張清 同 董平 啊 打得 非常 燦爛 ，兩個 攬埋 一嚿 僂 。
喺 宋江 陣上 索超 望見 噉 唄 ，就 舞起 把 大斧 ，衝上去 幫手 嘞 噃 。
噉 對陣 龔旺 同 丁得孫 呢 ，兩 騎馬 一齊 衝出嚟 截住 索超 廝殺 。
張清 、董平 又 分拆 唔開 ，索超 、龔旺 、丁得孫 啊 三匹馬 攪 成 一堆 。
林沖 、花榮 、呂方 、郭盛 ，四員 大將 一齊 湧晒 出去 ，兩條 槍 、兩支 戟 ，嚟 幫 董平 、索超 嘞 。
張清 見唔係 頭路 咯 ，撇開 董平 就 跑馬 入陣 。
董平 就 唔肯 放過 佢 啊 ，直 撞入去 ，哈一下 就 唔記得咗 提防 石仔 。
張清 見 董平 追嚟 ，暗暗 攞 粒 石仔 喺 手 嚟 ，等 佢 隻 馬 嚟 得 近 喇 ，喝 一 聲 話 ：着 ！
董平 急急 一閃 ，嗰粒 石仔 呀 ，喺 耳腳 上面 啡聲 擦過去 。
嘿咪搞 ，董平 就 返轉頭 喇 。
索超 撇開 龔旺 、丁得孫 ，亦都 追入 陣 嚟 。
張清 停住 槍 又 攞 粒 石仔 ，對住 索超 就 打過去 ，索超 閃 都 閃唔切 就 打 個 面 處 叭叭聲 流血 ，即刻 攞住 斧頭 回陣 嘞 。
呢 個 時候 ， 林沖 、 花榮 ， 就將 龔旺 截住 喺 一 便 ；
呂方 、郭盛 呢 ，就 將 丁得孫 亦 截 埋 喺 另一 便 。
龔旺 個 心慌 ，就 將 飛槍 摽 出嚟 ，哈 ，就 摽唔到 花榮 、林沖 。
飛槍 摽 到 人 就 話贏 啫 ， 摽 唔 到 人 就 冇 咗 軍器 嘞 噃， 就 畀 林沖 、 花榮 監生 捉 咗 返去 。
呢便丁得孫 就 舞起 飛叉 ，死命 噉 抵敵 呂方 同 郭盛 。
浪子 燕青 呢 ，喺 陣 門 裏 便 見咗 佢 就 諗 喇 ：
我哋 呢便 畀佢 一陣 咁耐 ，就 打咗 一十五 員 大將 ，如果 連 佢 一個 偏將 都 捉唔到 仲有 乜嘢 面 啊 ？
佢 放低 條棍 ， 喺 身邊 攞 出 張 弓 ， 射 佢 一 箭 ， 噱聲 下 就 正中 丁得孫 嘅 馬蹄 ；
嗰隻 馬僂 低 ，就 畀 呂方 、郭盛 呢 捉住 丁得孫 。
張清 想嚟 救 呢 ，但係 寡不敵眾 吖 ，就 唯有 押住 劉唐 就 返去 東昌府 。
太守 喺 城 上 見到 張清 前前後後 ，打咗 梁山泊 一 十五 員 大將 ，雖然 係 損失咗 龔旺 同 丁得孫 ，不過 而家 亦 捉到 呢個 劉唐 吖 。
噉返到嚟州衙門呢 ，就 將 劉唐啊 攞 副 長枷 釘住 收入 監 先至 算 。
而家 再 講下 宋江 ，佢 收兵 返嚟 ，就 將 龔旺 同 丁得孫 啊 送 上去 梁山泊 先 。
宋江啊 再 同 盧俊義 、吳用 商量 話 ：
唉 ，我 聽聞 喺 五代 嘅 時候 ，大梁 王 彥章 ，日影 都 未 移動過 就 連 氣 打 勝 唐 將 三十六 員 。
今日 ，張清 一陣 咁 耐啫 ，就 連 氣 打 咗 我 一 十五 員 大將 ，真係 不在此人之下 㗎 ，係 個 猛將 啊 。
大家 都 冇 説話 講 。
宋江 又 話 喇 ：我 睇 呢個 人 佢 全 靠 龔旺 、丁得孫 做 羽翼 。
而家 佢 嘅 手足 羽翼 畀 我哋 捉咗 咯 ，噉 我哋 就 諗 條 好 計 嚟 捉 呢個 人 啦 。
吳用話 ：兄長 放心 ，小生 見識過 呢個人 ，摸到 佢 嘅 脾胃 ，已經 安排好 計劃 喇 。
我哋 將 受咗傷 嘅 頭領 送返去 山寨 先 ；
然後 ，叫 魯智深 、武松 、孫立 同 黃信 、李立 ，率領 全部 水軍 ，安排 車輛 船隻 水陸 並進 ，氹 張清 出嚟 ，嗱 ，噉噉噉 ，就 大功告成 喇 。
吳用 就 佈置 好嘞 喎 。
而家 再 講 下 張 清 佢 喺 城內 同 太守 商量 ，佢 話 ：
雖然 係 贏咗 仗 啊 ，之 賊 勢 根本 未 除 㗎 ，我哋 ，使 人 去 探聽 虛實 ，再 作 打算 啦 。
於是就 派人 去 偵察 ，過咗 一陣 ，嗰個 探事人 返嚟 報告 話 ：
係呀寨後西北方啊 ，唔知 喺邊處 運咗 咁多 糧食 ，有 百幾架車 ，條河 處 呢 ，又 有 糧草船 ，大大細細 有成 五百幾隻 。
佢哋 水陸 並進 ，船 馬 同嚟 ，沿路 呀 有 幾個 頭領 監管 㗎 。
太守 就 話 喇 ：咦 ，呢班 賊人 ，唔通 係 有計 ？你 千祈 唔好 遭 佢 毒手 噃 。
不如 再 派 人 去 探聽 下 ，睇 下 究竟 係 真 係 假 至 得 。
第日 ，探事人 返嚟 報告 話 喇 ：
大人啊 ，車上面 都係 糧食啊 ，仲 賴瀉啲 米 添噃 。
嗰啲 船 呢 ，雖然 係 有 嘢 冚住 嘅 ，不過 都 見到 啲 米袋 露出嚟 㗎 。
張清 話 喇 ：好 ，今晚 出城 ，先 截 岸上 嘅 車 ，然後 去 打 佢 水上 嘅 船隻 。
太守 你 助戰 一鼓而得 啊 。
太守 話 喇 ：哎呀 ，呢條 計 好 妙 啊 ，不過 將軍 一定 要 小心 在意 至 好 啊 。
當晚 ，就 叫 啲 兵卒 食飽 佢 一餐 ，披掛 好喇 。
張清啊 手執 長槍 ，率領 一千 兵卒 ，靜 雞雞噉 出城 。
當晚 ，微微 有啲 月色 ，滿天 星斗 。
行咗唔到 十里 ，就 望見 一大隊 車 ，旗 上面 就 明明 寫住 水滸寨 忠義 糧噉 。
張清 啊 見到 魯智深 擔住 支 禪杖 ， 嗰 件 黑色 嘅 和尚 袍 呢 就 擸 起 衫 腳 扎 喺 腰 嚟 ， 帶頭 行先 。
張清 就 話 喇 ：哼 ，等 呢個 禿驢 嘅 頭殼 ，捱 我 一下 石仔 至得 。
魯智深 啊 擔住 禪杖 ，呢個 時候 呢佢 亦 望見 張清 喇 。
佢 詐 假意 唔知 噃 ，大踏步 一味 行 ，哈 ，就 唔記得咗 提防 佢 嘅 石仔 。
行行下 ，張清 喺 馬上 喝 一 聲 話 ：着 ！
一粒 石仔 啊 飛 正 魯智深 嘅 頭殼 上面 嘩 打到 佢 鮮血 惦 流 ，向後 就 跌倒 。
張清 嘅 人馬 喎 嗬噉 一齊 吶喊 ，就 衝過嚟 。
武松 急急 舞起 兩把 戒刀 ，死命 去 救返 魯智深 啊 掉低咗 糧車 就 走 。
張清 搶到 啲 糧車 ，見到 果然 係 米 嚟 個 心 都 唔知 幾 高興 ，就 唔去 追 魯智深 喇 ，就 押住 啲 糧車 推 咗 入 城 。
太守 見咗 亦 非常之 歡喜 ，即刻 收起嚟 ，放咗 入 倉 。
張清 話 喇 ：我 而家 再 去 搶 佢 河 裏 便 嘅 米 船 。
太守 話 好 啊 ， 將軍 小心 啲 啊 ， 小心 啲 啊 。
張清 上馬 就 轉過咗 南門 ，係噃 ，只見 喺 河 上 啲 糧船 呀 不計其數 咁多 。
張清 就 命令 打開 城門 ，一齊 吶喊 啊 衝到 河邊 。
哈 ，弊喇 ，先頭 仲 係 有啲 月色 星光 㗎 ，點知 而家 忽然間 就 陰雲滿布 ，黑霧 遮天 。
啲 馬步 軍兵 擰轉頭 睇下 ，你 同 我 對面 都 唔 見 人 嘅 ，誒 點解 呢 喂 ？
嘿 ， 原來 係 公孫勝 使緊 法術 啊 。
張清 見到 噉 啊 ，心 又 慌 時 眼 又 朦 ，想 話 返 扯 啦 ，進退 都 無 路 。
四周圍 一片 吶喊聲 ，都唔知 梁山人馬 喺邊處 打嚟 嘅 。
冇幾耐 ，林沖 帶住 鐵騎 軍兵 ，兩下 手腳 啊 將 張清 連 人 帶 馬 趕咗 落水 。
喺 河 裏 便 ，原來 係 李俊 、張橫 、張順 、三阮 、兩童 ，八個 水軍 頭領 ，一字 噉 擺 正 喺 嗰 處 。
張清啊 就算 有 三頭六臂 啊 都 掙扎 唔甩 㗎 啦 呢趟 ，就 畀 阮氏 三雄 捉住 ，哈 好似 扮 蟹 咁 扮 ，畀 啲 繩 啊 捆實 佢 ，送咗 入 寨 嘞 。
噉啊 水軍 頭領 就 飛報 宋江 ，話 捉到 張清 喇 噉 啦 。
吳用啊即刻催促大小頭領 ，漏夜攻城 。
噉啊 剩返 太守 一個人 就 點 支持得住 吖 ，聽見 城外 四面 炮響 ，好快 就 攻破 城門 喇 ，嚇到 個 太守 呀 ，手揗 腳震 都 冇 路 趯 。
宋江 嘅 兵馬 殺入 城中 ，首先 就 救咗 劉唐 ；
跟 住 呢 就 打開 倉庫 ， 將 啲 錢糧 一部分 就 送 返去 梁山泊 ， 一部分 呢 就 分 畀 啲 居民 。
呢個 太守 平時 又 好 清廉 ，係 個 清官 嚟 ，就 饒恕咗 佢 冇 殺 佢 。
噉 宋江 佢哋 喺 州衙門 裏 便 ，聚集 眾位 頭領 會面 喇 。
只見 水軍 頭領 ，將 張清 解嚟 喇 。
嗰啲 畀 張清 打傷過 嘅 弟兄 呀 ，嗨呀 ，咬牙切齒 ，都 要 嚟 殺 張清 報仇 噃 。
宋江見 張清押 到 喇 ， 親自 落去 堂 階 迎接 佢 ， 佢 仲 賠禮 話 ：
誤犯虎威 ，千祈唔好介意啊 。
就 請 佢 上 大廳 。
説話未講完 ，只見 堂階下 便 魯智深 ，用 條 手巾 包住 個 頭 ，攞住 鐵 禪杖 ，直 衝上嚟 要 打 張清 。
宋江啊隔開 ，喝佢話 ：唔准逳手 唔准逳手 。
張清 見 宋江 咁 義氣 ，就 跪低 叩頭 情願 投降 喇 。
於是 宋江 啊 攞 杯 酒 嚟 ，奠 喺 地下 ，拗斷 支 箭 發誓 話 ：
各位 弟兄 如果 要 報仇 就 皇天 不佑 ，死於 刀劍 之下 。
大家 聽咗 就 冇人 敢 再 出聲 。
唉 ，亦都係 天罡星 啊 合當 會聚 ，噉 梗係 義氣 相投 。
宋江 發完誓 又話 ：各位 弟兄 ，唔好 為咗 噉 就 傷咗 情分 啊吓 ，哈哈哈哈哈哈哈哈 。
眾人 一齊 放聲 大笑 ，都 唔知 幾 歡喜 。
就 收拾 軍馬 準備 回 山 喇 。
當時 張清 喺 宋公明 面前 就 舉薦 東昌府 一個 獸醫 ，呢個人 呢 叫做 皇甫端 。
張清話 ： 呢 個人 ， 好會 相馬 㗎 ， 啲 牲口 有 咩 嘢 寒暑 病症 ， 落 藥用 針一醫 就 好 ， 真 係 有 伯樂 之才 。
佢 係 幽州 人氏 ，因為 佢 生得 碧眼 黃鬚 ，相貌 十足 個 番人 ，所以 人人 都 叫 佢 做 紫髯伯 。
梁山泊 亦 用得着 佢 㗎 ，不如 請 佢 帶埋 妻小 一齊 上山 呢 。
宋江 聽咗 好 歡喜 佢 話 ：
如果 皇甫端 肯 去 聚義 ，噉 就 好 到 極 咯 。
張清 見 宋江 確係 咁 愛惜 人才 嘅 ，即刻 就 去 嗌 皇甫端 嚟 拜見 宋江 同 各位 頭領 。
宋江 見咗 皇甫端 一 表 非 俗 ，碧眼 重瞳 ，啲 鬍鬚 啊 攣攣 弓弓 ，過咗 肚腩 咁 長 嘅 ，就 非常 誇獎 佢 。
皇甫端 見到 宋江 係 咁 義氣 ，個 心 好 歡喜 ，願意 一同 去 聚義 。
跟住 宋江 呢 就 落 命令 ，要 各位 頭領 啊 收拾 車仗 、糧食 、金銀 一齊 出發 ，將 東昌府 、東平府 嘅 兩 府 錢糧 啊 運 返 去 山寨 。
前軍 後軍 啊 各位 將領 ，各自 率領 人馬 就 返去 梁山泊 。
大家 返到 梁山泊 忠義堂 之後 啊 ， 宋江 啊 叫 人將 龔旺 、 丁得孫 放出 嚟 ， 亦 都 好好 地 嚟 撫慰 佢 哋 ， 於是 兩個 人 呢 都 叩頭 歸降 。
噉呢 一次啊 ，又 添咗 皇甫端 喺 山寨 ，專 做 獸醫 。
董平 、張清 ，亦都 做咗 山寨 嘅 頭領 。
宋江 好高興 ，連忙 叫人 擺酒 慶賀 ，噉 大家 都 喺 忠義堂 上 ，依住 次序 坐落 。
宋江 睇住 咁多 頭領 ，點 一點 ，啱啱 係 一百零八 員 ，噉 佢 又 對 各位 弟兄 話喇 ：
我 宋江 自從 鬧咗 江州 上山 之後 ，全靠 眾位 弟兄 英雄 扶助 ，立我 為 尊 。
而家 總共 聚集 到 一百零八 員 頭領 ， 哈 ， 個心 真 係 歡喜 啊 。
自從 晁蓋 大哥 歸天 之後 ，但凡 帶 兵馬 落山 ，必定 係 得勝 返嚟 ，呢啲 係 上天 保佑 啊 。
同時 ，縱使 有 弟兄 畀 人 捉咗 ，韞 喺 監 嚟 ，或者 係 受咗 傷 ，終歸 都係 冇事 嘅 。
而家 一百零八 人 ，都 喺 晒 呢處 喇 ，確係 古往今來 實為 罕有 啊 ，哈哈哈哈哈哈 。
從前 我哋 兵馬 一 到 ，殺害 生靈 ，都 未曾 祭過 佢哋 。
我個心 ，想 舉辦 一次 羅天大醮 ，報答 下 天地 神靈 眷佑 之 恩 ：
一則 就 祈求 上天 保佑 眾位 兄弟 ，身心 安樂 ；
二則 ，就 惟願 朝廷 早 降 恩光 ，赦免 我哋 逆天 大罪 ，噉 我哋 就 應當 竭力 捐軀 ，盡忠 報國 死而後已 ；
三則上薦 晁天王 早生 天界 ，世世 生生 再得 相見 ，同時 超度 橫亡 、惡死 、火燒 、水溺 ，一切 無辜 被害 嘅 人 ，個個 都 得到 善報 。
我就係 想辦 呢一件事 ，唔知 各位 弟兄 意下 如何 呢 ？
眾位 頭領 都 稱讚 話 喇 ：好啊好啊 ，呢個 係 善果 好事 嚟 ，大哥 嘅 主張 唔錯 啊 。
吳用 就 話 喇 ：
噉就 請 公孫勝 主持 打醮 呢件事 ，然後 我哋 叫人 落山 去 四周圍 請 啲 有道行 嘅 道士 上嚟 山寨 。
同時 呢 ，就 使人 去 買齊 嗰啲 香燭 啊 紙馬 啊 ，花果 啊 祭儀 啊 齋菜 啊 等等 一切 合用 嘅 物件 啦 。
於是呢 就 擇咗 個 好日 ，就 連 氣 七晝夜 打醮 。
就 嚟 到 日子 喇 ， 喺 忠義堂 前 啊 ， 掛起長 幡 四支 ， 喺 堂上 啊 搭 咗 三層 高台 ；
堂內 呢 就 擺住 七寶 三清 聖象 ，兩邊 兩便 ，設 二十八宿 ，十二宮辰 ，一切 主醮 星官 神像 ；
喺堂外 ，就 擺住 監壇 崔 、盧 、鄧 、竇 四位 神將 。
安排 準備 妥當 喇 ， 道士 亦 請 齊返 嚟 喇 ， 噉 啊連 公孫勝 啊 總共 係 四十九 員 。
嗰日 ，天 和氣 朗 ，月 白 風 清 。
宋江 、盧俊義 就 為 首 ，吳用 同埋 眾位 頭領 啊 就 按住 次序 上香 。
公孫勝啊 主持 呢件事 吖 ，就 帶住 嗰 四十八 員 道士 啊 ，都 喺 忠義堂 上 打醮 ，每日 呢 就 拜 三次 。
到咗 第七日 ，打完 醮喇 。
宋江 呢 要 祈求 上天 指示 啊 ，就 特意 叫 公孫勝 啊 寫咗 張 青詞 ，虔誠 拜請 啊 奏聞 天帝 。
就到 第七日半夜 ，公孫勝 喺 虛皇壇 嘅 第一層 ，啲 道士 就 喺 第二層 ，宋江 同 眾位 頭領 喺 第三層 ；
所有 個 小頭目 同埋 啲 嘍啰 呢 都 喺 壇下 ，個個 都 懇求 上蒼 ，賜下 指示 。
當晚 三更 嘅 時候 ，聽見 天上面 咧噉 一聲 好似 撕開 匹布 噉 ，正正 喺 西北 乾方 嘅 天門 上 便 。
大家 一 睇 下 ，嘩 ，好似 啊 ，直篤篤 噉 豎起 個 金盤 ，兩頭 尖 啊 中間 闊 ，叫做 天門 開 ，又 叫做 天眼 開 噃 。
裏便啊毫光耀眼 ，霞彩繚繞 ，喺中間呢捲出一團火嚟 ，就圓沊沊噉嘅 ，一直碌嚟到虛皇壇 。
嗰 團 火 ，繞住 個 壇 就 碌咗 一𡃈 ，就 鑽咗 入去 正南 地下 噃 。
呢個 時候 呢 ，天眼 已經 合埋 喇 ，噉 啲 道士 落咗 壇 。
宋江 即刻 叫人 啊 帶埋 鐵鏟 啊 、鋤頭 啊 掘開 啲 泥 ，就 去 搵 嗰 團 火 咯 喎 。
乜掘掘下掘到三尺深咁上下 ，見到 有個 石碑 ，喺 正面 兩側 ，都 有 天書 文字 嘅 。
當時 宋江 啊 吩咐 化紙 、滿散 ，結束 打醮 。
到咗天光 ，就 請 啲 道士 食咗齋 ，畀咗 錢 過 佢哋 。
然後 先至 攞 個 石碑 過嚟 睇下 ，上便 呢 係 龍章 鳳 篆刻 住 蝌蚪文 ，冇人 識 。
喺 道士 裏頭 啊 ，有 一 個 人 姓 何 ，叫做 玄通 ，佢 就 對 宋江 話 喇 ：
小道 嘅 祖先 留落 一冊 文書 ，係 教 人 辨驗 天書 嘅 ，裏頭 都 係 古時 嘅 蝌蚪 文字 ，所以 呢 貧道 係 識 睇 ，等 貧道 譯 出嚟 ，就 知道 講 乜嘢 㗎 喇 。
宋江 聽咗 非常之 歡喜 ，連忙 捧過 石碑 啊 畀 何道士 睇 。
何道士 睇咗 好耐 就 話 喇 ：
啊 呢個 石碑 上 便 ，都 係 刻住 各位 義士 嘅 名字 㗎 噃 。
側跟 一邊 呢 ，係 替天行道 四個字 ，呢一便 係 忠義雙全 四個字 ；
頂上呢 ，都 有 星辰 南北 二斗 ；
誒下便就係 各位 嘅 名字 喇 。
如果 唔見怪 咯 ，貧道 就 從頭 一一 噉 讀出嚟 呢 。
宋江 話 喇 ：哎呀 好彩 得 你 指點 迷津 緣分 不 淺 啊 ，得到 你 指教 ，真係 感激 。
誒上天 如果 有 咩嘢 指責 嘅 説話 ，請 你 唔好 隱瞞 ，萬望 盡情 剖露 ，一個字 都 唔好 漏噃 。
於是 宋江 就 叫 聖手 書生 蕭讓 嚟 ，吩咐 佢 用 黃紙 嚟到 抄寫 。
何道士 就 話 喇 ：前面 有 天書 三十六 行 ，寫 嘅 都 係 天罡星 。
背後 亦 有 天書 七十二 行 ，寫嘅 係 地煞星 ，下便 就 注住 各位 義士 嘅 姓名 喇 。
佢 睇咗 好耐 就 讀出嚟 ，叫 蕭讓 啊 從頭至尾 ，全部 嚟到 抄寫 。
喺 石碣 前 便 啊 ，寫住 梁山泊 天罡星 三十六 員 。
天魁星 ，呼保義 宋江 ；天罡星 ，玉麒麟 盧俊義 ；天機星 ，智多星 吳用 ；
天閒星 ，入雲龍 公孫勝 ；天勇星 ，大刀關勝 ；天雄星 ，豹子頭 林沖 ；
天猛星 ， 霹靂火 秦明 ； 天威 星 ， 雙鞭 呼延 灼 ； 天英星 ， 小 李廣花 榮 等等 。
石碑 嘅 後便 呢 ，就 寫住 地煞星 七十二 員 。
就係 ：地魁星 ，神機軍師 朱武 ；地煞星 ，鎮三山 黃信 ；地勇星 ，病尉遲 孫立 ；
地傑星 ，醜郡馬 宣贊 ；地雄星 ，井木犴 郝思文 ；地威星 ，百勝將 韓滔 ；
地英星 ， 天目 將彭 玘 ； 地奇星 ， 聖水 將 單廷 珪 ； 地 猛星 ， 神火 將 魏定國 等等 。
有啲 聽眾 會話 喇 喂喂 老張 啊 ，人哋 石碑 上面 係 刻住 三十六 天罡 七十二 地煞 。
乜 你 噏 幾 噏 等等等 噉 就 算 㗎 喇 ，乜 咁 偷雞 㗎 ，哈哈 ，唔係 偷雞 ，我 又唔係 時遷 。
不過 當晚 何道士 啊 一個個 噉 讀出嚟 畀 阿蕭 讓 抄 ，足足 讀咗 成 半個 時辰 。
如果 我 又 照住 讀 呢 ，又 怕 嘥咗 各位 嘅 寶貴 時間 啦 。
所以 呢 ， 就 如果 有邊 位想 知道 一百零八位 好漢 啊 ， 邊個 係 乜 乜星 乜 乜星 ， 就 請 你 哋 自己 去查 一查 部書罷 喇 。
噉 當時 何道士 讀完 天書 ，叫 蕭讓 抄咗出嚟 ，大家 睇咗 啊 都 唔知 幾 驚奇 。
宋江 同 眾位 頭領 話 喇 ：
我 呢個 鄙猥 小吏 ，原來 上應 星魁 ，各位 兄弟 亦都 原來 都係 一會之人 。
上天 顯應 就 合當 聚義 。
而家 人數 已經 足夠 ，又 分定咗 次序 ，各位 頭領 應該 各守其位 唔好 爭執 ，唔好 逆咗 天言 啊 。
大家 都 話 ：天地 之 意理 數 所 定 ，邊個 敢 違拗 呢 ？
宋江 就 攞咗 黃金 五十 兩 ，酬謝咗 何道士 。
噉 其餘 嘅 道士 啊 收咗 錢 ，執拾 好 打醮 個 用具 四散 落 山 ，呢啲 就 唔 講 佢 。
而家 講 下 宋江 同 軍師 吳學究 ，朱武 佢哋 喺度 商量 ，話 喺 堂 上 要 立 一 面 牌額 ，大書 忠義堂 三個 字 ，斷金亭 呢 亦 換 個 大 牌匾 噉 。
忠義堂 嘅 後便 啊 ，要 建築 雁台 一座 ，頂上面 正面 大廳 一間 ，東西 就 各 設 兩房 。
正廳 呢 ，就 供養 晁天王 嘅 靈位 。
山前南路 ，設立 三關 ，東山 、西山 、北山 就 各 設 一關 ，總共 就 六關 。
六關 之外 呢 ，就 再 設 東 、南 、西 、北 啊 四個 旱寨 ，東南 、西南 、東北 、西北 啊 四個 水寨 ，各各 啊 分派 頭領 把守 。
又 重新 設置 旌旗 等等 ，山頂 上面 ，要 立 一面 杏黃 旗 ，上書 替天行道 四個 字 。
喺 忠義堂 前 呢 ，要 豎起 繡字 紅旗 兩面 ：一面 就 寫住 山東 呼保義 ，一面 寫住 河北 玉麒麟 。
另外 呢 ， 又 設飛 龍飛虎 旗 、 飛 熊飛豹 旗 、 青龍 白虎 旗 、 朱雀玄武 旗 、 黃鉞白 旄 、 青幡皂蓋 、 緋纓 黑 纛 ；
中軍 器械 之外 呢 ， 又 有 四斗 五方 旗 、 三才 九曜旗 、 二十八宿 旗 、 六十四 卦 旗 、 周天 九宮 八卦 旗 、 一百二十 四面 鎮天旗 ， 嘿 呀 ， 認真 夠晒 威勢 啊 。
噉 一切 完備 喇 ，就 擇定 吉日 良時 ，殺 牛 劏 馬 祭獻 天地 神明 ，掛上 忠義堂 同 斷金亭 嘅 牌額 ，立起 替天行道 嘅 杏黃 旗 。
喺 宣和 二年 四月 初一 ，梁山泊 大 聚會 。
宋江 又 頒佈 命令 ，分派 各位 頭領 嘅 職務 ，然後 呢 ，就 各人 領 咗 兵符 印信 。
宋江 叫人 焚起 一爐香 ，佢 同 大家 話 ：
各位 兄弟 ，今 非 昔比 啊 ，我 有 幾句 説話 要 同 大家 講 。
今日 ，既然 係 天罡地曜 相會 ，必須 要 對 天 盟誓 ，各 無 異心 ，死生 相托 ，患難 相扶 ，一同 保國安民 啊 。
大家 都 好 歡喜 都 話 應該 應該 。
噉啊 各人 都 上完 香 ，一齊 跪 喺 堂 上 ，宋江 為首 發誓 話 喇 ：
宋江 鄙猥 小吏 ，無學無能 ，荷 天地 之 蓋載 ，感 日月 之 照臨 ，聚 弟兄 於 梁山 ，結 英雄 於 水泊 ，共 一百八 人 ，上 符 天數 ，下 合 人心 。
自今以後 ，若是 各人 存心不仁 ，削絕 大義 ，萬望 天地 行誅 ，神人 共戮 ，萬世 不得 人身 ，億載 永沉 末劫 。
但願 共存 忠義 於 心 ，同著 功勳 於 國 。
替天行道 ，保境安民 。
神天鑒察 ，報應昭彰 。
讀完誓詞 ，大家 都 同聲 共願 啊 ，但願 生生相會 世世相逢 ，永無 斷阻 。
當日 ，歃血誓盟 ，盡醉方散 。
呢 ，呢個 就係 梁山泊 大聚義 喇 。
有詩為證啊 ：
光耀 飛離 土窟 間 ，天罡 地煞 降 塵寰 。
說時 豪氣 侵 肌 冷 ，講處 英雄 透 膽 寒 。
仗義 疏財 歸 水泊 ，報仇 雪 恨 上 梁山 。
堂前 一卷 天文字 ，付與 諸公 仔細 看 。
各位 親愛 嘅 聽眾 ，水滸傳 講到 呢處 就 講完 喇 ，好多謝 各位 收聽 ，再會 ，再會啊 。
