前文 再續 就 書 接 上一回 啊 。
話説 茅十八 、吳大鵬 、王潭 三個人 同 官兵 展開 一場 惡鬥 ，冇 幾耐 唧 ，已經 殺死 幾名 軍官 。
喺 旁邊 掠陣 嘅 史松 ，一聲 呼嘯 ，黑龍 鞭 出手 ，跟住 飛身 落馬 。
佢 雙腳 都 仲未 落地 ，鞭尾 已經 對住 茅十八 卷 過去 。
茅十八 使 開 五虎 斷門 刀刀法 ，見招 拆招 。
史松 嘅 軟鞭 連 氣 七八 招 厲害 招數 ，都 畀 佢 單刀 擋 返 轉頭 。
只聽見 吳大鵬 大喝 一聲 ，有個人 飛出去 噼啪 一聲 就 𢴈咗 喺 地下 ，噉 班 軍官 裏 便 又 少咗 一名 嘞 。
呢便 王潭 以 一 敵 三 ，噉 啊 漸漸 頂唔順 ，左腳 畀 鋸齒刀 割咗 一 條 傷口 ，鮮血 惦 流 ，佢 跛下跛下 浴血 苦鬥 。
同 吳大鵬 打 嗰 三個 人 嘅 武功 都 唔 弱 嘅 ，雙刀 一 劍 喺 佢 身邊 轉嚟轉去 。
吳大鵬嘅摩雲掌 一時之間 ，打佢哋唔低 ，史松嘅軟鞭 就越使越快 ，不過 始終 奈茅十八唔何 。
忽然間 一招 白蛇 吐信 ，鞭尾 向 茅十八 右膊 點過去 。
茅十八 就 打 豎把刀 嚟 擋 嘞 。
點知 史松 呢一招 乃係 虛招 ，佢 手腕 一抖 ，先 變聲 東 擊 西 ，就 再 變 玉帶 圍腰 。
黑龍鞭拂聲 揮向 左方 ，跟住 即刻 就 圈轉 ，由 左 至 右 ，向 茅十八 條 腰 就 圍過嚟 。
茅十八 雙腳 傷咗 就 唔行得 ，全靠 樖大樹 支撐 。
史松 呢 一招 玉帶 圍腰 卷過嚟 啊 ，本來 只 需要 向前 飆 或者 向後 跳 呢 就 避得開 㗎喇 ，但係 而家 就 非 硬接 硬格 不可 。
佢 即刻 將 單刀 對準 黑龍鞭 嘅 鞭尾 拍落去 。
點知 史松 突然 放手 ，就 放開 鞭柄 ，嗰條 軟 鞭 一沉 ，忽然間 兜返轉頭 卷過去 ，快 到 無比 。
噉啊 將 茅 十八 就 繑 喺 樖樹 上 便 ，總共 繑咗 三𡃈 ，啪 一聲 ，鞭尾 就 擊中 佢 右胸 。
史松 就 一心 要 生擒 茅十八 ，以便 追問 天地會 嘅 信息 。
佢 見到 吳大鵬 同 王潭 仲 喺度 打緊 未曾 降服 ，急住 要 攞翻 條 黑龍鞭 嚟 使 啊 ，即刻 護低身 執起 掉 喺 地下 嘅 一把 單刀 ，想 斬斷 茅十八 嘅 右手 。
佢 執起 把 刀 啱啱 趷起身 啫 ，忽然之間 一團 白影 冚過嚟 ，無數 咁多 粉末 飛咗 入 眼 、鼻 同埋 口 。
一時 氣 都 窒晒 ，跟住 雙眼 呢 痛到 不得了 ，好似 萬眼 鋼針 啊 一齊 㓤落嚟 噉 。
噉正話 想 開口 大嗌 啦 ，之 滿口 粉末 連 喉嚨 都 封住 ，想 嗌 都 嗌唔出嚟 。
呢一下 變故 啊 突然 到 極 ，唔怕 佢 係 個 老江湖 啊 ，亦 搞到 心慌意亂 。
手 一鬆 ，單刀 跌咗 落地 ，噉啊 用 雙手 去 捽 下 雙眼 ，捽得 一捽唧 ，噉 先至 恍然大悟 ，哎呀 ！敵人 將 石灰 糝 咗 落 我 隻 眼 處 啊 。
生石灰 遇水 就 滾 㗎喇 ，即時 將 佢 雙眼 燒爛 。
就喺呢個時候 ，個肚處 一陣 冰涼 ，一把 單刀 已經 插咗 落 佢 嘅 肚處 。
話説 茅十八 畀 軟鞭 繑住 個 身 ，諗住 呢趟 殺死 無疑 嘞 ，突然間 白粉 飛揚 ，史松 掉咗 把 單刀 ，用 手 去 捽 眼 。
噉佢正係覺得好奇怪 ，只見到 韋小寶 執起 單刀 ，一刀就插入 史松 嘅 肚處 ，跟住 呢 見到 佢 轉身 匿埋 喺 樖樹 後 便 。
史松 就 搖搖岌岌 轉咗 幾轉 噼啪 一聲 𢴈低 。
幾個 軍官 見到 大吃一驚 猛叫 ：史大哥 ，史大哥 ！
吳大鵬 左掌 一招 鐵樹開花 ，將 一名 軍官 就 打 到 飛咗 幾丈 遠 ，狂噴 鮮血 。
剩翻 五個人 睇 白 唔夠 打 喇 ，都 無心 戀戰 喇 ，轉身 就 走 ，連 馬 都 唔要 咯 。
吳大鵬 擰 轉頭 話 ： 茅兄 真 係 使得 ， 呢 個 黑龍 鞭史松 武功 高強 ， 今日 死 喺 你 嘅 手下 。
因為 佢 見到 史松 嘅 肚 畀 刀 刺中 而 死 嘅 ，噉 估計 必定 係 茅十八 殺 㗎 喇 。
點知 茅十八 擰擰頭 話 ：慚愧 啊 ，係 韋小兄弟 殺 㗎 。
吳王 兩個人 好奇 啦 ：咩話 ？係 呢個 細路 殺 㗎 ？
佢 兩個人 先頭 忙於 對付 敵人 ，就 冇 見到 韋小寶 糝 石灰 。
地下 一笪笪 都係 死屍 鮮血 ，受咗 傷 啲 人 呢 ，個 身上 趢到 周身 都係 泥 ，噉 雖然 有 石灰粉 啊 撒 喺 地下 ，噉 佢 兩個 都 冇 留意 啊 。
茅十八 左手 揸住 黑龍 鞭 鞭尾 ，鬆翻開 軟鞭 ，拂 一聲 ，就 鞭落 史松 嘅 頭處 。
史松 個 肚 中 咗 一刀 一時 都 未 死得晒 嘅 ，畀 呢 一鞭 打 正 天靈蓋 上面 當堂 冇命 嘞 。
茅十八 話 ：韋兄弟 ，你 好 功夫 噃 。
韋小寶 喺 樖 個 樹 後 便 行翻出嚟 ，佢 想起 自己 居然 殺咗 一個 官老爺 ，個 心 呢 就 有 一成 得意 就 有 九成 害怕 。
吳王 兩個人 就 半信半疑 上上下下 噉 打量 韋小寶 。
只見佢面青面白 ，周身震揗揗 ，眼淚都混晒擎 ，企都企唔穩 ；
好似 隨時隨刻 都 要 放聲 痛哭 ，或者 係 大聲 嗌 救命 噉 ，話 乜嘢 都 唔似 係 殺咗 黑龍 鞭 史松 嘅 人 吖 。
吳大鵬 問 ：小兄弟 ，你 用 咩嘢 招式 殺咗 呢個 人 㗎 ？
韋小寶 聲 震震 噉 話 ： 我 我 ， 誒 ， 係 係 ， 係 我 殺 咗 呢 個 官 官老爺 㗎 ？ 啊 唔 唔 唔 係 啊 ， 唔 係 我 殺 㗎 ， 唔 唔 唔 係 我 啊 。
佢 知道 殺 官 嘅 罪 極大 嘅 ， 佢 心慌意亂 就 唯有 搏命 抵賴 。
茅十八 皺起 眉頭 ，擰下 個 頭 佢 話 ：
吳大爺 ，王兄 ，承蒙 你 兩位 拔刀 相助 ，救咗 兄弟 條命 ，我哋 仲 打 唔打 呢 ？
吳大鵬 話 ：咩嘢 救命 吖 ，唔好 提 佢 咯 ，王兄弟 ，你 睇 呢場 交 ，都 不必 打 嘞啩 ？
王潭話 ： 唔 打 咯 。
我 同 茅兄 本來 就 冇 咩 深仇大恨 ，大家 做 個 朋友 豈不是 好 ？
茅兄 武功 高強 ，有 膽量 有 見識 ，兄弟 係 十分 佩服 嘅 。
吳大鵬 話 ：茅兄 ，我哋 走 喇 ，山長水遠 後會有期 。
茅兄 十分 佩服 天地會 嘅 陳 總舵主 ，呢句 説話 ，兄弟 一定 設法 講畀 陳 總舵主 佢 老人家 知 。
茅十八 好 歡喜 ， 佢 衝 上 一步 話 ： 你 你 ， 你 識得 陳總舵 主 啊 ？
吳大鵬 笑住 話 ：我 同 呢位 王 兄弟 都 係 天地會 宏化堂 屬下 嘅 小人物 。
承蒙 茅大哥 對 敝會 咁 睇得起 ，咪 講話 彼此 本來 就 冇 乜嘢 過節 啦 ，就算 真係 有 仇口 ，呢 亦 都 一筆 勾銷 咯 。
茅十八 又 驚 又 喜 話 ：啊 原來 ，原來 你 果然 識得 陳近南 嘅 。
吳大鵬 話 ：敝會 弟兄 眾多 ，陳 總舵主 行蹤 不定 。
在下 喺 會內 職務 低下 ，的的確確 冇 見過 陳 總舵主 嘅 面 ，先頭 並唔係 有意 呃 你 。
茅十八 話 ：原來 噉嘅 。
吳大鵬 拱 一拱手 轉身 就 行嘞 ，雙掌 連 氣 揚咗 幾揚 ，喺 每個 瞓 喺 地下 嘅 軍官 身上 補 咗 一掌 ，就 唔理 嗰個 軍官 本來 係 死定 生 。
噉啊 再 中咗 佢 個 摩雲掌 ，死咗嘅 ，就 筋折骨裂 ，仲 生 嘅 呢 亦 當堂 氣絕 嘞 。
茅十八 細細聲 喝彩 話 ：好 掌力 啊 。
睇住 佢 兩個人 去 遠咗 喇 ，自言自語 噉 話 ：原來 佢 兩個人 係 天地會 㗎 。
隔咗 一陣 同 韋小寶 話 ：去 牽 匹 馬 過嚟 啦 。
韋小寶啊 從來 未 牽過 馬 ，見 嗰隻 馬 咁 高大 個 心 好 怕 ，噉 喺 隻 馬 嘅 後 便 慢慢 壓埋去 咯喎 。
茅十八 就 喝佢 話 ：對住 馬頭 行過去 ，你 想死咩 ？你 喺 馬𦣇 柚 過去 啊 ，隻 馬 非 起腳 踢 你 不可 。
韋小寶 就 兜翻 去 馬頭 ，就 伸手 去 拉 韁繩 嘞噃 。
好彩 嗰 匹 馬 就 好 純良 嘅 ，跟住 佢 就 行 喇 。
茅十八 撕咗 一窟 衣襟 ，包住咗 右手 嘅 傷口 ，左手 喺 馬鞍 上面 一撳 ，跳咗 上 馬背 ，就 對 韋小寶 話 ：你 返 屋企 啦 。
韋小寶 問 ：你 去 邊處 啊 ？
你 問 嚟 做乜嘢 啊 ？
噉 我哋 既然 係 朋友 我 梗係 要 問下 喇 。
茅十八 黑起 塊面 鬧佢 ：你 阿爺 吖 ，邊個 係 你 朋友 啊 ！
嚇到 韋小寶 退咗 一步 ，塊面 啊唂 到 紅晒 ，眼淚水 混晒 擎 都 唔明白 佢 為 咩 事 無啦啦 突然間 大發脾氣 。
茅十八 話 ：你 點解 用 石灰 糝 落 史松 雙眼 處 啊 ？
佢 嘅 聲音 嚴厲 ，神情 呢 十分 兇惡 。
韋小寶 好 驚啊 ，又 退咗 一步 聲震震 噉 話 ：我 ，我 ，我見 佢 要 殺 你 咯 。
啲 石灰 喺 邊處 嚟 㗎 ？
我 ，我我 買 嘅 。
買 石灰 嚟 做 乜嘢 啊 ？
你話 要 同人哋 打交 ，我 見到 你 身上 有 傷 ，所以 ，咪 所以 買啲 石灰粉 嚟 幫 你 咯 。
雜種仔 你 嘩 ，呢個 法子 喺 邊處 學 翻嚟 嘅 ？
韋小寶 個 母親 係 個 妓女 ，都 唔 知道 親生 老豆 係 邊個 ，所以 佢 最 嬲 嘅 呢 ，就 人哋 鬧 佢 係 雜種仔 。
而家 一聽 ，即刻 發火 ，就 鬧翻 轉頭 話 ：
你 先至 係 死人雜種佬 啊 ，我 咒 你 茅家 十七八代 老祖宗 ，烏龜 王八蛋 你 理得 我 係 邊處 學 翻嚟 嘅 啦 。
你呢只臭烏龜 ，燜唔腍嘅老水魚 ！佢 一便 鬧 一便 匿埋 喺 樖樹 後 便 。
茅十八 雙腳 一挾 ，縱馬 過嚟 ，隻手 一伸 就 將 佢 後頸 揸住 成個 扚起 ，喝 佢 話 ：
僆仔 你 話 你 仲 鬧 唔 鬧 ？
韋小寶 雙腳 亂咁 踢 ，大叫 話 ：
你 個 爛 烏龜 臭 烏龜 死 仆街 斬 頭 鬼 叉叉叉叉 。
佢 喺 妓院 大 嘅 ，南腔北調 嗰啲 鬧人 説話 就 學咗 不計其數 ，呢個 時候 嬲起 上嚟 滿口 污言穢語 。
茅十八 就 更加 嬲 啦 ，出力 升 咗 佢 一巴 ，韋小寶 搲搲聲 咁 喊 嘞 ，鬧 到 更加 犀利 。
突然之間 ，佢 擘大 個 口 喺 茅十八 手背 上面 出力 及 咗 佢 一啖 。
茅十八 手背 一 痛 ，就 鬆手 將 佢 𢴈 咗 喺 地 。
韋小寶 發腳 就 跑 啊 ，把 口 仲 係 瘟 咁 鬧 。
茅十八 縱馬 喺 後 便 慢慢噉 跟住 佢 。
韋小寶 雖然 跑得 唔慢 啫 ，但係 佢 個人 細腳 掹 短 ，咪 點夠 隻 馬 跑吖 ，跑咗 十幾 丈 就 已經 氣喘喘 冇晒力 。
捩轉頭一睇 ，茅十八 騎住馬 同佢 距離 不過 丈零 遠 ，個心 一慌 ，跌倒 喺地 就 索性 喺地下 典嚟典去 ，大哭大叫 。
佢 平日 喺 妓院 或者 喺 街巷 周時 都 同 人哋 鬧交 打交 ，打唔過 嘅 時候 呢 就 拼爛 ，發爛渣 。
噉啊 對手 都係 大人 ，無論 點 都好啦 都冇 話 繼續 打 唔通 將佢 打死 咩 ？又 怕 畀 人 話 係 大蝦 細 嘞 ，咪 唯有 擰擰頭 就 行開 算數 。
茅十八 話 ：你 起身 ，我 有 説話 同 你 講 。
韋小寶 就 喊住 話 ：嗯嗯嗯 ，嗯嗯 ，我 唔 起身 喇 ，我 唔 起 啊 ，我 要 死 喺 處 都 好 我 都 唔 起身 喇 我 ，嗯嗯嗯 。
茅十八 話 ：好 ，我 放 馬 過嚟 踩死 你 。
韋小寶 最 唔受人嚇嘅 ，人哋 話 我 一拳 打死 你 我 一腳 踢死 你 ，呢啲 噉嘅 説話 呢 ，佢 幾乎 日日 都 聽到 一兩次 ，根本 就 冇 放 喺 心處 。
佢 即刻 大聲 咁 嗌 ：打死人 喇 ！大人 蝦 細路 啊 ，烏龜 王八蛋 啊 騎住 馬 要 踩死 我 啊 ，哇 吖吖吖 ！
茅十八 一 提 馬韁 ，匹 馬 前腳 騰空 ，好似 人 噉 企 起身 。
韋小寶 將 個 身 一 轆 就 轆開 咗 。
茅十八 就 笑住 話 ：哎 ，死僆仔 ，你 仲 話 唔怕 ？
韋小寶 話 ：我 如果 怕 你 呢個 衰公 ，就 唔係 英雄好漢 ！
茅十八 見到 佢 發爛渣 哎 搞到 冇計 嘞 ，笑住 話 ：
哈哈哈 ， 好似 你 噉 都 算 英雄好漢 呀 ？
好喇好喇 ，你 起身 啦 ，我 唔 打 你 喇 ，我 走 喇 。
韋小寶 企起身 ，成面 都係 眼淚 鼻涕 話 ：你 打 我 唔緊要 啊 ，就 唔准 你 鬧 我 係 雜種仔 。
茅十八 笑嘞 ：你 鬧 我 嘅 説話 仲 多 十倍 ，仲 難聽 十倍 啊 ，噉 大家 和和 噉 就 算數 喇 。
韋小寶 用 衫袖 抹 一抹 塊面 ，嘰嘰聲 噉 笑翻 佢 話 ：
你 摑 咗 我 一巴 ，我 咬 咗 你 一啖 ，噉 大家 和和 噉 就 算數 喇 。
喂 ，你 去 邊處 啊 ？
我 去 北京 。
去 北京 啊 ？人哋 要 捉 你 噃 ，你 點解 反而 自己 送上門 啫 ？
我 成日 聽 人 話 ，鰲拜 係 滿洲 第一 勇士 。
豈有此理 ，仲 有人 話 佢 係 天下 第一 勇士 添 ，我 啊 唔服氣 ，要 去 北京 同 佢 較量 下 。
韋小寶 聽 佢 話 要 去 同 滿州 第一 勇士 比武 ，呢場 熱鬧 唔 睇 唔得 噃 。
平時 喺 茶館 嗰度 聽 啲 茶客 講起 天子 腳下 北京城 嘅 種種 情形 ，個 心 呢 已經 恨 到 不得了 㗎 喇 。
又諗到 自己 殺咗 史松 ，官老爺 追究 起嚟 就唔係 講玩笑嘅 噃 ，雖然 大可以 賴晒 喺 茅十八 身上 啫 ，但係 萬一 拆穿咗 西洋鏡 噉 就 不得了 啦 ，仲係 溜之大吉 為妙 喇 。
於是 佢 話 ： 茅大哥 ， 我想求 你件 事得 唔 得 啊 ？
呢件事 呢 都 幾 惡做 㗎 就 怕 你 唔 敢 應承 啫 。
茅十八 就 最 憎 人 話 佢 膽小 ，當堂 㷫起 上嚟 鬧佢 話 ：
你 阿爺 吖 你個 雜 ，佢 本來 想 話 雜種仔 ，就 總算 及時 收口 ，佢 話 ：
咩嘢 敢唔敢 啊 ，你 講出嚟 啦 ，我 一定 應承 。
茅十八 諗 ：自己 條命 係 佢 救 嘅 ，噉 啊 更難 嘅事 都 要 幫 佢 吖噉 。
韋小寶 話 ：嗱 ，大丈夫 一言既出 咩嘢 馬 難追 啊吓 ，你 講過 個 説話 就 唔准 反悔 㗎 。
梗係 唔 反悔 啦 。
好 ，你 帶 我 去 北京 啦 。
你 都 要 去 北京 ？去做咩啊 ？
我 想 睇 你 同 嗰個 鰲拜 比武 咯 。
哼 ， 唔 得 嘅 ， 唔 得 嘅 ， 由 揚州 到 北京 成 千里 咁 遠 。
官府 又 正在 出 花紅 嚟 捉 我 ，一路 好 凶險 嘅 ，我 點 能夠 帶 你 去 唧 ？
我 早就 知道 㗎 啦 ， 你 應承 咗 嘅 事實 反悔 嘅 ， 你 帶 埋 我 ， 官府 容易 捉到 你 你 梗 係 唔 敢 喇 。
我 有 咩嘢 唔 敢 啊 ？
噉 你 就 帶 我 去 咯 。
帶埋 你 就 好 累贅 㗎 嘛 ，你 又 冇 同 你 阿媽 講過 ，佢 唔係 好 掛住 你 ？
我 周時 幾日 都 唔 返 屋企 都係 噉 㗎 喇 ，阿媽 從來 都 冇 掛過 我 嘅 。
茅十八 一 提 馬韁 縱 馬 就 走 ：你 呢個 僆仔 吖 噱頭 真 多 。
韋小寶 大聲 噉 叫 ：
你 唔敢 帶 我 去 ，因為 你 打唔過 鰲拜 ，怕 我 見到 你 丟架 啫 嘛 。
茅十八 怒火沖天 ，兜轉 馬頭 喝佢 話 ：邊個 話 我 打唔過 鰲拜 啊 ？
嘻 ，你 唔 敢 帶 我 去 啊 ，梗係 因為 怕 我 見到 你 打輸 嗰個 衰樣 咯 。
你 畀 人 打到 趴 喺 地 ，大叫 鰲拜老爺 饒命 啊 ，唔該 鰲拜老爺 饒咗 小人 茅十八 條 狗命 啦 ，畀 我 聽到 啊 ，醜 都 醜死 啦 。
激到 茅十八 哇哇大叫 ，縱馬 衝過嚟 ，一伸手 ，扚起 韋小寶 打橫 放喺 馬鞍 ：我就 帶 你 去 ，睇下 邊個 大叫 饒命 啦 。
韋小寶 歡喜 喇 佢 話 ：我 如果 唔係 親眼 睇見 ，噉 淨係 靠 估 呢 ，大叫 饒命 嘅 必係 你 就 唔係 鰲拜 。
茅十八 喺 佢𦣇 柚 出力 噉 打咗 一巴 喝 佢 話 ：我要 你 大叫 饒命 先 。
韋小寶 痛到 哇哇聲 ，佢 笑住 話 ：哈 ，你 隻 狗爪 打人 都 幾 痛 㗎 噃 。
茅十八 哈哈大笑 話 ： 哈哈 你 個 死 僆 仔 ， 真 係 冇 你 收 。
韋小寶 一啲 都 唔肯 蝕底 佢 話 ：
哈死僆佬吖 ，我 真係 冇 你 收 嘞 。
嗱 ，我 帶 就 帶 你 去 北京 ，不過 一路 呢 要 聽 我 話 至 得 ，唔准 亂嚟 㗎 。
邊個 亂嚟 喎 ，你 坐監 ，出監 ，殺 私鹽佬 殺 軍官 ，噉 仲 唔算 亂嚟 啊 ？
唉 ，我 唔夠 你 講 ，哦 我 認輸 喇 我 認輸 喇 。
噉啊 將 韋小寶 放 喺 自己 前面 嘅 馬鞍 上 便 ，縱馬 過去 ，又 牽 咗 一匹 馬 ，噉啊 睇 清 方向 ，向住 北 便 就 行 。
韋小寶 從來 未 騎過 馬 嘅 ，初時 有啲 怕 ，噉 諗住 挨住 喺 茅十八 身上 實唔會 跌落地 嘅 。
騎咗 五六里 路 之後 膽大 嘞噃 ，佢 話 ：
我 騎 下 嗰 匹 馬 呢 好唔好 啊 ？
茅十八 話 ：你 會 騎 就 騎 ，唔會 騎 就 趁早 唔好 試 ，因住 𢴈 斷 你 隻 腳 。
韋小寶 就 最好認 叻 㗎 喇 佢 就 車 大炮 話 ：唓 ，我 都 騎過 幾十次 馬 㗎 喇 乜 唔會 騎 啊 ？
講完 ，就 喺 馬背 跳咗 落地 ，行 去 另外 嗰 匹 馬 嘅 右便 ，遞起 右腳 ，踏入去 馬踏凳 ，隻 腳 一䟴 ，就 翻身 上咗 馬背 。
正確嘅 上馬 方法 呢 就 噉嘅 ，嗱 ，你 企 喺 馬 嘅 左便 就 一定 要 用 左腳 踏 馬踏凳 。
佢 係 用 右腳 上 凳 ，噉 一 上 馬背 ，唔係 就係 塊 面對住 馬 屁股 咯 。
茅十八 哈哈大笑 ，鬆手 放開 韋小寶 隻 馬 嘅 韁繩 ，一邊 拂落 隻 馬 嘅 後腿 ，嗰 隻 馬 放開 四蹄 就 跑 。
哇 ，嚇到 韋小寶 啊 魂不附體 ，爭啲 跌咗 落馬 。
噉啊唯有雙手出力噉揦住條馬尾 ，兩隻腳呢就挾住馬鞍 ，個身呢就趴喺馬背上便 。
只覺到 耳邊 啊 呼呼聲 風響 ，個身 就 猛咁 向後 倒退 。
好在 佢 人 細身 輕 ，揦住 馬尾 之後 呢 竟然 冇 跌落 馬 ，就 大聲 咁 嗌 ：
吖哈哈哎 ，哎死啦死喇死喇 ，哎呀不不得了喇 ，茅十八 ，你仲唔拉住馬頭 ，哎呀 ，唉老子啊咒你十八代臭祖宗啊 ，哎呀哎呀 ，吖 。
嗰隻 馬 喺 官道 上 一直 跑 咗 成 三里 路 有 多 ，噉 跑到 仲係 咁 勁 噃 。
轉咗 個 彎 ，前便 右手 分岔路 上 有 一 架 騾車 慢慢 噉 行緊嚟 。
車後 便 就 跟住 一匹 白馬 ，騎馬 嘅 呢 係 一個 廿七八 歲 嘅 漢子 。
呢一車 一馬 行咗 上 大道 呢 ，亦都 向住 北便 行 。
韋小寶 騎 嗰 匹 馬 就 冇 人 指揮 ，受 咗 驚 猛 咁 跑 就 向住 嗰 一 車 一 馬 直 衝 過去 ，噉 啊 距離 越嚟越 近 。
趕車 嘅 車 夫 大聲 嗌： 哎呀 係 匹癲馬 啊 ！ 噉 連忙 想將 騾車 拉 埋 一 便 嚟 避 。
嗰個 騎馬 嘅 漢子 掉轉 馬頭 ，呢個 時候 ，韋小寶 個 馬 已經 衝 到 佢 面前 嘞 ，嗰個 漢子 一 伸手 ，扣住 馬籠頭 。
嗰隻 馬 跑到 好快 嘅 ，不過 呢個 漢子 氣力 極 大 ，一 扣 啫 ，嗰匹 馬 當堂 企定 ，個 鼻 就 猛 噴 白氣 ，但係 呢 就 唔能夠 再 向前 跑 。
車裏 便 有 個 女子 問 ：白大哥 ，乜嘢 事 啊 ？
嗰個 漢子 話 ：有 匹 馬 漏咗 韁 ，馬上 有 個 細路 都 唔知 係 生 定 死 。
韋小寶 坐翻 起身 擰轉 頭 話 ：唉 ，唉 ，梗係 生 㗎 啦 ，點會 死 嘅 啫 ？
只見 呢個 漢子 面口 長長 ，雙目 炯炯 有神 ，着 一件 青綢 長衫 ，帽 上 便 鑲咗 塊 白玉 ，衣飾 打扮 顯然 係 個 富家 子弟 。
韋小寶啊 出身 微賤 ，最 憎 啲 有錢 人家 嘅 子弟 嘅 。
佢 出力 噉 𦧲㞘 口水 話 ： 豈有此理 吖 ， 老子 倒 騎 千里馬 ， 騎得 唔 知 幾 咁 快活 ， 哎 ， 哎 ， 就 碰到 個 仆 街 攔路 喎 ， 阻住 咗 ， 阻住 咗 老子 嘻嘻 。
一時間 ，嗰啖 氣喘 唔過嚟 就 伏 喺 馬𦣇 柚 上面 猛咁 咳 。
個 馬 𦣇 柚 一趷 ，左 後腿 倒踢 一腳 ，韋小寶 哎呀 一聲 就 𨃩咗 落 馬 ，扽 到 佢 啊呀呀 一聲 咁 大叫 。
嗰個 漢子 先頭 聽 韋小寶 出口 傷人 正話 想 發作 㗎 喇 ，收尾 見到 佢 狼狽萬分 噉 跌 咗 落 馬 ，微微 一 笑 勒 轉 馬頭 ，跟住 騾車 就 走 咗 。
茅十八 騎馬 追上嚟 大聲 嗌 ：喂 死僆仔 你 冇 𢴈死 吖 嘛 ？
韋小寶 話 ：𢴈 就 冇 𢴈死 。
老子 啊 倒騎馬 嚟 玩 啦 ，吖 ，點 要 畀 嗰個 衰公 攔住 條 路 ，激到 我 死死下 ，哎呀 ，哎喲 ，哦 ，哎喲 。
咿咿鶯鶯 啊 躝 翻起身 ，膝頭 哥 一 痛 ，即刻 跪翻低 。
茅十八 縱馬 埋去 拉住 佢 後領 一手 扚咗 上馬 。
韋小寶 吃咗 呢個 苦頭 呢唔敢 再 講話 要 自己 騎馬 嘞 ，噉 啊 兩個人 騎 一匹 馬 ，跑咗 三十幾 里 路 。
呢個 時候 太陽 已經 嚟到 頭頂 ，佢哋 去到 一座 小 市鎮 。
茅十八 就 慢慢 噉 喺 馬背 瀡 落地 ，然後 抱 韋小寶 落馬 ，去 一 間 飯店 打尖 嘞 。
嗱 各位 ，欲知 後事 如何 ，且 聽 下回 分解 。
