前文 再續 就 書 接 上一回 啊 ，話説 韋小寶 問 茅十八 ，究竟 雲南 沐王府 係 咩嘢 一回事 ？
茅十八話 ：當年 明太祖 起兵 反抗 元朝 ，沐王爺 沐英 呢 就 立咗 大功 ，平復 雲南 。
太祖 就 封 佢 沐家 永遠 鎮守 雲南 ，死後 呢 ，就 封 為 咩嘢 王 ，子孫 代代 就 世襲 咩嘢 國公 吖嘛 。
韋小寶 聽到 一拍 馬鞍 大聲 話 ：
啊 原來 雲南 沐王府 乜嘢 乜嘢 ，就係 沐英 沐王爺 屋企 啫 嘛 。你 一味 講 雲南 沐王府 雲南 沐王府 講得 唔 清 唔 楚 。
如果 早啲 話 沐英 沐王爺 ，我 邊度 會 話 唔知道 㗎 ？沐王爺 都 死咗 成 幾千年 喇 ，你 都 唔使 咁 驚 啦 。
咩嘢 幾千年 啊 都 亂噏 無為 。
我話 你 聽 吖 ， 我 哋 江湖 上 好漢 敬重 沐 王府 啊 ， 就 唔 係 話 因為 沐 英沐王爺 ， 而 係 因 為 佢 嘅 子孫 沐 天波 啊 。
明朝 末代 皇帝 桂王 趯咗 去 雲南 ，噉 黔國公 沐天波 ，吖 冇 錯 冇錯 ，記起嚟喇 ，係 黔國公 。
佢 忠心耿耿 ，保駕護主 。
吳三桂 嗰個 奸賊 打到 去 雲南 ，噉 黔國公 就 保住 桂王 趯 咗 去 緬甸 。
緬甸 嘅 壞人 要 殺桂 王 噃， 噉 沐 天波 呢 ， 就代桂王 而 死 喇 。
你話啊 ，噉樣 忠義雙全 嘅 英雄豪傑 啊 真係 古今 少有 𠺢 嘛 。
啊 ，呢位 沐天波 老爺 呢 ，原來 就係 英烈傳 裏 便 沐英 嘅 子孫 。
沐王爺 有 萬夫不當之勇 啊 ，係 太祖皇帝 嘅 愛將 ，呢啲 我 都 知道 晒 啦 。
韋小寶 曾經 聽 啲 講古 先生 講 英烈傳 ，徐達 、常遇春 、胡大海 、沐英 呢啲 大將 嘅 名 呢 佢 聽到 爛熟 喇 。
噉佢又問 ：你 點解 唔早啲 講唧 ，如果 我 早啲 知道 沐王府 就係 沐英 沐王爺 嘅 屋企 ，噉 我 對 嗰個 食白食 嘅 朋友 都 會 客氣 三分 啦 。
誒 ，噉 劉 、白 、方 、蘇 四 大家將 又 係 咩 嘢 人 唧 ？
劉 、白 、方 、蘇 四家 ，向來 都 係 沐王府 嘅 家將 。
噉佢哋嘅祖先 跟隨 沐王爺 平復 雲南 ，噉 收尾 天波公 呢 就 護駕 去 緬甸 。
呢 四大家將 嘅 後代 都 打仗 死咗 咯 ，只有 年紀 細小 嘅 子弟 趯咗 出嚟 。
我 見到 嗰位 姓 白 嘅 英雄 所以 咁 客氣 ，一來 ，佢 就 幫 我 打退 大漢奸 嘅 爪牙 。
韋小寶 就 話 ：我 又 夠 幫 你 打退 大漢奸 嘅 爪牙 咯 ，你 點解 對 我 又 咁 唔 客氣 呢 ？
茅十八 睩咗 佢 一眼 唔理 佢 ，就 接住 話 ：
二來 ，佢 係 忠良 嘅 後代 ，江湖 上 係 人人 敬重 㗎 。
如果 得罪咗 雲南 沐家 嘅 人 ，豈不是 畀 天下 萬人 唾罵 ？
原來 係 噉 嘅 ， 噉 係 啊 ， 見到 忠良 嘅 後代 啊 ， 自 不然 要 客氣 啲 啦 。
哈哈 ，我 識咗 你 以嚟 呢 ，我 第一次 聽到 你 講 一句 有道理 嘅 説話 。
我 就 唔 知道 等到 幾時 先至 聽到 你 講 一句 有道理 嘅 説話 啫 。
沐王爺 銅角 渡江 ，火箭 射 象 ，咁 厲害 嘅 大英雄 邊個 唔 敬重 啊 ？又 使 乜 你 嘥 咁多 口水 講 咁多 説話 吖 。
咩嘢 叫做 銅角渡江 ，火箭 射 象 啊 ？
哈 ，原來 你 淨係 知道 托雲南沐王府 嘅 大腳 ，就 唔 知道 沐王爺 幾 咁 叻 嘅 英雄 。
你 知唔知道 沐王爺 係 太祖皇帝 嘅 乜嘢 人 吖 ？
沐王爺 係 太祖皇帝 手下 嘅 大將 咯 ，邊個 唔知 啊 ？
嘿 ，大將 ，大將梗係大將啦 ，唔通 係 無名小卒 咩 ？
嗱， 誒 ， 太祖 手下 總共 有 六個 王 ， 徐達 徐 王爺 啦 ， 常遇春 常 王爺 啦 ， 你 梗 係 知 㗎 喇 ， 噉 仲有 四個 王 係 邊個 吖 ？
茅十八 係 個 草莽 豪傑 ，對 明朝 開國 嘅 歷史 呢 真係 一竅不通 嘅 。
徐達 、常遇春 嘅 名 佢 當然 係 聽過 ，不過 唔 知道 佢哋 係 咩 嘢 六王 啊 亦 唔 知道 除此之外 仲 有 四個 咩 嘢 王 。
韋小寶 呢 ，佢 喺 揚州 茶館 裏 便 啊 將 呢部 英烈 傳 聽到 滾瓜爛熟 。
因 為 嗰 陣 時 啊 ， 明朝 亡 咗 冇 幾耐 ， 人 心思 舊 ， 之 又 唔 敢 公然 談論 反清復明 嘅 事 。
喺 茶樓 裏 便 講古 嘅 先生 講述 各個 朝代 嘅 故事 ，聽眾 最 鐘意 聽 嘅 呢 ，就係 呢部 講 明朝 開國 ，驅逐 韃子 嘅 英烈 傳 嘞 。
明太祖 開國 ，最艱巨 嘅 戰役 ，係 同 陳友諒 鄱陽湖 大戰 。
但係 聽眾 聽起嚟 興致 最高 嘅 呢 ，卻係 點樣 將 蒙古兵 趕出 塞外 就 點樣 打到 敵人 落荒而逃 。
大家 雙耳 所聽到 嘅 ，係 明太祖 打 蒙古兵 ，之 個 心 所想 嘅 呢 ，所打 嘅 呢 ，卻 變成 咗 清兵 啊 。
漢人 大勝 而 敵人 大敗 ，噉 自 不然 係 志得意滿 個 心 好 噘喇 。
所以 明朝 開國 咁多 功臣 之中 啊 ，尤其 是 以 徐達 、常遇春 、沐英 三個人 最 受 聽眾 崇拜 。
講古生 講到 三個人 ，點樣 英勇 殺敵 嘅 時候 ，加油添醬 如火如荼 ，啲 聽眾 呢 ，亦都 眉飛色舞 就如 醉如痴 。
韋小寶 見 茅十八 答唔出 ，好得戚 ，佢 跟住 話 ：
仲有 四王 呢 ，就係 李文忠 、鄧愈 、湯和 ，同埋 沐英 沐王爺 喇 。
呢 四位 王爺 封 嘅 係 咩嘢 王 呢 ，同 你 講 睇 你 都 記唔住 㗎 喇 係唔係 ？
其實 佢 自己 亦 根本 記唔起 呢 六 王 封 嘅 係 咩 嘢 王 。
茅十八 畀 佢 恰到 ，就 岌 一岌頭 。
韋小寶 又 話 ：湯和 呢 ，係 明太祖 嘅 老友記 ，年紀 大過 太祖 嘅 ；
鄧愈 亦 係 好早 就 識 太祖 㗎 喇 ，一直 跟埋 佢 打 江山 嘅 ；
李文忠 係 太祖 嘅 外甥 ；
沐王爺 係 太祖 嘅 義子 ，就 跟 太祖 姓 朱 ，叫做 朱英 。
收尾啲 功勞 呢 ，立到 好大好大 ，噉 太祖 就 叫 佢 復姓 ，噉 先 叫 沐英 啫 嘛 。
哦 ，原來 噉嘅 ，誒噉 ，誒誒誒 ，誒銅角 射象 乜嘢 噉 又 點 㗎 ？
係 銅角 渡江 ，唔係 銅角 射象 。
我 講 你 聽 啦 ，太祖 打 平 咗 天下 ，最後 呢 只有 雲南 貴州 嘅 梁王 就 未曾 降服 。
嗰個 梁王 嘰里咕嚕 番 呢 ，係 元朝 末代 皇帝 嘅 侄 ，佢 守住 雲南 貴州 就 唔肯 投降 噃 。
嗰個 梁王 本名 就 叫做 ，把 匝刺 瓦爾密 ，韋小寶 就 記唔住 佢 個 名 ，就 亂咁 噏 。
茅十八 聽咗 雖然 覺得 奇怪 啊 亦 唔敢 反駁 。
韋小寶 跟住 話 ：
太祖皇帝 就 龍心 大怒 喇 ，就 點 三十萬 軍馬 ，命 沐王爺 帶領 前去 攻打 ，嚟到 雲南 邊界 就 遇到 元兵 。
元兵 嘅 元帥 叫做 達里麻 ，此人 啊 身高 十丈 ，頭 如 巴斗 。
喂喂喂喂 ，邊度 有 身高 十丈 嘅 人 㗎 ？
韋小寶 知道 自己 講 滑咗嘴 ，之佢 仲 喺度 辯駁 話 ：
蒙古人 梗係 生得 高大過 我哋 漢人 㗎 啦 嘛 咩 冇 十丈 咁 高啫 ？
嗰個 達里麻 呢 身披 鐵甲 ，手執 長槍 ，喺 江邊 呢 嘩啦啦 咁 一聲 大叫 ，嗬 就 好似 半空中 啊 連 打咗 三個 霹靂 噃 。
只聽見 兵砰兵砰兵砰 就 聲聲不斷 ，水花 四濺 ，你 估 係 咩嘢事 吖嗱 ？
唔知啊 ，係 咩嘢事啊 ？
原來 達里 麻呱呱 大叫 ，啲 聲音 呢 傳咗 過江 對面 ，噉 當堂 有 十個 明兵 畀 佢 嚇破膽 ，跌咗 落馬 ，就 跌咗 落 江 噃 。
沐王爺 一見 唔對路 喇 ，個心 諗 如果 再 畀佢 嗌 多 幾聲 呀 ，我軍 紛紛 跌落 江中 咪 大事 不好 ，於是 眉頭 一皺 就 計上心來 喇 。
韋小寶 平時 講説話 呢 就 好 爛口 嘅 ，叉叉叉 三字經 啊 冇 時 離口 。
但係 講到 沐英 平定 雲南 嘅 故事 ，佢 學晒 講古 先生 嘅 口吻 。
三字經 啊 固然 一句 都 冇 ， 偶然 呢 仲 嚟 翻 幾句 半通 不通 嘅 成語 添 嘅 。
佢 繼續 講 ：
沐王爺 眼見 達里麻 張開 血盆大口 ，又 要 大聲 叫 嘞 ，於是 就 彎弓 搭箭 ，瀡聲 一箭 ，就 向住 達里麻 嘅 口 射過去 。
沐王爺 嘅 戰法 啊 ，百步 穿 楊 就 千步 穿 口 噃 。
呢一箭啊 ，呼呼風響 就 橫過咗 江面 ，直向 達里麻 個 大嘴 射到 。
嗰個 達里麻 亦係 英雄好漢 ，眼見 呢支 箭 嚟 得勢道 兇猛 ，急忙 耷低 個 頭 ，避開 咗 。
只聽見 後軍 齊聲 吶喊 ：不好了 ！達里麻 回頭 一睇 ，只見 十名 將軍 心口 穿咗 個 窿 ，鮮血 狂噴 。
原來 沐王爺 呢 一箭 就 連 穿 十名 將軍 ，由 第一 名 將軍 心口 射入去 ，背脊 就 出翻嚟 ，又 射入 第二 個 將軍 心口 ，總共 呢 射穿 十 個 人 。
邊度 有 噉嘅 事 呢 ？沐王爺 就算 天生 神力 ，一箭 點 都 射唔穿 十個 人 㗎 。
沐王爺 係 天上 星宿 下凡 ，玉皇大帝 派 佢 嚟 保 太祖 皇帝 駕 㗎 嘛 ，你 點 同 凡人 啊 ？你 估 係 你 茅十八 喎 。
呢一 戰 射穿 十個 人 有 個 名堂 噃 ，就 叫做 穿雲箭 。
係 啊 ， 誒 ， 誒 噉 收尾 又點 啊 ？
噉 收尾 呢 ，達里麻 一見 就 可惱嘢 啦 ，個 心 諗 你 會 射箭 ，唔通 我 就 唔會 咩 ？
攞起 硬弓 ，亦都 一箭 向住 沐王爺 射過嚟 。
沐王爺 叫 一聲 ：來得好啊 ！噉啊 左手 伸出 兩隻 手指 ，輕輕 一夾 ，就 將 來 箭 夾住 喇 。
正喺 呢個 時候 ，天空 一群 大雁 飛過 ，啼聲 嘹亮 噃 。
沐王爺 心生 一計 喇 ，佢 話 ：我要 射中 第三 隻 雁 嘅 左眼 。瀡 一箭 ，向住 嗰 隻 雁 射上去 。
達里麻 個 心 就 諗 喇 ：你 要 射 第三 隻 雁 呢 已經 唔 容易 喇 ，乜 仲 可以 分 左眼 右眼 ？
噉啊擔高頭睇下嘞噃 ，就喺呢個時候 ，沐王爺 連珠箭發 ，三支箭 一齊 向 達里麻 射到 。
嘿 ，妙極啊 ！呢個 就係 聲東擊西 嘅 法子 喇 。
哈 ，亦都 算 達里麻 命不該絕 ，第一箭 就 正中 佢 嘅 左眼 ，仰後 就 𢴈低 ，第二箭 第三箭 就 連氣 射死 佢 嘅 八名 大將 。
元兵 身上 係 好多 毛 㗎 噃， 噉 明 軍 呢 叫 佢 哋 做 毛 兵 毛 將 嘅 。
沐王爺 連射 三箭 ，射死咗 一十八 員 毛將 ，呢個 呢 就 叫做 沐王爺 隔江 大戰 ，三箭 射死 茅 十八 喇 。
咩話 ？
哦哦哦 ，沐王爺 隔江 射死 毛十八 咯 。
講到 呢處 ，韋小寶 都 忍唔住 咭咭聲 咁 笑 。
茅十八噉先至明白 ，佢果然係兜咗個圈嚟鬧自己 ，就鬧佢話 ：佢阿爺喺度亂噏無為 。
沐王爺 隔江 大戰 三箭 射死 韋小寶 。
韋小寶 又 笑住 話 ：哈哈哈 ，嗰陣時 我 都 未 出世 ，沐王爺 點 射得 死 我 啫 ？
哎 你 唔好 亂咁 講 喇 ，噉 達里 麻 左眼 中咗 箭 又 點 啊 ？
啲 元兵 見到 元帥 中箭 ，跌咗 落馬 ，當堂 就 亂晒籠 啦 。
沐王爺 正係 要 下令 大軍 渡江 ，忽然間 ，聽見 隔江 啊 ，嗚嗚聲 號角 響 ，元兵 已經 有 救兵 開到 喇 。
噉 對岸 呢 亂箭齊發 ，遮到 啊 成片 天 都 黑晒 噃 。
沐王爺 又 諗到 條計 嘞 ，佢 就 派咗 手下 四員 大將 ，靜靜噉樣 ，帶兵 去 下游 渡江 ，兜到 去 元兵 陣 後 大 吹 銅角 。
呢 四 員 大將 ，我 諗 呢 ，實係 劉 、白 、方 、蘇 四 人 啊 係咪 呢 ？
韋小寶 亦 唔 知 係 定 唔 係 ， 不過 佢 又 唔 願 畀 茅十八 估中 啊 ， 就 話 ： 唔 係 咯 ， 嗰 四員 大將 呢 ， 乃 係 趙錢孫 李 。
劉 、白 、方 、蘇 四 將 就 跟住 沐王爺 身邊 吖嘛 。
哦 ，原來 噉嘅 。
噉沐王爺 就 傳 下 號令 ，叫 劉 、白 、方 、蘇 四 將 手下 嘅 兵士 齊聲 吶喊 。
同時 呢 ，就 將 啲 小船 啊 木排 就 㧬 落 江 ，派 咗 一千 名 兵 啊 裝腔作勢 詐諦 渡江 喇 。
元兵 眼見 呢 明兵 要 渡過 江 嚟 ，咪 更加 搏命 咁 放箭 啦 。
沐王爺 即刻 就 收兵 ，過咗 唔到 半個時辰 ，又 試 派兵 裝模作樣 嘅 假渡江 。
元兵 又 試 放箭 喇 ，條 江 裏 便 啊 都 唔知 射死 幾多 魚 蝦 龜 蟹 啊 。
我 又 唔 信噃 ，射死 啲 魚 呢 噉 都 話啫 ，啲 蝦 咁 細隻 ，啲 蟹 同 龜 身上 有 甲 嘅 又 點 射得 佢 死 呢 ？
你 如果 唔 信 ， 呢 嗱 等 陣 去 到 前面 墟 鎮 ， 買 隻 龜 ， 買 隻 蟹 ， 再 買 一隻 蝦 ， 用繩 穿 住 掛起 嚟 ， 再用 箭 射過去 ， 你 睇 下射 唔 射 得 佢 死 吖 ？
茅十八個心諗 ：我哋 要 趕路 ，邊度 咁 得閒 去 玩吖 ？
佢 正係 聽得 有癮 ，就 怕 韋小寶 丟橋 扭擰 唔 講 嘞 就 話 ：好喇 好喇好啦 ，你 話 射得 死 就 射得 死啦 ，噉 收尾 點 啊 ？
噉 收尾 沐王爺 手下 啲 兵士 ，喺 江 裏 便 就 執起 十八 隻 畀 箭 射 死咗 嘅 ，身上 有 毛 嘅 大龜 ，咪 煮 嚟 食咗 ，噉 就 冇事 喇 。
哈 ，你 個 死僆仔 吖 ，咁 中意 兜圈 嚟 鬧人 嘅 。
喂 ，你 講埋佢 啦 ，沐王爺 係 點樣 渡江 㗎 ？
嗱 ，沐王爺 一見 元兵 放箭 ，就 吩咐 擂鼓 吶喊 ，詐諦 渡江 嘞 。
噉樣 做 呢 做咗 好多 次 ，不過 呢 ，就 並冇 真正 渡江 噃 。
收尾 一 聽見 元兵 陣 後 啲 銅角 吹 到 嗚嗚聲 ，知道 趙 錢 孫 李 四 將 ，已經 由 下游 渡江 ，兜 到 去 元兵 陣 後 喇 ，於是 就 下令 殺 過江 去 。
眾兵將 豎起 盾牌 ，擋住 喺 身前 便 ，撐住 小船 木筏 就 渡江 進攻 。
元兵射 咗 成 大半日 箭 ， 呢 個 時候 啲 箭 都 射 得 差 唔 多射 完咯 。
聽見 陣 後 敵人 殺到 嚟 ，主將 又 中箭 重傷 ，就 不由得 軍心 大亂 啦 。
沐王爺 一馬當先 衝過去 ，元兵 就 東奔西走 ，亂晒大籠 。
沐 王爺 見到 元 兵陣 內有 一員大將 ， 打橫 噉 瞓 喺 馬上 ， 好 多元 兵 前後 保護 嘅 ， 知道 呢 個人 呢 必定 係 達里 麻喇 。
即刻 就 拍馬 追上去 ，大喝 一聲 話 ：達里麻 ，你 仲 唔 下馬 投降 ！
達里麻話 ：我我 ，我唔係 達里麻 ，我係 茅 。
沐王爺 見到 佢 左眼 之中 插住 一支 羽箭 ，箭尾 上 便 有 個 金字 正係 一個 沐字 ，噉唔係 就係 自己 嘅 羽箭 係 乜嘢 啊 ？
唔使客氣 呢噉 就 ，輕伸 猿臂 ，一手 就 捉咗 過嚟 ，喺 地 下一掟 ，喝 一聲 ：綁起嚟 ！
劉 、白 、方 、蘇 四 將 過嚟 ，撳住 達里麻 就 將 佢 綁 到 紮紮實實 。
呢一仗呀 ，元兵 大敗啊 ，喺 江中 浸死 嘅 不計其數 。
噉 江 裏 便 嘅 烏龜王八 ， 食 咗 唔 少 周身 生 毛 嘅 元 兵 嘅 尸首 ， 從此 之後 身上 有 毛 喇 。
噉呢種王八 就叫做 毛王八 ，噉 當地話 呢 叫做 毛王八 ，呢啲 係 第處 冇 㗎 。
茅十八 就 覺得 韋小寶 又 喺度 鬧 自己 嘞 ，哼咗聲 ，不過 呢 亦 唔敢 確定 ，噉 或者 雲南 啲 江水 裏 便 ，真係 有 毛王八 亦 未可知 。
韋小寶 話 ：沐王爺 大獲全勝 ，即刻 就 進兵 攻打 梁王 嘅 京城 喇 。
嚟到 城外 ，只見 城內 就 無聲無息 。
沐王爺 就 下令 擂鼓 挑戰 啦 ，只見 城頭 豎起 一 塊 木牌 ，寫住 免戰 兩個字 。
原來 梁王 知道 打唔過 就 掛起 免戰牌 。
沐王爺 仁慈 為懷 ，佢 諗 ：梁王 高掛 免戰牌 ，多數 係 想 投降 喇 。
我 如果 下令 攻城 呢 ，噉 城 破 之後 ，百姓 死傷 必定 好多 嘅 ，不如 免戰 三日 畀 佢 投降 ，免得 殺傷 百姓 啦 。
冇錯喇 ，沐王爺 一家 永遠 鎮守 雲南 ，同 明朝 同始同終 ，就因為 沐王爺 愛護 百姓 ，一片 仁心 ，所以上天 保佑 吖嘛 。
當晚 ，沐王爺 坐喺 軍營 之中 ，挑燈 夜 獨 春秋 。
喂 ，關 王爺 先至 讀 春秋 嘅 啫 ，唔通 沐 王爺 亦都 讀 春秋 咩 ？
大家 都係 王爺 ，自不然 都係 讀 春秋 啦 ，唔 讀 春秋 ，唔通 讀 夏冬 咩 ？
夏冬 係 張飛 讀 嘅 書 ， 莽 張飛 啊 有勇無謀 ， 沐 王爺 係 天上 武曲星 轉世 ， 同 關王爺 一樣 ， 只 係 讀 春秋 唔 讀 夏冬 嘅 。
茅十八 亦 唔 知道 春秋 同 夏冬 係 咩 嘢 東東 ，一味 岌頭 話 係啊係啊噉 。
韋小寶 話 ：沐王爺 讀咗 一陣 ，忽然間 要 小便 喇 ，噉啊 企 起身 ，攞起 太祖皇帝 御賜 嘅 金尿壺 ，正 話 想 小便 。
忽然間 聽見 城內 傳嚟 幾聲 大叫 ，叫聲 呀 極之 響 嘅 ，既唔係 老虎 叫 亦唔係 馬 叫 。
沐王爺 一 聽 個 心 諗 ：弊喇 。
嗰啲 係 咩嘢 叫聲 啊 ？
你 估 下 啦 。
一定係 有 幾個 元將 又 好似 達里麻 噉樣 ，喺 城 裏 便 大聲 咁 叫 啦 。
唔係 ，沐王爺 一聽 呀 ，唔 小便 喇 ，將 個 金尿壺 恭恭敬敬 噉 放翻 喺 枱處 。
點解 將 尿壺 啊 放 喺 個 枱 處 㗎 又 ？
呢個 尿壺 係 太祖 皇帝 御賜 嘅 金 尿壺 噃 ，你 估話 平常啲 尿壺 咩 ？所以 沐王爺 放 嘅 時候 呀 ，一定 要 恭恭敬敬 嘅 。
噉佢 放翻低 個 金尿壺 ，即刻 就 擊鼓 升帳 ，召集 眾 將官 。
咪攞咗 一支 金批令箭 話 ：劉將官 聽令 ！命 你 帶領 三千 士兵 ，連夜 去 捕捉 田鼠 ，捉得 多 嘅 有賞 ，捉唔到 嘅 軍法 從事 ！
劉 將官話 ：得令 ！接咗 令箭 呢 就 去 捉 田鼠 喇 。
喂 ， 捉 田鼠 又 做 咩 嘢 啊 ？
沐王爺 用兵 如 神 ，軍機 點 能夠 泄漏 嘅 呢 ？
元帥 有 令 ，照辦 就係 喇 。
接令嘅將軍 如果 問多一句 呀 ，沐王爺 一嬲 起上嚟 ，即刻 推出 帳外 斬首 啊 。
你 如果 做 沐王爺 手下 嘅 將官 ，成日 噉樣 問長問短 問來問去 ，就 你 算 有 十八 個 人頭 ，冚𠾴唥 都 畀 沐王爺 斬 晒 咯 。
我 如果 做咗 將官 就 梗係 唔問 啦 ，你 又 唔係 沐王爺 唔通 唔問得 咩 ？
唔問得唔問得㗎 。
沐王爺 攞出 第二 支 金 批令箭 ，叫 白將官 聽令 ，佢 話 ：
命 你 帶領 二萬 官兵 ， 喺 五里 之外 ， 掘 一條 長坑 ， 長 二里 ， 闊 二丈 ， 深 三丈 ， 漏夜 趕掘 ， 不得有誤 。
白將官 就 領命 而 去 喇 。
沐王爺 跟住 即時 下令 退兵 ，退 到 離 城 六 里 扎營 。
哈噉又真係奇怪 ，我 一啲 都 估唔到 嘞 。
哼 ， 沐 王爺 用兵 嘅 法子 如果 畀 你 估到 呀 ， 沐 王爺 變成 茅十八 ， 茅十八 就 變成 沐 王爺 咯 。
第二日 一早 ，劉白 二將 就 翻嚟 報告 ，田鼠 已經 捉到 一萬幾隻 ，長坑 亦 已經 掘好 喇 。
沐王爺 岌一岌頭 話 ：好 ！即刻 派 探子 去 城邊 探聽 動靜 。
到咗 午牌 時分 ，忽然間 ，聽見 城內 金鼓 雷鳴 齊聲 吶喊 。
探子 就 飛馬 嚟 報告 話 ：啟稟 元帥 ，大事 不好 ！
沐王爺 一拍 張枱 ，喝佢 話 ：何事 驚慌 啊 ？
探子 話 ：啟稟 元帥 ，元軍 大開 北門 ，城內 湧出 幾百 隻 長鼻 牛妖 ，正在 向 我軍 衝鋒 而來 啊 。
沐王爺 哈哈大笑話 ：咩 長鼻牛妖 吖 ，再探 ！探子 得令 又去喇 。
茅十八 奇怪 喇 佢 問 ：長鼻牛妖 係 咩 嘢 傢伙 嚟 啊 ？
韋小寶 好 嚴肅噉 話 ：我 早就 估到 你 亦 係 唔識 㗎 喇 。
呢啲 傢伙 個 身 啊 仲 大過 隻 牛 ，皮 粗 肉 厚 ，鼻哥 呢 好 長 好 長 ，兩 隻 尖牙 就 向 前 突出 ，一 雙 大 耳仔 翕 下 翕 下 。
個樣兇猛無比 ，噉咪就係 長鼻牛妖 咯 。
茅十八 嗯咗 一聲 ，岌一岌頭 ，佢 定神 諗下 呢個 長鼻牛妖 個 樣 究竟 係 點 嘅 。
韋小寶話 ：沐王爺 自言自語 ，呢個 探子 係 個 糊塗蟲 少見多怪 。
見到 駱駝 就 話 駝背馬 ，見到 大象 就 話 長鼻 牛妖 。
茅十八 打個突 ，跟住 就 哈哈大笑話 ：哈哈哈哈哈哈 ，呢個 探子 真係 糊塗蟲 。
啊 ，竟然 將 大象 叫做 長鼻牛妖 ，不過 呢 ，佢 係 北方人 ，從來 冇 見過 大象 噉 亦 好 難怪 嘅 。
揚州城 講古 先生 講到 長鼻牛妖 呢 一段 嘅 時候 ，茶樓 裏 便 呢必定 係 滿堂 笑聲 嘅 。
而家 韋小寶 照板 煮 碗 噉樣 講 ，果然 亦 引到 茅十八 就 開懷 大笑 。
嗱 各位 ，欲知 後事 如何 ，且 聽 下回 分解 。
