，本省 人 做 本省 嘅 官 噉 啊 更加 造福 鄉梓 喇 噉 。
盧一峰 就 哈哈大笑 話 ：噉 梗係 啦 。
突然之間 ，隔籬 枱 有人 插嘴 ，呢個 老 ，呢個 老賊 ，我 同 佢 仇深 。
講完 啪聲 企起身 ，滿面 唂到 通紅 。
蘇岡話 ：係唔係 八臂猿猴 徐天川 講説話 ？
白寒楓 岌一岌頭 話 ：就 係 ，就 係 。一下 嬲 怒 ，喉嚨 𠽤 住 嘞 講唔 出 説話 。
隔咗 一陣 先至 話 ：就係 嗰個 老賊 ，佢 坐 喺 窗口 一張 枱 處 飲酒 。
佢 插嘴 話 ：本省 嘅 人 做 本省 嘅 官 ，刮起 地皮 嚟 更加 方便 啲 。
呢個 老賊 ，我 有 我哋 講説話 ，邊個 要 佢 嚟 多口 啊 ？
玄貞 冷冰冰 話 ：白二俠 ，徐三哥 呢句 説話 冇 講錯 噃 。
白寒楓 哼咗 一聲 ，停咗 一停 佢 話 ：
呢句 説話 係 冇 講錯 啊 ，我 又 冇 話 佢 呢句 説話 講錯咗 。
但係 ，但係 ，邊個 要 佢 多管閒事 唧 ？
佢 如果 唔 插嘴 ，點 會 搞出 以後 咁多 事 吖 ？
玄貞 見 佢 嬲 得 咁 緊要 就 唔 再 講 落去 嘞 。
白寒楓 繼續 話 ：
盧一峰 聽見 呢句 説話 就 發起 惡 上嚟 ，一拍 張 枱 ，擰 轉 頭 ；
見 呢個 老賊 係 個 彎腰 駝背 嘅 伯虎 ，相貌 又 兜踎 ，枱面 擠住 一個 藥箱 ，旁邊 就 插住 一面 膏藥 旗 ，係 個 賣藥 嘅 伯虎 。
噉 就 喝 佢 話 ：你 呢 個 老 而 不 吖 ，點 講 啲 咩 啊 噉 。
佢 手下 嗰 四名 家丁 ，早就 衝 咗 埋去 ，喺 老贼 枱面 嘭嘭聲 拍枱 大鬧 ，有 個 家丁 呢 執 住 佢 條 衫領 。
亦 係 我 盲 咗 眼 嘅 ， 睇 唔 出 呢 個 老賊 武功 使得 ， 仲 以為 佢 激於 一時 義憤 ， 出言 譏諷 ， 又 怕 佢 蝕 底 ， 噉 就 行埋 去 詐 假意 勸 佢 哋 ， 將 嗰 四名 家丁 都 推開 咗 。
玄貞 贊 佢 話 喇 ：白二俠 仁義 為 懷 ，果然 係 英雄 行徑 啊 。
因為 佢 諗住 白寒松 已經 死咗 咯 ，徐天川 受傷 雖然 係 唔輕 ，多數 都 唔會 死 嘅 。
自己 呢便 呢 ，到底 係 佔咗 便宜 ，呢件事 雙方 只有 言和 嘅 啫 ，因此 口頭上 呢 捧 白寒楓 幾句 等 佢 平下氣 。
點知 白寒楓 唔 受 佢 啊 ，睩 咗 佢 一眼 佢 話 ：
咩嘢 英雄 啊 ？我 係 屎蟲 ！
生咗 雙眼 唔識 人 ，睇唔出 呢個 老賊 陰險 毒辣 ，仲 以為 佢 係 好人 添 。
嗰個 盧一峰 啊 打起 官腔 ，破口大罵 ，大聲 叫話 ：造反 啊 造反 啊 ！話 京城 刁民 真係 多 喇 ，要 重辦 噉 。
樊綱 就 插嘴 嘞 ：呢個 官狗 仗 人勢 ，喺 雲南 欺負 百姓 都 唔夠 ，仲 嚟 北京城 蝦人 ？
白寒楓 話 ：想 蝦人 ？亦 冇 咁 容易 。
噉 嗰個 官 就 猛 咁 喝 ，叫 家丁 將 呢個 姓徐 嘅 老賊 綁 起嚟 送官 ，打 佢 四十大板 ，擔 枷 示眾 噉 。
個 老賊 笑口 噬噬 話 ：大老爺 ，你 咁 大聲 嘈 唔怕 嘥 力 啊 ？我 送 張 膏藥 畀 你 貼 下 啦 噉 。
噉 佢 喺 藥箱 攞 一貼 膏藥 出嚟 ，用 兩隻 手板 挾住 ，跟住 呢 ，就 將 嗰貼 本來 褶 埋 嘅 膏藥 拉平 喇 。
我 初時 呢 ， 見到 老賊 對 嗰 個 凶神惡煞 嘅 家丁 ， 一 啲 都 唔 怕 ， 噉 啊 已經 疑心 㗎 喇 。
等到 見 佢 拉 膏藥 嘅 手勢 ，我 即刻 同 大哥 對望 咗 一眼 ，已經 明白 晒 。
膏藥 中間 嘅 藥膏 啊 貼 埋 一齊 ，總係 要 點着 火 焙 好耐 下 ，先至 拉 得 開 㗎嘛 。
但係 佢 淨係 用 兩 隻 手板 中間 挾 一陣 間 唧 ，就 用 內力 焙 軟 咗 藥膏 ，呢份 功力 啊 真係 叻 啊 。
佢 將 膏藥 拉平 之後 ，噉 啊 藥膏 呢 就 熱氣 騰騰 吖 。
嗰個 廬 一峰 仲 唔 醒悟 噃 ，仲 猛 咁 催促 啲 家丁 去 捉 人 。
我 就 唔 去 攔阻 嗰 班 走狗 喇 ，由得 佢哋 自己 去 衰 喇 。
有名 家丁 見 我 讓開 ，即刻 就 衝過去 老賊 嗰處 。
個 老賊 笑住 話 ，你 要 膏藥 啊 噉 。噉啊 將 貼 膏藥 放 喺 家丁 手裏 便 。
嗰家丁 鬧 佢 ：老狗 ，你 想 做 咩 啊 ？
嗰老賊 喺 佢 手臂 一推 ，嗰個 家丁 就 即刻 擰轉身 ，啪 一聲 ，將 嗰張 熱辣辣 嘅 膏藥 ，咁啱 啊 貼 喺 盧一峰 個 狗官 嘅 嘴 上 便 。
韋小寶 聽到 呢處 ，點都 忍唔住 喇 ，嘻 一聲 笑咗出嚟 ，拍手 叫好 。
白寒楓 哼咗 一 聲 ，惡死騰騰 噉 睩實 佢 。
韋小寶 個 心 好 怕 ，就 唔 敢 再 笑 嘞 。
蘇岡 問 佢 ：收尾 點 啊 ？
白寒楓 話 ：嗰個 狗官 個 嘴 啊 畀 膏藥 封住 ，噉 啊 連忙 伸手 去 掹 啦 。
嗰個 老賊 又 推 嗰 四名 家丁 佢 話 ：去 幫 大老爺 啦 你哋 。
聽見 啪啪啪啪 咁 響 ，四 名 家丁 啊 你 一 掌 、我 一 掌 ，都 打 嗰個 狗官 噃 。
原來 嗰個 老賊 呀 ，推撥 四 名 家丁 嘅 手臂 ，用 咗 巧勁 ，用 呢 四 個 人 嘅 手掌 去 打 嗰個 狗官 。
一陣間 唧 ，嗰個 狗官 嘅 兩個 面珠 啊 ，打到 又 紅 又 腫 。
韋小寶 又 試 哈哈大笑 嘞 ，不過 呢次 呢佢 擰轉頭 ，唔 敢 望 白寒楓 。
蘇岡岌岌頭話 ：呢位 徐老兄 花名 叫做 百臂猿猴 ，聽講 擒拿 小巧 功夫 算 得 係 武林 一絕 ，果然 係 名不虛傳 啊 。
佢 諗 白寒松 死 喺 佢 手下 ，呢個 伯虎 個 武功 當然 係 極高 ，抬高 咗 佢 嘅 武功 ，亦 係 為 白氏 雙雄 留 咗 餘地 。
白寒楓 話 ：噉 當時 我 同 大哥 只係 好笑 啦 ，睇住 嗰個 狗官 已經 打到 兩邊 面珠 呢 鮮血淋漓 嘞 ，酒樓 上 好多 閒人 企 喺 處 睇 熱鬧 啊 。
嗰 個 老賊 大聲 咁 叫 話 ：唔 打 得 㗎 ，唔 打 得 㗎 ！大老爺 係 唔 打 得 㗎 ，啊 你 呢 啲 大膽 奴才 ，以下犯上 ，點解 打 起 大老爺 嚟 啊 噉 。
噉 喺 四名 家丁 後 便 呢 跳 嚟 跳 去 ， 十足 一隻 大馬 騮 。
佢 伸手 推開 家丁 嘅 手臂 ， 似乎 喺 處 避開 佢 哋 ， 嗰 啲 閒人 都 睇 唔 出 佢 係 喺 度 搞鬼 嘅 。
一直 打到 嗰個 狗官 暈咗 喺 地 ，佢 先至 停手 ，返去 坐 返去 原座 。
呢 四 名 家丁 ，仲 以為 係 撞邪 添 ，點 都 唔 明白 佢 點解 會 伸手 去 打 大老爺 嘅 。
不過 自己 手掌 上 便 呢 都 係 鮮血 ， 又 唔 係 假 㗎 ， 噉 四個 人 傻 咗 一陣 ， 就 扶住 嗰 個 狗官 扯 咗 咯 。
樊綱話 ：痛快 ，痛快啊 ！吳三桂 手下 嘅 走狗 ，本應 係 噉樣 整佢 嘅 。
徐三哥 痛打 狗官 ，正係 同 天下 百姓 出翻 啖 胸中 惡氣 。
白二俠 ，你 當時 點解 唔 幫手 打 幾 拳 呢 ？
白寒楓 當堂 怒氣 又 湧上嚟 大聲 話 ：老賊 喺度 演嘢 打人 ，我 點解 要 幫 佢 啊 ？係 佢 打人 噃 ，又 唔係 佢 喺度 捱打 。
玄貞話 ：白二俠 講得啱 ，先頭 佢 唔知道 徐三哥 身有 武功 ，噉咪 見義勇為 ，出手 攔阻 狗官 嘅 家丁 行兇 咩 ？
白寒楓 哼咗 一 聲 繼續 話 ：
嗰個 狗官 同埋 家丁 扯 咗 之後 ，我 大哥 叫 酒樓 個 掌櫃 嚟 ，話 一切 打爛 嘅 枱椅 啊 器皿 都 由 佢 賠 。
嗰 老賊 嘅 酒錢 呢 ， 都 睇 埋 數 咁 。
嗰個 老賊 笑住 多謝 我哋 ，噉 我 大哥 請 佢 過嚟 一齊 飲酒 。
嗰 個 老賊 細細 聲話 ：久慕 松楓賢 喬梓 嘅 英名 ，幸會 啊 ，幸會 啊 噉 。
我 同 大哥 都 吃 咗 一驚 啦 ， 個 心 諗 ： 原來 佢 早就 知道 我 哋 嘅 來歷 㗎 ， 我 哋 仲 唔 知道 佢 係 邊個 。
我 大哥 話 ，我哋 真係 慚愧 喇 ，請問 大爺 尊姓 大名 啊 噉 。
嗰個 老賊 就 笑住 話 ：在下 徐天川 ，一時 沉唔住氣 ，喺 賢喬梓 面前 班門弄斧 ，啊 真係 見笑 大方 喇 噉 。
嗰陣時 我哋 仲 唔 知道 徐天川 係 咩 來頭 ，但係 諗住 佢 毆打 狗官 ，噉 梗係 同 我哋 係 同一條路 㗎 。
呢隻 狗官 啊 如果 唔 捱 呢餐 打 ，我 兩 兄弟 一樣 要 打佢 一餐 。
噉 我 哋 三個 人 飲酒 傾 偈 ， 亦 十分 啱 巧 ， 喺 酒樓 之中 啊 不便 深談 ， 就 請 佢 嚟 呢 處 食飯 嘞 。
樊綱 哦 咗 一聲 話 ： 原來 徐三哥 嚟 到 呢 度 ， 係 喺 府上 動手 咩 ？
白寒楓 話 ： 邊個 話 喺 呢 處 動手 唧 ？ 喺 我 哋 屋企 ， 點 能夠 同 客人 過招 啊 ， 噉 咪 蝦 人 ？
玄貞 岌岌 頭話 ： 白氏 兄弟 英風 俠骨 ， 呢 種事 係 點都 唔 會 做 嘅 。
白寒楓 聽 佢 連氣 稱讚 自己 ， 咪 終於 向 佢 岌一岌頭 ， 表示 謝意 ， 佢 話 ：
噉 我 兩 兄弟 將 老賊 請到 來 呢處 ，恭謹 相待 ，問起 佢 係 點 會 認得 我哋 兄弟 嘅 。
佢 亦都 唔再 隱瞞 喇 ，話 自己 係 天地會 㗎 。
我 兩 兄弟 嚟到 北京 嘅 時候 ，佢 天地會 呢 已經 得到 消息 ，係 想 同 我哋 兩 兄弟 做 個 朋友 。
佢 喺 酒樓 上 便 毆打 狗官 ，一來 呢 ，係 痛恨 吳三桂 ；二來 呢 ，亦 係 為咗 要 同 我哋 兩 兄弟 結交 。
呢個 老賊 啊 好 會 講説話 㗎 ，氹得 我哋 兩 兄弟 仲 當 佢 係 個 好人 。
收尾 講到 反清復明 嘅 事 ，三個 人 ，唔 係 唔 係 ，兩個 人 一隻 狗 ，越 講 越 啱 巧 。
韋小寶 接口 話 喇 ：兩個人 同 一隻 狗 越 講 越 啱巧 ，吖 ，噉 啊 夠 奇 嘞 噃 。
大家 聽 起 上 嚟 都 覺得 好笑 ，不過 呢 白寒楓 喺 處 唔 好意思 就 唔敢 笑 出 聲 唧 。
白寒楓 發火 喇 ：你 呢個 小鬼 ，亂噏 無為 ！
樊綱話 ：白二俠 ，呢位 韋香主 年紀 雖然 係 細 ，係 敝會 青木堂 嘅 香主 ，敝會 上下 ，對 佢 都 係 十分 尊敬 嘅 。
白寒楓 話 ：香主 又 點啊 ？
蘇岡 連忙 岔開 話頭 佢 話 ：白兄弟 心傷 兄長 過咗身 ，講説 話 有啲 氣急 ，各位 唔好 介意 ，韋香主 ，你 包涵 啲 。
佢 諗住 天地會 嘅 香主 身份 非同小可 ，白寒楓 啊 鬧 佢 做 小鬼 到底 係 理虧 。
白寒楓 亦 唔 蠢 啊 一點 就 透 ，眼光 呢 ，再 唔同 韋小寶 接觸 嘞 ，佢 話 ：
噉 收尾 我哋 三個 。
韋小寶 又 插嘴 話 ：唔 係 唔 係 ，兩個 人 ，一隻 狗 。
你 ，你 ！白寒楓 終於 忍住 嘞 ，唞 咗 啖 大氣 ，繼續 話 ：
大家 講到 反清復明 嘅 事 ，講到 日後 將 清兵 殺晒 喇 ，扶保 洪武 皇帝 嘅 子孫 重登 龍庭 。
噉 我 大哥 話 ：皇上 喺 緬甸 歸天 ，只係 留低 一位 小太子 ，係 位 聰明 睿智 嘅 英主 啊 ，目前 呢 喺 深山 隱居 。
嗰 個 老賊 啊 話 ：真命天子 好 地 地 係 喺 台 灣 啊 。
白寒楓 一 講 徐天川 呢 句 説話 ，蘇岡 、姚春 、王武通 等 人 呢 就 知道 原來 雙方 爭執 啊 ，係 由 擁 桂 擁 唐 而 起 。
崇禎皇帝 喺 煤山 吊頸 死咗 ，清兵 入關 ，噉 明朝 嘅 宗室 福王 、唐王 、魯王 、桂王 ，就 分別 喺 各地 稱帝 ，當時 呢 就 有 紛爭 㗎 嘞 。
各王 死咗 之後 ，手下 嘅 孤臣 遺老 仍然 係 互相 心存 嫌隙 嘅 。
白寒楓 繼續 話 ：嗰陣時 我 聽到 老賊 呢句 説話 ，我就 問 ，我哋 嘅 小王子 幾時 去咗 台灣 啊 ？
嗰老賊話 ：我 講嘅 係 隆武天子 嘅 小王子 ，唔係 桂王 嘅 子孫 啊 。
我 大哥 話 ：徐大爺 ，你 係 英雄豪傑 ，我 兩 兄弟 係 好 佩服 嘅 。
不過 喺 天下 大事 呢 ，你 老人家 見識 就 差 喇 。
崇禎 天子 崩駕 ，福王 啊 自立 。
福王 畀 清兵 俘虜 咗 ，唐王 又 不幸 殉國 ，我 永歷 天子 係 天下 之 主 啊 。
永歷 天子 殉國 之後 ，自不然 ，係 由 佢 聖上 嘅 子孫 繼位 喇 。
隆武 係 唐王 嘅 年號 ，永歷 係 桂王 嘅 年號 。
佢哋 係 唐王 、桂王 嘅 舊臣 ，對 主子 呢 ，都 係 以 年號 相稱 嘅 。
樊綱 聽到 呢處 插口 話 ：白二俠 ，請 你 唔好 見怪 啊 。
隆武天子 殉國 之後 ，兄 終 弟 及 ，由 聖上 嘅 親兄弟 紹武天子 喺 廣州 接位 。
桂王 就 派兵 嚟 攻打 紹武 天子 。
大家 都係 太祖 皇帝 嘅 子孫 ，唔 打 清兵 ，反而 自己 打起上嚟，豈不是大錯而特錯咩？
白寒楓 發惡嘞：嗰個老賊嘅口吻就同你一模一樣。
不過 到底 係 邊個 挑起 嘅 釁 呢 ？
我哋 永歷 天子 好地地派咗使臣去廣州，要唐王除去尊號。
唐王 不但 不 奉旨 ，反而 興兵 抗拒 天命 。
唐王 噉樣 嘅 行為 ，明明 係 犯 上 作 亂 ，大 逆 不 道 ，可以 講得 係 罪 魁 禍 首 啊 。
樊綱 冷笑 嘞 ：呵呵呵 ，三水 嗰 一戰 ，區區 在下 亦 在 其 內 ，就 唔 知道 係 邊個 全 軍 覆 沒 唧 ？
白寒楓 發 大 火 喇 ，企 起身 ，擘 大 喉嚨 噉 話 ：你 仲 喺度 算 呢個 舊賬 啊 ！
韋小寶 聽到 樊綱 個 説話 呢 ，就 知道 三水 呢 一仗 係 唐王 贏 然後 桂王 輸 嘞 ，佢 問 ：
樊大哥 ，三水 嗰 仗 係 點樣 打 㗎 ？
樊綱話 ：桂王 聽咗 手下 奸臣 嘅 唆擺 ，派咗 一個 林桂鼎 帶兵 嚟到 打 廣州 。
蘇岡插口話 ：樊大哥 ，呢句説話 同 事實 不符 噃 。
係 唐王 派兵 去 攻打 肇慶 先 ，我 永歷 天子 先至 不得已 起而 應戰 啫 。
噉 雙方 你 一 言 我一語 ， 講 嘅 都 係 舊事 ， 漸漸 噉 就 劍拔弩張 就 要 逳 起 手上 嚟 喇 。
嗱 各位 ，欲知 後事 如何 ，且 聽 下回 分解 。
