前文 再續 就 書 接 上一回 啊 。
話説 韋小寶 喺 揚州 嘅 時候 呢 ，麗春院 內 鶯鶯燕燕 ，見來見去 嘅 ，都 係 大過 自己 嘅 女人 。
入咗 皇宮 之後 ，今日 仲係 第一次 同 一個 同佢 年紀 差唔多 嘅 小姑娘 做 伴 啊 ，覺得 好 快樂 ，好 舒服 。
噉靈機一動就話 ：
噉樣啦 ，我 將 糖果糕餅 攞返去 ，你 服侍 完 太后 之後 ，就 出嚟 同 我 一齊 食 啦 。
蕊初塊面 又 試 紅 一 紅嘞 佢 話 ：
唔得㗎 ，等 我 服侍 完 太后 ，已經 好 夜 喇 。
好夜 又 怕 咩嘢 呢 ？你 喺 邊處 等 我 啊 ？
蕊初 喺 太后 身邊 服侍 ，其餘 啲 宮女 呢 都 大過 佢 嘅 ，平時 傾偈 又 唔啱 巧 。
見韋小寶 係 都 要 同佢 一齊 食 糖果 ，好 誠意 ，不禁 有啲 心動 。
韋小寶話 ：去 外便 嘅 花園 好唔好 啊 ？半夜 三更 冇人 知 㗎 嘛 。
蕊初 猶猶豫豫 噉 岌一岌頭 。
韋小寶 好 歡喜 佢 話 ： 好 ， 一言 為定 ， 畀 啲 蜜餞 糖果 畀 我 啦 ， 你 自己 鐘意 食 啲 咩 嘢 就 攞 多 啲 。
又唔係 我 一個人 食 ，你 自己 鐘意 食 咩嘢 啊 ？
姐姐 鐘意 食 咩嘢 ，我 都 鐘意 食 。
蕊初 聽 佢 嘅 嘴 咁 甜 ，好 歡喜 。
於是 揀咗 十幾種 蜜餞 、糖果 、糕餅 ，用 個 紙盒 裝好 。
韋小寶 細聲 話 ：今晚 三更 ，喺 花園 嘅 涼亭 裏 便 等 你 吓 。
蕊初 岌 一岌 頭 低聲 話 ：要 小心啲 啊 。
哦 ，你 都 要 小心啲 噃 。
佢 攞住 紙盒 興沖沖噉 返到 去 住地 。
佢 本來 同 假扮 小玄子 嘅 皇帝 就 玩得 極之 有癮 嘅 ，但係 真相 揭露 之後 ，就 唔能夠 再 同 佢 玩 嘞 。
呢 幾日 喺 皇宮 裏 便 ， 人人 對 佢 大 為 奉承 ， 雖然 覺得 好得戚 啊 ， 但 係 冇 玩耍 嘅 樂趣 啊 。
而家 約咗 一個 小宮女 半夜 相會 ，好玩 之中 帶住 三分 危險 ，係 覺得 最 過癮 喇 。
佢 畢竟 年紀 仲 係 細 ，雖然 自 細 喺 妓院 裏頭 長大 ，對於 男女 情愛 嘅 事 啊 ，只係 見得 極多 ，而 自己 呢 卻 係 似懂非懂 㗎 。
返到去 ，海老公 問 佢 今日 做咗 咩嘢事 。
韋小寶啊 將 去 鰲拜 屋企 抄家 嘅 事 講 佢 聽 。
至於 吞沒 珍寶 、金銀 、匕首 等等 嘅 嘢 ，自然 係 絕口不提 啦 ，收尾 佢 話 ：
太后 叫 我 去 鰲 拜 屋企 攞 兩部 四十二章經 啊 。
海老公 突然間 噗聲 企起 問話 ：
鰲拜 屋企 有 兩部 四十二章經 咩 ？
係啊 ，係 太后 同 皇上 吩咐 去 攞 嘅 。
如果唔係 ，我 搦咗嚟 畀 你 人哋 都 未必 知道 啊 。
海老公 面色 陰沉 ，冷冰冰 噉 話 ：
哼 ，落咗 入 太后 嘅 手 ，好啊 ，哼哼 ，好極嘞 。
過咗一陣 ，廚房 送飯 嚟嘞 ，海老公 只係 食咗 細半碗 就 唔食 。
嗰 雙 盲咗 嘅 眼 眨下眨下 ，仰起 頭 喺度 想 心事 。
韋小寶 食完 飯 ，個心 諗 我 瞓 一陣 先 ，到咗 三更 時分 ，再 去 同 個 小宮女 傾偈 玩下 。
見 海老公 傻咗 噉 坐 喺 處 唔 逳 ，就 和 衣 上 床 瞓 嘞 。
佢 迷迷懵懵 噉 瞓咗 一陣 ，靜雞雞 起身 ，將 嗰 盒 蜜餞 糖果 啊 塞 喺 懷 內 。
怕嘈醒海老公啊 ，就 慢慢 噉 一步步 踮起腳 行 。
行到 門邊 ，輕輕 拔開 咗 門戌 ，再 輕輕 打開 一道 門 。
突然間 聽見 海老公 問 佢 ：
小桂子 ，你 去 邊度 啊 ？
韋小寶 吃咗 一驚 話 ：我 ，誒 ，我去 小便 啊 。
點解 唔 喺 房 小便 呢 ？
哦 ，我 瞓唔着 ，去 花園 行 下 。
韋小寶 怕 海老公 攔阻 佢 ，亦 唔多 講 喇 ，開步 就 行 出去 。
左腳 啱啱 踏出 一步 ，只 覺得 後領 一 緊 ，已經 畀 海老公 捉住 拉咗 返轉頭 。
韋小寶 哎吖 噉 大叫 一聲 ，佢 諗 ：
死喇死喇 ，老烏龜 知道 我要 去 見 嗰個 小宮女 唔准 我 去 啊 。
諗 都 未 諗完 ，已經 畀 海老公 𢴈咗 喺 床 上 。
韋小寶 笑嘞 ：公公 ，你 試 我 武功 啊 ？好多 日 冇 教 我 功夫 嘞 ，你 捉 我 呢 一下 係 咩 招式 啊 ？
海老公 話 ：哼 ，呢一招 ，叫做 甕中捉鱉 ，手到擒來 。
你就係水魚 ，捉你 呢隻水魚仔 。
韋小寶 個 心 諗 ：老 水魚 捉 水魚仔 。
但 係 佢 唔 敢講 出口 ， 雙眼 珠 啊 猛 咁 轉諗計 甩身 嘞 。
海老公 坐 喺 佢 床邊 ，細細聲 噉 話 ：
你 膽大心細 ，聰明伶俐 。
學武 雖然 唔肯 踏實 ，但係 如果 由我 嚟 好好 磨練 你 ，亦 可以 算得 係 可造之才 嘅 。
不過 可惜啊 ，真係 可惜啊 。
公公 ，可惜 咩 啊 ？
海老公 唔 回答 佢 ，只係 歎咗 口氣 ，過咗 一陣 就 話 ：
你嘅 京片子 學得 都 差唔多 喇 。
幾個月 之前 ，如果 就會 講 呢啲 説話 ，唔 帶 啲 多 揚州腔調 ，亦 唔 容易 發覺 。
嘩 ， 韋小寶 大吃一驚 ， 霎時之間 ， 全身 毛管棟 篤 企 ， 忍 唔 住 周身 嘀嘀 咁 震 牙齒 打卦 。
佢 強笑話 ：
嘿 ， 呵 ， 呵 ， 公公 ， 你 ， 嘿嘿 ， 你 ， 你 今晚 講 嘅 説 話 真 係 ， 嘿嘿 ， 嘿 ， 真 係 古怪 啊 。
唉 ，細路 ，你 今年 幾多歲 啊 ？
韋小寶 聽 佢 語氣 和藹 ，就 冇 咁 怕 喇 。
我 ， 我 係 十四歲 啩。
十三歲 就 十三歲 ， 十四歲 就 十四歲 ， 點解 係 十四歲 啩 唧 ？
我 阿媽 亦 唔係 記得 幾 清楚 嘞 ，我 自己 又 唔 知道 啊 。
呢 一句 確係 真話 ，佢 阿媽 糊里糊塗 ，小寶 到底 幾歲 ，佢 亦 講 唔 清楚 嘅 。
海老公 岌一岌頭 ，咳咗 幾聲 話 ：
我 前幾年 練功夫 ，練到 走咗火 ，得咗 呢個 病 一味 咳 ，越 咳 越 厲害 。
近年來 ，自己 知道 係 ，冇乜 行 㗎喇 。
我 ，我覺得 你 近來 ，誒 ，近來啲 咳 好咗啲 嘞 。
好咩嘢吖好 ，一啲都冇好 。
我 心口 痛得 好 厲害 你 又 點 知道 吖 ？
而家 點啊 ？要唔要 我 搦 啲 藥 畀 你 食吖 ？
唉 ，雙眼 睇唔見 ，藥 係 唔能夠 亂食 嘅 咯 。
哎呀 韋小寶 大氣 都 唔敢 唞 啊 ，唔知 佢 講 呢啲 説話 係 咩 嘢 意思 。
你 機緣 好 到極 ， 巴結 到 皇上 ， 本來 呢 ， 亦 可以 有 一番 大大 嘅 作 為 嘅 。
你 冇 淨身 ，我 同 你 淨咗身 亦 唔 緊要 嘅 ，只不過 ，哈 ，遲喇 ，遲喇 。
韋小寶 唔明白 淨身 係 咩嘢 意思 ，只 覺到 佢 今晚 講説話 嘅 語氣 講唔出 咁 古怪 就係 喇 ，就 細細聲 話 ：
公公 ，好 夜 喇 ，你 瞓 啦 。
瞓啦 ，瞓啦 。
唉 ，瞓覺 嘅 時候 ，以後 仲 好多 ，朝 亦 瞓 ，晚 亦 瞓 ，瞓着咗 永遠 都 唔會 醒 。
細路 ，一個人 淨係 瞓覺 ，唔使 起身 ，唔會 心口痛 ，唔會 咳得 咁 辛苦 你話 幾好 啊 。
韋小寶 嚇到 唔敢 出聲 。
細路 ，你 屋企 仲 有 啲 咩 嘢 人 啊 ？
呢 平平淡淡 一句 説話 ，韋小寶 覺得 難以 回答 噃 。
佢 真係 唔 知道 嗰個 死咗 嘅 小桂子 屋企 有 啲 咩 嘢 人 。
如果 亂咁 回答 ，九成 即時 就 穿煲 嘞 ，但係 又 唔能夠 唔答 啊 。
只有 希望 海 老公 本來 唔 知道 小桂子 屋企 嘅 底細 先至 噉樣 問 啦 ，就 回答 話 ：
我 屋企 只有 個 老母 ，其餘 啲 人 ，咁 多年 嚟 ，唉 ，都 唔 使 提 喇 。
説話裏便啊拖咗一條噉嘅尾 ：如果 小桂子 仲有 父兄姊妹 ，就 不妨 用 噉 亦 唔使 提咯 呢 幾個 字 嚟到 推搪 。
海老公話 ：只有 個 老母 啊 ，你哋 福建話 ，叫 老母 做 咩嘢 㗎 ？
韋小寶 又 吃 一驚嘞 ：咩嘢 福建話 ？唔通 小桂子 係 福建人 啊 ？
佢 話 我 以前 講嘢 有 揚州腔調 ，恐怕 ，恐怕 。
咿呀 ，噉 佢 雙眼 畀 我 整盲 咗 呢件事 佢 知唔知道 呢 ？
剎那之間 ，頭腦 裏 便 閃過 無數 念頭 ，就 含含糊糊 噉 話 ：
叫誒 ，叫 ，嗯 ，你 問 呢個 做咩 啫 ？
海老公 又 歎咗 口氣 話 ：
唉 ，你 年紀 細細 就 咁 壞 喇 ，哈 ，到底 係 似 你 老豆 定 係 似 你 老母 呢 ？
韋小寶 咭聲噉 笑起嚟 話 ：
我 係 邊個 都 唔 似 ，好 啊 唔係 點 好 ，壞 亦 唔 算 認真 壞 嘅 。
海老公 咳咗 幾聲 話 ：我 係 成年 之後 ，先至 淨身 做 太監 嘅 。
韋小寶 暗暗 叫苦 嘞 ：原來 做 太監 要 淨身 ，噉 就 要 割咗 小便 嗰件 嘢 嘞 噃 。
佢 話 知道 我 冇 淨身 ，如果 嚟 幫 我 淨身 ，噉 唔係 死 畀 你 睇 ？
只聽見 海老公 繼續 話 ：
我 本來 有 個 仔 ，只係 可惜 喺 八歲 嗰 年 就 死咗 咯 。
如果 佢 有命 到 今日 ，我 個 仔 亦 應該 有 你 咁 大 咯 。
嗰個 姓 茅 嘅 茅十八 ，佢 唔係 你 阿爹 啩 ？
韋小寶 聲 都 震晒 話 ：唔唔係 ，誒 當當 ，當然 唔係 啦 。
我 亦 諗 唔 係 嘅 ， 如果 你 係 我 個 仔 ， 身陷 喺 皇宮 裏 便 ， 就算 有 天大 嘅 危險 我亦會 嚟 救 你 出去 嘅 。
就係 可惜 我 冇 你 呢個 好 老豆 呢 。
我 教過 你 兩套 武功 ，第一套 大擒拿手 ，第二套 大慈大悲千葉手 。
呢 兩 套 功夫 我 都 冇 教 齊 ，你 自不然 亦 冇 學會 啦 ，只係 學咗 一 成 半成 。
哼哼 ，哈哈哈哈哈 。
之唔係 ，你老人家 最好 將 呢 兩套 功夫 教齊 畀 我 。
你 天下 第一 嘅 武功 ，總要 有 個 人 幫 你 傳 落去 ，幫 你 老人家 揚名 噉 先至 係 㗎 嘛 。
天下 第一 呢 四個字 ，邊處 敢當 吖 ？世上 武功 高強 嘅 ，都 唔知 有 幾多 。
我 呢 兩 套 功夫 ，你 呢 一生一世 就 嚟唔切 學得 齊全 㗎 喇 。
嗱 ，你 吸 一啖 氣 ，然後 你 摸住 左便 小腹 ，離開 肚臍 三寸 嘅 地方 ，出力 撳 一撳 睇下 點樣 。
韋小寶 照 佢 嘅 説話 ，摸到 佢 講 嘅 地方 出力 一撳 ，當堂 痛到 入心 不由 話 吖噉樣 大叫 一 聲 ，霎時間 滿頭 大汗 猛咁 喘氣 。
呢 近 半個幾月 嚟 啊 ，左便 小腹 偶然間 亦 隱隱 作痛 ，噉 以為 食錯嘢 啫 。
何況 只 係 痛 一陣 咁 耐 就 唔 痛 嘞 ， 從來 都 唔 放 喺 心上 。
想唔到 對準 一點 出力 撳落去 竟然 會 痛得 咁 犀利 嘅 。
海老公話 ：好得意呢 ？
韋小寶 個 心 鬧 佢 嘞 ：死 老 烏龜 ，臭 老 烏龜 ！
但係 把口 又 話 ：
有 一啲 啲 痛 ，不過 都 冇 咩 嘢 得意 吖 。
你 每 日 上午 去 賭錢 ，又 去 同 皇上 練武 ，你 未 返嚟 ，飯菜 就 送嚟 嘞 。
我 覺得 啲 湯 唔夠 甜 ，就 喺 藥箱 裏 便 ，攞 一 樽 藥 出嚟 ，日日 同 你 喺 湯 裏 便 加 啲 料 。
只係 加噉 一啲啲啫 ，加得多喇 ，毒性 重過頭 ，對 你 身子 不大妥當 嘅 。
你呢個人 好 細心 㗎 ，但係 我 從來 唔 飲 湯 ，你 一啲 都 唔 疑心 咩 ？
韋小寶 當堂 毛骨悚然 啊 話 ：我 ，我以為 你 唔 鐘意 飲湯 咋 。
你 ， 你 又 話 飲 咗 湯 ， 會 ， 會 ， 會 咳 嘅 。
我 本來 好鐘意 飲 湯 嘅 ，不過 湯 裏 便 有 咗 毒藥 。
雖然 份量 好 輕 ，但係 日日 噉 飲 ，時間 一 長 咯 ，總係 有啲 危險 㗎 ，係唔係 吖 ？
韋小寶 嬲 嘞 ：梗係啦 ，公公 ，你 真係 厲害 啊 。
噉亦唔見得 ，本來 我 想 等 你 再 食 三個月 毒藥 ，先至 放 你 離開 皇宮 嘅 。
嗰陣時 ，你 就 慢慢 肚痛 喇 。
先不先呢 ，係 一日 痛 半個 時辰 ，痛得 亦 唔係 好 緊要 。
然後 呢 就 越 痛 越 犀利 ，痛嘅 時間 呢 亦 越嚟越 長 。
大概 到咗 一年 之後 啦 ，噉 就 日夜 不停 噉 猛咁 痛 。
要痛到 你 將 自己 頭殼 ，出力 噉 撞埋 牆 ，痛到 將 自己 隻 手 啲 肉 、隻 腳 啲 肉 ，一嚿嚿 噉 咬落嚟 。
哈 ，只可惜 我 身子 越嚟越 唔得嘞 ，恐怕 唔能夠 再 等 。
你 身上 面 中 嗰 啲 毒 ， 第 啲 人 係 冇 解藥 嘅 ， 係 得 我 有 嘅 啫 。
細路 ，你 到底 係 受 咗 邊個 嘅 指使 ，想 呢條 計 嚟 整盲 我 雙眼 㗎 ？
你 老實 講出嚟 ，我 即刻 畀 解藥 畀 你 。
韋小寶 年紀 雖然 係 細 啊 ， 亦 知道 就算 自己 講 咗 指使 嘅 人 出 嚟 ， 佢 亦 決 唔 能夠 放生 自己 嘅 ， 何況 根本 就 冇 人 指使 呢 。
佢 話 ：指使 嘅 人 當然 有 啦 ，講出嚟 呀 ，怕 會 嚇 你 一 大 跳 。
原來 你 早就 知道 我 唔係 小桂子 ，就 想 呢個 法子 嚟 折磨 我 ，哈哈哈哈哈哈 ，哈哈哈 ，你 噉啊 上咗 我 大當 喇 ，哈哈哈哈哈哈 ，哈哈哈哈哈哈 。
韋小寶 大聲 咁 笑 ，個 身 就 跟住 亂咁 逳 。
右腿 一彎 ，右手 已經 揸住咗 匕首 柄 ，好慢 好慢噉 喺 劍鞘 拔出嚟 ，唔畀 佢 發出 絲毫 嘅 聲音 。
就算 有 極輕微 嘅 聲音 啊 ，亦 畀 笑聲 冚住 嘞 。
哦？ 我 上咗 你 咩嘢 大當 啦 ？
韋小寶 亂噏 一通 啊 無非 要 使 佢 分心 啫 ，個 心 諗 ：
索性 再 亂噏 一通 至得 ，就話 ，湯 裏 便 有 毒藥 ，第一日 咋 我 就 食出嚟 喇 。
我 同 小玄子 商量 ，佢 話 ，你 放毒 害 我 。
海老公 大吃一驚 啊 佢 話 ：
皇上 早就 知道 啦 ？
點會唔知道啊 ？只不過 嗰陣時 呢 我 仲 唔知道 佢 係 皇上 。
小玄子 叫 我 不動聲色 ，留心 提防 你 。
飲湯嘅時候 只係 飲入 個口啫 ，跟住 呢 都 𦧲翻落 隻碗 處 ，橫掂 你 又 睇唔見 嘅 。
一面 講 ，一面 就 將 匕首 半寸半寸 噉 攞起 ，劍尖 呢 就 慢慢 慢慢 對準 海老公 個 心口 。
個心諗 ：如果 唔係 一下 就 將佢㓤死 ，就算 㓤中咗 ，佢 一掌 擊落嚟 自己 仲係 冇命 嘅 。
海老公 將 信 將疑 ，冷笑住 話 ：
哼哼 ， 你 如果 冇 飲湯 ， 點解 一 撳 左 邊個 肚 ， 又 會 痛得 咁 厲害 呢 ？
韋小寶 話 ：
唉 ，睇嚟 ，雖然 係 我 將 啲 湯 吐翻出嚟 ，不過 就係 爭冇 啷口 ，仲係 食咗 啲 毒藥 落 肚囉 。
講完喇 ，又 將 匕首 移近 幾寸 。
海老公話 ：噉亦好吖 ，橫掂 呢啲 毒藥 係 冇得解 嘅 。
你 中毒 淺啲 ，發作 啊 遲啲 ，受苦 亦 只有 更大 喇 。
韋小寶 哈哈大笑 ，喺 笑聲 當中 ，全身 嘅 力 都 集中 喺 右臂 ，猛力 刺 出去 ，直指 海老公 心口 。
等 一刀 刺入去 ，即刻 就 趢 落去 床角尾 ，喺 床腳 啊 飆 出去 外便 。
海老公 突然間 覺得 一浸 寒氣 撲面 ，覺得 有啲 奇怪 嘞 ，只係 知道 對方 已經 逳手 ，都 嚟唔切 多想 佢 係 點樣 出手 嘅 。
左手 揮出 向住 㓤嚟 嘅 兵器 格過去 ，右掌 跟住 出去 。
啪一聲 ，將 韋小寶 打到 飛身而起 ，撞爛 窗格 ，一直 𢴈咗 落 窗外 嘅 花園 。
跟住 ，只覺得 左手 一陣 劇痛 ，四隻 手指 已經 畀 匕首 切斷 嘞 。
各位 ，如果 唔係 韋小寶 把 匕首 寒氣 太 厲害 啊 ，佢 事先 完全 冇 警兆 ，呢下 呢 非 㓤 中 佢 心口 不可 嘅 。
但係 如果 尋常 刀劍 ，兩個人 嘅 功力 相差 太 遠 ，雖然 㓤 中心 口 啊 ，亦 不過 係 皮肉 之 傷 。
佢 內勁 一到 ，手掌 好似 鐵 噉 ，擊 喺 刀劍 上 便 ，將 刀劍 震飛 ，亦 唔會 傷到 自己 嘅 手掌 啊 。
但係 呢把 匕首 實在 太過 鋭利 嘞 ，海老公 苦練 幾十年 嘅 內勁 ，竟然 唔能夠 將 佢 震到 甩手 ，反而 無聲無息 噉 切斷 咗 四隻 手指 。
但係 佢 右手 一掌 結結實實 噉 打落 韋小寶 心口 ，呢一掌 開碑裂石 非同小可 啊 。
估計 韋小寶 早就 五臟俱裂 ，人 喺 飛處 窗外 之前 就 已經 死咗 喇 。
佢 冷笑 一 聲 自言自語 話 ：
哼哼哼哼 ，死得 咁 容易 ，真係 便宜 咗 呢個 衰仔 啊 。
定一定神 ，行去 藥箱 處 攞 啲 金瘡藥 出嚟 敷上 傷口 ，撕咗 條 床單 包扎住 左 掌 ，吟吟沉沉 話 ：
呢個 衰仔 用 嘅 係 咩 兵器 乜 咁 犀利 嘅 ？
強忍 手上 嘅 劇痛 ， 跳出去 窗口 ， 伸手 向 韋小寶 跌落 嘅 地方 摸 過去 。
要搵 嗰 把 自己 見 所 未見 聞 所 未聞 嘅 寶刀 利刃 啊 。
點知 摸啊摸摸咗 好耐 ，哈 ，竟然 乜嘢 都 冇 摸到 。
佢 雙眼 未 盲 嘅 時候 ， 窗外 便 花園 早就 睇 到 熟 晒 ， 邊度 有花 ， 邊處 有 石 都 心中 了 了 嘅 。
明明 聽見 韋小寶 啊 跌落 一 棵 芍藥花 旁邊 嘅 。
呢個 衰仔 手上 嘅 寶劍 ，或者 已經 震到 遠遠 咁 飛咗去 。
但係 佢 嘅 屍體 點解 會 突然間 唔見 呢 ？
嗱 各位 ，欲知 後事 如何 ，且 聽 下回 分解 。
