前文 再續 啊 書 接上 一回 啊 ，話説 鰲拜 大鬧 皇帝 ，大鬧 漢人 。
韋小寶 唔睬 佢 嘞 ，行翻 去 灶窟 旁邊 ，見 隻 鍋 呢 有 啲 蒸汽 就 揭開 鑊蓋 睇下 。
原來 煮嘅 呢 ，係 一鑊 豬肉 白菜 ，噉 佢 話 ：啊 好香 啊 。
嗰個 老僕人 話 ：畀 犯人 食 嘅 都 冇 咩 嘢 好嘢 嘅 咯 。
皇上 吩咐 我 嚟 查察 欽犯 嘅 飲食 ，唔准 餓親 佢 啊 。
請 公公 放心 ，餓 佢 唔 親 嘅 ，王爺 吩咐 過 ，一日 啊 要 畀 一斤 肉 佢 食 嘅 。
你 𢳂 一碗 我 試下 吖 ，如果 虧待咗 欽犯 ，我 請 王爺 打 你 𦣇柚 。
係 ，係 ，誒 ，小人 唔 敢 虧待 欽犯 。
噉啊 連忙 攞 一隻 碗 嚟 ，𢳂咗 一碗 豬肉 白菜 ，雙手 恭恭敬敬 噉 遞畀 韋小寶 ，噉又 遞咗 雙 筷子 畀 佢 。
韋小寶 接過 碗餸 ，飲咗 一啖 湯 就 不置可否 。
噉 睇 下 雙筷子 ，噉 佢 話 嘞 ：
雙筷子 咁 污糟 嘅 ，你 快啲 同我 洗乾淨 佢 。
嗰 個 老僕 話 ：啊 ，係 ，係 。噉 啊 接過 筷子 行去 院子 水缸 嗰 度 ，出力 咁 洗 。
韋小寶 擰轉身 ，喺 個 衫袋 處 攞 一包 藥末 出嚟 ，就 倒晒 落 嗰 大 碗 豬肉 白菜 裏 便 ，跟住 將 紙包袋 翻落 衫袋 。
將 隻 碗 啊 篩 幾 篩 ，噉 啲 藥末 呢 都 溶晒 落 啲 湯 處 嘞 。
佢 知道 康熙 要 殺 鰲拜 ，不過 呢 ，要 做到 絲毫 不露 痕跡 。
噉 當 佢 喺 上 書房 出 嚟 嘅 時候 就 諗 掂 喇 ， 返到 去 住 地 先 ， 喺 海老公 嘅 藥箱 裏 便 呢 攞 咗 十幾種 藥 出 嚟 。
亦 唔 理 有毒 冇毒 喇 ，求其 就 亂咁 撈埋一齊 就 包咗 一包 。
個心諗 ：呢 十幾種 藥粉 之中 啊 ，必定 有 兩三種 係 毒藥 嘅 ，畀佢 食咗 實死 無疑 啦 。
嗰個 老僕人 洗乾淨 筷子 就 恭恭敬敬 遞畀 韋小寶 。
韋小寶 接過 筷子 ，喺 鰲拜 嗰 碗 豬肉 裏 便 不停 咁 攪 下 攪 下 佢 話 ：
嗯 ，豬肉 都 唔 少 ，平時 都係 咁多 㗎 ？我 睇 你 呢 偷食 好 叻 嘅 。
嗰個 老僕人 話 ：誒 餐餐 都有 唔少 豬肉 ，小人 唔敢 偷食 嘅 。
佢 個 心 好 奇怪 喇 ：哈 呢 位 小公公 啊 點 會 知道 我 偷 犯人 嘅 肉食 嘅 呢 ？吖 真係 有 啲 奇 嘞 。
韋小寶 話 ：好 ，你 搦 去 畀 犯人 食 啦 。
哦 ，哦 。
嗰個 老僕人 又 裝咗 三 大 碗 白飯 ，連埋 嗰 大 碗 白菜 豬肉 用 個 托盤 裝住 ，就 捧 去 畀 鰲拜 。
韋小寶 揸住 筷子 喺 鑊邊 輕輕噉 敲 ，個心啊 好 得意 ，佢 諗 ：
鰲拜 呢 隻 傢伙 食 咗 我 呢 一碗 加料 大 補 嘅 豬肉 白菜 呢 ，如果 唔 七孔流血 ，都 要 ，都 要 八孔流血 而 死 。
佢 本來 係 想 另外 講 一句 成語 嘅 ，但係 肚裏 便 啲 料 呢 實在 有限 嘞 ，只好 又 啊 喺 七孔流血 之上 再 加 多 一 孔 啫 。
佢 放落 筷子 行 翻 出去 門口 ，同 守門 嘅 衞士 就 傾 咗 一陣 閒偈 。
個心 諗 呢 陣時 呢 ，鰲拜 多數 已經 將 一碗 豬肉 食 咗 個 碗 底朝天 嘞 。
噉又 對 衛士 首領 話 ：我哋 再 入去 睇下 咯 。
衛士首領 應 佢 話 ：係 。
兩個人 啱啱 行入 門口 ，忽然間 聽見 門外 有 兩個 衞士 齊聲 大喝 ：咩人 ，企 喺 處 ！
跟住 聽見 瀡瀡 射咗 兩 箭 。
嗰 個 衞 士 首領 吃 咗 一驚 連忙 話 ： 公公 ， 我 出去 睇 下 。嗱嗱 聲 趯 出去 。
韋小寶 跟住 出去 啦 ，只 聽見 兵兵乓乓 ，十幾 名 青衣 漢子 手 執 兵器 ，已經 同埋 班 衞士 打起 上嚟 嘞 。
韋小寶 驚啊 ：哎呀 ！鰲拜 手下 啲 人 嚟 救 佢 喇 。
嗰個 衛士 首領 拔出 把 劍 嚟到 指揮 ，只係 喝得 幾聲 啫 ，一男一女 由 兩面 夾擊 佢 。
護送 韋小寶 嗰 四 名 御前 侍衞 呢 就 喺 左近 ，聽見 聲 啊 走嚟 支援 。
嗰 啲 青衣 漢子 武功 好 厲害 嘅 ， 霎眼 之間 ， 已經 有 兩名 王府 衞 士 畀 佢 哋 殺死 嘞 。
韋小寶 啊 縮咗 入去 石屋 裏 便 ，連忙 閂埋 道門 。
正話 想 攞 條 門閂 嚟 戌 實 佢 ，突然間 一股 強大 嘅 力量 一 衝 ，將 佢 推 到 向 後 跌 咗 成 丈 幾 遠 。
四名 青衣 漢子 啊衝 咗 入 石屋 ，大聲 嗌 ：鰲拜 喺 邊 處 ，鰲拜 喺 邊 處 ！
一名 長鬚 老人 捉住 韋小寶 問 佢 ：鰲拜 韞 喺 邊處 嚟 ？
韋小寶 對住 出便 一 指 佢 話 ：韞 喺 外便 嘅 地牢 啊 。
兩名 青衣人 就 跑翻 出去 外便 。
外便 又 有 四 名 青衣人 跑 入嚟 ，飛快 噉 向 後院 衝 過去 。
突然間 有人 叫話 ：喺 呢處 啊 ！
長 鬍 老人 發起 火 ，用刀 嚟 斬 韋小寶 嘞 ，韋小寶 連忙 避開 。
旁邊 一名 青衣人 ，喺 佢 𦣇 柚 踢咗 一腳 ，踢到 韋小寶 啊 飛咗 丈 幾 遠 就 跌咗 入去 後院 。
六名 青衣人 一齊 去 撞 監房 嘅 鐵門 ，但係 鐵門 係 極之 牢固 嘅 ，一時 半時 邊度 撞得開 呢 ？
只 聽見 外便 鑼聲 堂堂堂堂 猛咁 響 ，王府 已經 發出 警號 嘞 。
一名 青衣人 大叫 ：要 快啲 至 得 啊 ！
長鬚老人 話 ：廢話 ，邊個 唔 知道 要 快 啊 ！
一名 青衣 漢子 見 一時 撞 唔 開 鐵門 ，就 用 手上 嘅 鋼鞭 去 撬 窗口 嘅 鐵支 ，撬得 幾撬 ，兩支 鐵支 就 攣 咗 喇 。
呢個 時候 又 有 三 名 青衣 漢子 衝 埋 入嚟 。
監房 外 便 呢 地形 狹窄 ，九 個 人 逼 埋 一齊 就 施展 唔 開 手腳 嘅 。
韋小寶 靜 雞雞 喺 地下 躝 出去 ，啱啱 躝咗 冇 幾多 步 啫 ，就 畀 人 發覺 嘞 ，挺 劍 刺 佢 背脊 。
韋小寶 向 旁邊 閃開 ，嗰 個人 把 劍 啊 打橫 一 咧 ，哧 一 聲 ，喺 佢 件 長袍 背後 啊 割 咗 成 尺 。
韋小寶 好彩 有 件 寶衣 護身 啊 ，呢 一 劍 冇 傷到 佢 皮肉 。
佢 嗱嗱聲 跳翻 起身 ，打斜 就 走 。
另外 一名 青衣 漢子 鬧 佢 ：死仔 你 嘩 ！舉刀 就 斬佢 。
韋小寶 噗聲 跳起嚟 ，揦實 監房 窗口 嘅 鐵支 ，將 個人 吊住 喺 處 。
使鋼鞭 個 青衣 漢子 正喺度 撬緊 鐵支 㗎 嘛 ，見到 韋小寶 喺 窗口 阻頭阻勢 一 鞭 就 湴落去 。
韋小寶 嗰陣 無路可退 嘞 ，雙腳 穿入 兩條 鐵支 之間 。
兩支 鐵支 呢 ，已經 撬得攣 咗 ，佢 嘅 身材 瘦小 啊 ，吖 竟然 喺 條 罅 處 穿過 一 鬆手 ，已經 鑽 咗 入 去 監房 。
哐一聲 ，鋼鞭 打落 鐵支 上 便 。
外便 啲 青衣 漢子 紛紛 大叫 ：我 嚟 鑽 我 嚟 鑽 ！
嗰個 使 鋼鞭 嘅 漢子 就 哄 個 頭 ，想 喺 條 罅 處 鑽 入去 。
但 係 十三四歲 嘅 韋小寶 鑽得過 啊 ，呢 個 漢子 身材 肥壯 啊 邊度 鑽得入 去 呢 ？
韋小寶 喺 靴筒 處 拔出 匕首 個 心 喺度 諗 ：救兵 快啲 嚟 ，救兵 快啲 嚟 啦 。
只 聽見 外便 銅鑼聲 、呼喝聲 、兵器 撞擊聲 ，嘈到 乜嘢 噉 。
突然間 ，呼 一聲 ，一股 勁風 啊 當頭 冚落嚟 ，韋小寶 一趢 ，趢開 成 幾尺 。
只 聽見 哐唥 一聲 ，塊 面 畀 啲 泥沙 瀄 到 好 痛 。
佢 都 冇 時間 睇 喇 ，即刻 跳起 身 。
只見 鰲拜 雙手 啊 舞動 鐵鏈 ，嗬嗬嗬 喺度 大叫 ，亂𨂽 亂跳 。
呢個 時候 ，嗰個 使 鋼鞭 嘅 青衣 漢子 呢 ，正 喺 鐵支 罅 嗰度 鑽入嚟 。
鰲拜 連 手銬 帶 鐵鏈 喺 佢 頭 上面 猛力 擊落去 。
嗰名 青衣 漢子 仲 有 話 唔 死 咩 ，當堂 腦漿 迸裂 ，頭殼 都 爆晒 。
韋小寶 好 驚奇 啊 ：咦 ？佢 點解 將嚟 救 佢 嘅 人 打死 啊 ？
跟住 佢 明白 喇 ：哎呀 ，佢 食咗 我 嗰啲 加料 藥粉 ，雖然 係 中毒 啫 ，不過 唔 係 瓜 老 襯 ，係 癲 咗 啊 。
監房 外 便 班 漢子 啊 大聲 呼喝 。
鰲拜 舉起 手銬 鐵鏈 ，對住 鐵窗 上面 猛咁 擊 。
韋小寶 個 心 諗 ：佢 如果 擰 轉 嚟 打 我 ，老子 要 歸 天 喇 。
危急 之下 想 都 唔 想 喇 ，舉起 匕首 ，猛力 向 鰲拜 後心 㓤 過去 。
鰲拜 食咗 藥 之後 呢 已經 懵 晒 嘞 ，完全 唔 知道 背後 有人 襲擊 。
韋小寶 用 匕首 㓤 過去 ，佢 完全 唔會 閃避 ，啪 一聲 ，匕首 一直 㓤入 背脊 。
鰲拜 大聲 狂叫 ，雙手 連埋 手銬 亂咁 舞 。
韋小寶 順勢 向 下一拖 ，嗰支 匕首 啊 削 鐵 如 泥 嘅 ，一直 切 咗 落去 ，鰲拜 個 背脊 啊 買 一開二 即刻 𢴈低 。
窗外 便 嗰班 青衣人 ，霎時之間 都 定晒型 ，似乎 見到 世間上 最 稀奇 最 古怪 嘅 事 嘞 。
三四個 人 同時 噉 嗌 ：呢 個 細路 殺 咗 鰲拜 啊 ，呢 個 細路 殺 咗 鰲拜 啊 ！
嗰個 長鬚 老人 話 ：撬開 鐵窗 ，入去 睇 清楚 係咪 真係 鰲拜 。
即刻 有 兩個 人 執起 鋼鞭 ，出力 咁 撬 窗口 個 鐵支 。
呢個 時候 兩名 王府 衞士 衝咗 入嚟 ，長鬚 老人 揮動 彎刀 ，幾下 手腳 啫 就 將 佢哋 斬死 嘞 。
一名 青衣 漢子 呢 揸住 一支 短槍 ，隔住 窗 ，向 韋小寶 不停 咁 虛刺 ，使到 佢 冇法子 行近 窗口 傷人 。
過咗 冇 幾耐 ，鐵支 嘅 空隙 擴大 嘞 ，有 個 瘦瘦 嘅 青衣 漢子 話 ：等 我 入去 。
就喺 鐵支 空隙 跳咗 入 間 房 。
韋小寶 用 匕首 㓤 佢 咯 喎 ，嗰個 瘦佬 舉 刀 一 擋 ，嘭 一聲 ，單刀 斷 咗 兩 橛 。
嗰 個 瘦佬 吃 咗 一驚 啊 ， 用 把 斷刀 掟 韋小寶 。
噉 韋小寶 耷 低頭 閃避 ， 個 瘦佬 呢 乘機 捉住 佢 兩隻手 ， 一扭 就 扭 到 背脊 後 便 。
另外 一名 青衣 漢子 用 刀 擠 喺 佢 條 頸 處 喝 佢 話 ：唔准 逳 ！
呢個 時候 ，窗口 個 鐵支 又 撬 開 咗 兩 支 嘞 。
長鬚老人 同 一名 身穿 青衣 嘅 光頭佬 ，鑽入去 監房 ，揸住 鰲拜 條 辮 ，拉起 佢 個 頭 嚟 一睇 ，一齊 話 ：真係 鰲拜 啊 ！
嗰個 長鬚 老人 啊 想 㧬 個 屍體 出去 窗外 便 。
但係 銬鐐 上 嘅 鐵鏈 呢 死死噉 釘住 喺 石牆 處 ，一時 又 冇 法子 整斷 嘞 。
嗰個 瘦佬 攞起 韋小寶 把 匕首 ，哐哐 幾 聲 ，將 連埋 喺 鰲拜 屍體 上面 嘅 鐵鏈 都 割斷 咗 。
長鬚老人 讚 一聲 ：好刀啊 ！
再 將 尸體 喺 窗口 㧬 出去 外便 ，外便 嘅 青衣漢子 呢 出力 一拉 就 拉 咗 出去 嘞 。
嗰個 瘦佬 將 韋小寶 推出去 ，其餘 三個人 ，亦都 喺 監房 鑽翻出嚟 。
長鬚老人 下令 ：帶埋 呢個 細路 走 ，大家 退兵 ！
噉 眾人 齊聲 應咗 ，就 衝出去 嘞 。
有 一名 青衣 大漢 將 韋小寶 夾住 喺 胳肋底 衝出去 石屋 。
只 聽見 𠻘𠻘𠻘 聲響 ，啲 箭 啊 猛 咁 射過嚟 。
王府 嗰 二十幾 名 衞士 不停 咁 放箭 ，康親王 揸住 把 刀 喺度 親自 督戰 啊 。
班 青衣 人 啊 畀 箭 攔阻 住 衝 唔 出去 。
抱住 鰲拜 屍體 嘅 呢 ，係 一個 道士 ，佢 話 ：跟我嚟 。
講完 ，舉起 屍體 擋住 自己 前便 。
康親王 見到 鰲拜 啊 唔知 佢 已經 死咗 ，又 見到 韋小寶 畀 刺客 捉住 ，就 大聲 嗌 ：停箭 ！唔好 打傷 桂公公 。
韋小寶 個 心 諗 ：哎呀 康王爺 有 啲 良心 啊 ，老子 會 記得 你 嘅 。
王府 弓箭手 即時 停箭 ，嗰啲 青衣 漢子 高聲 吶喊 啊 衝咗 出去 石屋 。
長鬚老人 嘅 手 一揮 ，四名 漢子 啊 飛快 向 康親王 衝過去 。
班 衛士 大 吃 一 驚 ，唔 顧 得 住 追 敵人 嘞 ，都 嚟 保護 王爺 。
點 知 呢個 係 個 長鬚 老人 聲 東 擊 西 嘅 計策 ，噉 其餘 啲 人 呢 就 乘機 跳上 圍牆 啊 逃出 王府 。
攻擊 康親王 嗰 四名 漢子 輕功 非常 好 嘅 。
佢哋 並 唔 係 同 啲 衛士 交手 噃 ，只係 東 一 跳 西 一 衝 ，似乎 搵 機會 要 攞 康親王 條 命 。
等到 啲 同伴 冚𠾴 唥 出咗 王府 喇 ，四 個 人 叫 咗 幾 聲 ，跳上 圍牆 ，跟住 連 氣 揮手 ，十幾 件 暗器 紛紛 向住 康親王 射 過去 。
班 衛士 又 嚇到 大聲 驚叫 ，揮舞 兵器 嚟 擋 啲 暗器 咯 喎 。
不過 仲 係 有 一支 鋼鏢 打中咗 康親王 隻 左臂 。
就係 噉樣 亂咗 一陣 ，四名 青衣 漢子 又 出晒 王府 嘞 。
韋小寶 畀 一條 大漢 夾住 喺 胳肋底 飛奔 。
只 聽見 街道 上 馬蹄 好似 打雷 咁 響 ，有人 大聲 嗌 ：
康親王府 有 刺客 啊 ，康親王府 有 刺客 啊 ！
原來 係 大隊 官軍 嚟到 增援 嘞 。
一位 青衣 漢子 啊 跑咗 入去 王府 旁邊 一 間 民房 ，戌實 大門 ，又 由 後門 跑 出去 。
噉 顯然 呢 啲 人 做事 之前 呢 ，早就 將 地形 觀察 明白 ，預備 咗 退路 。
喺 巷仔 裏 便 走走走 咗 一 段 路 ，又 入咗 一 間 民房 ，仍然 係 喺 後門 走 出去 。
轉咗 幾個 彎 ，趯咗 入去 一間 大屋 。
一入 到 去 各人 紛紛 除 咗 自己 身上 嘅 青衣 ，快手 快腳 啊 換翻 各種 各式 嘅 衣服 。
眨下眼啫，都扮成鄉下嘅農夫模樣，擔柴嘅擔柴擔菜嘅擔菜。
有 一名 漢子 將 韋小寶 用 麻繩 啊 出力 咁 綁實 佢 。
兩名 漢子 啊 推咗 架 木車 嚟 ，車上 便 有 兩個 大 木桶 。
一個 桶 ，係 裝 鰲拜 嘅 屍體 ，一個 呢 就 係 裝 韋小寶 嘞 。
韋小寶 喺 個 心處 只 鬧得 一句 三字經 唧 ，即刻 就 有 無數 咁多 紅棗 倒落嚟 將 佢 冚到 實一實 。
跟住 桶蓋 一冚上 ，乜嘢 都 睇唔見 嘞 ，跟住 個 身 啊 猛 咁 搖動 。
估計 架 大車 呢 ，就 出咗 大屋 。
紅棗 之間 啊 雖然 有 空隙 啊 ，不至於 窒息 ，但係 亦都 搞到 佢 呼吸 困難 。
韋小寶 心神 定 翻啲 之後 呢 佢 諗嘞 ：
呢啲 鰲拜 嘅 家將 部屬 ，將 老子 捉咗 去 ，實係 要 挖 老子 嘅 心肝 嚟 祭 鰲拜 㗎 嘞 。
最好呢 ，就 半路 遇見 官兵 ，老子 出力 一趢 ，木桶 一倒轉 ，噉 就 完全 穿咗 佢哋 煲 啦 。
但係 佢 嘅 手腳 畀 人哋 緊緊 綁到 實 ，邊度 逳得 吖 。
木桶 外便 就 隱隱約約 傳嚟 車輪 聲 ，個 身 啊 扽得 好 緊要 。
行咗 好耐 ，乜嘢 官兵 都 遇唔到 。
韋小寶 喺 個 心處 鬧 咗 一陣 ，又 慌 一陣 ，忽然 擘 大 把 口 ，咬 咗 個 紅棗 嚟 食 ，吖 ，又 幾 肥 大 香甜 噃 。
食咗 幾個 ，因為 極之 疲倦 啊 ，過咗 冇 幾耐 竟然 瞓着 嘞 。
一覺瞓醒 ，覺得 架車 仲 喺度 行緊 。
只 覺得 周身 酸痛 ，想 去 轉下身 啦 ，仍然 係 一啲 都 唔能夠 逳 。
佢 個 心 諗 ：老子 呢 一次 呢 ，實 走唔甩 呢個 難關 㗎 喇 。
等陣 唯有 痛罵 一場 ，出翻 一啖氣 ，再過 二十 年 ，又係 一條好漢 ！
佢 又 諗 ：好在 我 呢 已經 將 鰲拜 殺咗 ，否則 呢個 嘢 畀 呢班 狗賊 救咗 出去 啊 ，老子 又 畀 佢哋 捉住 ，一樣 係 冇命 嘅 啫 ，死得 唔夠 本 吖嘛 。
鰲拜 係 朝廷 大官 ，我 韋小寶 不過 係 麗春院 嘅 一個 僆倞 ，一命 搏 一命 ，老子 便宜 到 極 喇 ，哈 ，便宜 到 極 。
既然 冇法子 逃命 ，就 唯有 自己 安慰 寬解 自己 嘞 。
雖然 話 便宜 到 極 啫 ，但 個 心 呢 一啲 都 冇 高興 到 。
過咗 一陣 ，又 試 瞓翻 着嘞 。
呢一覺 瞓咗 好耐 啊 ，瞓醒 嘅 時候 發覺 架 車 呢 所 行 嘅 地面 極之 平滑 。
行咗 一陣 架 車 停嘞 ，亦 冇 人 放 佢 出嚟 ，就 噉 由得 佢 留 喺 紅棗桶 裏 便 。
過咗 好耐 ，韋小寶 覺得 好焗 啊 ，又 想 朦朦朧朧 瞓着 咯喎 。
忽然 聽見 咵 一 聲 桶蓋 打開咗 ，有人 嚟 將 佢 頭頂 嘅 紅棗 捧開 。
韋小寶 深深 嗍 一啖 氣 ，當堂 舒服 晒 。
佢 擘開 眼 一 睇 ，只見 黑𠵼𠵼 ，淨係 頭殼 頂 呢 稍為 有啲 光 唧 。
有個人 伸 隻 手 落 個 桶 將 佢 扚起身嚟 ，打橫 抱住 喺 手 。
旁邊 有 個人 呢 挽住 一 盞 燈籠 ，原來 已經 係 夜晚 嘞 。
韋小寶 見 抱 自己 嘅 係 個 老人 ，神色 肅穆 。
而家 自己 呢 ，係 喺 一個 極大 嘅 院子 裏 便 。
嗰個 老人 抱住 韋小寶 一直 行去 後堂 。
挽住 燈籠 嘅 漢子 推開 落地 長窗 。
哎呀 ，韋小寶 暗暗 叫 一 聲 死喇死喇 。
入到去 ，係 一座 極大 嘅 大廳 ，裏面 企 滿咗 人 ，至少 呢 亦 有 二百幾 人 。
呢啲人 ，一律 着住 青色 衣服 ，個頭 呢 墊住 條 白 巾 ，束住 條 白 腰帶 都係 戴咗 孝 ，面部 都係 悲憤 哀痛 嘅 神情 。
大廳 嘅 正中 啊 開設 咗 個 靈堂 ，枱面 點起 八支 好 粗 好 粗 嘅 藍色 蠟燭 。
靈堂 旁邊 就 掛住 幾條 白布 輓聯 ，豎起 招魂 幡 。
韋小寶 喺 揚州 嘅 時候 ，每逢 大户人家 有 喪事 總係 去 湊熱鬧 攞 啲 打賞 。
趁住 啲 人 忙亂 唔覺 啊 ，就 順手 牽羊 ，攞 啲 物件 收埋 喺 身 ，就 去 街市 賣 咗 又 去 賭錢 。
因此 靈堂 嘅 陳設 啊 睇慣 睇熟 一 睇 就 知 嘞 。
佢 喺 紅棗 桶 裏 便 嘅 時候 ， 早 就 估到 會 畀 人 哋 劏 肚 挖 心肝 攞 去 祭 鰲 拜 嘅 。
而家 事 到 臨頭 ，仲 係 嚇到 全身 都 軟晒 ，牙齒 猛咁 打卦 咔咔聲 咁 響 。
入到 大廳 ，嗰個 老人 將 佢 放低 ，左手 捉住 佢嘅 膊頭 ，右手 將 綁住 佢 手腳 嘅 麻繩 割斷 。
韋小寶 雙腳 麻痹 啊 冇 法子 企 得 定 ，嗰個 老人 啊 伸手 去 扶住 佢 。
韋小寶 見到 大廳 呢啲 人 呢 顯然 都 會 武功 嘅 ，自己 真係 一個 都 打 唔 過 ，想 逃走 啊 乃係 千 難 萬 難 嘞 。
佢 橫 掂 都係 死 啫 ，好 就 綁住 自己 嘅 繩 呢 已經 解開 ，總 係 要 試 下 㗎 。
最 弊 不過 就 係 走 唔 甩 ，畀 你 捉 翻 返 嚟 一樣 咪 挖 心肝 劏 肚 ？
唔通 仲 能夠 劏 多 一次 就 再 挖 一次 咩 ？
而家 最緊要嘅 呢 ，第一 ，係 要 嗰個 白爺公 嘅 手 呢 唔好 喺 自己 胳肋底 托住 ，免致 個 身 一逳 呢 就 畀 佢 捉翻 實 。
第二 呢 ，就 要 想法子 整熄 晒 啲 燈籠 燭火 ，黑麻麻 ，有 機會 甩身 嘞 。
佢 偷偷 睇 下 大廳 嗰 班 人 ，只見 各 人 身上 都 掛住 刀劍 兵器 嘅 。
一名 中年 漢子 行到 靈座 側跟 ，佢 話 ：
今日 大 ，大 仇 得 報 ，大哥 ，你 可以 眼 閉 ，眼 閉 喇 。
一句 説話 未 講完 ，已經 泣 不 成 聲 。
佢 一 翻身 喺 靈前 趴低 放聲 放 哭 。
大廳 啲 人 啊 跟住 都 嚎啕大哭 起嚟 。
韋小寶 個 心 諗 ：豈有此理 ，等 老子 嚟 鬧翻 幾句 至 得 。
但係 即刻 轉念 一諗 ：
我 開口 一鬧 呢啲 烏龜王八蛋 即刻 逳 老子 ，噉 就 實走唔甩 㗎 。
佢 打 斜眼 一 擸 ， 見到 托住 自己 嘅 老人 啊 正在 用 衫袖 抹 眼淚 ， 就 想 轉身 逃跑 嘞 噃 。
但係 自己 後便 企 滿晒 人 ，只要 走 一步 咁多 ，即時 就 會 畀 人 捉翻 實 。
個 心 諗 哎呀 唔好 䎺住 ，時機 未到 不可 魯莽 。
喺 人叢 之中 ，有 一 把 蒼老 嘅 聲音 嗌 ：上祭 ！
一名 上身 赤裸 ，頭 墊 白布 個 雄壯 大漢 大 踏步 行前 ，雙手 托住 個 木盤 ，舉過 自己 嘅 頭 。
盤 上面 鋪住 一塊 紅布 ，紅布 之上 啊 放住 一個 血肉 模糊 嘅 人頭 。
韋小寶 爭 啲 暈 咁滯 啊 心諗 ：哎呀 ，呢啲 王八蛋 要嚟 割 老子 嘅 頭 喇 。
佢 又 諗 ：呢 個 邊個 嘅 頭 呢 ？係 康親王 呢 ？抑或 係 索額圖 㗎 ？唔 會 係 小 皇帝 嘅 啩 ？
個 木盤 舉得 好 高 睇 唔 清 首級 嗰個 樣 。
嗰個 大漢 將 木盤 放 喺 供桌 上面 ，趴 咗 喺 地 叩頭 。
大廳 啲 人 啊 又 試 大聲 咁 喊 喇 ，紛紛 跪拜 。
韋小寶 個 心 諗 ：呢個 時候 唔 走 仲 等 幾時 吖 ？
轉身 正話 想 奔跑 ，嗰個 老人 拉下 佢 衫袖 ，輕輕 喺 佢 背脊 一 推 。
韋小寶 嘅 手腳 解開 冇 幾耐 ，血脈 都 仲未 暢通 嘅 ，雙腳 又 冇 啲 力 ，畀 佢 一 推 即時 就 跪 低 。
見到 大家 都 喺度 叩頭 ，唯有 跟住 叩頭 嘞 。
個心 又 猛咁 鬧 ：你 死 鰲拜 ，爛 鰲拜 ，老子 一刀 㓤死 咗 你 ，去到 陰間 啊 ，老子 又 再 嚟 㓤 你 幾刀 。
噉嗰啲 漢子 拜完 企翻 起身 ，有啲 仍然 趴 喺 地 喊 。
韋小寶 個 心 諗 ：男子漢 大丈夫 噉樣 喊法 都 唔 怕 醜 嘅 。
鰲拜 呢個 龜蛋 有 咩 好啫 ，死咗 有 咩 可惜 啊 ，又 使 乜 你哋 呢班 人 猛流 馬尿 吖 。
好喇 ，欲知 後事 如何 ，且 聽 下回 分解 。
