話説 陳近南 啊 收咗 韋小寶 做 徒弟 ，佢 話 ：
我 老實 同 你 講 吖 ，你 油腔滑調 ，狡猾 多詐 ，同 為師 嘅 性格 十分 唔合 ，我 實在 係 唔鐘意 。
我 之所以 收 你 做 徒弟 ，其實 啊 為咗 本會 嘅 大事 着想 啫 。
韋小寶 話 ：徒弟 以後 認真 改 啦 。
江山 易 改 ，本性 難 移 ，改 係 改 唔 到 幾多 嘅 。
你 年紀 仲 細 ，性情 浮動啲 亦 冇 做過 咩 壞事 ，以後 要 時時 記住 我 嘅 説話 。
我 對 徒弟 管教 極 嚴 ，你 如果 犯咗 本會 嘅 規矩 ，心術 唔正 ，為非作歹 ，為師 ，要 攞 你 條命 ，就 易 如 反 掌 ，決不 憐惜 。
講完 ，左手 一伸 ，咔一聲 ，將 枱角 搣咗 一嚿 落嚟 ，雙手 搓咗 幾搓 ，搓到 啲 木啊粉 咁 碎 。
韋小寶 睇咗 伸出 條 脷 ，半日 縮唔翻 入去 。
跟住 就 歡喜 到 癲噉 佢 笑住 話 ：
我 一定 唔 做 壞事 ，一 做壞事 ，嗱 ，師傅 你 就 喺 我 頭殼 噉樣 一 搣 ，噉樣 一 搓 就係 喇 。
仲有啊 ，我 只要 做 幾件 壞事 唧 ，師傅 你 唔 教 我 功夫 就係 啦嘛 。
唔係 幾件 ，只要 一件 壞事 ，你 同 我 就 冇 師徒 之 份 。
兩件 得 唔 得 唧 ？
陳近南 板 起 塊 面 佢 話 ：
你 正經 啲 ，唔准 口 花花 ，一件 就係 一件 ，呢種 事 都有 講價 還價 嘅 咩 ？
係 。
個 心 呢 就 喺 度 話 ：噉 我 做 半 件 壞 事 又 點 呢 ？
陳近南 話 ：你 係 我 嘅 第 四 個 徒弟 ，講 唔 定 ，就係 我 個 關門 弟子 嘞 。
天地會 事務 繁重 我 冇 時間 再 收 弟子 嘞 。
你 嗰 三個 師兄 ，兩個 同 清兵 交戰 嘅 時候 陣亡 ，一個 死 喺 國姓爺 光復 台灣 之 役 ，都 係 為 國 捐軀 嘅 大好 男兒 啊 。
為師 喺 武林 中 位置 唔 低 ，名聲 唔 曳 ，你 唔好 同 我 丟架 。
韋小寶 話 ：係 ，不過 ，不過 。
不過 咩 啊 ？
有時 我 唔係 想 丟 架 㗎 ，不過 真係 丟起 架 嚟 都 冇法子 吖 。
嗱 好似 打唔過 人哋 ，畀 人哋 捉住 咗 ，啊 韞 喺 紅棗 桶 裏便 ，當 貨物 一樣 噉 畀 人 搬 嚟 搬 去 ，嗯 師傅 你 唔好 怪 我 噃 。
陳近南 啊 皺起 眉頭 真係 又 好嬲 又 好笑 ，佢 長長 噉 歎咗 口氣 話 ：
唉 ，收 咗 你 做 徒弟 ，都 怕 係 我 生平 所 做 嘅 一件 大 錯事 ，但 係 以 天下 大事 為 重 ，就 只有 冒 一 冒險 嘞 。
小寶 ，等陣 另外 有 緊要 嘅 事 ，你 一切 聽 我 吩咐 行事 ，唔好 亂噏 無為 噉 就 得嘞 。
哦 。
陳近南 見到 佢 想 講 又 唔 講 就 問 ：你 仲 想 講 咩嘢 吖 ？
徒弟 講 嘢 梗 係 自以為 有理 先至 講 㗎 ，我 都 唔 係 想 亂 噏 無為 嘅 。
你 又 話 我 亂噏 無為 喎 ，噉 好 冤枉 㗎 嘛 。
陳近南 唔 願意 同 佢 糾纏 咁 多 喇 ， 佢 就 話 ： 噉 你 講 少 幾句 就 係 喇 。
個 心 諗 ：天下 都 唔 知 幾多 成名 嘅 英雄 好漢 ，喺 我 面前 都 恭恭敬敬 ，連 唞氣 都 唔 敢 咁 大聲 ，呢個 古靈精怪 嘅 頑童 偏偏 就 咁 多 廢話 講 。
佢 企 起身 行 去 門口 佢 話 ：你 跟 我 嚟 啦 。
韋小寶 搶住 開門 ，掀起 門簾 ，等 陳近南 出咗 去 ，然後 就 跟住 佢 嚟到 大廳 。
大廳 裏 便 本來 有 廿幾人 坐 響處 嘅 ，一 係 見到 總舵主 入嚟 ，即刻 肅立 。
陳近南 岌一岌頭 ，行到 上手 便 嘅 第二張 椅 坐落 。
韋小寶 見 當中 有 張 椅 空 嘅 ，喺 師父 之 上 ，仲 空住 一 張 椅 ，噉 個 心 好 奇怪 啦 ：
唔通 總舵主 仲 唔係 最大 嘅 ？點解 師父 之上 仲有 兩個 人 啊 ？
陳近南 話 ：眾位 兄弟 ，今日 我 收咗 個 小徒 。噉 指 一指 韋小寶 話 ：就係 佢 嘞 。
大家 一齊 上前 ，抱拳 躬身 行禮 話 ：恭喜 總舵主 。
噉又 對 韋小寶 拱手 ，紛紛 恭喜 。
噉 各人 嘅 表情 都 唔同 嘅 ，有啲 就 顯得 十分 歡喜 啦 ，有啲 好奇怪 噃 ，有啲 啊 直情 好似 唔敢 信 噉 。
陳近南 吩咐 韋小寶 話 ：拜見 眾位 阿伯 、阿叔 。
韋小寶 向 眾人 叩頭 見禮 。
李力世 就 介紹 佢 聽 ：
呢位 係 蓮花堂 香主 ，蔡德忠 蔡伯伯 。
呢位 係 洪順堂 香主 ，方大洪 方伯伯 。
呢位 係 家後堂 香主 ，馬超興 馬伯伯 。
韋小寶 對 呢啲 香主 逐個 叩頭 ，總共 呢 引見 咗 九個 堂 香主 ，以後 呢 ，引見 嘅 就係 啲 位置 同埋 職司 比較 低 嘅 人 嘞 。
嗰 九堂 香主 都 還咗 半禮 都 話 ：不敢 不敢 ，小兄弟 請起 。
其餘 各人 呢 都 唔 肯 受 佢 嘅 叩頭 ，佢 啱啱 要 跪低 啫 ，就 畀 對方 伸手 攔住 嘞 。
韋小寶 身手 敏捷 喇 ，有時 跪得 快 啊 ，對方 嚟唔切 攔阻 就 連忙 跪低 還禮 ，唔敢 自居 為 長輩 。
大廳 有 廿幾 人 ，韋小寶 一時之間 亦 記唔清 大家 嘅 姓名 同埋 職位 ，只係 知道 個個 係 天地會 中 嘅 首腦 人物 。
個心諗 ：我 一拜 總舵主 為 師 ，大家 都 當 我 係 自己人 ，就 將 身份 姓名 都 講出嚟 喇 。
噉 個心 就 好 歡喜 。
陳近南 等 韋小寶 同 大家 見過面 之後 ，就 話 ：
眾位 兄弟 ，我 收 咗 呢 個 小徒 之後 ，想要 佢 入 我 哋 天地會 啊 。
大家 齊聲 話 ：噉就 最好 啦 。
蓮花堂 香主 蔡德忠 係 個 白鬚白髮 嘅 老人家 ，佢 話 ：
從來 名師 必 出 高徒 。
總舵主 嘅 弟子 ，必定 係 一位 智勇兼全 嘅 小俠 ，喺 我哋 天地會 ，必定 會 建立 大功 嘅 。
家 後堂 香主 馬超興 呢 又 矮 又 肥 ，佢 滿面 笑容 噉 話 ：
今日 同 韋家 小兄弟 見面 ，亦 冇 咩 見面禮 。
我 向來 就會 精打細算 嘅 ，噉樣 啦 ，我 同 蔡香主 兩個 就 做 小兄弟 入會 嘅 接引人 ，就算 係 見面禮 嘞 。
蔡兄 以為 如何 啊 ？
蔡德忠 哈哈大笑 佢 話 ：哈哈哈哈哈哈哈哈 ，老馬 嘅 算盤 唔使 講 實響 嘅 ，呢 一份 唔使 錢 嘅 見面禮 ，算 我 一個 。
噉 大家 都 笑起嚟 。
陳近南 話 ：兩位 伯伯 做 你 嘅 接引人 ，你 真係 好 大面子 啊 ，快啲 多謝 啦 。
韋小寶 應咗 ，就 上前 叩頭 多謝 。
陳近南 話 ：本會 嘅 規矩 ，入會 兄弟 嘅 言行 好 醜 ，同 接引人 有 好 大 關係 。
我 呢個 小徒人 係 好 機警 嘅 ，就係 怕 佢 靈活 過頭 ，做事 唔 守 規矩 。
蔡馬 兩位 香主 既然 做 佢 嘅 接引人 ，以後 ，亦 要 幫下 我 。
如果 見到 佢 有 咩 行為 不端 ，就 即時 出手 管教 ，千祈 唔 好 客氣 啊 。
蔡德忠 話 ：總舵主 太 謙 喇 。
總舵主 門下 ，點會 有 行為不端 嘅 人 呢 ？
陳近南 好 嚴肅噉 話 ：我 唔係 太 謙 。
對 呢個 細佬 哥 我 實在 好 放心 唔落 。
大家 幫 我 管救 ， 亦 即 係 幫 我 分擔 一 啲 心事 。
馬超興 話 ：管教 就 唔 敢 當 喇 。
小兄弟 年紀 細 ， 如果 有 咩 事情 唔 明白 咯 ， 噉 大家 都 係 兄弟 ， 當然 係 開誠 布公 知無不言 言無不盡 嘅 。
陳近南 話 ：噉 我 喺 呢度 多謝 先 嘞 。
韋小寶 個 心 諗 嘞 ：
我 又 冇 做 壞事 ，師父 傅 啊 一味 擔心 我 做 壞事 。
冇錯喇 ，佢 聽到 我 對付 老烏龜 嘅 手段 ，怕 我 蒯起 上嚟 ，對 佢 亦 會 照板 煮碗 。
老烏龜 唔同 吖嘛 ，佢 想 害死 我 ，佢 又 唔係 我 師父 ，噉 我 先 毒盲 佢 雙眼 啫嘛 。
你 真係 我 師父 噃 ，又 肯 教 我 真 功夫 ，我 點 會 嚟 整蠱 你 呢 ？
你 將 説話 講定 先 ，呢度 咁 多人 ，個個 都 嚟 管教 下 我 ，連 逳 都 唔 能夠 逳 嘞 我 。
只 聽見 陳近南 又 話 ：
李兄弟 ，唔該 你 安排 香堂 ，我哋 今日 開 香堂 ，等 韋小寶 入會 。
李力世 應咗 就 出去 安排 嘞 。
陳近南 話 ：照 往日 嘅 規矩 ，有人 要 入 本會 經過 接引 之後 ，必須 要 查察 佢 嘅 身世 同 為人 。
少則 半年 ，多則 一年 兩年 ，查明 無誤 喇 ，先 能夠 開香堂 入會 嘅 。
但係 韋小寶 喺 清宮 之中 擔任 職司 ，係 清廷 小皇帝 身邊 十分 親近 嘅 人 ，對 本會 辦事 大 有 方便 ，噉 我哋 只有 從 權 咯 。
並唔係 我 為咗 自己 嘅 弟子 而 特別 破例 。
噉 大家 都 話 ：弟兄們 都 知道 嘅 。
洪順堂 香主 方大洪 身材 魁梧 ，一把 黑鬚 又 長 又 亮 ，噉 佢 高聲 話 ：
我哋 能夠 有 噉樣 嘅 親信 兄弟 ，喺 清廷 小皇帝 身邊 辦事 ，真係 上天 賜福 。
整定 佢哋 氣數 將盡 ，我 大明 江山 興復 有望 。
呢啲 叫做 知己知彼 ，百戰百勝 。
邊個 唔 明白 總舵主 嘅 用心 吖 ？
韋小寶 個 心 諗 ：
哦 ， 你 哋 待 我 咁 好 ， 原來 要 我 喺 皇帝 身上 做 奸細 。
我 到底 做唔做 呢 ？
佢 諗起 康熙 對 自己 咁 好 ，就 不禁 有 啲 躊躇 嘞 。
跟住 蔡德忠 就 將 天地會 嘅 歷史 同埋 規矩 ，簡要 噉 講畀 韋小寶 聽 ，佢 話 ：
本會 嘅 創始祖師 就係 國姓爺 ，原來 姓 鄭 ，大名 上成下功 。
當初 國姓爺 率領 義師 ，進攻 江南 ，圍困 江寧 ，功敗垂成 。
喺 退返去 台灣 之前 呢 ，就 接納 總舵主 嘅 創議 ，設立咗 呢個 天地會 。
嗰陣時 我哋 嘅 總舵主 就係 國姓爺 嘅 軍師 。
我 同 方兄弟 、馬兄弟 、胡兄弟 、李兄弟 ，以及 青木堂 嘅 尹香主 等等 ，都 係 國姓爺 軍隊 嘅 校尉士卒 。
韋小寶 知道 國姓爺 就係 鄭成功 ，當年 得到 明朝 皇帝 賜 佢 姓 朱 ，因此 啲人 呢 尊稱 佢 做 國姓爺 。
鄭成功 喺 江浙閩粵 一帶 嘅 聲名 好 響亮 ，佢 喺 康熙元年 去世 ，噉 當 其 時 呢 逝世 冇 幾 耐 ，人人 提到 佢 嘅 時候 呢 ，語氣 之間 仲係 十分 恭敬 。
茅十八 亦 曾經 同 佢 講 起 過 。
噉 蔡德忠 又 跟住 話 ：我哋 大軍 留 喺 江南 嘅 好多 ，想 退 返 晒 去 台灣 就 唔得 嘞 ，噉 有 啲 呢 退咗 去 廈門 ，噉 亦 係 一 小 部分 啫 。
因此 總舵主 啊 奉 國姓爺 嘅 命令 留喺 中土 ，成立 天地會 ，聯絡 國姓爺 舊時 嘅 部下 。
但凡 係 曾經 隨同 國姓爺 攻打過 江浙 嘅 兵將 ，自然 都 成為 會中 嘅 兄弟 ，唔使 由人 嚟 接引 ，亦 唔使 察看 嘅 。
但係 如果 外人 要 入會 呢 ，就 要 查察 明白 ，提防 有 奸細 混入嚟 。
蔡德忠 講到 呢處 停咗 一停 ，忽然間 ，塊面 神采飛揚 ，佢 繼續 話 ：
想當年 我哋 大軍 喺 台灣 出發 ，總共 係 一十七萬 人馬 ；
五萬 水軍 、五萬 騎兵 、五萬 步兵 ，噉 一萬人 遊擊 策應 ，又 有 一萬 鐵人 兵 ；
個個 身披 鐵甲 ，手執 長矛 ，專 斬 清兵 嘅 馬腳 ，兵器 羽 戰 啊 打佢 唔 傷 。
喺 鎮江 揚篷山 嗰 一戰 啊 ，總舵主 ，帶 二千 兵馬 ，大破 清兵 一萬八千 人 ，啊 真係 威風凜凜 ，殺氣騰騰 。
當其時 ，我 係 總舵主 麾下 第八鎮 嘅 統兵官 ，帶住 兵 一直 衝殺 過去 。
只 聽見 清兵 人人 大叫 ：馬 魯 ，馬 魯 ！契 胡 ，契 胡 ！哈哈哈哈 哈哈哈 。
韋小寶 聽到 眉飛色舞 就 問 ：噉 係 咩 啊 ？
蔡德忠 話 ：馬魯 ，馬魯 係 個 韃子 話 ，即係 嗌 媽啊 ，媽啊 嘅 意思 。
契胡 ，契胡 ，即 係 話 走啊 ，走啊 噉 囉 。
噉 大家 都 笑 起 上 嚟 喇 。
馬超興 笑住 話 ：
蔡香主 一 講起 當年 攻克 鎮江 、大殺 清兵 嘅 事 係 興高采烈 ，三日三夜 都 講唔完 。
你 呢個 接引人 同 韋兄弟 講 會 嘅 規矩 ，噉樣 講法 呀 ，講到 韋兄弟 嘅 鬍鬚 同 你 一樣 長 你 仲係 講唔完 喇 。
講到 呢 處 ，突然 間 諗起 韋小寶 係 個 小太監 又 點會 有 鬍鬚 呢 ？
佢 擸 咗 韋小寶 一 眼 ，誒 見 佢 不以為意 喎 ，噉 先至 放心 。
呢個 時候 ，李力世 入嚟 報告 ，香堂 已經 擺好 喇 噉 。
陳近南 同埋 眾人 嚟到 後堂 。
韋小寶 見到 一張 八仙枱 上面 供奉住 兩個 靈牌 ，中間 一個 寫住 大明 天子 之位 ，側邊 一個 呢 寫住 大明 延平郡主 、招討 大將軍 鄭 之位 。
噉 枱上 便 呢 ，仲 供住 一個 豬頭 、一個 羊頭 、一隻 雞 、一條 魚 ，仲 插住 七支 香 。
大家 一齊 跪低 ，拜咗 靈位 。
噉 蔡德忠 喺 供桌 上面 攞 一 張 白紙 高聲 噉 讀 ：
天地萬有 ，回復 大明 ，滅絕 胡虜 。
吾人 當 同生同死 ，仿 桃園 故事 ，約 為 兄弟 ，姓 洪 名 金蘭 ，合 為 一家 。
拜 天 為 父 ，拜 地 為 母 ，日 為 兄 ，月 為 姊妹 ，復 拜 五祖 及 始祖 萬雲龍 為 洪家 之 全神靈 。
吾人 以 甲寅 七月 二十五日 丑時 為 生時 。
凡昔 二京 十三省 ，當 一心 同體 。
今朝廷 王侯 非 王侯 ，將相 非 將相 ，人心 動搖 ，即為 明朝 回復 、胡虜 剿滅 之 天兆 。
吾人 當 行 陈近南 之 命令 ，歷 五 湖 四 海 ，以 求 英雄 豪傑 。
焚 香 設 誓 ，顺 天 行 道 ，恢復 明朝 ，報仇 雪恥 。
歃 血 誓 盟 ，神明 降鑒 。
蔡德忠 讀完 嘞 ，就 解釋 畀 韋小寶 聽 ：
韋兄弟 ，呢番 説話 裏 便所 講 嘅 桃園 結義 嘅 故事 你 知道 嘛 ？
韋小寶 話 ：劉關張 桃園 三 結義 ，不願 同年 同月 同日 生 ，但願 同年 同月 同日 死 咯 。
冇錯 ，你 入咗 天地會 ，大家 都 係 兄弟 嘞 。
我哋 同 總舵主 係 兄弟 ，你 拜 佢 老人家 為 師 ，大家 係 你 嘅 伯伯 叔叔 ，因此 你 見咗 我哋 要 叩頭 。
但係 從 今 之後 ，大家 都係 兄弟 ，你 就 唔使 再 叩頭 畀 我哋 喇 。
韋小寶 哦噉 應咗 一聲 ，個心 就 話 ：噉就 好極 喇 。
蔡德忠 話 ：我哋 天地會 ，又 稱為 洪門 ，洪 就係 明太祖 嘅 年號 洪武 。
姓 洪 名 金蘭 ，就係 洪門 兄弟 嘅 意思 。
我哋 洪門 尊奉 萬雲龍 做 始祖 ，萬雲龍啊 ，就係 國姓爺 。
一來 國姓爺 嘅 真姓 真名 ，兄弟 唔 敢 隨便 亂叫 ；
二來 如果 畀 韃子 嘅 鷹爪 聽咗 啊 諸多 不便 ，所以 兄弟 之間 ，稱 國姓爺 做 萬雲龍 。
萬 呢 ，就 係 千千萬 人 ，雲龍 ，即 係 雲從龍 啊 。
千千萬萬人 ，堅決 保 大明 天子 ，恢復 我哋 嘅 錦繡 江山 。
韋兄弟 ，呢啲 係 本會 嘅 機密 ，唔能夠 同 會外 嘅 朋友 講 。
就算 茅十八 茅爺 係 你 嘅 好朋友 、好兄弟 ，亦都 係 唔能夠 同佢 講 嘅 。
韋小寶 岌一岌頭 話 ：我 知道 喇 。
茅大哥 好 想 入 我哋 天地會 㗎 ，我哋 可唔可以 畀 佢 入會 啊 ？
蔡德忠 話 ：日後 韋兄弟 可以 做 佢 嘅 接引人 ，會內 再 派 人 詳細 查察 之後 ，噉 當然 係 可以 入 啦 。
噉 七月 二十五日 丑時 ，係 本會 創立 嘅 日子 時辰 。
本會 嘅 五祖 呢 ，乃係 我軍 喺 江寧 殉難 嘅 五位 大將 ，第一位 ，姓 甘 名 輝 。
想 當年 我 哋 大軍 攻打 江寧 ，我 統率 鎮兵 ，奉 咗 總舵主 軍師 嘅 命令 ，埋伏 喺 江寧 西城 門外 ，啲 韃子 兵 啊 。
佢 一 講 到 當年 攻打 江寧府 就 指 手 畫 腳 ，不 由 得 越 講 就 越 遠 。
馬超興 微微 笑 插 嘴 話 ：
蔡香主 ，攻打 江寧城 嘅 事 ，我哋 慢慢 再 講 都 唔 遲 啊 。
蔡德忠 笑一笑 ，用手 輕輕 拍下 自己 嘅 額頭 佢 話 ：
啊 冇錯冇錯 ，一講起 舊時 啲 事 就 冇完冇了 咯 。
誒 ，而家 我 讀 三點革命詩 ，我 讀 一句 ，你 跟住 讀 一句 。
三點 暗藏 革命 宗 ，入 我 洪門 莫 通風 。
養成 銳勢 從 仇日 ，誓滅 清朝 一 掃 空 。
韋小寶 呢 跟住 念咗 嘞 。
蔡德忠 又 話 ：
我呢個 洪門 嘅 洪字 啊 ，其實 ，就係 我哋 漢人 嘅 漢字 。
呢處 講 嘅 漢字 呢 ，係 繁體字 。
我 漢人 嘅 江山 畀 韃子 佔咗 ，冇咗 土地 ，漢字 當中 冇 咗 個 土字 就係 洪字 喇 。
噉 跟住 呢 ，佢 將 天地會 嗰 三十六 條 誓詞 、十 禁 十 刑 、二十一 條 守則 ，都 同 韋小寶 解釋 清楚 。
都係 忠心義氣 、孝順 父母 、和睦 鄉黨 ，兄弟 一家 、患難 相助 等等 。
如果 有 洩漏 機密 、扳連 兄弟 、投降 官府 、姦淫 擄掠 、欺侮 孤弱 、言 而 無 信 、吞沒 公款 等等 嘅 行為 ，輕則 割耳 、責打 ，重則 大 解 八 塊 ，斬首 分屍 。
噉 韋小寶 呢 都 表示 堅決 遵守 ，發誓 唔敢 違背 。
佢 呢 一次 呢 就 係 真心誠意 ，發誓 嘅 時候 ，並 冇 鬼 五 馬 六 。
跟住 馬超興 攞咗 一大碗 酒 嚟 ，用 針 喺 左手 中指 一㓤 ，將 啲 血 滴 入 酒 裏便 。
陳近南 等人 亦都 刺咗 血 ，噉 最後 ，係 韋小寶 刺血 落 酒 。
噉 然後 各人 飲咗 一啖 血酒 ，入會 嘅 儀式 就 完成 喇 。
大家 同 佢 拉手 擁抱 ，極之 親熱 。
韋小寶 啊 全身 都 㷫晒 啊 ，只 覺得 從今之後 ，喺 世間上 再 唔係 無依無靠 。
陳近南 話 ：本會 總共有 十個 堂 ，前 五房 五堂 ，後 五房 五堂 。
前 五 房 係 蓮花堂 、洪順堂 、家後堂 、參太堂 、宏化堂 。
後五房 呢 ，係 青木堂 、赤火堂 、西金堂 、玄水堂 、黃土堂 。
九堂 嘅 香主 ，已經 齊集 喺 呢度 嘞 。
只有 青木堂 香主 尹 兄弟 ， 前年 畀 鰲 拜 嗰 個 惡賊 害死 咗 ， 直到 今日 未 有 香主 。
青木堂 嘅 兄弟 當日 曾經 喺 萬雲龍 大哥 靈位 ，同埋 尹香主 靈位 之前 發誓 ，邊個 人 殺 咗 鰲拜 ，為 尹香主 報 咗 大仇 ，大家 就 奉 佢 為 本堂 嘅 香主 。
有 呢 件 事 吖嘛 ？
大家 都 話 ：冇 錯 ，確 係 有 呢 件 事 。
各位 ，欲知 後事 如何 ，且 聽 下回 分解 。
