前文 再續 啊 書 接 上 一回 啊 。
話説 韋小寶 諗起 去 見 嗰個 徐老伯 ，之話 去 又 唔 去 話 去 又 唔 去 ，係 噉樣 又 過 咗 個 幾月 。
韋小寶 呢 一日 呢又 喺 茶館 裏便 聽 英烈傳 。
茶博士 見 佢 係 宮中 太監 ，畀 嘅 打賞 又 多 ，總係 同 佢 留 翻 最好 嘅 座位 ，沖 嘅 係 上好 香茶 。
韋小寶 呢排 呢 畀 人哋 奉承 慣晒 ，對 茶博士 嘅 恭謹 巴結 雖然 唔係 點 稀罕 啊 ，不過 聽 喺 耳裏 便 就 十分 過癮 。
講古 先生 今日 講 嘅 呢 ，係 大將軍 徐達 掛帥 出征 ，咪 將 元兵 趕 去 蒙古 。
京師 嘅 地方 茶館 裏 便 聽 古 嘅 旗人 係 好多 嘅 。
個 講古 先生 呢 ，又 唔 敢 公然 提 韃子 兩個 字 ，只係 講 係 元 兵 元將 ，但係 呢 亦都 講到 口沫橫飛 ，精神 十足 。
韋小寶 正係 聽到 出神 ，忽然間 有 個人 話 ：唔該 。喺 佢 嘅 枱 邊 坐低 。
韋小寶 眉頭 一皺 有啲 唔鐘意 嘞 。
嗰個人 細細聲 話 ：小人 有 張 認真 好 嘅 膏藥 ，想 賣 畀 公公 ，唔該 公公 睇 下 吖 。
韋小寶 一擰轉頭 ，只見 枱面 放住 一張 膏藥 ，一半 青 就 一半 紅 ，佢 個 心 一動 就 問 ：
係 咩嘢 膏藥 啊 ？
嗰 個人 話 ：呢 啲 係 除 清 惡毒 ，令 雙眼 復明 嘅 膏藥 。
有 個 名堂 嘅 ，叫做 去 清 復明 膏藥 。
韋 小寶 睇下 嗰 個人 ，見 佢 三十零歲 啦 ，英氣勃勃 ，就 唔 係 師父 講 嘅 嗰 個 徐老伯 ，個 心 就 思疑 喇 。
呢張 膏藥 ，賣 幾多 錢 啊 ？
三兩 白銀 、三兩 黃金 。
五兩 白銀 、五兩 黃金 賣 唔 賣 啊 ？
噉唔係 貴過 頭 咩 ？
唔貴 ，唔貴啊 ，只要 真係 去得 清毒 ，能夠 復明 ，就係 同你 做 牛 做 馬 亦係 唔貴 。
嗰個人 將 膏藥 向 韋小寶 身前 一推 ，低聲 話 ：公公 ，唔該 借過 一步 講説話 。
講完 企起身 行 出 茶館 。
韋小寶 將 二百 文錢 掉 喺 枱面 ，攞 咗 膏藥 行 出去 。
嗰個人 喺 茶館 外 便 等 ，見 佢 出嚟 喇 ，就 向 東 便 行 ，轉咗 入 一 條 胡同 就 企定 腳 ，佢 話 ：
地振高岡 ，一派溪水 千古秀 。
韋小寶 話 ：門 朝 大海 ，三河 合 水 萬年流 。
噉 唔 等 佢 問 就 先 問 佢 喇 ，閣下 喺 紅花亭 畔 住 邊 一堂 啊 ？
嗰個人 話 ：兄弟 係 青木堂 。
堂上 燒 幾 炷 香 呢 ？
三炷香 。
韋小寶 岌 一 岌 頭 個 心 諗 ：你 比 我 職位 要 低 兩 級 。
嗰個人 叉手 躬身 ，低聲 話 ：阿哥 係 青木堂 燒 五 炷 香 嘅 韋香主 啊 ？
韋小寶 話 ：冇錯 。
我 心諗 ：你 年紀 比 我 大得多 就 叫 我 阿哥 ，如果 真係 要 叫得 好聽 嘅 ，點解 唔 叫 我 做 阿爺 阿叔 呢 ？
嗰個人 話 ：兄弟 姓 高 ，叫做 彥超 ，係 韋香主 嘅 下屬 ，久仰 香主 英名 ，今日 能夠 見面 係 好 高興 。
韋小寶 個 心 好 歡喜 佢 話 ：高大哥 唔好 噉 講 ，大家 係 自己人 使 乜 客氣 呢 ？
高彥超 話 ：本堂 有 一位 姓 徐 嘅 徐大哥 ，一向 喺 天橋 賣 藥 嘅 ，今日 畀 人 打 到 重傷 ，特意 嚟 報告 韋香主 啊 。
韋小寶 吃 咗 一驚 嘞 ：我 連日 喺 宮裏 便 有事 唔 得閒 去 會 佢 ，佢 點 會 受傷 㗎 ？邊個 打 佢 㗎 ？
呢處 講説話 唔方便 ，請 韋香主 跟 我 嚟 啦 。
韋小寶 岌一岌頭 ， 噉 高彥超 啊 大 步行 ， 韋小寶 呢 就 遠遠 跟 住 佢 。
過咗 七八條 街 ，嚟到 一條 街仔 ，高彥超 行入 一間 藥鋪 。
韋小寶 見 招牌 上面 寫住 五 個 字 ，噉 當然 係 一個 佢 都 唔 識 啦 ，不過 亦 唔 仔細 睇 嘞 ，斷估 都 係 藥鋪 個 名 啦 ，就 跟住 入去 。
櫃枱 裏 便 有 個 肥佬 掌櫃 坐 響 處 ，高彥超 行埋去 ，喺 佢 耳邊 細細聲 講 幾句 説話 。
嗰 個 肥 佬 掌櫃 一味 話 ：係 ，係 。噉 企 起身 ，向 韋小寶 岌一岌頭 話 ：
客官 要 買 上好 藥材 呀 ，唔該 請 入嚟 啦 。
噉 啊 帶 韋小寶 同 高彥超 行 入 內室 ，就 反手 掩 翻埋 道門 ，彎低 條 腰 ，掀開 塊 地板 打出 個 地洞 ，有 石級 通 落去 嘅 。
韋小寶 見到 地道 裏 便 黑𠵼𠵼 個 心 好 驚疑 啊 ：
呢 兩個 人 真係 天地會 兄弟 啊 ？都 怕 有 啲 靠唔住 噃 。
下便 如果 係 劏 韋小寶 嘅 屠房 噉 唔係 弊傢伙 ？
但係 高彥超 跟住 喺 後便 ，已經 無路可退 嘞 ，就 唯有 跟住 嗰個 掌櫃 行 入 地道 。
好彩 地道 好 短 嘅 ，行 咗 十幾 步 ，個 掌櫃 就 推開 一道 門 ，門 裏 便 透出 燈光 。
韋小寶 行 入去 ，見到 一 間 十幾尺 見方 嘅 房仔 。
房 裏頭 呢 坐咗 五 個 人 ，另外 有 個 人 呢 瞓 喺 一 張 矮 床 上 便 。
噉 等到 再 加上 三個 人 ，幾乎 已經 轉身 都 冇 地方 啊 ， 好 在 嗰 個 肥 掌櫃 呢 跟 住 出返 去 唧 。
高彥超 話 ：眾位 兄弟 ，韋 香 主 駕到 。
房仔 裏 便 五個 人 齊聲 歡呼 ，企 起身 嚟 躬身 行禮 。
個 地牢 好 細 ，啲人 都 逼埋 一嚿 僂 。
韋小寶 抱拳 還禮 嘞 。
見 其中 有 個人 係 個 道人 ，係 曾經 見 過 嘅 ，叫做 玄貞 ，記得 佢 曾經 開玩笑 ，叫 關安基 同 佢 嘅 妻子 十足 真金 離婚 。
噉 另外 有 一個 係 姓 樊 ，亦都 係 見過 㗎 嘞 。
韋小寶 見到 熟人 啊 即刻 寬心 。
高彥超 指住 瞓 喺 矮床 上面 嗰個人 話 ：徐大哥 身受 重傷 ，唔能夠 起身 見禮 嘞 。
韋小寶 話 ：唔使 客氣 ，唔使 客氣 。
行埋 去 ， 只見 床上 嗰 個人 ， 塊面 冚𠾴 唥 都 係 皺紋 ， 冇 到 血色 ， 眯 埋 雙眼 ， 呼吸 微弱 ， 白鬚 上面 就 點點 斑斑 都 係 血跡 。
唔知 邊個 打傷 徐大哥 嘅 呢 ？
係 ，係 官府 嘅 鷹爪 啊 ？
高彥超 擰頭 話 ： 唔 係 ， 係 雲南 沐 王府 個人 。
韋小寶 吃咗 一驚 嘞 ，雲南 沐王府 ？佢哋 ，佢哋 同 我哋 係 一路 㗎 嘛 係唔係 啊 ？
高彥超 慢慢 擰下 頭 佢 話 ：
啟稟 香主 大哥 ，徐 大哥 今朝 捱到 返嚟 呢度 回春堂 藥店 ，斷斷續續 噉 話 ：
落手 打傷 佢 嘅 ，係 沐王府 嘅 兩個 後生仔 ，都 係 姓 白 。
韋小寶 話 ：姓 白 ？噉 唔係 沐王爺 四 大家將 嘅 後人 咩 ？
睇嚟 係 ，大概 就 係 白寒松 、白寒楓 兄弟 ，叫做 咩 白氏 雙木 。
兩條 爛木頭 啫 有 咩 咁 緊要 啊 ？
聽 徐大哥 講 ，佢哋 為咗 爭執 擁唐擁桂 ，就 越 講 越 僵 ，終於 啊 動 起 手 嚟 。
徐大哥 雙拳 難敵 四手 啊 身受 重傷 。
噉 兩個 打 一個 唔係 英雄 好漢 啦 。
咩 嘢 糖 啊 ，桂 啊 ，噉 唔 通 ，唔 通 。
韋小寶 個 心 諗 咩 擁桂 唔通 係 擁護 我 小桂子 ？但係 覺得 又 唔 係 點 似 啊 就 縮翻 唔 講 。
高彥超話 ：沐王府 係 桂王 手下 ，我哋 天地會 呢 ，係 當年 唐王 天子 手下 。
徐大哥 實 係 同 佢 哋 爭 名分 ，搞 到 言語 失和 啦 。
韋小寶 仲 係 唔明 ：咩嘢 桂王 手下 ，唐王 手下 啊 ？
高彥超話 ：嗰個 桂王 唔係 真命天子 ，我哋 唐王 先至 係 真命天子 啊 。
玄貞道人 就 明白 韋小寶 嘅 底細 ，知道 佢 肚 嘅 料 呢 ，就 好 有限 㗎啫 ，就 插口 話 ：
韋香主 ，當年 李闖 攻入 北京 ，逼死咗 崇禎 天子 吖 。
吳三桂啊 帶領 清兵 入關 ，佔領 我哋 嘅 河山 。
各地 嘅 忠臣 義士 就 紛紛 推戴 太祖 皇帝 嘅 子孫 為 王 。
先不先呢 ，就係 福王 喺 南京 做 天子 。
收尾 福王 畀 清兵 殺咗 ，噉 我哋 唐王 喺 福建 做 天子 嘞 ，佢 係 國姓爺 鄭家 一班 人 擁戴 㗎 ，噉 當然 係 真命天子 嘞 。
點 知道 另外 一批 人 呢 喺 廣西 、雲南 推戴 桂王 做 天子 ，吖 又 有 一批 人 啊 ，喺 浙江 推戴 魯王 做 天子 ，噉 佢哋 都 係 假嘅 真命天子 咯 。
韋小寶 岌一岌頭 話 ：天 無 二日 ，民 無 二主 。
噉既然 有 唐王 做咗 天子 ，桂王 、魯王 就 唔 能夠 做 天子 啦 。
高彥超 話 ：係咯 ，韋香 主講 得 好啱 。
玄貞 道人 話 ：但係 廣西 、浙江 嗰啲 人 呢 為咗 貪圖 富貴 ，爭住 話 佢哋 擁立 嘅 先至 係 真命天子 ，大家 自己 啊 爭得 好 厲害 。
唉 ，收尾 唐王 、魯王 、桂王 ，先後 都 遇咗 難 。
呢 十幾年 嚟 ， 江湖 上 嘅 豪傑 念念不忘 明室 ， 噉 啊 分別 搵 咗 三王 嘅 後人 擁戴 佢 哋 做 主公 ， 做 反清復明 嘅 大業 。
桂 王 嘅 手下 呢 擁戴 桂 王 嘅 子孫 ，魯 王 嘅 手下 就 擁戴 魯 王 嘅 子孫 ，噉 啊 桂派 同 魯派 咯 。
噉 佢哋 呢 ，又 叫 我哋 天地會 做 唐派 。
唐 、桂 、魯 三 派 ，都 係 反清 復明 嘅 。
不過 只有 我哋 天地會 先 係 正統 ，桂派 、魯派 都 係 篡位 嘅 啫 。
韋小寶 岌頭 話 ：我 明白 喇 ，沐王府 嗰啲 人 呢 係 桂派 係 唔 係 ？
玄貞道人 話 ：冇 錯 ，呢 三派 人 啊 十幾年 來 互相 爭到 冇 停 冇 了 啊 。
韋小寶 諗起 嗰日 喺 蘇北 條路 處 遇到 沐王府 嘅 人物 ，極之 傲慢 無禮 。
嗰個人 亦係 姓 白 嘅 ，唔知 係咪 呢 兩 條 爛 木頭 之一 呢 ？
噉 當時 見到 茅十八 對 佢 怕到 好厲害 ，早就 唔忿氣 㗎喇 ，佢 話 ：
唐王 既然 係 真命天子 佢哋 就 唔應該 再 爭 㗎啦 。
聽講 沐公爺 呢 係 好好 嘅 ，只怕 佢 老人家 歸天 之後 ，佢 手下 嗰啲 人 呢 有啲 亂七八糟 唧 。
地牢 裏 便 大家 齊聲 話 ：韋 香主 嘅 説話 一啲 都 冇 錯 。
玄貞 道人 話 ：江湖 上 好漢 睇 在 沐天波 沐 公爺 盡忠 死節 嘅 份上 ，遇到 沐王府 個 人物 ，都 係 容忍 三分 㗎 。
哈 噉樣 一嚟 呢 ，沐王府 啊 連 阿貓阿狗 都 狂妄自大 起嚟 。
我哋 呢位 徐大哥 係 最好 㗎喇 ，佢 以前 服侍 過 唐王 天子 ，真正 係 忠心耿耿 ，一提到 先帝 就 流眼淚 啊 。
實係 沐王府 嘅 人 呢 講説話 不三不四 ，説話之中 呢 侮辱 咗 先帝 ，否則 ，徐老哥 點樣 能夠 同 沐王府 嘅 人 逳手 吖 ？
高彥超話 ：徐大哥 喺 晏晝 以前 清醒 翻 一陣 ，要 各位 兄弟 同 佢 出 呢 啖 氣 啊 。
喺 直隸 境外 ，目前 本會 只有 韋香主 一位 香主 ，按照 本會 規矩 ，遇到 呢啲 大事 ，必須 要 稟明 韋香主 至 做得 㗎 。
如果係 對付 官府 嘅 鷹爪子 噉 就 唔緊要 啊 ，殺 幾個 官 同埋 鷹爪 固然 係 好啦 ，弟兄們 為 本會 殉難 ，亦係 分 所應當 嘅 。
但係 沐王府 喺 江湖 上 名聲 好 響亮 ，講 起 上嚟 ，總係 自己人 啦 ，去 同 佢哋 交涉 ，講 唔 定 會 大動干戈 ，後果 點樣 就 好 難 料 嘞 。
韋小寶 嗯 咗 一 聲 。
高彥超 又 話 ：徐大哥 講 ，佢 一直 都 等 阿韋 香主 駕 到 已經 等咗 幾個 月 喇 ，有時 見到 韋香主 喺 街市 採購 物品 ，有時 又 喺 茶館 裏 便 聽 人哋 講古 。
韋小寶 個 面 微微 一 紅 佢 話 ：
哦 原來 佢 早就 見到 我 喇 。
高彥超 話 ：徐大哥 講 ，總舵主 啊 吩咐過 ，韋香主 如果 有事 ，自然 係 會 搵 佢 嘅 。
因此 徐大哥 雖然 係 見過 韋香主 ，亦 唔 敢 上前 相認 。
韋小寶 岌 一 岌 頭 ，對 床上 嘅 伯虎 睇咗 一眼 個 心 諗 ：
原來 呢個 老狐狸 暗中 早就 跟實 我 。
我 喺 街上 買 嘢 亂食 ，亂咁 使銀 ，早就 畀 佢 睇見 喇 。
豈有此理 ，日後 佢 見到 我 師父 一定 會 講 是非 啫 。
哼 ，最好 係 呢隻 老狐狸 呢 傷勢 好唔到 ，嗚呼哀哉 。
玄貞道人 話 ：噉 我哋 一 商量 ，迫 不 得 已 ，只有 請 韋香主 嚟 呢處 主持 大局 啦 。
韋小寶 個 心 諗 ：我 一個 細路仔 能夠 主持 咩 大局 唧 ？
但係 見到 呢啲 人 對 自己 非常 恭謹 ，個 心 呢 亦 不禁 好 得意 。
佢 初初 入 天地會 嘅 時候 ，除咗 師父 之外 ，九位 香主 都 比 自己 年長 資深 。
而而家呢 ，呢啲 人 當中 ，卻係 以 自己 地位 最高 喎 ，嘩 ，爽晒啊 。
一個 中年 嘅 粗壯 漢子 氣憤憤 噉 話 ：
大家 見到 沐王府 嘅 人 都 退讓 三分 ，噉 係 敬重 沐公爺 為人 忠義 ，為 主 殉難 啫 。
至於 講到 所做 事業 嘅 驚天動地 ，我哋 國姓爺 ，比 沐公爺 勝過 十倍 。
嗰個 姓 樊 嘅 樊綱 佢 話 ：我 敬 你 五尺 ，你 就 應該 敬 我 一丈 至 係 啊 。
點解 我哋 客氣 ，佢哋 反而 當 係 應該 㗎 ？
呢件事 如果 唔講清楚 ，以後 天地 會 畀 沐王府 壓 到 連頭 都 擔 唔 起 ，噉 大家 仲 撈 咩 啊 ？
大家 你 一言 我 一語 都 十分 氣憤 。
玄貞 道人 話 ：呢 件事 點樣 辦理 ，大家 都 聽 韋 香主 嘅 指示 嘞 。
要 韋 小寶 想法子 去 偷雞摸狗 ，呃人 拐騙 ，噉 佢 都 仲 能夠 搦 啲 主意 出嚟 。
而家 面臨 呢 種 大事 ，要 佢 出 主意 喎 真係 攞 佢 命 咯 ，噉 擺明 啊 叫 佢 當場 出乖露醜 啫 。
但係 佢 係 不折不扣 ，確係 陳近南 嘅 弟子 啊 ，天地會 十大 香主 之一 ；
直隸 全省 之 中 ，天地會 眾 兄弟 以 佢 為 首 ；
呢個 姓 徐 嘅 老伯 同 第二 啲 人 呢 ，又 都 係 佢 青木堂 嘅 嫡系 下屬 ；
眼見 人人 嘅 眼光 都 注視住 佢 自己 ，不由得 啊 好似 熱 鍋 煎 螞蟻 噉 ，個 心 一味 話 ：唉 噉 點 好 呢 ，點 好 呢 ？
佢 一個個人 望過去 ，就 盼望 搵 一啲 線索 ，可以 諗到 個 好 主意 啦 噉 。
睇到 嗰個 粗壯 漢子 嘅 時候 ，忽然間 見 佢 嘴角 旁邊 呢 微微 有啲 笑容 ，眼光 裏 便 流露出 狡猾 嘅 神色 。
呢個人 啱先 仲 喺度 大嘈大叫 ，滿肚 都係 怒火 ，點解 突然間 會 高興 嘅 呢 ？
佢 定咗 定神 ，突然間 諗起 ：哎呀 ，呢批 王八蛋 啊 不懷好意 要 我 嚟 孭 鑊 。
佢哋 想 去 搵 沐王府 嘅 人 打交 ，就 慌怕 我 師父 將來 責怪 ，於是 搵 我 嚟 要 我 出頭 啊呢 。
佢 越 想 越 啱 ，佢 諗 ：
我 係 一個 十零歲 嘅 僆仔 啫 ，雖然 話 係 香主 啊 ，唔通 仲 真係 有 叻過 佢哋 嘅 主意 ？
佢 哋 要 攞 我 嚟 做 擋箭牌 ，日後 冇 事 呢 就 算數 喇 ，有 有 咩 唔 妥當 就 推晒 畀 我 話 ，青木堂 韋 香主 率領 大家 做 嘅 。
香主 有 令 ，我哋 唔敢 唔從 噉 。
哼 ，佢哋 本來 就 要 雞蛋 裏 便 搵 骨頭 ，廢咗 我 呢個 香主 。
我 帶頭 去 同 沐王府 嘅 人 打交 ，唔理 係 輸 係 贏 啊 總之 係 大大 一 塊 骨頭 係 啦 。
好啊 ，豈有此理 ，老子 真係 唔上 呢個 當 。
佢 詐 假意 耷低頭 諗嘢 ，過咗 一陣 佢 話 ：
眾位 兄長 ，小弟 雖然 係 做咗 香主 ，不過 係 撞啱 殺咗 鰲拜 嘅 啫 ，本事 一啲 都 冇 嘅 ，計策 啊 更加 冇 咯 。
我 睇 ，仲係 請 玄貞道長 出 個 主意 ，一定 比 我 高明 得多 。
佢 呢一招 啊 ，叫做 順水推舟 ，將 個 鑊 向 玄貞道人 膊頭 推過去 。
玄貞道人 笑咗 一笑 就 對 樊綱 話 ：
樊三哥 嘅 頭腦 比 我 叻 得 多 喇 ，你 睇 點 做好 呢 ？
樊綱 係 個 直 腸 直 肚 嘅 漢子 ，佢 話 ：
我 睇 ，亦 冇 第二 條 路 好 行 喇 。
我哋 就 搵到 姓 白 嘅 屋企 ，佢哋 如果 向 徐大哥 叩頭 賠罪 噉 就 萬 事 俱 了 啦 。
否則 ，哼哼 ，唯有 先禮後兵 。
人人 心裏 便 想嘅 其實 都係 呢 一句 説話 。
只係 沐王府 喺 江湖 上 威名 好 盛 啊 ，又 係 反清復明 嘅 同道 ，邊個 都 唔 願意 首先 將 呢句 説話 講 出口 唧 。
樊綱 噉樣 一講 ，幾個人 都 附和 話 ：冇錯喇 ，樊三哥 嘅 説話 啱到極 。
能夠 唔 動武 梗係 好啦 ，否則 我哋 天地會 亦 唔係 好 蝦 嘅 ，畀 人哋 打 成 噉 個 樣 ，唔通 噉 就 算數 咯 喎 ？
韋小寶 向 玄貞 同埋 另一個 漢子 話 ：你 兩位 以為 點 吖 ？
嗰個 漢子 話 ：呢啲 叫做 逼 上 梁山 ，冇 法子 啦 ，我哋 的確 係 趕到 絕 喇 。
玄貞 呢 就 微微 笑 岌 一岌 頭 ，不 置 可 否 。
韋小寶 個 心 諗 ：你 唔 講 嘢 啊 將來 想 賴 啫 嘛 ，我 偏偏 叫 你 賴唔到 。
噉 佢 問 ：玄貞道長 ，你 以為 樊三哥 嘅 主意 唔係 點 妥當 係咪 啊 ？
玄貞話 ：亦 唔係 唔妥當 ，不過 大家 呢 ，要 十分 慎重 。
如果 同 沐王府 嘅 人 逳手 ，第一 ，我哋 唔 輸得 ，第二 呢 ，係 唔 殺得 人 。
如果 打死 人 ， 噉 係 一件 大事 啊 。
樊綱 話 ：説話 係 噉 講 啦 ，但係 如果 徐大哥 重傷 不治 噉 又 點 啊 ？
玄貞 呢 又 試 岌 一岌 頭 。
韋小寶 話 ：請 大家 商量 個 法子 出嚟 啦 。
各位 阿哥 見識 多 ，食過 個 鹽 ，畀 我 食過 嘅 米 仲 要 多 ，行過 個 橋 呢 ，比 我 行過 嘅 路 仲 多 ，諗 嘅 主意 ，一定 比 我 好得多 喇 。
玄貞 睇咗 佢 一眼 ，平平淡淡 噉 話 ：韋香主 好 犀利 啊 。
韋小寶 笑住 話 ：道長 你 都 好 犀利 啫 。
噉 大家 商量咗 一陣 ，仲係 依照 樊綱 個 法子 ，請 韋小寶 率領 大家 ，去 向 沐王府 嘅 人 興問罪 之 師 。
噉 各人 身上 呢 暗帶 兵器 ，但係 要 盡量 忍讓 ，要 佔住 地步 。
最好 呢 係 等 沐王府 嘅 人 先 逳 手 打 人 ，噉 先至 好 還手 。
玄貞話 ：我哋 不妨 再 約 北京城 裏 幾位 成名 嘅 武師 一齊 去 ，請 佢哋 做 個 見證 。
免得 傳開嚟 ，話 我哋 天地會 上門 蝦人 就 唔好 喇 。
日後 是非 不明 ，至怕 總舵主 見怪 。
韋小寶 好 歡喜 噉 話 ：好極 嘞 ，要 請 啲 有 本事 嘅 ，越多 越好 。
喺 蘇北 嘅 飯店 裏 便 ，沐王府 嗰個 姓 白 嘅 一支支 筷子 掟 出去 ，只 打到 吳三桂 手下 一個個 𢴈 倒 喺 地 。
呢個 情景 ，而家 仲 好似 喺 眼前 一樣 。
佢 如果 再 搞 咩 銅角 渡江 、火箭 射 象 ，就算 北京城 裏 便 擺唔出 大象 陣 啊 ，淨係 擺 個 老鼠 陣 啫 ，青木堂 韋香主 啊 包 輸 都 得 。
本來 想 推託 唔去 㗎 喇 ，又 有 啲 講 唔出 口 。
而家 聽 玄貞 道人 話 要 約埋 北京城 裏 便 著名 武師 去 喎 ，啱晒啦 。
玄貞 微微 一笑 話 ：
我哋 只係 約 啲 有 聲望 名氣 嘅 ，唔係 請 佢 去 幫手 ，武功 好唔好 係 在 其次 啫 。
高彥超 話 ：名氣 大 嘅 武功 多數 都 高 嘅 。
佢 係 幫 韋小寶 講説話 。
玄貞岌 一岌頭 。
樊綱話 ：噉 我 哋 要 請 邊 幾位 武師 呢 ？
噉 大家 商量 請 邊個 一齊 去 。
請嘅人 ，要 喺 武林 中 頗 有 名望 ，同 官府 呢 又 冇 咩 來往 ，而 同 天地會 呢 多少 有 啲 交情 。
噉 商量 定咗 之後 ，正係 要 分頭 去 請人 ，嗰個 徐老伯 忽然間 呻吟 話 ：
唔 ，唔 ，唔 ，唔 能夠 請 外人 啊 。
樊綱 問 佢 ：徐大哥 ，你 話 唔能夠 請 外人 啊 ？
韋香主 ，佢 ，佢 喺 宮裏 便 ，當差 ，呢 件 事 ，唔 能夠 ，洩漏 出去 啊 ，係 ，係 ，係 性命交關 ，交關 嘅 大事 啊 。
大家 一聽 都 覺得 好 有道理 。
韋小寶 喺 皇宮 裏 便 做 太監 ，噉 梗係 奉 咗 總舵主 之 命 ，暗中 必定 有 重大 嘅 圖謀 。
一 有 外人 知道 ，就 難保 不 走漏 風聲 。
樊綱 話 ：韋香主 亦 不必 親自 出馬 嘅 。
我哋 去 同 嗰 兩個 姓 白 嘅 講道理 ，結果 點樣 ，返嚟 稟告 韋香主 知道 就 得 嘞 。
嗱 各位 ，欲知 後事 如何 。
