前 文 再續 啊 書 接上 一回 啊 ， 話 説 韋小寶 跟 住 人 去 賭錢 ， 帶 佢 入 嚟 嗰 個 漢子 攞 住 籌碼 ， 神情 有 啲 猶疑 。
旁邊 有 個人 話 ： 老吳 啊 ， 而家霉莊 啊 ， 押 多 啲 啊 啱 喇 。
老 吳話 ： 好 。
噉 啊 押 咗 二兩 銀 ， 佢 問 ： 小桂子 ， 你點 啊 ？
韋小寶 個心 諗 ：
最好 呢 就 咪 畀 人 哋 留心 自己 ， 唔 好 贏多 又 唔 好 輸多 ， 落注 呢 亦 唔 好 落 咁 大 。
於是 呢 就 落 咗 五錢 銀 。
旁人 邊個 都 唔 理 佢 。
嗰 個 做莊 嘅 呢 係 個 肥 佬 ， 呢 班 人 都 叫 佢 做 平大哥 嘅 。
韋小寶 記得 老吳 講過 賭客 之中 有 一個 人 叫做 平威 ， 呢 個 平大哥 自 不然 就 係 平威 嘞 。
只見 佢 攞 起 骰 仔 ， 喺 手板 上面 搖 咗 一輪 ， 喝 一聲 ： 通殺 ！
噉 啊將 骰仔 掉入 個 碗 裏 便 。
韋小寶 留心 佢 嘅 手勢 ， 當堂 放心 喇 ， 嘿嘿 ， 呢 個人 係 個 羊 牯 。
喺 佢 心目 中凡 係 唔 會 出 千 嘅 賭客 呢 就 係 羊 牯 嘞 。
平威 擲 咗 六手 骰 ， 擲 出個 牛頭 ， 噉 係 文牌 之中 嘅 大點 喇 。
其餘 啲 人 呢 順住 次序 一個個 擲 落 去 ， 噉 啊 有 啲 賠有 啲 殺 。
老吳 擲 咗 個 八點 ， 就 畀 莊家 殺 咗 。
韋小寶 見 每 一個 人 擲 骰仔個 心 就 嗌 一聲 羊 牯 。
佢 喺 個 心 處 連 氣 嗌 咗 七聲 羊 牯 ， 當堂 放晒心 啊 。
佢 衫 袋 裏 便 啊 帶 住 海老公 嘅 水銀 骰仔 ， 本來 打算 玩 到 半路 呢 ， 就換 咗 落 去 ， 贏 咗 筆錢 之後 再 設法 子換 翻 出 嚟 嘅 。
擲 假 骰 仔 嘅 手法 固之然 極為 難練 啦 ， 而將 骰仔 換入 換出 ， 亦 都 需要 眼明手快 至 得 ， 就 好似 斥法 噉 ， 首先 呢 ， 就要 引開 旁人 嘅 注意力 嘞 。
比如 講 ， 忽然間 踢倒 張凳 啊 ， 倒瀉 一杯 茶 之類 。
當 大家 雙眼 啊 都 掛住 望 張凳 、 睇 個 茶杯 嘅 時候 ， 真假 骰仔 就 換轉 咗 嘞 。
但 係 如果 係 好手 呢 當然 亦 唔 使出 到 踢 凳 打瀉 茶 咁 下 等 嘅 手法 嘅 。
通常 都 係 喺 手腕 嗰 度 就 暗藏 六粒 骰仔 ， 用 手指 揸 住 六粒 骰仔 一手 擲 落 去 。
噉 落 喺 隻 碗 裏 便 嘅 呢 ， 係 手腕 嗰 度 嘅 骰 仔 。
而 手指 揸 住 嗰 六粒 骰 啊 一合手 ， 就轉 咗 去 左手 嗰 處 ， 神不知鬼不覺 就 塞 落衫袋 。
不過 呢門 本事 啊 韋小寶 都 仲未 曾學得 會 。
用 骰仔 行騙 出老千 啊 ， 一般 呢 ， 都 喺 骰 仔 裏 便 灌 咗 水銀 或者 灌 鉛 。
水銀 同埋 鉛 都 係 極之 重 嘅 嘢 ， 噉 粒 骰仔 一便 輕 一 便 重 ， 就 能夠 依照 自己 嘅 意思 嚟 到 指揮 。
只不過 鉛 呢 係 硬 嘅 嘢 嚟 ， 水銀 呢 ， 就 會 流動 嘅 。
所以 擲 灌 咗 鉛 嘅 骰 仔 就 極 之 容易 ， 而 擲 水銀 骰仔 就 好 難 。
喺 骰 仔 裏 便 灌 鉛 就 容易 畀 人 哋 發覺 ， 同時 呢 你 既然 能夠 擲 出 大點 ， 對方 亦 能夠 擲 出 大點 。
但 係 如果 灌 嘅 係 水銀 ， 你 要 咩 點數 就 非 有 上乘 嘅 手法 不可 ， 就並 唔 係 尋常 啲 騙子 能夠 做 得到 嘅 。
韋小寶 擲 灌 鉛 骰仔 啊 有 六七成 把握 ， 就 對付 啲 水銀 骰仔 ， 把握 啊 得 一兩成 㗎 啫 。
噉 雖然 係 一兩成 啊 ， 但 喺 十 手 之中 ， 只要 贏多 一兩手 ， 噉 啊 連氣 賭 佢 幾個 時辰 咪 當然 大 有所 獲 嘞 。
至於 真正 嘅 一流 高手 呢 就 可以 任意 擲 平常 嘅 骰 仔 ， 要出 幾點 就 幾點 嘅 ， 亦 決 唔 需要 藉助於 灌 鉛 灌水 銀 嘅 骰 仔 。
有 呢 啲 功夫 嘅 人 啊 ， 真 係 一萬個 人 當中 都 選 唔 到 一個 。
韋小寶 亦 從來未 遇見 過 ， 噉 就算 畀 佢 遇見 咗 佢 亦 睇 唔 出 嚟 喇 。
噉 而 家 佢 見 入 局 嘅 對手 冚𠾴唥 都 係 羊 牯 ， 個心 諗 啲 骰仔 換入 換出 就 全 無 危險 ， 就 唔 使換 住 。
佢 入 局 嘅 時候 呢 有 兩隻 廿五 兩 嘅 元寶 吖 ， 一隻 就換 咗 籌碼 ， 又將 另外 嗰 隻 元寶 放 喺 左手 便 。
等陣 要換 骰 仔 嘅 時候 喇 ， 就要 嚟 做 橋 嘅 。
佢 又 諗 ： 小桂子 既然 時時 輸錢 ， 噉 我 都 要 先輸後贏 ， 就 免致 引 人 疑心 噃。
佢 擲 咗 幾手 ， 咪 擲 出 一隻 拎 冧 綠 ， 當然 係 畀 人食 咗 啦 。
就 係 噉 樣輸 一注 贏一注 ， 拉 嚟 拉 去 就 輸 咗 五兩 銀 。
賭 咗 半日 ， 各人 落注 漸漸 大 嘞 ， 韋小寶 啊 仍然 落五錢 銀 。
莊家 平威 將 佢 嘅 竹 籌 一 推 ： 至少 一兩 啊 ， 五錢 銀 唔 受 。
韋小寶 即刻 就 加多 一支 籌碼 。
莊家 擲 出 嚟 嘅 呢 係 一張 人牌 ， 一注注 咁 殺 。
韋小寶 嬲 佢 唔 受 自己 五錢 銀 賭注 ， 呢 一次 呢 決心 贏 佢 個 心 諗 ：
你 唔 肯輸 五錢 係 嘛 一定 要 輸夠 一兩 ， 好 吖 ， 你好 嘢 ， 有種 ， 算盤 夠叻 。
我 如果 用天 牌贏 你 就 唔 算 好漢 。
佢 右手 揸 住 骰仔 ， 左手 手 踭 一頂 ， 嗰 隻 大 元寶 跌 咗 落地 ， 托 一聲 ， 啱 啱 跌 正 佢 左腳 嘅 腳背 。
佢 大叫 一聲 ： 哎呀 痛死 我 喇 ！ 噉 啊 跳 咗 幾下 。
同埋 賭錢 嗰 七個 人 都 笑 起 上 嚟 ， 噉 睇 住 佢 彎 低腰 去執 元寶 。
韋小寶 容容易易 噉 就換 咗 骰仔 。
一手 擲 落 去 ， 四粒 三點 啊 兩粒 一點 係 張地牌 ， 啱 啱 大 過人 牌 。
平威 就 鬧 佢 喇 ： 佢 阿爺 吖 僆 仔 今日 手氣 咁 好 啊 吓 。
韋小寶 個心 一驚 ： 唔 得 喇 ， 我 噉 樣 贏法 ， 人 哋 一 留意 就 睇 出 我 唔 係 小桂子 㗎 嘞 噃。
噉 到 下 一次 擲 嘅 時候 呢 ， 佢 又 輸 翻 一兩 銀 。
睇 見 各人 紛紛 加注 ， 有 啲 係 三兩 有 啲 係 二兩 ， 佢 就 落 注 二兩 就贏 咗 二兩 ， 下 一次 呢 就 輸翻 一兩 。
到 到 中午 時分 ， 韋小寶 已經 贏 咗 廿 幾兩 銀 嘞 ， 只 係 每 一注 出入 好少 ， 邊個 都 冇 注意 到 。
但 嗰 個 老 吳 呢 就 已經 將帶 嚟 嗰 三十幾兩 銀 冚𠾴唥 輸 清光 ， 冇 釐 神氣 。
雙手 一攤 就 話 ： 唉 ， 今日 手氣 唔 好 啊 ， 唔 賭 喇 。
韋小寶 賭錢 嘅 時候 呢 ， 十次 有 九次 要 出千 呃 人 嘅 。
但 係 對 啲 賭友 呢 就 極之 豪爽 。
佢 平時 畀 人 哋 鬧 畀 人 哋 打 ， 冇 人 睇 得 起 佢 。
但 如果 有人 輸乾輸淨 ， 佢 就 必定 借錢 畀 呢 個人 ， 噉 嗰 個人 當然 十分 感激 佢 啦 ， 對 佢 另眼相看 。
韋小寶 生平 偶然 有 機會 充 一次 好漢 ， 亦 僅僅 係 喺 佢 借 賭本 畀 人 嘅 時候 啫 。
嗰 個人 就算 借 咗 唔 還 ， 佢 亦 唔 在乎 咯 ， 橫掂呢 啲 錢亦決 唔 係 佢 自己 扲 荷包 嘅 。
呢 個 時候 見 老 吳輸 清光 要 走 嘞 ， 即刻 就 揦 起 一 紮 籌碼 大概 有 十七八 兩 啦 ， 就 塞 喺 佢 嘅 手 處 ：
你 攞 去 翻本 啦 ， 贏 咗 再 還翻 畀 我 。
老吳 喜出望外 。
因為 呢 班 人 賭錢 啊 從來 都 唔 肯 借錢 畀 人 嘅 ， 一來 ， 怕 借 咗 畀 人人 哋 唔 還啦 ；
二來 又 覺得 啲 錢 喺 自己 嘅 手 畀 出去 ， 意頭 唔 好 ， 噉 本來 贏 嘅 都 變成 輸 啦 。
佢 見 韋小寶 咁 慷慨 唄就極 之 高興 ， 猛 咁 拍 佢 膊 頭 話 ： 好 兄弟 ， 真 唔 話 得 喇 。
平威 做莊 嘅 氣勢 正 係 旺緊 ， 至 怕人 哋 輸乾輸淨 散局 。
對 韋小寶 嘅 義舉 啊 ， 亦 十分 之 讚賞 佢 話 ： 哈 ， 小桂子 轉 咗 性 噃， 今日 唔 係 點 小氣 嘞 噃。
再賭 落 去 ， 韋小寶 又贏 咗 六七 兩 。
忽然間 有人 話 ： 開飯 喇 ， 聽日 再 嚟 玩過 啦 。
啲 人 一 聽到 開飯 喇 三個 字 就 即時 收手 ， 匆匆忙忙 將 籌碼 換翻 銀 。
韋小寶 啊 嚟 唔 切換 翻 嗰 六粒 水銀 骰仔 嘞 ， 個心 諗 ： 橫掂呢 啲 羊 牯 都 睇 唔 出 嚟 嘅 。 所以 呢 亦 都 冇 放 喺 心上 。
韋小寶 跟 住 老 吳行 出去 ， 個心 諗 ： 都 唔 知去 邊度 食 飯 噃。
老 吳將 小寶 借 畀 佢 嗰 十幾兩 銀 又 輸 得 差 唔 多 喇 佢 話 ：
細佬 ， 唯有 聽日 先至 還翻 畀 你 喇 。
韋小寶 話 ： 自己 兄弟 有 咩 緊要 吖 ？
哈哈 ， 噉 先 係 好 兄弟 吖 嘛 ，嗱 你 快 啲 返 去 ， 海老公 等 你 食飯 喇 。
哦 。 韋小寶 個心 諗 ： 原來 係 返 去 同 老 烏龜 一齊 食飯 ， 而家仲 唔 逃之夭夭 仲等 幾時 啊 ？
噉 啊 睇 住 老 吳行 咗 入 一間 廳堂 ， 佢 又 諗 嘞 ：
呢 處 又 係 大廳 又 係 花園 又 係 走廊 ， 都 唔 知 大門 喺 邊 處 噃。
於是 只有 亂撞 亂行 係 嘞 。
噉 佢 時時 都 撞 到 同埋 着 一樣 服飾 嘅 人 ， 不過 又 唔 敢 問 人 大門 喺 邊 處 ， 就 越行 越遠 個心 漸漸 慌 嘞 。
哎呀 ， 不如 返去 海老 烏龜 嗰 處 先 再 講 啦 。
不過 而家連 點樣 返去 海老公 嗰 處 呢 ， 都 唔 知道 點 行至 係 喇 。
總之 而家 行 嘅 地方 呢 都 係 未 到 過 嘅 ， 時時 都 見到 啲 廳 上 便 啊 門上 便 啊 掛住 匾額 ， 橫掂都 唔 識 ， 佢 亦 冇 去 睇 。
噉 再行 咗 一陣 ， 連 人 都 唔 係 點撞 到 嘞 ， 個肚 啊 餓 到 咕咕 叫 。
佢 穿過 一個 月洞門 ， 見到 左手 便 有 間 屋 。
房門 係 虛掩 嘅 ， 噉 啊 行到 門邊 ， 突然 間 聞到 一浸 食物 香氣 透出 嚟 ， 當堂 流口水 ， 就 輕輕 推 下 道門 ， 哄 個頭 入去 裝 下 。
只見 枱 上 放住 十幾 碟 點心 糕餅 ， 屋裏 便 冇 人 ， 咪 即刻 拈手 拈 腳行 入去 ，攞 起 一件 千層 糕 擠 咗 落口 。
只 係 噍 得 幾 噍 啫 ， 即刻 大 讚 好 嘢 啊 。
原來 呢 啲 千層 糕 係 一層 面粉 夾 一層 蜜糖 豬油 ， 仲有 桂花香 添 ， 又 鬆 又 甜 。
揚州 嘅 點心 啊 天下 聞名 ， 妓院 裏 便 款待 嫖客 ， 啲 點心 呢 ， 亦 整得 十分 講究 。
韋小寶 專門 偷食 ， 嫖客 未 食 佢 就 食 咗 先 嘞 。
儘管 啲 龜婆 龜奴 又 打 又 鬧 ， 佢 一樣 照偷 不 誤 啊 。
而 家 佢 所 食 呢 件 千層 糕 ， 顯然 係 比 妓院 裏 便 嘅 點心 更加 精緻 得 多 。
佢 心 諗 ： 啲 千層 糕 整得 真 係 好 嘞 ， 我 睇 呢 度 呢 ， 九成 九 係 北京城 嘅 一座 大 妓院 定 喇 。
佢 食 咗 一件 千層 糕 ， 唔 聽見 有人 嚟 啊 ， 噉 又 去 攞 咗 件 燒賣 擠入 嘴 。
佢 偷 食 嘅 經驗 啊 極之 豐富 㗎 ， 知道 一碗 一碟 裏 便 啊 就 唔 能夠 攞 多個 噃， 噉 先 至 唔 容易 畀 人 哋 發覺 。
食 咗 一件 燒賣 之後 ， 又 食 咗 一件 豌豆黃 。
然後 將碟 上面 嗰 啲 糕點 稍 為 逳 動 下 ， 就 唔 使 露出 偷 食 嘅 痕跡 。
佢 正在 食得 唔 知 幾 過癮 ， 忽然間 聽見 門外 靴聲 咯咯 響 ， 有人 行近 嚟 喇 。
就 連忙 攞 起 一個 肉末 燒餅 ， 四圍 望下 想 搵 埞 匿 嘞 噃。
噉 啊 只見 房間 裏 便 啊 空空洞洞 ， 喺 牆邊 就 憑 住 幾個 用 牛皮 整成 嘅 人形 。
屋樑 上 便 呢 ， 髧 咗 幾個 大 布袋 落 嚟 ， 裏 便 似乎 裝住 米麥 或者 沙土 嘅 。
除此之外 ， 就 係 面前 呢 張 枱 嘞 。
枱 前面 掛住 塊 枱 帷 嘅 ， 當 其時 想 都 唔 想 咁 多 喇 ，𠻘 聲 蜎 入 去 枱 底 。
咯 、 咯 、 咯 、 咯 ， 靴 聲響 到 門口 ， 嗰 個人 入 咗 嚟 嘞 。
韋小寶 喺 枱 底 望出去 ， 見 嗰 對 靴 呢 就 唔 係 點 大隻 ， 入 嚟 嘅 人 應當 係 一個 同 自己 差 唔 多 年紀 嘅 男仔 ， 噉 就 放心 。
將個 燒餅 擠 咗 落口 ， 不過 呢 佢 亦 唔 敢 噍 ， 只 係 用 啲 口水 呢 慢慢 去 浸濕個 燒餅 ， 浸軟 咗 呢 就 掂 吞 。
呢 個 時候 ， 韋小寶 聽見 枱 邊有 食 嘢 嘅 聲音 ， 係 嗰 個 男仔 攞 啲 糕點 嚟 食 。
韋小寶 個心 諗 ： 原來 亦 係 嚟 偷 食 嘅 。
我 大叫 一聲 衝出去 ， 呢 個 衰仔 必定會 嚇 到 逃走 嘅 ， 噉 我 就 可以 大刷 一餐 喇 。
佢 又 諗 ： 先頭 我 真 係 笨 嘞 ， 我將 幾碟 點心 倒 咗 袋 裏 便 走 咪 好 囉 。
呢 處 又 唔 係 麗春院 ， 唔 通少 啲 咩 嘢 ， 一定 上 晒 我 數 嘅 咩 ？
忽然間 聽見 嘭 嘭 聲響 ， 嗰 個 男仔 喺 度 打緊 啲 乜嘢 嘢 噃。
韋小寶 好奇 起上 嚟 ， 咪 哄 個頭 出去 裝 下 。
只見 嗰 個 男仔 約莫 十四五歲 啦 ， 身穿 短打 ， 用 拳頭 去 打 喺 屋樑 上 便 髧 落 嚟 嘅 一個 布袋 。
佢 打 咗 一陣 ， 又 去 打 墻 邊 嘅 皮 人 。
嗰 個 男仔 一拳 打 喺 皮 人 心口 ， 跟 住 伸出 雙手 ， 抱住 皮 人 嗰 條 腰 將 佢 撳 咗 喺 地 。
佢 所用 嘅 手法 啊 ， 就 好似 尋 日 喺 小酒館 裏 便 見到 嗰 啲 摔跤 嘅 滿 人 一樣 。
韋小寶 哈哈 一笑 ， 喺 枱 底 蜎 出 嚟 話 ： 皮人 係 死 嘅 有 咩 好玩 啫 ， 我 嚟 同 你 玩 啦 。
嗰 個 男仔 見到 佢 突然 間 現身 ， 塊 面上 又 纏 咗 白布 就 微微 吃 咗 一驚 。
但 聽 佢 講話 嚟 陪 自己 玩唄 ， 即刻 就 好 歡喜 噉 話 ： 好 ， 你 上 啦 。
韋小寶 撲 埋 去 ， 就 去 扭 嗰 個 男仔 雙手 。
嗰 個 男仔 一 側身 ， 右手 一勾 ， 韋小寶 就 企 唔 穩 啊 啪 聲 𢴈 低 。
嗰 個 男仔 話 ： 嘿 ， 你 都 唔 會 摔跤 嘅 。
韋小寶 話 ： 邊個 話 唔 會 啊 ？ 跳 起身 嚟 攬 佢 左腳 。
嗰 個 男仔 伸手 揦 佢 後 心 ， 韋小寶 一閃 ， 嗰 個 男仔 就 揦 唔 到 嘞 。
韋小寶 記得 茅十八 喺 酒館 裏 便 同 七名 大漢 格鬥 嘅 手法 。
佢 突然 間 左手 一拳 就 打 嗰 個 男仔 下 爬 ， 啪 一聲 ， 打 到 正 。
嗰 個 男仔 窒一 窒 ， 有 啲 嬲 嘞 。
韋小寶 笑 住 話 ： 嘿 你 都 唔 會 摔跤 嘅 。
嗰 個 男仔 粒聲 唔 出 ， 左手 揚一揚 ， 韋小寶 打斜 個身 咪 避 佢 囉 。
點 知 嗰 個 男仔 一 踭 撞 過去 ， 撞 正 韋小寶 條腰 ， 嘩 ， 韋小寶 大叫 一聲 ， 痛 到 踎 低 。
嗰 個 男仔 雙手 喺 佢 背後 胳肋底 穿上去 ， 十隻 手指 互相 扣住 ， 扼住 佢 條 後頸 ， 將 佢 上身 啊 越 壓越 低 。
韋小寶 右腳 反踢 。
嗰 個 男仔 雙手 出力 一推 ， 就將 韋小寶 成個 推出 去 ， 啪 一聲 ， 好似 狗吃屎 噉 趴 喺 地 。
韋小寶 發惡 喇 ，趢 咗 幾 趢趢 過去 ， 出力 攬住 嗰 個 男仔 雙腳 ， 搏命 咁 拉 。
嗰 個 男仔 企 唔 穩 啊 跌倒 嘞 ， 啱 啱 啊 砸 住 韋小寶 。
嗰 個 男仔 身材 就 比 韋小寶 高大 ， 佢 立即 用 手 踭 逼住 韋小寶 後頸 。
韋小寶 呼吸 唔 暢順 嘞 ， 搏命 用 腳 嚟 踢 ， 猛 咁 撐 。
翻 咗 幾下 ， 終於 翻 到 去 上 便 ， 反而 壓住 嗰 個 男仔 。
只不過 佢 人 小 身 輕 啊 ， 砸 唔 住 對方 ， 又 畀 嗰 個 男仔 翻翻 上 嚟 砸實 。
韋小寶 極之 靈活 嘅 ， 佢 放開 男仔 雙腳 ， 就 蜎 到 佢 身後 便 ， 大力 一腳 就 踢 中 佢 屁股 。
嗰 個 男仔 反手 捉住 佢 右腳 出力 一 掹， 韋小寶 仰面朝天 𢴈 倒 。
嗰 個 男仔 撲上去 叉住 佢 條 頸 ， 喝 佢 話 ： 投 唔 投降 ， 投 唔 投降 ？
韋小寶 啊 勾起 左腳 ， 喺 嗰 個 男仔 嗰 條 腰 處 擦 幾下 。
嗰 個 男仔 怕 酸 軟 嘞 ， 咭 噉 一笑 起 上 嚟 ， 手勁 就 鬆 咗 咯 。
韋小寶 啊 乘機 跳 起 嚟 ， 攬 實 佢 條 頸 。
嗰 個 男仔 使出 摔跤 手法 ，揦 住 韋小寶 後領 出力 咁 將 佢 喺 地下 一 𢴈，𢴈 到 韋小寶 當堂 暈 咗 一暈 唔 逳 得 嘞 。
嗰 個 男仔 哈哈大笑 話 ： 你 服未 ？
韋小寶 忽然間 成個 彈起 一個頭 錘 ， 撞 正 對方 小肚 。
嗰 個 男仔 嗯 一聲 倒退 幾步 。
韋小寶 衝上去 ， 嗰 個 男仔 輕輕 打側 個 身 ， 用腳 一 勾 。
韋小寶 噼啪 一聲 就 跌 低 ， 就 死命 噉 攬住 佢 大 髀 ， 噉 兩個 人 就 同時 跌倒 。
一時間 ， 嗰 個 男仔 騎 喺 上 便 ， 一時間 ， 韋小寶 又 翻 喺 上 便 。
翻 咗 十七八次 ， 噉 啊 終於 兩個 人 互相 扭實 ，㗾㗾 聲猛 咁 喘氣 。
突然 之間 ， 兩個 人 不約而同 哈哈大笑 ， 就 覺得 噉 樣 打法 係 非常 之 好玩 就 慢慢 放 翻開 手 。
嗰 個 男仔 一 伸手 ， 扯開 咗 韋小寶 纏住 塊 面 嘅 白布 話 ： 你 包住 個頭 做 咩 嘢 啊 ？
韋小寶 吃 咗 一驚 ， 噉 啊 想 伸手 去 搶 ， 但 係 諗 到 對方 既然 已經 睇 到 自己 嘅 真面目 咯 ， 再 嚟 遮掩 亦 冇 用 㗎 啦 ， 就 笑 住 話 ：
包住 塊面 ， 免得 入 嚟 偷 食 嘅 時候 畀 人 認出 嚟 吖 嘛 。
嗰 個 男仔 企 起身 笑 住 話 ： 好 啊 你 ， 原來 你 時時 嚟 呢 處 偷 食 嘅 。
韋小寶 話 ： 時時 又 唔 見得 。 一便 講一便 亦 企翻 起身 。
只見 嗰 個 男仔 生 得 眉清目秀 ， 神情 軒昂 ， 噉 啊 對 佢 頗 有 好感 。
嗰 個 男仔 問 ： 你 叫 咩 名 啊 ？
韋小寶 話 ： 我 叫做 小桂子 ， 你 呢 ？
嗰 個 男仔 稍為 遲疑 咗 下 就 話 ： 我 叫 ， 我 叫做 小玄子 。
你 係 邊個 公公 手下 㗎 ？
韋小寶 話 ： 我 跟 海老公 嘅 。
小玄子 岌一岌頭 ， 就 用 韋小寶 嗰 塊 白布 抹 一抹 額頭 啲 汗 ，攞 起 件 點心 就 食 。
韋小寶 唔 肯 服輸 ， 個心 諗 ： 你 大膽 偷食 ， 我個膽 亦 唔 細過 你 。
咪 於是 呢 攞 起 一件 千層 糕 ， 肆無忌憚 噉 就 擠 入口 。
小玄子 笑 咗 一 笑話 ：
你 冇 學過 摔跤 ， 不過 手腳 係 好 靈活 ， 我 居然 壓 唔 住 你 ， 不過 再 打 幾個 回合 呢 你 就 輸 㗎 喇 。
韋小寶 話 ： 噉 亦 唔 見得 ， 我 哋 再 打 一輪 試下 吖 嗱。
小玄子 話 ： 好 啊 。
噉 兩個 人 又 試 扭打 起 嚟 。
小玄子 似乎 會 一 啲 摔跤 嘅 技術 嘅 ， 年紀 同埋 氣力 又 都 大過 韋小寶 。
不過 韋小寶 喺 揚州 市井 之間 係 身經百戰 ， 同 啲 大流氓 小 無賴 都 唔 知 打 過 幾 多場 交 㗎 喇 ， 扭打 嘅 經驗 就 比 小玄子 豐富 得 多 。
總算 佢 記得 茅十八 嘅 教訓 ， 同 小玄子 嘅 扭打 只 係 玩 啫 ， 就 唔 係 搏命 。
所以 咩 嘢 拗 手指 、 拉辮尾 、 咬 喉嚨 、 搲 眼核 、掹 耳 仔 、 捻 太公 等等 嘅 拿手 成名 絕技 啊 ， 一項 都 冇 使出 嚟 。
噉 樣 一 嚟 呢 就 難以 取勝 嘞 噃。
扭打 咗 幾個 回合 ， 韋小寶 終於 畀 佢 騎 住 再 翻 唔 到 身 。
小玄子 笑 住 話 ： 投 唔 投降 吖 ？
韋小寶 話 ： 死 都 唔 投降 啊 。
小玄子 哈哈 一笑 跳 翻 起身 ， 韋小寶 撲上去 又 想 打 。
小玄子 耍 一耍 手笑 住 話 ： 今日 唔 打 喇 ， 聽日 再 嚟 啦 ， 不過 你 唔 係 我 對手 ， 再 打 都 冇 用 吖 。
韋小寶 唔 服氣 ，攞 出 一錠 銀 ， 大概 係 三兩 咁 上下 啦 。
聽日 再 打 ， 不過 要 賭錢 嘅 ， 你 亦 攞 三兩 銀出 嚟 囉 。
小玄子 窒一 窒 ， 佢 話 ： 好 啊 ， 聽日 我 帶 銀 嚟 ， 中午 時分 喺 呢 處 再 打 過 。
韋小寶 話 ：嗱， 死 約會 ， 不見不散 ， 大丈夫 一言既出 吖 馬 難 追 。
呢 個 駟馬難追 嘅 駟 字 呢 佢 總 係 記 唔 住 ， 咪 只有 隨口 含含糊糊 就 算數 。
小玄子 哈哈大笑 話 ：
哈哈哈哈 ， 冇 錯 ， 大丈夫 一言既出 吖 馬 難 追 。 講完 就行 咗 出去 嘞 。
韋小寶 啊 揦 住 一大 紮 點心 ， 袋 喺 衫 袋 就 走 。
想起 茅十八 同 人 哋 訂約 比武 ， 雖然 係 坐緊 監唧 ， 亦 要 越獄 赴約 。
雖然 係 身受 重傷 啊 ， 仍然 係 遵守 約定 ， 喺 得勝 山下 等候 兩位 高手 ， 噉 嘅 氣概 真 係 令人 佩服 。
佢 聽 啲 講古 生講 英雄 故事 聽得 多 喇 ， 時時 幻想 自己 亦 都 係 個 大 英雄 大豪傑 。
噉 既然 同人訂 咗 約 比武 ， 點 可以 唔 到 嘅 呢 ？ 個心 諗 ：
聽日 要 嚟 噃， 噉 今晚 呢 要 翻 去 海老公 嗰 處 至 得 。
於是 就 順住 原 路 慢慢 搵 翻 先頭 賭錢 嘅 地方 。
先頭 向 住 右 便行 ， 所以 就 越行 越遠 ， 呢 次 呢 屈返 去 左 便 。
噉 行過 兩道 迴廊 ， 噉 依稀記得 庭院 裏 便 啲 花木 曾經 見 過 嘅 ， 噉 一路 搵 過去 ， 終於 就 返到 海老公 嘅 住 地 。
佢 行 到 門口 ， 就 聽到 海老公 嘅 咳嗽聲 ， 佢 問 ： 公公 ， 你好 啲 啦 嘛 ？
海老公 話 ： 好你個 屁 ， 快 啲 入 嚟 ！
韋小寶 行入 屋 ， 只見 海老公 啊 坐 喺 張 椅 處 ， 嗰 張 爛 咗 嘅 枱 呢 已經 換 咗 一張 嘞 。
海老公 問 佢 ： 贏 咗 幾多 啊 ？
韋小寶 話 ： 贏 咗 十幾兩 銀 ， 不過 ， 誒 不過 。
不過 點吖 ？
不過 借 咗 畀 老吳 。
其實 佢 贏 咗 廿 幾兩 銀 ， 除 咗 借 畀 老吳 之外 呢 仲有 八九兩 剩 低 嘅 。
佢 慌 死 海老公 要 佢 交出 嚟 ， 報賬 嘅 時候 呢 就 報少 啲 。
各位 ， 欲知 後事 如何 ， 且 聽 下回分解 。
