前 文 再續 啊 書 接上 一回 啊 ， 話 説 韋小寶 返到 去 住 地 ， 將呢 一日 嘅 事 都 講 咗 畀 海老公 聽 。
海老公 竟然 啲 多 都 唔 覺得 驚奇 噃 ，只係 平平淡淡 噉 話 ：
計起嚟 ，亦 應該 喺 呢 兩 日 逳手 喇 ，皇上 嘅 耐心 好過 先帝 得多 咯 。
韋小寶 好奇怪 佢 問 ：公公 ，乜 你 早就 知道 喇 ？
我 點會 知道 吖 ？
不過誒 ，我 一早 喺度 諗 ，皇上 學 摔跤 ，就 話 係 細佬 哥 貪 好玩 啫 。
但係 要 三十名 小太監 都 學 摔跤 ，學嚟 做 乜嘢 吖 ？
皇上 自己 又 畀 心機 學 八卦游龍掌 ，自不然 係 另有 用意 嘞 。
大慈大悲千葉手 ，同埋 八卦游龍掌 呢 兩路 武功 ，如果 學 佢 十年 八年 ，真係 學到家 ，你哋 兩個人 夾手夾腳 ，或者 能夠 對付得了 鰲拜 嘅 。
不過 就係 求求其其 ，學 兩三個月 ，半桶水 又 有 咩 用 啊 ？
唉 ，你 後生仔 膽粗粗 ，不知 天高地厚 ，今日 嘅 事 呀 ，哼哼 ，兇險 到 極 啊 。
韋小寶 打 側 個 頭 望住 海老公 ，個 心 對 佢 又 驚奇 又 佩服 。
呢個 老烏龜 盲咗 雙眼 ，之 咩嘢 事情 都 預先 知道 晒 嘅 。
海老公 又 問 佢 ：皇上 帶 你 去 見過 皇太后 呢 ？
韋小寶 話 ：係啊 。
個 心 諗 吖 你 又 知 ？
皇太后 打賞 啲 咩嘢 畀 你 啊 ？
哦 ，亦冇 打賞 咩嘢 ，不過 只係 畀咗 個 六品 嘅 銜頭 過 我 ，升咗 我 做 首領 太監 喎 。
哈哈哈哈 ，哈哈 ，好 ，好啊 ，只係 低過 我 一級 唧 。
我 由 小太監 升到 首領太監 ，足足 捱咗 十三年 喇 。
韋小寶 個 心 諗 ：呢 幾日 我 就 要 走 嘞 。
你 教咗 我 唔少 武功 ，我 又 毒盲 咗 你 一 雙 眼 ，確係 都 有 啲 對 你 唔住 嘅 。
本應啊 將 嗰 幾部 經書 偷出嚟 畀 你 ，偏偏 又 偷唔到 。
海老公話 ：你 今日 立咗 呢場 大功 ，以後 出入 上書房 ，誒 更加 容易 啦 。
係咯 ，要 借 部 四十二 章經 啊 更加 容易 嘞 。
公公 啊 ， 你 雙眼 唔 係 點 方便 ， 要 呢 部 經書 嚟 有 咩 用 啊 ？
係 ， 我 雙眼 盲 咗 ， 睇 唔 到 經書 咯 ， 不過 你 ， 你 可以 讀 畀 我 聽 啊 。
你 一世 陪住 我 ，就 ，就 一世 讀 呢部 四十二章經 畀 我 聽 啦 。
講講下 ，突然間 猛烈 噉 咳起嚟 。
韋小寶 見到 佢 彎起 條 腰 猛咁 咳 嗰個 樣 ，不由得 對 佢 憐憫 起嚟 嘞 。
呢個 老 ，呢個 老坑 真係 古怪 啊 。
本來 喺 個 心處 呢 一直 叫 佢 做 老烏龜 嘅 ，呢陣時 有 啲 唔 忍心 嘞 。
呢一晚 ，海老公 始終 不停 咁 咳嗽 。
韋小寶 就算 係 瞓着咗 ，亦 時不時 聽到 佢 個 咳聲 嘞 。
第日 ，韋小寶 去 上書房 侍候 ，只見 書房 外 便 嘅 守衞 冚𠾴 唥 換 晒 新人 。
康熙 嚟到 書房 ，康親王 傑書 同埋 索額圖 入嚟 啟奏 ，話 會 同 王公大臣 ，已經 查明 鰲拜 大罪 啊 總共有 三十款 。
康熙 覺得 好意外 喇 問 ：
三十款啊 ，有 咁多 咩 ？
康親王 話 ：鰲拜 罪孽 深重 ，本來 唔止 呢 三十 款 嘅 。
只係 奴才們 秉承 皇上 聖意 ，從寬 究治 啫 。
噉啱嘅 ，係 邊 三十款 呢 ？
康親王 攞出 一張 紙 ，佢 念 ：
鰲拜 欺君 擅權 ，罪 一 。
引用 奸黨 ，罪 二 。
結黨 議政 ，罪 三 。
聚貨 養奸 ，罪 四 。
巧飾 供詞 ，罪 五 。
擅起 馬爾賽 等 先帝 不用 之 人 ，罪 六 。
擅殺 蘇克薩哈 等 ，罪 七 。
擅殺 蘇納海 等 ，罪 八 。
偏護 本 旗 ，將 地 更換 ，罪 九 。
輕慢聖母 ，罪十 。
佢 一條條 噉 讀落去 ，一直 讀到 第三十 條 大罪 呢 係 ，以 人 之 墳墓 有 礙 伊 家 風水 ，勒令 遷移 。
康熙話 ：原來 鰲拜 呢個 傢伙 做落 咁多 壞事 啊 。
誒 ，你哋 擬咗 咩 刑罰 呢 ？
康親王 話 ：鰲拜 罪 大惡極 ，本應 凌遲 處死 。
臣等 體念 皇上 聖意 寬仁 ，擬 革職 斬決 。
至於 佢 嘅 同黨 必隆 、班布爾善 、阿思哈 等 一體 斬決 。
鰲拜 雖然 係 罪重 ，不過 佢 係 顧命大臣 ，效力 好多年 嘞 ，可以 免佢 一死 。
將 佢 革職 拘禁 永不 釋放 ， 抄沒 佢 嘅 家產 就 係 嘞 。
至於 所有 同黨 ，就 照 你哋 所擬定 嘅 ，一體 斬決 。
康親王 同 索額圖 跪低 叩頭 話 ：聖上 寬仁 ，古時 嘅 名君 亦 不及 啊 。
呢一日 ，各位 大臣 喺 康熙 面前 ，就 忙於 處置 鰲拜 同 佢 同黨 嘅 事 嘞 。
眾大臣 向 康熙 詳細 稟奏 鑲黃旗 同 正白旗 點樣 爭執 法 ，韋小寶 亦 唔係 幾 聽得懂 。
只係 若略 知道 鰲拜 係 鑲黃旗 嘅 旗主 ，蘇克薩哈 呢 係 正白旗 嘅 旗主 。
噉 兩個 旗 為咗 爭奪 良田美地 啊 搞到 勢不兩立 。
蘇克薩哈 畀 鰲拜 害死 之後 ，正白旗 所屬 嘅 好多 財產 田地 啊 ，畀 鑲黃旗 吞併 咗 。
而家呢 ，正白旗 眾 大臣 就 請求 皇帝 發還 畀 原主 。
康熙話 ：你哋 返去 秉公 擬定 ，交嚟 畀 我 睇下 。
鑲黃旗 係 上 三 旗 之一 ，鰲拜 雖然 係 有罪 ，不過 唔能夠 使到 全 旗 都 受到 連累 。
我哋 做咩嘢事 都 要 公公道道 至 好 。
眾大臣 叩頭 話 ：皇上 聖明 ，鑲黃旗 全旗 人 眾 均 沐 聖恩 。
好 ，你哋 返去 啦 ，索額圖 留低 ，我 另 有 吩咐 。
等眾大臣退出去之後 ，康熙 對 索額圖 話 ：
蘇克薩哈 畀 鰲拜 害死 之後 ，佢 嘅 家產 都 畀 鰲拜 佔咗 去 㗎 啦 ？
索額圖話 ：蘇克薩哈 嘅 田地 財產 ，係 沒收咗 入 內庫 嘅 。
不過 鰲拜 當時 曾經 親自 帶 人 去 蘇克薩哈 屋企 搜查 ，金銀珠寶 等等 ，都 落咗 入 鰲拜 個 袋 咯 。
我 亦 估到 係 噉 㗎 喇 。
你 去 鰲拜 屋企 睇下 ，查明 佢 個 家產 ，本來 係 蘇克薩哈 嘅 財物 ，都 要 發還 畀 佢 嘅 子孫 。
皇上 聖恩 浩蕩 。
索額圖 見到 康熙 再 冇 咩 説話 講 ，就 慢慢 退 咗 去 書房 門口 。
康熙話 ：皇太后 吩咐 佢 老人家 鐘意 念佛經 ，聽講 ，正白旗 同 鑲黃旗 兩 旗 旗主 手上 都有 一部 四十二章經 嘅 。
韋小寶 聽到 四十二章經 五個字 ，不禁 全身 都 打個震 啊 。
只聽見 康熙 繼續 話 ：
呢 兩部 佛經 都 係 用 個 綢 套 套住 嘅 ，正白旗 嘅 係 用 白 綢 套 ，鑲 黃 旗 嘅 套 呢 係 黃 綢 鑲 紅 邊 。
太后 佢 老人家 話 要 睇下 呢 兩部 經書 ，係 唔係 同 宮外 嘅 佛經 一樣 喎 ，你 去 鰲拜 屋企 清查 財物 就 順便 查一查 啦 。
係 ， 係 ， 奴才 即刻 去 辦 。
索額圖 知道 皇上 年紀 細 啊 ，對 太后 又 極之 孝順 ，朝政 大事 只要 太后 吩咐 一句 唧 ，皇上 冇 話 唔聽 嘅 。
所以 皇太后 交落嚟 嘅 事情 比起 皇上 自己 要 辦 嘅 事 更為 重要 。
查 兩部 佛經 啫嘛 輕而易舉 啦 ，一定 要 將 呢件事 辦得 又 妥當 又 快手 。
康熙話 ：小桂子 ，你 跟埋去 啦 ，查到 佛經 喇 ，就 兩個人 一齊 攞返嚟 。
韋小寶 好 歡喜 就 連忙 答應咗 。
佢 心諗 ：海老公 要 自己 偷 四十二 章 經 ，講咗 成 大半年 嘞 ，到底 係 乜嘢 樣 嘅 經書 呢 連 個 影 都 未 見過 。
呢 次 係 奉 咗 聖旨 去 攞 經 ， 自 不然 係 手到拿來 啦 。
最好呢 ，係 鰲拜 屋企 總共有 三部 ，渾水 摸魚 噉 吞沒 一部 ，攞返去 畀 海老公 ，等 佢 大大 高興 一場 至 得 。
索額圖 啊 眼見 小桂子 係 皇上 身邊 十分 得 寵 嘅 小太監 ，呢次 救駕 擒奸 又 立 咗 大功 ，個 心 諗 ：
攞 兩部 佛經 又 唔係 咩嘢 大不了 嘅 事 ，唔使 派 呢個 人 㗎 。
心念 一轉 就 明白 嘞 ：
係喇 ，皇上 要 畀 啲 好處 佢 啊 。
鰲拜 當權 咁 多年 ，屋企 嘅 金銀財寶 當然 係 不計其數 啦 。
皇上 派 我 去 抄 佢 嘅 家 ，呢個 係 最大 嘅 肥缺 。
不過 呢件事 我 毫無 功勞 ，點解 要 搵 我 去 發財 唧 ？
皇上 叫 小桂子 陪 我 去 ，攞 佛經 為 名 監視 是 實 。
抄鰲拜嘅家 ，呢個 小太監 係 正使 ，我 索 某人 係 副使 咋 。
其中 嘅 奧妙 如果 搞錯咗 啊 ，呵呵 ，噉 有 大大 不便 喇 。
索額圖 嘅 父親 索尼 呢 ，係 康熙 初初 登基 時候 嗰 四個 顧命 大臣 嘅 頭頭 。
索尼 死咗 之後 ，索額圖 就 升咗 做 吏部 侍郎 。
當其時 鰲拜 專橫 ，索額圖 就 唔敢 同佢 頂 ，就 辭咗 吏部侍郎 嘅 職位 ，改為 做 一等 侍衞 。
康熙 知道 佢 同 鰲拜 素來 不和 嘅 ，因此 呢次 就 特別 加以 重用 嘞 。
兩個人 嚟到 宮門 外 便 ，索額圖 嘅 隨從 啊 牽 咗 馬 喺度 伺候 。
索額圖 話 ：桂公公 ，你 先 上馬 嘞 。
個 心 諗 呢個 小太監 都 怕 唔會 騎馬 嘅 ，真係 要 照料 下 佢 至 得 ，千祈 唔好 跌壞 咗 佢 。
點知道 韋小寶 喺 宮中 學 咗 幾個 月 武功 ，雖然 並冇 幾多 真正 嘅 進步 啊 ，但係 手腳 已經 十分 輕捷 。
又好彩 當年 茅十八 教過 佢 上馬 嘅 方法 ，呢次 就 不至於 再嚟 一個 張果老 倒騎 驢 ，韋小寶 倒騎馬 喇 。
只見 佢 輕輕 一 跳 跳上 馬背 ，吖 竟然 騎得 好 穩 。
兩個人 去到 鰲拜 屋企 。
鰲拜 屋企 嘅 上下 人等 啊 早就 冚𠾴 唥 拉 咗 去 嘞 ，屋企 嘅 前前後後 啊 ，都 有 軍士 嚴密 把守 。
索額圖 對 韋小寶 話 ：桂公公 ，你 睇見 咩嘢 好玩 嘅 嘢 呢 ，即管 攞去 就 得喇 。
皇上 派 你 嚟 攞 佛經 ，乃 係 酬謝 你 嘅 大功 啊 ，唔理 搦 乜嘢 ，皇上 都 唔會 問 嘅 。
係呀 ，哦 ，哦 。
韋小寶 見 鰲拜 屋企 裏面 到處 都係 珍珠 寶貝 ，睇到 佢 眼 都 花晒 ，只覺得 每件 嘢 啊 都係 好嘅 。
揚州 麗春院 裏頭 嗰啲 古玩 陳設 同 佢 比起 上嚟 ，真係 差 天共地 咯 。
初時 就 乜嘢 都 想 搦 ，但係 睇一睇 呢件 好好玩 ，嗰件 亦 十分之 有趣 ，都 唔知 搦 邊件 先至 係 。
又 想 住 過 幾日 呢 就 要 出 宮鬆人 嘞 ，啲 嘢 搦 得 多 過 頭 帶走 又 唔 方便 ，只有 揀 幾件 特別 寶貴 嘅 物件 帶走 先至 啱 。
索額圖 嘅 屬下 官吏 開始 查點 物品 ，噉 啊 一件件 記 喺 張 單 上 便 。
韋小寶 攞 起 件 珠寶 嚟 一 睇 ， 寫 單 嘅 書吏 呢 就 喺 單 上面 將呢 件 珠寶 啊 一筆劃 去 ， 表示 鰲拜 屋企 啊 從來 都 冇 呢 件 嘢 嘅 。
等到 韋小寶 擰擰頭 放低 珠寶 ，嗰個 書吏 先至 又 寫翻 落 清單 裏 便 。
噉 兩個人 一路 查點 入去 ，忽然間 ，一名 官員 快步 行咗出嚟 ，向 索額圖 同埋 韋小寶 請咗 個 安 ，佢 話 ：
啟稟 兩位 大人 ，喺 鰲拜 臥室 裏 便 發現咗 一個 藏寶庫 ，卑職 唔敢 擅自 打開 ，請 兩位 移駕 查點 。
索額圖 好高興 噉 話 ：有 藏寶庫 咩 ？嗯 ，裏頭 實 有 啲 古怪 嘅 嘢 㗎 喇 。
誒 ，嗰 兩部 經書 查到 未 啊 ？
房裏 便 一本 書 都 冇 ，只有 幾十 部 賬簿 ，卑職 等 正在 畀 心機 搜查 啊 。
索額圖 拖住 韋小寶 隻 手 ，行入去 鰲拜 臥室 。
只見 地下 鋪 住 虎皮 豹皮 ， 牆上 掛滿 弓矢 刀劍 ， 完全 係 滿洲 武士 嘅 粗獷 本色 。
嗰個 藏寶庫 呢 ，係 喺 地下 挖 嘅 一個 大 洞 。
上面 用 鐵板 嚟到 冚住 ，鐵板 上 便 呢 ，就 用 虎皮 冚實 。
呢個 時候 ，虎皮 同埋 鐵板 都 已經 掀開 嘞 ，有 兩 名 衞士 喺 洞 旁 守衞 。
索額圖 話 ：都 搬出嚟 睇下 。
噉嗰 兩個 衞士 跳落 個 洞處 ，將 洞裏 便所 收藏 嘅 物件 遞上嚟 。
噉啊 兩名 書吏 接住咗 ，小心翼翼 噉 放 喺 旁邊 一 張 豹皮 上便 。
索額圖 笑住 話 ：鰲拜 最好 嘅 寶物 呢 一定 都 收藏 喺 呢個 洞 裏 便 嘅 。
桂公公 ，你 就 喺 呢處 揀 幾件 心愛 嘅 嘢 啦 ，擔保 冇 錯 。
韋小寶 話 ：唔使 客氣 ，你 自己 都 揀 翻 啲 啦 。
啱啱 講完 呢句 説話 啫 ，突然間 吖 一聲 嗌起 上嚟 。
乜嘢呢 ？原來 一名 衞士 啊 將 一個 白玉 大 盒 遞上嚟 ，盒上面 刻住 五 個 大字 ，用 硃砂 填咗 嘅 ，前便 三 個 字 正係 四十二 。
韋小寶 急忙 接過嚟 ，打開 玉盒 嘅 蓋 ，裏 便 呢 係 薄薄 一本 書 。
書套 係 白色 嘅 綢 做嘅 ，封皮 上面 寫住 同樣 五個 字 ，噉 佢 就 問 嘞 ：
索大人 ，呢本 就係 四十二章經 喇 係嘛 ？
我 淨係 識得 四十二 ，就 唔 識 章經 兩個 字 嘅 。
索額圖 好 高興 噉 話 ： 係 係 ， 係 四十二章 經啊 。
章經 兩個 字 好 難 認 嘅 ，其實 呢 ，都 唔使 嘥 心機 去 記 佢 嘅 ，只要 五個 字 連埋 一齊 ，上面 三個 係 四十二 ，下面 嗰 兩個 字 呢 ，一定 係 章經 㗎 喇 。
索額圖 個 心 諗 ：噉 亦 未必 。
但係 佢 仍然 笑笑口 話 ：誒 冇錯 ，冇錯 。
跟住 嗰個 侍衞 又 遞 咗 個 玉盒 上嚟 ，盒 裏 便 有 書 ，書套 果然 係 用 黃 綢 做嘅 ，用 紅 綢 鑲邊 。
兩部 書 嘅 書套 都 極之 陳舊 。
但係 寶庫 裏 便 已經 冇 第三 個 玉盒 嘞 。
韋小寶 個 心 都 微微 有啲 失望 。
索額圖 就 好 歡喜 話 ：桂公公 ，我哋 兩個 辦妥咗 呢件事 呢 ，皇太后 一 歡喜 ，一定 有 重賞 。
韋小寶 話 ：吖 ，呢本 係 咩嘢 佛經 嚟㗎 ？都 要 見識 下 至 得 。
講完 就 去 開 嗰個 書套 嘞 。
索額圖 個 心 一 動 ，笑住 話 ：
桂公公 ，我 有 一句 説話 講出嚟 你 唔好 嬲 。
韋小寶 自細 喺 妓院 裏 便 畀 人哋 呼來喝去 ，畀 人哋 小畜生 小烏龜 噉 不停口 咁 鬧 。
自從 得到 康熙 嘅 眷顧 啊 ，宮中 無論 咩嘢 人 見到 佢 都係 非常 恭謹 嘅 。
佢 一個 十三四歲 嘅 細佬哥 ，一世人 啊 邊處 畀 人 噉樣 恭敬 過 㗎 ？
而家 眼見 索額圖 喺 鰲拜 屋企 威風八面 ，文武 官員 見到 佢 啊 個個 都 戰戰兢兢 嘅 。
但 呢個 人 對 自己 就 咁 客氣 ，個 心 好 舒服 ，對 佢 呢 就 十分 好感 ，就 話 ：
索大人 有 咩 吩咐 ，即管 講 就係 啦 。
吩咐 就 唔敢當 ，不過 我 啊 忽然間 想起 一件事 。
桂公公 ，呢 兩部 經書 係 皇太后 同 皇上 指明 要 嘅 ，鰲拜 又 放 喺 藏寶庫 裏 便 ，可見 係 非同小可 。
到底點解咁緊要呢 ？我哋 就 唔明白 嘞 。
我 亦 真 係 想 打開 嚟 睇 下 ， 就 係 怕 其中 有 啲 咩 重大 關係 嘅 文字 ， 皇太后 唔 鐘意 我 哋 做 奴才 嘅 見到 ， 所以 ， 所以 噉 就 ， 嘿嘿 嘿嘿 嘿嘿 嘿嘿 。
韋小寶 畀 佢 一 提 ，即時 醒悟 ，個 心 呢 亦 吃咗 一 驚 ，連忙 將 個 經書 放翻 喺 張 枱 處 。
哎 ，冇錯冇錯 ，索大人 多謝 你 指點 啊 。
我 都 唔明 其中 嘅 道理 嘅 ，爭啲 撞大板 添 。
桂公公 乜噉 講 呢 ？皇上 派 我哋 兩個 一齊 辦事 ，你 嘅 事 唔係 就係 我 嘅 事 ，邊度 仲 分 咩 彼此 唧 ？
我 如果 唔 當 桂公公 係 自己人 ，呢番 説話 亦 唔 敢 隨便 講 出口 啦 。
你 係 朝廷 嘅 大官 ， 我 ， 我 只不過 係 個 小 ， 小太監 ， 點 能夠 將你當 自己 人 呢 ？
索額圖 向 房間 裏 便 嗰啲 官員 揮 一揮手 佢 話 ：
你哋 出去 外邊 侍候 。
眾 官員 躬身 話 ： 係 ， 係 。 都 退 咗 出去 嘞 。
索額圖 拖住 韋小寶 隻 手 佢 話 ：桂公公 ，千祈千祈 唔好 噉 講 。
你 如果 睇得起 我 索某 ，我哋 兩個人 今日 就 結拜 做 兄弟 喇 好唔好 啊 ？
呢 兩句 説話 講得 十分之 懇切 。
吓 ， 我 ， 我同 你 結拜 啊 ， 點 ， 點 ， 點配 得 上 啊 ？
桂兄弟 ，你 再 講 噉嘅 説話 噉就 分明 係 睇唔起 我 咯 。
都唔知點解嘅 ，我 一見到 你 唧 ，就 覺得 十分 啱巧 。
我哋 兩個 而家 即刻 去 佛堂 嗰度 結拜 喇 ，以後 就 真係 好似 親兄弟 一樣 。
你 同 我 ，邊個 都 唔好 講 出去 ，只要 唔好 畀 人哋 知道 噉 又 有 乜 緊要 呢 ？
一便講 ，一便 緊緊握住 韋小寶 隻手 ，眼光 裏 便 呀 充滿 熱切 嘅 表情 。
原來 索額圖 啊 眼見 鰲拜 已經 冧咗 咯 ，朝中 掌權 嘅 大臣 冚𠾴 唥 都 要 更換 。
呢次 皇上 對 自己 嘅 神態 十分之 好 ，睇嚟 ，好快 就 能夠 高升 。
喺 朝廷 做官 ，如果 想 得 寵 呢 ，就 需要 明白 皇帝 嘅 脾氣 同 心情 噃 。
呢個 小太監 成日 同 皇帝 喺 一齊 ，只要 佢 能夠 喺 皇帝 面前 同 自己 講 幾句 好話 ，就 已經 受益 無窮 。
哎就算唔講好話 ，只要 將 皇帝 喜歡 咩嘢 、討厭 乜嘢 ，想 做 乜嘢事 ，平時 多啲 透露 ，自己 辦起 事 嚟 ，自然 係 事半功倍 啱晒 皇帝 心水 嘅 啦 。
佢 生長 喺 官 宦之家 ， 父親 索尼 係 顧命 大臣 嘅 頭頭 ， 一向 知道 揣摩 上意 啊 係 做 大官 嘅 唯一 訣竅 。
而 最難嘅 呢 亦 就係 呢一點 。
眼前 正 有 一個 絕好 良機 ，只要 能夠 將 呢個 小太監 好好 籠絡住 咯 ，日後 飛黃騰達 、封侯 拜相 都唔係 一件 難事 啊 。
所以 靈機一動 就 要 同佢 結拜 。
韋小寶 雖然 係 機警伶俐 啊 ，畢竟 對於 朝政 官場 裏 便 呢 一套 嘢 一啲 都 唔 懂 嘅 。
估話 呢個 大官 真係 好鐘意 自己 ，個心 都 好得意 ，就話 ：
噉 ，噉啊 ，噉啊真係 想唔到 喇 。
索額圖 拖住 佢 隻手 話 ：嚟嚟嚟 ，我哋 兩個 去 佛堂 啦 。
滿洲人 啊 好 崇信 佛教 ，文武 大臣 屋企 都 有 間 佛堂 。
兩個人 嚟到 佛堂 裏 便 ，噉 啊 索額圖 點着 香 ，同 韋小寶 一齊 喺 佛像 前面 跪低 ，拜咗 幾拜 佢 話 ：
弟子 索額圖 ， 今日 同 ， 同 ， 誒 桂兄弟 ， 你 大號 叫做 咩 嘢 ， 啊 一直 未能 請教 真 係 荒唐 嘞 。
我 叫做 小桂子 。
你 尊姓 係 桂 ， 係 唔 係 ？ 大號 唔 知 點樣 稱呼 呢 ？
我 ， 我 ， 我 ， 我 叫做 桂小寶 。
好名 ， 真 係 好 名 啊 ， 你 本來 就 係 人 中 之 寶 啊 。
韋小寶 個 心 諗 ：
喺 揚州 嘅 時候 ，人哋 都 叫 我 ，小寶 呢隻 龜仔 吖 噉 嘅 ，小寶 呢個 名 又 有 咩 嘢 好啫 ？
欲知 後事 如何 ，且 聽 下回 分解 。
