前文 再續 啊 書 接 上 一回 啊 。
話説 韋小寶 撚化 嚟 監視 佢 嗰 四個人 ，出到 嚟 大廳 ，關安基 同 李力世 招呼 佢 坐落 。
突然間 ，道門 推開 有 兩個 人 衝咗入嚟 一個人 大聲 嗌話 ：關夫子 啊 ，個 細路 ，唔知 趯咗去 咩 地方 。
忽然間 見到 韋 小宝 坐響 處 ，吃 咗 一驚話 ：咦 ？佢 佢 佢 。
韋小寶 忍唔住 哈哈大笑話 ：哈哈哈哈 ，你哋 呢 四條大漢 ，太過 唔中用 喇 ，連 個 細路仔 都 看唔住 喎 。
我 如果 想 逃走 啊 ，早就 逃走咗 喇 。
噉 另外 嗰個 人 傻頭傻腦 嘅 就 問 ：你 ，你 點樣 走出嚟 㗎 ？
點解 我 眼 一花 ，人影 都 冇 睇見 ，你 已經 逃走 咗 嘞 呢 ？
韋小寶 笑住 話 ：我 會 隱身法 㗎嘛 ，呢種 法術 呀 ，唔 教得 你 嘅 。
關安基 皺住 眉頭 揮 一 揮 手 ，對 嗰 兩個人 話 ：出去啦 。
嗰個 傻 頭 傻 腦 嘅 人 仲 喺度 問 噃 ：你 真係 有 隱身法 嘅 ？唔怪得啦 。
李力世 話 ：小兄弟 年紀 輕輕 ，聰明 機警 ，令人 十分 佩服 啊 。
忽然間 ，聽到 遠遠 有 馬蹄聲 ，係 有 一 大 群 人 騎馬 跑緊 嚟 。
關安基 同埋 李力世 同時 企起身 啊 ，李力世 低聲 話 ：唔通 係 官兵 ？
關安基 岌一岌頭 ，噉啊 伸隻手指 入口 咈咈咈 吹咗 三聲 ，噉即刻 有 五個人 走咗入嚟 大廳 。
關安基 話 ：大家 準備 ，叫 賈老六 帶 人 保護 茅十八 茅爺 。
官兵 如果 係 大隊 嚟 ，就 唔 好 同 佢哋 打 ，照 以前 嘅 法子 分頭 退卻 。
五個人 應 咗 就 出去 傳令 嘞 。
所有 天地會 啲 人 啊 一齊 企 起身 ，關安基 話 ：小兄弟 ，你 跟住 我 啦 。
忽然間 有 個人 飛跑 入嚟 大廳 佢 大聲 話 ：總舵主 駕到 ！
關安基 同 李力世 一齊 問 ：咩話 ？
嗰個人 話 ：總舵主 率領 五堂 香主 ，騎住 馬 嚟緊 喇 。
關李 兩個人 好 歡喜 啊 ，一齊 問 ：你 點知 㗎 ？
屬下 喺 路處 撞到 總舵主 ，佢 親口 吩咐 ，叫 屬下 先 嚟 通知 啊 。
關安基 見到 佢 走到 氣 㗾 氣 喘 ，就 岌 一 岌 頭 話 ：好 ，你 出去 休息 下 啦 。
噉 又 吹口哨 叫 人 入嚟 ，吩咐 佢 話 ：原來 都 唔 係 官兵 ，係 總舵主 駕到 啊 ，大家 一齊 出門口 迎接 。
消息 一 傳出去 ，成屋 都 轟動 起嚟 啊 ，關安基 拖住 韋小寶 隻 手 佢 話 ：
小兄弟 ，本會 總舵主 駕到 ，我哋 一齊 出去 迎接 。
噉 韋小寶 跟住 關安基 、李力世 一班人 就 嚟到 大門口 。
只見 二三百人 啊 八字 排開 ，個個 都 好 興奮 。
過咗 一陣 ，兩名 大漢 抬住 擔架 抬咗 茅十八 出嚟 。
李力世 話 ：茅兄 ，你 係 客人 ，唔使 咁 客氣 咯 。
茅十八 話 ：久仰 陳總舵主 大名 ，真 係 ，真 係 如 雷 貫 耳 啊 。
今日 能夠 拜見 啊 ，就算 ，就算 即刻 死 咗 ，噉 ，噉 亦 係 不枉 呢 一世人 喇 。
佢 講説話 仍然 係 有 氣 冇 力 ，但 面 泛 紅光 ，極之 高興 啊 。
過咗 冇 幾耐 ，只見 十騎馬 跑到嚟 ，當先 三騎馬 上 嘅 乘客 ，隔遠 就 翻身 落馬 嘞 。
李力世 佢哋 迎上去 ，同 嗰 三個 人 握手 傾談 ，十分 親熱 。
韋小寶 聽見 其中 有 個 人 話 ：總舵主 喺 前面 等候 ，請 李大哥 、關夫子 幾位 過去 啊 。
噉 幾個人 企 喺 處 商量 咗 幾句 ，李力世 、關安基 、祁彪清 、玄貞道人 等 六個人 呢 即刻 上馬 ，同 來人 飛馳 而去 嘞 。
茅十八 好 失望 啦 佢 問 ：陳 總舵主 唔 嚟 喇 ？
對佢 呢 一句 問話 冇 個人 回答 得出 。
各人 見唔到 總舵主 個個 都 垂頭喪氣 。
韋小寶 個 心 諗 ：人哋 欠咗 你 一萬兩 銀 冇 還 啊 ，吓 ？定係 輸 錢 輸到 連 老婆 條 褲 都 輸埋 啫 ，搞到 面色 咁 難睇 嘅 。
過咗 好耐 ，有 個人 騎馬 跑嚟 傳令 ，點咗 十三個 人 嘅 名 ，要 佢哋 前去 會見 總舵主 。
嗰 十三 個 人 啊 好 歡喜 啊 飛身 上 馬 就 走 嘞 。
韋小寶 問 茅十八 話 ：茅大哥 ，陳 總舵主 係咪 好 老 㗎 喇 ？
我 ，我 就 係 冇 ，冇 見過 呢 。
江湖上 ，人人 都 仰慕 陳 總舵主 嘅 ，但係 要 見到 佢 ，佢 老人家 一面 ，誒 真係 好 艱難 㗎 。
韋小寶 哦 噉 一聲 ， 個心 就 話 ：
哼 ，咁 大架子 ，有 咩 稀罕 啫 ？老子 先至 唔想 見 佢 啊 。
啲人 見到 噉嘅 形勢 諗住 總舵主 多數 唔會 嚟 㗎喇 ，不過 呢 仲係 抱住 萬一 希望 ，仍然 企 喺 大門口 外 便 等 。
有啲 企得 耐過 頭 ，就 索性 坐低 。
有人 勸 茅十八 話 ：茅爺 ，你 仲係 翻入 屋 唞 下 罷 啦 。
我哋 總舵主 如果 嚟到 咯 ，就 盡快 請 茅爺 嚟 見面 。
茅十八 擰擰頭 話 ：唔得嘅 ，我 仲係 喺 呢處 等 。
陳 總舵主 大駕光臨 ，在下 唔喺 門口 等候 ，就 ，誒 太過 唔恭敬 咯 。
嘿 ，都 唔 知 我 茅十八 呢 一生 呢 一世 ，有冇 福分 見到 佢 老人家 一面 啊 。
韋小寶 跟 住 茅十八 由 揚州 嚟 到 北京 ，一路上 聽 佢 言談 之中 ，對 武林 人物 呢 都 不大 睇得起 嘅 ，唯獨 對 呢 個 陳總舵主 啊 一直 十分 敬重 。
佢 不知不覺 受咗 感染 ，個 心 呢 ，亦 唔 敢 再 鬧人 嘞 。
忽然間 聽見 馬蹄聲 ，又 有人 騎馬 跑過嚟 。
坐 喺 地下 啲 人 都 跳 起身 嘞 ，大家 伸長 條 頸 咁 望 ，都係 盼望 總舵主 又 召 人 前去 見面 ，而 呢次 呢 有 自己 份 。
果然 嚟嘅 又 係 四名 使者 ，為首 嗰 個人 落馬 抱拳 話 ：
總舵主 請 茅十八 茅爺 、韋小寶 韋爺 兩位 ，勞駕 前去 相會 。
茅十八 一聲 歡呼 ，喺 擔架 跳 起身 ，但係 哎吖 一聲 又 跌 喺 擔架 上面 ，大聲 嗌話 ：快啲 去 ，快啲 去 喇 。
韋小寶 亦 十分 高興 ，個 心 諗 ：人哋 叫 我 公公 啊 叫得 多 喇 ，冇 咩 人 叫 我 做 韋爺 嘅 ，吖 老子 啊 係 韋小寶 韋爺 。
兩名 使者 騎 喺 馬 上 接過 擔架 ，兩匹 馬 一拍 就 慢慢 噉 行 。
另外 一名 使者 將 匹 馬 讓咗 畀 韋小寶 ，自己 呢 另外 騎 一匹 ，跟住 喺 後便 。
噉 六個 人 順住 大路 行咗 唔到 三里 ，就 轉咗 入去 右便 一 條 路仔 。
路上 都係 三三兩兩 嘅 漢子 ，坐嘅 又 有 行嘅 又 有 喺度 巡邏 。
為首 嘅 使者 伸出 中指 、無名指 ，同埋 手指尾 三隻 手指 ，向住 地下 一指 。
把守 嗰 兩個 人 呢 岌 一岌頭 ， 亦 伸手 做 個 暗號 。
韋小寶 見 呢啲 人 所 發 嘅 暗號 啊 各人 都 唔同 嘅 ，都 唔知 係 咩 用意 嘞 。
又 行咗 十二三里 ，嚟到 一座 莊院 。
喺 門口 守衞 嘅 一名 漢子 大聲 叫 ：人客 到 ！
跟住 大門 打開 ，李力世 、關安基 ，仲有 兩名 冇見 嗰面 嘅 漢子 出嚟 抱拳 行禮 話 ：
茅爺 、韋爺 ，大 駕 光臨 ，敝會 總舵主 有請 。
韋小寶 高興 喇 ，個 心 諗 ：
我 呢個 韋爺 到底 係 有份 見 總舵主 喇 。
茅十八 掙扎 住 想 起身 佢 話 ：我 ，誒 我 噉 樣 去 見 陳總舵主 ，實在 ，實在 ，哎呀 ，哎呀 。
終於 支撐 唔住 ，又 瞓 喺 擔架 上 便 。
李力世 話 ：茅爺 身上 有 傷 不必 多禮 嘞 。
噉啊 請 兩個人 入去 大廳 。
有名漢子 對 韋小寶 話 ：
韋爺 請 喺 呢處 飲杯茶 ，總舵主 想 同 茅爺 傾下 先 。
於是 將 茅十八 就 抬咗 入去 嘞 。
韋小寶 啊 飲咗 一杯 茶 。
僕人 啊 攞咗 四 碟 點心 嚟 。
韋小寶 食咗 一件 個 心諗 ：哼 ，呢啲 點心 ，比起 皇宮 裏 便 嗰 啲 爭得 太 遠 嘞 ，都 仲 唔及 麗春院 嘅 好 。
因此 對 呢個 總舵主 嘅 身份 不免 又 有 一啲 睇唔起 。
但係 佢 肚餓 啊 ，仲係 將 呢 睇唔起 嘅 點心 食咗 唔少 。
過咗 一餐飯 咁耐 啦 ，李力世 等 四個人 又 一齊 出嚟 。
其中 一個 花白 鬍須 老人 話 ：總舵主 有 請 韋爺 啊 。
韋小寶 連忙 將 口裏 便 噍緊 嘅 點心 出力 吞咗 落 肚 。
雙手 喺 衣襟 上面 捽咗 兩捽 ，噉 啊 跟住 四個 人 入去 裏 便 ，嚟到 一 間 廂房 門口 。
嗰個 老人 掀起 門簾 話 ：小白龍 韋小寶 韋爺 到 。
韋小寶 又 驚 又 喜 佢 心諗 ：
佢 居然 知道 我 呢個 生安白造 嘅 外號 ，實 係 茅 大哥 講 嘅 定 喇 。
房間 裏 便 有 個 文士 打扮 嘅 中年 書生 企 起身 ，笑容 滿面 噉 話 ：請 入嚟 啦 。
韋小寶 行 入 房 ，兩 隻 眼珠 啊 睩 嚟 睩 去 四圍 望 。
關安基 話 ：呢位 係 敝會 陳 總舵主 啊 。
韋小寶 微微 昂起 頭 望住 佢 ，見 呢個 人 神情 和藹 ，但係 目光 如 電 ，直射 過嚟 。
不由得 吃咗 一驚 ，膝頭哥 一攣 就 跪低 嘞 。
嗰個 書生 扶起 佢 笑住 話 ：唔使 多禮 。
韋小寶 雙手 畀 佢 一托 ，突然間 全身 一熱 ，打咗 個 震 ，就 跪唔落去 嘞 。
嗰個 書生 笑住 話 ：呢位 小兄弟 殺咗 滿洲 第一 勇士 鰲拜 ，為 無數 死 喺 鰲拜 手下 嘅 漢人 同胞 報仇 雪恨 。
幾日之間 ，名震天下 ，咁 早就 成名 真係 古今罕有 啊 。
韋小寶 本來 面皮 好厚 嘅 ，如果 係 第二個人 噉樣 稱讚 ，佢 即刻 就 跟住 自吹自擂 一番 。
但係 而家 喺 呢位 不怒而威 嘅 總舵主 面前 ，吖 竟然 口窒窒 講 唔 出口 。
總舵主 指住 一張 椅 佢 微笑 話 ：請坐囉 。自己啊 坐低 先 。
噉 韋小寶 呢 亦 坐落 ，李力世 等 四 個 人 就 垂手 企 響 處 噃 。
總舵主 微笑住 話 ：
聽 茅十八 茅爺 講 小兄弟 喺 揚州 得勝山 下 ，曾經 用計 殺咗 一名 清軍 軍官 黑龍鞭 史松 ，初出茅廬 第一 功 就 已經 不同凡響 嘞 。
唔知 小兄弟 點樣 捉拿 鰲拜 嘅 呢 ？
韋小寶 擔 高頭 ，同 佢 眼光 一 接觸 唧 ，個 心 不由得 突突突 咁 猛跳 。
成肚 嗰啲 大炮 啊 當堂 唔記得晒 嘞 ，一 開口 就 講 真説話 。
噉啊 將 點樣 得到 康熙 寵幸 ，鰲拜 係 點樣 驕傲 無禮 ，自己 係 點樣 同 小皇帝 合力 捉 佢 嘅 事 講咗 。
只係 顧全 對 康熙 嘅 義氣 就 唔 提 小皇帝 喺 鰲拜 背後 出刀 嘅 事 啫 。
但係 噉樣 一 嚟 呢 ，自己 糝 香爐灰 迷眼 ，舉 銅 香爐 𢱕頭 ，明知 唔係 下九流 就係 下八流 嘅 手段 啊 就 冇法子 再 隱瞞 嘞 。
總舵主 粒聲 唔出 噉 聽完 岌 一 岌 頭 話 ：原來 係 噉嘅 。
小兄弟 嘅 武功 同 茅爺 唔係 一路 ，唔知 尊師 係 邊 一位 呢 ？
韋小寶 話 ：我 學過 一啲 功夫 ，不過 唔算得 咩嘢 尊師 嘅 。
老烏龜 唔係 真係 教 我 武功 啊 ，佢 教 我 啲 都 係 假 功夫 嚟 㗎 咋 。
總舵主 雖然 係 見多識廣 ，但 老烏龜 係 邊個 佢 都 唔知 噃 就 問 佢 ：老烏龜 ？
韋小寶 哈哈大笑 佢 話 ：老烏龜 咪 就係 海老公 囉 ，佢 個 名 叫 海大富 。
茅十八 茅大哥 同埋 我 啊 ，就係 畀 佢 捉咗 入 宮 裏 便 嘅 ，佢 。
一 講到 呢處 ，突然間 覺得 唔啱 嘞 。
因為 自己 曾經 對 天地會 嘅 人 講 ，茅十八 同 自己 係 畀 鰲拜 捉咗 去 嘅 ，而家 又 話 畀 海老公 捉咗 入 宮 ，豈不是 前言 唔 對 後語 ？
好在 呢 佢 講 大話 補漏 個 本領 認真 使得 ，佢 跟 住 又 話 ：嗰 個 老 坑 係 奉 鰲拜 嘅 命令 ，將 我 兩個 人 捉 咗 去 。
鰲拜 係 個 好大 嘅 大官 嚟 㗎 嘛 ，佢 梗係 唔係 咁 輕易 出手 嘅 。
總舵主 話 ：海大富 ，海大富 ？清宮 嘅 太監 之中 ，竟然 間 有 一個 噉 嘅 人物 。
小兄弟 ，佢 教 你 嘅 武功 ，你 演 畀 我 睇 下 。
韋小寶 面皮 硬厚 啊 ，亦 知道 自己 嘅 武功 實在 係 水皮 ，噉 佢 就 話 ：
老烏龜 教 我 嗰啲 都係 假 功夫 嚟啫 ，佢 嬲 我 毒盲 咗 佢 雙眼 ，因此 呢 ，就 想 盡 法子 嚟 害 我 ，我啲 功夫 都係 唔見得 人 㗎 。
總舵主 岌一岌 頭 ，左手 一揮 ，關安基 等 四個人 都 行咗 出 房 ，再 反手 掩 翻 埋 道門 。
總舵主 問 ：你 點樣 毒盲 佢 雙眼 㗎 ？
哈 真係 唔知 點解 ，喺 呢位 英氣逼人 嘅 總舵主 面前 ，韋小寶 只 覺得 講 大話 十分 唔自在 ，仲係 講 真話 舒服 得多 咯 。
呢種 情形 真係 從來 未有過 㗎 。
於是 就 將 點樣 毒盲海老公 ，點樣 殺死 小桂子 ，又 點樣 冒充 佢 做 小太監 等 嘅 情形 講咗 。
總舵主 又 吃驚 又 覺得 好笑 啊 ，用 左手 喺 佢 褲襠 一掃 ，覺得 佢 嘅 生殖器官 ，完全 喺 翻處 ，並 冇 淨身 ，佢 的的確確 唔係 太監 。
不 由得 鬆咗 一 啖 氣 啊 佢 微笑 話 ：好極 ，好極喇 。
我 個 心 正係 有 個 難題 好耐 都 揸唔定 主意 ，原來 小兄弟 果然 唔係 畀 人 閹咗 做 太監 。
一便 講 ，左手 一便 喺 枱 上面 輕輕 一拍 。
一於 係 噉 啦 ，一於 係 噉 啦 ，尹兄弟 後繼有人 ，青木堂 有主 喇 。
韋小寶 唔 明白 佢 講 啲 乜嘢 ，只 係 見到 佢 神氣 歡愉 ，確係 解開 咗 一件 極之為難 嘅 心事 ，所以 呢 亦 不禁 戥 佢 高興 。
總舵主 背住 雙手 ，喺 間 房 行 嚟 行 去 自言自語 噉 話 ：
我哋 天地會 所作所為 ，冇 一件 唔係 前人 從來 未 做過 個 事 。
萬事 開創 在 我 ，駭人聽聞 ，物議 沸然 ，又 何 足 論 呢 ？
佢 嗰啲 文縐縐 嘅 説話 韋小寶 更加 唔 明白 嘞 。
總舵主 話 ：呢度 只有 你我 兩個人 ，唔使 怕醜 嘅 。
嗰個 海大富 教 你 嘅 武功 ，無論 真 亦 好 假 亦 好 ，你 試下 演 畀 我 睇下 。
韋小寶 噉 先至 明白 ，佢 叫 關安基 等 四個人 出去 啊 ，係 為咗 免得 自己 怕醜 。
眼見 無可推託 喇 就 話 ：係 老烏龜 教 我 嘅 唔關 我 事 㗎 ，如果 你 覺得 好笑 ，噉 你 鬧 佢 啦 。
總舵主 微微 笑話 ：你 放手 練 啦 ，唔使 擔心 。
韋小寶 於是 拉開 架式 ，將 海老公 所 教 嘅 細半套 大慈大悲 千葉手 練咗 一次 ，噉 其中 有啲 忘記咗 ，有啲 呢 仲 記得 。
總舵主 聚精會神 噉 睇 ，等到 韋小寶 練完 之後 就 岌一岌頭 話 ：
從 你 嘅 出手 嚟 睇 ，似乎 你 仲 學過 少林派 一啲 擒拿手 喎 係唔係 啊 ？
韋小寶 啊 學 大擒拿手 在 先 ，知道 呢門 功夫 更加 水皮 ，本來 想 藏拙 嘅 。
但係 總舵主 似乎 乜嘢 都 知道 ，就 唯有 話 ：老烏龜 仲 教過 我 一啲 擒拿法 ，係 要嚟 同 小皇帝 打交 嘅 。
於是呢 ，就 將 大擒拿手 裏 便 一啲 招式 都 演咗 一次 。
總舵主 微微笑 佢 話 ：唔錯 ，唔錯 。
韋小寶 話 ：我 早就 知道 你 睇咗 會 笑 我 㗎 喇 。
總舵主 話 ：唔係 笑 你 ，我 睇咗 個 心 好 歡喜 ，覺得 你嘅 記性 悟性 都 唔錯 ，係 個 可造之才 。
嗰 一招 白馬翻蹄 ，海大富 故意 教錯 你 ，但 你 轉到 鯉魚 托腮 嘅 時候 呢 ，能夠 自己 略加 變化 ，並唔係 拘泥於 死招 。
噉就 好好啊 。
韋小寶 靈機 一動 佢 諗 ：總舵主 嘅 武功 ，似乎 高過 老烏龜 好多 㗎 噃 。
如果 佢 肯 教 我 武功 ，我 韋小寶 呢 ，一定 能夠 成為 一個 真 英雄 ，唔 再 係 冒牌貨 嘅 假 英雄 㗎 喇 。
噉 總舵主 問 ：你 知 唔 知道 我哋 天地會 係 做咩 㗎 ？
韋小寶 話 ：天地會 係 反清復明 ，幫 漢人 ，殺 清兵 咯 。
冇錯喇 ，你 願唔願意 入 我哋 天地會 做 兄弟 吖 ？
噉梗係好啦 。
喺 韋小寶 個 心目中 啊 ，天地會 嘅 會眾 個個 係 真正 嘅 英雄好漢 ，想唔到 自己 亦 能夠 入會 做 兄弟 。
佢 又 諗 ：連 茅 大哥 都 唔係 天地會 嘅 兄弟 ，噉 唔通 我 ，仲 叻過 佢 ？
佢 就 話 ：就 怕 ，就 怕 我 唔夠 資格 啫 。
總舵主 話 喇 ：你 要 入會 亦 可以 。
只係 我哋 做嘅 係 反清復明 嘅 大事 ，以 漢人 嘅 江山 為 重 ，自己 嘅 身家性命 為 輕 。
仲有 ，會裏 便 嘅 規矩 好 嚴 ，如果 違犯咗 處罰 好 重 ，你 要 好好 想一想 。
唔使 想 喇 你 有 咩 規矩 ，我 遵守 就係 啦 。
總舵主 ，你 如果 准 我 入會 啊 ，我 真係 快活 到 死 啊 。
呢件 係 極之 緊要 嘅 大事 ，生死攸關 ，唔係 細佬 哥 玩 泥沙 。
我 梗係 知 啦 ，我 聽 人哋 講 天地會 行俠仗義 ，做 嘅 都係 驚天動地 嘅 大事 嚟 ，點 會 係 細佬哥 玩 泥沙 啫 ？
你 知道 就 好嘞 。
本會 入會 嘅 時候 誓詞 三十六 條 ，又 有 十禁 十刑 嘅 嚴格 規矩 。
有啲 規矩 ，你 而家 年紀 仲 細 仲 用唔上 。
不過 其中 有 一條 ：凡 我 兄弟 ，須 當 信實 為 本 ，不得 謊言 詐騙 。
呢一條 ，你 做得到 吖嘛 ？
噉 對 你 總舵主 我 梗 係 唔 敢 講 大話 啦 ， 不過 對 其餘 嘅 兄弟 ， 噉 唔 通 咩 嘢 事 都 要 講 真話 嘞 噃 ？
小事 就 唔計 ，淨係 計 大事 啫 。
噉 亦 得 ，誒 ，誒 ，誒 好似 同會 內 兄弟 賭錢 ，出術 呃 人 可 唔 可以 啊 ？
總舵主 啊 想 唔 到 佢 會 問 啲 噉 嘅 事 嘅 ，就 微微 一笑 話 ：賭錢 雖然 唔 係 好事 ，會規 亦 唔 禁止 。
不過 你 呃咗 佢哋 ，佢哋 知道咗 會 打 你 㗎 喎 ，會 規 亦 唔 禁止 嘅 。
噉 你 豈 不是 要 捱打 吃虧 ？
佢哋 唔會 知 嘅 ，其實 啊 我 唔使 出術 贏錢 都係 十拿九穩 嘅 。
天地會 嘅 會眾 多數 係 江湖 豪傑 ，賭錢 酗酒 係 天性 ，向來 都 冇 話 唔啱 。
總舵主 亦 唔再 講 喇 ，向 佢 定眼 望咗 一陣 話 ：
你 願唔願意 拜 我 為 師 ？
韋小寶 好 歡喜 ，即刻 就 跪低 猛咁 叩頭 ，大嗌 ：師父 ！
總舵主 呢次 唔 扶 佢 喇 ，由 得 佢 叩 咗 十幾個 頭 佢 話 ：夠 喇 。
韋小寶 歡天喜地 噉 企翻 起身 。
總舵主 話 ：我 姓 陳 ，叫做 陳近南 。
陳近南 呢 三個 字 係 江湖 上 用 嘅 。
你 今日 既然 拜 我 為 師 ，就 要 知道 為師 嘅 真名 。
我 真名 ，叫做 陳永華 ，永遠 嘅 永 ，中華 嘅 華 。
講到 自己 真名 嘅 時候 壓低 咗 把聲 。
韋小寶 話 ：係 ，徒弟 記實 喺 個 心處 ，唔 敢 洩漏 。
陳近南 又 睇咗 佢 一輪 ，慢慢 噉 話 ：
你 同 我 既然 係 成為 師徒 ，相互 之間 咩嘢 都 唔 隱瞞 喇 。
我 老實 同 你 講 ，你 油腔滑調 ，狡猾 多詐 ，同 為 師 嘅 性格 十分 唔合 ，我 實在 唔鐘意 。
我 之所以 收 你 做 徒弟 ，其實 係 為咗 本會 嘅 大事 着想 啫 。
韋小寶 話 喇 ：噉 徒弟 以後 認真 改 啦 。
嗱 各位 ，欲知 後事 如何 ，且 聽 下回 分解 。
