前文 再續 就 書 接 上 一回 啊 。
話説 韋小寶 同 小玄子 比武 輸咗 返嚟 ，將 小玄子 打贏 佢 嘅 手法 ，逐樣逐樣 啊 演 畀 海老公 知 。
海老公 呢 就 逐樣 講 呢啲 招數 嘅 名堂 。
韋小寶 話 ：原來 小玄子 呢啲 手法 都有 名堂 嘅 。
噉 我 同 佢 亂打亂扭 ，嗰啲 手段 都 要 有 幾個 好聽 嘅 名堂 先 得 㗎 。
噉 我 向 佢 撲 過去 ，嗰個 僆仔 向 旁邊 閃開 ，就 喺 我 背脊 上面 順勢 一 推 ，我 就 。
海老公 都 未 等 佢 講完 就 問 ：佢 推 你 邊處 啊 ？
佢 一 推 我 唧 我就 𢴈到 啊 七個 一皮 嘞 仲 點 記得 佢 推 邊處 喎 。
你 諗 真下 ，係咪 推 呢度 啊 ？
海老公 講完 ，就 用手 撳 喺 佢 左膊 背後 。
韋小寶 話 ：唔係 。
係呢處嘛 ？就撳佢 右膊背後 。
都唔係 。
海老公 連 氣撳 咗 六七個 部位 ，韋小寶 都 話 唔係 。
海老公 用 手掌 撳住 佢 右 腰肋骨 下 便 問 佢 ：
係唔係 呢處 吖 ？
講完 輕輕 一推 ，韋小寶 一個 踉蹌 就 扽咗 幾步 。
佢 即時 記起 小玄子 推 佢 嘅 正係 呢個 部位 喇 ，就 大聲 話 ：
係啊係啊 ，一啲都冇錯 ，就係 呢處 喇 ，公公 ，你 點 知道 嘅 ？
海老公 唔 回答 ，諗咗 一陣 佢 就 話 ：
我 教 你 嗰 兩個 法子 ，你 話 佢 居然 亦都 會 ，唔係 假 㗎嘛 ？
韋小寶 話 ：梗係 唔係 假 啦 ，貨真價實 ，童叟 無 欺 。
呢個 僆仔 不但 會 撳 我 後腰 ，仲 扼住 我 心口 呢個 地方 添 喎 我 當堂 呀 連 氣 都 唞唔過 啊 ，就 唯有 暫時 投降 一次 啦 ，呢啲 叫做 。
海老公 唔理 佢 叫做 乜嘢 喇 ，伸出 手 嚟 話 ：
佢 扼 喺 你 心口 咩 地方 吖 ？
韋小寶 拉住 佢 隻手 ，撳 喺 自己 心口 ，就係 小玄子 啱先 制服 佢 嗰個 地方 ：呢 ，就係 呢度 咯 。
海老公 歎 咗 一口氣 話 ： 呢 度 係 紫宮 穴 ， 呢 個 細路 嘅 師傅 啊 ， 係 位 高人 啊 。
韋小寶 話 ：噉 亦 冇 乜 點 啫 ，大丈夫 能 屈 能 伸 ，留得 青山 在 就 唔 怕 冇 燒 柴 。
佢 喺 忙亂 之中 啊 ，將 唔怕 冇 柴燒 就 講 成 唔怕 冇 燒 柴 。
我 ，我韋 ，我小桂子 今日 輸咗 一仗 ，聽日 去 贏翻 佢 ，噉 亦唔係 難啫 。
海老公 坐翻 落椅 ，右手 五隻手指 屈咗 又 伸伸咗 又 屈 ，佢 眯埋 雙眼 喺度 諗 。
過咗 一陣 佢 話 ：佢 會 小擒拿手 ，噉 亦 冇 乜嘢 ，不過 佢 嗰 一掌 推 喺 你 後腰 意舍穴 上 便 ，呢下 係 武當派 嘅 綿掌 手法 。
收尾 佢 撳 你 筋縮穴 ，再 撳 你 紫宮穴 ，就 更加 係 武當派 嘅 打穴 手法 。
吖 ，原來 我哋 宮中 暗藏住 一位 武當 高手 。
嗯 ，好啊 ，好啊 。
你 話 嗰個 小 ，小玄子 ，佢 有 幾多 歲 度 啊 ？
韋小寶 話 ：大過 我 好多 啊 。
大 幾多 歲 吖 ？
好幾歲啊 。
咩嘢 好幾歲 呢 ？大一 兩 歲 係 幾 歲 ，大八 九 歲 亦 係 幾 歲 。
佢 如果 大 你 八九歲 ， 你 仲 同 佢 打 乜 鬼 嘢 啊 ？
好 ，噉啊 算佢 只係 大過 我 ，一兩歲 啦 ，不過 佢 啊 高大過 我 好多 㗎 噃 。
噉啊 ，呢個 僆仔 十四五歲 ，嗯 ，你 同 佢 打 咗 幾 長 時間 先至 輸 吖 ？
至少 都有 兩三個 時辰 啦 。
吹 咩嘢 牛 吖 你 ，到底 幾長 時間 啊 ？
噉啊就算冇一個時辰 ，都怕有大半個時辰㗎喇 。
我 有 乜嘢 問你 ， 你 就 好好 地講 。
呢個人 學過 武功 ，你 又 冇 學過 ，打 輸 咗 又 唔係 丟架 嘅 。
同人 打交 ，輸 十次 八次 唔緊要 ，就算係 輸 一百次 兩百次 ，你 年紀 仲 輕 又 怕 乜嘢 呢 ？
只要 最後 一次 贏咯 ，贏到 對手 再唔 敢 同 你 打咯 ，噉 先至 係 英雄 好漢 吖嘛 。
啱嘅 ，當年 漢高祖 百戰百敗 ，最後一次 就 將 楚霸王 打到 烏江 吊頸 喇 。
咩 嘢 烏江 吊頸 呢 ？ 係 烏江 自刎 。
吊頸 亦 好 自刎 亦 好 ， 總之 係 輸到 自殺 就 係 喇 。
你啊乜都有得講嘅 。
我 問 你 ，今日 同 小玄子 打 ，總共 輸 咗 幾多 次 啊 ？
噉 只 不過 一兩次 兩三次 啫 。
係 四次 呢 ，係唔係 吖 ？
真正 輸 嘅 呢 亦 不過 兩次 啫 ，其餘 嗰 兩次 係 佢 賴 貓 ，我 唔 算 輸 啊 。
每一次 打 幾 長時間 啦 ？
啲 時間 我 又 計唔準 喇 ，有 時 就 似 大便 ，有時 似 小便 啦 。
亂 噏 無謂 ， 乜嘢 有時 似 大便 有時 似 小便 呢 ？
屙屎 就 耐啲 ，屙篤尿 就 唔 使 咁 耐 咯 。
哈哈哈哈哈 ，你 呢個 衰仔 嘅 比喻 雖然 係 粗俗 ，講得 都 幾 明白 嘅 。
啊 ，你 係 冇 學過 武功 嘅 ，小玄子 ，要 同 你 纏 一 輪 先至 能夠 打低 你 。
噉佢 呢一手 小擒拿手功夫 係 新新 學 㗎啫 ，你 唔使 怕 。
我教 你 一路 大 擒拿 手 ， 你 好好 地 記住 ， 聽日 去 同 佢 打 過 。
韋小寶 好 歡喜 佢 話 ：
佢 使 嘅 係 小 擒拿 手 ， 我 哋 使 大 擒拿 手 ， 以大壓 小 ， 咪 實贏 都 得 喇 。
噉 亦 唔 一定 㗎 ，大小 擒拿手 啊 各 有 所 長 ，就 要 睇 下 邊個 練得 好 喇 。
如果 佢 練得 好過 你 ，小擒拿手 ，就 叻過 大擒拿手 咯 。
大擒拿手 總共有 一十八手 ，每一手 各有 七八種 變化 。
一時之間 你 亦 記唔齊 㗎喇 ，學 一兩手 先 再 講 啦 。
於是 海老公 啊 企 起身 擺開 架式 ，演 咗 一次 佢 話 ：
呢一招 ，叫做 仙鶴 梳翎 。
你 練 熟 佢 先 ， 然後 同 我 拆解 。
韋小寶 睇咗 一次 就 記得 嘞 ，噉 佢 練咗 七八 次 啊 自己 以為 十分 純熟 就 話 ：
練熟咗咯 。
海老公 坐 喺 椅處 ，左手 一 伸 就 向住 佢 膊頭 揦 過去 。
韋小寶 伸手 擋格 ，哈 ，慢咗 一步 ，就 畀 佢 揦 實 膊頭 。
海老公 話 ： 熟 咩 嘢 吖 熟 ， 再練 ！
韋小寶 又 練 多 幾 次 ，咪 再 同 海老公 拆招 。
海老公 左手 一伸 ，姿勢 招數 仲係 同 先頭 一模一樣 。
韋小寶 早就 有 準備 嘞 ，見 佢 手 一 逳 就 伸手 去 格 ，點知 仍然 係 慢咗啲啲 ，仲係 畀 佢 揦住 左膊 。
海老公 哼咗 一聲 就 鬧 佢 話 ：正 蠢仔 啊 。
韋小寶 喺 個 心處 鬧 翻轉頭 ：老烏龜 。
於是 又 不停 咁 練 嗰個 格架 嘅 姿勢 。
到咗 第三次 拆解 ，仍然 係 畀 佢 揦住 。
個 心 啊 真係 莫名其妙 唔知 係 咩 嘢 緣故 嘞 。
海老公話 ：我 呢一揦 ，你 就算 再練 三年 亦 避唔開 嘅 。
我講 你 聽 啦 ， 你 唔 能夠 避 ， 我 嚟 揦 你膊頭 ， 你 就要 用手掌 切 我 嘅 手腕 ， 噉 就 叫做 以攻 為 守 喇 。
韋小寶 好 歡喜 ：原來 噉嘅 ，噉 好 容易 啫 ，你 如果 早啲 講 我 早 就 會 啦 。
等到 海老公 左手 揦過嚟 ，韋小寶 用 右掌 去 切 佢 手腕 。
誰不知 海老公 並唔 縮手 ，手掌 微微 一偏 ，啪一聲 ，出力 摑咗 佢 一巴 。
韋小寶 嬲 嘞 ，亦係 一 巴 升 翻 過去 。
海老公 左掌 翻轉 揦住 佢 手腕 ，順勢 一捹 將 佢 成個人 𢴈 出去 ，笑住 話 ：
哈哈哈哈哈哈哈哈 ，蠢仔 ，記住 啦嘛 ？
韋小寶 𢴈 呢 一下 膊 頭撞落 牆腳 ， 好 在 海老公 出手 好輕 咋 ， 否則 呀 ， 怕 膊 頭骨 都 會 撞 斷 啊 。
韋小寶 嬲 起上嚟 ，一句 老烏龜 已經 嚟到 口唇邊 㗎喇 ，總算 及時 收住 。
佢 個 心 諗 ：呢 兩下 好得噃 ，聽日 我 同 小玄子 比武 ，就 用 佢 一下 ，包 佢 小玄子 頂唔順 。
咪即刻躝翻起身 ，將海老公呢兩下手法 諗咗一下 ，記住喺心嚟 ，跟住呢又再去試演嘞 。
試咗 十幾次 之後 ，海老公 嗰種 神秘莫測 嘅 手法 ，睇起嚟 已經 唔覺得 點 奇怪 。
終於 練到 膊頭 已經 唔會 畀 佢 揦中 ，但係 嗰 一巴 呢 就 始終 避唔開 。
只不過 海老公 出手 嘅 時候 呢 ，已經 唔係 好似 第一次 咁 出力 喇 ，只係 用 手指 輕輕 喺 佢 塊 面 處 掃一掃 噉 就 算 打咗 一巴 。
呢一掃啊 雖然 唔痛 ，但係 每一次 總係 畀佢 掃到 嘅 。
韋小寶 既然 冇 還手 呢 ，海老公 呢 亦 冇 捉住 佢 𢴈 喇 。
韋小寶 個 心 好 冇 癮 佢 問 ：
公公 啊 ， 你 呢 一巴 我點 先避 得 開 呢 ？
海老公 微微 一笑話 ：我要 打 你 呢 ，你就算 再 練 十年 亦 避唔開 嘅 ，不過 小玄子 亦 打 你 唔到 。
我哋 練 第二 招 啦 。
講完 企起身 ，將 第二招 大擒拿手 ，猿猴 摘果 試演 咗 一次 ，又 同 佢 照式 拆解 。
韋小寶 啊 天性 極 懶 ，本來 就 決 唔 肯 畀 心機 學 功夫 嘅 。
但係 要 叻 ，要做 第一 嘅 心 呢 就 極之 厲害 。
一心 想 學 翻 幾下 巧妙 手法 ，逼到 小玄子 大叫 投降 啊 ，所以 呢 仲係 畀 心機 學 招 。
海老公 居然 呢 亦 唔 怕 厭煩 噃 。
呢一日 ，由 午後 一直到 傍晚 ，兩個人 不停 咁 拆解 手法 。
海老公 雖然 係 坐喺 椅處 ，不過 雙手 呢 就 好似 能夠 隨意 伸縮 一樣 ，只要 隨便 逳 一逳 ，韋小寶 身上 就 畀 佢 打中 一下 。
噉啊 總係 算 佢 落手 好 輕 ，每一招 呢 都 冇 使力 。
但係 即使 係 噉樣 ，當晚 韋小寶 瞓覺 個 時候 ，只 覺得 由頭到腳 ，周身 冇 笪 地方 唔痛 。
呢 大半日 當中 ，至少 都 捱咗 四五百 下 。
佢 瞓 喺 床上 個 心 啊 猛 咁 鬧 ：
老 烏龜 ， 打 咗 老子 咁 多 下 ， 等 聽 日 老子 打贏 咗 小玄子 ， 老 烏龜 你 嘩 你 就算 叩 三百個 頭 畀 我 啊 ， 老子 都 唔 跟 你 學 功夫 喇 。
第 日 上午 ，韋小寶 賭完 錢 之後 ，就 去 同 小玄子 比武 。
見到 佢 又 換咗 一件 新衫 ，個心 諗 ：你 個 衰仔 你 嘩 日日 着 新衫 ，你 去 妓院 嫖 老舉 啊 ？
妒忌 起嚟 一 上手 就 撕 佢 衣服 ，𠻘 一聲 ，將 佢 衣襟 撕開 條 大 罅 。
噉樣 一嚟 就 唔記得咗 新學 嘅 手法 嘞噃 ，畀 小玄子 一拳 打落 條 腰處 痛到 呱呱 大叫 。
小玄子 乘機 用 手指 一插 ，插中 佢 左腳 。
插 到 韋小寶 左腳 啊 又 酸 又 痺 ， 啪 聲 跪 低 ， 畀 小玄子 向後一 推 ， 即時 就 趴 喺 地 。
噉 小玄子 騎住 佢 背脊 ，又 制住 佢嘅 意舍穴 ，韋小寶 啊 只有 投降 啦 。
佢 企翻 起身 ，定一定 神 。
等 小玄子 撲過嚟 喇 ，即刻 使出 嗰 招 仙鶴梳翎 ，去 切 對方 手腕 。
小玄子 啊 急忙 縮手 ，用 拳頭 打過去 。
呢一招啊 已經 畀 韋小寶 估中 ，佢 一下 揦實 佢 手腕 扭過嚟 ，跟住 用 左 踭 喺 佢 背心 猛撞 。
小玄子 大叫 一聲 痛到 冇力 反抗 ，噉 呢 一 回合 ，係 韋小寶 贏 。
自從 兩個人 比武 以嚟 ，呢次 係 韋小寶 第一次 得勝 ，歡喜 到 佢 都 講唔出 。
佢 雖然 喺 揚州 得勝山 下 就 殺過 一 名 軍官 ，喺 宮中 就 殺過 小桂子 ，但係 兩次 都係 使 奸計 嘅 。
佢 生平 同人哋 打交 ，除咗 蝦 嗰啲 八九歲 嘅 鼻涕蟲 戰無不勝 之外 ，同 大人 打交 啊 向來 必 輸 。
偶然佔 一兩次 上風 呢 亦 必定 係 出到 用口咬 啊 撒泥沙 等等 卑鄙 手段 至得 。
至於 喺 小飯店 枱 底下 便 用 刀 剁 人哋 腳板 ，都 係 冇 咩 光彩 㗎 喇 。
用 真本事 嚟 到得勝 啊 ，呢 一仗 實在 係 生平 嘅 第一次 。
噉佢 一得戚 ，就不免 心浮氣粗 咯喎 ，第三個 回合 又 試 輸翻 。
到咗 第四個 回合 ，韋小寶 唔敢 大意 喇 ，使出 嗰招 猿猴 摘果 ，同 小玄子 啊 扭打咗 好耐 ，竟然 僵持 不下 。
到咗 收尾 兩個人 都 冇 晒 力 喇 ，噉 啊 攬埋 一嚿 僂猛 咁 喘氣 ，噉 啊 只有 停戰 啦 。
小玄子 好高興啊 笑住 話 ：
哎 ，哈 ，你 今日 呀 ，今日嘅 本事 呢 ，進步咗 好多 噃 ，同 你 比武 有 啲 味道 喇 。
係邊個 ，係邊個教你㗎 ？
韋小寶 亦都 氣喘 㗾㗾 噉 話 ：
嘿 ， 嘿 ， 嘿 呢 啲 本事 呀 ， 我 早就 有 㗎 啦 ， 不過 前 兩日 就 冇 使出 嚟 啫 嘛 。
聽日 呀 ， 我仲有 更 ， 更 ， 更加 厲害 嘅 手段 啊 ， 你 ， 你 敢 唔 敢 領教 吖 ？
小玄子 哈哈大笑話 ：哈哈哈哈 ，梗係 要領教啦 ，不過 你 嗰啲 唔係 大叫 投降 嘅 手段 吖嘛 ？
韋小寶 話 ：你 同 我 定啲 嚟 啦 ，聽日 一定 要 你 大叫 投降 啊 。
韋小寶 啊 返到去 住地 得意洋洋 噉 話 ：
公公 ，你嘅 大擒拿手 啊果然 使得 啊 。
我 扭住 嗰個 衰仔 嘅 手腕 ，再 用 手踭 喺 佢 背脊 噉 一 撞 ，嗰個 衰仔 啊 唯有 認輸 喇 。
海老公 問 佢 ：今日 你 同 佢 打咗 幾多個 回合 啊 ？
韋小寶 話 ：打咗 四場 ，各 贏 兩場 。
本來呢 ，我 原來 可以 贏足 三場 嘅 ，第三場 呢 太過 唔小心 咯 。
你 講説話 呢 總係 七折八扣 ，如果 打咗 四場 ，你 至多 贏 一場 嘅 啫 。
嘿嘿嘿嘿 ，第一場 我 冇 贏 ，第二場 呢 ，的的確確 係 我 贏 喇 ，如果 我 講 大話 ，天誅地滅 。
第三場 佢 又 唔算 輸 ，第四場 打到 大家 都 冇晒 力 ，噉 啊 約定 聽日 再 打過 。
你 老老實實 講畀 我 聽 ，一招一式 噉 仔仔細細 學出嚟 。
韋小寶 個 記性 雖然 係 好啫 ，但 到底 對於 武術 所 知道 嘅 實在 太 少 。
呢 四場 一招一式 點樣 打法 ，就 冇法子 講得 完全 。
佢 只係 記得 第三場 取勝 嗰一招 得意之作 。
不過 海老公 啊 偏偏 詳詳細細 問 佢 係 點樣 落敗 嘅 。
韋小寶 只係 想 含糊其詞 噉 混過去 ，不過 收尾 呢 ，總係 畀 海老公 逼問 到 真相 。
小玄子 用嚟 取勝 嘅 招式 ，海老公 一樣一樣 噉 舉出嚟 ，就 好似 親眼 見 一樣 ，比起 韋小寶 講 嘅 仲 詳盡 十倍 。
佢 噉樣 一 提 ，韋小寶 就 記得 果然 係 噉 喇 。
韋小寶 話 ：公公 啊 ，你 實係 有 千里眼 定 喇 ，否則 小玄子 嗰啲 手法 ，你 點 會 知得 咁 清楚 嘅 ？
海老公 耷低頭 喺度 諗 ，自言自語 噉 話 ：
果然 係 武當 高手 ，果然 係 武當 高手 啊 ！
韋小寶 又 驚 又 喜 佢 話 ：
你話 小玄子 呢個 衰仔 係 武當派 高手 啊 ？哎呀 ，我 能夠 同 呢個 高手 鬥到 不分上下 喇 ，哈哈哈哈 。
海老公 呸 一聲 話 ：你咪 發神經 喇 ，邊個 話 係 佢 吖 ？
我 係 話 教 佢 拳腳 嗰個 師父 。
係喇公公啊 ，噉 你 係 咩嘢 派 㗎 ？
我哋 呢一派 嘅 武功 天下 無敵 ，梗係 厲害過 佢 武當派 得多 都 唔使 講 㗎 啦 。
佢 都 仲 未知 海老公 係 咩嘢 門派 ，不過 呢 就 吹 定 先 嘞 。
海老公話 ：我係 少林派 。
韋小寶 好 高興 啊 ：嘩 ，好極喇 。
武當派 嘅 武功 一 遇到 我 哋 少林 派 ， 噉 就 係 落花流水 ， 挾住 條尾 就 趯 啊 。
哼 ！我 又 冇 收 你 做 弟子 ，你 點 能夠 算得 係 少林派 呢 ？
噉 我 又 唔 話 我 係 少林派 ，我 學 嘅 係 少林派 武功 ，噉 冇 錯 嘞 啩 ？
小玄子 使 嘅 既然 係 武當派 嘅 正宗 擒拿手 ，我哋 就 要 用 少林派 正宗 擒拿手 嚟 對付 佢 ，否則 呢 就 敵 佢 唔過 㗎 喇 。
係啊 ，我 打輸 咗 係事 小 咋 ，連累到 我哋 少林派 個 威名 ，就 認真 唔 值得 啦嘛 。
少林派 個 威名 到底 有 幾 大 佢 完全 唔知 ，但係 如果 自己 同 少林派 拉翻 上 多少 關係 佢 總 唔會 係 蝕本 生意 嘅 。
海老公話 ：尋日 我 教 你 呢 兩手 大擒拿手 ，本意 呢 ，只係 想 打到 嗰個 衰仔 知難而退 ，唔好 阻頭阻勢 ，你 就 可以 去 上書房 攞 書 。
不過 而家 嘅 局面 有 啲 唔同 嘞 ，呢個 衰仔 果然 係 武當派 嫡系 。
呢 一十八路 大擒拿手 ，就要 一招一式 噉 從頭 教起 嘞 。
你 會唔會 弓箭步 啊 ？
弓箭步吖嘛 ，噉梗係 彎弓射箭 嘅 姿勢 啦 。
嘿 ，要 學 功夫 就 要 虛心 ，唔會 就 話 唔會 。
學武嘅人 最忌 就 自作聰明 ，自以為是 。
我 講 你 聽 啦 ，前腿 屈膝 ，其 形 如 弓 ，就 稱為 弓足 ；
後腿 斜挺 ，其 形 如 箭 ，稱為 箭足 ；
兩樣 合埋 ，就 叫做 弓箭步 喇 。
講完 就 擺咗 個 弓箭步 嘅 姿式 。
韋小寶啊 照住 個 樣 做 ：噉 有 咩 咁 難 啫 ，我 一日 擺佢 百零 二百 個 都 得 啦 。
我唔係要你擺百零二百個 ，就只要你擺一個 。
你 就 擺 呢個 姿勢 ，我 唔 叫 你 企 起嚟 ，你 就 唔 准 逳吓 。
講完 ，摸下 佢 雙腳 嘅 姿式 ，要 佢 前腳 啊 更加 彎啲 ，後腳 啊 更加 直啲 。
韋小寶 話 ：噉 亦 好 容易 啫 。
乜就係噉樣擺一個姿勢唔逳 ，唔到 半炷香 嘅 時間 ，雙腳 已經 酸麻 到 極 嘞 。
韋小寶 話 ：得未啊 ？
海老公 話 ：仲 爭得 遠 呢 。
我 練 呢個 怪樣 又 有 咩 用 喎 ，唔通 噉 就 能夠 將 小玄子 打低 咩 ？
呢個 弓箭步 扎得 穩喇 ，人哋 就 推 你 唔 跌 ，用處 大 呢 。
噉 就算 人 哋 推跌 咗 我 ， 我 翻個 身咪 企翻 起身 咯 ， 我 又 唔 會蝕底 。
海老公 慢慢 岌 下頭 ，唔理 佢 。
韋小寶 見 佢 岌頭 嘞 ，就 企 翻 直 個 身 ，𢱕 下 雙腳 。
海老公 喝 佢 話 ：邊個 叫 你 企 直 翻 喇 ？快啲 擺 弓箭步 。
我要屙尿啊 。
唔准 ！
誒 ，我 要 屙屎 啊 。
唔准 ！
哎 ， 哎 ， 我 就要 賴出 嚟 㗎 喇 噉 就 。
海老公 歎 一口氣 ，就 唯有 任得 佢 去 廁所 ，噉 啊 鬆散 下 雙腳 。
韋小寶 個人 雖然 係 聰明 啊 ，但係 要 佢 循規蹈矩 ，一丁一板 噉 練功 呢 就 講 乜嘢 佢 都 唔 肯 䎺㗎 嘞 。
海老公 呢 亦 唔 再 勉強 佢 ，只係 教 佢 幾下 擒拿 扭打 嘅 手法 。
拆解嘅時候 需要 彎腰 轉身 踎低 趴低 ，海老公 呢 就 唔 做 呢啲 㗎 喇 ，只係 出聲 指點 或者 用 手 摸下 ，就 知 佢 嘅 姿式 手法 有冇 錯 。
第日 ，韋小寶 又 去 同 小玄子 比武 嘞 。
各位 ，欲知 後事 如何 ，且 聽 下回 分解 。
