前 文 再續 啊 書 接上 一回 啊 ， 話 説 太后 升 咗 韋小寶 做尚 膳司 副 總管 太監 ， 噉 有 四名 太監 啊 即刻 走 嚟 報喜 嘞 。
不過 韋小寶 做 太監 升咗 級 ，亦 唔覺得 有 咩 嘢 了不起 噃 ，但係 收尾 佢 諗 ：
太后 升咗 我 級 ，即係 叫 我 對 尋晚 嘅 事 千祈 唔好 洩露 噉 解啫 。
其實 就算 唔 升 我 級 啊 ，老子 都 唔 敢 多口 啦 。
個頭殼 搬咗 家 ，個嘴 都 冇 鬼咗 嘞 ，仲 能夠 多口 咩 ？
吖 不過 太后 既然 提拔 我 ，總唔會 殺 我 喇 ，噉 就 大 可以 放心 。
想到 呢一層 ，當堂 眉開眼笑 ，就 攞 啲 銀票 出嚟 ，每人 送咗 五十 兩 報信費 。
一名太監 話 ：我哋 宮裏頭 ，從來 冇 一位 副總管 好似 桂公公 你 咁 後生 嘅 。
宮內 總管 太監 十四位 ， 副 總管 太監 八位 ， 最高級 嘅 人物 ，冚𠾴唥 計 埋 晒 ， 就 只有 廿二 位 啫 。
本來 三十歲 以下 嘅 一個 都 冇 。
桂公公 今日 一升 呀 ， 聽日 就 同 張總管 、 王總管 佢 哋 平起平坐 ， 真 係 威咯 。
另外 有 個人 就 話 喇 ：
大家 只係 知道 桂公公 喺 皇上 面前 大紅大紫 啫 ，想唔到 太后 對 你 都 咁 睇得起 嘅 。
睇嚟呀 ，唔使 半年 啊 就 升做 總管 喇 ，以後 對 我哋 啲 兄弟 要 多多 提拔 至好 啊 。
韋小寶 哈哈大笑 佢 話 ：哈哈哈 ，都係 自己人 ，好兄弟 ，仲 講 咩 提拔 唔 提拔 啦 。
呢啲啊 ，都係 太后 同 皇上 恩典 ，老 ，嗯 我我我 桂小寶 有 咩 功勞 啫 ？
佢 夾硬 將 老子 兩個字 咕聲 吞翻 落 肚 ，哎 吞得 佢 唔知 幾 辛苦 。
噉佢話 ：嚟嚟嚟 ，大家 入嚟 房 坐下 ，飲杯茶 。
嗰個 中年 太監 就 話 ：太后 嘅 恩旨 ，內務府 總係 要 下午 先 能夠 傳嚟 嘅 。
我哋 羅漢 請 觀音 ，恭請 桂公公 飲翻 一杯 ，慶賀 公公 飛黃騰達 連 升 兩 級 。
桂公公 ，你 而家 係 五品 嘅 官 嘞噃 ，真係 唔細 啊 。
其餘 嗰 三個 人 啊 跟住 柴 起 上嚟 ，一定 要 拉 韋小寶 去 飲酒 。
韋小寶 啊 雖然 近來 畀 人 奉承 慣咗 ，但係 馬屁 一拍 過嚟 ，聽起 上嚟 到底 好 舒服 嘅 。
噉啊即刻鎖翻道門 ，笑騎騎 噉 跟埋 四個人 去 飲酒 嘞 。
四個人 之中 啊 ，有 兩個 係 太后 身邊 嘅 侍從 ，噉 啊 奉 咗 太后 嘅 命令 ，去 內務府 傳旨 ，噉 啊 最先 得到 消息 嘞 。
其餘嗰 兩個 人 呢 ，係 尚膳監 嘅 太監 ，一個 ，就係 管 採辦 糧食 ，一個 就 管 採購 餸菜 ，認真 係 宮內 嘅 肥缺 咯 。
噉 兩個人 一早 聽到 海大富 病死 嘅 消息 ，即刻 就 守住 內務府 門口 寸步不離 。
要知道 邊個人 接替 海大富 嘅 遺缺 ，咪 即刻 趕住 去 打點 ，以便 保全 職位 噉 。
四個人 將 韋小寶 請咗 去 御廚房 ，恭恭敬敬 啊 請佢 坐 喺 中間 首席 。
御廚 知道 呢個 細路 從 聽日 起 呢 ，就係 自己 嘅 頂頭上司 嘞 。
梗係 打醒 十二分 精神 ，整啲 精美 嘅 菜式 畀 佢 食 啦 吓 ，真係 怕 太后 同 皇帝 啊 ，平時 都 食唔到 咁好 嘅 嘢 。
韋小寶 就 唔會 飲酒 嘅 ，就 順口 同 佢哋 車天車地 嘞 。
一名太監 話 ：海公公 為人 呢 ，認真 好喇 ，可惜 佢 身子 呢 總係 唔妥 ，又 盲咗 雙眼 。
呢幾年嚟 ，雖然 係 管尚膳監 嘅 事 ，但 一個月之中 呢 ，都 難得 有 一兩日 嚟 御廚房 嘅 。
噉 另一 名 太監 就 話 ：好彩 大家 忠心 辦事 ，都 冇 出 咩 差錯 。
又 有 一 名 太監 話 ：海老公 係 先帝爺 喜歡 嘅 老臣子 ，如果 唔係 靠住 老主子 往日 嘅 恩典 呀 ，尚膳監 嘅 差事 ，早 就 派 咗 第二 個 人 啦 。
桂公公 得到 皇上 同 太后 寵幸 ，噉 就 大不相同 喇 。
我哋 大樹 底下 好 乘涼 ，辦起事嚟 呀 ，就 方便 得多 咯 。
先頭 嗰個 太監 就 話 喇 ：聽講 海公公 尋日 係 咳嗽 咳死 嘅 噃 。
韋小寶話 ：之唔係 ，海公公 咳起 上嚟 呀 ，時時 氣 都 喘唔過 啊 。
服侍 太后 嘅 太監 話 ：
今朝 一早 啊 ，御醫 李太醫 嚟 稟告 太后 ，話 海公公 係 癆病 入骨 ，風濕 入心 ，多年 舊病 發作 喇 ，點 都 醫唔好 㗎 咯 喎 。
怕啲 癆病 傳畀 人 ，一早 就 將 佢 嘅 屍體 火化 喇 。
太后 呀 ， 歎 咗 好 耐 氣 啊 ， 一味 話 ： 哎呀 真 係 可惜 喇真 係 可惜 喇 ， 海大富 呢 個人 ， 好 老實 㗎 噉 啊 。
嘩 ，韋小寶 真係 又 驚 又 喜 。
知道 啲 侍 衞 、 御醫 、 太監 都 怕 擔帶 關係 ， 將 海老公 被 殺身 死 嘅 事 隱瞞 不 報 ， 啱 啱 迎合 咗 太后 嘅 心意 。
韋小寶 嘅 心諗 ：咩嘢 癆病 入骨 風濕 入心 吖 ，老烏龜 啊 尖刀 入肚 利劍 穿心 啊 真 。
飲咗 一陣 酒 ，尚膳監 嗰 兩名 太監 啊 漸漸 提到 做 太監 嘅 生活 清苦 ，全靠 撈 啲 油水 。
噉 啊 請 韋小寶 呢 唔 好學 似 海老公 咁 固執 ， 一切 事情 啊 ， 都 要辦 得 通情達理 啲 噉 。
韋小寶 有啲 明白 有啲 唔明白 ，噉 只係 唯唯否否 嗯嗯 誒誒 。
飲完酒 ，兩名 太監 啊 將 個 紙包 塞落 佢 個 袋 處 。
返到去 自己 房 打開 嚟 一 睇 ，原來 係 兩張 銀票 ，每張 一千 兩 。
啊 呢 一千 兩 三 個 字 佢 係 識得 嘅 ，個心 諗 ：咦 嘻 ，仲 未曾 上任 啊 先 收 兩千 ，油水 認真 唔錯 喎 。
到咗 申牌 時分 ，即係 而家 講 下午 三點 至 五點 ，康熙 派 人 嚟 傳 佢 去 上書房 。
康熙 笑容滿面 噉 話 ：小桂子 ，太后 話 你 尋晚 又 立咗 大功 ，要 升 你 嘅 級 噃 。
韋小寶 個 心 諗 ：我 早就 知道 喇 。
之佢 即刻 裝成 驚喜交集 噉樣 ，跪低 叩頭 話 ：奴才 亦 冇 咩 功勞 啫 ，都係 太后 同 皇上 嘅 恩典 。
康熙話 ：太后 講 ，尋晚 有 幾名 太監 喺 花園 打交 ，嘈親 太后 ，你 又 過去 趕開 佢哋 ，處理得 好得當 。
你 小小年紀 好 識 大體 啊 。
韋小寶 企 起身 嚟 佢 話 ：
識大體 呢 亦唔見得 ，不過 我 就 知道 有啲 事情 聽咗 呢 ，應該 記到 實一實 。
之 有啲 事情 呢 ，應該 左耳入 右耳出 ，冚𠾴 唥唔記得 ，永遠 唔好 提起 嘅 。
啲太監 打交 ，講 啲 説話 好 難聽 㗎 ，梗係 邊個 都 唔 好 提起 佢 啦 。
康熙 岌一岌 頭 笑口 吟吟噉 話 ：
小桂子 ，我哋 兩個人 年紀 雖然 唔大 ，不過 要 做 翻 幾件 大事 出嚟 ，唔好 畀 啲 大臣 睇 小 我哋 ，話 我哋 唔懂事 啊 。
係啊 ，只要 皇上 定咗 計策 ，有 咩事 交畀 奴才 去做 就係喇 。
好 ，誒 鰲 拜 嗰個 嘢 ，犯上 作亂 ，我 雖然 放過咗 佢 唔殺 ，但係 呢個 人 黨羽 眾多 ，怕 佢 死灰復燃 ，造起 反 嚟 噉 就 認真 不妙 喇 。
誒噉又係啊 。
我 早就 知道 鰲拜 呢個 嘢 好 狼戾 ，因此 冇 叫 人 將 佢 送入 刑部 嘅 天牢 監禁 ，免致 佢 胡言亂語 ，一直 將 佢 韞 喺 康親王府 裏 便 。
先頭 康親王 嚟 稟告 ，話 嗰個 嘢 成日 喺度 嘈 ，講 啲 嘢 啊 極之 無禮 嘅 。
嗰個嘢 ，話 我 用 把 刀 喺 佢 背脊 㓤 咗 一刀 喎 。
邊度 有 噉嘅 事 呢 ？嘿 對付 嗰個 嘢 ，何必 皇上 親自 逳手唧 ？
嗰 一刀 呀 ，係 奴才 㓤 嘅 ，奴才 同 康親王 講明白 就係 嘞 。
康熙 親自 逳手 暗算 鰲拜 ，呢件事 如果 一 傳開嚟 啊 ，就 有失 皇帝 嘅 體統 。
佢 正係 為 呢件事 好 憂心 ，而家 聽 韋小寶 噉樣 講 個 心 好 歡喜 ，岌一岌頭 話 ：
呢件事 由 你 認咗 係 最好 嘞 。
誒 ，嗱 ，你 去 康親王 屋企 睇 下 ，睇下 嗰個 嘢 幾時 先至 死得 。
哦 。
我 以為 佢 中咗 一刀 之後 轉眼 就 死 嘅 ，因此 就 放過咗 佢 條命 。
估唔到 嗰個 嘢 咁 硬淨 ，居然 能夠 頂得住 ，仲 喺 嗰處 亂講 説話 煽惑 人心 ，早知 如此 ，唉 。
講起嚟 ，康熙 有 啲 後悔 。
韋小寶 揣摩 康熙 嘅 意思 呢 ，係 要 自己 靜靜 殺咗 佢 。
噉佢就話 ：我 睇 佢 啊 ，多數 捱唔過 今日 㗎 喇 。
噉 康熙 呢 就 叫咗 四 名 侍衞 嚟 ，吩咐 佢哋 護送 韋小寶 去 康親王府 公 幹 。
韋小寶 返去 自己 嘅 住地 先 ，攞咗 應用 嘅 嘢 嘞 。
然後 騎咗 一匹 高頭大馬 ，喺 四名 侍衛 前 呼後擁 之下 ，就 去 康親王府 咯 喎 。
喺 街 上面 左顧右盼 啊 得意洋洋 啊 。
忽然間 ，聽見 街邊 有 兩個 人 喺度 講嘢 ，有個 話 ：
聽講 捉住 大奸臣 鰲拜 嘅 係 一位 十幾歲 嘅 小公公 噃 係咪 ？
另外一個人 話 喇 ：係啊 ，少年皇帝 身邊 得 寵 嘅 公公 都 係 少年 啦 。
係咪 就係 呢位 小公公 呢 ？
哦 ，噉 我 就 唔知 喇 。
有名侍衞 要 討好 韋小寶 ，就 大聲 話 ：捉拿 奸臣 鰲拜 嘅 ，就係 呢位 桂公公 立 嘅 大功 喇 。
鰲拜 殘殺 漢人 啊 貪贓枉法 ，啲 百姓 嬲 到 佢 入 骨 。
一聽講佢拉咗 ，辦罪抄家 ，北京城內城外 就 歡聲雷動 。
小皇帝 下旨 擒拿 嘅 時候 ，鰲拜 拒捕 就 終於 畀 一批 小太監 打倒 ，呢件事 啊 ，亦都 傳到 滿城 皆知 。
嗰啲 百姓 啊 加油 添醬 繪影繪聲 ，各處 茶館 嘅 茶客 個個 都 講到 口沫橫飛 喇 。
咩 鰲拜 飛腳 想 踢 皇帝 啦 ，咩 幾 名 小太監 啊 個個 武功 使得 ，點樣 用 老樹 盤根 ，𢴈低 鰲拜 。
鰲拜 又 點樣 鯉魚 打挺 ，小太監 又 點樣 黑虎 偷心 ，一招一式 ，吖 好似 人人 親眼 見到 噉 嘅 。
呢幾日嚟 ，只要 有 個 太監 嚟到 市面 ，即刻 就 有 一班 閒人 圍上嚟 ，打聽 捉拿 鰲拜 嘅 情形 。
而家 一聽見 嗰個 侍衞 話 ，呢個 小太監 就係 捉拿 鰲拜 嘅 大功臣 喎 ，條 大街 呀 ，即刻 轟動晒 ，無數 百姓 啊 鼓掌 喝彩 。
韋小寶 一生人之中 ，邊度 試過 有 咁 榮耀 㗎 ，不由 到 佢 心花怒放 ，自己 啊 真係 好似 大英雄 噉 。
嗰班 閒人 啊 不過 見到 兩名 手 按 腰刀 嘅 侍衞 喺 前面 開路 ，個 心 有 啲 顧忌 咋 。
如果唔係 ，早就 湧上嚟 圍實 韋小寶 逐條 頭髮 咁 睇 佢 ，問到 不停口 喇 。
好喇 話説 五個人 啊 嚟到 康親王府 。
康親王 聽見 皇上 派 咗 內使 嚟 ，連忙 大開 中門 出嚟 迎接 ，擺好 香案 就 準備 迎接 聖旨 。
韋小寶 笑住 話 ：王爺 ，皇上 命令 小人 嚟 睇下 鰲拜 ，其他 亦 冇 咩 大事 嘅 。
康親王 話 ：係 ，係 。
佢 喺 上書房 裏 便 就 見到 韋小寶 一直 喺 身邊 陪住 康熙 ，又 知道 佢 捉拿 鰲拜 出過 大力 ，就 連忙 笑容滿面 噉 拖住 佢 隻 手 話 ：
韋公公 ，你 難得 光臨 啊 ，我哋 飲 兩杯 先 ，再 去 睇 鰲拜 嗰個 嘢 呢 。
即刻 就 擺酒 咯 喎 。
嗰 四 名 侍衞 呢 另外 坐 開 一 席 ，由 王府 裏 便 嘅 武官 陪 佢哋 。
康親王 自己 呢 ，同 韋小寶 喺 花園 飲 。
飲 飲下 就 問起 韋小寶 嘅 嗜好 嘞 ， 韋小寶 個心 諗 ：
我 如果 話 鐘意 賭錢 ， 王爺 就 會 陪 我 擲 骰仔 ， 噉 佢 一定 係 故意 輸 畀 我 嘅 ， 噉 樣 贏 佢 嘅 錢 就 叫 勝之不武 啦 。
佢 話 ：噉 我 亦 冇 咩 鐘意 嘅 。
康親王 諗 ：老年人 愛 錢 ，中年 、少年人 就 好色 。
太監 就 唔會 好色 㗎嘞 ，呢個 小太監 鐘意 咩 嘢 呢 幾 難估 㗎 喎 。
呢個 細佬哥 會 武功 ，如果 送 寶刀 寶劍 畀 佢 ，喺 宮中 講唔定 會 惹出 禍 嚟 ，噉 就 好大 擔帶 。
吖 ， 有 喇 有 喇 ， 就 笑 住 話 ：
桂公公 ， 我 哋 兩個 一見如故 ， 我 屋企 養 咗 有 幾匹 好馬 ， 請 你 揀 幾匹 ， 算 係 小王 送 畀 你 一個 小小 禮物 如何 啊 ？
韋小寶 好 歡喜 噉 話 ：唉 點 敢 領受 王爺 賞賜 吖 ？
自己 兄弟 咩 賞賜 唔 賞賜唧 ，嚟嚟嚟 ，我哋 先 去 睇咗 馬 先 ，返嚟 再 飲酒 。
噉啊拖住佢隻手一齊去馬廄 。
康親王 吩咐 馬夫 ，牽 幾匹 最好嘅 小馬 出嚟 。
韋小寶 個 心 唔 鐘意 嘞 ：
點解 叫 我 揀 小馬唧 ，你 當 我 淨係 會 騎 小馬 嘅 細佬 哥 咩 ？
噉 見到 馬夫 牽 咗 五六 匹 小馬 出嚟 ，就 笑住 話 ：
王爺 啊 ， 我 身材 唔 高 ， 鐘意 騎 大馬 嘅 ， 個人 睇 起 上 嚟 呀 ， 顯得 冇 咁 細粒 吖 嘛 。
康親王 即時 會意 ， 拍住 大 髀 話 ： 唉 係 我 糊塗 係 我 糊塗 ， 就 吩咐 個馬夫 ： 牽 我 嗰 匹 玉花驄 出 嚟 ， 請 桂公公 睇 下 。
嗰個 馬夫 入到去 內廄 裏 便 ，牽 咗 一 匹 高頭大馬 出嚟 。
呢匹馬 全身 白毛 ，夾雜住 一笪笪 淡紅色 嘅 斑點 ，昂首揚鬣 真係 神駿 非凡 啊 。
黃金馬籠頭 ，黃金馬镫 ，馬鞍嘅邊邊 ，鑲滿晒寶石 。
淨 係 呢 副 馬具 啊 ， 都 唔 知值 幾多 銀 啊 。
如果 唔係 皇宮 親貴 啊 ，更 有錢 嘅 達官 富商 亦 唔敢 用 咁 華貴 嘅 鞍韉 啦 。
韋小寶 都 唔 識 馬匹 嘅 優劣 嘅 ， 只 係 見到 呢 匹馬 模樣 俊美 ， 忍 唔 住 喝彩 話 ： 吖 ， 匹馬 好靚 啊 ！
康親王 笑住 話 ：呢匹馬 係 西域 送嚟 嘅 ，乃 係 有名 嘅 大宛馬 。
你唔好睇佢身材高大噃 ，啲年紀 仲 好細 㗎啫 ，只係 兩歲零幾個月 咋 。
靚嘅馬 應該 由 靚人 嚟 騎 ，韋兄弟 ，你 就 選 呢匹 玉花驄 呢點 啊 ？
噉 ， 噉 ， 呢 ， 呢 匹 係 王爺 嘅 坐騎 ， 小人 點敢 要 吖 ， 王爺 厚賜 ， 真 係 唔 敢當 啊 。
唉 ，桂兄弟 ，你 咁 見外 ，即係 睇唔起 兄弟 嘞 ，唔通 你 唔肯 結交 我 呢個 朋友 ？
唉 ， 小人 喺 宮中 係 個 ， 係 個 ， 係 個 好 低賤 嘅 人 ， 點敢 同 王爺 做 朋友 喎 。
我哋 滿洲人 爽爽快快 ，你 當 我 係 好朋友 ，就 將 呢匹馬 騎咗去 ，以後 大家 不分彼此 。
否則啊 ，兄弟 嘅 心 就 好 嬲 好嬲 㗎喇 。
講完 ，鬍鬚 一翹 ，一副 氣咕咕 嘅 模樣 。
韋小寶 歡喜 到 不得了 嘞 佢 話 ：
王爺 ，你 ，唉 ，你 待 小人 咁 好 真係 唔知 點樣 報答 你 先 係 啊 。
講咩 報答唔報答 呢 ，你 肯要 呢匹馬 ，算係 我 有面子 。
康親王 行過去 喺 馬𦣇 柚 上 輕輕 拍 幾下 佢 話 ：
玉花 玉花 ， 以後 你 跟 咗 呢 位 公公 去 ， 要 乖乖 哋 至 得 啊 。
噉又 向 韋小寶 話 ：兄弟 ，你 騎 嚟 試下 。
好啊 。
韋小寶 喺 馬鞍 上面 一拍 ，飛身而起 ，上咗 馬背 。
康親王 贊佢話 ：啊 ，真 好 功夫 。
噉牽住馬叫馬夫啊鬆開隻手 ，嗰隻玉花驄呢 ，就喺馬廄外便嘅沙地處 ，兜住圈跑花蹄 。
韋小寶 騎 喺 馬背 上 便 覺得 又 快 又 穩 。
不過 佢 一啲 都 唔 懂得 控馬 技術 嘅 ，慌怕 出醜 ，兜 咗 幾個 圈 ，哎 係咁 意 ，就 跳翻 落馬 ，嗰 隻 馬 呢 自己 企定 嘞 。
韋小寶 話 ：王爺 ，真係 多謝 你 嘅 厚賜 ，小人 而家 就 去 睇下 鰲拜 先 ，返嚟 再 嚟 陪 你 啦 。
冇錯喇 ，呢件 係 奉旨 差遣 嘅 大事 嚟 㗎 嘛 。
小兄弟 ，請 你 稟報 皇上 ，話 我哋 看守 得 好 緊 ，呢個 嘢 啊 ，就算 生咗 對翼 都 飛唔甩 嘅 。
噉啊梗係啦 。
要唔要 我 陪埋 你 去 呢 ？
唔使咯 ，唔敢 勞煩 王爺 大駕 。
康親王 每次 見到 鰲拜 啊 總係 畀 佢 鬧到 狗血淋頭 ，本來 就 唔想 見 佢 嘅 。
韋小寶 話 唔 使 佢 去 喎 就 啱 晒 啦 ， 即刻 派 咗 本府 八名 衞 士 ， 陪 埋 韋小寶 去 查察 欽犯 。
話說 八名 衞士 啊 帶住 韋小寶 行 去 後花園 ，嚟到 一座 孤零零 嘅 石屋 前 便 。
屋外 便 有 十六 名 衞士 手執 鋼刀 把守 ，另外 有 兩 名 衞士 首領 就 圍住 石屋 巡視 ，確係 防守 得 十分 嚴密 。
衛士首領 知道 皇上 派 內使 嚟 巡查 唄 ，就 率領 眾 衞士 躬身 行禮 ，打開 鐵門 上 嘅 大鎖 ，㧬開 道 鐵門 ，請 韋小寶 入去 裏 便 嘞 。
石屋 裏 便 好 陰暗 嘅 ，走廊 側 跟 就 搭起 一座 臨時 灶 ，有 一名 老 僕人 喺度 煮飯 。
嗰個 衞士 首領 話 ：呢道 鐵門 平時 都 唔 開 ，欽犯 嘅 飲食 ，就 由 呢個 人 喺 屋 裏 便 煮好咗 ，送 入去 監房 啊 。
韋小寶 岌一岌頭 話 ：好 。
你哋 王爺 諗得 好 周到 ，鐵門 唔 開 ，呢 欽犯 啊 想 逃走 都 好 難 喇 。
衛士首領 話 ：王爺 吩咐過 ，欽犯 如果 要 逃走 ，格殺勿論 。
衛士 首領 啊 帶 韋小寶 行入 去 ， 嚟 到 一間 細廳 ， 就 聽見 鰲拜 把 聲 啊 喺 裏 便 傳出 嚟 ， 正 喺 度 痛罵 皇帝 啊 ：
豈有此理 ！老子 出生入死 ，立咗 無數 汗馬功勞 ，幫 你 阿爺 、老豆 打咗 一座 錦繡 江山 。
你 呢 個 冇 出息 嘅 衰仔 你 嘩 ， 年紀輕輕 就 咁 惡毒 ， 喺 背脊 拮 咗 我 一刀 暗算 老子 ， 老子 做 咗 猛 鬼 亦 唔 放過 你 啊 ！
衛士首領 皺住 眉頭 話 ：呢個 嘢 講説 話 無法無天 ，真係 要 殺頭 至 啱 。
韋小寶 跟住 聲 行到 一間 房間 嘅 鐵窗 前面 ，噉 啊 哄 頭 埋去 裝下 。
只見 鰲拜 披頭散髮 ，手上 、腳上 都 戴咗 鐐銬 ，喺 房 裏 便 行嚟行去 ，條 鐵鏈 拖住 地 咣咣聲 。
鰲拜 一下 見到 韋小寶 ，就 話 ：
你 ，你 ，你 呢個 罪該萬死 、閹咗 膥嘅 衰仔 ，你 入嚟 ，你 入嚟 ，老子 捻死 你 ！
佢 睩 大 雙眼 ，好似 噴火 出嚟 噉 。
突然間 發腳 向 韋小寶 猛衝過嚟 ，嘣 一聲 ，撞 喺 牆 上 便 。
雖然 明知 隔住 一埲 厚 墻 ，韋小寶 仲 係 吃咗 一 驚 ，退後 兩 步 ，見到 佢 個 樣 咁 猙獰 可怕 個 心 好 驚 。
衛士首領 就 安慰 佢 話 ：公公 唔使 怕 ，呢個 嘢 衝 唔出 嚟 嘅 。
韋小寶 定 一定 神 ， 見到 鐵窗 嘅 鐵 枝 好 粗 ， 石 墻 又 好 厚 ， 而 鰲拜 戴 住 嘅 手 撩 腳 銬 又 極 之 沉重 嘅 。
當堂 精神 大振 啊 佢 話 ：我 怕 咩 啫 ，啊 你哋 幾位 喺 外 便 等 我 ，皇上 吩咐 ，有 幾句 説話 我要 問 佢 嘅 。
眾衛士 齊聲 應咗 就 退出去 嘞 ，噉 鰲拜 仲 喺度 大聲 咁 鬧 。
韋小寶 笑住 話 ：
鰲少保 ，皇上 吩咐 我 嚟 睇下 你 老人家 身子 好唔好 啊 。
你 鬧起 人 上嚟 ，中氣 都 好 足噃 ，身子 好 硬淨 吖 。
皇上 知道咗 ，必定 好 歡喜 定嘞 。
鰲拜 舉起 雙手 ，將 鐵手銬 撞到 鐵窗 咣咣聲 ，佢 大聲 咁 鬧 ：
你 阿爺 嘩 ，你個 狗乸 生 嘅 死 雜種 ！
你 同 皇帝 講 ，唔使 佢 咁 假心假意 ，要 殺 就 殺 ，鰲拜 唔 怕 佢 ！
韋小寶 見 佢 將 鐵窗 上面 嘅 粗大 鐵格 打到 震震 下 ，真係 怕 佢 撞爛 個 窗 衝出嚟 ，噉 又 退後咗 一步 ，笑住 話 ：
皇上 真係 冇 咁 容易 就 殺咗 你 啫 ，要 你 喺 呢處 呢 安安靜靜 住 翻 二三十年 。
等到 你 個 心 真係 後悔 喇 ，躝住 出去 向 皇上 叩 幾百 個 響 頭 ，噉 皇上 念 你 以前 嘅 功勞 ，講唔定 就 饒恕 咗 你 ，放翻 你 出去 。
不過呢 ，大官 就 冇得 你 做 喇 。
你 叫 佢 唔好 發夢 喇 ，要 殺 鰲拜 好 容易 唧 ，要 鰲拜 叩頭 ，哼 ，千難萬難 啊 ！
哈哈哈 ，我哋 即管 睇住嚟 啦 ，過得 三年 五載 ，皇上 啊 忽然 記起 你 嘅 時候 ，又 會 派 我 嚟 睇下 你 。
鰲大人 ，你 千祈千祈 要 保重 身子 噃 ，千祈千祈 唔好 有 咩 傷風 咳嗽 ，頭痛 肚痛 噃 。
痛 你 老母 ！小皇帝 本來 好地地 嘅 ，不過 畀 你 呢啲 狗乸 生 嘅 漢人 教壞 晒 。
老王爺 如果 早啲 聽 我 説話 ，朝廷 裏 便 一個 漢官 都 唔 用 ，宮 裏 便 一隻 漢狗 都 唔 畀 入嚟 ，又 邊度 會 有 今日 咁 亂七八糟 吖 ！
嗱 各位 ，欲知 後事 如何 ，且 聽 下回 分解 。
